على عربة مدفع !!!

[حشيش]

لفت إنتباهى وشغل تفكيرى سؤال مهم لا أظن أن أحداً منكم قد فكر فيه من قبل وهذا إن دل على شئ فإنما يدل على ذكائى الفطرى المتوقد !!!!!!!....السؤال هو لماذا حين يموت زعيم أو رئيس (قولوا آميين) يلف الجثمان فى علم الجمهورية ثم يسجى الفقيد على عربة مدفع لتحمله إلى مثواه الأخير وبئس المصير....كل شئ فى حياتنا أصبح رتيب وممل حتى مراسم تشييع جنازة الرئيس...لذلك فقد توصلت بعد تفكير طويل إلى إحداث بعض التغيير فى مراسم دفن الرئيس أرجو أن تضيفوا إليها أو تحذفوا منها ما شئتم للوصول بها إلى الشكل الدستورى السليم الذى نستطيع أن نتقدم به إلى مجلس الشعب للموافقة عليه وإقراره تمهيداً لتنفيذه عند حدوث المناسبة السعيدة التى أدعوا الله تعالى ألا يطول إنتظارنا لها.....أقترح ما يلى:

أولاً: يلف الجثمان فى ورقة بفرة.

ثانياً: يحمل الجثمان على منصة لإطلاق الصواريخ.

ثالثاً: يربط الجثمان بإحكام على ظهر صاروخ سام 6 وبعد أن يعزف البروجى نوبة (صحيان) ينطلق الصاروخ بالجثمان إلى السماء حتى يصل إلى أعلى نقطة يمكنه أن يصل إليها...وهنا يتم تفجير الصاروخ عن بعد فيتناثر الجثمان ويتحول إلى فتافيت صغيرة مثل فتافيت السكر تملأ سماء وأرض الوطن الذى أحبه الفقيد ليمتزج فى سماءه وترابه حتى يلقى الله وهو عليه غضبان.

حشيش

أديب ومفكر

[فــيــروز]

اقترح تعديل بسيط

الصاروخ مناسب جدا لصاحب اول ضربه جويه .. اقتراح موفق ولا غبار عليه

وحيث ان باقى الحكام سيكون لكل منهم ضربه .. اشى بحريه واشى قبليه .. يبقى صاحب الضربه البحريه يلف فى ورق بفره مضاد للماء و يوضع على طوربيد و المراسم تتم من داخل غواصه .. وهكذا

[حشيش]

يلف فى ورق بفره مضاد للماء

الأخت العزيزة فيروز

إقتراح رائع...ولكن حتى نفوت الفرصة على مجلس الشعب لرفض المشروع ما هو إسم الشركة التى تنتج ورق بفرة مضاد للماء لضمه إلى الملف المقدم إلى سيد قراره...سمعت عن شركة تنتج ورق تواليت لا يبتل إسمه (قطمة)...هل يمكنك مراسلتهم للسؤال إن كان يمكنهم إنتاج ورق بفرة مماثل ولكى الشكر....

[فــيــروز]

ما هو إسم الشركة التى تنتج ورق بفرة مضاد للماء لضمه إلى الملف المقدم إلى سيد قراره

لا معنديش اى فكره .. هو انا اللى هادفن الديك لوحدى ولا ايه !! ممكن نعمل مناقصه .. او مسابقه بين الشركات عشان الرواج الاقتصادى .. اونعمل مهرجان بهذه المناسبه

هل يمكنك مراسلتهم للسؤال إن كان يمكنهم إنتاج ورق بفرة مماثل

انا شايفه ان دى مصاريف لا داعى لها .. خصوصا ان لسه هنعمل قرص الرحمه وهيبقى مكتوب عليها اسم الفقيد عشان الناس تاكل و تنبسط

ولكى الشكر....

كلنا مصر ..

[DARWEEN]

ياسلام ياحشيش أما أنت عليك تحكمات

بس هوا يعملها (قولوا يارب) وأنشاء الله نلفه في ورق بنكنوت ونحطه على مكوك فضاء وان واي تيكيت ...

وأنا متأكد أن كافة أفراد الشعب حيساهموا في الحمله القوميه دي

[حشيش]

[impossible]

بالنسبة لموضوع الورق محدش حدد الوانة

ودى نقطة مهمة جدااا

هل يبقى اسود زى عمايلهم

ولا ابيض تعبيراااعن فرحتنا الشديدة

انا احب البلو بلاك

لا لا مينفعش كدة

الورقة تتعلق فى ميداااااان عام وكل واحد يكتب اللى هو عابز يقولة عليهااااااااا

يدعى لة يدعلى علية

بس طبعاااا احنا مش فاتحينهااااااا سبيل الكلمة بربع جنية لو بالقلم الجاف وخمسين قرش لو بالحبر

بس بردة لسة متوصلناش للون القلم

تانى اقتراح ولو على سبيل المزاح ان يوم وفاتة تكون اخر مرة يتكتب عنة فى الجرايد

ولو عايزيين الجنازة تنعنش يبقى كل واحد يحضر ياخد لة قرش من اياة وهو مروح الا هو اسمة قرش لية(وش واحدة جاهلة)

[maksoof]

يا أخ حشيش

و هو احنا لازم نستنى لما يموت؟ ما نجربها دلوقت عشان لما يرجع (بالسلامة) نسأله كان شعور سيادته إيه لما الصاروخ فرقع و إيه التحسينات المطلوبة عشان رحلة سيادته اللى جاية تبقى مريحة.

طبعا إحنا بنتكلم عن سيادة الرئيس جورج بوش.

[DARWEEN]

طبعا إحنا بنتكلم عن سيادة الرئيس جورج بوش

شاطر يامكسوف ربنا يابني يكملك بعقلك ....

ألأخوات فيروز وأمبوسيبل .... بما أنكن جدد في المنتدى .. أحب أعرفكم ...

سيادة العقيد حشيش ....... مباحث أمن دوله

ياله أختاروا لون الورق براحتكم بقى

[فــيــروز]

ياله أختاروا لون الورق براحتكم بقى

ورقنا احنا طبعا مش كده؟

سيادة العقيد اميرالاى امباشى شاويش كابتن حشيش .. على الله يكون مزاج سعادتك بخير زى ما قال مكسوف بالظبط .. احنا بنتكلم عن سيادة الريس متقال .. قصدى سيادة الريس جورج بوش