كندا هي تورونتو وبس؟؟؟؟؟

[hosiny]

السلام عليكم اخواني في المنتدي

في البداية عندما ملأت طلب الهجرة كتبت اني عايز اروح زي كل الناس الي ( تورونتو ) وبعتت الابليكيشن لكن قلت اشمعني يعني مانا بردو لازم يكون لي رأي شخصي مش مجرد زيي زي الناس و علشان كده بدأت ادرس الموضوع

لقيت بعد كده ان في اماكن تانيه ممكن تكون احسن ليا ولاي مهاجر واصل كندا جديد.........ليه؟؟؟؟

لان تورنتو زي ما هيا مدينة كبيرة و بتجذب اكثرمن نصف المهاجرين العرب ده ان ماكنش اكتر كمان هتكون فرص العمل فيها اقل شويه من الاماكن الجديده و اكيد بردو المرتبات و لما بدأت اقرأ اكتر في الموضوع لقيت كلامي صح

و من افضل الاماكن اللي ممكن تنزل عليها علي طول لو انت مهاجر جديد هيا ولايه البرتا (ادمينتون - كالجري) لانها منبع بترول كندا و من مصادر الدخل القومي الكندي التي تعوض فقر او قله موارد مقاطعات تانيه يعني للي عاش في السعودية عاملة زي الدمام و الخبر و الجبيل ..مصادر بترول السعودية و بالتالي مصادر فلوسها

و عرفت من بعض اصحابنا هنا في المنتدي ان فيه ناس كتير بعد ما بتستقر في تورونتو شويه بتقرر النقل لالبرتا لانها فيها شغل متوفر و اسعاره اعلى بكتير من تورونتو (مثلا واحد صاحبي قالي ان اللي بيشتغل في مطعم حتي هناك بيشتغل ب 20 دولار في الساعة زي مهندس جديد في تورونتو ...والله اعلم) وقالي كمان (ان مثلا المهندسين هناك ممكن يشتغلوا بدون رخصة نظرا للعجز الكبير في جميع الوظائف هناك بس طبعا مش هيختموا علي اي حاجة بس مرتباتهم تمام)

عشان كده حبيت افتح الموضوع ده علشان نبين بردو ان كندا مش بس تورونتو انما فيه اماكن تانيه كتير احسن ممكن تدي المهاجر الجديد فرصة اكبر انه يقف علي رجليه بسرعة و يفتح بيت مستريح

طيب دلوقتي بقي ييجي دور اخواننا اللي في كندا اللي يقدروا يفيدونا اكتر بمعلومات عن كالجري و مدى صحة الكلام اللي انا سمعته ده و يعرفونا هيا كندا مجرد تورونتو و بس ولا ايه ؟؟؟؟؟؟؟؟؟؟؟؟؟

[hosiny]

كالجري و ادمينتون من اكثر المدن الكندية حظا في ساعات الشمس علي مدار العام

يوجد في البرتا و قريب من كالجري منتجع بانف ذو المناظر الطبيعية المذهلة

http://www.banff.ca/activities-events/summ...anff-hiking.htm

متع عينيك

ضرائب اقل من باقي الولايات

اقل شريحة عاملين بكندا بالحد الادني من الدخل رغم ان الحد الادني للدخل بها اقل من ولايات اخري كثيرة

[hosiny]

اللي مش عارفة اخبار المواصلات الداخلية ايه؟؟؟؟

زي تورونتو مثلا و لا اقل ولا ايه؟؟؟

[Horus]

فيه حد بينادي ... !!

أنا عايش في كالجاري من ٢٠٠٤ ...

كلامك سليم .. كالجاري مدينة جميلة .. حتى مع الجو البارد ف الشتا ..

صحيح هي ممكن توصل -٣٠ ساعة في يناير .. لكن دي بس كم يوم كدة فالسنة

المتوسط العادي أيام الشتاء

-١٥ مثلاً :closedeyes:

والشمس كمان هنا بتطلع أكتر من تورنتو ...

و فيه الشينوك و دي رياح جنوبيه دافئة بتيجي في عز الشتاء ..

ممكن في يوم تلائي درجة الحرارة طلعت من -١٥ ....إلى + ٥ أو +١٠ كمان

والتلج بيسيح و الدنيا تتغير في يوم و ليلة .. سبحان الله

متتصورش أد إيه جميلة الحكاية دي ...

انما مشاكلها ف الأسعار إلي بتزيد كل شوية ..

و كمان التذكر هنا لمصر حاجة فظيعة .. زود ٥٠٠ دولار على كل تذكرة - سعر تورنتو- :closedeyes:

المواصلة العامة هنا .. مش بطالة ..

فيه اتوبيسات ... و كمان فيه مترو محترم

بس النصيحة .. بالذات فالشتا .. لزم عربية ..

أي سؤال أنا فالخدمة ..

تم تعديل 14 أغسطس 2008 بواسطة Horus

[hosiny]

اهلا وسهلا بيك يا استاذ حورس في موضوعي منور والله

انا كنت فاكر ان مفيش حد في المنتدي ده من كالجري

وحيث ان حضرتك تعتبر مراسلنا و مصدر معلوماتنا الوحيد حتي الان في كالجري ارجو افادتنا بكل معلوماتك عن كالجري و ايه الفرق بينها و بين ادمينتون و تورونتو

من ناحية الاسعار و السكن و الشغل و المواصلات بالذات لاني سمعت ان المواصلات فيها مش سهلة زي تورونتو واللي يروح هناك جديد لازم يشتري عربية .....ايه رأيك؟؟

واخبار اسعار السكن ايه و المرتبات و فرص الشغل المتنوعة و بالذات للمهندسين المدني لاني منهم

مستني ردك و اثرائك للموضوع

[hosiny]

اللي لاحظته يا اخ حورس ان التذاكر مبتفرقش غير 200 دولار تقريبا بس و ده بالنسبة للمسافة الزيادة Fair Enough

[AL MUHAGER]

شكرا يا جماعة على المعلومات الحلوة دي ولو تسمحو لي عندي سؤال عن الشغل المتاح للمهندسين المعماريين في البرتا

[hosiny]

[Horus]

"و من افضل الاماكن اللي ممكن تنزل عليها علي طول لو انت مهاجر جديد هيا ولايه البرتا (ادمينتون - كالجري) لانها منبع بترول كندا و من مصادر الدخل القومي الكندي"

الكلام ده مظبوط ...

لكن كالجري و ادمنتون مفهمش بترول .. لكن فيهم أفرع أكبر شركات البترول فالعالم .. و مكاتب ال-EPC إلي بينفذو الشغل ...

البترول و أماكن التنقيب والتكرير موجود في منطقة فرت مكموري .... و د بلد حوالي ٧٠٠ كم من كالجري - ٤٠٠ من ادمنتون -

و هي د إلي فيها الفلوس إلي بجد ...

و هي د فعلاً إلي ممكن يتأل عليها انها ذي السعودية والكويت بتاعة كندا

بس الجو هناك إيهه !!

أنا رحت كم شهر .. ف الشتا ياريس ...

ممكن تجيب - ٤٠ مرتاح

بص علي الكام شغلانا دول كدة :

http://www.infooil.com/fx/jobs/listings/1....l.engineer.aspx

http://www.infooil.com/fx/jobs/listings/1....r.engineer.aspx

http://www.infooil.com/fx/jobs/listings/1....m.engineer.aspx

شغل المهندسين المدني هنا موجود .... هتشتغل design طبعاً

و طبعاً هيطلبو خبرة كندية كالعادة .. عشان تبقى Professional Engineers

المشكلة بتكون مع المهندسين المدني من غير خبرة فالبترول .. لأن معظم الخبرة بتكون ف المباني الخرسانية .. و دي مش متوفري هنا .. معظم البيوت خشبية

بس محتاج انك تعمل معدلة و وجع دماغ ...

دا موقع - نقابة المهندسين - في ألبرتا : http://www.apegga.org/

لسة واحد حبيبي - مهندس مدني - project engineer و خبرة ١٥ سنة فالخليج - بترول - .. وصل من يومين واستلم شغل في شركة كبيرة .. على طول ..

لكن لو عندك خبرة ف البترول في الخليج ... هتتشأت فورا ...

[Bustami]

url="http://www.infooil.com/fx/jobs/listings/1.189672/petroleum.engineer.aspx"]http://www.infooil.com/fx/jobs/listings/1....m.engineer.aspx

شغل المهندسين المدني هنا موجود .... هتشتغل design طبعاً

بالنسبة للمعادلة بتاعت المحاسبين ايه النطام

[Horus]

معلوماتي في حكاية المحاسبة مش أوي ..

بس إلي أسمعه إن فيه حاجة اسمها CGA .. على وزن ال-CPA

و د محتاجة شوية مذكرة برده على كم سنة خبرة ..

http://www.cga-canada.org/en-ca/Pages/default.aspx

[Horus]

http://www.theweathernetwork.com/weather/CAAB0049

في الصيف كالجاري بتكون أخر جمال ..

[mezo]

يعنى المهندسين المدنيين ملهومش شغل خالص الا لو كان عندهم خبرة فى البترول

[AL MUHAGER]

يا اخ ميزو المهندسين المدني ليهم شغل غير البترول وحسب معلوماتي في الانشاءات في البرتا عموما

ادخل المواقع دي و هتلاقي معلومات كويسة

http://www.homebuilders4tomorrow.ca/CFE/home.aspx

http://www.goldsealcertification.com/dnn/

وكمان ادخل على مشاركات الاخ ياسر وهتلاقي معلومات اكثر وضوحا

http://www.egyptiantalks.org/invb/index.php?showtopic=62487

انا اسف نسيت اعرفك بيا انا مهندس معماري في دبي وزيك موضوع الشغل في كندا عاملي وش لكن الاخوة في المنتدي هنا افادوني بمعلومات حلوة قوي

[mezo]

الاخ المهاجر شاكر على هذه الوصلات وانا بردك زيك مهندس مدنى هنا فى دبى وموضوع الشغل فى كندا فى تخصصى مخلى الواحد خايف من الموضوع كله انك تسيب شغلك فى الخليج وتروح لمجهول

[Horus]

" يعنى المهندسين المدنيين ملهومش شغل خالص الا لو كان عندهم خبرة فى البترول"

أنا قلت انها بس أصعب يا أخي العزيز ..

من ناحية تانية .. الخير أكتر في شغل البترول .. أمل إنت هتيجي ألبرتا ليه أمال ... :)

الفاضل ياسر الله يكرمة قال في موضوع سابق كل إلي يتقأل في موضوع المهندسين المدني

أنا خريج هندسة القاهرة .. قسم مدني و مع اني قد حصلت على master من أمريكا بفضل الله في ال civil engineering ...

إلا اني فضلت اتخصص فال-project management ..

أنا واحد من الناس .. شغال Planner/ schedule ..

---------------------------------------------------------------------------------------------------------

الوظيفه الثانيه : Scheduler

نسبه البطاله :3%

متوسط الدخل :19-21 $ فى الساعه

شروط خاصه : لايشترط أن يكون الموظف مهندسا ...كما جرى الحال فى مصر و الدول العربيه ...و لكن يشترط أجادته لبرامج التخطيط المختلفه .....

مميزات خاصه : مميزات العمل دوام كامل العاديه ...

متطلبات العمل : لأن الوظيفه موجوده بقطاع كبير من الأعمال فتنوع الخبره مهم ...فاليوم قد تعمل بشركه لأداره التخطيط بالمصانع لضبط و تحديد معدلات الانتاج و عمل تقارير التكلفه و المشاركه فى اعداد الميزانيه العامه ...غدا برنامج زمنى لمشروع ...بعده تقارير دراسيه و أحصائيه و غيره ...

ملاحظات : تصلح هذه المهنه لمهندسين مدنى الغير راغبين فى العمل فى محال التصميم الأنشائى و العاملين بقطاع اداره الأعمال .... يوجد لها نقابه راعيه مع حاصرى الكميات و دارسى العطائات و المناقصات ....

الدراسه : لمن لم يعمل فى هذا المجال سابقا يمكن متابعه الكورسات التاليه :

Construction Estimating all levels (4 courses)

Construction Planning and Scheduling

Construction Cost Control

Construction Administration

---------------------

[Horus]

باشمهندس Al-Muhager

بالنسبة للحضرتك بتعمله ..

----------------------------------------------

اخوك مهندس معماري دفعة 2002- بشتغل في دبي في مكتب استشاري من سنتين -

شوف يا عمنا ايه اللي بعمله

بالنسبة لبرامج الكمبيوتر - الحمد لله - بشتغل كويس اوتوكاد و ماكس و ادوب

بالنسبة لطبيعة شغلي

ببتدي في المشروع من اول ما بحط تصور للمشروع بناءا على متطلبات المالك ولحد ما الفكرة تستوي و بعدين ابتدي احضر رسومات المشروع المعمارية وانسق مع باقي التخصصات زي الانشائي ومهندس التكييف ومهندس الصرف ومهندس الدفاع المدني ومهندس الكهربا وبراجع شغلهم كلهم واشوف لو فيه تعارض بين اي تخصص والتانيولو فيه نحل الموضوع ازاي وبعدين و بتبابع الاجراءات الرسمية لحد ما نستلم الرخصة وبعد كده بنزل اشرف على تنفيذ المشروع من طءطء ل سلامو عليكو .............يعني من الاخر بتاع كله وانا عارف انه مش صح وان التخصص كويس ..بس بيني وبينك الموضوع ده اداني خبرة كبيرة في المجال بتاعنا وفي وقت قليل

--------------------------------------------------------------------------

د كلام بيقوم بيه فريق كامل هنا يا هندسة ...

إنت تجي و ربنا يكرمك .. تدور على شغل project engineer ..

شوف كدة ..

http://www.workopolis.com/work.aspx?action...rchId=670984616

--------------------------------------------------------------------------------------------------

Our client is one of the world's largest and most diverse providers of professional technical services. They offer full-spectrum support to industrial, commercial, and government clients across multiple markets. Services include scientific and specialty consulting as well as all aspects of engineering and construction, and operations & maintenance.

An opportunity is available for a: PROJECT ENGINEER

Responsibilities:

Direct and coordinate the activities of engineering and design groups assigned to a medium-sized project

Supervise complex engineering tasks related to a portion of a major project

Develop a definition of the scope of engineering services to be provided by the company

Establish the basic design criteria for the project with the client

Approve all project technical documentation such as specifications, flow diagrams and plot plans

Assure compliance of engineering effort to project schedule, control estimate and company procedures

Assign and review work of subcontractor project engineering staff

Outline more difficult problems and methods of approach. Coordinate work programs and direct use of equipment and material.

Education Requirements:

University graduate in engineering or applied science, with 6 -10 years of engineering, and/or administrative experience or an equivalent combination of education, training and experience. Candidates must have direct Oil and Gas / Petrochemical / Refinery experience.

Interested candidates should submit their resume to: sberman@roevin.ca

----------------------------------------------------------------------------------------------------

و برد في مجال البترول .. مش ال-plant د برد محتاج مهندسين عشان يبنوه !!

[Horus]

أهم حاجة أكد عليها .. هي الانجلش يا رجالة

أنا مش خايف على المهندسين المصريين .. عرف إن بفضل الله هنلم الشغلانة كلها و كمان نبدع فيها في كم شهر ..

بس اللغة بتكون هي العائق الحقيقي لأي فرصة للترقي ..

وأنا أقصد هنا مش أساسيات الانجلش .. أنا بتكلم على طلاقة السان و أنك تحاول على قد ما تقدر تزبط الاكسنت بتاعتك ..

الناس إلي مش مدارس لغات - زي . :) عارفين أنا أقصد إيه !!!

[mezo]

الاخ حورس شاكر لك على ردك السريع ولى سؤال بما انك نفس التخصص لو الواحد مشتغلش قبل كدة فى شركات البترول وحاول انه يشتغل فيها فى كندا بيبقى ممكن ولا صعب ويشترطوا خبرة البترول السابقة

[Horus]

أكيد هيكون مطلوب منك خبرة ف البترول ف الاحوال العادية ...

انما .. حالياً .. السوق محتاج مهندسين بالهبل ..

البرميل ب- ١٢٠ دولار يا أستاذ ..

إنت بس ادعي إنو يفضل كدة الكم سنة الجايين ...

فأعتقد مش هيدقو أوي .. خصوصاً لو الواحد مش داخل على Sr. position

إنت ممكن تقدم على شغل من عندك .. من هنا www.workopolis.ca

و هنا www.monster.ca

و لما تزبط شغلنا .. تيجي على طول ...

بالتوفيق