موهوبون فى المنتدى ‍‍‍!!! ‍‍‍

[حشيش]

‍‍‍‍‍‍لاحظت بدون أى مجاملات أن هناك العديد من المواهب التى يذخر بها المنتدى فى مجالات مختلفة مثل الفقه الإسلامى والسياسة والإقتصاد والتاريخ والثقافة والهجرة والقانون والكومبيوتر والطب والأدب وشئون المراة والرياضة...ويحضرنى هنا أسماء عديدة ولكن دعونا نختار إسم واحد فقط فى كل مجال من هذه المجالات نرشحه لشغل منصب (وزير) فى حكومة المنفى التى سوف نشكلها من أعضاء المنتدى وفى أول أيام عيد الفطر المبارك سوف تعلن أسماء الفائزين فى التشكيل الوزارى...وسأبدأ باب الترشيحات للمناصب الوزارية وأرجو من الجميع المشاركة:

رئيس مجلس الوزراء: حشيش

وزير الأوقاف وشئون الأزهر: حيزوم

وزير الخارجية: الطفشان

وزير الداخلية: رجب 2

وزير العدل: الأفوكاتو

وزير الإقتصاد: إيجبت 5

وزير الإعلام: شريف عبد الوهاب

وزير الثقافة: كليو

وزير الصحة: محبط

وزير الكهرباء والطاقة: أخناتون

وزير الهجرة وشئون المصريين بالخارج: فرى فرى

وزير مجلسى الشعب والشورى: عادل أبو زيد

وزيرة التأمينات الإجتماعية وشئون المرأة: شعنونة

وزير الصناعة والتكنولوجيا: وايت هارت

وزير الشباب والرياضة: محمد أبو زيد

وزير بلا وزارة: سى السيد

[Mohammad Abouzied]

رئيس مجلس الوزراء: حشيش

دي وزارة اخر مزاج ايه رئيك في تحويل التوبيك الى قسم دعوة للأبتسام

[حشيش]

دي وزارة اخر مزاج ايه رئيك في تحويل التوبيك الى قسم دعوة للأبتسام

على فكرة ياأستاذ محمد الأسماء المقترحة (باستثناء إسمى) فعلاً أسماء جديرة من وجهة نظرى لتولى الوزارات المعنية وأنا كنت بتكلم جد المرة دى...على العموم ما دام إنته قررت تنقل الموضوع إلى دعوة للإبتسام بقه فاسمح لى أن أضيف:

وزيرة دولة لشئون ورق العنب: نورا

[Lighthouse]

حلو قوي منصب وزير دولة لشئون ورق العنب ده

بس فين منصبي يعني

احنا فينا من الوسايط ولا ايه ياحشيش

[Mohammad Abouzied]

حلو قوي منصب وزير دولة لشئون ورق العنب ده

بس فين منصبي يعني

احنا فينا من الوسايط ولا ايه ياحشيش 

الحق يا سيدي اهي اتقلبت جد ورينا ازاي ها تسد في الوزارة الجديدة

[Lighthouse]

هو ايه الحكاية

كل مااشارك في موضوع الاقيه اتنقل باب الابتسام ولا ايه

[Mohammad Abouzied]

نعمل ايه بس اذا كانت اغلب المواضيع فيها خفة الدم غالبه على الموضوع نفسه عموما اذا ضاع منك اي موضوع هتلاقيه هنا

[الريس]

وانا فين؟؟؟؟؟؟؟؟؟؟؟؟؟؟؟؟؟؟؟؟؟؟

[se_ Elsyed]

رئيس مجلس الوزراء: حشيش

يعني سعادتك أخترت لنفسك الزبده وروحت مفرق علينا المورتة صح ؟

وزير بلا وزارة: سى السيد

مش فاهم دي يا سعادة الباشا .. وزير بلا وزراة يعني أيه ؟ جوكر مثلاً ...يعني لو وزير متخانق مع مراته ومجاش الصبح أحل مكانه ... او وزيرة ربنا ينتعها بالسلامه وحامل والحمل شادد عليها علشان العيل تاعبها أروح برضوا بدلها ؟!!!!!

وعمال أكتب مواضيع وملاحم عن الحواوشي والفول .... طب خلى عندك شوية مفهومية وباصي لي وزارة التموين ....

ماكنش العشم يا حشيش ... فين أيام ماكنت بتسرح بصاج القرص ... واول ماربنا يكرمك وتمسك رياسة الوزرا تبهدلني كده ...

فلعاً إذا أنت أكرمت الحشيش تمردا

[disappointed]

وانا فين؟؟؟؟؟؟؟؟؟؟؟؟؟؟؟؟؟؟؟؟؟؟

انت الريّس

[هشام عبد الوهاب]

لشغل منصب (وزير) فى حكومة المنفى

هو لو رحنا المنفى هانشكل حكومة برضه .. عايز تبقى رئيس الوزراء ياحشيش .. دا انت هاتكل ضرب .

[se_ Elsyed]

قرار جمهوري رقم 35555 ... بحل الوزارة الحشيشية وتشيكل وزارة جديدة بناء على ما يلي :

" بني وطني ، لقد مرت بلدنا الحبيبة مصر بفترة من أصعب فترات حياتها تولى أمرها إما ظالم ( عمو عاطف ) أو أثرياء حرب ( حشيش ) وبناء عليه فقد قررنا القيام بحركة نظافة وتشكيل وزارة جديدة من ولاد البلد المخلصين الجدعان ... والتشكيل الوزاري الجديد هو :

رئيس مجلس الوزراء: أخناتون

وزير الأوقاف وشئون الأزهر: براود مسلم

وزير الخارجية: إبن مصر

وزير الداخلية: عادل أبو زيد

وزير العدل: الأفوكاتو

وزير الإقتصاد: أخناتون برضوا وهايجمع بين رئاسة الوزرا وحقيبة وزارة الإقتصاد والقرطمة

وزير الإعلام: شريف عبد الوهاب

وزير الثقافة والأثار : كليو

وزير الصحة: د/ محبط ومساعدته د / شعنونة

وزير الكهرباء والطاقة: لينوكس وأخية لانسلوت ليتولى أمر عمدان النور اللي حالها مايسرش .

وزير الهجرة وشئون المصريين بالخارج: فرى فرى

وزير مجلسى الشعب والشورى: هشام عبد الوهاب

وزيرة التأمينات الإجتماعية وشئون المرأة: سلوى

وزير الإتصالات والتكنولوجيا : وايت هارت

وزير الصناعة : فريده

وزير الرياضة:[/u] محمد أبو زيد

وزير الشباب الروش : لايت هاوس

وزير الزراعة : كوكو واوا

وزير السياحة : سكوربيون

وزير البيئة : حشيش ( مش عايز حد يقعد يهزر ويقوله يا بيئة علشان مايزعلش ... إما وريتك يا شيشو )

وزير التعليم : لأو ل مرة في تاريخ مصر هانعين اتنين اخوات نورا وكروساية كل واحده تيجي يوم علشان مايتعبوش .

وزير التموين والسكر والزيت واللحمه والذي منه : سى السيد

أما بقية أخواتي وحبايبي اللي ما شملهمش التعديل الجديد اوعدهم إني بعد شهر واحد هاطربق الوزراة دي وهأقلوظلهم اماكن كويسة .

[achnaton]

‍‍‍‍‍‍لاحظت بدون أى مجاملات أن هناك العديد من المواهب التى يذخر بها المنتدى فى مجالات مختلفة المشاركة:

رئيس مجلس الوزراء: حشيش

يعنى يا حشيش .. إحنا نخلص من " إزازة " تطلع لنا " جوزة " .. يفتح الله ياعم .. على الأقل إحنا ضامنين مصير الأول كما ورد بالقرآن ..

[Handicraft]

يا اخوانا أحدفولنا اى حقيبة دبلوماسية ان شالله هاندباك اهو نترسم وبرضوا نقب شوية على وش التورته ونعوم فى الكريم شانتيه.

اخوانى انا منكم ولكم ... مع استعداد تام لتركيب درج شمال لأى مكتب ... شئ لزوم الشئ

هاندىكرافت

دكتواره من هارفارد قسم

حقائب دبلوماسية

دبلوم تضبيط جلب وزارات

[nora]

قرار جمهوري رقم 35555 ... بحل الوزارة الحشيشية وتشيكل وزارة جديدة بناء على ما يلي :

" بني وطني ، لقد مرت بلدنا الحبيبة مصر بفترة من أصعب فترات حياتها تولى أمرها إما ظالم ( عمو عاطف ) أو أثرياء حرب ( حشيش ) وبناء عليه فقد قررنا القيام بحركة نظافة وتشكيل وزارة جديدة من ولاد البلد المخلصين الجدعان ... والتشكيل الوزاري الجديد هو :

رئيس مجلس الوزراء: أخناتون  

وزير الأوقاف وشئون الأزهر: براود مسلم  

وزير الخارجية: إبن مصر  

وزير الداخلية: عادل أبو زيد  

وزير العدل: الأفوكاتو  

وزير الإقتصاد: أخناتون برضوا وهايجمع بين رئاسة الوزرا وحقيبة وزارة الإقتصاد والقرطمة  

وزير الإعلام: شريف عبد الوهاب  

وزير الثقافة والأثار : كليو  

وزير الصحة: د/ محبط ومساعدته د / شعنونة  

وزير الكهرباء والطاقة: لينوكس  وأخية لانسلوت ليتولى أمر عمدان النور اللي حالها مايسرش .

وزير الهجرة وشئون المصريين بالخارج: فرى فرى  

وزير مجلسى الشعب والشورى: هشام عبد الوهاب  

وزيرة التأمينات الإجتماعية وشئون المرأة: سلوى  

وزير الإتصالات والتكنولوجيا    : وايت هارت  

وزير الصناعة : فريده  

وزير  الرياضة:[/u] محمد أبو زيد  

وزير الشباب الروش : لايت هاوس  

وزير الزراعة     : كوكو واوا

وزير السياحة  : سكوربيون  

وزير البيئة : حشيش ( مش عايز حد يقعد يهزر ويقوله يا بيئة علشان مايزعلش ... إما وريتك يا شيشو )  

وزير التعليم : لأو ل مرة في تاريخ مصر هانعين اتنين اخوات نورا وكروساية كل واحده تيجي يوم علشان مايتعبوش .

وزير التموين والسكر والزيت واللحمه والذي منه : سى السيد

أما بقية أخواتي وحبايبي اللي ما شملهمش التعديل الجديد اوعدهم إني بعد شهر واحد هاطربق الوزراة دي وهأقلوظلهم اماكن كويسة .

يا دي المصيبه مش ممكن انا وزيرة تعليم اهرب من المعهد يطلعلي وزارة بحالها انا خلاصصصصص بس والله فكرة انا هطلع عقد الدنيا فيهم كلهم عقد المعهد والكلية والمدرسة كله مش هرحم حد انتظروووووووووووووووووووو هوريكم

[حشيش]

الأخوة والأخوات الأعزاء

لعلكم لاحظتم أننى لم أعين أحداً منكم فى منصب وزير الدفاع...لأن هذا المنصب يجب ألا يوكل لأحد حتى أتأكد من ولاؤه التام لى...العمر مش بعزقة يابا...يعنى أدى لواحد فيكم الدفاع من هنا ألاقى نفسى تانى يوم ملفوف فى ورق بفرة ومتشال على عربية مدفع...كنت قد عينت سى السيد وزيراً بلا وزارة حتى أتأكد من إخلاصه وولاؤه التام لى ولكنه سقط فى الإمتحان وسوف يحاكم محاكمة عسكرية عادلة ويعدم فوراً...مش عارف أختار مين للدفاع...مين ياحشيش...مين ؟؟؟...

[فــيــروز]

‍‍‍‍‍‍لاحظت بدون أى مجاملات أن هناك العديد من المواهب التى يذخر بها المنتدى فى مجالات مختلفة المشاركة:

رئيس مجلس الوزراء: حشيش

يعنى يا حشيش .. إحنا نخلص من " إزازة " تطلع لنا " جوزة " .. يفتح الله ياعم .. على الأقل إحنا ضامنين مصير الأول كما ورد بالقرآن ..

احب اشكر جدا اخونا الكبير اخناتون اللى فاكرنى دايما بكل خير

وان شاء الله اول ما آخد الحقيبه الوزاريه -يكون لونها هافان لو سمحت عشان تليقى على العربيه- هاعمل شعار وزارتى .. قصدى وزارتنا "الآشيه هتبقى معدن" ..وفقكم الله وراعاكم و السلام عليكم :-)

[Cleo]

وزير الثقافة والأثار : كليو  

.

ولله أهريكو كل يوم حفلات أوبرا على مسرح القلعة و الصوت و الضوء و أجيبلكو الكابوكى و السوزوكى 123568 CC ..... و التذكرة شاملة المشاريب....

آآآآآآآآه.... اللى هايطلب راح يقعد.... و اللى ما يطلبشىىىى يبعدددد...

[Mohammad Abouzied]

الأخوة والأخوات الأعزاء

لعلكم لاحظتم أننى لم أعين أحداً منكم فى منصب وزير الدفاع...لأن هذا المنصب يجب ألا يوكل لأحد حتى أتأكد من ولاؤه التام لى...العمر مش بعزقة يابا...يعنى أدى لواحد فيكم الدفاع من هنا ألاقى نفسى تانى يوم ملفوف فى ورق بفرة ومتشال على عربية مدفع...كنت قد عينت سى السيد وزيراً بلا وزارة حتى أتأكد من إخلاصه وولاؤه التام لى ولكنه سقط فى الإمتحان وسوف يحاكم محاكمة عسكرية عادلة ويعدم فوراً...مش عارف أختار مين للدفاع...مين ياحشيش...مين ؟؟؟...

تفوق انت على القذافي وعين نورا وزيرة دفاع بدل وزارة ورق العنب لاني بصراحة مبحبوش ؟؟؟؟؟؟؟

[DARWEEN]

ماشي ياحشيش والله لأعقدهالك

قرار هام :

سيتم غدا في الجلسه الصباحيه وبناء على الطلب المقدم من جميع الأعضاء مناقشة طرح الثقة في حكومة حشيش ولجميع الأعضاء الحق في أبداء ملاحظاتهم على رئيس الحكومه ورأيهم في أستغلاله لمنصبه في الأتجار بكافة أنواع الكيف كما وجهت إليه مهنة التربح من أفتتاح عياده خاصه وأمتهان أكثر من مهنه بداية من الأتجار بالمواشي إلى العمل بمباحث أمن الدوله

داروين ...

رئيس مجلس شعب المنتدى وسيد قراره