Scorpion بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 بقي خير الله ما أجعله خير ... خلصت حتين الغسيل اللي في إيدي ... و حضرت العشا و حطيته في التلاجة جاهز عالتسخين ... و قلت اخش ابصلي بصة عالمحاورات ... و اخبار البلد ... و ابص عالشريط المتحرك اللي فيه آخر المواضيع الاقيهم دول : - سؤال عن خطوات الهجرة فيدرالي - شهادات الخبرة - كيف تهاجر بدون محامي - هل هذه الإعاقة تمنعني من الترشح للهجرة - سؤال للأستاذ ياسر - الأيلتيس علي اليوتيوب مجانآ - إستلمت التأشيرة النهارده - ترك العمل في فترة الأختبار و المنع من دخول السعودية - بداية الرحلة مرة أخري - سؤال بخصوص تاخير صدور لتأشيرة بالسفارة قلت في نفسي شوف يا اخويا وزارة الهجرة سرقت اللوجو بتاع المحاورات ... و قمت باصص مرة تانية علي اسم الصفحة اللي انا فيها الاقيها "محاورات المصريين" !!!!!!!!! :sad: :sad: :sad: هو فيه ايه ؟؟؟ العنواين دي كانت ورا بعضها بالتسلسل ده .... هي المحاورات بقت مكتب معلومات ملحق بسفارة كندا و السعودية ... مش عايز كلامي يتفهم غلط و اني بعترض علي مساعدة بعضنا باللي نعرفه او بتجاربنا ... بس مش بالشكل المبالغ ده ... بقي عندنا داتا بيز فيها معلومات كافية و كتيرة جدآ ... فشوية تركيز او البحث بين المواضيع حنلاقي السؤال اتعرض قبل كده كذا مرة ... و اتجاوب عليه بدل المرة ميه ... فمش معقول لو شوية تأخير من سفارة اقوم افتح موضوع ... يهف في دماغي اسأل سؤال نظام ينفع اقول صباح الخير في كندا و الا يعتبروه إهانة ... اقوم افتح موضوع ... و كل المواضيع التانية تتردم عليها .... هو فيه ايه ؟؟؟؟؟ كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
لولا بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 والله يا سكوب موتنى من الضحك .. نفس الكلام اللى كنت بقوله لنفسي بالضبط ونفس التعجب وبصراحة زود فوقها كنت متغاظة بجد :sad: بجد هو فى ايه ؟؟ هو دا منتدى المحاورات اللى فيه باب للهجرة الى كندا ولا منتدى الهجرة لكندا وفيه قسم على القد كدا للمحاورات تلخص الأقسام التانيه الكتير . اسجل فعلا استغرابى المطلق ، وحقيقة كنت انوى ان اسجله فى مستغرب انما سبقتنى اليه امر آخر لفت نظرى. الغريب جدا ايضا ان نسبه 95% من زوار قسم الهجرة لا يقومون باى مشاركة مطلقا فى بقية الأقسام ..الملفت انهم لم يهاجرو كندا بعد بالتالى يفترض ان القضايا المحليه المطروحة للنقاش تهمهم. استغرب جدا مما يحدث فعلا :sad: طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
iloveegypt بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 بصراحة انا حاسس انا المحاورات اصبحت تتبع سفارة كندا وحتى المواضيع الغير كندية متلاقيش فيها مشاركة الاضعيفة والاسئلة متكررة ومححدش عايز يقراد ده غير اللى بيسحل علشان يسئل سؤال وفكيك ولو حد اخر عليه الاجابة تلاقيه متضايق طيب ما انت لازم تفيد الناس علشان الناس تفيدك وعلى فكرة انا لسه قاعد وهقعد فى البلد لا هجرة ولا يحزنون رابط هذا التعليق شارك المزيد من خيارات المشاركة
moheltohamy بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 (معدل) والله يا سكوربيون (مش ناوي تريّحني وتقوللي إيه حكاية سكوب دي؟)... أنا نفسي اتخنقت ومرة اتنرفزت على واحد عمل موضوع من نفس العينة! بس هاقول لك إيه؟ ثقافة شعب! احنا اتعوّدنا ع اللي يجيبلنا الأكل بالمعلقة لغايت بؤنا! وانا أكبر مثال على كده بالمناسبة :sad: ماما - الله يمسيها بالخير - كانت دايماً (وما زالت الصراحة) تنضّفلي السمك (من الجلد والشوك) وانا آكل ع الجاهز ، والبطيخ يتقطع ويتشال منه البذر ، وسدر الفراخ يتشال من عليه الجلد ، واللحمة (تليبيانكو تتنضّف من الجلد والحاجات اللي حواليها دي) ، نظام سلّمني نضيف يا حلاوة... لدرجة إنها كانت تقوللنا: مش عاوزين حد يهضملكم الأكل بالمرة؟ آدي عيّنة من الشعب المصري... أنا! :sad: وانتا أصلاً بتكون سعيد وانتا بتساعد أي حد ، ومش هنتأخر في المساعدة أو الإجابة والتوضيح. لكن تلاقي السؤال معمول له توبيك ؛ وفي نفس الصفحة في فهرس كندا موجود موضوع تاني بيتكلم على نفس الحكاية؟ دي بقى تنقط وتخنؤ وتئرف كمان! بيتهيألي يا سكوربيون - لو فاضيين يعني - ممكن تفلتروا المواضيع اللي لا تسمن ولا تغني ولا تضيف لقيمة المنتدى كل فترة! مثال... واحد من يومين دخل عمل توبيك جديد بيسأل عن "هوه لازم أقدم هجرة عن طريق محامي؟" ، وف نفس الصفحة موضوع "كيف تقدم للهجرة بدون محامي" عمله أخونا د. قناوي حبيبي ، وماما نونا! حد دخل يسأل "ما تعرفوش فين المدارس الإسلامية في كندا؟"؟ ولسه يا دوبك الفاضلة أم بلال عاملة موضوع "موقع المدارس الإسلامية في كندا على الإنترنت"! بصراحة الموضوع دوت فعلاً زاد عن حده شوية! وكان فعلاً محتاج شويّت استغراب :sad: ، مع كُبّايت سحلب على أهوت حسام من إيدين لولا تعدل الدماغ! :blink: تم تعديل 11 سبتمبر 2008 بواسطة moheltohamy فيجيب الدمع والماضي الجريح *** لم عدنا؟ ليت أنّا لم نعُد! رابط هذا التعليق شارك المزيد من خيارات المشاركة
Scorpion بتاريخ: 11 سبتمبر 2008 كاتب الموضوع تقديم بلاغ مشاركة بتاريخ: 11 سبتمبر 2008 من كتاب تاريخ المحاورات صفحة 1433 باراجراف 7 شوف يا تهامي باشا .. موضوع سكوب ده قديم قدم الغام الحرب العالمية التانية اللي مافيش حد عايز يعبرها :sad: .. و لقد ذكر في كتاب " c'est la vie " لجندي من جنود نابليون .. انه في بداية ظور سكوربيون علي الصفحات المحاوراتية تصادف وجود عضو اسمه "لانسلوت" ( الله يمسيه بالخير و يكون معاه دايمآ ) .... و اللانسلوت هذا كان من هواة تصغير الأسماء .. و في مرحلة تبادل الألقاب اطلق سكوربيون خطأً لقب لانشلوت ( بالشين) عليه ... فما كان من اللانسلوت الا ان رد الصاع صاعين واطلق لقب سكوب علي هذا الأخير ... و راق هذا اللقب للجميع و ظل هكذا حتي وقتنا هذا ... انتهي ... اما بالنسبة لموضوعنا ده فالواضح انه شيء مش صحي بالفعل و لا يفيد الحوار الطبيعي ... و لازم نعمل حاجة كلنا ترجع الأشياء لحجمها الطبيعي ... يعني حضرتك مثلآ في مداخلتك الأخيرة اديتني خط ابتدي امشي انا شخصيآ عليه ... المواضيع اللي حضرتك قلت عليها دلوقتي حتنضم علي بعض و طبعآ مواضيع تانية حتتفلتر ... و يا ريت كل عضو شاف ان سؤال معين تم مناقشته بالفعل و ان مافيش اي جديد ممكن يتضاف عليه .. يا ريت يلفت انظار الزملاء المشرفين ليه سواء برسالة خاصة او بخاصية التقرير .... و بكده نتعاون جميعآ علي استخدام باب الهجرة الإستخدام الأمثل له بدل المبالغة اللي بتحصل فيه دلوقتي ... و اللي في نفس الوقت مش ممكن الوم صاحبها الا في انه يستسهل و خلاص .... كل شكري علي الإيجابية التي رأيتها في هذا الموضوع ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
حسام يوسف بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 العزيز سكوب والله انا اتخنقت فعلا من كل واحد داخل المنتدى يعمل موضوع جديد ويرزعنا سؤال غاية فى الأهمية وادينى فى المواضيع وتكتر ع الفاضى وبجد بقى باب كندا أشبة بسوق التلات انا اسف دة مش تقصير منكم كادارة بالعكس انتوا تعبتوا وشفت لما س س لم المواضيع فى أبواب محددة لكن مفيش فايدة أنا مستعد أبلغ الادارة ولو انى اعترف انى حتى ولو انى مقتنع بدة بحس ان اللى يعمل كدة يبقى عصفورة وأنا اكرة ما علية العصافير وأنا ماشتكيتش بقالى سنة وزيادة ع المحاورات الا مرة واحدة بس وكنت مضطر لكن بجد موضوع كندا عايزلة حل المنتدى مش بتاع الادارة بس دة بتاعنا كلنا والمنظر بقى سيئ جدا نيجى للنقطة التانية اللى هختلف معاك فيها انا اللى فهمتة انك مستنكر الهجرة والسفر حضرتك والاستاذة شريكتى لولا (لو كنت فهمت صح يعنى) يعنى حضرتك ترضى ترجع مصر؟ متزعلش منى انا بعزك وبحترمك بس دة مجرد سؤال تقبل تحياتى رابط هذا التعليق شارك المزيد من خيارات المشاركة
~Heba~ بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 من اقل من شهر يا جماعه اطلعوا برة اتهووا شوية..ايه دا مبتزهقوش :P عايزة اشوفكم فى باب الابتسام وباب حوارات جادةو بقية الابواب الا باب كندا :sad: كله كندا كيبك كندا مونتريال كندا تورنتو :blink: يا جماعه اطلعوا برة اتهووا شوية..ايه دا مبتزهقوش عايزة اشوفكم فى باب الابتسام وباب حوارات جادةو بقية الابواب الا باب كندا كله كندا كيبك كندا مونتريال كندا تورنتو مين الاخت يا جماعة :sad: باين عليك عايزة تعرفي ازاي تقدمي طلب هجرة بس مكسوفة تسألي :P يا جماعه اطلعوا برة اتهووا شوية..ايه دا مبتزهقوش عايزة اشوفكم فى باب الابتسام وباب حوارات جادةو بقية الابواب الا باب كندا كله كندا كيبك كندا مونتريال كندا تورنتو :lol: مين الاخت يا جماعة :blink: باين عليك عايزة تعرفي ازاي تقدمي طلب هجرة بس مكسوفة تسألي :P مين الاخت انى انا الناى الذى لا تنتهى انفاسه مادام فى الاحياء و انا الخضم الرحب ليست تزيده الا حياة سطوة الانواء :sad: انا عضوة فى المحاورات بتابع من بعيد لبعيد مواضيع الهجرة دى smk: و صعبان عليا اللى بيشاركوا فى باب الهجرة لكندا فقط او باب المغتربين و سايبين بقية الكنوز اللى برة انا قلت الموضوع حياخد فترة على ما الادارة تلاحظه أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
moheltohamy بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 من كتاب تاريخ المحاورات صفحة 1433 باراجراف 7 شوف يا تهامي باشا .. موضوع سكوب ده قديم قدم الغام الحرب العالمية التانية اللي مافيش حد عايز يعبرها wst:: .. و لقد ذكر في كتاب " c'est la vie " لجندي من جنود نابليون .. انه في بداية ظور سكوربيون علي الصفحات المحاوراتية تصادف وجود عضو اسمه "لانسلوت" ( الله يمسيه بالخير و يكون معاه دايمآ ) .... و اللانسلوت هذا كان من هواة تصغير الأسماء .. و في مرحلة تبادل الألقاب اطلق سكوربيون خطأً لقب لانشلوت ( بالشين) عليه ... فما كان من اللانسلوت الا ان رد الصاع صاعين واطلق لقب سكوب علي هذا الأخير ... و راق هذا اللقب للجميع و ظل هكذا حتي وقتنا هذا ... انتهي ... اما بالنسبة لموضوعنا ده فالواضح انه شيء مش صحي بالفعل و لا يفيد الحوار الطبيعي ... و لازم نعمل حاجة كلنا ترجع الأشياء لحجمها الطبيعي ... يعني حضرتك مثلآ في مداخلتك الأخيرة اديتني خط ابتدي امشي انا شخصيآ عليه ... المواضيع اللي حضرتك قلت عليها دلوقتي حتنضم علي بعض و طبعآ مواضيع تانية حتتفلتر ... و يا ريت كل عضو شاف ان سؤال معين تم مناقشته بالفعل و ان مافيش اي جديد ممكن يتضاف عليه .. يا ريت يلفت انظار الزملاء المشرفين ليه سواء برسالة خاصة او بخاصية التقرير .... و بكده نتعاون جميعآ علي استخدام باب الهجرة الإستخدام الأمثل له بدل المبالغة اللي بتحصل فيه دلوقتي ... و اللي في نفس الوقت مش ممكن الوم صاحبها الا في انه يستسهل و خلاص .... كل شكري علي الإيجابية التي رأيتها في هذا الموضوع ... آهاااااا... بتؤصّوا الكلا... الكلام يعني (وش محمد رضا - 30 يوم ف السجن) ماشي يا عم سكو... سكوب يعني وأشكر لك الاستجابة لفكرتي ، وآديني بعثت تقرير للإدارة لأول مرة. سامحني يا حسام ؛ بقيت عصفورة فيجيب الدمع والماضي الجريح *** لم عدنا؟ ليت أنّا لم نعُد! رابط هذا التعليق شارك المزيد من خيارات المشاركة
Ghost بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 و الله انا شايق ان الاداره ليس لها دخل فيما يعرضه و يكتبه البعض من مواضيع ما دامت لا تمس القواعد المتعارف عليها المشكله فعلا فينا احنا عاوزين كل شئ بسرعة و جاهز علشان ما فيش و قت و ... بس اقولك يا سكوب و الله العظيم انا معاك في ان مواضيع كندا زادت قوي عن الحد و انا ملاحظ ده و ما علقتس لسبب ان الناس فعلا زهقانه زهقانه الحال في مصر يخلى الواحد يطلع من جلده مش من هدومه فالناس عاوزه اي كلمه او امل يصبرها لحد ما يخرجوا ويشموا هوا بره مصر و لو مؤقت من باب الراحة النفسيه كل يوم كوارث كل يوم غلاء كل يوم فساد و رشاوي كل يوم احر من التاني و كان الطقس اتحد مع الحكومه على خنق الناس لنا الله الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
احمد مطر بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 للاسف هو الموضوع مش بس اننا بندور غلط لا دا كمان لما نوصل للمرحله دى كله عاوز يهاجر سيبكم من جزئية ان المنتدى كله بقى عن الهجره بس فى حاجه تانى كندا من اصعب البلدان الى ممكن تروحلها هجره ماديا وعلمايا حتى فى مستويات اللغه المطلوبه هناك ودا يثبت ان فى عقول محترمه جدا جدا فى مصر وعندها الامكانيات انها تعمل البلد دى من جديد لغات ومستوى تعليمى متميز وخبره ممكن مجموعه تسافر اه لكن مش بالطريقه دى المشكله ان البعض بيعانى من مشاكل كتير من الناس بيعانى فيها زيه ومفكرش فى الهجره كله بيتكلم عن المستقبل ودا حقه لكن الناس الى خرجت هى الى معاها العلم والمال سبحان الله اومال الغلابه الى هنا يعملوا ايه والى اكيد ظروفهم الاغلبيه اصعب لانهم لا معاه مال ولا خبره مش دول الى ظروفهم اصعب ولا انا غلطان واؤكد انى مش ضد الهجره اطلاقا لان اكيد السفر والاماكن الجديده بتدى معلومات وخبره وانا عارف ان البلاد دى كمان يمكن فيها حقوق لكل روح خلقها ربنا لكن برضو اكيد فيها حاجات تانى غلط اتمنى مكونش طولت عليكم رابط هذا التعليق شارك المزيد من خيارات المشاركة
~Heba~ بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 اللي بيسافر كندا بيسافر عشان حياه! أسلوب الحياة. حتى المصرى اللى بيسافر كندا عايز حاجة ع الجاهز عايز اسلوب حياة جاهز بدل ما يتعب و يعمله هنا فى بلده... أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
Virus بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 موضوع الابن سكوربيونكو ممكن يتفهم على محورين :1- دافع الطفشان والهجرة خارج مصر اللي بقى زي الميه والهوا عند الناس وبقى كل واحد لسه طالبي وبيدرس زي ما شوفنا في المنتدى بقى يفكر في الهجرة وده محتاج مناقشة وكلام كتير مننا كمثقفين يعني 2- موضوع الاستسهال والكسل والطناش اللي انا شخصياً كنت بأشد في شعري واقول : يا جماعة اتعبوا نفسكم وخد لك لفه كده في المنتدى وخصوصاً ابواب المغتربين وبالتأكيد هاتلاقي اجابات على كل ما يشغل بالك ... لكن لا حياة لمن تنادي او كإننا بنقول الآذان في دولة الفاتيكان النقطة الأولى مش ها قدر أرد عليها لأني قناعاتي لسه ممزقة بين رغبتي الشديدة في الطفشان وضميري اللي بيأنبني جدا على إني سايبها تولع وخالع كده... ولحد ما أرسى على حل ..ده إذا رسيت..أسيبكم مع المقالة اللطيفة دي ل إبراهيم عيسى... أخو أوباما النقطة الثانية.. فأنا أظن-حسب مشاهداتي في منتديات عديدة- إن مبدأ المعلقة بتاع التهامي سائد تماما ومالوش حل أبداً (وحتى في المنتديات الأجنبية) ..ولو عايزين نحافظ على شكل الحوارات في المنتدى يبقى لازم يكون فيه فهرس واضح جداً بأهم المواضيع اللي فيها أسئلة معنون بطريقة صحيحة ومبوبة: النقاط..التقديم..وقت الانتظار.الاندينج ..وهكذا..صحيح إن س س عنده موضوع مثبت لكن هو عايز شوية ترتيب ويبقى محدش له حجة تانية!! أكتفي بهذا القدر.. رابط هذا التعليق شارك المزيد من خيارات المشاركة
زقلط بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 (معدل) تكرار الموضوعات في باب كندا ناتج طبيعي، بسبب معدلات الردود اليومية المرتفعة بشكل كبير، مما يضيع في طياته محتوى الموضوع مع مواضيع فرعية في غير هدفه الأصلي، فيضطر القاريء أو الزائر بعد ما يصبح عضوا من اعادة السؤال مرة آخرى لغرض الحصول على اجابة قطعية بدون حشو. اعتقد اذا أُعيد تقسيم باب الهجرة الي ابواب فرعية مثبتة من خطوات الهجرة، التعليم، الدراسة، السكن، ....الخ. ستسهل على الجميع - إدارة وأعضاء -لمتابعة الموضوعات بها.. تم تعديل 12 سبتمبر 2008 بواسطة زقلط الساكت عن الحق شيطان اخرس وأرض الله واسعة واللي مالوش خير في اهله ..مالوش خير في حد رابط هذا التعليق شارك المزيد من خيارات المشاركة
yassir بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 بقي عندنا داتا بيز فيها معلومات كافية و كتيرة جدآ ... فشوية تركيز او البحث بين المواضيع حنلاقي السؤال اتعرض قبل كده كذا مرة ... و اتجاوب عليه بدل المرة ميه ... فمش معقول لو شوية تأخير من سفارة اقوم افتح موضوع ... يهف في دماغي اسأل سؤال نظام ينفع اقول صباح الخير في كندا و الا يعتبروه إهانة ... اقوم افتح موضوع ... و كل المواضيع التانية تتردم عليها .... الأخ الفاضل سكوربيون ,أولا .... أسمحلى أختلف معك فى موضوع أكتمال الداتا بيز و حجمها و أتحدث عن كندا تحديدا , نحن هنا لانتحدث عن دوله بحجم جيبوتى , ان تتحدث عن دوله بعض مدنها بحجم القاهره مرتين يدخلها كل يوم الاف المهاجريين لكل منهم قصه مختلفه عن الأخر. مثال بسيط من المنتدى , أربعه زملاء أفاضل من المنتدى فى أربع مدن كنديه مختلفه الدكتور الشامى و المهندس جادولى و المهندس ايهاب سالم و المهندس حورس .....طبعا غير الدكتور تهامى الموجود فى ثلاث أربع اماكن فى آن واحد ...... ....المهم أنى أكاد اجزم ان أحدا منهم لن يجيب عن سؤال من أى عضو خاص بمدينه غير التى رآها بعينيه و لديه معلومات كافيه عنها و هو شىء تفرضه مصداقيه الكلمه و صدق نيتهم لمساعده المهاجريين الجدد....... فشىء طبيعى ان تجد عشرات من الأسئله الجديده , نحن نتكلم عن أربعه فقط فبالك بالمهاجر لفانكوفر و أخر يسأل من أيام عن أى معلومات عن وندسور و الأخ الفاضل كنانى فى سانت كاترينا وواحد عارفينه كويس فى كيبك سيتى .... و غيره وغيره , المنتدى لم يعد فيه عدد قليل من الأعضاء فى كندا كل يوم فيه ناس جديده تنضم للمهاجريين كل منهم بتجربته و خبراته و أيضا رغباته فى افاده الأخريين و أن يكون له نصيب من دعائهم. فمن حق كل قادم جديد أن بطرح تجربته و بالتالى السائل سيعلم أن هناك شخص بالتحديد فى المكان الذى يثير أهتمامه و بالتبعيه أسهل له توجيه سؤال له على شكل موضوع اذا لم يكن له موضوع ثابت . ثانيا..... عذرا للأخوه اللى زعلانيين من السوق المفتوح على القسم الكندى كما ذكر , محدش ليه اعترض على موضوعات زى اللى عايز يفتح محل فول و عايز يستفيد من خبره الأعضاء , و ليا سؤال بخصوص الفيزا فى السعوديه , و لو سمحتوا أن عايز أسيب الكفيل بتاعى بس بقالى 3 شهور بس , و ياجماعه نداء متعرفوش مرتب المهندس فى القصيم ولا مش عارف فين بكام ......ده برضه مش سوق و لا المهاجريين واللى عاييزين يهاجروا برضه هم سبب المشاكل فى المنتدى زى ما كانوا السبب فى ما وصلت اليه البلد .....محدش يسأل بلد ايه علشان مش قايل ....... et:( ثالثا ....هل هناك عبأ من الناحيه التقنيه فى كثره المواضيع ....يعنى ده يمثل مشكله فنيه مثلا ؟ انا الحقيقه معنديش خبره فى الموضوع ده ....بس بأشوف منتديات زى الهندسه مثلا ماشاء الله تلاقى الباكتج منزلها 30 عضو و كلها شبه بعض مع فروق بسيطه صحيح ساعات بتحذف للتكرار لكن فى غالب الأمور محدش بيشتكى من كثره المواضيع أو تكرارها .... أخيرا ...المعلومات المذكوره فى كثير من المواضيع الخاصه بالحياه فى كندا و التى يرجع الفضل فى معظمها للأخ هادى جزاه الله كل خير بقدر ما أعان الكثيرين و تعود لسنوات مضت تغير فيها الكثير و لو قارنت بين أبسط الأمور زى اللاندنج لوجدت ان تجربه التهامى مثلا مختلفه عن الدكتور الشامى ....الأسعار مختلفه , الفنادق , الرحله , أجمالى التكلفه , الأولاد , المشتروات ...فالداتا تحب الزياده يا أخى الفاضل .تقبل تحياتى .... ملحوظه لحد مش فى المنتدى و عارف انه بيقرأ المداخله ....أنا قصدى بالبلد اللى أحنا السبب فى خرابها ....جيبوتى أيا وطني: جعلوك مسلسل رعبٍ نتابع أحداثه في المساء. فكيف نراك إذا قطعوا الكهرباء؟؟ رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 اتابع الموضوع منذ الأمس واجد اليوم انه بدأ يأخذ منحى مختلف تماما. حقيقة كنت اقرأ جميع الردود بهدوء وتأمل شديد ووجدت اننا كالعادة نعتبر الرأى الآخر دائما طالما اختلف عنا فى خانة المنشق ! الأنزعاج من ضياع روح المحاورات وسط كم مواضيع كندا واستفساراتها اصبح يعتبر رفض للهجرة يحتاج لتوضيح وهو لا يمت بصله لموضوع الهجره اصلا. ولا يعتبر مزعج لمن يرى ان الهجرة من المواضيع الشديده الأهميه ان يكون هناك احد اخر يرفض ان يكون هذا هو اغلب ما يتم نقاشه وما يميز محاورات المصريين . وعلى الجانب الآخر تجد ما يلى : التحدث عن الهجرة وايجابياتها اصبح يصنف على انه عدم وطنيه وتخلى عن البلد ورفض المساهمه فى اصلاحها !!!! الشكوى من غلاء الأسعار أصبح معناها اننا لا ندرك ان هذا ارتفاع طبيعى يحدث فى مختلف انحاء العالم مع اهمال طبعا التنويه لحال المرتبات اللاآدميه فى مصر وللغلاء الغير منطقى وغير مدروس من اساسه!!! البحث عن اسلوب حياة معينه تكون اساسياتها الإحترام والقانون والتنظيم يجده بعض الأشخاص من ضروريات حياتهم واهم من الناحيه الماديه حتى أصبح غيرهم يعتبرهم أشخاص يبحثون عن الحياة المحترمة الجاهزة!! لماذا لا نسمع بعضنا جيدا ؟؟!! لماذا لا نقدر اختلاف احتياجات الناس وتطلعاتهم وانماط حياتهم وثقافاتهم وعقولهم دون ان نحكم على الآخرين فقط من على كرسي المحاكمة الذى نجلس عليه ونرى جانب واحد للحياه نظن انه هو الصحيح وما سواه خطأ يستوجب ان نحكم على صاحبه؟! طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 (معدل) ومن منطلق إني مش كويس ومش مؤدب (ومن ضمن الخونة طبعاً) وما باساهمش في إصلاح البلد... فهاسيبهالكو تصلّحوها بمعرفتكو ، وهاحرم نفسي من جني ثمار الإصلاح. ولو اتصلحت البلد هامتنع عن الاستمتاع بما تعب فيه غيري ، وأخلّيني قاعد في كندا ، وكمان ممكن اتدفن فيها ، عشان ما أستمتعش بوجودي في طين مصر الطيبة وانا (عضم في قفة)! أعتقد كده Fair Enough ! :unsure: اوقااااااااات كتير يا تهامى بحس ان مش الكلام يستاهل يترد عليه الازمة بقى يا معلمى لما تعرف ان حد من اخواتك الصغيرين ممكن يدخل ويقرا الكلام اللى كاتبنه اخواتهم الكبااااااااااار ايه اللى انت كاتبه ده يا راجل دانت شركت البلد تماما وطلعتها بتموت او خلاص هتموت قريب .......... لا والاكاده ايه انك ياعينى تعبت اوى اوى و خلاص هريت كبدك من كتر ما قعدت تقول حاص يا ولاد و عودوا الى وطنكم يا جماعه والحقوا البلد اللى بتغرق يا رجاله... بالراحه شوية يا عم طلعت حرب مش كده فيه ناس وبتعرف تقرأ وبتعرف تشوف بكره فيه ايه . . نسيت بكره اللى انت مش شايف بلدكم فيه اساسا بمناسبة بكره يعنى بعد خمستاشر عشرين سنة كده و طبعا بعد الشر عنك وعن كل الناس علشان محدش من اللى بيفهموا اوى يفهم غلط لما تلاقى الامورة التى كانت طفلتك يوما ما جايبه البوى فريند ابقى ورينى يا عم الشاطر اللى عجبك التلج لدرجة واضحة جدا جدا فى كلامك هتعمل ايه و لما تتصل بنتك بالبوليس نفس البوليس اللى هتتصل تقوله كلب الجيران عملى ازعاج و تقوله بابى مش سايبنى اتصرف بحريتى فى حدود القانون ... ابقى قلى هتحلها ازاى و كفاية دى ولا ازيدك من الشعر بيتّ!!!!!!!!!!!؟؟؟ نخلى بقيت القصيدة لما يجى ميعادها .. انما نغير الاسطوانه شوية ع البلد قلى سعادتك شكلها حلو اوى الشوارع و الحوارى اللى هناك و الناس شكلها لسه مستحمين من شوية طب جميل اخبار القلوب ايه ... شكل النفوس من جوه ازاى لما يموت واحد جارك و ميتعرفش غير من الريحة الحلوة( طبعا ماهو كندى بقى ) اللى هتطلع لما يرم هتبقى تعرف قيمة الشوارع الوحشة بتاعتنا لما تقع من طولك و انت ماشى فى الشارع و محدش يبص ولا يتدخل ويبقى كل املك ان عربية الشرطة تعدى او ربنا يقدرك وتطلب 911 ساعتها بس هتعرف قيمة الناس اللى مش لاقية تمن الصابونة و اخيرا علشاااااان يبقى الموضوع فير انف يا دكتره الحالة اللى البلد فيها مش هتفضل على طوووووووول و هتطلع رجاله هتغيرها ... و هتروق و تحلى بس الصبر و كل واحد يعمل اللى عليه و ربنا عليه الباقى و حسنى مبارك وزمرته مش هتخلد طول الدهر هيموتوا و هيتوهوا فى طياااااات التاريخ و البلد هتفضل و هتعيش و هترجع احسن من الاول الفكرة كلها يا معلمى ان ربك هو اللى بيختااااااار فلان يبقى من الناس اللى اشتغلت وعملت اللى عليها وتقابل ربها بقلب سليم وفلان يبقى من الناس اللى ضربت كرسى فى الكلوب و قالت وانا مالى و ياريت كده و بس لا وكمان سلب الدين من عياله مع سبق الاصرار والترصد و انا هدفن هنااااااااااااااااك و اخيرا بعيد الشر عن كل اخواننا و حبايبنا و ربنا يسلمها علينا كلنا تم تعديل 12 سبتمبر 2008 بواسطة الباشمهندس ياسر تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
زقلط بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 (معدل) بقي عندنا داتا بيز فيها معلومات كافية و كتيرة جدآ ... فشوية تركيز او البحث بين المواضيع حنلاقي السؤال اتعرض قبل كده كذا مرة ... و اتجاوب عليه بدل المرة ميه ... فمش معقول لو شوية تأخير من سفارة اقوم افتح موضوع ... يهف في دماغي اسأل سؤال نظام ينفع اقول صباح الخير في كندا و الا يعتبروه إهانة ... اقوم افتح موضوع ... و كل المواضيع التانية تتردم عليها ....هو فيه ايه ؟؟؟؟؟ كما ترون يا سادة ويا سيدات في الاقتباس الهدف الرئيسي من الموضوع. لكن الواضوح والظاهر ان الخروج عن الموضوع بموضوعات فرعية ثقافة عامة وليست ظاهرة. فاقد الشيء لا يعطيه، فلنقدم حلاً لهؤلاء أو نتركهم يكررون ويعيدون كما يشائون، كما نفعل نحن تماماً. تم تعديل 12 سبتمبر 2008 بواسطة زقلط الساكت عن الحق شيطان اخرس وأرض الله واسعة واللي مالوش خير في اهله ..مالوش خير في حد رابط هذا التعليق شارك المزيد من خيارات المشاركة
Scorpion بتاريخ: 12 سبتمبر 2008 كاتب الموضوع تقديم بلاغ مشاركة بتاريخ: 12 سبتمبر 2008 أعزائي .... نظرآ للتطور الذي حدث في الموضوع و أسفر عن ولادة مداخلات تناقش جانب هام آخر من تلك المسألة ... لذا تم فصلها في موضوع منفصل تجدوه في هذا لرابط : حد لسه قاعد في البلد 2 ؟؟ شاكرين تفهمكم و تعاونكم المثمر دائمآ :wub: كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 وبعد الخناقات فى الموضوعات الدينية بقت خناقة بين بنى كندا والمعادين لفكرة الهجرة ينفع كدة طيب؟ رابط هذا التعليق شارك المزيد من خيارات المشاركة
محمد عيسى بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 تحياتي لكل المشاركين في هذا الموضوع القيم و أود التعقيب في بعض النقاط: 1. الفرار من مصر هو حلم كل البلد و لو إلى أحراش كينيا و مجاهل أفريقيا الوسطى او نيبال و فنزويلا،أنا شخصيا أنتمي إلى إحدى المناطق التي تتميز بارتفاع المستوى المادي و الإجتماعي فيها و في هذه السنة لم يتبق من اصدقائي الشباب فيها سوى ضباط الشرطة و الجيش، بالرغم من تمتع الباقين بمستوى مادي مرتفع و علاقات تحميهم من البهدلة الإدارية، باختصار الكل هج من البلد فعلا و على رأي بابا مبقاش غير العواجيز 2. سبب التركيز في منتديات الهجرة هو عبارة الأستاذ شريف الشهيرة "خلص الكلام" خلاص الوضع الماساوي في مصر لم يعد فيه الكلام 3. من النقاط التي اود الإعتراض عليها في منتديات المغتربين هو ما أسميه "العناوين الغامضة" من عينة عاجل و مساعدة لو سمحتم بدون دلالة على محتوى الموضوع. 4. كما أود الإعتراض على الزن و الإلحاح من عدم سرعة الرد و كتابة ردين تلاته بعد الموضوع الرئيسي يلوم على عدم الرد على موضوعه 5. اشعر انني قد افيد اكثر في هذا المكان - منتديات المغتربين - لذا تجد مشاركاتي فيه اكثر 6. و بصراحة شديده فقد قررت داخليا الإقتصار على المشاركة في منتديات المغتربين فقط، و ربما المنتدى الإقتصادي و ذلك لما لمسته من تكرار لتجارب أليمة سابقه في منتديات اخرى مع العلمانيين و الشيوعيين و زئبقية الحوارات التي ادمنوها بلا رابط من عقل أو منطق سوى تزيين الكلام و الهوى و إثارة الشبهات (فأما الذين في قلوبهم زيغ فيتبعون ما تشابه منه ابتغاء الفتنة و ابتغاء تأويله و ما يعلم تاويله إلا الله) خير الناس أنفعهم للناس رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان