مشكلة اخلاء الطرف و الخروج النهائي

[ام عمر المصرية]

السلام عليكم و رحمة الله و بركاته

لقد عمل زوجي بالمملكة و قضي تقريبا مدة عام و المهم بعد هذا العام سوي نهائي و غادر البلاد و بدون ان يحصل علي ورقة اخلاء طرف

و هو يود السفر مرة ثانية الي المملكة و و لم يمر سوي ايام علي عودته و مكتب الحاق العمالة بالخارج اخبره بانه لابد من وجود اخلاء طرف و الا لن يتمكن من السفر الي السعودية قبل عامين

فهل هذا الكلام صائب

و جزيتم عنا خير الجزاء

[ام عمر المصرية]

لا حول و لا قوة الا بالله

[خالد شحاته]

من حق زوجك السفر في اي وقت لان نازل خروج نهائي بدون اي مشاكل مع الكفيل وكدا من حقه دخول المملكه في اي وقت بس بلزم تغير الجواز

[ام عمر المصرية]

جزاكم الله خيرا استاذ خالد

[muhamed]

اعتقد انه مفيش مشكله زى ما الاستاذ خالد شحاته قالك

بس السؤال هنا لاهل الخبره

هل تتوقف العوده مره اخرى على المهنه اللى فى التاشيره ؟

يعنى بعض المهن كالمهندسين و الاطباء مفيش مشكله

و المهن التانية زى العمالة و الفنين هيا اللى بيبقا فيها كلام

[ام عمر المصرية]

هو مهندس كهربا و نازل علي مهندس صيانة بس المكتب اللي في مصر بيقوله لازم ورقة اخلاء الطرف

[Alattar]

هو مهندس كهربا و نازل علي مهندس صيانة بس المكتب اللي في مصر بيقوله لازم ورقة اخلاء الطرف

يا أختي و هو المكتب ايه اللي عرفه أصلا ان جوز حضرتك كان في السعودية و أخد خروج نهائي

لو كان عرف من الجواز..يبقي انتوا مستخدمين نفس الجواز القديم..و ده لازم يتغير

عشان لما حد بيشوف فيه التأشيرة القديمة و ختم الخروج النهائي..بيعمل مشاكل

سواء كان القنصلية السعودية في مصر..أو من قبل بعض موظفي الجواز هنا في المطارات

يبقي لازم تغيروا الجواز زي ما الأخ خالد قال.

وفقكم الله و يسر لكم أموركم

تم تعديل 10 يونيو 2009 بواسطة Alattar

[ام عمر المصرية]

يا سيدي الفاضل زوجي لما اراد السفر ثانية ذهب لنفس المكتب الذي سافر من خلاله من قبل

لآن طبعا حضرتك عارف انه في هذا المجال هناك نصب كتير و المكتب ده كان محترم معانا

و طبعا فهذ المكتب علي علم بسفر زوجي

و المكتب قال انه القنصلية هنا هي اللي هتطلب ورقة اخلاء الطرف

و عموما لو الموضوع متوقف علي تغيير الجواز فالامر هين

و جزيتم عنا خير الجزاء

[Alattar]

يا سيدي الفاضل زوجي لما اراد السفر ثانية ذهب لنفس المكتب الذي سافر من خلاله من قبل

لآن طبعا حضرتك عارف انه في هذا المجال هناك نصب كتير و المكتب ده كان محترم معانا

و طبعا فهذ المكتب علي علم بسفر زوجي

و المكتب قال انه القنصلية هنا هي اللي هتطلب ورقة اخلاء الطرف

و عموما لو الموضوع متوقف علي تغيير الجواز فالامر هين

و جزيتم عنا خير الجزاء

وجزاك مثله اختي الفاضلة

فيه أحد الأخوة هنا في المنتدي حكي أن صديق له أخد خروج نهائي

من غير ما كفيله يعمل اخلاء طرف

و رجع بعد أقل من شهر و من نفس المطار اللي خرج منه

و لما عمل بصمة ظابط الجوازات عرف انه كان هنا و أخذ خروج نهائي

و ما كلموش و عادي جدا

وفيه أكثر من عضو هنا أكدوا هذا الكلام..عشان كده ياريت تطمنوا شوية

اللي أعرف انه ممنوع من العودة اللي سافر و هو عامل مشاكل مع الكفيل

وله مثلا قضية هنا أو ما شابه

أو اللي خرج و لم يعد و كفيله مبلغ عنه هروب.

لكن غير كده طالما انه خرج عادي و مفيش مشاكل مع الكفيل أنا بإذن الله متأكد

ان مفيش أي مشاكل لو حب يرجع تاني يوم حتي.

ياريت تطمنوا صاحب المكتب و تقولوله ياخد الأوراق ويعمل تجربه..وان شاء الله

مش هيحصل الا كل خير.

[ابو حودة]

اجراءات نقل الكفالة بتاخد وقت قد ايه

[alex man]

انا واحد من الناس اللى اخد نهائى ورجعت بعد اقل من شهر وليس معى خطاب عدم ممانعة وكذلك اخلاء طرف والمكتب اللى اخدت التاشيرة عن طريقه كان عارف ذلك اهم حاجة يتم تغير جواز السفر والله الموفق

[alex man]

على فكرة انا لسه راجع من اقل من شهر

[ينبع]

نفس المشكله اختى ولكن لم يكن النزول نهائى

وهى

زوجى كان يعمل بالسعودية من سنه تقريبا ونزلنا تأشيرة ذهاب وعودة ولكن قدرا لم نرجع مرة ثانيه المهم زوجى يبحث عن عقد الان ووجد ولكنه عندما قابل الكفيل سأله متى ترك السعوديه فأجاب زوجبى منذ سنه وللعلم زوجى لم يبصم فقال له لن تستطيع الذهاب للسعوديه الا بعد 3 سنوات او الحصول على اخلاء طرف من الكفيل السابق لان اسمه موجود على الكمبيوتر ولا تطلع له تأشيره

هل الكلام ده صحيح هل هو قرار جديد ام ماذا افيدونى بالله عليكم

[خالد شحاته]

نفس المشكله اختى ولكن لم يكن النزول نهائى

وهى

زوجى كان يعمل بالسعودية من سنه تقريبا ونزلنا تأشيرة ذهاب وعودة ولكن قدرا لم نرجع مرة ثانيه المهم زوجى يبحث عن عقد الان ووجد ولكنه عندما قابل الكفيل سأله متى ترك السعوديه فأجاب زوجبى منذ سنه وللعلم زوجى لم يبصم فقال له لن تستطيع الذهاب للسعوديه الا بعد 3 سنوات او الحصول على اخلاء طرف من الكفيل السابق لان اسمه موجود على الكمبيوتر ولا تطلع له تأشيره

هل الكلام ده صحيح هل هو قرار جديد ام ماذا افيدونى بالله عليكم

لا ياختي الكلام ده غير صحيح من حق زوجك يدخل المملكه عادي جداااااااااااا

[خالد شحاته]

اجراءات نقل الكفالة بتاخد وقت قد ايه

لو الاوراق كلها سليمه ومفيش اي عقبه من السعوده والتامينات اسبوع تكون منتهيه الكفاله

[محمد افندى]

جزاك الله خير يا استاذ خالد على اهتمامك بالرد على مثل تلك الموضوعات وشكرا للاخوة اصحاب تجارب الخروج النهائى والذين حكو تجربتهم بعودتهم للسعودية بدون اخلاء طرف او عدم ممانعه عشان يطمنو الاخوة اللى بصمو ويا ريت اى حد عندة جديد فى الموضوع يبلغنا على طول وشكرا للجميع

[ينبع]

شكرا اخى خالد على ردك ولكن زميل لزوجى بالسعوديه قال له نفس الكلام بالنسبة للتاشيرة ذهاب وعوده والكلام ده مطبق من شهريين اما الخروج النهائى فعادى

لا يحق لمن يحصل على تاشيره خروج وعوده العمل الا بعد مرور سنتين او الحصول على اخلاء طرف وده المستحيل

هل فعلا فيه ناس اترحلت من القصيم كانوا ذهاب وعودة وغيروا جواز السفر ؟؟؟؟؟؟؟؟؟؟

تم تعديل 17 يونيو 2009 بواسطة ينبع

[خالد شحاته]

شكرا اخى خالد على ردك ولكن زميل لزوجى بالسعوديه قال له نفس الكلام بالنسبة للتاشيرة ذهاب وعوده والكلام ده مطبق من شهريين اما الخروج النهائى فعادى

لا يحق لمن يحصل على تاشيره خروج وعوده العمل الا بعد مرور سنتين او الحصول على اخلاء طرف وده المستحيل

هل فعلا فيه ناس اترحلت من القصيم كانوا ذهاب وعودة وغيروا جواز السفر ؟؟؟؟؟؟؟؟؟؟

الاخت الفاضله الا بيترحل وهو ذهاب وعوده لان للاسف بعض الناس بتبلغ الكفيل القديم ان الشخص المذكور موجود وبيعمل في نفس المنطقه وفي نفس المجال وده الا بيعمل مشاكل انما من اين يعرف الكفيل ان الشخص الا كان علي اسمه واصل مره اخري للمملكه الا من اصحاب الشخص الا موجوده علي نفس الكفاله انما لو الكفيل مش عايز الشخص يدخل المملكه خطاب من الخارجيه بعدم دخول الشخص وكدا القنصليه في مصر بتكب علي الاوراق نتعزر للمذكور لانه ممنوع دخول المملكه ودي طبعا مش كل سعودي عنده شخص شغال بيعمل كدا الا وكان في قلبه زريعه حقد للشخص هل زوجك بيرجع نفس المنطقه الا كان فيها ولا منطقه اخري من المملكة لان ناس كتيره جداااا مسافره من عندي من الشركه وعندها نفس المشكله والحمد لله كلهم في امان والان في المملكة شخص واحد فقط الا اتمنع من القنصليه وهو طبيب صيدلي بسبب خلاف بينه وبين صاحب العمل علشان كدا وضع اسمه في القنصليه بعدم دخول المملكه

تم تعديل 17 يونيو 2009 بواسطة خالد شحاته

[ينبع]

جاءت له فرصه كويسه بس للاسف على نفس المنطقه فالموضوع انتهى ورفض عروض بسبب هذا الخبر بيحاول يتأكد وبعدين ربنا ييسر بفرصة كويسه بس تكون بعيد وعلى العموم الحمد لله احنا بنصلى استخارة قبل اتخاذ اى قرار وربنايوفقنا للصالح والخير

تم تعديل 17 يونيو 2009 بواسطة ينبع

[alex man]

الاخت ينبع

تاكيد على كلام الاستاذ خالد شحاتة اذاكان المذكور اخد خروج وعودة وانتهت مدة التاشيرة الرجوع وجلس فى مصر بعدها يحق له الرجوع الا اذاكان الكفيل ابلغ عنه الجوازات والقنصلية السعودية

ثانيا الاهم هو تغيرا جواز السفر وان شاء يصير خيراباذن الله تعالى ولا تقلق قدمى جواز السفر وسوف يتبن لكم النتجة ولن تخسرى شيئا الا تكاليف الجواز

ثالثا عند العودة باذن الله الى السعودية يحاول ان لايختلط مع الناس اللى كان يعرفهم وخاصة اذاكان هناك مصريين يحبونه كثيرا؟؟؟؟؟ فتلك اللحظة لن يتردودا فى ابلاغ الكفيل