هل قامت السعودية بفتح باب إستقدام الخادمات من مصر وما الموقف المصري من ذلك

[metwallly]

السلام عليكم ورحمة الله وبركاته

إمبارح وانا فى الشغل جالى واحد سعودى وقال لى أنا عاوز تفويض علشان إستقدام عاملة منزلية من مصر

قلت له مافيش عاملات منزليات من مصر قال لا فيه والتآشيرة موجودة معايا المهم ما أقتنعتش إلا لما شفت

التآشيرة وآخذت صورة منها ورقم التآشيرة 1102159391 وتم عمل التفويض لمكتب فى مصر آسمه شركة سفير ورقم الترخيص 165شركات.

فهل فعلا تم فتح باب إستقدام الخادمات من مصر !!!!!!!!!!!!!!!!!

وما الطريق لمنع ذلك!!!!!!!!!

وعلى فكرة الخادمة اللى كان عاوزها من مصر كان عارفها بالإسم وكان عاوز يعمل التفويض بأسمها

بس إحنا رفضنا قلنا له لازم بأسم مكتب

تم تعديل 1 يوليو 2009 بواسطة metwallly

[زعلان]

كل شيء جايز في عصر مبارك بس يا ترى ايه نوع الخادمات الي حيجيبوهم من مصر يعني حيبقو أم سعيد و أم ياسر زي الي بيشتغلوا في بيوت الطبقة الوسطى في مصر ولا حتيجي شغالات من نوع اخر و ربنا يخيل الست ام علاء (سوزان) الي بتدافع عن المرأة المصرية لحد ما جابت داغها

[المخنوق دائما]

فعلا (الست) عائشه عبد الهادى وزيرة القوى العامله بتحاول من زمان تودى خادمات مصريات للعمل بالسعوديه

وكانت عامله عدد مستهدف للخادمات المصريات بالسعوديه فى عام 2010 مليون خادمه مصريه

وفعلا وقعت وزيرة قوى والهجرة المصرية عائشة عبدالهادي مذكرة تفاهم مع رئيس اللجنة الوطنية للاستقدام بالمملكة سعد البداح بشأن استقدام العمالة المنزلية المصرية في عدد من التخصصات التي أهمها المربيات - الطاهيات - الحاضنات - المشرفات المنزلية، وغيرها من التخصصات الأخرى. وبين نائب رئيس اللجنة محسن العميري أن المذكرة حددت شروط الاستقدام وفي مقدمتها أن لا يقل عمر المستقدمة عن 22 عاماً ولا يزيد على 50 عاماً وأن يكون الراتب الشهري 800 ريال

وأذكر ان المملكه كانت قد منعت استقدام خادمات مصريات لفتره كبيره وذلك لأسباب عده

منها ان اكثر التأشيرات كانت تباع (للعاهرات) بدلا من الخادمات وهذا يبرر سمعة المصريات عند الخليجيين

أو انها تأتى كخادمه ولكنها تجبر على الرذيله

بس اللى اعرفه ان نواب مجلس الشعب عملو احتجاج من ومنعوا هذه الاتفاقيه لأنها ستسىء الى سمعة مصر والمصريين

أكثر مما هى سيئه

غير أنها ستساوى المصريات بالفليبينيات والسيريلانكيات وبالتالى سوف ينظر الينا الخليجيون كما ينظر اليهم

منها لله عائشه عبد الهادى وكل من يوافقها فى هذا القرار

وأظن ان مصر مش ناقصه اساءه الى سمعتها أكتر من كده

وفى النهايه المفروض محدش يوافق على عمل المصريات كخادمه بالخليج ويقول بسبب الظروف الاقتصاديه والفقر والكلام ده

ولكن اذا قبل احد هذا على امه او اخته او زوجته او ابنته فلا يلوم الا نفسه

وياترى يامصر هتعملى ايه تانى فى ولادك

خسارة وألف خساره

[عنبو]

ايه الحاجات اللى تنرفز دى على الصبح بجد لو الخبر ده صحيح الواحد مش عارف هيعمل ايه ؟؟ ايه الزفت ده هو احنا كل لما نحاول نحسن الصوره يجيم هما ينلوها بنيله ؟؟

الموضوع ده كانت السعوديه طلبته من زمان ومصر كانت موافقه بس الناس المصريين اللى هنا الله يجازيهم خير وقفوا وقفه ومنعوا الموضوع ده بس لو رجع تانى دى تبقى فضيحه ؟؟؟؟

[pink rose]

يا نهار مالوش ملامح

الكلام دا لو حصل بجد يبقى خلاااااااااااااص على مصر و المصريين السلام

البقاء لله في الكرامة المصرية يا جماعة

[skyed]

العمل ليس عيب

ولكن العيب في طريقة تعامل بعض السعوديين مع الخادمات !!!!!

عبيد ليس اكثر او جواري

اذا تعصبت و قلت حرام يا جماعة , قالوا بكل جهل عن احكام الدين او قواعدة او شروطه ....((( ما ملكت ايمانكم ))) !!!

سبحان الله !!

يحدث هذا مع الكثيير من الخادمات من اندويسيا و الفلبين و شرق اسيا عموما !!! و الان يريدون المصريين !! تغير الصنف

العبودية مازالت في السعودية !!! ولكن مستترة

[metwallly]

السلام عليكم ورحمة الله وبركاته

ياجماعة أنا عندى فعلا صورة من التآشيرة وتفويض للمكتب فى مصر ووقعت تحت إيدى صدفة بحكم

عملى فى مكتب إستقدام بس اللى عاوز أتآكد منه هل الموضوع مفتوح بشكل موسع ولا التآشيرات دى

بتطلع بالواسطة لناس معينة ياريت لو حد يعمل لنا إتصالاته ويكون يعرف حد يتآكد لنا منه

وبرده لو حد عنده إتصال مع السفارة المصرية يشوف لنا أيه موقفهم والآوضاع ماشية إزاى عندهم

[سهل جدا]

يا جماعة ازاي بس تستقدم خادمات, وفيه أزمة نقص خادمات في مصر

أسر ميسورة جدا في مصر دايخة على شغالات ومش لاقيين

وبعدين مرتباتهم في مصر كويسة، وهنا في السعودية مرتب الخادمة حوالي 700 ريال , يعني حوالي الف جنيه

ولا ليهم لازمة الألف جنيه دلوقتي طبعا، وبسهولة تحصل الخادمة عليها في مصر ..

وبعدين الموضوع ده نوقش من حوالي سنتين في مصر, ووزيرة العمل قالت: مستحيل تطلع خادمات من مصر طول ما أنا في الوزارة..

[pink rose]

ايوة احنا فعلا لازم نشوف الموضوع دا مع السفارة

اظن الاخ هشام عبدالعزيز عضو هنا و في موقع الجالية المصرية و الاخ محمد يوسف كمان

و اتمنى يكون ليهم علاقات بناس من السفارة المصرية

يا ريت الاخوة دول يسالوا و يعرفولنا الموضوع

[se_ Elsyed]

السلام عليكم ورحمة الله وبركاته

ياجماعة أنا عندى فعلا صورة من التآشيرة وتفويض للمكتب فى مصر ووقعت تحت إيدى صدفة بحكم

عملى فى مكتب إستقدام بس اللى عاوز أتآكد منه هل الموضوع مفتوح بشكل موسع ولا التآشيرات دى

بتطلع بالواسطة لناس معينة ياريت لو حد يعمل لنا إتصالاته ويكون يعرف حد يتآكد لنا منه

وبرده لو حد عنده إتصال مع السفارة المصرية يشوف لنا أيه موقفهم والآوضاع ماشية إزاى عندهم

ياريت يا أستاذ متولي لو في أستاطعتك تعمل سكان للتأشيرة وتحذف طبعاً أي اسامي شخصية أو أسم مؤسسة وتضعها هنا

لأني أنا شخصياً لن أسكت إذا كان الموضوع حقيقي ...

ووعد مني ... أقسم بالله سأوصله لمبارك نفسه لو أستطعت ...

أنا لا واصل ولا عندي نفوذ ..

لكنني مصري حُر ... واقول للاعور إنت أعور في عينه ... حتى لو كان رئيس جمهوريتنا ...

[se_ Elsyed]

تعليق صغير على عنوان الموضوع

السعودية مش هي اللي بتفتح وتقفل ..

السعودية ممكن تنظر للموضوع بدون حزازية ...

بيزنس وعرض وطلب ... وبالنسبة للمهنة دي هاتبقى مصر زيها زي الفلبين وأندونيسيا .... إلخ

لكن العيب علينا احنا ...

ولن اتحدث او انفعل وأُطالب بإننا كمجموعة مصرية مثقفة غيورة على بلدها ممكن نعمل إيه ... وبإذن الله في إيدنا حاجات كتيرة نعملها حتى لو وصلت للعنف ضد كل من تسول له نفسه بأن يتخذ قرار قذر مثل هذا .... فدعونا نتأكد أولاً وبالتالي نرى ماذا في يدنا لنفعله ...

[rewsha]

يا جماعة ازاي بس تستقدم خادمات, وفيه أزمة نقص خادمات في مصر

أسر ميسورة جدا في مصر دايخة على شغالات ومش لاقيين

وبعدين مرتباتهم في مصر كويسة، وهنا في السعودية مرتب الخادمة حوالي 700 ريال , يعني حوالي الف جنيه

ولا ليهم لازمة الألف جنيه دلوقتي طبعا، وبسهولة تحصل الخادمة عليها في مصر ..

وبعدين الموضوع ده نوقش من حوالي سنتين في مصر, ووزيرة العمل قالت: مستحيل تطلع خادمات من مصر طول ما أنا في الوزارة..

في ازمه في مصر؟؟؟؟

دول كتير جدا.بس اتبعوا نظام العمل بالساعه .

يعني خلاص مافيش موضوع تاخدي كام في الشهر يا ام ابراهيم؟

دلوقتي بقت تحدد الساعه اللي هاتيجي فيها والساعه اللي هاتروح فيها والمبلغ اللي هاتاخده من حضرتك

ولو الشغل زياده شويه والوقت خلص بتقول لك نكمل بكره والحسابه بتحسب من جديد

ثم ان ايه يعني يبقى في ازمه في مصر عادي جدا ان يكون في ازمه وانهم يفتحوا باب الاستقدام للمهنه دي

كل حاجه ممكن في مصر

كمان اللي بتسافر .رغم ان المرتب بيكون مش كبير لكن بيتهياْ لها انها مسافره السعوديه وهاتروح تغرف من هناك وتحول على مصر وتشتري الفيديو والمروحه

وهاتحج وهاتعيش في نعيم (انا باقول بيتهياْلها)

لكن الواقع غير

بالظبط زي الناس المتعلمين(ومؤهلات عليا) اللي بيسافروا على مرتبات ضعيفه مثلا 1500 ريال وبعد كده بقولوا ياريت اللي جرى ماكان

[Egypt]

الموضوع كارثة بكل القاييس

اللهم الطف بنا

انا مع اى حر يقوم باى خطوة لهذا الموضوع حتى لو نزلنا مصر واعتصمنا لمدى الحياه

وبعد كرامتنا يبقى فيه ايه تانى

[biopasha]

يا نهار ..................

دة الموضوع دة لو صحيح تبقي مصيبة

حسبي الله ونعم الوكيل

[elfakhrany]

منتظرين يا أستاذ متولى صورة التأشيرة بعد حذف أى بيانات متعلقة بالمكتب أو المستفيد ..

[metwallly]

السلام عليكم ورحمة الله وبركاته

للأسف ياجماعة ما فيش عندى إسكانر وياريت لو حد من الآخوة زى سين سين

أو أى حد مهتم بالموضوع يراسلنى على الخاص وأنا أبعت له صورة التأشيرة بس يوعدنى انه

يحذف بيانات صاحب التأشيرة قبل ما يرفعها على الموقع

[herohero]

انا في راي لو ده حصل لازم بجد يبقى فيه وقفه لكل المصريين مش بس اللي ف السعوديه كل دول الخليج لان ده هيضر الكل انا والله مش ضد اي عمل شريف لكن كلنا عارفين عقلية الخليج وخاصة السعوديين مع كامل احترامي بينظروا للخادم او الخادمة انها عبودية ده احنا مهندسين ودكاتره ومحاسبين واي مهنة مش خالصين وبيتعاملوا كاننا جايين نسرق فلوسهم مش دول يا حاجه عائشه ولا يا سيادة الريس اللي تبعت بناتكم يشتغلوا ف بلادهم

وصدقوني لو ده اصح ف ع الاقل نجمع كلنا ونروح السفاره نطلب وقف المهزله ده

ونبدا محاولات الاتصال بالبرامج الجماهيريه زي البيت بيتك ولاعاشرة مساء و90 دقيقه والحياة اليوم وعلينا وعلى الصحف الجريئه كالمصري اليوم وغيره

صدقوني لو ده حصل لهتكون وقفه قوية ، ده احنا مش هنعرف نمشي ف البلد ده الافلام الفاشله والاعلام الفاشل اللي بيظهر المراة المصريه ف ادوار سيئة مش سالمين منه ، يبقى ده يحصل ويشوفوا

[capitshino]

انا مش متخيل انى اشوف اسرة سعودية فى مول ولا فى حديقة وبنت ولا ست مصرية شايلة الاولاد ولا بتلاعبهم زى ما بنشوف كلنا

حاجة تزعل فعلا

[سهل جدا]

نكتة لسه جايالي بالإيميل دلوقتي

بس الشاطر اللي يعرف إيه علاقتها بالموضوع ده !!!

يقال أن أحد الحدائق في السعودية أحضرت نمر من دولة أفريقية

فرح النمر وقال بس.... رح بنشبع من الكبسة والمندي والحاشي والمضغوط

في اليوم الأول أحضر الحارس للنمر الطعام، فرما له موز في القفص

في اليوم الثاني فعل نفس الشيء ورما له الموز على العشاء أيضاً

إستغرب النمر من ذلك التصرف

و في اليوم الثالث مسك النمر الحارس وقال له: أنا ايش ؟

رد الحارس : نمر

طيب وش آكل ؟

رد الحارس: لحم

طيب وين اللحم ؟

رد الحارس:

أنت جاي بفيزة قرد !!!!

[عندى أمل]

يقال أن أحد الحدائق في السعودية أحضرت نمر من دولة أفريقية

فرح النمر وقال بس.... رح بنشبع من الكبسة والمندي والحاشي والمضغوط

في اليوم الأول أحضر الحارس للنمر الطعام، فرما له موز في القفص

في اليوم الثاني فعل نفس الشيء ورما له الموز على العشاء أيضاً

إستغرب النمر من ذلك التصرف

و في اليوم الثالث مسك النمر الحارس وقال له: أنا ايش ؟

رد الحارس : نمر

طيب وش آكل ؟

رد الحارس: لحم

طيب وين اللحم ؟

رد الحارس:

أنت جاي بفيزة قرد !!!!

ههههههههههههه

قديمة

فيه أخ هنا كتبها قبل كده زمان

بس الفرق إن بطل النكته كان أسد مش نمر