هنربى اطفالنا ولا هنسيبهم يربوا انفسهم

[عنبو]

اولا قبل كل شىء السلام عليكم ورحمة الله وبركاته

ياه عمرنا فكرنا ازاى هنربى اولادنا انا اقصدى موضوع التربيه مش موضوع الاكل والشرب واللبس

هذه دعوه الى كل ما رزقه الله الاطفال ان يتعلم كيف يربى هؤلاء الاطفال تربيه سويه وان يتعلم ويبذل قصارى جهده لكى يعرف الكثير والكثير عن تربية الاطفال ولا يترك اى شىء للظروف فهذه امانه قد اعطانا الله اياها فلازم ان نرعها وان نعرف نكيف نصونها

حوار مع نفسى

ياه كبرنا واشتغلنا واتجوزنا وكمان خلفنا دا الواحد لسه فاكر لما كان لسه عيل وبيلعب فى الشارع مع اصحابه ولما والدى كان بنادى عليا علشان ابطل لعب فى الشارع ويدوب الواحد حاسس انه لسه الاسبوع اللى فات كان بيقدم اوراقه للكليه ياه د انا خلصت كليه وكمان اشتغلت وعدى على تخليص الكليه يجى 5 سنوات ياه العمر ده بيمر بسرعه اقوى ايام .......

بس الحمد لله ربنا بعتلى امور صغير عاوز بقى اربيه انا ومامته وعاوز اطلعه راجل سوى واثق من نفسه عارف انه لما يغلط مبقفش عنده خطأه بل يتعلم الا يكرر ذالك الخطأ مره اخرى لانه بنى ادم مش معصوم من الخطأ شخص سوى بيعمل الخير بيحب الناس كلها شخص فعال ايجابى يؤثر فى كل اللى حواليه

طيب ده هيحصل ازاى ؟؟؟ انا بشتغل طول النهار ومش برجع البيت الا على اقد الاكل والنوم ويوم الاجازه طول النهار بيبقى غسيل وتنفيض ومافيش وقت نعمل خطه لحياتنا وازى الطفل اللى ربنا هيسالنا عليه نربيه تربيه سويه ونعمله خطه محكمه طيب اسيبه لمامته طيب مامته بتعرف ازاى تنفض وتكنس وازى تطبخ لكن مش بتعرف ازاى تربى الاطفال وهو انا بلومها ليه مهو انا برضه زيها مش بفهم الا فى شغلى طيب الراجل ده هنعمل فيه ايه ؟؟؟؟ طيب اربيه زى ما كل الناس بتربى ابنائها بالفطره ازاى لا انا مش بحب العشوائيه انا بحب يبقى كل حاجه معمول حسابها يعنى من باب اعقلها واتوكل لكن مش اسيبه للزمن بحجة انى مش فاضى ولا بحجة ان مامته مشغوله فى شغلها

لا لا الموضوع ده محتاج وقفه خلاص هنادى على مامته واتكلم معها فى الموضوع ده ويارب متكنش مشغوله فى المطبخ يا ....... تسمحى تفضلى نفسك شويه عاوز اتكلم معاكى فى موضوع مهم

هو الموضوع ده مش ينفع يتاجل لا مش ينفع يتاجل طيب اتفضل كلى اذان صاغيه احنا ازاى هنربى الطفل ده هنربيه عادى يامحمد زى لما الناس بتربى اولادها لا انا عاوز اربيه تربيه مميزه علشان انا مش عاوزه يطلع زى اى حد انا عاوزه يطلع قائد يعيد للامه اللى فاتها ايه الكلام الكبير ده اللى انت بتقوله ده مش كلام كبير ولا حاجه ده حلم وان شاء الله هيبقى واقع طيب وايه العمل خلاص نروح ناخد دورات فى تربية الاولاد ونعرف الطفل ازاى بيفكر علشان نعرف نزرع جواه اللى احنا عاوزينه وطبعا انت اكتر واحده بتتعاملى مع الطفل فلازم تركز اقوى على الموضوع ده خلاص انا حجزتلك فى المركز جنبنا بيعطى دورات فى تربية الاولاد انا هاروح معاكى طيب خلاص

بعد اول يوم فى الدوره ايه انتى عملتى ايه وايه رايك

ياه دالواحد عرف حاجات كتير اقوى وحاجات كانت بتحصل ومكنش عارف بتحصل ليه طيب بقى عاوزين نشوف ازاى هنطبق كل حاجه وازى نزرع فى الطفل ده كل المبادىء الجميله بس برضه مش ننسى نقوله ان الدنيا مش جنه ومش كل الناس حلوين بس حاول على اقد لما تقدر تعامل الناس زى لما تحب انهم يعاملوك

بستغرب اقوى لما الاقى ام او اب بقالهم كام سنه متجوزين ومعاهم عيال وهما ميعرفوش أي شىء عن الطفل ازاى !! اذا كان الواحد لما بجيب كمبيوتر اول حاجه بيعملها انه يعرف ويسال ازاى يشغل الكمبيوتر ده وايه الحاجات اللى ممكن تبوظه طيب فمابالكم بالطفل او الانسان الذى هو اغلى شىء فى الوجود الا يستحق هذا الطفل المسكين ان نخصص له جزء من وقتنا لكى نتعلم كيف نربى هذا الطفل ونعلم كيف يفكر هذا الطفل ام اننا نسيبه للظروف !!! ونترك الجهل يسيطر علينا فى كل حياتنا !! عجبت كثيرا من ام كل همها ان يكون وزن طفلها فى تقدم مستمر وتسال ايه هى الاكل المفيد للطفل وايه الاكل المضر ولم تسال عن احساس الاطفال او كيف يفكر !! كل همها هى ان تحشى الطفل وخلاص !!!

طيب ممكن نعمل استفتاء فيه كام اب ولا ام اخدوا دورات فى كيفية تربية الاطفال ؟؟؟

بشوف اخطاء كثيره اقوى بتحصل اقدامى من ابهات وامهات وهى بتربى اولادها يعنى مثلا يجى الواد زعلان ان واحد ضربه فى الشارع تلاقى امه بتقوله وانت ليه مش ضربته هو احسن منك فى ايه ..... الخ !!!!!!!!!

طبعا تلاقى الابهات والامهات يتكلموا اقدام اولادهم عن مشاكل حصلت فى الدنيا يعنى فلان ده عمل معايا كذا وكذا وفلان ده عمل معايا كذا وكذا وكلها حاجات سلبيه يتولد عند الولد شعور ان الناس كلها بتكرهم وانه غير مرغوب فيه !!!!!!!

برضه فيه بعض الامهات تقعد تندم حظها فى اولادها بدل لما تحاول تبحث عن سبب المشكله

ياريت نحاول نعرف ازاى هنربى اولادنا وايه اللى احنا عاوزينه منهم ولا هو الموضوع اكل وشرب وخلاص ونسيبهم للظروف

[emano]

موضوع تربيه الاولاد ده المفروض متكنش حاجه متسابه للظروف لا المفروض تكون فى دماغ الواحد على طول

يغنى الواحد بيقراء كتب اما انه يحضر فى مركز معين لتعلم

تربيه الاطفال فده مش كل واحد يقدر يعمل كده

هى طبعا حاجه مفيده جدا بس مش كل الناس ظرفها تسمح لها او وقتها

يعنى هنا فى السعوديه الواحد حيودى الاولاد فان علشان يحضر محاضره ولى ندوه صعب شويه

ثانى حاجه دوام الزوج بيكون فترتين مين حيودى ومين حيجيب

الواحد بيعتمد على سعات كتيره المعلومات الى بياخذها من التلفزيون من الخبراء بس دائما التطبيق بيكون اصعب من الكلام

ربنا يقدرنا على تربيتهم والدعاء الله انه يعنا

على فكره فى موضوع الاخت الفاضله ام بالا ممتاز فى تربيه الاطفالممكن تستفيد منه جدا

وربنا يعنا على تربيه اولاد يكونوا حجه لنا لاعلينا

ايمانو

[om marawan]

طب معلش انا فعلا الموضوع ده ماباعرفش اتصرف فيه فعلا بشكل مثالى

ومالقيتوش فى الكتب اللى قريتها

يعنى انا ابنى لما ييجى طفل يضربه وهو بيلعب بيخاف وممكن يبطل يلعب

وممكن كان يرفض ييجى المكان تانى

وبعدين باباه بدأ فعلا يقوله انه مش ضعيف وانه يقدر يضربه زى ماهو عمل

احنا مش بنقوله ليه ماضربتوش وروح خد حقك بس برضه الطفل صغير على انه يفهم موضوع التسامح

ولو هو فهمه فى اه يسامح اللى ضربه فالولد التانى مش هيفهم وهيضرب ابنى تانى والولد يتعقد

نعمل ايه فى الحالة دى

انا توصلت لحل اخير انه يحذر اللى ضربه ويقول له لو عملت كده انا هاضربك جامد ولو التانى كررها يضربه فعلا

مش عارفة ايه رأيكم طالما بنناقش يعنى تربية الاولاد

معلش طولت عليكم

بس بالمناسبة زى ماقالت الفاضلة ايمانو خبراء التليفزيون زى برنامج ساعة التربية وبرامج كتير و الكتب كمان بتفيد جداااااا

وانا معاكى ان التطبيق صعب لكنه مثمر جدااا جدااا

والله المستعان

[~Heba~]

الواحد بيعتمد على سعات كتيره المعلومات الى بياخذها من التلفزيون من الخبراء بس دائما التطبيق بيكون اصعب من الكلام

ربنا يقدرنا على تربيتهم والدعاء الله انه يعنا

على فكره فى موضوع الاخت الفاضله ام بالا ممتاز فى تربيه الاطفالممكن تستفيد منه جدا

وربنا يعنا على تربيه اولاد يكونوا حجه لنا لاعلينا

ايمانو

بالنسبة لبرامج التلفزيون

انا كنت بحب برنامج السوبر نانى

صحيح هو برنامج اجنبى

بس مشاكل الأطفال هى هى

بيتشاقوا

مش بيسمعوا الكلام

الأخ بيضرب اخوه...الى آخره

و طبعا موضوع اختنا الفاضلة ام بلال الله يمسيها بالخير

بالنسبة للكتب طبعا الكتب مش فيها كل حاجة لكن فائدتها انها تضعنا على بداية الطريق الصحيح بعدها على الأب و الأم ان يتبع حدسه و غريزة الأمومة و الأبوة بداخله لان اكيد كل اب و ام يحب الخير لاولاده

لكن احيانا تغلب عليه طبيعة نفسه فيجب عليه ان يتغلب عليها

ودى مجموعة كتب ممكن تكون مفيدة

سيكولوجية الطفولة

علم نفس الطفولة

النمو النفسى من الطفولة إلى المراهقة

فن التعامل مع الأبناء فى مرحلة الطفولة

و هنا جموعة كبيرة من الكتب التربوية و الأسرية

تم تعديل 19 مايو 2009 بواسطة ~Heba~

[emano]

بصى يام مروان موضوع الضرب ده انا سمعت ان حله تجيبى ابنك وتقولى له هو ضربك انت بقى نفسك

ترد عليه ازاى وتسمعيه وتخليه يحاول يجيب اكتر من حاجه

يعنى عايز اضربه او عايز اشتمه اوعايز اسمحه اوعايز اقله منك الله

المهم من الموضوع ده ان الطفل يتكون عنده ان اى مشكله

لازم يكون لها اكتر من حل وبعد كده تقولى له طيب انت قلت حجات كتيره انت الى نفسك تعمله روع اعمله

الطفل حيكون هدى شويه وفكر وعرف الحلول وبعد كده هو حر لو قال عايز اضربه قولى له روح اضربه عادى

المعلومه ده كنت سمعتها فى قناه النجاح فى البرمجه اللوغويه العصبيه

وجربى وشوفى

انا نجحت مع اولادى فعلا

[newcomer]

عمرنا فكرنا ازاى هنربى اولادنا انا اقصدى موضوع التربيه مش موضوع الاكل والشرب واللبس

ان شاء الله يا ا. محمد هيبقى ابنك قرة عين لك و لمامته

دى مش بس دعوة - ربنا يتقبلها- بس دى نتيجة اكيدة( بتوفيق ربنا طبعا) للمعادلة اللى حضرتك بدأتها

انا بشوف الحكاية بسيطة بس مش سهلة

يعنى لو حضرتك استعرضت فى خيالك كل الناس المحترمين فى حياتك

او الشخصيات المحترمة اللى قرأنا عنهم

هتلاقى اهلهم كانوا ناس برضة محترمين

ببساطة عايزة اقول لحضرتك زى ما قال محمد صبحى فى بداية مسلسل ونيس

انه كان عايز يربى ولاده ....فابتدى بتربية نفسه!!

انا بشوف ان هى دى الطريقة المضمونة( بتوفيق من ربنا طبعا)

مش هاينفع انى اقول لأبنى صلى و انا مابصليش

مش هاينفع اقول له ماتشتمش حد....و هو شايفنى مش سايبه حد فى حاله

......................

القصد لو قدرت انى ادى لأبنى نموذج صح .....هايلاقى حد يقلده

و كمان يبقى لى عين اعاقبه :unsure:

ماهو مش معقول اعاقبه على الكذب و هو شايفنى و انا بكذب!!

شوف حضرتك - عن تجربة لى و لناس قريبين- الحكايه دى

صعبة....مش سهلة....لكن مش مستحيلة

و زى ما قلت لحضرتك فى الاول....طالما الوعى موجود

ان ربنا هايسألنى عن تربية و اخلاق ولادنا اللى حاولنا نجتهد فيها

و ان النيه موجودة.....ان شاء الله ربنا هايساعدنا كلنا

على انفسنا :closedeyes: و على تربية اولادنا

تم تعديل 20 مايو 2009 بواسطة newcomer

[newcomer]

يعنى انا ابنى لما ييجى طفل يضربه وهو بيلعب بيخاف وممكن يبطل يلعب

وممكن كان يرفض ييجى المكان تانى

وبعدين باباه بدأ فعلا يقوله انه مش ضعيف وانه يقدر يضربه زى ماهو عمل

احنا مش بنقوله ليه ماضربتوش وروح خد حقك بس برضه الطفل صغير على انه يفهم موضوع التسامح

ولو هو فهمه فى اه يسامح اللى ضربه فالولد التانى مش هيفهم وهيضرب ابنى تانى والولد يتعقد

مش عارفة ايه رأيكم طالما بنناقش يعنى تربية الاولاد

اسمحى لى اشارك حضرتك

حكاية الضرب و ياخد حقه ازاى و كده......مرتبطة شوية بالسن

يعنى كل سن و ليه قانون فى الحكاية دى

اللى فهمته ان ابن حضرتك صغنون...يعنى كى جى او اولى ابتدائى

فى السن ده.....باحب احط فى دماغ الولد فكرة القانون ....مش الغابة و لا العشوائية

يعنى هو هيلعب مع اطفال ...فى المدرسة... فى النادى....فى بيتى...فى بيت واحد صحبه

يعنى اكيد فى اشراف عليه و على صحابه من حد كبير......

اللى هاقولهوله فى السن الصغيرة دى ....ماتخليش حد يضربك....يعنى ماتعاكسش حد

و لو حد ضربك قول لفلان ( الكبير اللى بيشرف عليهم ...مدرستة...مامت صاحبه....طنط فلانه....)

المهم انه يبقى عنده الشجاعة انه يقول ....يطالب بحقه

و يبقى فاهم ان لو الكبير ده ما تدخلش و خد له حقه او سوى الموضوع

بشكل مرضى ليه.....فى الحالة دى لازم تدى له الثقة ان حضرتك او باباه

هاتشوفوا الموضوع و هاتجيبوا له حقه

المهم ان حضرتك لازم تتابعى هو عمل ايه ؟؟ اتصرف لوحده ازاى؟؟

و تشجعيه انه يحل الحاجات دى لوحده ...طبعا مع مراعاة سنه

و تحاولى تخليه ياخد حقة ....بس بالطرق السلمية...و لو احتاجك ....لازم يلاقيكى

لأنه لو فضل بيتضرب من غير ما يعمل حاجة مضادة

يعنى لا بيضرب هو كمان و لا حد بيعتذر له....

بعد شويه بيتغير ...يبقى عدوانى ....يبقى انطوائى...و طبع مش هو ده المطلوب

لو سنه اكبر ....يبقى الكلام هيتغير شوية

ارجو انى ما كنش طولت عليكى....

[om marawan]

الباشمهندسة الجميلة هبة

الف شكر على الروابط الجميلة اللى ارفقتيها هنقعد نقراهم على روقان اما العيال تنام

وانا هادور كمان على موضوع الاخت الفاضلة ام بلال

انا كمان كنت باحب برنامج سوبر نانى وعلمنى حاجات كتير كانت صعبة الاول فى التنفيذ لكن لما اتنفذت كانت هااااايلة بصراحة فى نتايجها

تقبلى تحياتى

[om marawan]

بصى يام مروان موضوع الضرب ده انا سمعت ان حله تجيبى ابنك وتقولى له هو ضربك انت بقى نفسك

ترد عليه ازاى وتسمعيه وتخليه يحاول يجيب اكتر من حاجه

يعنى عايز اضربه او عايز اشتمه اوعايز اسمحه اوعايز اقله منك الله

المهم من الموضوع ده ان الطفل يتكون عنده ان اى مشكله

لازم يكون لها اكتر من حل وبعد كده تقولى له طيب انت قلت حجات كتيره انت الى نفسك تعمله روع اعمله

الطفل حيكون هدى شويه وفكر وعرف الحلول وبعد كده هو حر لو قال عايز اضربه قولى له روح اضربه عادى

المعلومه ده كنت سمعتها فى قناه النجاح فى البرمجه اللوغويه العصبيه

وجربى وشوفى

انا نجحت مع اولادى فعلا

الطريقة فعلا حلوة جدا وهتناسب ابنى جدا

والحقيقة انا شايفة انها مناسبة جدا فى مواقف كتير لانها بتكون جزء جميل جدا فى شخصية الطفل

فهى من ناحية بتعوده فعلا يفكر الاول قبل مايتصرف وكمان يتصرف لوحده

غير انه بيتعلم انه يكون له رأى لان بجد قدرتنا على الاستماع لاولادنا اهم كتير جدا من ان هم اللى يسمعونا زى ماحنا بنحاول نعلمهم

وزى ما newcomer قالت هى دى القدوة المناسبة اللى ابنى هيتعلم منها

ازاى اقوله يسمعنى اذا كان هو ماحدش بيسمعه

فى السن ده.....باحب احط فى دماغ الولد فكرة القانون ....مش الغابة و لا العشوائية

المهم انه يبقى عنده الشجاعة انه يقول ....يطالب بحقه

ارجو انى ما كنش طولت عليكى....

لا والله حضرتك افدتينى جدا

وعجبتنى اوى اوى فكرة تعليمه " فكرة القانون " لان ده كان وجه اعتراضى على موضوع اللى يضربك اضربه

هو صحيح الموضوع حسن ثقته بنفسه لكنه مش حل

الحقيقة حضرتك نبهتى لنقطة مهمة انه يطااااااااااالب بحقه ... وكمان هاكد تانى على نقطة حضرتك فى اننا نكون قدوة فى كل شىء حتى فى اسولب الحوار

استاذ محمد انا باعتذر جداااا لحضرتك انى خرجت عن سياق الموضوع او الاطار العام وطرقت نقطة بعينها

لكن فعلا بشكل عام متابعة اراء الخبراء مهمة طبعا وهاقول لحضرتك على غلطة انا كنت باعملها وغصب عننا الامهات خاصة بنفقد اعصابنا

وده طبعا غلط جدااااا

مش مفروض الطفل يبقا عرضة لحالتى النفسية او ضغط المسئولية اللى باحسه

وتعوديد الطفل على التربية من غير زعيق حتى ولو فى حالات قليلة افضل كتير لان الصوت العالى بيهز شخصيته

وكمان بيديه فكرة انه لما ماتلاقيش حاجة تعملها عللى صوتك

تقبل تحياتى واعتذارى ع الاطالة

[عنبو]

عمرنا فكرنا ازاى هنربى اولادنا انا اقصدى موضوع التربيه مش موضوع الاكل والشرب واللبس

ان شاء الله يا ا. محمد هيبقى ابنك قرة عين لك و لمامته

دى مش بس دعوة - ربنا يتقبلها- بس دى نتيجة اكيدة( بتوفيق ربنا طبعا) للمعادلة اللى حضرتك بدأتها

انا بشوف الحكاية بسيطة بس مش سهلة

يعنى لو حضرتك استعرضت فى خيالك كل الناس المحترمين فى حياتك

او الشخصيات المحترمة اللى قرأنا عنهم

هتلاقى اهلهم كانوا ناس برضة محترمين

ببساطة عايزة اقول لحضرتك زى ما قال محمد صبحى فى بداية مسلسل ونيس

انه كان عايز يربى ولاده ....فابتدى بتربية نفسه!!

انا بشوف ان هى دى الطريقة المضمونة( بتوفيق من ربنا طبعا)

مش هاينفع انى اقول لأبنى صلى و انا مابصليش

مش هاينفع اقول له ماتشتمش حد....و هو شايفنى مش سايبه حد فى حاله

......................

القصد لو قدرت انى ادى لأبنى نموذج صح .....هايلاقى حد يقلده

و كمان يبقى لى عين اعاقبه :lol:

ماهو مش معقول اعاقبه على الكذب و هو شايفنى و انا بكذب!!

شوف حضرتك - عن تجربة لى و لناس قريبين- الحكايه دى

صعبة....مش سهلة....لكن مش مستحيلة

و زى ما قلت لحضرتك فى الاول....طالما الوعى موجود

ان ربنا هايسألنى عن تربية و اخلاق ولادنا اللى حاولنا نجتهد فيها

و ان النيه موجودة.....ان شاء الله ربنا هايساعدنا كلنا

على انفسنا :lol: و على تربية اولادنا

+

شكرا على الدعوه الجميله دى ويارب تحقق بس ياريت تدعيلى انى اتجوز الاول علشان اجيب الطفل ؟؟

اه نعم انا مش متجوز بس الحمد لله بيتنا لا يخلى من الاطفال ما بلين عيال خالتى ""انا ليا 18 خاله "" فى مختلف الاعمار السنيه وطبعا ولاد اختى العفاريت بس الواحد بيشوف العجب فيهم وربنا يخليهم

انا اقصد من كلامى ان كل حاجه تبقى بخطه وتبقى مقصوده ونحاول نحافظ على كلامنا اقدام اولادنا مش نقول دول عيال هما فاهمين حاجه لا العيال بتوع اليومين دول مفتحين اقوى اقوى :: ولازم ناخد فى بالنا ان كل كلمه احنا بنقولها بتاثر على الطفل اما بالسلب او بالايجابى

فياريت نهتم باطفالنا اقوى ومش نعدى اى حاجه مرور الكرام

وبرضه بالنسبه للتربيه بالنموذج الطيب فدى جميله اقوى وتاثيرها بعيش لمدى الحياه وتنحفر فى ذاكرة الطفل بس دى محتاجه ان اعرف ازاى اوصل لطفل مبدأ معين من خلال نموذج اقدامه

ياريت اللى عندوا مشاكل مع اطفاله يحكيها ونحاول نشوف حلول ليها وازى نتصرف فيها

دول اهم حاجه فى الدنيا ياجماعه دول لو نشؤا صح المجتمع كله هينصلح حاله وياريت مش نقصر النظره على اولادنا يعنى اللى يشوف اى طفل سواء ابن الجيران فى المدرسه فى الشارع فى اى مكان وفيه اى شىء غير سوى يحاول يعدله ويقومه

فالطفل السىء لو تركناه مش هياثر على نفسه فقط بل سوف يؤثر على المجتمع باكمله

هرجع تانى

[newcomer]

لا والله حضرتك افدتينى جدا

غلطة انا كنت باعملها وغصب عننا الامهات خاصة بنفقد اعصابنا

وده طبعا غلط جدااااا

مش مفروض الطفل يبقا عرضة لحالتى النفسية او ضغط المسئولية اللى باحسه

يا رب يكون فى كلامى فعلا فايدة

بالنسبة للعصبية مع الأطفال ...عايزة اقول لحضرتك حاجة

احنا بشر ....فطبيعى اننا نتنرفز و نغضب.....ف لومى نفسك ...بس فى حدود

طبعا محدش قال انى اخلى ولادى يتحملوا الضغوط اللى عليه ....بس كمان

الامهات مش معمولين من خشب :lol:

هاقول لحضرتك نصيحة اتقالت لى و جربتها و كانت مفيدة جدا

- لما يعملوا حاجة غلط ..تنرفز يعنى......ما تعاقبهمش فى ساعتها

- غيرى الوضع اللى حضرتك فيه ( فيه حديث شريف بالمعنى ده ...اننا نغير وضع جسمنا لما نغضب يعنى لو واقفه اقعدى...مثلا)

- الأحسن بقى لو دخلتى غسلتى وشك او اتوضتى ( الغضب نار لا يطفأها الا الماء)

- فكرى نفسك بالأتى: -ده طفل و لازم يغلط علشان يتعلم

- مفيش طفل هايتعلم من اول و لا عاشر مرة( احنا الكبار لسه بنغلط!!)

- لما هاعقب هاعاقب و انا هاديه مش بطلع عصبيتى فيه

- لما هاعقابه لازم افهمه انى مش عاجبنى السلوك ده او الغلطة دى ..

.

-العقاب يكون على قد الغلطة...مش اجيبله القديم و الجديد

-لو خلاص ان اتفقنا ان سلوك ما اعتبرناه غلط ....يبقى رد فعلى واحد كل مرة

مش مرة اعاقب و مرة افوت ( هو ممكن اعمل نفسى مش شايفة ....لو ماكنش الوقت

مناسب للعقاب ...يعنى حايحرج قدام حد....حد من الجدود موجود و عارفة انه هايتدخل

بس لو عرف انى شوفته......على الاقل الفت نظره ان ده غلط ...

اخر حاجة .....لو حضرتك زعقتى او فقدتى اعصابك و ما قدرتيش تعملى كنترول على رد فعلك

اوعى حضرتك ....تروحى بعد الضرب فى ساعتها ....تصالحيه و تبوسيه و كده

حطتى نفسك مكانه؟؟؟ هاتلخبطى اخر لخبطة

لكن ...طبعا حاولى ما تبقيش فى الموقف ده اساسا....لكن لو حصل

ممكن بعد شوية ... تقوليلة يالا تعالى صالحنى و قولى انا اسف

لما خلاص تفهميه الغلط اللى عمله....ممكن ساعتها تقوليله

انك زعلتى من نفسك انك عليتى صوتك ....او كسرتى حاجة

و ان ده غلط و مش مفروض ان انا اعمل كده ( شبه الاعتذار ...يعنى)

اييه طولت و لا ايه .....شكلى نرفزتك.... :lol:

تم تعديل 20 مايو 2009 بواسطة newcomer

[newcomer]

شكرا على الدعوه الجميله دى ويارب تحقق بس ياريت تدعيلى انى اتجوز الاول علشان اجيب الطفل ؟؟

اه نعم انا مش متجوز

بجد ضحكتنى يا استاذ محمد

أمال ندهت المدام....من المطبخ

و قالت لى و قلتلها ....و هانعمل ايه فى الولد

و فى الأخر ...لسه هادعى بالعروسه؟؟!!!

طيب ....نقطة و من اول السطر

يارب تلاقى الزوجة الصالحة يا ا. محمد ....

و بعدين باقى الدعوات فى وقتها بقى ....

[om marawan]

- الأحسن بقى لو دخلتى غسلتى وشك او اتوضتى ( الغضب نار لا يطفأها الا الماء)

- فكرى نفسك بالأتى: -ده طفل و لازم يغلط علشان يتعلم

- مفيش طفل هايتعلم من اول و لا عاشر مرة( احنا الكبار لسه بنغلط!!)

- لما هاعقب هاعاقب و انا هاديه مش بطلع عصبيتى فيه

- لما هاعقابه لازم افهمه انى مش عاجبنى السلوك ده او الغلطة دى ..

.

-العقاب يكون على قد الغلطة...مش اجيبله القديم و الجديد

اييه طولت و لا ايه .....شكلى نرفزتك.... :happy:

انا اسفة جدااااااااا على التأخير فى الرد معلش الويك اند بيكون جدولها مشحوووون

وبجد ردك ورأيك رائع ونصايحك مهمة جدا ومفيدة .....وياريت تطولى اكتر :sad:

وزى ماتكونى حضرتك معايا فى البيت فعلا اللى بيدور فى دماغ الامهات متشابه جدااا انا باحاول اعمل حاجة او حاجتين من الطرق الجميلة اللى حضرتك قلتيها

وفعلا بتكون ناجحة جدا لكن طبعا محتاجة الجأ لباقى الطرق لان زى ما قلتى والله احنا فعلا ربنا يعيننا

انا كمان لما باحس انى اعصابى تعبانة او مجهدة باتعمد اسهر ساعات طويلة بعد البيت ماينام عشان استرخى وانا صاحية

وباقعد افكر فعلا فى انهم أطفال وبيتعلموا وربنا رفع عنهم القلم ولازم يبقا بالى طويل وربنا قال ان حتى الصلاة نصبر على تعليمهم لها 3 سنوات

وتانى يوم باصحا اعصابى اهدا كتير ورد فعلى افضل لتصرفاتهم

فى الاول لما كان عندى مروان كنت باتعامل بهدوء اكتر لانى كنت باحط قاعدة انه طالما مابيأذيش نفسه او غيره يبقا ممكن اسيبه

يعنى اقصد اننا نسيبلهم مساحة للخطأ من غير تعليقات او اوامر عشان وقت مانحتاج اننا ننبه على حاجة يقدر يسمعنى

لانى لو طول الوقت سيب ده وماتعملش ده هيبطل يسمعنى اصلا

الحقيقة ربنا يخللى يارب لما اخوات مروان جم والمسئولية زادت شوية بدأت اعلق على حاجات اكتر

وده يؤكد اننا فعلا من غير مانقصد بنعامل الاطفال احيانا على حسب حالتنا ولو قعدنا كل فترة وفكرنا نفسنا بنصايح حضرتك الجميلة دى

وقعدنا زى ماتقولى كده نذاكر .... اه والله نذاكر فعلا فى التربية ونحفظ نفسنا ونتدرب حتى لوحدنا

هيكون رد فعلنا واسلوبنا افضل كتير ... والله المستعان

تقبلى تحياتى

[عنبو]

علشان نقدر نطلع جيل جديد يعيد لهذه الامه مجدها بعدما سلب منها ونقدر نطلع شباب قادر على تحمل المسؤليه لازم ان نكون على درايه تامه كيف ُصنع عظماء الامه الاوائل وكيف تربوا علشان نعرف كيف نربى اطفالنا وهذا يتطلب منا ان نعرف كثير عن هؤلاء العظماء كى نغرس فى اولادنا حبهم منذ الصغر وان يتخذوهم قدوه ليهم وان ينشأ الطفل وهو حاطط فى دماغه ان يصبح فى يوم من الايام مثل قدوته ولازم واحنا بنربى اطفالنا ان نستشعر هذه النيه "" انا بربى اطفالى علشان يعيدوا لهذه الامه مجدها "" انا بتعب مع اطفالى مش علشان انا ابوهم ولا امهم لا لا علشان دول اللى انا بجهزهم علشان يصبحوا ابطال الغد ورجال المستقبل لازم ياجماعه ان نكون واثقين من نصر الله وان نربى اطفالنا على كده انه هيطلع شاب يعمل حاجه جديده يغير فى الدنيا كلها ومش نستصعب عليهم حاجه وان نعطيهم الثقه بانفسهم احنا عاوزين شباب على درايه تامه بعظمة تاريخه الاسلامى ان يعرف كيف كان الاسلام فى يوم من الايام سيد العالم وكيف كان المسلمون فى يوم من الايام هم حكام هذا العالم وانهم حكموا العالم بالعدل .. ان نكلمهم عن عدل سيدنا عمر بن الخطاب وسيدنا عمر بن العزيز وفتوحات المسلمين فى متخلف الكون كله ان ننشاهم تنشئه اسلاميه صحيحه بعيده كل البعد عن التعصب بل ان يصبح قدوه لكل المسلمين

احنا ماعندناش فى المسليمن كلهم على بعضهم"" 1.5 مليار مسلم"" الا 3 فقط اخدوا جائزة نوبل بينما اليهود "" 14 مليون"" فيه 180 واحد اخدوا جائزة نوبل

لو زرعنا فيهم منذ الصغر انهم قادرون على تغير الواقع المرير لما يكبروا هيقدروا يغيروا هذا الواقع المرير

لكن لو زرعنا فيهم اليأس وخيبة الامل مش ننتظر منهم الا اللى احنا رزعناه فيهم

انا ياجماعه عاوز مش يبقى اهتمانا بس باولادنا لا يبقى اهتمامنا بكل الاطفال اللى بنتعامل معهم لان كله فى الاول والاخر علشان ان احنا نطلع جيل صالح جيل قادر على التغير جيل يؤثر فى هذه الدنيا وان يترك علامه فى هذه الدنيا لا ان يعيش ويمون بدون ان يفعل اى شىء