حسام يوسف بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 :sad: السلام عليكم أنا عارف ان الموضوع ده ممكن ناس كتير ماتصدقوش وعارف ان هيتقال :ايه يا عم ؟ انت بتخزى العين؟ وعارف ان ممكن بعض زملاء المهنة يزعلوا ويشوفوا انى مأفورها ومكبر الامور لكن صدقونى الصيادلة المصريين فى خطرداهم وهم عظيم ولسة هتزيد المصيبة كل سنة الحكاية باختصار الزيادة الرهيبة الفظيعة فى أعداد الصيادلة المقبولين كل عام والذين يخرجون لسوق العمل المشبع أصلا حتى غير المتخصصين ممكن يلاحظ كنت وانا صغير لما البيت يبعتونى أروح أجيب دوا أمشى مشاوير دلوقتى ماشاء الله الصيدليات زى الرز الكلام ده مش بس فى أسوان لأ أبسوليوتلى المشكلة دى فى مصر كلها يعنى الجيزة عتبة عابدين (مع الاعتذار لليمبى) لو بصيت فى أى بلد أو حى حتى ممكن تعد عدد بتوع الفول البقالة محلات الملابس بتوع الجرايد الصيدليات وشوف اكتر عدد لنشاط منهم هيبقى مين طبعا الصيدليات باكتساح رهيب حتى ف الخليج هتلاقى عقود الاطباء المهندسين المحامين المدرسين المحاسبين أحسن بكتير من عقود الصيادلة اللى كانت عقودهم من 10سنين 8 أو 9 الاف ريال سعودى دلوقتى احسن عقد والعبدلله كنت طالع علية فى علقة جدة 3.5 الف ريال مسخرة wst:: الزيادة الفظيعة فى أعداد المقبولين والخريجين زائدة عن حاجة أى سوق فى أول التسعينيات كان فيه فى مصر 7كليات صيدلة كليات منهم كان عدد الدفعة 200 وأخرى 500 أو 600 الان 15 كلية صيدلة عامة وخاصة والكلية اللى كانت بتاخد 200 بقت بتاخد 1000 أوعوا تدخلوا ولادكوا صيدلة ولا حول ولا قوة الا بالله wst:: رابط هذا التعليق شارك المزيد من خيارات المشاركة
حشيش بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 معلش ياحسام ولو إن التعليق مش فى صلب الموضوع مباشرة ... لماذا لا يحاول الصيادلة العمل بما تعلموه أثناء دراستهم الطويلة والشاقة ؟! ... لماذا يقبلون بالعمل كبائعين فى الصيدليات بدلاً من ممارسة مهنة الصيدلة الحقيقية داخل شركات أدوية تعمل فى مجال البحث والتطوير للعقاقير الطبية ؟! ... لماذا لا يبدأ الخريج الجديد محاولات جادة للهجرة إلى الخارج لتحقيق طموحه المادى والعلمى جنباً إلى جنب ... لى صديق صيدلى كنت ذات مرة على مقربة من الصيدلية التى يعمل بها فدخلت للسلام عليه وعلى ما شربت الشاى كنت شفت العجب بصراحة !! ... زبون يدخل يقول له (عايز مجموعة أنفلونزا) فيروح مديله ورقة صغيرة جاهزة ب جنيه باين فيها كبسولة مضاد حيوى معرفش إسمه إيه وحباية نوفالجين وقرص فيتامين سى وبعد شوية يدخل زبون عايز اولد سبايس افتر شيف وبعدها واحدة داخلة عايزة اولويز ... إيه ياخوانا اللى بيحصل ده ! أَلا إِنَّ نَصْرَ اللَّهِ قَرِيبٌ رابط هذا التعليق شارك المزيد من خيارات المشاركة
مهيب بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 كلامك مهم جدا يا حشيش .. أنا أغلب أصحابى صيادلة .. و كثيرا ما أخبرتهم بأن الصيادلة تهاونوا فى حق وظيفتهم و هذا سيأتى آثاره عليهم .. معظم طلاب الصيدلة كانوا يدخلون الكلية طمعا فى أنه بعد التخرج سيسجل اسمه صاحب صيدلية (نظير مرتب شهرى) و مدير صيدلية أيضا نظير مرتب شهرى ثم عقد عمل فى الخارج أو عمل فى مجال الدعاية فى الداخل أفضل كثيرا من مستقبل الطبيب .. و لم يكن يهمهم أنهم مستندون بشكل أو بآخر لمسائل قانونية تمنع أى شخص عادى أن يفتح صيدلية أو يديرها الا اذا كان صيدلى .. وكنت أخبرهم أنه لو تغير القانون فستكون كارثة بكل المقاييس .. و أيضا لو لم يتغير .. فلا شيء يفرق الصيدلى عن زميله .. لأن العمل لا يحتاج ببساطة الى مهارات عقلية أو يدوية غير اعتيادية .. حتى مسألة الأدوية أصبح بيعها و الدعاية اليها مثل باقى المنتجات . أتفق مع العزيز حشيش فى مسألة الاستسهال .. و فى فترة عملى و أنا مهندس برمحيات فى مشروع تابع لشركة من أكبر شركات الأدوية .. تعرفت على دكتورة صيدلانية .. و دكتورة هنا تعنى أنها حاصلة على دكتوراة فى الثيرمو-شيء ما لا أذكره .. المهم أنها كانت صغيرة السن و تعمل فى مجال الانتاج .. و حاصلة على شهادة علاية فى هذا المجال .. متخصصة و تجيد ما لا يعلم عنه الكثيرون - على الرغم من صغر سنها الملحوظ - هذه ما يقال لها دكتورة صيدلانية حقا .. لكننى أعرف أنه لا يوجد منها الكثير . مهيب <span style='font-size:14pt;line-height:100%'>حين يصبح التنفس ترفـاً .. و الحزن رفاهية .. والسعادة قصة خيالية كقصص الأطفال</span> رابط هذا التعليق شارك المزيد من خيارات المشاركة
badroora بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 العزي حسام ليست المشكلة فى عدد الطلبة المتقدمين ولا فى زيادة الصيادلة لان لكل واحد رزقه اللى ربنا قسمهوله . المشكلة فى اللى بيتخرج ومش بيحاول يطور نفسه ويظل محلك سر يكتفي فقط بفتح صيدلية ويشتغل فيها وخلاص اتذكر جيرانى واصدقاء الدراسة لما كنا بنذاكر مع بعض اللى يقولى انا ان شاء الله هادخل صيدلة وهاطلع عالم كبير واللى يقولى هاعمل ابحاث ومش هاخلى حد يمرض ابدا ...........الخ وكثيرا من احلام الشباب وقتها كان كلهم امل وحماس اليوم عندما اتقابل مع احد منهم حسيتهم احبطوا وعجزوا كل واحد فى بلدنا عنده قشين محيرينه يفكر فى مشرع صيدلية زى زي السوبر ماركت يفتح محلين على بعض ويملاها بالادوية ويجيبب اى شاب من الشبان حديثي التخرج ويكتب الصيدلة باسمة عشان بس يحصل على رخصة وخلاص هى دي بقي شغلته مات الطموح جواهم ,اعتقد اللى يفتح صيدلية دا المفروض لما يوصل لسن فوق الخمسين ويحب يرتاح ممكن يفتح صيدلية ويقعد فيها اما قبل كدا يبقي ظلم وخطأ فى حق نفسه . الصيدلية مكسبها حلو جدا ولكن الفلوس مش كل شيء سورى لو كلامى مش شيك اوى بس انا باتكلم مع اخويا فمافيش داعى للتكلف تحياتى ولا عاش ولا كان اللى يزل الصيدلة ابدا A liberal is a man or a woman or a child who looks forward to a better day, a more tranquil night,and a bright, infinite future . رابط هذا التعليق شارك المزيد من خيارات المشاركة
galaxy بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 (معدل) كلامك صحيح مائه بالمائه يا دكتور حسام......................عن نفسي المس هذا الواقع.......انا مثلا دفعتي لا تقل عن 900طالب .............ومن قبل صديقه تونسيه لامي اخبرتها ان كان هناك مشروع هناك يمنع او يغلق باب القبول في كليه الصيدله لمدة خمس سنوات لوجود اعداد كبيرة من الخريجين ........ الا ان وجود التكليف............ممكن هو اللي بيخلي اولياء الامور تقبل علي الكليه .........زي زمان لما كان طلاب الادبي بيقبلوا علي كليه التربيه لضمان الوظيفه بعد التخرج......... اما عن عروض العمل في الخارج ..........فأظن انها مجزيه اكثر من ذلك............في السعوديه مثلا اعرف صيادله....عقودهم تبدأمن 5000 وطبعا هي عروض شركات...الا ان مستوي الاسعار في السعوديه مثلا مناسب مع هذا المستوي من الاجور....................الا اذا كنت تتحدث عن عروض الصيدليات الخاصه............لانها لا قيمه لها........ناهيك عن الاستعباد من قبل الكفيل.........اما هنا في الامارات ..........فعقود الشركات الصغيرة.......تبدأ من 5000 واكثر ..والشركات الملتي ناشونال لي صديقه تعمل في احداها بمرتب 10000 وهذا غير بدلات السكن والانسنتف...........ودا عن كلامها............اما الصيدليات الخاصه فالعمل في دبي مثلا يتراوح من 6000 الي7000 وكمان ابوظبي...............اما باقي الامارات فمن 4000 الي5000....... ......لكن المشكله ان الحياة في الامارات غاليه قوي علي عكس السعوديه مثلا...............فما بالك بأصحاب البيوت والمسئوليات......وممكن كمان العمل في الحكومه لكن دا محتاج وساطه عاليه ومجزي برضه الي حد ما.....................لكنه يصلح لمن ينوي الاستقرار في البلد اكثر. اما في طبيعه المهنه...............فكلام الفاضل حشيش والفاضل مهيب.......حقيقي بالفعل...........وقبل كدا فكرت في تطوير نفسي بعمل دبلومه وما شابه...........لكن وجدتها بصراحه غير مجديه.....لان مجال عملنا في مصر محدود.....فقمت بعمل المعادله هنا في الامارات بحكم وجودي هذه الفترة.........وهي برضه نوع من التطوير .....لصعوبتها وكمان لوجود عنصر البحث والاطلاع الي حد ما. شخصيا لا احبذ مهنه المندوب..............لكنها هي الجانب المجزي الوحيد في مهنتنا ..........وخصوصا للشباب في مصر...............الشاب بمجرد تخرجه التحاقه بشركه ..........واستلامه العربيه.............تبدأاحلام الثراء السريع...............والسفر............ليعود بعد كام سنه ........فاتحا صيدليه خاصه او اكثر...............او يفتح مشروع مثلا .................وهكذا تكون دورة حياة الصيدلي... .اما لي مثلا كفتاه بكتفي بالعمل في التكليف وممكن افتح مثلا صيدليه لاني لا اعتقد في ملائمه مهنه المندوب للفتيات.........لكن حتي فتح صيدليه هو مشروع غير مجدي .........لان دلوقتي بين كل صيدليه وصيدليه اخزجانه.......ورغم ان امكانيه فتح الصيدليه متوفرة عندي والحمد لله........الا ان المكان غير متوفر...وان توفر فهو غير مناسب للعمل من المنطلق المادي ايضا. اما في الخارج سواء في البلاد الاوربيه او بعض الدول العربيه.............فالمستقبل مفتوح للصيدله وخصوصا الاكلينيكيه..............كذلك هنا في الامارات للعاملين خصوصا في الحكومه..............بيكونوا ما يسمي بال هيلث كير تيم مع باقي الهيئه الطبيه من طبيب وممرض بهدف الوصول لاعلي افاده للمريض وبيقوم بتحضير الدواء والمشاركه بالتشخيص وغيرة من واجبات مهنتنا..................وان كان دا برضه يخضع لتخصص المستشفي كمستشفيات الاورام مثلا . لكن تغيير الواقع للاسف صعب لان الموضوع في رأيي يخضع للماده ليس الا ................يبقي ايه اللي يخلي الصيدلي يطور نفسه ويتعب .......طالما انه بياخد راتب مجزي يكفي مثلا لفتح بيت ...كمندوب مثلا سواء ف الداخل او الخارج....وهي دي متطلبات المجتمع بتاعنا في مصر............ تم تعديل 20 أبريل 2008 بواسطة galaxy املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
~Heba~ بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 (معدل) المشكلة عامة بالنسبة لكل الكليات...لانه عدد المقبولين فى التعليم العالى اصلا زاد و دى حاجة مش وحشة فى كل الاحوال الزيادة موجودة فى عدد سكان مصر ككل يعنى بدل ما نحاول نجد لهم فرص عمل نقوم نخفضهم؟؟؟!!!!! و بعدين عمل الصيادلة مش بس فى الصيدليات طيب فين شركات الادوية و دى احنا محتاجين نزودها و نستثمر فيها عشان ننافس على مستوى عالمى و نستغنى عن الدوا المستورد فبتالى احنا محتاجين الخريجين دول بس المشكلة حتبقى ضعف المستوى لانه البنية المادية للتعليم العالى لم تستوعب الزيادة و قل تحصيل الطلاب بسبب التكدس فى قاعات المحاضرات و المعامل واخيرا متزعلش اوى كده كليات الهندسة بتقبل اضعاف اللى بتقبله كليات الصيدلة :sad: يعنى فى الهوا سوا و بلاش قر على المهندسين wst:: تم تعديل 20 أبريل 2008 بواسطة ENG.Heba أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
جويرية بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 المشكلة عامة بالنسبة لكل الكليات...لانه عدد المقبولين فى التعليم العالى اصلا زاد و دى حاجة مش وحشة فى كل الاحوال الزيادة موجودة فى عدد سكان مصر ككل يعنى بدل ما نحاول نجد لهم فرص عمل نقوم نخفضهم؟؟؟!!!!! نفس التعليق كنت حكتبه لقيت اختي هبة كاتباه يا ريت يشوفوه سوق العمل عايزة ايه الأول و بعدين كمان لو كل كلية عملت امتحان للطلبة اللي هيا محتاجاهم احسن من نظام الثانوية العامة الفاشل ده الا بذكر الله تطمئن القلوب رابط هذا التعليق شارك المزيد من خيارات المشاركة
حسام يوسف بتاريخ: 20 أبريل 2008 كاتب الموضوع تقديم بلاغ مشاركة بتاريخ: 20 أبريل 2008 السلام عليكم انا طرحت الموضوع من باب الفضفضة ومن باب النقاش حول مستقبل فئة من فئات المصريين جايز نحلل المشكلة ونشوف حل أشكر الاخوة اللى اهتموا حتى ولم يكونوا من المهنة لأننا أخوة فى الوطن وتعليقا على كلام الاخ حشيش: حتة ليه الصيادلة بيبيعوا فى الصيدليات تركيبة انفلونزا وبارفان والويز وبامبرز ومناديل ورق أرد عليك واقولك مجبر اخاك لا بطل لو تشوف عليك ضرايب ودمغات وأعباء قد ايه كصاحب صيدلية كنت هتبيع سجاير جوة الصيدلية وكلامك اخى العزيز مش خارج الموضوع بالعكس ده جانب مهم فيه وليه الصيدلى مايطورش نفسة ويشتغل داخل مصنع وفى البحث العلمى يا أمان يالالالى ع البحث العلمى المصرى الدوائى المصنع بتشتغل فيه 9ساعات يديلك ماشاء الله ياماشاء الله 700 جنية بحالهم والمصنع الواحد بيحتاج عدد صيادلة لايزيد عن أصابع اليدين لأنة بيكمل بالعمالة الارخص من فنيين تصنيع وبجد انت ضحكتنى ع البحث العلمى الدوائى فى مصر يا باشا احنا لحد دلوقتى ماعملناش دوا مصرى واحد ابتكار مصرى وكل ماهنالك بعض التقليد للادوية الاجنبية وبرضة النتيجة مش واحدة يعنى شوف قرص الزانتاك بتاع الحموضة بتاع جلاكسو وقارنة بشريط من نفس المادة الفعالة من الادوية المصرية المقلدة ولا الهوا ويفضل فى كلامك الحل الوحيد للصيادلة المصريين الهجرة وده هتلاقينا بنحاول فية انا وباقى الاخوة الصيادلة العاملين فى منتدى محاورات المصريين كما أشار العزيز مهيب أن الصيادلة اعتمدوا فقط على ندرتهم كنا فعلا قليلين كان مهر الصيدلى غالى سواء صيدلى فى الخليج او مصر أو فى شركات الادوية كدعاية طبية مصر أو بالخارج ولما الندرة راحت وبقت رطرطة غنينا ظلموة لكن يبقى السؤال ليه نخلى الخريجين الاف مؤلفة والسوق عطلان؟ وبالنسبة لكلام اختى العزيزة بدرية كلامك كله صحيح وسيبك من موضوع الشياكة ده اخواتكم فى الصومال قصدى الصيدليات بيموتوا تصدقوا يا جماعة ان الصيدلى فى الارياف بيقف 6 ساعات بياخد 200 جنية واحيانا اقل 200 جنية ولا حول ولاقوة الا بالله يا بدرية ازاى المشكلة مش فى العدد؟ يعنى شوفى كلمة ممرضة دى فى اى حتة فى العالم تسوى ايه انا مش بأقر والله ربنا يباركلكم كلوا وبلاش احنا يا ستى :lol: :unsure: :lol: اى مهنة فى الدنيا عرض وطلب العرض والارض راحوا وعواد باعهم هيبقى فيه طلب ازاى؟ وحكاية الصيدليات بتكسب كويس اوى لأ مش صحيح هامش الربح فى الدوا كالتالى 20% للادوية المصرية ومن 12 الى 16 % فى غيرها والادوية المصنعة بترخيص من الخارج10% والاكسسوار هو اللى بيبقى احسن شوية بعد بقى ما تطلعى الربح تطلعى منه بقى الايجار والعمالة وال-أعوذ بالله-الضرايب يبقى ايه يبقى كتجارة هية مش مربحة جدا المكسب بيزيد لما تبيع كتير يعنى ع الاقل تبيع ب 700 جنيه اليوم ده كانه زمان دلوقتى ماعادش الارقام دى الا قلة الكل دلوقتى يا مديون يا اما ماشى غلط جداول بقى وترامادول بلاوى والعياذ بالله صدقونى الوضع صعب ويا بلدياتى المهندسة هبة لأ المشكلة مش عامة المهندسن مهما زاد عددهم السوق عايز وشرقان مهندسين انا اخويا مهندس معمارى وبيدينى فكرة شوفى المهندسين فى سوق السعودية والخليج فيه طلب والراتب مش بطال 5 أو 6 الف شهريا انما لما توصل الامور ان صيدلى يطلع السعودية عشان يشتغل 11 ساعة يوميا ويوم الجمعة 7 ساعات وياخد 3الاف وأعرف ناس بتاخد 2.5 تبقى مهزلة والا لأ؟ ويا زميلتى العزية جالاكسى واضح ان حضرتك برة مصر من فترة لأن التكليف اللى كان بيدى وياللهول 300 جنية شهريا اتلغى من 3 سنين وبالنسبة لعروض السعودية ذات ال 5 الاف ريال هذة فقط للدعاية ومش منتشرة أو كتيرة سوق الدعاية الطبية مش بياخد كتير م الصيادلة زى العمل كصيدلى تعالوا نفكر ونشوف السبب فى المشكلة والحلول المقترحة لأنى أقولها وبكل صراحة مايحدث للصيادلة المصريين كارثة ليست فقط ع الصيادلة ولكن على المجتمع المصرى كله لأن هذة الفئة ان جاعت وهى بدأت بالفعل هتمشى شمال وكل عام وانتم بخير :wub: رابط هذا التعليق شارك المزيد من خيارات المشاركة
مصري أصيل بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 في دول الخليج لازم يكون فيه علي الأقل دكتور صيدلي متواجد في الصيدليه طول ما هيه مفتوحة ليه النظام ده مش معمول بيه في مصر . يعني أي واحد يجيب ترخيص بأسم صيدلي وبعدين يوقف في الصيدليه أي حد يا دوب بيعرف يقرء ويكتب وخلاص. ليه مش بيطبقوا ضرورة تواجد دكتور في الصيدليه و يكون فيه حملات تفتيشيه علي كل صيدليه يشوفوا فيه دكتور موجود و لا لأ . ولو مافيش دكتور أول مره مخالفة وبعدها تغلق الصيدليه علي طول لأن لو الشخص اللي بيصرف الدوا غير مؤهل و هيصرفه غلط هتبقي كارثه . وفي حالة تطبيق هذا النظام لا أظن وقتها هيكون دكتور صيدلي مش لاقي شغل. لأن أنا بتصور حالياً عدد الصيدليات أكتر من عدد الصيادلة. مره كنت في أجازه في مصر ودخلت صيدليه أجيب دوا صداع و طبعاً أنا متعود أخد بنادول لما يجيلي صداع. وكان فيه راجل كبير في السن موجود في الصيدله . فقلت له لو سمحت شريط بنادول . قالي بنا أيه قلتله بنادول . هوه سمع الكلمه و كأنه سمع شيطان رجيم فقام شاخط فيا وقالي أنتم هتألفوا أدويه . وطبعاً أنا عشان راجل كبير و مش عايز أغلط فيه . قلتله حقك عليا يا عم الحج . أنا يمكن ناسي أسمه ..... سلام عليكم. من أقوال الشيخ الشعراوي رحمه الله الثائر الحق من يثور ليهدم الفساد ثم يهدأ ليبني الأمجاد رابط هذا التعليق شارك المزيد من خيارات المشاركة
galaxy بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 الاخ العزيز حسام...................تحياتي اولا ثانيا.................. انا دفعه 2004 واستلمت التكليف 2005 .....وعلي فكرة مرتبي 450 غير بعض البدلات البسيطه كل كام شهر كدا.......يعني كله ممكن يعمل كل كام شهر برضه 600....ومستنيه زياده شهر سبعه بعون الله ..............واخر دفعه استلمت معانا كانت دفعه 2006.................وفي انتظار الدفعه الجديده . ثالثا.............انا هنا من 6 شهور بس............لاني لم اسافر لاول مرة للامارات الا بعد تخرجي ..........وكنت بسافر زيارات للاهل بس.........كام شهر كدا وارجع.........لكن الزيارة اللي فاتت فكرت في موضوع المعادله من باب التطور والتحدي لنفسي ليس الا............والمرة دي بس اول مرة افكر في الشغل لطول المده مش اكتر . رابعا.............ازواج صديقاتي معظمهم مسافرين السعوديه علي شركات زي جونسون وابوت.............وبصراحه ما سألتش علي المرتبات بس عرفت انها مثلا في ابوت ناس سافرت علي 5000 بس برضه من معرفتي لمستوي المعيشه في السعوديه اعرف انه مرتب كويس وخصوصا قابليته للزياده.اما الصيدليات فالواقع اسوأ.........واعرف صيادله حصلوا علي خروج نهائي بسبب الكفيل المتعنت. خامسا.........مرتبات المهندسين في الخليج بتصل الي 12 و 14 الف واكثر حسب الخبرة.......بس طبعا مستوي الاسعار حدث ولا حرج............بس برضه احسن من الصيادله.........وبرضه اعرف ناس والله اتعرض عليهم 8000 واكثر في الخليج وكان رأيهم ان مرتبهم في مصر احسن يا هبه........ومفيش ما يدعوهم للسفر في ظل الاسعار الفظيعه هنا .........وان مرتباتهم في مصر ممتازة علي حد قولهم سادسا..............سوق الدعايه في الامارات مطلوب جدا جدا بس ساعات الافضليه بتكون للصيدلانيات. سابعا............كل ما ذكرت عن واقع الصيادله في مصر حقيقي .........في محافظتي مثلا.....الساعه شهريا تصل فقط ل 60 جنيه :lol: يعني لو بستغل في صيدليه خاصه اربع ساعات هقبض 240 جنيه........... :lol: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
vipwithyou بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 انا مع الأخ مصرى اصيل فى حاجة وهى ان الصيدلى دلوقتى سايب الأربع صيدليات اللى مسموح له فتحهم باسمه وادارتهم ومشغل اى حد فيهم وهو مسافر كمان انا مش باحسد ولا حاجة بس دة واقع غير ان يا دكتور حسام حضرتك عايز طالب يجيب 99 % يروح فين معندوش غير صيدلة المهنه فى رأيي للنهاية مربحة لأبعد الحدود حتى لو سافر الشخص على عقد مؤقت بـ 3500 ريال غير النسبة ؟ شكرا أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
galaxy بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 اخي الفاضل تامر............. الصيدلي ليه ترخيص صيدليتين وادارة واحده منهم فقط.......................بس فعلا هو ممكن يفتح اكتر لما يشتري اسم من صيدلي تاني ويفتح بيه..............لكن بصراحه اللي لحق لحق خلاص ..............عشان الاماكن دلوقتي صعبه اوي للكثرة زي ما الدكتور حسام اشار..........وكمان في اماكن تجاريا مش شغاله ع الاطلاق. السفر علي صيدليه بيخليك تحت رحمه الكفيل اكتر من الشركه كتير...............وبالتالي الكفيل بيعاملك زي اقل عامل غير متعلم عنده.........وزي ما قلت اعرف صيادله للاسف اخدوا ابعاد نهائي لمجرد مطالبتهم بحقوقهم ورواتبهم المتأخره..............ودا بعد ما تنازلوا عن كافه حقوقهم وكانوا لسه في بدايه حياتهم العمليه. بس فعلا حال المهنه متأخر.......ودي حقيقه رغم انها مهنتي لكن حتي نظرة بعض الناس لها كمان متاخرة جدا .........ودا للاسف واقع ملموس. املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
حسام يوسف بتاريخ: 20 أبريل 2008 كاتب الموضوع تقديم بلاغ مشاركة بتاريخ: 20 أبريل 2008 السلام عليكم أخى العزيز مصرى اصيل: ايه الفايدة حتى لو اطبق القانون اللى حضرتك ببتكلم عنه -ولو ان عندك حق انك تلاقى صيدلى فى الصيدلة- ماهو برضة الصيدلى هياخد 200 أو 300 جنية ايه رأيك فى الرقم ده؟ وبعدين البانادول مترخص فى السعودية لكنه موجود فى مصر كدة وكدة فماتزعلش عشان البانادول صدقنى فيه مصايب أخطر زميلة المهنة العزيزة جلاكسى انا والله ماشفتش المرتبات دى لكن حتى لو قلنا 450 أو 600 جنية فى زمن زى ده ينفعوا؟ وبعدين موضوع الدعاية ده بياخد كام صيدلى كل سنة أعداد محدودة وأكتر من 6 الاف ريال شهريا غير البدلات والحوافز لكن الصيادلة بتوع الصيدليات همة السوق الحقيقى ويرضيكى بقى 240 أو 500 حتى والارقام دى؟ ويا عم تامر ربنايكرمك 4 صيدليات ايه هما اتنين بس ومش كل الناس بتقدر على فتح الصيدلية انت عارف لو جبت بمصطلحنا الصيدلى (فرشة)دوا يعنى ولا مؤاخذة علبة من كل صنف هتعملك على الاقل 35 الف جنية و15 اكسسوار يبقى 50 الف جنية لسة المحل والاجراءات والمصاريف الخرى والعمالة وضرايب غالى يبقى التكاليف مش سهلة ولا حاجةوالارقام اللى انا بقولها دى قابلةللزيادة فحتة ان المهنة مربحة ده لما المبيعات تكون محترمة وماعادش فيه حاجة محترمة المصيبة ان احنا مش زى المهندسين أو الاطباء الكلية فيها تخصصات مدنى معمارى ميكانيكا انتاج نسا جراحة عظام اطفال مسالك صيدلييييييييييييييييييييييييييييييييييييييييييييييييييييييي وبس علية العوض ومنه العوض رابط هذا التعليق شارك المزيد من خيارات المشاركة
galaxy بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 انا فعلا بقول مرتبي من باب السخريه لانه رقم طبعا ما ينفعش...... :lol: ......وان كان بيكفيني عشان مفيش مسئوليات ولا كلام من دا.........................الا انه غير صالح للمعيشه الادميه لشخص ذو مسئوليات ولا حتي لشاب في مقتبل حياته.. :huh: ........يمكن عدم سماعك عن الرقم دا يمكن لان انا شغلي في الجامعه مش الشئون ووزارة الصحه........اللي مرتباتها فعلا تعيسه.........كمان علي فكرة صيادله التأمين بيقبضوا اكتر عشان مشروع الاسرة تقريبا والكلام دا. موضوع الصيدليات بوافقك عليه ودا بينته في مداخلاتي بالفعل............وانا معك في ان التطوير يجب انه يكون الشيئ لزوم الشيئ.........يعني نطور نفسنا ازاي واحنا اصلا ما عندناش حاجه نتطورلها.يعني مفيشش حاجه تشجع ....ممكن الراتب يزيد كام جنيه بعد الماجستير او الدبلومه..................ومش هتفرق wst:: اما موضوع المندوبين .............كل الصيادله الشباب من دفعتي وبلدي .....رايتهم مندوبين :big_boss: . اما موضوع فتح صيدليه ........زي ما قلت مرة..........امكانيه الفتح الماديه متوفرة والحمد لله وعلي اعلي مستوي كمان مش علبه واحده......بس بجد خسارة كبيرة للاهل .....لان زي ما قلت لا في اماكن ولو فيه المكان بيكون مش شغال والربح التجاري معدوم. :lol: المشكله والله في الصيادله الشباب ..........البنات فعلا مقدور عليهم...........يعني زي ما قلت ممكن اكتفي بالتكليف ولا اكمل بصيدليه بعد الظهر.......ولا اسجل مدير............وحتي دي بقت مش مجديه........لكن الشاب اللي في مقتبل حياته وبيكون نفسه وهيبقي مسئول ....يعمل ايه؟؟؟؟؟؟؟؟؟؟؟ f((: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
vipwithyou بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 ماشى يا عم صيدليتين دا لو عندكم امكانيات وهنستبعد دى اعتقد كمان من حقك تبيع اسمك على 2 تانيين او واحدة المهم مش دى المشكلة هى فعلا الصيدليات زادت بس كل واحد بياخد رزقة وياعم لو كل واحد جرب الاول بالسفر على صيدلية وبعد سنه واحدة رجع بفيزا حرة ورجع تانى على الشركة اللى تعجبه متهيألى هيبقى باشا خالص صح ولا لا وانت اكتر واحد عارف شغل الشركات عامل ايه تمام يا ريس أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
vipwithyou بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 أعرف دكتور سافر سنه ورجع فتح الصيدليتين والله وابن عمى نفسة كان طالع التانى على الشرقية فى سنته وفضل انه يدخل صيدلة بدل طب وحاليا هو يعمل فى السعودية فى صيدلية بـ 3500 ريال بالاضافة للعمولة يعنى الحمد لله دخل كويس أستغفر الله الذى لا اله الا هو الحى القيوم وأتوب اليه رابط هذا التعليق شارك المزيد من خيارات المشاركة
om marawan بتاريخ: 20 أبريل 2008 تقديم بلاغ مشاركة بتاريخ: 20 أبريل 2008 سابعا............كل ما ذكرت عن واقع الصيادله في مصر حقيقي .........في محافظتي مثلا.....الساعه شهريا تصل فقط ل 60 جنيه :huh: يعني لو بستغل في صيدليه خاصه اربع ساعات هقبض 240 جنيه........... :big_boss: معلش يا عزيزتى جالاكسى هو محافظتك ايه عشان فى بلدنا الصيدلى بياخد 30 جنيه فى الساعة الشهرية ولما تكون صيدلية كويسة بياخد 35 ولو الصيدلى لقا واحد يوافق ياخد أقل هياخده وللاسف فيه ناس بتوافق لأن العدد كبير بانسبة للصيدليات وتخيلى حضرتك ان الراتب ده ممكن ياخده صيدلى كبير فى السن لو ماعندوش صيدلية خاصة او مش لاقى يقف مدير فى صيدلية وطبعا فى الحالة دى يعنى لو مدير عندنا بيزيد فى حدود 350 جنيه أما عن مرواتب الحكومة فدى صدقينى مختلفة من مكان لمكان حسب البدلات الاخ الفاضل فى اى بى VIP WITH YOU لأ حضرتك هما صيدليتين اول عن اخر يا اما تتملكهم شخصيا يا اما تبيع اسمك وده حضرتك فى بلدنا برضه اللى هى بلدياتك بياخد حوالى 100 جنيه فى الشهر بالكتير اما عن الشركات .....................فده موضوع طوييييييييييييل لكن تفتكر لو الشركات متاحة بالشكل دى لكل الصيادلة ايه اللى بيخلى زمايلنا يسافروا يشتغلوا نابتشيات 12 ساعة زائد الحمعة طبعا و ياخد فى الاخر اول عن اخر 2500 ريال هو وعيلته يا بخت من يقدر يقول واللي ف ضميره يطلَّعه يا بخت من يقدر يفضفض بالكلام وكل واحد يسمعه يقف في وسط الناس ويصرخ : آه يا ناس ولا ملام ييجى الطبيب يحكي له ع اللي بيوجعه يكشف مكان الجرح ويحط الدوا ولو انكوى يقدر ينوح وأنا اللي مليان بالجروح ما اقدرش أقول ما اقدرش أبوح والسهم يسكن صدري ماقدرش أنزعه صلاح جاهين رابط هذا التعليق شارك المزيد من خيارات المشاركة
مصري أصيل بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 (معدل) السلام عليكم أخى العزيز مصرى اصيل: ايه الفايدة حتى لو اطبق القانون اللى حضرتك ببتكلم عنه -ولو ان عندك حق انك تلاقى صيدلى فى الصيدلة- ماهو برضة الصيدلى هياخد 200 أو 300 جنية ايه رأيك فى الرقم ده؟ وبعدين البانادول مترخص فى السعودية لكنه موجود فى مصر كدة وكدة فماتزعلش عشان البانادول صدقنى فيه مصايب أخطر زميلة المهنة العزيزة جلاكسى انا والله ماشفتش المرتبات دى لكن حتى لو قلنا 450 أو 600 جنية فى زمن زى ده ينفعوا؟ وبعدين موضوع الدعاية ده بياخد كام صيدلى كل سنة أعداد محدودة وأكتر من 6 الاف ريال شهريا غير البدلات والحوافز لكن الصيادلة بتوع الصيدليات همة السوق الحقيقى ويرضيكى بقى 240 أو 500 حتى والارقام دى؟ ويا عم تامر ربنايكرمك 4 صيدليات ايه هما اتنين بس ومش كل الناس بتقدر على فتح الصيدلية انت عارف لو جبت بمصطلحنا الصيدلى (فرشة)دوا يعنى ولا مؤاخذة علبة من كل صنف هتعملك على الاقل 35 الف جنية و15 اكسسوار يبقى 50 الف جنية لسة المحل والاجراءات والمصاريف الخرى والعمالة وضرايب غالى يبقى التكاليف مش سهلة ولا حاجةوالارقام اللى انا بقولها دى قابلةللزيادة فحتة ان المهنة مربحة ده لما المبيعات تكون محترمة وماعادش فيه حاجة محترمة المصيبة ان احنا مش زى المهندسين أو الاطباء الكلية فيها تخصصات مدنى معمارى ميكانيكا انتاج نسا جراحة عظام اطفال مسالك صيدلييييييييييييييييييييييييييييييييييييييييييييييييييييييي وبس علية العوض ومنه العوض لا أظن أنه لو تم تطبيق هذا النظام سيكون راتب الصيدلي كما ذكرت حضرتك لأن تخيل حضرتك أن واحد عادي مش صيدلي فاتح صيدلية كمشروع تجاري ومافيش قدامه غير أنه يوظف صيدلي مش أي واحد والسلام زي ما بيحصل دلوقتي . أظن أن وقت ساعتها الصيدلي هياخد الراتب اللي هوه عايزه . ده مجرد رأي . وبعدين بلاش التشاؤم ده وسيبها لله و أنا أنصحك نصيحة أرجو أن تعمل بها . أنا أعرف بعض الناس سافروا بعقود كويسه جداً عن طريق مكاتب سفريات بس طبعاً مش أي مكاتب فيه منها المحترم جداً و أنت مش خسران حاجه أنت بتقدم وبتدفع رسوم الطلب وبتكون رسوم بسيطه ولما بينطلب منهم حاجه بيتصلوا عليك و بلاش تحط التجربة الأولي كمقياس للسفر عموماً لأن واضح أن كان حظك وحش بس أن شاء الله ربنا يعوضك المرة الجاية. تقبل تحياتي تم تعديل 21 أبريل 2008 بواسطة مصري أصيل من أقوال الشيخ الشعراوي رحمه الله الثائر الحق من يثور ليهدم الفساد ثم يهدأ ليبني الأمجاد رابط هذا التعليق شارك المزيد من خيارات المشاركة
Nonna بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 للاسف فعلا الصيادلة عزيز قوم ذل من كام يوم كنت بكلم واحدة زميلتي أخوها صيدلي الظاهر انى شيلتها الهم بعد المكالمة ولا ايه :D بس أنا مالي انا قلت اللي حاصل و اللي للاسف راسخ في عقول الناس مثلا مثلا معروف عند الشعب المصري_معظمه _ و للاسف اغلبية المعظم ده متعلمين و مثقفين وصف معين عن الصيادلة الا وهو _بياااع محترم_ مافيناش من زعل :blush2: و الظاهر كمان ان اللي بيعمله بعض الصيادلة في الصيدليات بيزود الفكرة عندهم بصراحة انا شفت بأم عيني صيدلي بكالوريوس صيدلة لابس شبشب باصبع ورايح جاي في الصيدلية بيه و ساعات يشمر رجل البنطلون لدرجة انى اندهشت و سالته حضرتك صيدلي ؟ بكالوريوس صيدلةيعني؟!! حاجة كمان للاسف الفرص في الشغل بقت غريبة قوي يعني مثال مندوبي الادوية med.rep. وده على الرغم من ان مكسبها حلو قوي _ماهو لازم يكون حلو مش بيطلع عين الصيدلي في اللف و المشاوير_ الا انه بيقسم لغير الصيدلي تلاقي كتير من الشركات تقبل على غير الصيادلة للمهنة ده من خريجي العلوم و الطب البيطري!!!! لان تكلفتهم هتكون اقل طبعا من الصيدلي الاصلي :D و بفرض انه الصيدلي اشتغل كمندوب لشكة ادوية اتفرج علىمعاملة الطبيب في العيادات او المستشفيات له _مش كل الدكاترة طبعا_ اللي بيتنكر منه او بيعمل مشغول او حتى ينهره وللاسف شفت موقف من طبيبة انها اتكلمت مع صيدلي بطريقة يعني فيها عجرفة و غطرسة في حين اني متعجبة على حال الزمن صيدلة واخدة مجموع اعلى بمراحل من طب !!! حاجة كمان وده بقى للاسف مش عارفة ايه سببها الا هي ايه؟ تلاقي الصيدلية بتبيع حاجات يصح ايوة نقول انها chemicals زي زيوت الشعر و الكريمات و مستحضرات التجميل مانيكير و روج و كحل وخلافه انا شايفة ان ده خلط و غلط يعني مستحضرات التجميل لها منافذ بيعها و الادوية لها منافذ بيعها مهما اتفقوا في ان اساسهم واحد كميا و تركيبات يعني مثلا _ومعلش في المقارنة طبعا لا أقصد منها التقليل من شأن الصيادلة خالص والهي_ هل يصح ان اللي بيبع العيش البلدي يبيع جاتوه لا يمكن طبعا على الرغم من ان الاتنين أساسهم دقيق بصراحة شديدة أنا ببقى مستغربة لما أروح اشتري دوا معين والاقي واحدة جنبي تسال انهي أحسن؟!! فيراند لافلي العادي ولا اللي بالاعشاب!!! اقول ايه ربنا يكون في عونكم و عون كل اللي في القطاع الطبي أنا قلت كام للاسف في البوست ده؟!! :D يارحمن يا رحيم اكفيني زحمة كتبي و الحق اعمل سين و جيم و أبطل أخبط في ركبي يا جراحة يا جراحة بالراحة عليّ بالراحة يا نسا يا نسا فيكي انا متحوسة يا ولادة يا ولادة بزيادة كدة بزيادة رابط هذا التعليق شارك المزيد من خيارات المشاركة
galaxy بتاريخ: 21 أبريل 2008 تقديم بلاغ مشاركة بتاريخ: 21 أبريل 2008 سابعا............كل ما ذكرت عن واقع الصيادله في مصر حقيقي .........في محافظتي مثلا.....الساعه شهريا تصل فقط ل 60 جنيه :D يعني لو بستغل في صيدليه خاصه اربع ساعات هقبض 240 جنيه........... :D معلش يا عزيزتى جالاكسى هو محافظتك ايه عشان فى بلدنا الصيدلى بياخد 30 جنيه فى الساعة الشهرية ولما تكون صيدلية كويسة بياخد 35 ولو الصيدلى لقا واحد يوافق ياخد أقل هياخده وللاسف فيه ناس بتوافق لأن العدد كبير بانسبة للصيدليات وتخيلى حضرتك ان الراتب ده ممكن ياخده صيدلى كبير فى السن لو ماعندوش صيدلية خاصة او مش لاقى يقف مدير فى صيدلية وطبعا فى الحالة دى يعنى لو مدير عندنا بيزيد فى حدود 350 جنيه أما عن مرواتب الحكومة فدى صدقينى مختلفة من مكان لمكان حسب البدلات الاخ الفاضل فى اى بى VIP WITH YOU لأ حضرتك هما صيدليتين اول عن اخر يا اما تتملكهم شخصيا يا اما تبيع اسمك وده حضرتك فى بلدنا برضه اللى هى بلدياتك بياخد حوالى 100 جنيه فى الشهر بالكتير اما عن الشركات .....................فده موضوع طوييييييييييييل لكن تفتكر لو الشركات متاحة بالشكل دى لكل الصيادلة ايه اللى بيخلى زمايلنا يسافروا يشتغلوا نابتشيات 12 ساعة زائد الحمعة طبعا و ياخد فى الاخر اول عن اخر 2500 ريال هو وعيلته عزيزتي ام مروان...................... :D انا عارفه والله ان المرتبات بالفعل بتختلف من مكان لاخر.............وانا نفسي قلت ان تكليفي في وزارة التعليم العالي ......يعني في الجامعه........ودي طبعا زي ما قلت برضه افضل حالا من الشئون الصحيه اللي مرتباتها تعيسه جدا............. :sad: علي فكرة كمان الشغل في صيدليات القاهرة.......الساعه شهريا بتكون اعلي كتير وبتوصل ل 100 جنيه ..........زي صيدليات العزبي و علي وعلي...............كمان التكليف في المصل واللقاح .........مرتباته معقوله كتير............. :sad: وبرضه كلامي كله مش معناه ان الحال كويس ..........انا بس بقول حقائق لا تنفي سوء حال المهنه داخل وخارج مصر...... :blush2: املأ عينيك من وجوه الأحباء والأهل والأصدقاء فقد يغيبون عنك بعد حين ولا تؤجل إفصاحك لهم عن مشاعرك الطيبة تجاههم إلى الغد فقد لا يكونون على مسرح الحياة حين يجيء ذلك الغد رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان