أونتاريو ترحب بـ سوسو

[SoSo R]

أعزائى المشاهدين و القارئين وحشتونى جدا ووحشنى المنتدى وكل من فيه...

وأنا هنا فى بلاد الفرنجة أحييكم.. وأخذت القرار الصعب إنى أكتب رغم ترددى لأحساسى بالمسئولية فى بداية كتابة موضوع جديد

المهم عشان ما طولش عايزة أحكى حاجة فى غاية الأهمية والسرية

ودة معناه إنها ما تخرجش عن حدودنا إحنا أعضاء المنتدى والكام ألف الزوار اللى بيدخلوا....أكتر من كدة مش موافقة

لأنها هتفقد السرية

خليكوا معايا....

سوسورانى

[wafa]

في الانتظار سوسوراني

ربي ييسر لج امرج

[MZohairy]

أعزائى المشاهدين و القارئين وحشتونى جدا ووحشنى المنتدى وكل من فيه...

وأنا هنا فى بلاد الفرنجة أحييكم.. وأخذت القرار الصعب إنى أكتب رغم ترددى لأحساسى بالمسئولية فى بداية كتابة موضوع جديد

المهم عشان ما طولش عايزة أحكى حاجة فى غاية الأهمية والسرية

ودة معناه إنها ما تخرجش عن حدودنا إحنا أعضاء المنتدى والكام ألف الزوار اللى بيدخلوا....أكتر من كدة مش موافقة

لأنها هتفقد السرية

خليكوا معايا....

سوسورانى

حمدالله على السلامه و اونتاريو نورت

خلي بالك ان الاعضاء كلهم لسه يادوب صاحيين من النوم دلوقتي في مصر و الخليج

وانا هنا لسه ماصليتش المغرب :lol:

[SoSo R]

بعد ما وصلنا مطار بيرسون...و قبل ما ندخل على الجوازات فوجئت بأتنين داخلين عليا شكلهم زى men in black و بيسألونى :

- أنتى سوسورانى؟

أيوة أنا... فى حاجة؟؟

- إتفضلى معانا بالذوق و من سكات...

طبعا إتخضيت و البنات بينادوا ماما....ماما...و جوزى يقولى ما تخافيش ياسوسو!!

المهم خدونى و دخلونى مكتب...لقيت واحد بيه قاعد و بيسألنى:أنت عضوة فى المحاورات؟؟

- أيوة فيه إيه؟ أنتوا بتمسكوا بتوع المحاورات ولا إيه؟؟

- من غير كتر كلام ...إحنا عايزينك تشتغلى معانا

- أشتغل فين يعنى؟

- تبقى عميلة فى تنظيم المحاورات

- تنظيم إيه؟؟ هو مش دة منتدى ثقافى عادى يعنى؟؟

- واضح إنك عبيطة و هتتعبينا ...يا بنتى كل الناس اللى بتكتب دى أعضاء فى التنظيم عشان الناس السذج أمثالك ...يهاجروا بعد ما يتوهموا بالبلد..

يا سوسورانى....أنتى بتشتغلى مع أذكى جهاز مخابرات!!

- أيوة بس أنا مش عبلة....مش ممكن تجندونى ضد زملائى...وبعدين اللى يخلينى أصدقك

- أحكيلك بإختصار....نواة التنظيم كان دكتور الشامى العميل 001 راجل له وزنه فى المنتدى وكلمته مسموعة يبتدى يحكى ...الناس تسمع...الموضوع يكبر وبعدين يتثبت

بعد كدة يدخل فى الموضوع دكتور التهامى العميل 002 :lol: ....مش هيفتح موضوع علطول...الأول ينطور شوية مداخلات فى مواضيع كندا...بعدين يقول إنه بيفكر ينزل حكايته...يبتدى يحكى ..الناس تتشد...وهكذا

حتى موضوعه فى مصر كان بترتيبنا عشان يكسب تعاطف الجماهير و يسامحوه عن توقفه عن الكتابة

- إيه دة ...أمال هوة كان بيعمل إيه ساعتها؟؟

- فى الواقع....كان بيعمل دايفينج فى شرم الشيخ مع شوية رياضات مائية تانية :) :lol: .

- ناقص تقولى إن موضوع الأشراف دة كمان من ترتيبكم وإن أنتوا اللى عملتوه أخضر mf_p:

- لأ ...دى إحنا حطينا رجله بس على أول الطريق عشان يوصل لها وهو عمل الباقى... ودة طبعا مكسب لينا....

نكمل... فى أثناء زيادة الهجوم على دكتور تهامى كان لازم يدخل حد يساعده ويزود المصداقية خصوصا إن العميلين مش قاعدين فى كندا أصلا ودى نقطة محسوبة علينا....ساعتها جه دور دكتور هشام العميل 003

راجل بيدور ع النت عن ريحة مصر...يدله الجوجل على المحاورات....يدخل فى زحمة شتيمة كندا ويعترف باللى شافه فى كندا....و بعدين يبتدى يحكى تجربته الشخصية....رجل خلوق موثوق فى كلامه...بيساعد الكل

طبعا زود أسهمنا جدا...ورفع المصداقية

آخر واحد العميل 004 هو زوهيرى عيناه فى الفرع الجديد اللى لسه فاتحينه فى فانكوفر لما لاقينا الضغط كله على أونتاريو...هو لسه تحت الأختبار بس مستبشر بيه خير

- طيب و أنا دورى إيه؟؟

- انتى هتبقى العميل 005

- لأ ماليش دعوة...يا تسمينى 007 عشان أبقى سوسورانى بوند

يا إما( ن-1) عشان يبقى أسمى فتاة المستحيل سوسورانى

- إيه يا بنتى طقم الألغاز اللى عايشة فيه ده؟؟

إكبرى شوية...هو أسمك 005 خلاص ...انتهى ودة أمر!!

- حاضر....أمرى لله!

- كندا محتاجكى يا سوسورانى...

- و أنا رقبتى لكندا...بس إيه المطلوب؟؟

- عايزينك تزودى الدعم النسائى للتنظيم و خصوصا إنك قاعدة مش راجعة....ما فيش سيدات كتبوا غير دعاء ودى مش تبع القسم بتاعنا أساسا دى متعاقدة مع القسم الفرنساوى و كوين ودى رجعت مصر تانى هنشوف لما تستقر هتعمل إيه؟

- لأ كدة أنت نسيت سمية ...الست دى عاملة شغل جامد جدا

- سمية و زناتى و قبليهم دكتور قناوى متعاقدين مع القسم المختص بالناس اللى لسه فى الأول ....لما يهاجروا ...هنغير عقودهم و يتنقلوا للقسم بتاعنا

- على فكرة أنت نسيت باشمهندس إيهاب...

- للأسف ما كناش قادرين نوصل لأتفاق معاه نتيجة لأنشغاله....و كنا فى مرحلة التفاوض...و مسكنا العصاية من النص و أشتغل معانا بنظام العمولة...الصور والمداخلات القوية بعمولة

لحد ما قدرنا أخيرا نقنعه وخلينا العميل 002 يضغط عليه و يستخدم سلطته الأشرافية...وتم فتح موضوعه بنجاح....بس أنتى ما كنتيش دريانة عشان النت اللى فصلت عندك

- يا نهار أخضر أنت كمان عارف على النت بتاعتى!!!

لأ..كدة خلاص ما فيهاش كلام

حضرتك قولى المطلوب إيه بالضبط...و أنا معاك يا باشا

- باشا؟!! أنتى شايفانى ضابط كفر أبو ربيع....ما تنسى بأه...بصى

المطلوب إنك تدلى بدلوك فى كل الأمور المعيشية فى حياتك اليومية...........فهمتى؟؟؟

- آه طبعا....أنا هاروح عند بتاع البلاستيكات الهلال و النجمة الكندى...أجيب دلو لكل بنت و أجيب طشط كدة على قدى....تمام كدة؟؟

- هو أنتى رايحة تغسلى؟؟!! أنتى منين يا ست أنتى؟؟

- من مدينة نصر و سكنت سنتين فى مصر الجديدة

- متأكدة من الكلام دة.....يعنى مش من العشوائيات؟!! شكلك كدة هتتعبينى

عايزك تحكى عن يومياتك ....حياتك اليومية.....فهمتى حاجة؟؟؟؟؟؟

- خلاص...خلاص ما تزوئش ....فهمت.....بس إيه نظام الفلوس بعد إذنك؟؟

- طبعا أنتى عارفة أن البنوك متراقبة....فالقبض بيكون عن طريق تهامى...

- لحد هنا بأه و ستووووووووب :stop:

- إيه تانى؟؟؟

- يا فندم الأخ تهامى مبذر و بيشترى حاجات غريبة كدة...إشى ..توم توم....و تيم تيم...و بوجى وتمتم...و أنا أخاف يخلص فلوسه و يدخل على فلوسى و أنا عندى عيال عايزة أربيها

- هو دة نظامنا ...وهو اللى بيقبض هشام كمان فى الأجازات اللى بينزلها أما إيهاب فالفلوس بتتخصم مباشرة من فلوس البيت عشان يتنقل من مرحلة الخرطوم بسرعة ويقدر يرمى الأساسات...بس الدكتور الشامى اللى الظرف بتاعه بيروحله لندن عشان هو 001 و زوهيرى لسه هنشوف هيقبض إزاى

يعنى الظرف هيجيلك معاه ومش عايز كتر كلام.

- قلت لى بقى...عشان كدة د/هشام أشترى هو كمان الجهاز العجيب اللى أسمه أعجب

ال- Wii بعد أجازة تهامى

أتاريه كان لسه قابض الشهرية!!!!

خلاص..خلاص.. ما تزعلش... وربنا يستر بأه على القرشين....إلا إحنا ما تعرفناش...أسم حضرتك؟؟

- البوص تريبل زيرو 000

- وشايلهم لوحدك ولا بلاش لحسن تزعل....و الأتصال هيكون إزاى يا بوص؟؟

- إحنا لما نعوزك هنوصلك ....إتفضلى دلوقت و شوفى هتقولى إيه مقنع لعيلتك اللى مستنياكى برة.

بعد العلقة دى و الخضة اللى شيبت شعرى :lol: .... ....طلعت للأسرة و مبتسمة إبتسامة عرييييييييييييييييضة و البوأ من الودن للودن على رأى واحدة صاحبتى....و بقولهم

كانوا بيستقبلونى كمهاجرة جديدة وبيمارسوا أصول الضيافة و بيدوقونى أحدث إنتاج من قهوة تيم هورتونز cof): قهوة

;)

تحياتى

سوسورانى

[wafa]

سوسوراني

مذهل

في انتظار الباقي

[SoSo R]

أعزائى وفا وزهيرى

أشكركم على الترحيب المبكر اللى دخل قبل ما أقول الكصة السرية الحكيكية...يعنى بوظتولى التسلسل الدرامى...

وبعدين مغرب إيه يا زهيرى؟!!!

دة إحنا نص الليل و الساعة واحدة الفجر...و أنا هادخل أنام

أنا بس عايزة اشكر كل اللى هنانى بسلامة الوصول فى مواضيع الدكاترة بتوعنا و أسفة إنى مارديتش بسبب عدم توافر كىبورد عربى وكنت باستخدم واحد مش بتاعى

و كتبت 3 مداخلات بالضبط كان لا بد منهم...واحدة عند د/تهامى

واحدة عند د/هشام عشان الصور الحلوة

واحدة عند باشمهندس إيهاب أهنيه على القهوة اللى إتفتحت و أنا ما عنديش نت ولو إنها متأخرة جدا

غير كدة ماكنتش أقدر أزود كلمة تانى بالأنجليزى لحسن العسكرى الأخضر يسحب رخصتى...أو الناس تقول راحت كندا و أتفرنجت و هتقرفنا

وما تخافش يا دكتور حسام يوسف...مش هنأجر منهم أرضية :lol:

وهادعيلك بالعند فى ناس إصحابنا :lol:

تحياتى

سوسورانى

[MZohairy]

http://www.youtube.com/watch?v=_cHUlR4B37Y

شاديه

ماشافش الأمل في عيون الولاد :lol:

اصله معداش على مصر

مفيش حد بيتجمل عليكي يا شريفه

اللي اداكي الفلوس دي كندا

خلينا نتقابل على قهوة استانبيلوس عشان نشوف الخطه يا سوسو ليفي

قصدي يا سوسوراني :lol:

[somayasaleh]

- سمية و زناتى و قبليهم دكتور قناوى متعاقدين مع القسم المختص بالناس اللى لسه فى الأول ....لما يهاجروا ...هنغير عقودهم

ياصباح النور والورد والياسمين علي ست الحلوين 005

عارفة يا سوسو يا أختي.......انا مت من الضحك وان عمالة اقرأ التوبيك بتاعك الجديد

بس بجد تحفة.... ما شاء الله......ياريت تحجزي لي رقم 007

ربنا يوفقك في كل خطواتك

علي فكرة انا عارفة مين البوص تربل زيرو........هو حاول يكلمني. mf_p: ... ويبعت لي في مسيجات :) ...وايميلات...... :stop: وكدهوت يعني......

بس انت قلت اشوف ح يتعملوا مع الستات ازاي....وبعدين وافقت في النهاية ابقي بارت تايم تحت التمرين.....وذلك لضيق ذات الوقت.....

كانت معكم من قلب الاحداث البري اجينت :lol: 007

:lol: :lol:

[الأهلاوي الأصيل]

حمد لله على السلامة يا سوسوراني...الكويت ضلمت وأونتاريو نورت

عقبال ما تضلم كمان وكمان لما أنا أسيبها إن شاء الله :lol:

بس عايزين جد بقى...خشي في المفيد على طول....في الانتظار

[hamoudi]

حمد الله على السلامه ياسوسو راني وبداية مشجعه شكلك مش هاتخلينا نحتاج نسألك وخصوصا بعد مارجالتنا عملوا معاكي الواجب فى مطار تورنتو

[medopharm]

جمدالله على السلامه

وحياه سعيده ان شاء الله

[ايناس احمد]

حمدالله على السلامه ياسوسو وانتى دايما كدا بتاعت مفاجئات بس مفاجئات جميله معلشى اصلى مدخلتش المنتدى من زمان لظروف خاصه

اونتاريو نورت وشكل التوبيك بتاعك حيبقى دمه خفيف قوى وحيجذب الاعضاء كلهم

استمرى وبالتوفيق ان شاء الله ونسمع عنك كل خير

[medopharm]

والله انا كان ليا طلب مش عارف

اذا كان ممكن ولا لأه يامدام سوسو

ممكن تغيرى حجم او نوع الخط اصله حقيقى مرهق جدا فى القراءه

وموضوعك فعلا شيق ومهم ومحتاجين نتابعه

وتقبلى تحياتى

[astrophy]

مبروك وصولك كندا ومبروك كمان على القهوة الجديده عايزين منافسه شرسه بين القهاوى وبعضها ربنا يبارك ليك يارب ويوفقكم جميعا

[Nassarlink]

الف حمد الله علي السلامه يا سوسوراني

ايوه كده عاوزين صوت المرءه يرتفع في السماء

وعاوزين منك تقومي بتجنيد عضوات جدد من عندك

مش عاوزين بس اعضاء من محاورات مصر سافروا الي كندا

عاوزين كمان محاوراتيه من كندا

[حسام يوسف]

توبيك رائع

وبداية مشرفة جدا يا د.سوسوراني

الف مبروووك

[صعيدي من مونتريال]

http://www.youtube.com/watch?v=_cHUlR4B37Y

شاديه

ماشافش الأمل في عيون الولاد :)

اصله معداش على مصر

مفيش حد بيتجمل عليكي يا شريفه

اللي اداكي الفلوس دي كندا

خلينا نتقابل على قهوة استانبيلوس عشان نشوف الخطه يا سوسو ليفي

قصدي يا سوسوراني :lol:

يا ترى حيدفعولي انا كومان :lol:

ولا عيدحكوا علي :lol:

[safaalabana]

DEAR agent 005 sorry for writing in English...... actually the secret ink finished.... I want to tell u that there are lot of secrets to be discussed ....... anyhow your start is so strong..... : :

[znaty]

لا والف لاااااااااااا

موش انا اللي ابيع نفسي بالسهولة دي للسلطات الكنداوية

انا ماخدش في العملية دي ااقل من عشيين جنيه حتة واحده

بس نظرا لوضعي الحالي مع الايلتس

ممكن ...باقول ممكن ..لو سافرت وشربوني حاجة اصفره ابقي العميل 0065768435

دكتور قناوي هايعترف من غير تعذيب مع اول شخطة نفسه يهج امبارح قبل النهاردة

يادوبك يعني

الف الف حمد الله على السلامة يا د سوسو وكلنا شوق لمتابعة القهوة دي ومعرفة اخبارك

الا بالمناسبة

هو مافيش مشروع ناجح في المنتدي دة غير القهاوي ؟؟؟؟

مافيش مدارس مستشفيات شركة نصب عقاري اي حاجة يعني :lol:

المنتدي بقى من اكبر مستوردي المعسل في العالم

بالتوفيق ومتابعين

[د هشام ابراهيم]

من العميل 003 إلي العميلة 005

الراجل تربل زيرو ده واضح إنه ناوي يديلك مهمات خطيرة ...معقولة جندك من أول المطار؟ ...عمرها ما حصلت مع أي عميل قبل كده ...... لا لا لا .... ده مش بعيد كمان يمريسك علينا و يخلي قهوتك الفرع الرئيسي

بس خللي بالك بقي الراجل إيديه ماسكة أوي في الفلوس و بيغلبنا علي ما يدفع اللي عليه ...أوعي يا 005 يضحك عليك و تلاقي نفسك في الاخر شغالة ببلاش

متابعين و مستمتعين يا 005 .....يا رب تنضمي لمنظمة الدروب جوز wst::