بحبك يامصر

[tarek nokia]

http://www.youtube.com/watch?v=ICg6Q-IZ7QU

ليه بنحب مصر :happy:

تم تعديل 18 نوفمبر 2008 بواسطة tarek nokia

[tarek nokia]

http://www.youtube.com/watch?v=19ji4dxeua4...feature=related

طيب لو كنا بنحبها

[tarek nokia]

هل نحن صاحين زي الي كانو قبلنا ولا في سابع نومة

http://www.youtube.com/watch?v=kUVmP40GGCs

[tarek nokia]

لاء ده في رجالة صاحين ووحووش لكل من تسول له نفسه ان مصر ضعيفة مصر متميزة بكل شيء

http://www.youtube.com/watch?v=7YyMXESZP2I...feature=related

[الباشمهندس ياسر]

تحيا مصر

[tarek nokia]

طبعا بعد المقدمة الجميلة لمصر وبعد التفاعل السلبي من 99%100 من المتصفحين لهذا الموضوع اوجه سؤال بريء هوا لسا فيها رجالة بمصر يعني لما تنزل الشارع وتشاهد راجل بيضرب بنت ممكن تدخل ولا تقول انا مالي كمان سؤال طيب كنا اومش احنا ابائنا او اجددنا كانوا بيسمعوا اوبشوفوا ابطال كتير قدمو لمصر الكثير من غير مايفكرو بمقابل القيم زمان كانت ليها قيمة دلوقتي اسمها تغير تقريبا صار اسمها هبل اوعبط طيب ممكن سؤال بريء اكثر انت تعرف الراجل الي ساكن جمبك يعني زورته ولا زارك اصلي زمان لما كنت طفل كنت اعرف كل من في الحي من جيران ده كان لينا خمسين او مائة جار انا دلوقتي مش لاقي ولا جار يعني لما اركن بيقفل علي بعربيته او لما اركن جمب بيته يكسر زجاج العربية او بالسكين ويفتح راس الكوتش من اوله لأخره يعني 250 ريال ثمن كوتش او 200 رال تمن زجاج عربة عشان مرة جيت متأخر ومالئيتش مكان غير جمب بيته طيب سؤال اخير زمان كانوا بيعملو كدا اصل لما بشوف الأفلام القديمة او القصص بحس انه احنا ولا حاجة ماعندناش مبدء ولا انا ببالغ شوية ولا الغربة لحست مخي :h!!!h:

[شاب مصري]

ربنا كريم .

[أبو محمد]

طبعا بعد المقدمة الجميلة لمصر وبعد التفاعل السلبي من 99%100 من المتصفحين لهذا الموضوع اوجه سؤال بريء هوا لسا فيها رجالة بمصر يعني لما تنزل الشارع وتشاهد راجل بيضرب بنت ممكن تدخل ولا تقول انا مالي كمان سؤال طيب كنا اومش احنا ابائنا او اجددنا كانوا بيسمعوا اوبشوفوا ابطال كتير قدمو لمصر الكثير من غير مايفكرو بمقابل القيم زمان كانت ليها قيمة دلوقتي اسمها تغير تقريبا صار اسمها هبل اوعبط طيب ممكن سؤال بريء اكثر انت تعرف الراجل الي ساكن جمبك يعني زورته ولا زارك اصلي زمان لما كنت طفل كنت اعرف كل من في الحي من جيران ده كان لينا خمسين او مائة جار انا دلوقتي مش لاقي ولا جار يعني لما اركن بيقفل علي بعربيته او لما اركن جمب بيته يكسر زجاج العربية او بالسكين ويفتح راس الكوتش من اوله لأخره يعني 250 ريال ثمن كوتش او 200 رال تمن زجاج عربة عشان مرة جيت متأخر ومالئيتش مكان غير جمب بيته طيب سؤال اخير زمان كانوا بيعملو كدا اصل لما بشوف الأفلام القديمة او القصص بحس انه احنا ولا حاجة ماعندناش مبدء ولا انا ببالغ شوية ولا الغربة لحست مخي :h!!!h:

عزيزى طارق .. واضح إن أسئلتك موجهة إلى الشباب .. أنا فى الحقيقة من الجيل القديم .. كلامك عنهم صحيح كانت دى هى الصفات والتصرفات السائدة (مع أقلية عكسها) .. وما زلت كما كنت فى الماضى .. يعنى لو لقيت واحد بيضرب بنت فى الشارع أو حتى بيعاكسها مش ممكن أقف ساكت .. لو حسيت بأى شئ غير طبيعى فى شقة جارى وهم غير موجودين مثل شباك مفتوح أو صوت مياه أو ماشابه أتصل بهم (عندى رقم تليفونه المحمول ورقم منزل حماته التى لم أقابلها) .. والعديد من الأشياء التى لا حصر لها ...

عندما استعملت الروابط التى وضعتها واستمعت إلى الأغانى الوطنية .. فكرت فى نقله إلى باب الفنون .. ولكنى قررت الانتظار لأول مداخلة لك تقول لنا فيها ما ذا تقصد بوضع تلك الأغانى .. فإن كا القصد فنيا فكنت سأشارك معك فى وضع روابط لتحميل المزيد من الأغانى الوطنيةالمحبوبة

ولكن بعد أن رأيت مداخلتك السابقة .. فهمت قصدك .. وأنا معك من المنتظرين

تحياتى

[elshafey]

قصيدة صلاح جاهين دي بتعبر عن كل الكلام اللي عايز أقوله

اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر

النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد

على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله لحد

القمح ليه اسمه قمح اليوم وأمس وغد

ومصر يحرم عليها .. والجدال يشتد

على اسم مصر

[tarek nokia]

السلام عليكم

طبعا شكرا للأخوة الذين شاركو معاي بشكل ايجابي وحبيت اننا نتكلم بموضوع ايجابي تكون بذرته في هذا المنتدى الجميل كيف اعادة

القيم الى مجتماعاتنا قبل ان تنقرض وتصبح اثار من الماضي اتمنا من كل واحد يرى الموضوع يشاركنا زي ما بعض الأخوة شاركونا احنا

ممكن نستفيد من بعض وكل في ميزان الحسنات يعني مش حتكتب كلام ببلاش ومش حزعل حدا ومحدش كمان حيزعلك

يعني لو انتا رحت السوق وركنت العربية وشتريت حجتك وخرجت ولقيت واحد مقفل عليك ومعرفتش تركب الا من الناحية التانية وانت

بتشغل العربية وخارج ولقيته جاي وركب عربيته ولاكأنو عمل حاجة حتعمل ايه طيب لو انت شفت مثلا تخفيضات وقلت لجارك واشترى

بنص السعر وبعدين اصبح جارك يقولك لما تحصل معاه حاجة ده التاجة ماتبردش كويس مع انها بتبرد كويس او شكلها مش ولابد مع انها

شكلها حلو جدا والا الغسالة لم مثلا تعلق يعني يكون مزود المحلول ومايتصلش بالصيانة ويتصل بيك ردك حيكون ايه مع ان الحاجة كويسة

مش عطلانة بس كانو عاملين عرض وانت حبيت تعمل خير وتحكيلوا اصله جارك وانت جبت نفس الحاجة وشغالة زي الفل طيب لو في

عرض تاني ممكن تحكيلو ولا تقول اصله راجل ماعندوش دم كل مايشفني يقولي التلاجةولا الغسالة مش تمام طيب ممكن يكون عندك

كمان مداخلة :closedeyes: تشرحلنا مواقف سلبيا او ايجابية حصلت معاك

[alaashabana]

بلاش انا اتكلم عن مصر اصل الناس بتزعل..

كفاية الشاعر " احمد فؤاد نجم قال كل حاجة عن مصر " :closedeyes:

[newcomer]

بيعجبنى اوى رد حسين فهمى فى فيلم مافيا ردا على سوءال حضرتك......... الواحد بيحب امة حتى لو ما كانتش احلى و لا اغنى ولا اذكى ام...... بيحبها علشان ببساطه هى امة...... الفكرة دى بتعجبنى و بافكر لو الواحد جرد نفسه من مشاعره و ابتدى ينتقد امه بكل حياديه ....... طبعا حيلاقى سلبيات كتير ...... و ابتدى فى نفس الوقت يقارن بينها و بين ام الجيران ( اللى ما بيشفهاش الا من بره.....يعنى وهى مش عيانة و لا فلسانه و لا غضبانه) ....... هيتمنى ان ام الجيران دى تتبناه.... و طبعا ممكن ربنا يحققله امنيتة لو هى ما عندهاش ولاد كتير و لو هو كمان متميز........ السوءال بقى ...... هل ممكن الام الجديدة تنسى ( هى و ولادها )انه ابن بالتبنى.مهما انتمى ليها و دافع عن مصالحها.....( نفتكر طبعا ان كل وسائل الاعلام ما كنتش بتقول باراك اوباما غير لما تذكر انة امريكى من اصل كينى).......... وهل ممكن الابن ده يفكر بنفس الحياديه (و هو بيعدد فى سلبياتها) ان امه دى ربته بامكانيات ضعيفة و مع كدة بقى متميز........... وانها محدش هايسعدها و يعالجها غيره هو و اخواته......... وانه حتى لو مش قادر يعيش معاها خلاص و مبسوط مع مامته الجديدة............ على الاقل ما يكلمش عليها وحش و ما يقعدش يفضحها فى بيوت الجيران التانين و يطلع كل القطط الفاطسة .......... و الاهم بقى انه ما يسممش على اخواته عيشيتهم ........ يمكن هما متاعيشيت مع امهم بكل سلبياتها و ايجابيتها ....... او يمكن مش لاقيين ام تانية تتبناهم.

[newcomer]

بلاش انا اتكلم عن مصر اصل الناس بتزعل..

كفاية الشاعر " احمد فؤاد نجم قال كل حاجة عن مصر " :closedeyes:

مع احترامى لموهبة الشاعر الكبير .... لكن الحقيقة الواحد بيكونه تاريخة و بيكون حاضر فى الذهن و احنا بنقرأ له....... و الاستاذ نجم كتب عن نفسه بايده

مذكراته "الفاجومى"............. ماتهيأليش انة ينفع

انة رأية بعد كدة يكون " هو اللى بيقول كل حاجة عن مصر"

مش كل واحد عارض كل الانظمة ....من اول الملكية لحد دلوقتى ..... ولا كل واحد دخل السجن ...... و لا كل واحد ما بيعرفش يقول و لا يكتب غير لما يعمل اصطباحة (

انا اسفة فى التعبير السوقى دة و لو انه للاسف بقى عنوان لمقال فى المصرى اليوم لبلال فضل) هيأرخ لبلد من اقدم البلاد و بلد قال علية سيد الخلق (صلى الله علية و سلم )

ان بها خير اجناد الارض .........

[nizza la bella]

انا بحيى الاخ طارق بس بحب اسال انت ببتكلم عن مصر زمان ولا مصر الحاضر?

مع الاعتبار ان بحب مصر بس من بعيد

[tarek nokia]

انا بحيى الاخ طارق بس بحب اسال انت ببتكلم عن مصر زمان ولا مصر الحاضر?

مع الاعتبار ان بحب مصر بس من بعيد

انا بتكلم عن روح مصر يعني كلمة مصر نفسها كلمة كبيرة واعتقد ان نتكلم عليها كابلد اعتقد اننا بنظلمها انا بتكلم عن اخلاق مصر كمصر النخوة والشهامة والثبات العروبة الاسلام مصر النيل مصر الشعب معقولة يكون اتعمل ل80 مليون غسيل دماغ ونسي مصر ولا احنا بنبالغ يعني انا بحس مصر بجد ام الدنيا مش كشعارت او تعاطف كحقيقة فيها كل حاجة الضد وضده سبحان الله

[alaashabana]

انا بحب ناس مصر ..اللى عايشين فيها ..اهلى واصحابى واهل اصحابى.. wst:: :hearts:

لكن مصر تتحب ازاى غير كدة.؟؟؟؟. النيل بقى واهرامات ..ومشربتش من ننيلهاوالكلام دة...يبقى مش بحبها :cry1:

[nizza la bella]

http://www.youtube.com/watch?v=GB2MalxaJDE

عظيمةيامصر ,علشان كده احنا بنحبك

[ahmedkamal]

اكيد بنحبها وبنعشقها بس بنحب مصر ككيان انما تعالى من جوا ههحب الرشاوي والفساد ههحب التصرفات غير المقبوله من الشباب اللي مليين الميادين العامه روح عند المعاهد الخاصه اللي طلعت ف المقدر جديد شوف الاجيال ده بتعمل ايه ههحب مصر لوحدها واعزل كل ده اللي بيحب هو اللي بينتقد وبيبقى عاوز بلده احسن بلد ف الدنيا هتقولي ما نبقاش سلبيين صح انا ياما جربت مواقف ايجابيه ف مصر بدايه من استغلال سواق الميكروباص لاي موقف عشان يغلي الاجره نهايه بحاجات كتيره نتيجه ده ايه ولا شيئ الناس هي هي السلبيه ف دمهم لما بتعترض وتقول لا بتلاقي الكلساكت ، هتقولي لو بنت بتتعاكس انا اصلا ما بقيتش عارف المحترمه من اللي مش محترمه طلعت موضه لبس الاسدال بقت البنات اللي بتقعد ع كورنيش ماسبيرو بدل ماكانت بتلبس الاستريتش بقت تلبس الاسدال وبقت بنفس السلوكيات ههحب ايه ف مصر التناقض الغريب اللي موجود حب الاستغلال اللي موجود ، بحبها وما اقبلش حد يقول كلمه عليها لان هي مالهاش ذنب احنا اللي بوظناها انما لو انت بتتكلم عشان نقول بنحب مصر انا اعرف ناس بقالها 30 سنه مسافره وكل سنه يقولك انا هقعد ف مصر ويرجع حب مصر بيظهر ف حاجات كتير لو بنبحب مصر خلينا نحسن من صورتها بره لو كل مصري هو بيتعامل بره بيحط ف دماغه انه مصري وان اللي ادامه هيقول هو ده المصري ساعتها يبقى بنحب مصر هنحبب الناس فيها اللي هم مش مصريين كمان

انا ولا اي حد يقدر يقول ان دكتور فاروق الباز يبقى مش بيحب مصر ولا مجدي يعقوب ولا احمد زويل ولامصطفى السيد ياريت يبقى حبنا عملي مش شعارات انا وانت واي واحد بيحب مصر ع الاقل وفرنا لها نصيبنا ف استخدمات الخدمات العامه وسافرنا ع الاقل بنحاول ندخل لها قرشين وياسلام لو بقينا نماذج مشرفه ساعتها يبقى فيدناها قوي ووفرنا عليها فلوس حملات تروويجيه للسياحه نفسي نعرف ان الحب مش بالكلام لو انت فعلا شربت من نيلها اخلص ف عملك وبلاش اي تصرف سيئ يسئ للمصريين واوعى تقول انا ف غربه ومحدش عارفني فعلا انت ف غربه ومحدش عارفك بس عارف انك مصري

ياه لو يجي اليوم اللي يتشاور فيه ع المصري انه رقم واحد نفسي عاوزين كل المصريين اللي بره يبقوا ناجحين قوي ف شغلهم وسلوكهم ساعتها يبقى بجد بنحب البلد انما بحبها كلام وخلاص لا يبقى بنضحك ع نفسنا

[tarek nokia]

السلام عليكم

بالنسبة لكلامك انا معاك بس احنا عايزين حاجات عملية نعملها وكل واحد يقول عن تجربة عملية عملها عشان يحسن صورة مصر بالنسبة ليا انا بحاول انشر اي خبر حلو عن مصر عن طريق الأيميل بحاول اكون قليل كلام كتير افعال وطبعا عارفين الناس بتقول عن المصريين ايه كتريين كلام قليلي افعال بحاول يكون تعلملي مع الناس بكل صدق مافيش لف ودوران وطبعا منتشر جدا ان المصريين حرمية ونصابين من المسلاسلات والأفلام البس كويس الريحة تكون كويسة يعني تخلي جزء من راتبك لي اللبس والبرفان انت عمرك شفت لبناني ريحته وحشة المشكلة انا بحتك بمهندسين عندي ريحتهم اعوذ بالله وحشة قوي مع ان السوريين الأردنيين السعوديين بيهتموا قوي بالحجات دي اللبس والروايح الجميلة ياريت يكون شعارنا عزة نفسنا غالية قوي مهما كان المقابل هيا اغلا والناس انا متأكد حاتحترمنا