شلة محاسبين وبس

[كفايه بقى]

فكره جت فى بالى على الرغم من انى مابقاليش فى الرياض الا شهرين ولكنى اتخنقت من البلد اللى مفيهاش حاجه غير الشغل والاكل والنوم و(الأسااااااافين) :sad: :)

المهم قلت اعمل الموضوع ده يمكن الاقى حد زيى

والفكره هى انى عايز اعمل جروب للمحاسبين الذين يتراوح سنهم من21 وحتى 26

واهوه عشان برضه يبقى فيه تقارب فى التفكير وياسلام بقى لو تبقى الشله دى من الرياض !تبقى عسل

يعنى ممكن نتقابل ونخرج كمان ونخربها

[المخنوق دائما]

كفايه بقى؟؟؟

الاسم ده مش غريب عليا انا فاكر انى كنت كلمتك قبل ماتيجى السعوديه كنت انت عامل موضوع عن الفيزا الحره وازاى تلاقى شغل والحاجات دى

المهم اهلا بيك فى الرياض وعايز اعرف ياترى اشتغلت وللا لسه ؟؟؟

وبصراحه الموضوع بتاع المحاسبين ده جامد جدا ولو يكمل يبقى عشره على عشره

وهترجعنا والله لأحلى ايام

ايام الكليه والشله والضحك والهزار واهى حاجه تهون علينا الغربه

بصرحه وانا بكتبلك دلوقتى بفتكر ايام الكليه والورق والمذاكره ياااااااااااااااااااااااااااااااااااااااااه احلى ايام

وعموما انا اول عضو معاك فى شلة المحاسبين بس ياريت تخلى السن يزيد شويه يعنى مش 26 وبس

فيه ناس هنا كبيره ومخنوقه برضه

[كفايه بقى]

خد ايميلى للتواصل

cutter_killer@yahoo.com

[عبدالمنعم الحسينى]

بعد السلام والتحيه

اجمل واحلى ناس فى الدنيا المصريين الحلو بحبه والوحش بحبه علشان مصرى انا بعشق ترابك يا مصر مهما عملتى فينا

حبيبى كفايه بقى وحبيبى المخنوق انا موافق على كل اللى قولتوه ياريت سرعة التنفيذ

اسمى عبدالمنعم الحسينى

محاسب بالرياض

27 عام

متزوج

بالرياض منذ شهر ونص

تحياتى لأولاد بلدى

[عبدالمنعم الحسينى]

السلام عليكم ورحمة الله وبركاته

اخى كفايه بقى واخى المخنوق بعد تقديم نفسى اسفله اتمنى سرعة تنفيذ الموضوع ده لانه بجد موضوع جميل ومفيد جدن من

اكتر من زاوية واهمها طبعاً قتل الشعور بالغربة واحنا فى وسط بعض

هى كده كده غربه لكن الفتره اللى هنقضيها مع بعض هتهون كتيررررررررررررررررررررررررررررررررررررررررررررررررررررررررررررررررررر

فأنا من أول الموافقين على هذا الموضوع لكن زعلان ان مفيش ردود كتيره برغم كثرة قراء الموضوع

وتحياتى لأجمل واجدع بشر فى الدنيا

المصريين

اخوكم// عبدالمنعم الحسينى

العمر 27 عام

حى الملز حى جرير الرياض

[amr fahmy]

ياجماعة انا محاسب معايا CMA , وفضيلى فيها بارت 4 و معايا English courses من الجامعة المريكية و دبلومات فى Computrized Accounting Packages و حاليا راتبى فى مصر حوالى 5000 ج , معروض عليه شغل فى مجموعة السنبلة بجدة , تفتكروا يكون الراتب المناسب الذى اطلبه كام ؟

أرجو سرعة الرد من فضلكم و جزاكم الله خيرا.............................

[nightmare]

ربنا يزيدك ويباركلك .. بس أعتقد طالما مرتبك في مصر كويس فليه تتغرب , وما شاء الله أعتقد ان مرتبك ده كويس جداً جداً للحياة في مصر.

بس لو انتا حابب الموضوع .. وعاوز تتغرب فعلى الأقل لازم راتبك اللى هتسافر عليه يساوي 3 اضعاف راتبك في مصر علشان تحس ان الغربة ليها ثمن , ده رأيي , مش عارف الناس هنا إيه رأيهم

ووفقك الله إلي الخير حيثما كان

[كفايه بقى]

بص يازعامه طبعا انت اللى تقرر الراتب اللى ممكن تقبل بيه بس انا هقولك رأيى انت الاول تخليهم هما يحطوا رقم يمكن يطلع اكتر من اللى فى بالك

بس ماتقبلش بأقل من 7500 او 8000

بس برضه على قد ما السفر صعب الا انك بتستفيد منه كتير وبتشوف الدنيا

وكان عندى ليك سؤال بقى بالمره بالنسبه للcma انا عايز اجابه شافيه هل هى مفيده وللا منظر وخلاص زى ال icdl انا فاكر لما كان الناس بيقولوا عليها حاجه جامده وفى الاخر طلعت فطشه

وفى النهايه للسفر سبع فوائد بس انا لحد دلوقتى مالقيتش منهم الا فايده واحده بس :blink: :lol: wst::

[amr fahmy]

ياجماعة فين الردود على فكرة انا 5 سنين خبرة........................

[jamalpody]

ربنا يزيدك ويباركلك .. بس أعتقد طالما مرتبك في مصر كويس فليه تتغرب , وما شاء الله أعتقد ان مرتبك ده كويس جداً جداً للحياة في مصر.

بس لو انتا حابب الموضوع .. وعاوز تتغرب فعلى الأقل لازم راتبك اللى هتسافر عليه يساوي 3 اضعاف راتبك في مصر علشان تحس ان الغربة ليها ثمن , ده رأيي , مش عارف الناس هنا إيه رأيهم

ووفقك الله إلي الخير حيثما كان

فعلا ذي ما الاخ قالك كده لان راتب ال CMA هنا في السعودية بخبرة خمس سنوات يجب الا يقل عن 14 الف ريال غير

البدلات بس انت كده لا تعتبر حاصل علي الشهاده فمن رايي خلص البارت الاخير واحصل علي الشهاده عشان تكون

بتفاوض من مركز قوي انما كده متقدرش تقول انك CMA

[سكر]

لا يقل باى حال من الاحوال عن 20000 ريال سعودى شامل السكن والبدلات بدون تذاكر السفر غير كدة

كمل فى مصر شغل وتعليم وهيجيلك احسن من الراتب دة

[كفايه بقى]

أهلا وسهلا بيك يا أستاذ عبد المنعم

أو زى مابيقولوا فى الخليج هلا وغلا

عاجبنى فيك تحمسك الكبير للموضوع وان شاء الله يزيد العدد شويه ويبدأ التواصل

وبالنسبه لموضوع السى ام ايه الظاهر كده انى عكيت الدنيا انا بقول 7500 او 8000 عشان اعرف مدير مالى ولسه شاب بياخد الراتب ده بس الظاهر ان معلوماتى طلعت غلط bsh:) بس اهوه الواحد بيتعلم

أحمد ثروت

22 سنه محاسب مستجد فى المملكه واعمل فى مصنع الدور الشرقيه للأثاث الخشبى والمعدنى

واسكن فى ش الأمير بندر حى الروضه

[elfakhrany]

لا يقل باى حال من الاحوال عن 20000 ريال سعودى شامل السكن والبدلات بدون تذاكر السفر غير كدة

كمل فى مصر شغل وتعليم وهيجيلك احسن من الراتب دة

مع اعتذارى لحضرتك المرتب دة لمدير حسابات أو مدير مالى

[كفايه بقى]

يا اهلا بالأخ عبد المنعم وبما انك الوحيد المتحمس للموضوع فخد ايميلى للتواصل وربنا يكرم والعدد يزيد

[alaa elshafiey]

ههههههههههههههههههههههههه

عجبنى اوى يا جماعة المرتبات الجامدة جدا الى بتتكلموا فيها دى بجد

يا جماعة راعووووووووووووووووووووووووواا ان هنا فى المنتدى محاسبين اقصى مرتب خدة 2000 ريال سعودى وبيدفعوا فلوس فى الفيزا كمان

مش كدة ولا اية يا جدعان

[محمد افندى]

اهلا بجميع الاخوة المحاسبين وفكرة رائعه انا محمد زميلكم 27 سنة محاسب بجدة من 3 سنوات فى السعودية وفرصة طيبة لتبادل الاراء والافكار

[adlytroy]

بعد ازنكم كلكم طبعا انا لسه عضو جديد بس عاجبنى الموضوع جداااا انا ان شاء الله جاى قريب ادعولى بس كنت عاوز اسال سؤال حضراتكم الوظيفه طبعا محاسبين هل كلكم جايين فى الفيزا محاسبين برده

[مدحت الفقى]

يعنى اشمعنى 26 و 27 انا 28 بس للاسف انا مش فى السعودية انا فى قطر بس قولت لازم ننضم للشلة دية ولو بالكلام بالذات بمناسبة الاسافييين لانى واخد خزوق صح يا معلم من انسان اقل مايوصف بيه انه انسان زبالة بعد مكنت الحمد لله اجتهدت ووفقت لكن ده منه لله رجعنى لتحت الصفر عشان يعلا هوه على حسابى رغم انه ياخى راجل عدا الخمسة وخمسين سنة ومنافق على حق دول هما اللى بينفعوا مش يسيبونا نعيش وناخد فرصتنا لاعايزين يخلصا علينا ويعيشوا هما وللاسف انه مصرى خلانى كرهت مصر كلها واللى بيجى منها عشان النوعية الحثالة دية عامة منه لله

بس ياريت حد من الشلة الجديدة العسل دية يرد عليا ويقولى نعمل ايه معاه عشان صابر عليه بالعافية

[ابو حودة]

ووفقت لكن ده منه لله رجعنى لتحت الصفر عشان يعلا هوه على حسابى رغم انه ياخى راجل عدا الخمسة وخمسين سنة ومنافق على حق دول هما اللى بينفعوا مش يسيبونا نعيش وناخد فرصتنا

الناس كلها مش زي بعض ومش معنى انك تقابل حد وحش يبقى الناس كلها كده

يعني علشان تعرف قيمة الكويس لازم تشوف اللي مش تمام

بالنسبة لك يعني موضوع انك عندك مشكلة في شغلك بسبب هذا المنافق على حد قولك تأكد ان ربنا هيفوفقك اكتر بكتير من اللي هو بيعتقد انه كان سبب في ضياع فرص معينة

احد اصدقائي ترك عمله بعد 11 سنة بسبب اشياء كهذه وقعد في البيت حوالي شهرين هنا وفي الاخر عن غير ترتيب تقابل مع احد الاصدقاء ( مجرد معرفه مش صداقة ) على مكان ممكن يكون فيه عمل المهم ربنا وفقه وبدأ معهم براتب اكثر قليلا من اخر راتب له وبعد حوالي سنة ونصف تقريبا تضاعف راتبه ومرشح للزيادة ايضا

من كان رزقه على الله فلا ييأس

[عبدالمنعم الحسينى]

بعد السلام والتحيه

أخى أحمد ثروت اتمنى والله التواصل مع جميع المحاسبين كباااار وصغااار بمدينة الرياض الصغير يستفاد من الكبير والكبير ياخد الجديد من الصغير ونعمل مقابلات كل اسبوع ونجمع والله هتبقى حاجه جميله انت عارف الغربة ما هى إلا ( أكل وشغل ونوم)

ملل ملل ملل ياريت نغير الجو ده نسيتنى كنت هقولك ايه ايوه افتكرت سيادتك قولت خد ايميلى وعلقتنى ومكتبتش ايميلك دى نسميها ايه فى المحاسبة بيقولو عليها مبدأ الحيطه والحذر اكيد عارف المبدأ ده انا سعيد بالتواصل معاك

لك أجمل تحياتى وامنياتى بالتوفيق