ابشرو مقابلات كيبك الجديدة مارس 2009

[مجبورة ان شاء الله]

ابشرو لمن يهمه الامر الى كل مقدم جديد للهجرة فى مقاطعة كيبك لقد تم تحديد اول معاد للمقابلة وسوف يكون فى يوم 2 من شهر مارس والمقر سوف يكون فى سوريا ربنا معكم جميعا

وفى اول الاسبوع القادم سوف يبداء تحديد الاماكن التى سوف يتم بها المقابلات والى الان كل اللى اخترو جميعا فى سوريا وانا معكم متابعه وحتى اشعار اخر وهذه المعلومات من مصدر موثوق

وسوف تمتد المقابلات الى منتصف مايو و سوف افادكم بما هو جديد ان شاء الله

نصيحة مهم الى من ياتى له المعاد يجب عليكم ان تحضرو للمقابلة جيدا وان تتخيلو مع انفسكم شكل الحوار اللى ممكن يتم وعلى اساس ذلك سوف توصلو الى بر الامان

من الاسئلة المهمه

ان تتكلمو عن عملكم بثقة وعن اسباب الهجرة الحقيقية وان تذكرو اسباب مقنعه مثل حياة افضل وتعليم افضل للابناء وان تتجنبو قول الحرية وبلد المساواه فى اول الحديث عن اسباب الهجرة

وان تعرفوا معلومات كثيرة عن كيبك وليس كندا

وان تتجنبوا التحدث باللغة الانجليزية الا اذا بداءت السؤال باللغة الانجليزية لكى تقيم اللغة

وتجنبو الوقوع فى الفخ فى ان يقول او تقول لكم ان نبداء الانجليزى لان فى ذلك فخ ودائما ان تبادرو بالتحدث الفرنسية وحتى عند التوجه لتيقيم الانجليزى ان تبادرو بان تستكمل الاجابة بالفرنسية لا ذلك فيه اقناع

بانك سوف تذهب للاقامة فى كبيك وليس فيدرال وان تقللو من التحدث الانجليزية داخل المقابلة الا فى الضرورة القصوة

وايضا ان تكونو على علم بعملكم هناك وانكم لازم تحصلو ا على معادلة حتى تعملوا فى مجالكم وانكم سوف تعملوا فى اعمال بسيطة حتى تحصلوا على المعادلة

هذا كل ما فى خاطرى الان وان تذكرت شئ سوف اكتبه وانا ان شاء الله سوف اتواجد للمساعدة

والله الموفق لكم جميعا

[حسام يوسف]

وللاخوة اللى مقبلين على انترفيو الكيبيك

دة موقع يعملك تقييم لمستواك

ياريت بكل أمانة ومفيش كسوف كل واحد جرب الموقع يقول دخل جاب كام

مع تحياتي

http://www.francaisfacile.com/test-de-niveau-francais.php

[Nassarlink]

الاخت الفاضله جيسيكا

انا آسف معرفتش ابعت الرساله علي الخاص لان خاصيه الخاص مغلقه عندك

ان ماكانش عموما ممكن يكون حد قفلها علي لوحدي الله اعلم هو مين-

الله يسلمك

الحمد لله كله تمام

وبعدين في اي وقت تقدري تسالي

انا مش ناسي لما انا كنت في المقابله

وكنت فاكرك علي طول عامل حساب اسئلتك

طبعا كل اسئلتك مهمه

لكن علي ما اذكر ان زوج حضرتك اداب فرنساوي بس شعال في المبيعات طول عمره

عموما انت عارفه ان موضوع الدرجات بالنسبه لمستوي اللغه الفرنسيه بدقه محدش عارفه

لكن كلنا بنحلل بناء علي التجارب السابقه لان الموضوع في ايد مستشار الهجره الي هيقابلكوا

لكن انا شايف ان المستوي التاسع يبقي ممتاز جدا جدا بالنسبه للزوج كمقدم رئيسي والخامس بالنسبه ليكي كويس

خصوصا انتم عندكم اولاد وسنكم اقل من 35 سنه

لكن ده مش معناه ان ان السابع بالنسبه للزوج مش كويس وخصوصا انه شغال في المبيعات وبناء علي تجارب اخواننا في الميشن الي فات

ان مدام غوتيه الي كل الناس اشتكت منها قالت ان شغلانه مندوب البيع دي ليها فرص كتير في كيبيك

لكن طبعا الكلام ده مش رسمي نقدر نحسبله درجات خاصه

لكن ممكن نعتبره مؤشر جيد في المقابله ليكم انشاء الله

وزي ما قلنا قبل كده الديلف هو الي بيدي درجات معتمده ميقدرش مستشار الهجره انه يطنشها

شدوا حيلكم وانتم خلاص مشيتم في طريق الي مينفعش فيه التردد او القلق

وربنا يوفقم ونكون سوا انشاء الله في كيبيك عن قريب

[jessika]

اشكرك يا اخى الفاضل نصار على ردك الفكرة انة كاتب فعلا السابع وانا الخامس بس بنفكر لو تبقى وقت نكمل مستويين كمان مفيش مشكلة المهم يكون لية فايدة ويزود الدرجات وميكنش من ناحية تانية مشكلة وتصعب علينا الاسئلة فى المقابلة وشكرااااااا جزيلا

[el faid]

الإخوة الأفاضل wst::

تحية عطرة لكل مناضل يحاول أن يصل الى شاطئ النجاة :lol:

وتحية خاصة للأستاد نصار :)

نصيحتي لكل من ينتظر المقابلة التركيز على المحادثة الشفوية وليس الكتابية

وأن يعد أسئلة تتعلق بحياته الخاصة كطبيعة عمله وأسرته

أنا من الناس الدين أجرو المقابلة في شهر 10 ووفقنا بفضل الله

وأنا على استعداد لأي سؤال بخصوص المقابلة .وفق الله الجميع لكل ما يحبه ويرضاه :wub:

أخوكم نور من المغرب .

[Nassarlink]

اشكرك يا اخى الفاضل نصار على ردك الفكرة انة كاتب فعلا السابع وانا الخامس بس بنفكر لو تبقى وقت نكمل مستويين كمان مفيش مشكلة المهم يكون لية فايدة ويزود الدرجات وميكنش من ناحية تانية مشكلة وتصعب علينا الاسئلة فى المقابلة وشكرااااااا جزيلا

طبعا لو توفر ليكي وقت كملي انت وزوجك مش هيكون في اي مشكله لو انت مستواك اعلي من الي كاتباه

ده ممكن هي لما تلاقيكوا مستواكم كويس تديكم درجه اعلي المكتوب في الابلكيشن

وده طبيعي

هي مش هتصعب عليكم الاسئله إلا إذا كان مجموع درجاتكم ميكملش 68 درجه إلا بالمستوي االمكتوب في الابلكيشن

علشان في الحاله دي بتعتبركم زودتم في المستوي المكتوب علشان الطلب ميترفضش

[السيد منير]

لية صديق قدم فى نص يناير اللى فات

2009يعنى

والنهاردة جالة الفايل نمبر

وانا مش فاهم

هوة ممكن الفايل نمبر يبقى فى أقل من 3 شهور؟

دة كدة خد شهر واحد تقريبا

احب انضم لكم انا السيد منير انا كنت كيبك وبفضل الله قدمت فيدرال امس وتحت امر اى حد فيكم فى اى تساؤل فى حدود معرفتى بالموضوع بجانب الاستاذ الفاضل وحبيب قلبى الاستاذ محمد نصار

بالنسبة لصديقك اللى قدم فى نص يناير وجالة الفايل نمبر بسرعة حاول تسالة تخصصه اية شهادتة خبرتة مجال عملة معاة شهادات لغة مثلا بيشتغل فى تخصص محتاجينة اوى عندهم لو الشروط دى موجودة عندة يبقى هموا هيقموا الملفات حسب احتياجتهم وهيسرعوا للى عايزينة . طيب لو عادى يعنى زى حالتك مثلا يبقى هو مجرد حظ مش اكتر وبقية الجوابات هتوصل باذن الله دة

[السيد منير]

السيد منير تقصد انك غيرت من كيبك للفيدرال؟ ولا عملت انترفيو كيبك ونجحت وقدمت فيدرال؟ وبالنسبة للفيل نمبر فعلا حاجة غريبة ناس كتير مقدمة زيى 18\12\2008 وجالهم الفيل نمبر لكن احنا لا هل دة فعلا حسب التخصصات اللى محتاجنها ولا اية الفكرة؟ ياريت كل اللى جالة فيل نمبر يعرفنا بتخصصة وشكرا

استاذ سيد جاوب علي جسكا

مش هتسيبك الا اما تعرف ايه الي حصل معاك

اهو برده الناس تعرف حاله مختلفه عن الي متعودين عليها

ربنا يوفقك انشاء الله

بسم الله الرحمن الرحيم

يا اخت جيسكا انا بفضل الله وتوفيقه جالى السى اس كيو من غير مقابلة شخصية بس دة طبعا حالة خاصة لان انا كنت قبل كدة قدمت وخدت رفض ظالم من ميشن 6/2007 وفتحت فايل تانى فى 15/6/2008 وجالى ابديت منهم امضى فية على عقد الفلوس فى 21/8/2008 وقالوا ان احتمال متعملش مقابلة ونختارك بناء على الدوسية انا كنت بعت شهادة الدلف بتاع البية دو والمستويات 11و12 وطبعا الرفض القديم كان فى صالحى مش ضدى . المهم المدام بتاعتى ولدت فى 3/12/2008 ابنى عبدالله وربنا كرمنى وضفت ابنى فى 15/12/2008 ولاقيت جايلى جواب فية السى اس كيو يوم 19/1/2009 وبفضل الله قدمت فيدرال يوم 26/2/2009 وربنا يستر فى الباقى

وربنا يارب يكرم كل واحد مقدم كيبك وفيدرال وفيدرال بعد كيبك وان شاء الله يجلكوا الفايل نمبر بسرعة وتتطمنوا اهم حاجة ابذلوا مجهود جامد فى الفرنسوى عشان يبقى موقفكم احسن باذن الله تعالى وما تقلقوش من طول الفترة الزمنية اهم حاجة الاستعداد والصبر والباقى على ربنا وانا تحت امر اى حد فيكم

[bermawy]

السلام عليكم ورحمة الله وبركاته

انا بقترح ان التويبك دة يبقى خاص بكيبيك ونحاول نقدر نجمع فيه اكبر قدر من المعلومات عشان محدش يتوه في المندى وان هبدا بنفسي وهحط لينكات عن كيبيك

http://www.immigration-quebec.gouv.qc.ca/f...n/montreal.html

http://www.marefa.org/index.php/%D9%83%D9%...%8A%D8%A8%D9%83

http://ville.montreal.qc.ca/portal/page?_p...;_schema=PORTAL

http://emploiquebec.net/francais/regions/m...ressources.html

[السيد منير]

مرسى لردك جدا يا استاذ منير والف مبروك طبعا على السى اس كيوووووووووو فعلا خبر مفرح جدا بس انت لية كنت اترفضت قبل كدة وازاى كان فى صالحك الرفض؟

المقابلة الاولى مش معيار لان ظروف الميشن كانت صعبة جدا ومبحبش اكلم عنها كتير عشان الناس متصبش باحباط المهم انا كنت واخد فى اللغة متقدم 9 يعنى ادرجة النهائية فى اللغة بس دة طبعا يدينها ازاى عطيالة متقدم فى اللغة وبترفضية طبعا ضيقت على الخناق جدا فى المقابلة كل ما قول حاجة تقولى مستحيل انا مدرس فرنساوى قالتلى هتشتغل اية فى كيبك قولتلها مدرس قالتلى مستحيل بنفس اللفظ كدة قالتلى انت محتاج تدرس عشان تشتغل مدرس قولتلها انا عارف كدة قالتلى يعنى انت جاى تدرس مش تشتغل قولتلها هدرس واشتغل قالتلى مستحيل المهم قفلتها فى وشى لدرجة اننا خلاص معتش عندى امل فى حاجة وكانت شهادات المستويات معايا فى الشنطة وشهادة البية دو بس طبعا انا وصلت لمرحلة الياس ولو خرجتها وشافتها كان الامر ممكن يختلف لكن ربنا ما ارادش المرة دى وكأن مفيش نصيب بعد كدة نزلت على مراتى سلخ اسئلة زيى واصعب المهم ادتها صفر فى اللغة بعد كدة سئلتنى سؤال انجليزى جاوبتة عطتنى مبتدا4 فى الانجليزى المهم صيغة الرفض كانت اغرب من الخيال انت تم رفضك لان نيتك لم نكن العمل وانما الدراسة بس الحمد لله ربنا عوضنى فى المرة التانية لانى اتظلمت فى المرة الاولى

الشاهد اولا اوعى حد يجيب سيرة الدراسة لانة فخ انا وقعت فية ما تقولش هادرس قول هعمل معادلة شهاداتى وهى معروفة انا اى مهاجر بيجيبها من تحت بير السلم زى ما بيقولة. ثانيا لاتياس مهما كانت الظروف والضغوط اللى عليك حارب لاخر لحظة وتوقع معاملة زى الزفت وتعقيد وبهدلة دى عادى دة امتحان للدافعية بس انا مفهمتش كدة غير بعد مفكرت بمنطقية واستعدت ذكريات المقابلة المولمة لانة بشوية خبرة وقراءة لاقيت انها دى طريقتها فى تقييم اللغة لانى دورت على المستويات وازاى يتم تقيمها ولية ادتنى متقدم 9 لقين ان انت عشان تاخد متقدم 10 لابد تدافع عن نفسك اقصد لغويا يعنى واحد بيقولك انت فاشل ومش نافع فى حاجة دافع عن نفسك واقنعنى ان انت عكس ذلك لو قدرت تاخد متقدم 10 هى طبعا عملت معايا كدة بس انا فهمت الامور غلط ولم احارب بقول تانى حارب لاخر لحظة

طبعا بكرر تانى عشان الناس لا تصاب بالاحباط دة ميشن مش معيار ابدا وتم وصفة ان اسوأ ميشن فى تاريخ الهجرة بعد ميشن 11 سبتمبر وانا كمان مدرس فرنساوى يعنى لازم اثبت جدارة زى ما بيقولوا واثبت انى جدير بالفرصة ياريت محدش يقلق وخاصة مدام جيسكا كل شئ نصيب فى هذة الحياة من الالف الى الياء اجتهدى انت وزوجك على قد ما تقدروا والباقى توفيق من اللة ياريت المداخلة دى تكون عامل مشجع للناس مش محبط وطبعا كل حالة مختلفة عن التانية وكل ميشن لة ظروفة وكل مستشار بيعمل مقابلة معاك له وجهة نظره اللى بتختلف عن التانى وحاول تستفيد من اخطاء غيرك

[السيد منير]

سؤال يا أستاذ السيد منير

امتحان ال B2 محتاج توصل للمستوى الكام عشان تقدر تمتحنه

الى الاخ الاهلاوى الاصيل

انا اهلاوى زيك بردة بالنسبة لامتحان البية دو : دة بداية امتحانات المتخصصين اقصد اللى كان فى مدارس فرنساوى او درس اداب او تربية فى الجامعة وهو بيعادل 4 من 6 فى التى سى اف يعنى لو حضرتك مدرس مثلا او خريج اداب فرنساوى او لغات فرنساوى يبقى خش البية دو لو مش متخصص بلاش هيبقى صعب عليك وهتخسر فلوس ووقت وهتبقى خبرة سيئة ممكن تسيب اثر سئ فى نفسك طيب لو مش متخصص يبقى عليك البية ان لو مخلص للمستوى السلدس او السابع ومركز فى الدراسة وبتسمع كويس نصوص على مستوى معقول من الصعوبة خش البية ان لو اقل من كدة شوية خش الاة دو اسهل شوية وهتبقى خبرة جيدة واستعداد جميل للبية ان ان شاء الله

اوعى تاخد كلامى على انة تقصير لهمتك انا بنصحك من واقع تجارب لان انا ليه صديق كان خد البية ان وحاول فى البية دو بس للاسف معداش فية بس هو زى ما قلت لسعادتك مش متخصص بل كان معانا فى المرة اللى احنا دخلنا فيها لم يحالفها التوفيق بالرغم انها متخصصة ومستواها عالى مش وحش وعشان بردة يبقى كلامنا واقعى الرابط دة فية نماذج لامتحان الدلف بدرجاتة خش علية واطبع الامتحانات وجرب بنفسكhttp://www.ciep.fr/delfdalf/sujet.php

[السيد منير]

مرسى سيد منير على مداخلتك وتعبك مع انى مفهمتش اية ال المتقدم 9 و10 دى بس مش مهم عموما مبروك لحضرتك وفعلا كل شىء قسمة ونصيب

يا اخت جيسكا المستويات 12 مستوى

من 1 الى 4 دة بيسموة مبتدأ

من 5 الى 8 دة متوسط

من 9 الى 12 دة متقدم

وهى فى المقابلة اعطتنى متقدم المستوى 9 يعنى اول سلمة فى درجة المستويات المتقدمة ودى بتعطى الدرجة النهائية فى اللغة

معادلة المستويات بالدلف للعلم بردة

A1,A2 دة مبتدأ

B1 دة متوسط

B2 بداية المتقدم

C1,C2 دة متقدم وبيعطى الدرجة النهائية فى اللغة  

عشان الناس متقلقش من التصنيف دة الغير متخصص يوصل للبية ان يبقى عشرة على عشرة مع المستوى التامن

اما المتخصصين طبعا عارفين نظامهم

اتمنى ان الصورة كدة تكون وضحت يا مدام جيسكا والله المستعان

[حسام يوسف]

ألف شكر لاقتراح الاخ الفاضل برماوى

وبالفعل احنا هنتلم على التوبيك دة معشر كيبيكاوية 2009

وألف شكر للاخ الفاضل السيد منير على معلوماتة الجميلة

وبخصوص الدلف عزيزتى جيسيكا

وخصوصا B1

B2

دول ميزتهم ان المتقدم هياخد درجة اللغة بشكل اوتوماتيكي فى الانترفيو بدل ما يرخم فى الانترفيو

وهمة مش ساهلين

لكنهم حل رائع وسحرى

بالتوفيق لينا جميعا يارب

[السيد منير]

ايوة وضحت مرسى لتعبك مرة تانية معلش تقلت عليك بالنسبة للدلف صعب علينا ولكن لوخدنا للمستوى التاسع مثلا يبقى كويس وهل دة يدينا الدرجة كاملة فى اللغة ولا كم؟ وهل اخدة انا وزوجى للتاسع ولا يكفى زوجى لانة الرئيسى وانا اخد لكم؟ وشكرا لتعبك

انا مش عارف لية عندك ايحاء ان الدلف صعب يا مدام جيسكا.

عموما المستويات لا تجبر موظف الهجرة على اعطائكم درجات يعنى هيعطيكو حسب وجهة نظره الشخصية ودى فيها كلام ممكن يكون متعنت وشايف ان مستواكوا ضعيف

وممكن يكون كريم معاكوا ويمشى الامور بس زى ما قلت دى هترجع له وحده اما الدلف معروف لابد يعطيكوا عليه درجات غصب عنه لان الوزارة معترفة بية اقصد وزارة الهجرة طبعا انا وجهة نظرى انكم تاخدوا الدلف ولو اة دو ليكى وبية ان لزوج حضرتك وصدقينى باذن الله مش هيبقى صعب هو عايز شوية تدريبات واعداد .ابدوا سوا هو بالا دو وانت بالاة ان حتى هتنجحوا فية ان شاء الله وهتبقى تجربة حلوة تشوفوا نظام الامتحان وطريقتة وفية جزء اورال مع شخص فرنسى هيبقى زى استعداد للمقابلة وهيكسر الرهبة من عندكم. وبعدين فية ناس كتير مش متخصصة خشت دلف ونجحت . صدقينى مهوش صعب للغاية بس عايز حضور جيد وذكاء عام وشوية استعداد وروح مغامرة دى وجهة نظرى لان ممكن تاخدوا مستويات كتير وما تقدروش تتفاعلوا جيدا مع الموظف فى المقابلة ممكن يشك فى المستويات ويعتقد انكوا واخدنها مجاملة او باى شكل تانى اما الدلف طبعا مفيش فيه كلام

بردة عشان تقتنعى اكثر خدى اكثر من راى كلمى ناس خدت الدلف اة دو وشوفى انطباعهم اية واستعدوا ازاى وعشان يبقى كلامنا عملى الرابط دة فية نماذج لجميع امتحانات الدلف اطبعى امتحانات الاة ان ليكى والاة دو لزوج حضرتك وجربوا نفسكوا مش هتخسروا حاجة جايز تتغير الفكرة وتقتنعوا ودى نماذج فى مستوى الامتحانات بالظبط لان اللى بيحط الامتحان هو المركز الدولى للدراسلت التربوية المعروف اختصاراciep

الرابط اهةhttp://www.ciep.fr/delfdalf/sujet.php

وربنا يوفقكم

[السيد منير]

ألف شكر يا أستاذ السيد على تعاونك وردك على أسئلتنا

ربنا يجعله في ميزان حسناتك

السؤال هنا...امتحانات الدلف توازي كام من 16 في درجة الفرنساوي

بمعني اللي معاه ال A2 ياخد كام درجة ، B1 كام درجة ، B2 كام درجة...وهكذا

أنا أسف إذا كنت باتقل عليك

يا باشا انا تحت امرك

البية ان بيعطى 8 من 16 فى الفرنساوى

البية دو بيعطى 12 من16

بس دة طبعا نظريا يعنى فية ناس كان معاها الاة دو بس ونجحت لانها قدرت تسد فى المقابلة فاهمة الاسئلة كويس بترد كويس محضرة نفسها ومجهزة ردود على الاسئلة كلها دافعيتها قوية والاهم من كل دة ان الممتحن بيحاول يساعد وايجابى معاك

اذن صمام الامان زى ما قلت هو البية ان ومستويات للسابع او التامن وطبعا تحضير كويس لاسئلة المقابلة وورق مستف صح ومفيش فية مشاكل

طيب لو واحد ممعهوش لا مستويات ولا دلف بس بيمارس اللغة كويس بردة هينجح وهو مرتاح بس طبعا دة لو قدر يجاوب على كل الاسئلة يبقى المهم هى المرونة فى المقابلة من ناحيتك انك تفهم الاسئلة وتجاوب عليها باسلوب سهل وسلس وما تحاولش تنرفزه قدر الامكان وتكون ثابت ومش خايف وتتحمل شوية لانه ممكن يقرص عليك

يشوف انت فعلا عايز تشتغل وتبدا من الصفر وهتتحمل ولا انت فاكر ان الهجرة منظرة وخلاص

اللى بيعمل معاك المقابلة عايز يوصل انك فاهم انت بتعمل اية وبتفكر ازاى وطبيعتك الشخصية اية مش اكتر ودة طبعا من خلال مناقشته معاك باسلوب سهل وبسيط

تجنب الكذب اوعى تكذب لان لو لمح او شم ريحة الكذب يبقى انتهت ولو فى حاجة اهيف من الهيافة وكمان ما يكونش ورقك ملخبط او مناقض بعضه وخليك ذكى ممكن يوقعك فى اسئلة فيها خيانة ركز على حبك لكيبك والفرانكفونية وطريقة حياتهم وتفكيرهم وبساطتهم ودى لازم تكون اصلا موجودة فى كل واحد ناوى يستقر فى كيبك يعنى تفهم طباع الناس دى وتحترم القيم الاساسية بتاعتهم لانهم بيعتزوا بيها جدا . باختصار كيبك فيها تقدم امريكا التكنولوجى والعلمى وفى نفس الوقت فيها عراقة وحضارة ومسحة اوروبا ونظامها الاجتماعى المتماسك الكل فى واحد زى ما بيقولوا الفرد فى خدمة الجماعة يعنى دى شوية خواطر شخصية من خلال قراتى عن كيبك

وبحاول اقرب الصورة بشكل متكامل عشان نشوفها كويس الهجرة مش مجرد المقابلة بس لا دى هتبقى اسلوب حياة وتفكير ولازم نفكر فيها كدة

[AL MUHAGER]

مساء الخير سوال بسى للاستاذ AL MUHAGER

حضرتك بتتعامل مع محامى ولا قدمت من نفسك لسفاره لانى مقدم ملفى عن طريق محامى ومقدم بتاريخ 16 يناير 2009

فهل انا لو بعت لسفاره تعتقد هيردوا عليا انا وممكن يبعتوا ليا الرقم على عنوانى لو بعته ليهم لان المحامى كاتب فى البليكيشن عنوانه هو طبعا علشان يضمن الدفعه التانيه من المبلغ فيريت حضرتك تعرفنى هل لو بعت فاكس لسفاره هيردوا عليا وممكن ابعت لهم عنوانى يبعتوا ليا رقم الملف عليه

اعذرنى طولت عليك

بص يا سيدي انا مقدم من غير محامي من دبي

هاقولك على اللي انا عملته

انت تكتب رسالة وتبعتها بالفاكس وتكتب فيه اسمك ( لو انت المقدم الرئيسي) وتاريخ ميلادك ورقم باسبورك و تكتب انت بعت ملفك امتى وترفق مع الرسالة صورة باسبورك ( او المقدم الرئيسي لو مش انت) و في إخر الرسالة من تحت اكتب عنوان المراسلة كذا او رقم فاكس ودمتم

الناس محترمين قوي بيردو بسرعة وعلى فكرة انا كنت بعت لهم ايميل من اسبوعين ردو عليا وقالو مش بندي المعلومات دي على الانترنت كنوع من السيكيوريتي و الحماية . بالتوفيق ليك ولكل اللي مقدمين زي حلاتي و كمان اللي بيفكر يقدم.

[Nassarlink]

ان كنت كاتب قبل ذلك تفصيل التقديم

-استلام الملف 4\2008

-رقم الملف 10\2008

-المقابلة 5\2009 ان شاء اللة

بسم الله الرحمن الرحيم

السلام عليكم ورحمة الله وبركاته

طيب انا ياجماعة انا مقدم 5/2008 والفايل نمبر 23/8/2008 وجالى جواب الانتظار 11\2008 ولسة مجالش جواب المقابلة يبقى دي حاجة تقلق ولا ايه

افيدوني افادكم الله وشكرا

وعليكم السلام ورحمة الله وبركاته

متقلقش لان السنه الي فاتت لما ناس جالهم جوابات واس مجالهمش جوابات المقابله

واتصلوا بالسفاره قالوا لهم انتظروا ربما التاخير بيكون في البريد

واحيانا بيكون بسبب الموظف الي معاه المجموعه الي انت منهم بيتاخر شويه عن زميله الي بعت بسرعه عنه

وبعدين هم قالولك انك في في انتظار الدور بتاعك

المهم انت تكون مستعد في اي وقت

واخد اعدإدك جاهز بلغتك الفرنسيه ومطوتك في جيبك

وسيب الباقي علي الله

[Nassarlink]

انا جالى جواب انتظار و على الايميل جواب انترفيو فى دمشق ابريل 2009 و عقبال الجميع بس انا قديم من 10 2005 كيبيك بس محدش عنده فكرة هما مش محتاجين صور و موضوع الفرنساوى ده ضرورى اوى مينفعش الانجليزى ؟

فسر شويه الله يخليك

الكلام مش واضح المعني

[DREAMS]

انا جالى جواب انتظار و على الايميل جواب انترفيو فى دمشق ابريل 2009 و عقبال الجميع بس انا قديم من 10 2005 كيبيك بس محدش عنده فكرة هما مش محتاجين صور و موضوع الفرنساوى ده ضرورى اوى مينفعش الانجليزى ؟

فسر شويه الله يخليك

الكلام مش واضح المعني

رجعولى الصور الشخصية هل اخد معايا فى الانترفيو صورغيرهم و لا هما مطلبوش اطنش ؟

الحاجة التانية انا لسة ضايف الزوجة فطبعا سيادتها ملهاش خالص فى الفرنساوى و لا تعرف و لا كلمة لان مكنتش بتدرسه فى المدرسة كانت اسبانى هل دى فيها مشكلة ؟ و انا على قدى فى الفرنساوى بس هحاول اجهز نفسى على قد مااقدرللانترفيو بس الواحد لو اتزنق يقصر فى الكلام و لا ممكن يتكلم انجليزى ؟ هما كانوا باعتنلى لو عايز مترجم بتدفع عليه فلوس بس انا مخترتش الاختيار ده قلت اخد درجات بس خايف

[Nassarlink]

اخي الفاضل DREAMS

بصراحه انا مستغرب ازاي من 2005 لحد دلوقتي

انت بردو موضحتش ظروفك ايه بالضبط

لكن بالنسبه للصور ممكن تكون ارسلد عدد اكثر من المطلوب -ربما

عموما خذ معاك صور مش هيخسر

لكن بالنسبه للغه بتاعتك المفروض الي مقدم من 2005 يعني دلوقتي بيتكلم فرنساوي احسن الكيبيكوا

اما بالنسبه للمدام طبعا الوقت لا يكفي لاي حاجه

لكن ممكن تعرفها الاسئله الشخصيه السهله

زي اسمك ايه

عندك كام سنه

بتشتغلي ايه

عندك كام طفل

متزوجه من امتي

حاجات خفيفيه كده

وطبعا في المقابله هتقول انها ملحقتش تتعلم فرنساوي علشان ضيق الوقت

ولو سمحت انا عاوزك تتكلم شويه عن ظروفك بشكل اوضح شويه

احسن كده انا عامل زي الي بيتكلم في الظلام في حاجات كتير مش عارفينها

علشان نعرف نساعدك لو انت عاوز