كيف نبني أو نُعيد روح العمل الجماعي بالمجتمع ؟

[عصام]

مجموعه من الناس يسكنوا مجموعه من العمارات .كل منهم لشقته ماتور .كل المواتير في غرفه .والغرفه بها عدادات ووصلات الكهرباء .المفتاح العمومي للمياه تالف ومفتاح الكهرباء الخاص بالعماره داخل الغرفه التي سيحدث بها الكارثه .لو كسرت ماسوره او تسربت المياه من احدي بالونات المياه لحدثت حريقه (كهرباء +مياه = حريقه ) ومن المؤسف بجوار الغرفه يوجد مواسير الغاز الطبيعي(كهرباء +مياه +الغاز الطبيعي= حريقه كبيره ).عرضت علي ساكني العماره فكره نجمع مبلغ من كل شقه لعمل محبس جيد للمياه ومفتاح عمومي للكهرباء خارج هذه الغرفه لفصل الكهرباء وقطع المياه عند حدوث الكارثه

للعلم معظمهم متعلمين وميسوري الحال ولكن منتهي البلاهه والغباء رفضوا المشاركه .

هذه المشكله تجدها في كل اسره وبيت وشارع ومحافظه ووزاره في بر مصر .يبخلوا بالمشاركه في حل مشاكلهم لابد من وجود قوه رادعه تلهب ظهورهم .

بالمناسبه سألت احد الزملاء لماذا لايرد علي احد لمااكتبه ؟قال الشعب المصري لايحب ان يقرأ ولكن يحب ان يتحدث او يتكلم او يكتب فقط

يحضرنى هنا واقعتين

الأولى .. انهم أنشأوا المحور ولم يحددوا الجهة المسئولة عن صيانته .. وهو ما كان سببا مباشرا لوصوله للحالة التى كان عليها ..

الثانية .. إنى بدأت أفكر جديا أعزل من العمارة اللى ساكن فيها (مع العلم انى مالك ولست مستأجر) بسبب اننا بنفشل شهريا فى جمع 15 جنيه مقابل مسح السلم

[se_ Elsyed]

مجموعه من الناس يسكنوا مجموعه من العمارات .كل منهم لشقته ماتور .كل المواتير في غرفه .والغرفه بها عدادات ووصلات الكهرباء .المفتاح العمومي للمياه تالف ومفتاح الكهرباء الخاص بالعماره داخل الغرفه التي سيحدث بها الكارثه .لو كسرت ماسوره او تسربت المياه من احدي بالونات المياه لحدثت حريقه (كهرباء +مياه = حريقه ) ومن المؤسف بجوار الغرفه يوجد مواسير الغاز الطبيعي(كهرباء +مياه +الغاز الطبيعي= حريقه كبيره ).عرضت علي ساكني العماره فكره نجمع مبلغ من كل شقه لعمل محبس جيد للمياه ومفتاح عمومي للكهرباء خارج هذه الغرفه لفصل الكهرباء وقطع المياه عند حدوث الكارثه

للعلم معظمهم متعلمين وميسوري الحال ولكن منتهي البلاهه والغباء رفضوا المشاركه .

هذه المشكله تجدها في كل اسره وبيت وشارع ومحافظه ووزاره في بر مصر .يبخلوا بالمشاركه في حل مشاكلهم لابد من وجود قوه رادعه تلهب ظهورهم .

بالمناسبه سألت احد الزملاء لماذا لايرد علي احد لمااكتبه ؟قال الشعب المصري لايحب ان يقرأ ولكن يحب ان يتحدث او يتكلم او يكتب فقط

يحضرنى هنا واقعتين

الأولى .. انهم أنشأوا المحور ولم يحددوا الجهة المسئولة عن صيانته .. وهو ما كان سببا مباشرا لوصوله للحالة التى كان عليها ..

الثانية .. إنى بدأت أفكر جديا أعزل من العمارة اللى ساكن فيها (مع العلم انى مالك ولست مستأجر) بسبب اننا بنفشل شهريا فى جمع 15 جنيه مقابل مسح السلم

ما تهزها شويه يا معلم !!

15 من كل واحد ولا كلكو 15 ؟

لو كلكو يبقى طلعهم إنت من جيبك وأقعد ذل في الجيران وقول لهم : أنا اللي بأصرف عليكم يا كلاب ...

بجد يا عصام ...15 ج ولا حاجه وإنت راجل مقتدر ... في واحده غلبانه بتجي تمسح السلم في بيت والدي إسبوعياً وهو 6 ادوار وبتاخد من كل شقة ... جنية ونص ...... بصراحة مش عارف أقول إيه .... وربنا يعين الناس اللي زي دي ... لكن الكل بيدفع بصراحة أصله ما يجيش تمن ساندوتش فول من غير سلطة طحينة ..

فعلاً هناك غياب تام لثقافة العمل الجماعي بمصر وكل واحد عايز يولع في اللي جنبه

[عصام]

باعتذر للخروج عن الموضوع وإن كنا لسا بنتكلم عن السلبية ..

15 جنيه من 7 شقق يا عم س س يعنى كل واحد جوز جنيهات ..

لما العمارة كانت فاضية .. مافيهاش غيرى يعنى .. كنت بادفع لجناينى .. ونور سلم .. ومسح سلم ونضافة .. وصيانة أى شيء فى العمارة .. وبمنتهى الرضا ..

لما بدأت تسكن وتدب فيها الرجل ..

ربنا كرمنى بشوية سكان من النوع الاطرش والاعمى واللى عامل مش واخد باله .. مع إن فيه بعض الشقق فيها عربيتين ..

مما دفعنى بقى يا عم س س وبعدر طول محايلة .. وخناق شوية .. إلخ

إنى أكبر دماغى .. واقول للمدام آخرك عتبة شقتك ..

وهو ما نتج عنه مصايب ..

مستوى نضافة منهار ..

مجارى ضاربة فى المنور

نور السلم عطلان

الجنينة ماتت ..

إلخ

لدرجة انى علقت لهم ورقة على بوابة العمارة كتبت عليها "المكان الذى نعيش فيه يدل على البيئة التى نشأنا فيها"

ولا حياة لمن تنادى

فخبرنى بالله عليك ماذا تفعل لو كنت مكانى؟

[ssmaly]

دى مشكلة كل عمارة فى مصر منذ عملوا نظام اتحاد الملاك زكل واحد دافع دم قلبه فى الشقة الاف (حاليا ممكن نقول مليون ولا دى كلمة ابحية ممكن رقابة المنتدى تحذفها) ولكن عندما يكون مطلوب منه ولا حتى 2 جنيه للعمارة ككل وهو منضمن العمارة يرفضوا دفع اى مبلغ(هو انتوا حتضحكوا على ولا ايه انتوا فاكرنى افندى دة انا صايع) .

عندى موقف فى عمارة اخى كان هناك مشكلة فى مواسير المياه الخاريجية للعمارة وطبعا لا حياة لمن تنادى واستمر رشح المياة على جاب من جوانب العمارة حتى اصاباها شرخ كبير هدد كل السكان ببأنهيار العمارة وطبعا كل واحد فاق لما لقى نفسه ممكن يكون بلا مأوى (زى عادل اما فى كراكون فى الشارع) هنا اضطروا ان يدفوا مبالغ طائل لانقاذ العمارة(طبعا بعد مت خربت مالطا)واسعار مواد البناء اصبحت فى السحاب

[se_ Elsyed]

فصلت هذه المشاركات من موضوع " حريق مجلس الشعب " وذلك لتفادي تشعب الموضوع هناك .. هذا أولاً ... أما ثانياً فلخطورة هذا الموضوع ..

أيوه خطورته واهميته .... فأنا اعتقد بإنه لا يوجد مجتمع ينهض ويتقدم إلا بروح العمل الجماعي ... ولا أدل على كلامي من الامثلة الموجودة في مجتمعات شرق آسيا وخصوصاً اليابان وكوريا وتايوان والصين اللي الفرد فيها يذوب برضاه وإرادته ورغبتة في المجتمع ويُقدم أولويات ومطالب واهداف المجتمع عما يخصه هو ... وبالتأكيد يجد نتائج تلك الإيجابية سريعاً في إنعكاسات روح الجماعة على حياته هو شخصياً فالمجتمع لن يتقدم بدونه وهو لن يتقدم بدون المجتمع

أما نحن فللأسف وصل بنا الحال إلى الوصف الدقيق الذي وصفه الرسول الكريم في حديثه النبوي الشريف عن ركاب السفينة المقسمة إلى دورين الدور العلوي به ماء الشرب وسكان الدور السفلي كل شويه طالعين نازلين عشان يشربوا .. ففكروا يعملوا ثقب في السفينة على الميه على طول عشان ما يزعجوش الناس اللي فوق ... فبالتالي الناس اللي فوق لو عرفوا وسكتوا فهايغرقوا كلهم ... والتانيين لو نفذوا اللي في دماغهم فبرضوا هايغرقوا كلهم ...

وما الموقف الذي حكاه الزميل ssmaly إلا دليل على تلك الروح السائدة

عندى موقف فى عمارة اخى كان هناك مشكلة فى مواسير المياه الخاريجية للعمارة وطبعا لا حياة لمن تنادى واستمر رشح المياة على جاب من جوانب العمارة حتى اصاباها شرخ كبير هدد كل السكان ببأنهيار العمارة وطبعا كل واحد فاق لما لقى نفسه ممكن يكون بلا مأوى (زى عادل اما فى كراكون فى الشارع) هنا اضطروا ان يدفوا مبالغ طائل لانقاذ العمارة(طبعا بعد مت خربت مالطا)واسعار مواد البناء اصبحت فى السحاب

أما ردي على كلام الإبن عصام شوقي ..

لدرجة انى علقت لهم ورقة على بوابة العمارة كتبت عليها "المكان الذى نعيش فيه يدل على البيئة التى نشأنا فيها"

ولا حياة لمن تنادى

فخبرنى بالله عليك ماذا تفعل لو كنت مكانى؟

حصل لي موقف زي ده بالظبط يا عصام في سكن جديد لي إنتقلت له منذ عامين

وربنا ما يوريك ...

عشان في حارس للعقار موجود وهو اللي بيجمع أكياس الزبالة من أمام الشقق ... ففي ناس بعيد عنك عندها عُقد نقص وبالتالي لديها قناعة إنهم لازم يسخروا أم الحارس ده .. ما هو عبد وشغال عندنا ويعتبر مما ملكت أيماننا ...

فهذا طبيب مرموق من جنسية عربية يسكن في الباب المجاور لي ولا يبعد عني سوا سنتيمترات ... أقسم بالله يا عصام .. ما تشوف وتسمع إلا صوت الباب بيتفتح ويروح رامي على طول إيده كيس الزبالة الذي ما هو إلا ثواني وتهجم عليه أسراب القطط المستوطنة في العمارة ومتربية على الغالي وقطط منظرها غريب ومبقلظة وواكلة كبسة لما قايله يا بس ... هوب تروح هاجمه على الكيس وتفرتك اللي جابوة وتلاقي طُرقة الدور كله إتفرشت زبالة ورائحة ننتنة ..... ومعظم الاحيان تلاقي الزبالة بقت عدة امتار امام شقته ... لدرجة مرة شوفته بينط حواجز عشان يخرج من شقته من كتر الزبالة اللي إتفرشت قدامه وهو ولا هنا ... ... ومرة بالصدفة كنت ماشي بعربيتي امام أحد المستشفيات المشهورة وهي تعتبر مجمع مستشفيات كبير وكان الطريق زحمة شوية فالواحد ماشي على مهلة إلا وألاقي واحد معدي الشارع وفي إيده كبشة لب ونازل قزقزة وبصق لقشر اللب في الشارع اللي بيبرق من النضافة بأبص كده لقيته هو فقلت " فعلاً يابني الشخصية المعفنة لا تتجزأ " بالرغم إنه كان لابس البالطو الأبيض بتاع الدكاترة يعني وإنت مغمض تشاور وتقول عليه : هذا طيبب بس معفن .... واللهم صلي عالنبي ويقوي إيمانه تلاقيه الصلاة الفرض بفرضة في المسجد ويرمح رمح وهو رايح يصلي ... فقمت بتقوية مدير المكتب الذي يدير العقار ضده وأشتكيت من اللي بيعمله ووجه له إنذار بالطرد من العمارة إذا ألقى أي زبالة امام شقته مرة اخرى ..

وخد عندك سكان الدور الأرضي اللي عاملينها مقلب زبالة عمومي وبيرموا الزبالة خلف الباب الزجاجي للعمارة و الحارس بيبقى هايبكي من كتر التعب والمجهود اللي بيبذله سواء في جمع تلك الأكياس المتهربدة من القطط او الآتيان بجردل ومياة بصابون لكي يزيل مخلفات تلك الأكياس من قاذورات ...

ولإنه منظر مؤذي للجميع فلقد فكرت في فكرتين ..

الفكرة الاولى إني اطبع ورقة كبيرة مكتوب عليها " يا ناس يا مسلمين يا موحدين بالله إتقوا الله وحافظوا على نظافة بيتكم " وقلت هاعلقها خلف الباب ..

لكن قلت هذا ليس حلاً فعالاً مع ناس ما عندهاش نقطة دم فممكن واحد فيهم يروح مقطع الورقة أو مسلط عيل صغير من عياله السفهاء ويقطعها ... بالمناسبة هما اللي بيبعتوا عيالهم يرموا الأكياس دي في مدخل العمارة عشان يبقى النشء الصغير طالع معفن ويتباهى به أمام الناس ..

والحل التاني إني نزلت أحد محلات ادوات النظافة وأشتريت برميل بلاستيك كبير ووضعته خلف الباب ... في الأول كانوا بيسيبوا البرميل ويرموا على الأرض وبعد كده إتعودوا على الرمي داخله .. لكن ما هي إلا أسابيع قليلة إلا والبرميل بقى أثر بعد عين وإتكسر حتت ما تعرفش إزاي ... لكن الحارس بصراحة وضع واحد غيره وكان كل ما يتكسر يجيب واحد تاني ...

فمعليش يا عصام يا إبني إبدأ بنفسك ... وإدفع لمدة شهر أو شهرين كامل أجرة الشخص اللي بينظف العمارة ... وعلق ورقة في مدخل البيت بحيث تكون واضحة للجميع بإنك قمت بهذا العمل من منطلق حرصك على نظافة وشكل العمارة التي تضمكم جميعاً فعلى من يحب أن يساهم في نظافة بيته ومدخل شقتة فمرحباً به .... يمكن يتكسفوا على دمهم لو كان فاضل نقطتين دم عندهم هنا ولا هنا وهما مش واخدين بالهم ... وممكن كمان في يوم أجازتك توضب الحديقة وتخليهم يشوفوك ... وحاول واحده واحده تُرسخ فكرة تجميع إتحاد مُلاك يساهم كل صاحب شقة ولو بعشرة جنيهات شهرياً وتنتخبوا واحد منكم رئيساً لمجلس إدارته وواحد أخر أميناً للصندوق - ولإنك صاحب الفكرة فأبعد إنت أحسن يظنوا فيك ظن بطال وإنك عايز تلم القرشينات وتخلع - ويقوم هذا الصندوق بالصرف على نظافة وصيانة العقار اللي هايعود بالنفع عليكم كلكم ..

فإبدأ بنفسك في هذا العمل الطيب وربنا مش هايضيع أجرك ... لإنك هاتعمله لوجه الله ...

[لولا]

الموضوع يحتاج لخطة وتنظيم وقائد..عمارة منظمة نظيفه يمكن ان تكون

قدوة وتجربه يسعى بقيه الملاك فى العمارات المجاوره للإقتداء بها.

على احدهم التبرع فعلا للقيام بالخطوة الأولى.

هناك غفله تحتاج لأن نخرج منها..الجماعة عباره عن افراد..والفردين

بدايه الجماعة..واتفاق شقتين فى كل طابق على خطة معينه

تنتقل لبقيه الطوابق هو تماما ما يحدث فى المجتمع..لنبدأ فقط

المهم البدايه.

ملاحظة:

بالنسبه لموضوع النفايات امام الشقق وما يحدث لها من هجوم

القطط يجب ان تلتزم كل شقه(بشكل اجبارى) بوضع صندوق بلاستيكى للنفايات بغطاء

لوضع النفايات به وتغطيته جيدا لحين التخلص منها لمنع انتشار

الروائح والحشرات من جراء تناثرها على الأرض..

بالنسبة للرائحة عادة يتم شراء (النفتالين) واذابته فى ليتر ماء يتم رشه

كل حين فى صناديق النفايات من اجل التغلب على الرائحة الكريهه والتطهير

وطبعا التكلفة لا تكاد تذكر اصلا.

[ابو محمود]

مجموعه من الناس يسكنوا مجموعه من العمارات .كل منهم لشقته ماتور .كل المواتير في غرفه .والغرفه بها عدادات ووصلات الكهرباء .المفتاح العمومي للمياه تالف ومفتاح الكهرباء الخاص بالعماره داخل الغرفه التي سيحدث بها الكارثه .لو كسرت ماسوره او تسربت المياه من احدي بالونات المياه لحدثت حريقه (كهرباء +مياه = حريقه ) ومن المؤسف بجوار الغرفه يوجد مواسير الغاز الطبيعي(كهرباء +مياه +الغاز الطبيعي= حريقه كبيره ).عرضت علي ساكني العماره فكره نجمع مبلغ من كل شقه لعمل محبس جيد للمياه ومفتاح عمومي للكهرباء خارج هذه الغرفه لفصل الكهرباء وقطع المياه عند حدوث الكارثه

للعلم معظمهم متعلمين وميسوري الحال ولكن منتهي البلاهه والغباء رفضوا المشاركه .

هذه المشكله تجدها في كل اسره وبيت وشارع ومحافظه ووزاره في بر مصر .يبخلوا بالمشاركه في حل مشاكلهم لابد من وجود قوه رادعه تلهب ظهورهم .

بالمناسبه سألت احد الزملاء لماذا لايرد علي احد لمااكتبه ؟قال الشعب المصري لايحب ان يقرأ ولكن يحب ان يتحدث او يتكلم او يكتب فقط

يحضرنى هنا واقعتين

الأولى .. انهم أنشأوا المحور ولم يحددوا الجهة المسئولة عن صيانته .. وهو ما كان سببا مباشرا لوصوله للحالة التى كان عليها ..

الثانية .. إنى بدأت أفكر جديا أعزل من العمارة اللى ساكن فيها (مع العلم انى مالك ولست مستأجر) بسبب اننا بنفشل شهريا فى جمع 15 جنيه مقابل مسح السلم :sad:

الموضوع دة وراثة يعنى انا كتبت فى اكثر من صورة تشبة هذا الموضوع خد عندك

الاسانسير يطلع الواحد من دول ويترك الباب مفتوح ...لا مبالاة ...

السلم يلعب الاولاد ويتركو الورق ويقطعون فى الزرع اللى قدام الباب .. لا مبالاة من الاهل

البواب يميل لة بعض السكان فيستميل لهم اما بكثرة العطايا ظنآ منهم انهم يملكونة فيطيعهم اولآ ويقضى حوائجهم ( يبوظ ويصبح استغلالى ) لا مبالاة

الزبالة ميعاد الزبال بيكون محدد اللى راحت عليها نومة او تكاسلت او خرجت تترك الزبالة فى الاسانسير والباقى ؟؟؟؟؟؟ لا مبالاة

فاتورة النور والمياة والسلم والاسانسير من الكهرباء يتلكعون فى سدادها والغريبة تجد كل شوية

دليفرى كنتاكى وبيتزا هات طالع نازل وكأنها عمارة بدون ستات بتطبخ بزخ بعيد عنك ..لا مبالاة

العجيب بقى خارج العمارة يا أستاذ امامى الميدان انظر الى مشهد عجيب فلتنظر معى ,,,

المشهد الاول اما البلكونة على بعد مابين الخمسين مترآ او اقل بقليل على مدى الشوف يوجد كشك عيش مدعم ويقف بعض النا س لشراء العيش المدعم

المشهد الثانى .. عربة نيسان موديل 2007 تقف امام الكشك وينزل منه رجل يرتدى جلباب ابيض لامع يدل على الفخامة والثراء ويشترى عيش من الكشك

وبعد قليل تقف عربة كيا وينزل منها رجل وزوجتة لشراء العيش المدعم

المشهد الأخير يقف رجل على ناصية الشارع المؤدى الى الكشك ملابسة تدل على انة عامل بسيط يعدى الشارع لشراء العيش المدعم ؟؟؟؟؟

ارجو من سيادتكم ان تصفو لنا احساس العامل البسيط وهو يقف بجوار صاحب العربة

انها اللاة مبالاة والاستغلال هكذا يوجد لدينا نماذج من البشر الغير سوى ويتربى على ايديهم ابنائهم ويصبحون مثقلين بثقافتهم وانانيتهم من استغلال لكل شيء حولهم حتى لو مش من حقهم

اتمنى ان اكون قد وضحت كلماتى ردى

[~Heba~]

الزملاء الافاضل

فى كل المشاكل اللى ذكرتوها فتشوا عن الروابط الاجتماعية المتفككة بين الجيران

للاسف المبدأ الماشى حاليا هو

"صباح الخير يا جارى انت فى حالك و انا فى حالى "

و نسوا انه فيه اشياء مشتركة

ضرورى و رغما عن الجميع بيكون هناك حاجات مشتركة

محدش عايش لوحده فى الدنيا دى

[حسام يوسف]

أعتقد أن لدينا عيب خطير هو غياب الجماعية

وهو ناشئ عن غياب الوعى بالمصير المشترك

وأهمية توحد اى جماعة بشرية

واذا كان عندنا رأى عام

تبقى دى اول خطوات الاصلاح

ياترى ممكن؟

[لولا]

ما استغربه حقا ان تكون روح الجماعة لها مواسم !

بمعنى تظهر فى رمضان وتختفى فى بقيه الشهووووور ..شيء يدعو للتعجب!

فى رمضان يتفق الناس على نظافة العمارة..على خدمة موائد الرحمن..

على الذهاب فى جماعة للتراويح وخدمة المساجد وتنظيفها وتجهيزها

للتراويح وكلها بلا مقابل وبروح جماعيه جميلة جدا جدا.

[احمد مطر]

الزملاء الافاضل

فى كل المشاكل اللى ذكرتوها فتشوا عن الروابط الاجتماعية المتفككة بين الجيران

للاسف المبدأ الماشى حاليا هو

"صباح الخير يا جارى انت فى حالك و انا فى حالى "

و نسوا انه فيه اشياء مشتركة

ضرورى و رغما عن الجميع بيكون هناك حاجات مشتركة

محدش عايش لوحده فى الدنيا دى

بكل اسف هو دا الواقع واضيف ان ممكن جارك يشرفك بالزياره لو احتاج حاجه

غير كده ميعرفكش

[حسام يوسف]

أعتقد أن هذة السلبية

وغياب الجماعية

واقتناع كل واحد ان الفردية هي الحل

هى السبب فى غياب هدف واحد تتفق علية الناس

ومادام مفيش هدف

يبقى كل عام وانتم بخير

[مشمش]

أعتقد أن هذة السلبية

وغياب الجماعية

واقتناع كل واحد ان الفردية هي الحل

هى السبب فى غياب هدف واحد تتفق علية الناس

ومادام مفيش هدف

يبقى كل عام وانتم بخير

السبب سيدي العزيز ليست قناعة او طريقة تفكير.

السبب هو نقص تربية! و لا اقصد هذا بمعني سلبي.

معظم الناس لم يتربوا علي العمل الجماعي في الصغر. انظر الي المجارس في الغرب, تجد انهم يركزون علي هذا الموضوع جداً حيث يكلف الاولاد بمشروعات جماعية و بتم تقييمهم كجماعة.

و ايضاً الشركات العالمية, جزء من التدريب الغير الفني هو العمل الجماعي, حيث بجمعون اشخاص من ادارات مختلفة و يتم تكليفهم بعمل جماعي.

الموضوع في غاية الاهمية و كل علماء التربية يعرفون ذلك. و لكن في مصرنا الحبيبة, الحل هو "شيلو سنة ساتة, حطو سنة ساتة".

لذا ابداء بالاطفال في محيطك العائلي او السكني و اوكل اليهم مهام مشتركة و كافئهم عليها و لك الثواب ان شاء الله.

يمكن الجيل القادم يطلع متعاون اكتر

[الباشمهندس ياسر]

اذا سمحتولى ادلى بدلوى فى الموضوع الجامد ده

بالنسبة للعمارات تحديدا ان شايف ان الموضوع اسهل من كده

الوالد حفظه الله بيعمل حاجة جامده جدا وهى كالتالى

جمع سكان العمارة عن بكرة ابيهم .. حلوة ابيهم دى ..

و قال يا جماعة الخير هنعمل صندوق العمارة

و كل واحد هيدفع 10 جنيه بصورة شهرية

و هنبادل امانة الصندوق كل 3 شهور بالتناوب

و عليها من ساعتها

الصندوق ماشى و الاشتراك وصل 20 دلوقتى

لارتفاع اسعار الصيانة والنظافة الدورية

بس الحاجة الوحيدة اللى ما اتحققتش

هى تناوب امانة الصندوق

الناس بتقول مش فاضية

و جارنا العزيز اللى مسكه اول مرة هو الوحيد اللى موظف

الباقى اعمال حرة فمفيش وقت

انما عن ثقافة العمل الجماعى عموما

فانا شايف ان الموضوع لازم يبدا بالقائد

و هو الشخصية اللى بتبدأ الموضوع و تتابعه

لغاية ما يستقر ويبقى منظومة كاملة

و اعتقد ان دى ثقافة شعب

بس يا ترى يا هل تر ى

هنقدر نغير ثقافة الشعب؟؟؟؟؟؟

[حسام يوسف]

أنا مع الزميل مشمش

لكنى كانت الأجيال القديمة ماكانتش اصلا بتروح مدرسة

لية كانوا جماعيين؟

وجدعان وقلبهم على بعض؟

أعتقد انها التربية وروح الانانية

والنموذج الاستهلاكى الذى ظهر مع انفتاح السداح مداح بتاع الرئيس المؤمن

وبالنسبة لكلام باشمهندس ياسر

لو كل حاجة استنينا واحد ييجى ويبقى قائد علينا ويمشينا قدامة حتى لو بمبادئ وقيم

هتبقى ديكتاتورية

وممكن كمان تبقى ديكتاتورية حا;م طواعية من الشعب

ومادام الناس مشاركتش فى حاجة

وتعبت عشانها

مش هتدافع عنها

تمام زى ما حصل مع عبدالناصر

يوم ما مات

ماتت طريقتة واستراتيجياتة فى الحكم وأهدافة

لازم احنا

نحن

WE

NOUS

تم تعديل 26 سبتمبر 2008 بواسطة حسام يوسف

[مشمش]

لكنى كانت الأجيال القديمة ماكانتش اصلا بتروح مدرسة

لية كانوا جماعيين؟

وجدعان وقلبهم على بعض؟

علشان كانو عايشيين مع بعض! كان العادي ان البيت فيه الجد و الجده و الابناء و الزوجات و الاحفاد!

شغل البيت كان جماعي بين كل نساء العائلة, شغل الغيط كان برده جماعي!

و بالطبع كان هذا ينعكس علي المحيط خارج الاسرة.

[الباشمهندس ياسر]

أنا مع الزميل مشمش

لكنى كانت الأجيال القديمة ماكانتش اصلا بتروح مدرسة

لية كانوا جماعيين؟

وجدعان وقلبهم على بعض؟

أعتقد انها التربية وروح الانانية

والنموذج الاستهلاكى الذى ظهر مع انفتاح السداح مداح بتاع الرئيس المؤمن

وبالنسبة لكلام باشمهندس ياسر

لو كل حاجة استنينا واحد ييجى ويبقى قائد علينا ويمشينا قدامة حتى لو بمبادئ وقيم

هتبقى ديكتاتورية

وممكن كمان تبقى ديكتاتورية حا;م طواعية من الشعب

ومادام الناس مشاركتش فى حاجة

وتعبت عشانها

مش هتدافع عنها

تمام زى ما حصل مع عبدالناصر

يوم ما مات

ماتت طريقتة واستراتيجياتة فى الحكم وأهدافة

لازم احنا

نحن

WE

NOUS

يا دوك

انا مقصدتش كده من كلامى

الفكرة ان احنا نبطل كلمة انا مالى

و كل اللى شايف مشكلة يقدر عليها يحلها

و بكده يبقى هو القائد

يعنى حل المشكلة دى فى عمارتنا مكلفناش اكتر من

دور الشاى ولا الحاجة الساقعة و المشكلة اتحلت حل جذرى

و على فكرة انا بحاول اعمل كده وابدا

و صدقنى ربنا بيساعد و المشكلة بتخلص

و بالنسبة بقى للحكام والذى كان

غفر ربى لانور وجمال قول امين