se_ Elsyed بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 موضوع الابن سكوربيونكو ممكن يتفهم على محورين : 1- دافع الطفشان والهجرة خارج مصر اللي بقى زي الميه والهوا عند الناس وبقى كل واحد لسه طالبي وبيدرس زي ما شوفنا في المنتدى بقى يفكر في الهجرة وده محتاج مناقشة وكلام كتير مننا كمثقفين يعني 2- موضوع الاستسهال والكسل والطناش اللي انا شخصياً كنت بأشد في شعري واقول : يا جماعة اتعبوا نفسكم وخد لك لفه كده في المنتدى وخصوصاً ابواب المغتربين وبالتأكيد هاتلاقي اجابات على كل ما يشغل بالك ... لكن لا حياة لمن تنادي او كإننا بنقول الآذان في دولة الفاتيكان رابط الموضوع الذي تدور حوله هذه المداخلة : حد لسه قاعد في البلد ؟؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
moheltohamy بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 (معدل) السادة اللي مش راضيين عن سفر العقول خارج مصر! أعيد تاني... اللي بيسافر لكندا مش عشان الفلوس. اللي عاوز الفلوس يسافر الخليج ، وممكن كمان في مصر حالياً في ظل الوضع الحالي (مفيش قاعدة في أي حاجة في الدنيا) ؛ فيه سكك تجيب فلوس لووووووز في مصر! اللي بيسافر كندا بيسافر عشان حياه! أسلوب الحياة. واللي بيقولوا إن اللي بيسيب مصر ده أناني ومش بيفكر غير في نفسه. اسمحولي أقول لكم إن كلامكم ده برضه فيه أنانية ؛ عاوزين الناس المتعلمة ذوي الخبرة والحالة المادية تفضل قاعدة في البلد عشان البلد تستفيد منها ؛ مش مهم همه يستفيدوا ؛ المهم البلد تستفيد من مص دمهم! ويا ريت حتى دمهم يروح للغلابة يستفيدو بيه... ما تعرفش بيختفي بيروح فين! ولوقعدت في البلد ؛ شوية شوية هابقى زي كل اللي فيها! همجي! ما تزعلوش مني في الكلمة دي ؛ اللي بيسوق عربيته في مصر (Egypt) هيقدّر أوي معنى الإيجيبشيان لايف ستايل! يعني لو فضلت موجود في مصر ؛ في النهاية البلد مش هتستفيد منى حاجة في حقيقة الأمر... في النهاية أنا الخسران! ود. أحمد زويل لو كان استمر في مصر ، كان زمانه - بالكتير - أستاذ في كلية العلوم بيقبض آد كيداهوه... ألفين جنيه آخره! وفي نفس الوقت لا فيه الإمكانات ولا الفرصه للبحث العلمي ؛ ولا حد هيشجعه ولا يسمحله ينتج! المطلوب محاضرات وسكاشن للعيال ، وإشراف على كام رسالة ماجستير على دكتوراة منقولة من رسالات تانية! واللي مروا بالحاجات دي عارفين كويّس أنا باتكلم عن إيه! ولا أنا اللي هاقدر أغير سلوك الناس ، وأعوّدهم احترام المرور مثلاً! دانا يا راجل كنت هاتداس كذا مرة (مرة منهم من أتوبيسين جمب بعض) لما عديت الشارع في تقاطع رباعي في روكسي مع الإشارة الخضرا! كنت زمان مقتنع بإن كل واحد فينا بإيده يغير الدائرة الصغيرة اللي حواليه. ولما كبرت وشفت الدنيا على حقيقتها ؛ عرفت إنو That's the way it is ، وهيه ماشية بالأسلوب ده ، يا تمشّي أمورك بنفس الأسلوب ؛ يا أمورك كلها هتقف! ولما أسمع من داخل أهم وأضبَط مؤسسة إنها (التهريج المنظم)... يبقى صباح الإشطة ، وسلّملي ع المترو ، وما حدّش يجيبلي سيرة إن فيه حاجة هتتغير في البلد دي ؛ على الأقل في المستقبل القريب! الإصلاح يبدأ من أعلى لأسفل ؛ وليس من أسفل لأعلى! معلش يا سكو (سكوب قلنا)... مش شلة الأهوة هيه اللي طلعت بالتوبيك بتاعك خارج موضوعه! براءة المرّادي! تم تعديل 11 سبتمبر 2008 بواسطة moheltohamy فيجيب الدمع والماضي الجريح *** لم عدنا؟ ليت أنّا لم نعُد! رابط هذا التعليق شارك المزيد من خيارات المشاركة
عصام بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 الإصلاح يبدأ من أعلى لأسفل ؛ وليس من أسفل لأعلى! خمس سنين هنا لما ريقى نشف اقول كدا ماحدش مصدق .. [وسط]!Question everything [/وسط] رابط هذا التعليق شارك المزيد من خيارات المشاركة
حسام يوسف بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 موضوع الابن سكوربيونكو ممكن يتفهم على محورين :1- دافع الطفشان والهجرة خارج مصر اللي بقى زي الميه والهوا عند الناس وبقى كل واحد لسه طالبي وبيدرس زي ما شوفنا في المنتدى بقى يفكر في الهجرة وده محتاج مناقشة وكلام كتير مننا كمثقفين يعني 2- موضوع الاستسهال والكسل والطناش اللي انا شخصياً كنت بأشد في شعري واقول : يا جماعة اتعبوا نفسكم وخد لك لفه كده في المنتدى وخصوصاً ابواب المغتربين وبالتأكيد هاتلاقي اجابات على كل ما يشغل بالك ... لكن لا حياة لمن تنادي او كإننا بنقول الآذان في دولة الفاتيكان أنا معاك تماما يا سين سين فى النقطة التانية لكن برضة النقطة الأولى مش بس الناس عايزة تهاجر وخلاص زى ما ضربت مثل طلبة الجامعة لكن الدافع السلبى الظروف الصعبة اللى بنعيش فيها فى مصر يا سين سين كل ما أروح أجيب طلبات البيت لازم ألاقى على الاقل سلعة او اتنين غليوا ومن غير مايبقى فية ارتفاع اسعار التجار بقوا ماشيين بمزاجهم واللى يعرف يعمل حاجة يعملها فى البلد دى رابط هذا التعليق شارك المزيد من خيارات المشاركة
حسام يوسف بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 (معدل) الإصلاح يبدأ من أعلى لأسفل ؛ وليس من أسفل لأعلى! خمس سنين هنا لما ريقى نشف اقول كدا ماحدش مصدق .. عفوا عزيزى عصام عفوا عزيزى تهامى اسمحوا لى اختلف معكم مع انى من ال كندا قل ولاتقل الاصلاح السريع ومع شعوب زى بتاعتنا دى هو اللى يبدأ من فوق لتحت انما الاصلاح الدائم ومع الشعوب المحترمة هو اللى يبدا من تحت لفوق تم تعديل 11 سبتمبر 2008 بواسطة حسام يوسف رابط هذا التعليق شارك المزيد من خيارات المشاركة
~Heba~ بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 اللي بيسافر كندا بيسافر عشان حياه! أسلوب الحياة. حتى المصرى اللى بيسافر كندا عايز حاجة ع الجاهز عايز اسلوب حياة جاهز بدل ما يتعب و يعمله هنا فى بلده... أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
محمد عبدالعزيز بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 بصراحة أنا شايف مواضيع كندا دى من فترة بس مش بحب أتكلم فيها عشان مازعلش ناس حبايبى. اللى يهمنى فى الموضوع الكلام عن الإصلاح و حكاية إن مفيش فايدة وإن البلد ماشية كده وماحدش يقدر يغير حاجة. نفسى أسأل سؤال واقف فى زورى, هو مفيش بلد من البلاد المحترمة اللى خلقها ربنا كان عندها مشاكل و كانت عايشة فى ظلام وظلم وجهل, والحمد لله ربنا كرمهم وبقوا بلاد محترمة دلوقتى؟ يعنى أنا عاوز أعرف هما صلحوا بلادهم إزاى؟ جابوا عمال من جنوب شرق آسيا مثلاً ولا استوردوا صينين ولا عملوا إيه عشان يصلحوا بلادهم؟ وياترى إيه الفرق بينا وبينهم -أيام ماكانوا فى نفس حالتنا دى طبعاً مش دلوقتى- عشان بس أقتنع إن مفيش فايدة وألغى الفكرة دى من دماغى تماماً؟ ياريت لو حد عنده إجابة يجاوبنى. بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
iloveegypt بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 (معدل) اولا محدش هيغير بلادنا الا احنا ثانيا اختلف مع د تهامى حبيبى فى موضوع الهجرة لان معظم اللى بيهاجر بيدور على الفلوس الاكثر اولا ثم الحياة السهلة ثانيا وطبع ده من حقه بس بيفقد حاجات كتير ة مهمة زى الجو العائلى والتربية الافضل للاولاد بيفقد الجو الاسلامى بس كفايه علشان محدش يزعل منى واكيد اى مصرى سواء جوة مصر اوبرة او مهاجر يقدر يفيد بلده باى وسيلة بس اهم حاجة مبيصش لمصر وشعبها نظرة التخلف وعدم الامل فى الاصلاح الامل موجود بينا كمصريين مهما طال الزمن تم تعديل 11 سبتمبر 2008 بواسطة iloveegypt رابط هذا التعليق شارك المزيد من خيارات المشاركة
لولا بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 انا اللى فهمتة انك مستنكر الهجرة والسفرحضرتك والاستاذة شريكتى لولا منور والله يا استاذ حسام..اهو الواحد ينشئ حوار معاك بره القهوة et:( حقيقة يا حسام لم اكتب شيئ هنا يدل نهائيا على انى مع او ضد الهجرة. كنت فقط اعلق على شأن يخص المحاورات ككل ويزعجنى كمتابعة وقارئه وعضوة تدخل هنا لمتابعة آخر مستجدات الأمور والحوارات فأجد شريط المواضيع الجديده والمشاركات الجديده كله تقريبا يتحدث عن كندا.. المبالغة فى حد ذاتها هى ما ازعجتنى .. احساسي بانتفاء الروح التى ادخل من اجلها هنا..انحصار المواضيع التى تحصل عليها ردود وتفاعل عالى فى مواضيع كندا فقط ..باختصار هذا ما ازعجنى وبشده . مسألة الهجرة من عدمة اجدها مسألة تخص أصحابها وظروفهم ..تطلعاتهم وطموحهم لا املك ان انكر على احد حقه فى الحياة والإختيار تحت اى ظرف فما بالك بالظروف الحاليه. فقط استغرب ان تقول انك فهمت انى استنكر الهجرة رغم انى لم اتطرق للحديث عنها. طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
حسام يوسف بتاريخ: 11 سبتمبر 2008 تقديم بلاغ مشاركة بتاريخ: 11 سبتمبر 2008 بصراحة أنا شايف مواضيع كندا دى من فترة بس مش بحب أتكلم فيها عشان مازعلش ناس حبايبى.اللى يهمنى فى الموضوع الكلام عن الإصلاح و حكاية إن مفيش فايدة وإن البلد ماشية كده وماحدش يقدر يغير حاجة. نفسى أسأل سؤال واقف فى زورى, هو مفيش بلد من البلاد المحترمة اللى خلقها ربنا كان عندها مشاكل و كانت عايشة فى ظلام وظلم وجهل, والحمد لله ربنا كرمهم وبقوا بلاد محترمة دلوقتى؟ يعنى أنا عاوز أعرف هما صلحوا بلادهم إزاى؟ جابوا عمال من جنوب شرق آسيا مثلاً ولا استوردوا صينين ولا عملوا إيه عشان يصلحوا بلادهم؟ وياترى إيه الفرق بينا وبينهم -أيام ماكانوا فى نفس حالتنا دى طبعاً مش دلوقتى- عشان بس أقتنع إن مفيش فايدة وألغى الفكرة دى من دماغى تماماً؟ ياريت لو حد عنده إجابة يجاوبنى. الادارة رابط هذا التعليق شارك المزيد من خيارات المشاركة
se_ Elsyed بتاريخ: 11 سبتمبر 2008 كاتب الموضوع تقديم بلاغ مشاركة بتاريخ: 11 سبتمبر 2008 يا دكتور تهامي احترم رأيك وهاحترمه اكتر لو قلت لي مين اللي مفروض يصلح البلد ؟ --------------- دكتور حسام انت بتقول كل ما تنزل تشتري لانشون تلاقي الجبنه الفلامنك سعرها ضرب ؟ لك حق مانت بقى لك سنة تقريباً سايب السعودية ومش عارف ان الاسعار بقت ضرب نار يا معلم عارف يا حُس .. انا في عداء تاريخي بيني وبين الرز بتاع الكبسة ابو حبة طويلة وعامل زي الفراخ البيضا اللي ما فيهاش اي فايدة فبنستخدم الرز المصري اللي اسمه سنو وايت باين او حاجه كده .. عارف يا ريس انه غلي مره واحده من 14 ريال للكيس الخمسة كيلو الى 28 ريال ؟ وقس على ذلك ايجارات البيوت اللي بقت نارررررررررررررررررررر ويا الدفع يالطرد و الحليب والفاست فود حتى معسل التفاح غلي هو راخر et:( وممكن تبقى نضطر تشرب سلوم او حتى قص الحاجة الوحيدة اللي رخصت هي البنزين بصراحة بأمر من الملك عبد الله كل ده والرواتب لم تتحرك قيد انمله لأن لا سيطرة على القطاع الخاص اسف على الخروج من الموضوع لكن غلاء الاسعار هو ظاهر عالمية سببتها جشع بعض الدول لكن هاتقولي بس مأثره في مصر قوي لإن اقتصادنا هش ودخل كثير من الناس منخفض اقول لك اقتصادنا مُهشش يعني بفعل فاعل بيحصل فينا بكده لإن ليس هناك اصلاحيون حقيقيون يسعون لإصلاح احوال البلد معلومة عالماشي : عارف يا حسام ان دخل قناة السويس الشهر الماضي ضرب رقم قياسي من بتوع دورة بكين وحقق رقم لم يتحقق من ايام الخديوي اسماعيل وديليسبس ، وعملنا بالصلاتو عالحبيب 500 مليون دولار في شهر واحد ... تفتكر الفلوس دي بتروح فين ؟ بتقول فين ؟ صح جنب اخواتهم في سويسرا وبنك القرية وبنك التسليف الزراعي تحياتي الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 أخويا العزيز س س أنا معاك ان الاسعار غليت وان دة عالمى لكن المرتبات فى مصر هية اللى قليلة جدا جدا جدا جدا جدا جدا (اكتب بقى جدا من هنا لحد جدة) لما يبقى موظف ودول مش أقلية مرتبة 300 أو 400 أو 500 جنية يعيش ازاى؟ يا سين سين كيلو العدس أكلة الغلابة ب 16 جنية ولاحول ولاقوة الا بالله رابط هذا التعليق شارك المزيد من خيارات المشاركة
iloveegypt بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 (معدل) أخويا العزيز س سأنا معاك ان الاسعار غليت وان دة عالمى لكن المرتبات فى مصر هية اللى قليلة جدا جدا جدا جدا جدا جدا (اكتب بقى جدا من هنا لحد جدة) لما يبقى موظف ودول مش أقلية مرتبة 300 أو 400 أو 500 جنية يعيش ازاى؟ يا سين سين كيلو العدس أكلة الغلابة ب 16 جنية ولاحول ولاقوة الا بالله بس للامانة معدل الغلو فى السعودية مثلااكثر بكثير من مصر وللعلم مصر ليست فقيرة اقتصاديا كما يظن البعض بل السرقة من الكبار هى السبب وبدراسة اقتصاد مصر والسعودية وعدد الموظفين فى البلدين المفروض يكون بداية مرنب الوظف الحكومى هو 1200 جنيه بس السرقة هى السبب تم تعديل 12 سبتمبر 2008 بواسطة iloveegypt رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 أخويا العزيز س سأنا معاك ان الاسعار غليت وان دة عالمى لكن المرتبات فى مصر هية اللى قليلة جدا جدا جدا جدا جدا جدا (اكتب بقى جدا من هنا لحد جدة) لما يبقى موظف ودول مش أقلية مرتبة 300 أو 400 أو 500 جنية يعيش ازاى؟ يا سين سين كيلو العدس أكلة الغلابة ب 16 جنية ولاحول ولاقوة الا بالله بس للامانة معدل الغلو فى السعودية مثلااكثر بكثير من مصر وللعلم مصر ليست فقيرة اقتصاديا كما يظن البعض بل السرقة من الكبار هى السبب وبدراسة اقتصاد مصر والسعودية وعدد الموظفين فى البلدين المفروض يكون بداية مرنب الوظف الحكومى هو 1200 جنيه بس السرقة هى السبب ماشى ياباشمهندس أنا معاك لكن النتيجة النهائية اية؟ هاتلى خبراء الاقتصاد فى الدنيا وقوللى اللى عايش بمرتب تحت الألف جنية شهريا يعيش ازاى؟ رابط هذا التعليق شارك المزيد من خيارات المشاركة
moheltohamy بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 اللي بيسافر كندا بيسافر عشان حياه! أسلوب الحياة. حتى المصرى اللى بيسافر كندا عايز حاجة ع الجاهز عايز اسلوب حياة جاهز بدل ما يتعب و يعمله هنا فى بلده... وهوه فيه أسلوب حياة تفصيل يا هبه؟ وهوه أنا مثلاً هاعرف أربّي الناس من أول وجديد؟ وقبل ما نربيهم ، ونعلّمهم أخلاقيات التعامل ؛ إديلهم رغيف عيش الأول ، ورخّصيلهم العدس (على رأيك يا حسام) ، وعالجي أمراضهم ، وبعدين نتكلم على الأخلاقيات والإتيكيت واللايف استايل في مصر! دانا يا شيخة باحس إني منبوذ ، وكائن شحلمبوطي غريب وسط الناس ؛ لما باطلب من حد احترام الطابور أو إني جيت قبله! :blink: اولا محدش هيغير بلادنا الا احناثانيا اختلف مع د تهامى حبيبى فى موضوع الهجرة لان معظم اللى بيهاجر بيدور على الفلوس الاكثر اولا ثم الحياة السهلة ثانيا وطبع ده من حقه بس بيفقد حاجات كتير ة مهمة زى الجو العائلى والتربية الافضل للاولاد بيفقد الجو الاسلامى بس كفايه علشان محدش يزعل منى واكيد اى مصرى سواء جوة مصر اوبرة او مهاجر يقدر يفيد بلده باى وسيلة بس اهم حاجة مبيصش لمصر وشعبها نظرة التخلف وعدم الامل فى الاصلاح الامل موجود بينا كمصريين مهما طال الزمن والله يا عزيزي iloveegypt ... أنا نفسي مش عاوز أفتح نقاش في الموضوع ده ؛ كل واحد عنده قناعاته الشخصية ، وهوه حر! أنا عن نفسي تعبت واتخنقت من كتر الكلام فيه... اللي عاوز يعمل حاجة ؛ ربنا يهنيه بيها ، ويوفقه ويعينه عليها ، ويقدّر له الخير مكان ما يكون. وانا مع اخواتي هتلاقيني واقعي ، وهافضل اقول لهم إن الحياة في مصر متخلفة لأقصى درجة! والفساد مش سايب مجال فلت منه! لكن برّاها بافخر إني مصري ، وعمري ما بانشر غسيلنا أدام الغــُرب (والكنديين بيموتوا في مصر بالمناسبة)! واللي تقدر تصلّحة ؛ يا ريت تصلّحة. ويا رب ما يطلعلكش ميت مصيبة في سكّتك تمنعك م الإصلاح! أنا كنت ثوْرَجي في شغلي في مصر ، وياما عملت مشاكل في الشغل في سبيل تحسين الوضع والخدمات للعاملين في بريمتي القديمة في الصحراء الغربية! الناس بتوعنا مش مقدّرين ، وقلت مش مهم ؛ أنا باريّح ضميري وباعمل اللي عليّا ، رغم إن مدير البريمة (حبيبي جداً) كان دايماً يقوللي العالم دول زبالة ما يستاهلوش تشغل بالك بيهم! لكن ف الآخر لما بقيت باكتب تقارير في شركة التغذية مثلاً ؛ ألاقي المشرف العام ع البريمة (الرجل الثاني ف الشركة) قالب الدنيا عليا ، وعاوز يمشّيني م الشركة! ماهو البيه هوه اللي بيمضي العقد معاهم من بين حوالي 400 شركة تغذية ، وطبعاً فلوس من تحت الترابيزة ، وآجي أنا ف الآخر ألخبطله الدنيا؟! ولما كتبت تقرير زفت برضه في شركة الرش عن تزايد الدبّان ف الموقع رغم الزيارة الأسبوعية (الغالية والمكلّفة بالمناسبة) لمندوبين شركة المكافحة ؛ لقيت رئيس مجلس الإدارة (كبير القعدة يعني) هاج عليا هوه كمان! وهوه الدكتور ده حكايته إيه؟ وهوه ماله؟ إحنا باعتينهم عشان مكافحة القوارض مش الدبّان ، واحنا أصلاً ما كانش عندنا قوارض ، وكانت مشكلتنا الدبان فقط!!! دا زمان ؛ حتت فار يا مؤمن قعدوا يموّتوا فيه شهرين! لازم الإصلاح في أي مؤسسة يبدأ من فوووووء! الله يصبّحك بالخير ياللي قلت: الماتش متبااااااع! :unsure: يا دكتور تهامي احترم رأيك وهاحترمه اكتر لو قلت لي مين اللي مفروض يصلح البلد ؟ مانتا عارف يا س س مين اللي المفروض يصلّح البلد (عيالك وام العيال عاوزينك يا ريس! ما تاخدش راحتك أوي هنا!) وانا متأكد على فكرة إن دماغك وأفكارك مقرّبة كتيرة من دماغي ؛ بس ساعات الحوار بيحدف بعيد شوية! wst:: هاسألك سؤال بسيط... أدامك السلطة والمال والعلم... مين فيهم اللي بإيديه يصلّح الأوضاع في البلد؟! المال... ده طبعاً بافتراض إن الـ 10.000 دولار المطلوبين للسفر لكندا (55 ألف جنيه) فلوس! دول يا محترم ما يجيبوش عربية شاهين بدون كماليات حضرتك! همه دول اللي هيغيروا الأوضاع البايظة؟ دانتا بربع مليون يا راجل يا طيب ما عرفتش تجيب لك حؤ في عباس العقاد! هتنكر؟! والعلم ؛ ماجيستيراتنا وعارفينها ، وعارفين بتتاخد ازاي! ومستوى التعليم وعارفينه ، وعارفين عقلية وثقافة الأجيال اللي بيخرّجها كل سنة تقعد حمضانة ع الدكة (على رأي لولا)! هوه العلم الهجص بتاعنا ده اللي هيعمل السحر وينهض بالبلد ويحسّن مستواها؟ أما السلطة بقى ؛ دي بسم الله ما شاء الله علينا فيها... إمتياز! يبقى عشان تصلّح البلد ؛ لازم تغير نظام وعادات الشعب في الشغل والتعليم والأكل والمرور والعلاج والتربية والحب وتقبل الآخر! هتقوللي أربّي عيالي صح ، وأعلمهم يمشوا صح في حياتهم ، ويعيشوا ملايكة عشان أصلّح بيهم مجتمعنا. ساعتها سياتّك اللي حواليهم هيستعبطوهم وهيتّاكلوا ، وهيفشلوا في تسيير حياتهم ، وهيعيشوا تايهين ومتغربين في بلدهم و وسط أهلهم. ولا هيعرفوا ينجزوا مصالحهم ، ولا يتعاملوا مع المجتمع حواليهم طول ما هُمّا مش مخربشين وبتوع التلات ورقات ويلعبوا بالبيضة والحجر وليهم علاقات تحميهم حتى لو غلطوا ، وتسلّكهم زي الشعرة من العجين! شوف انتا لو حصلت حادثة خفيفة وعربيتين خبطوا في بعض. صاحب الصوت العالي هوه اللي بياكل الموقف ، ويبلف اللي أدامه ، ولو فيه مطواه ف الموضوع (أو عصاية كهربائية زي الأخت الفاضلة بنت الباشا) ممكن كمان ياخد تعويض عن الأضرار اللي حصلتله ، حتى لو كان هوه اللي غلطان. والبوليس لا بيحمي ، ولا بيجيب حق حد! (مش هاقارن الكلام ده بكندا خالص دلوقتي! ما تقول لهم حاجة يا عم ياسر!) إنتا محتاج تربّي الشعب من أول وجديد ، وعشان تحقق ده ؛ لازم كبداية تفرض عليهم - وبالقوة - أسلوب ونظام صح ، ومع الوقت الكل هيتعوّد عليه ؛ ساعتها هيكون أسلوب حياة مكتسب. لكن إذا كان اللي بيحكم القوة دي ، سواء الشرطة أو ... إحم ... أي حد تاني... فاسد. والبارتيتة المحيطة بيه كمان فاسدة ، يبقى شايف أمل قريب أدامك؟ كان فيه زمان في التسعينات لعبة إسمها Blood كنت من مدمنيها! في تاني مستوى ، بعد ما باخلّصه ؛ ختام المرحلة ... فيه قطار واقف ؛ تيجي تواجهه وتضغط مسافة. جيت أنا قلت طيب قبل ما أنقل للمستوى اللي بعده ؛ ما أتغابى شوية ع اللعبة ، وانزل أتمشى في النفق المواجه للقطر ده ، آهو نشوف آخره إيه. النفق ضلمة كُحل. وانا ماشي ماشي ولا هاممني ؛ شوية والكمبيوتر يكتبلك رسالة "I don't think this is a good idea" ، اتغابيت كمان وفضلت ماشي ، بعد شويّة لقيت الكمبيوتر كاتبلي رسالة تانية "You should consider going back" ، كملت غباوة وفضلت ماشي ، شوية والكمبيوتر كتبلي رسالة "?Do you see light at the end of the tunnel" ، ضحكت جداً لما قريتها ، بس برضه قلت لما نشوف آخرة الغباء ، وفضلت ماشي! شوية ولقيت قطار تاني جاي في وشي ، وبالسلامة! اللي برمج لك اللعبة ؛ عايزك تمشي ف الإتجاه ده. لما تكون انتا اللي عامل اللعبة ؛ إبقى حط السيناريو اللي ف مزاجك ، ومشّيها صح. مش هتحارب انتا طواحين الهوا ، ولا عندك الوقت الكافي إنك تعطّل مصالحك كل مرة عشان تصلّح الدنيا. هتجيبها كده - هتجيلها كده - هيه كده! (مع الاعتذار للفيلم) وهاسألك نفس السؤال... Do you see light at the end of the tunnel ؟ لو شايف يبقى يا بختك ، وربنا يسعدك ويهنيك فيها ، وربنا يعينك على تحسينها كمان وكمان. ولو كنت - زي حالاتي - مش شايف (وانا من الناحية دي بكل أسف لابس نضارة ، وكعب كوبّاية كمان!) ؛ يبقى هاقول لك كلمة إيهاب سالم الله يمسّيه بكل خير... هاجروا يرحمكم الله ؛ ده لو تقدروا! والغريب إن الكلام ده (إستنكار السفر ، ومين اللي المفروض ياخد بإيديكي يا مصر؟) عمره ما بيُوَجه للسادة اللي بيسافرو الخليج (رغم إنهم بيعيشو فيه سنييييييين ، ومنهم ناس بتفضل فيه طول عمرها ، أو أقل واجب حتى المعاش) ، ويرجعوا تاني مصر يريّحوا فيها بفلوس الخليج الكتير وأسعار مصر القليلة! ما اعرفش همه كده أفادوا مصر بإيه ، أو أصلحوا فيها إيه! وبيتكلموا دايماً عن الوحشين اللي سايبينها ورايحين كندا ؛ وعيب وما يصحّش! (باستغرب يا حسام :blink: ) دايماً النظرة للي بيروحوا كندا إنهم الخونة اللي غدروا بالبلد واتخلّوا عنها! رغم إن الاتنين بيزوروا مصر شهر في السنة! ويا ترى أستاذنا محمد المشرف (واللي أنا شخصياً من أكتر المعجبين بفكرة وحكمه ع الأمور) ، واللي في أمريكا وقلبه في الإسكندرية يعتبر من ضمن الخونة اللي أنا منهم برضه؟! ومن منطلق إني مش كويس ومش مؤدب (ومن ضمن الخونة طبعاً) وما باساهمش في إصلاح البلد... فهاسيبهالكو تصلّحوها بمعرفتكو ، وهاحرم نفسي من جني ثمار الإصلاح. ولو اتصلحت البلد هامتنع عن الاستمتاع بما تعب فيه غيري ، وأخلّيني قاعد في كندا ، وكمان ممكن اتدفن فيها ، عشان ما أستمتعش بوجودي في طين مصر الطيبة وانا (عضم في قفة)! أعتقد كده Fair Enough ! :blink: لتاني مرة أنا آسف يا سكوربيون على الخروج بالتوبيك خارج أساس الموضوع. بس انتا شايف ، الكلام دايماً بياخدنا لمواضيع فرعية! :sad: فيجيب الدمع والماضي الجريح *** لم عدنا؟ ليت أنّا لم نعُد! رابط هذا التعليق شارك المزيد من خيارات المشاركة
~Heba~ بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 يا دكتور محمد البلاد اللى المصريين عايزين يهاجروا لها واجهت حروب وفترات كساد و فساد و دكتاتورية حكام و ظروف اسوأ من ظروفنا لكن الناس هناك كافحت و غيرتها و ثبتت قوانين قوية ساعدت على وجود اسلوب الحياة الراقى اللى انت بتقول عليه ده مصر عمرها ما كانت زى ما احنا شايفين الايام دى مصر هى ام الحضارة هى ام النظام و الا مكنتش اسست الحضارة اللى احنا شايفينها دى و المثل بيقول لكل جواد كبوة و ليس العيب ان تسقط لكن العيب الا تستطيع النهوض وهوه فيه أسلوب حياة تفصيل يا هبه؟ وهوه أنا مثلاً هاعرف أربّي الناس من أول وجديد؟ "ابدأ بنفسك و بمن تعول" متهيألى لو كل واحد نفذ الحديث ده حتفرق كتير الموضوع محتاج تكاتف انما كل واحد يقول و انا مالى اهاجر احسن دى اراها سلبية البحث عن اسلوب حياة معينه تكون اساسياتها الإحترام والقانون والتنظيم يجده بعض الأشخاص من ضروريات حياتهم واهم من الناحيه الماديه حتى أصبح غيرهم يعتبرهم أشخاص يبحثون عن الحياة المحترمة الجاهزة!! لماذا لا نسمع بعضنا جيدا ؟؟!! لماذا لا نقدر اختلاف احتياجات الناس وتطلعاتهم وانماط حياتهم وثقافاتهم وعقولهم دون ان نحكم على الآخرين فقط من على كرسي المحاكمة الذى نجلس عليه ونرى جانب واحد الاخت العزيزة لولا انا عن نفسى انظر للموضوع على انه ظاهره زادت بشكل ملفت للنظر هذه الايام طوفان الهجرة لا يمكن اعتباره مجرد رغبات شخصية... لانه مش واحد و الا اتنين اللى عايزين يهاجروا ده جيل باكمله الهجرة بالنسبة له وسواس الشباب مصر على الهجرة و يدفع فى سبيلها كل رخيص و غالى حتى حياته تهون فى سبيل مجرد المحاولة ده يطرح تساؤلات كثير لماذا يهاجرون و ماذا بعد الهجرة يعنى يا لولا فيه مشكلة غض الطرف عنها ليس تصرف سليم أقلل عتابك فالبقاء قليل...و الدهر يعدل تارة و يميل رابط هذا التعليق شارك المزيد من خيارات المشاركة
محمد عبدالعزيز بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 بصراحة أنا شايف مواضيع كندا دى من فترة بس مش بحب أتكلم فيها عشان مازعلش ناس حبايبى.اللى يهمنى فى الموضوع الكلام عن الإصلاح و حكاية إن مفيش فايدة وإن البلد ماشية كده وماحدش يقدر يغير حاجة. نفسى أسأل سؤال واقف فى زورى, هو مفيش بلد من البلاد المحترمة اللى خلقها ربنا كان عندها مشاكل و كانت عايشة فى ظلام وظلم وجهل, والحمد لله ربنا كرمهم وبقوا بلاد محترمة دلوقتى؟ يعنى أنا عاوز أعرف هما صلحوا بلادهم إزاى؟ جابوا عمال من جنوب شرق آسيا مثلاً ولا استوردوا صينين ولا عملوا إيه عشان يصلحوا بلادهم؟ وياترى إيه الفرق بينا وبينهم -أيام ماكانوا فى نفس حالتنا دى طبعاً مش دلوقتى- عشان بس أقتنع إن مفيش فايدة وألغى الفكرة دى من دماغى تماماً؟ ياريت لو حد عنده إجابة يجاوبنى. الادارة أعتقد يا صديقى العزيز حسام إن الإدارة ليست مثل سر التحنيط الذى لم يعرفه أحد إلى الآن. وأنا أتفق معاك إن من ضمن مشاكلنا فشل الإدارة, وليس لأننا نعدم الكفاءات, ولكن لأن الأمر لا يوسد لأهله, وهذا بالتأكيد خطأ المسئول, وهنا أتذكر المثل الشعبى الحكيم "قال يا فرعون إيه فرعنك؟ قال مالقتش حد يلمنى". ولن أزيد أكثر من ذلك حتى لا يخرج الموضوع عن هدفه الأصلى. بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
لولا بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 الاخت العزيزة لولا انا عن نفسى انظر للموضوع على انه ظاهره زادت بشكل ملفت للنظر هذه الايام طوفان الهجرة لا يمكن اعتباره مجرد رغبات شخصية... لانه مش واحد و الا اتنين اللى عايزين يهاجروا ده جيل باكمله الهجرة بالنسبة له وسواس الشباب مصر على الهجرة و يدفع فى سبيلها كل رخيص و غالى حتى حياته تهون فى سبيل مجرد المحاولة ده يطرح تساؤلات كثير لماذا يهاجرون و ماذا بعد الهجرة يعنى يا لولا فيه مشكلة غض الطرف عنها ليس تصرف سليم العزيزة هبه طبعا اتفهم كل النقاط التى تطرحينها هنا غير انك تقولين ان الموضوع ظاهرة زادت بشكل كبير جدا حاليا. حسنا يا هبة ..بحسبة بسيطة جدا بين عدد سكان مصر 80 مليون فى تزايد مستمر سنويا وبين نسبه المهاجرين ستجدين ان عدد المهاجرين لا يمكن ان يطلق عليه ظاهرة لنسبته البسيطة مقارنة بعدد السكان ففي 2005, بلغ عدد المهاجرين المصريين (3.2 في المائة من السكان). (ارجو ان تكون نسبه صحيحه حيث انها من احد الموقع الموثوق بها ). فهل هذه النسبه تعتبر ظاهرة ؟؟ اتمنى من كل من يملك احصائيات دقيقة ان يفيدنا بها لنعرف هل نسبه المهاجرين من مصر يمثل ظاهرة متزايده عن السابق ومهددة لحركة الإصلاح والبناء فى مصر؟! ما استغرب له (عذرا يا حسام على الإستغراب المتكرر خارج القهوه :unsure: ) هو ان النظرة تختلف تماما تجاه من يسافر لكندا او امريكا عن من يهاجر ويقضى عمره كله فى الخليج للعمل. الفئة الأولى ينظر لها على اساس انها باعت البلد وتقاعست عن واجبها!! والثانيه ينظر لها انها ذهبت بحثا عن اكل العيش وتربيه الأولاد!! وفى النهايه كله خارج مصر..كله يرسل تحويلات ماليه لمصر..كله يزور مصر شهر فى السنه ..كله يعشق مصر رغم كل ما فيها ولا ينكر مصريته ابدا ويفخر بوطنه امام الجميع. ولكن لا اعرف سبب النظرة الظالمة جدا لكل من يختار الإغتراب فى الغرب عن الخليج ؟ الحديث يحتاج حقا الا تفهم اعمق واشمل للصورة ككل وحياديه وعدل فى الكلام والحكم على الأمور.. يحتاج للفهم العملى وليس النظرى لحال البلد. تقولين يا هبه ان الشخص يبدأ بنفسة فى تنظيم اسلوب حياه معين وتربيه لأبناءه.. حسنا انا معك تماما فى هذه.. هذا بالضبط ما طبقة والدى فى تربيتنا..خلق لنا عالم من المبادئ والمثاليات لنكبر عليه وكانت النتيجة كما قال الدكتور تهامى تماما اننا وجدنا نفسنا اغراب فى مجتمع يحتاج فيه المرء ان يمتلك اظافر للدفاع عن نفسه. انا وبكل أمانه اعترف اننى ابدا لا استطيع ان اعمل فى مصر فى اى وسط غير صحى واننى احتاج لمناخ صحى لأعمل فيه واننى لا املك العصا السحريه لنشر الفضيلة التى ربانى عليها ابى ولأطالب الناس ان يتعاملو بها . انا فى غربتى هنا اعمل فى شركة توفر لى مناخ اعيش فيه انسانيتى بشكل مطلق خصوصا انها اجنبيه وتركز تماما على الحرفيه والكفاءة والإنتاج قبل اى اعتبارات اخرى من تلك التى وضحها تهامى فى كلامه وواجهها فى عمله فى مصر ، وحكايات بالمئات سمعنا كلنا بها من اهل واقارب واصدقاء. عن محسوبيات ومصالح وواسطات وفساد يحكم اعمال كثيره جدا لغياب النظام هناك فساد يا عزيزتى ، فساد يحتاج لإصلاح من فووووووووووووووووووق لتحت اولا. وهذا ما اراه فقط بالنسبة للحالة التى تعبشها مصر حاليا..بالنسبة للوضع الراهن. نحن قد نختلف تماما فى هذه النقطة، لا بأس الإختلاف وارد، فئه ترى ان الإصلاح فى ظل الظروف الراهنه التى تمر بها مصر يحتاج ان يبدأ من فوق، والبعض يعترض ويقول العكس. الساحة تحتمل الإختلاف . الهجرة فى ازدياد كما تقولين لأن الشعب فى ازدياد..لأن سوء الوضع وترديه ايضا فى ازدياد، لأن الأحلام المقتوله فى ازدياد.. كل يهاجر لسببه الخاص ، البعض يبحث عن ماده، البعض عن مكان يحترمه، البعض عن مكان يشعر فيه بانه قادر على العطاء وليس مجرد اداه معطله وذلك ينطبق على المخترعين والعلماء وحتى الرياضيين. صدقينى هى اسباب تختلف من شخص لآخر، لها دوافع عديده ، ومحرضات لا تخفى على احد ، لا اجد ان هناك داعى اصلا لنكرانها. من غير المنطقى ان كل من اتخذ قرار السفر لكندا هو منشق عن بلده.. من غير المنطقى ان يحرم الشخص نفسة فرصة البحث عن ذاته ..عن حلمه المقتول على ارض مصر كما يحدث الآن. البعض يكتفى بمال الخليج وهدؤه والبعض يرغب فى العيش فى عالم من الطراز الأول والخروج من بوتقه العالم الثالث . وعلى فكره هؤلاء الراغبين فى الإطلاع على نظام حياه العالم الأول والإنضام للركب يتعبون لإثبات ذاتهم هناك ولكن هناك احترام وقانون ونظام يحتاجونه بالدرجة الأولى اكثر من الماده يدفعهم لخوض التجربه. مسألة من سيبنى مصر اجده حقا مجرد سؤال اعتراضى يعود بنا لنقطة الصفر! على رأى فؤاد نجم فى قصيدته عن مصر هشتكنا وبشتكنا ياريس عندما انتهى من سرد كل ما يجثم على قلبه ..التفت قائلا : اقول تانى ولا كفاااااااااااااااااااااايه. وانهى القصيدة !!!!!!!!! عموما ان بعد العسر يسرا.. مصر لن تنعدم من الرجال وبدل من ان نقول الشباب تهاجر ، لنعى ان كلاب الرئاسة تنهش الوطن وتنهش احلامهم وتنهش آدميتهم وان المنكر حتى فى حديث الرسول عليه افضل الصلاة والتسليم كان درجات باليد،باللسان،بالقلب. لكل شيئ فى هذه الدنيا درجات، لكل شخص مقدرة وظروف ، كل أعلم بظروفة، لا داعى لإتخاذ دوما وابدا موقع القاضى للحكم على الآخرين و الهجوم عليهم. مصر لا تحتمل هذا الكم من الإختلاف ، والهجوم حتى على بعضنا البعض. التغيير والإصلاح السياسى يجب ان يسبق اى اصلاح آخر.. هو القاعدة للبناء. يقولون ان التغيير يجب ان يقوم به الشعب.. والشعب يصيح ويصيح ويطحن ، ويقتل، ويكتب فى الصحف ، وتفرد له البرامج، ويخرج فى المظاهرات ويرمى فى السجون ، ولكنه يواصل المسيره ومازال يرفض ، مازال يفضح الحكومه الفااااااااااااسده جدا ، مازال يعتلى المنابر ولا يخاف قول الحق ويلعن الحكومة على بكرة ابيها ، ويرثى حال الشعب المقتووول المطحون ، وماذا حدث؟!! حكومه عمياء ، طرشاء، ميته القلب تجاه كل ما يحدث ... مواطن لا يساوى شيئ فى نظرها و فى حساباتها ، ما هو المطلوب فى الوضع الراهن ؟؟ ماهو المطلوب عندما اجد اخى منهار نفسيا وعصيبا من كل ذلك ويبلغ ابى انه يرغب بالسفر لأمريكا ؟؟ اقول له انت غلطان..انت جبان.. انت سلبى .. اترمى هنا بلاش دلع البلد محتجالك !!!!! طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
حسام يوسف بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 :unsure: بصراحة أنا شايف مواضيع كندا دى من فترة بس مش بحب أتكلم فيها عشان مازعلش ناس حبايبى.اللى يهمنى فى الموضوع الكلام عن الإصلاح و حكاية إن مفيش فايدة وإن البلد ماشية كده وماحدش يقدر يغير حاجة. نفسى أسأل سؤال واقف فى زورى, هو مفيش بلد من البلاد المحترمة اللى خلقها ربنا كان عندها مشاكل و كانت عايشة فى ظلام وظلم وجهل, والحمد لله ربنا كرمهم وبقوا بلاد محترمة دلوقتى؟ يعنى أنا عاوز أعرف هما صلحوا بلادهم إزاى؟ جابوا عمال من جنوب شرق آسيا مثلاً ولا استوردوا صينين ولا عملوا إيه عشان يصلحوا بلادهم؟ وياترى إيه الفرق بينا وبينهم -أيام ماكانوا فى نفس حالتنا دى طبعاً مش دلوقتى- عشان بس أقتنع إن مفيش فايدة وألغى الفكرة دى من دماغى تماماً؟ ياريت لو حد عنده إجابة يجاوبنى. الادارة أعتقد يا صديقى العزيز حسام إن الإدارة ليست مثل سر التحنيط الذى لم يعرفه أحد إلى الآن. وأنا أتفق معاك إن من ضمن مشاكلنا فشل الإدارة, وليس لأننا نعدم الكفاءات, ولكن لأن الأمر لا يوسد لأهله, وهذا بالتأكيد خطأ المسئول, وهنا أتذكر المثل الشعبى الحكيم "قال يا فرعون إيه فرعنك؟ قال مالقتش حد يلمنى". ولن أزيد أكثر من ذلك حتى لا يخرج الموضوع عن هدفه الأصلى. عزيزى باشمهندس محمد انت مخرجتش عن الموضوع دة هوة دة الموضوع نفسة والادارة مش سر زى ماتفضلت لكن احنا عارفين مشاكل البلد وعارفين السبب الفرق بيننا ان معسكر شايف ان فية فايدة (وأنامش عارف ازاى) ومعسكر شايف ان مافيش فايدة بس ادى الموضوع ربنايديلك الصحة وطولة العمر وكما قال محمودياسين لمديحة كامل فى فيلم الصعود الى الهاوية (هية دى مصر يا عبلة) وبالمناسبة هوة فين عمنا سكوب؟ كتب الموضوع ونزع الفتيل واختفى ماشى يا عم سكوب رابط هذا التعليق شارك المزيد من خيارات المشاركة
Ghost بتاريخ: 12 سبتمبر 2008 تقديم بلاغ مشاركة بتاريخ: 12 سبتمبر 2008 اللي بيسافر كندا بيسافر عشان حياه! أسلوب الحياة. حتى المصرى اللى بيسافر كندا عايز حاجة ع الجاهز عايز اسلوب حياة جاهز بدل ما يتعب و يعمله هنا فى بلده... وهوه فيه أسلوب حياة تفصيل يا هبه؟ وهوه أنا مثلاً هاعرف أربّي الناس من أول وجديد؟ وقبل ما نربيهم ، ونعلّمهم أخلاقيات التعامل ؛ إديلهم رغيف عيش الأول ، ورخّصيلهم العدس (على رأيك يا حسام) ، وعالجي أمراضهم ، وبعدين نتكلم على الأخلاقيات والإتيكيت واللايف استايل في مصر! دانا يا شيخة باحس إني منبوذ ، وكائن شحلمبوطي غريب وسط الناس ؛ لما باطلب من حد احترام الطابور أو إني جيت قبله! :blink: اولا محدش هيغير بلادنا الا احناثانيا اختلف مع د تهامى حبيبى فى موضوع الهجرة لان معظم اللى بيهاجر بيدور على الفلوس الاكثر اولا ثم الحياة السهلة ثانيا وطبع ده من حقه بس بيفقد حاجات كتير ة مهمة زى الجو العائلى والتربية الافضل للاولاد بيفقد الجو الاسلامى بس كفايه علشان محدش يزعل منى واكيد اى مصرى سواء جوة مصر اوبرة او مهاجر يقدر يفيد بلده باى وسيلة بس اهم حاجة مبيصش لمصر وشعبها نظرة التخلف وعدم الامل فى الاصلاح الامل موجود بينا كمصريين مهما طال الزمن والله يا عزيزي iloveegypt ... أنا نفسي مش عاوز أفتح نقاش في الموضوع ده ؛ كل واحد عنده قناعاته الشخصية ، وهوه حر! أنا عن نفسي تعبت واتخنقت من كتر الكلام فيه... اللي عاوز يعمل حاجة ؛ ربنا يهنيه بيها ، ويوفقه ويعينه عليها ، ويقدّر له الخير مكان ما يكون. وانا مع اخواتي هتلاقيني واقعي ، وهافضل اقول لهم إن الحياة في مصر متخلفة لأقصى درجة! والفساد مش سايب مجال فلت منه! لكن برّاها بافخر إني مصري ، وعمري ما بانشر غسيلنا أدام الغــُرب (والكنديين بيموتوا في مصر بالمناسبة)! واللي تقدر تصلّحة ؛ يا ريت تصلّحة. ويا رب ما يطلعلكش ميت مصيبة في سكّتك تمنعك م الإصلاح! أنا كنت ثوْرَجي في شغلي في مصر ، وياما عملت مشاكل في الشغل في سبيل تحسين الوضع والخدمات للعاملين في بريمتي القديمة في الصحراء الغربية! الناس بتوعنا مش مقدّرين ، وقلت مش مهم ؛ أنا باريّح ضميري وباعمل اللي عليّا ، رغم إن مدير البريمة (حبيبي جداً) كان دايماً يقوللي العالم دول زبالة ما يستاهلوش تشغل بالك بيهم! لكن ف الآخر لما بقيت باكتب تقارير في شركة التغذية مثلاً ؛ ألاقي المشرف العام ع البريمة (الرجل الثاني ف الشركة) قالب الدنيا عليا ، وعاوز يمشّيني م الشركة! ماهو البيه هوه اللي بيمضي العقد معاهم من بين حوالي 400 شركة تغذية ، وطبعاً فلوس من تحت الترابيزة ، وآجي أنا ف الآخر ألخبطله الدنيا؟! ولما كتبت تقرير زفت برضه في شركة الرش عن تزايد الدبّان ف الموقع رغم الزيارة الأسبوعية (الغالية والمكلّفة بالمناسبة) لمندوبين شركة المكافحة ؛ لقيت رئيس مجلس الإدارة (كبير القعدة يعني) هاج عليا هوه كمان! وهوه الدكتور ده حكايته إيه؟ وهوه ماله؟ إحنا باعتينهم عشان مكافحة القوارض مش الدبّان ، واحنا أصلاً ما كانش عندنا قوارض ، وكانت مشكلتنا الدبان فقط!!! دا زمان ؛ حتت فار يا مؤمن قعدوا يموّتوا فيه شهرين! لازم الإصلاح في أي مؤسسة يبدأ من فوووووء! الله يصبّحك بالخير ياللي قلت: الماتش متبااااااع! :wub: يا دكتور تهامي احترم رأيك وهاحترمه اكتر لو قلت لي مين اللي مفروض يصلح البلد ؟ مانتا عارف يا س س مين اللي المفروض يصلّح البلد (عيالك وام العيال عاوزينك يا ريس! ما تاخدش راحتك أوي هنا!) وانا متأكد على فكرة إن دماغك وأفكارك مقرّبة كتيرة من دماغي ؛ بس ساعات الحوار بيحدف بعيد شوية! wst:: هاسألك سؤال بسيط... أدامك السلطة والمال والعلم... مين فيهم اللي بإيديه يصلّح الأوضاع في البلد؟! المال... ده طبعاً بافتراض إن الـ 10.000 دولار المطلوبين للسفر لكندا (55 ألف جنيه) فلوس! دول يا محترم ما يجيبوش عربية شاهين بدون كماليات حضرتك! همه دول اللي هيغيروا الأوضاع البايظة؟ دانتا بربع مليون يا راجل يا طيب ما عرفتش تجيب لك حؤ في عباس العقاد! هتنكر؟! والعلم ؛ ماجيستيراتنا وعارفينها ، وعارفين بتتاخد ازاي! ومستوى التعليم وعارفينه ، وعارفين عقلية وثقافة الأجيال اللي بيخرّجها كل سنة تقعد حمضانة ع الدكة (على رأي لولا)! هوه العلم الهجص بتاعنا ده اللي هيعمل السحر وينهض بالبلد ويحسّن مستواها؟ أما السلطة بقى ؛ دي بسم الله ما شاء الله علينا فيها... إمتياز! يبقى عشان تصلّح البلد ؛ لازم تغير نظام وعادات الشعب في الشغل والتعليم والأكل والمرور والعلاج والتربية والحب وتقبل الآخر! هتقوللي أربّي عيالي صح ، وأعلمهم يمشوا صح في حياتهم ، ويعيشوا ملايكة عشان أصلّح بيهم مجتمعنا. ساعتها سياتّك اللي حواليهم هيستعبطوهم وهيتّاكلوا ، وهيفشلوا في تسيير حياتهم ، وهيعيشوا تايهين ومتغربين في بلدهم و وسط أهلهم. ولا هيعرفوا ينجزوا مصالحهم ، ولا يتعاملوا مع المجتمع حواليهم طول ما هُمّا مش مخربشين وبتوع التلات ورقات ويلعبوا بالبيضة والحجر وليهم علاقات تحميهم حتى لو غلطوا ، وتسلّكهم زي الشعرة من العجين! شوف انتا لو حصلت حادثة خفيفة وعربيتين خبطوا في بعض. صاحب الصوت العالي هوه اللي بياكل الموقف ، ويبلف اللي أدامه ، ولو فيه مطواه ف الموضوع (أو عصاية كهربائية زي الأخت الفاضلة بنت الباشا) ممكن كمان ياخد تعويض عن الأضرار اللي حصلتله ، حتى لو كان هوه اللي غلطان. والبوليس لا بيحمي ، ولا بيجيب حق حد! (مش هاقارن الكلام ده بكندا خالص دلوقتي! ما تقول لهم حاجة يا عم ياسر!) إنتا محتاج تربّي الشعب من أول وجديد ، وعشان تحقق ده ؛ لازم كبداية تفرض عليهم - وبالقوة - أسلوب ونظام صح ، ومع الوقت الكل هيتعوّد عليه ؛ ساعتها هيكون أسلوب حياة مكتسب. لكن إذا كان اللي بيحكم القوة دي ، سواء الشرطة أو ... إحم ... أي حد تاني... فاسد. والبارتيتة المحيطة بيه كمان فاسدة ، يبقى شايف أمل قريب أدامك؟ كان فيه زمان في التسعينات لعبة إسمها Blood كنت من مدمنيها! في تاني مستوى ، بعد ما باخلّصه ؛ ختام المرحلة ... فيه قطار واقف ؛ تيجي تواجهه وتضغط مسافة. جيت أنا قلت طيب قبل ما أنقل للمستوى اللي بعده ؛ ما أتغابى شوية ع اللعبة ، وانزل أتمشى في النفق المواجه للقطر ده ، آهو نشوف آخره إيه. النفق ضلمة كُحل. وانا ماشي ماشي ولا هاممني ؛ شوية والكمبيوتر يكتبلك رسالة "I don't think this is a good idea" ، اتغابيت كمان وفضلت ماشي ، بعد شويّة لقيت الكمبيوتر كاتبلي رسالة تانية "You should consider going back" ، كملت غباوة وفضلت ماشي ، شوية والكمبيوتر كتبلي رسالة "?Do you see light at the end of the tunnel" ، ضحكت جداً لما قريتها ، بس برضه قلت لما نشوف آخرة الغباء ، وفضلت ماشي! شوية ولقيت قطار تاني جاي في وشي ، وبالسلامة! اللي برمج لك اللعبة ؛ عايزك تمشي ف الإتجاه ده. لما تكون انتا اللي عامل اللعبة ؛ إبقى حط السيناريو اللي ف مزاجك ، ومشّيها صح. مش هتحارب انتا طواحين الهوا ، ولا عندك الوقت الكافي إنك تعطّل مصالحك كل مرة عشان تصلّح الدنيا. هتجيبها كده - هتجيلها كده - هيه كده! (مع الاعتذار للفيلم) وهاسألك نفس السؤال... Do you see light at the end of the tunnel ؟ لو شايف يبقى يا بختك ، وربنا يسعدك ويهنيك فيها ، وربنا يعينك على تحسينها كمان وكمان. ولو كنت - زي حالاتي - مش شايف (وانا من الناحية دي بكل أسف لابس نضارة ، وكعب كوبّاية كمان!) ؛ يبقى هاقول لك كلمة إيهاب سالم الله يمسّيه بكل خير... هاجروا يرحمكم الله ؛ ده لو تقدروا! والغريب إن الكلام ده (إستنكار السفر ، ومين اللي المفروض ياخد بإيديكي يا مصر؟) عمره ما بيُوَجه للسادة اللي بيسافرو الخليج (رغم إنهم بيعيشو فيه سنييييييين ، ومنهم ناس بتفضل فيه طول عمرها ، أو أقل واجب حتى المعاش) ، ويرجعوا تاني مصر يريّحوا فيها بفلوس الخليج الكتير وأسعار مصر القليلة! ما اعرفش همه كده أفادوا مصر بإيه ، أو أصلحوا فيها إيه! وبيتكلموا دايماً عن الوحشين اللي سايبينها ورايحين كندا ؛ وعيب وما يصحّش! (باستغرب يا حسام :blink: ) دايماً النظرة للي بيروحوا كندا إنهم الخونة اللي غدروا بالبلد واتخلّوا عنها! رغم إن الاتنين بيزوروا مصر شهر في السنة! ويا ترى أستاذنا محمد المشرف (واللي أنا شخصياً من أكتر المعجبين بفكرة وحكمه ع الأمور) ، واللي في أمريكا وقلبه في الإسكندرية يعتبر من ضمن الخونة اللي أنا منهم برضه؟! ومن منطلق إني مش كويس ومش مؤدب (ومن ضمن الخونة طبعاً) وما باساهمش في إصلاح البلد... فهاسيبهالكو تصلّحوها بمعرفتكو ، وهاحرم نفسي من جني ثمار الإصلاح. ولو اتصلحت البلد هامتنع عن الاستمتاع بما تعب فيه غيري ، وأخلّيني قاعد في كندا ، وكمان ممكن اتدفن فيها ، عشان ما أستمتعش بوجودي في طين مصر الطيبة وانا (عضم في قفة)! أعتقد كده Fair Enough ! :blink: لتاني مرة أنا آسف يا سكوربيون على الخروج بالتوبيك خارج أساس الموضوع. بس انتا شايف ، الكلام دايماً بياخدنا لمواضيع فرعية! :sad: و الله ارفع لك القبعة تحيه لك فعلا كلام تمام و عشره على عشره و احب ان اضيف شئ مظلم للنفق ان تسعين في الميه من الشباب عاوزين يسافروا بس مش عارفين يعني لو اي بلد محترمه فتحت التاشيرات كده بس من غير شروط و لا دايولوا مش هتلاقي في البلد غير العواجيز و الاباء و الامهات + حسني و جمال و عز و اللي ناهبين البلد و هتكون مصيبه و الله كل قاعد غصب عنه و مش عارف يعمل ايه علشان يخرج ده حتى العسكري في الجيش و لا الامن المركزي نفسه يخرج الساعة ديه قبل بكره الناس كرهت نفسها من الظلم و الغلاء و الفساد و الموت و الكوارث اللي كل يوم بيشفوها و اخير ا اللي يقدر يسافر مثلا الى كندا و ما يعملهاش و يعيش في دور الاصلاح هيلاقي نفسه شحات و مقبوض عليه في امن الدوله بتهمه اثاره الفتن و اعمال الشغب و تكدير الراي العام و بصراحه المحترم مالوش مكان في مصر دلوقتي على الاقل يروح ياخد جنسيه محترمه تحميه و تقف جنبه وقت الشده حتى لو كان من الحكومه المصريه نفسها انا بحس اني غريب في بلدي و انها ممكن تكون بلدي و استمتع بيها بجد لما اكون على لون اخر كفايه كده لاحسن المراره قربت تضرب الحفاظ على قفاك مسئوليتك الشخصية رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان