استفسار للمقيمين بالكويت

[hisham ahmed]

السلام عليكم

انا مهندس اتصالات ومعروض على عقد بالكويت بمرتب 400 دينار وكل حاجه على السكن والمواصلات وخلافه

وعندى اولاد هل هذا المرتب مناسب لحياه كريمه علما بان اولادى تحت سن المدرسه حاليا وكم تكون المصاريف للمعيشه واسعار السكن

[HDarwish]

الراتب ده ل Jenior Graduate

[hisham ahmed]

يعنى المرتب المناسب لمهندس للعيش حياه كريمه مع اسرته تقريبا يبقى كام برجاء الرد

[Simba]

السلام عليكم

انا مش هقدر اقولك الراتب كويس ولا لأ بس اقدر اقولك علي حاجات تانية

يعني هنا تقريبا الغرفة وصالة ب 150 دينار والغرفتين ب 220 وفيه اعلي من كده بكتير بس ده المتوسط

كل حاجة عليك دي صعب شوية ومش صعب في نفس الوقت هو انت هتقدر تعيش حياة كريمة مع زوجتك واولادك بس تنسي انك ممكن توفر دينار واحد لو هما معاك او حتي لو وفرت هيكون مبلغ ضئيل لا يذكر

الحياة الكريمة

شقة مفروشة كويس وسيارة واكل ولبس كويس

لو شلنا بند السيارة لانك مش هتقدر تجيبها في الاول يبقي اوك بس برضه تنسي حكاية التوفير لو هما معاك

والأحسن انك تجرب في الاول لوحدك لحد ما تشوف كل حاجة علي الطبيعة

[الحاج فوزى]

حضرتك متزوج وعندك أولاد فى سن المدرسة ..

يعنى فى المتوسط عندك مش اقل من 6 سنين خبرة ..

يعنى الحد الأدنى للراتب المناسب لمهنتك وخبرتك تقريباً المفروض يكون ضعف المبلغ المعروض عليك ..

متوسط السكن .. من 220 إلى 250 .

حد أدنى مصروفات الأكل والشرب والمصروفات المنزلية ، مستلزمات ، بنزين ، ..إلخ .. حوالى 150 . ( طبعاً تفرق من عائلة لأخرى )

لابد من وجود سيارة ، قسط سيارة معقولة حوالى 75 دينار .

أى الحد الأدنى لأسرة بحياة معقولة .. هيكون تقريبا الراتب المعروض عليك ..

مدارس الأولاد ..

فيه مدارس باكستانى متوسط التكلفة السنوية 500 أو 600 دينار . .

وفيه المدارس الأجنبية المالتى ناشيونال .. تبدء السنة من 900 حتى 1800

تحياتى . وتحت أمرك فى أى إستفسار ..

تم تعديل 20 أغسطس 2008 بواسطة الحاج فوزى

[الحاج فوزى]

اسف نسيت أقولك أن عمل إقامة الزوجة والأولاد أيضاً ستتكلف مبلغ ..

لست أتذكر المبلغ بالضبط .. لكن تقريباً الفرد الواحد لن يقل عن 140 دينار للسنة الأولى .. ثم حوالى 50 دينار لكل سنة جديدة .

لست متأكد من المبلغ بالضبط ..

هو حوالى 40 دينار تأمين صحى + مصروفات إقامة حوالى 100 دينار .. = 140

قد تزيد مصروفات الإقامة فى حالة أكثر من إبن .. يعنى الأبن الأول له مبلغ والثانى مبلغ أكبر والثالث أكبر على ما أذكر ..

يستطع الأخ الفاضل درويش التأكيد على المبلغ كم بالضبط ..

[hisham ahmed]

انا شاكر جدا لكل من تقدم للرد على

وعموما فى عقد تانى للسعوديه الراتب 5000 ريال

وبدل سكن 15000 ايهما افضل وشكرا

[Simba]

انا شايف انك تغير العنوان للمقيمين في الكويت والسعودية علشان اللي هناك يفيدوك اكتر

[muslim4ever]

استاذ هشام

بالنسبة لعقد السعودية بالقياس لتخصصك وخبرتك ضعيف وحيكون حالة كحال عقد الكويت يادوب حد الكفاف

الاسعار زادت بشكل كبير والسكن فى ازدياد مستمر يكاد يكون كل عام و 15000 للحصول على سكن عائلي مناسب حيكون فيه صعوبة انا مش بحبطك فى شقق باقل من ذلك لكن ارباء بك ان تسكن بها انت وعائلتك وفى احياء لا تسر الناظرين

الراتب مش عارف اقولك اية !!!! حسب ظروفك بس متحطش علية امال عريضة خاصة وان لديك ابناء فى مدارس

يوجد ملف خاص بالمعيشة فى السعودية اكيد حتستفيد منه اكثر

تم تعديل 21 أغسطس 2008 بواسطة muslim4ever