الهجره نعم ولا , (مقاله من المصرى اليوم,للتوعيه وليست للاحباط)

[ahmedib]

اخوانى الافاضل, السلام عليكم ,,

قبل اى شى , لازم اوضح لاخوانى انا بحلم وباسعى بكل قوتى للهجره من زمان زى كل الناس اللى بتشارك فى المنتدى , وقدمت من سنه 2005 وتعبت كتير فى الملف بتاعى واتقفل وفتحته تانى ومشاكل مع "المستشار الافاق" اللى كلنا عارفينه واتاخرت سنه كامله, واجتهدت كتير فى الشغل والدراسه عشان اغير مجالى واحضر نفسى لتنفيذ مشروع هجره ناجحه باذن الله , وربنا كرمنى وبقوم بالكشف الطبى (انا وزوجتى وابنى) حاليا فى مصر (انا حاليا 30 سنه) . ربنا يسهل نويت السفر باذن الله على اول السنه الجديده .

يمكن الناس اللى قريت فى موضوع تحضير المقالبه لكيبيك يكونوا قروا المشاركات بتاعتى عن المقابله اللى كتبتها بالتفصيل الملل .

المهم,,,, المقدمه دى لابد منها عشان لا يتهمنى احد الاخوه الافاضل انى باحبط حد , او بنشر اى مشاعر سلبيه تجاه مشروع الهجره , لا والله اعلم بنيتى , انا زيكم تمام وهنسافر قريب ان شاء الله , وبحلم وبخطط لها من زمان , دا انا حتى ما ليش اى خطط لحياتى فى مصر بلدى , كل حاجه لما نهاجر كندا باذن لله.

كل الموضوع انى لقيت تجربه " واقعيه جدا " , بإيجابياتها وسلبياتها منشوره فى جريدة ذات مصداقيه وحبيت اشاركم معايا فيها , وكمان الاخوه اللى سبقونا فى كندا يحللوا وينقدوا ويوضحولنا الدنيا من منظور المقاله دى عامله ايه , ورايهم فى الكلام ده والظروف هناك عامله ايه . وكمان خايف من المجهول اللى انا رايحله وسايب عشانه اهلى وبلدى وشغلى ودنيتى كلها فى مصر. (اكيد المغامره مطلوبه برضه) .

صحيح المقاله فيها كلام صعب شويه وتجربه صعبه , لكن فى نهايتها نصايح غاليه وكمان عمليه وحقيقيه. اتمنى الناس اللى بتفكر فى مشروع الهجره تعتبرها كويس وهيا بتفكر .

اتمنى تفيدونا بارائكم وتجاربكم .

المقاله دى فى "جريدة المصرى اليوم" عدد : الثلاثاء 16 يونيو 2009 .

اصل المقاله فى الرابط الاتى :-

http://www.almasry-alyoum.com/article2.asp...mp;IssueID=1438

محتوى المقاله :-

=============================================

الهجرة.. نعم ولا

بقلم: عائشة عبدالمحسن أبوالنور 16/ 6/ 2009

وصلتنى رسالة عبر بريدى الإلكترونى أنشر ملخصها لما تحويه من خبرة مفيدة لكل من يفكر فى أخذ طريقه فى اتجاه الهجرة خارج بلده.

القصة لشاب مصرى مقيم فى أحد بلدان المهجر، كان فى بداية حياته العملية يعيش حياة هادئة مستقرة فى مصر بعد أن تخرج فى كلية الصيدلة جامعة القاهرة، وتزوج من فتاة أحلامه التى كانت فى الوقت ذاته زميلته فى الدراسة.

فور تخرجه عمل فى الصيدلية التى يمتلكها عمه، وسكن فى الشقة التى تركها له والده بعد وفاته.. وبعد ثلاث سنوات من الانتظار والدوران على عيادات الأطباء أنعم الله عليه بولدين توأم.

كانت الحياة جميلة على بساطتها، عامرة بالدفء الأسرى، إلى أن جاء اليوم الذى توفى فيه العم، واشتعلت الحرب بين الورثة مما أدى إلى إغلاق الصيدلية.

فجأة وجد نفسه عاطلاً عن العمل بعد أن كان بمثابة مالك المكان ومديره.

بعد طول بحث عن عمل يماثل مكانته وخبرته السابقة، وبعد فشل محاولاته المتكررة، قرر الاستماع لنصيحة البعض من أصدقائه بالانضمام لفريقهم الذى باع أغلى ما يملك لأجل أن يحظى بفرصة لتقديم أوراقه إلى بلد المهجر.

بعد شقاء وعناء وطول انتظار، أخيراً جاءت الموافقة على الهجرة.

منذ البداية كانت زوجته ضد الفكرة، لكنها وافقت تحت ضغط يأسه وإحباطه من العثور على عمل مناسب هناك، فى ذلك البلد البعيد من القارة البعيدة، وكانت تجربته مريرة، فشهادته الجامعية القاهرية تعتبر عندهم ناقصة ومتخلفة عن ركب التقدم العلمى، وخبرته العملية لنحو خمسة عشر عاماً فى بلده اعتبروها بلا قيمة بالنسبة لمقياسهم فى سوق العمل، أما سنوات عمره التى تجاوزت منتصف الثلاثين، فاعتبروها كبيرة جداً بالنسبة لشخص فاقد للمؤهل العلمى والخبرة التى يتطلبها سوق العمل عندهم.

لم يبق أمامه إذن والحال كذلك ليسد احتياجات المعيشة الأساسية له ولأسرته، سوى القبول بالعمل كبائع متجول لبعض شركات الأدوية يتقاضى أجره بالعمولة، أما زوجته فلم تجد من وسيلة سوى العمل كبائعة فى أحد المتاجر بأقل أجر للساعة، وهو ما انعكس على علاقة الزوجين والأبناء بالسلب.

يقول صاحب الرسالة: أكتب لك عن تجربتى لتوعية شباب بلدى بالواقع المعيشى فى بلدان المهجر حتى لا ينخدعوا بمظاهر الرفاهية الحضارية هناك. فالنجاح هنا يحتاج لشروط ومواصفات خاصة للشخصية، أهمها أن يكون فى مقتبل سنوات عمره العشرين، وأن يكون معه رأسمال يكفى لإعالة نفسه لمدة عامين قبل العثور على عمل مستقر.

كذلك أن يكون قادراً على دفع المصروفات الدراسية الباهظة للحصول على مؤهل علمى مهما كان بسيطاً حيث بدونه لن يتم قبوله فى سوق العمل هناك ذات المواصفات التنافسية العالية، كما تعتبر ميزة كبيرة أن يبدأ سنواته الأولى للهجرة وهو غير مقيد بمسؤولية إعالة زوجة وأبناء، وللأمانة أقول إن على المهاجر خارج وطنه بعيداً عن أهله وأصدقاء طفولته، اعتبار نفسه غصن شجرة بلا جذع يسنده ولا جذور تغذيه.

ولتعويض هذا الوضع الهش عليه أن يكون قد تربى منذ طفولته على مواصفات خاصة للشخصية، من أهمها الاستقلالية، الاعتماد على الذات، الواقعية العلمية عند أخذ القرار، إضافة إلى المقدرة النفسية على سرعة التأقلم مع الظروف الاجتماعية والاقتصادية المتغيرة باستمرار.

فى نهاية الرسالة يدعو كاتبها كل من يرى فى نفسه هذه المواصفات كاملة دون نقصان، أن يتخذ خطواته نحو الهجرة بثقة واطمئنان، أما من يفتقد لجزء بسيط منها فيقول له عن تجربة: «لا وألف لا».

=============================================

تحياتى

احمد ابراهيم

[أحمد سيف]

الراجل ده كلامه مظبوط ... اللي مش قد الهجره يقعد في مصر أحسن ... الهجره ليها ثمن ومحتاجه تعب وصبر وتضحيات لحد ما الإنسان يقدر يعدل وضعه وتستقر حياته، واللي مش مستعد لكل ذلك بالعزم والتخطيط والنية الصادقة في العمل الجاد والمتواصل فالحياة في المهجر بالنسبة له ستصبح عذاب وسيندم على قرار الهجرة.

[moheltohamy]

زميلنا الفاضل أحمد إبراهيم...

بعد استيفاء ردود الزملاء في المنتدى في موضوعك هذا ، سيتم دمج الموضوع مع موضوع د. حسام والخاص بمناقشة المخاوف التي تدور حول الهجرة... فالفكرة العامة واحدة.

الغرض تنظيمي لا غير.

[Phizer]

اولا بس اقلك حمدلله على السلامه يا استاذ احمد بعد الغيبه الطويله

انا والله العظيم كان نفسي اوصل نفس الفكره الي انت قلتها دي بس كان كل خوفي ان الناس تهاجم وتظن السوء

المهم انا معاك الف في الميه فعلا الهجره مش الحل لكل المشاكل الي فالدنيا يعني ممكن الواحد يخلص مش مشاكله فمصر يقع فالي اكبر منها فكندا مجتمع جديد وغريب عننا وعن عادتنا وعن دينا وعن تفكرنا ولغتنا كل حاجا مختلفه تقريبا

الهجره متمشيش ابدا بساسه القطيع

يعني مش عشان فلان سافر يبقا كله يقلده انا شايف ناس مشاء الله ناجحه فمصر وناس تانيه يشرفو فالخليج فياجماعه الي مش حاسس انها مخاطره يبقا غلطان لا لازم تبقا عارف بالظبط انت هتعمل ايه وانت قدها ولا لاء والا فعلا هتتصدم بتجربه في منتهى السوء

تم تعديل 1 يوليو 2009 بواسطة Phizer

[التونسى]

فرق شاسع بين الهجرة ..وبين الهروب ..

[MZohairy]

مش لكندا و استراليا بس

حتى السفر لدول الخليج كثيرا ما يكون فاشل

يعني هي مسألة تخطيط و تنظيم و استعداد

لكل انواع السفر الطويل

[biopasha]

كذلك أن يكون قادراً على دفع المصروفات الدراسية الباهظة للحصول على مؤهل علمى مهما كان بسيطاً حيث بدونه لن يتم قبوله فى سوق العمل هناك ذات المواصفات التنافسية العالية، كما تعتبر ميزة كبيرة أن يبدأ سنواته الأولى للهجرة وهو غير مقيد بمسؤولية إعالة زوجة وأبناء، وللأمانة أقول إن على المهاجر خارج وطنه بعيداً عن أهله وأصدقاء طفولته، اعتبار نفسه غصن شجرة بلا جذع يسنده ولا جذور تغذيه.

ولتعويض هذا الوضع الهش عليه أن يكون قد تربى منذ طفولته على مواصفات خاصة للشخصية، من أهمها الاستقلالية، الاعتماد على الذات، الواقعية العلمية عند أخذ القرار، إضافة إلى المقدرة النفسية على سرعة التأقلم مع الظروف الاجتماعية والاقتصادية المتغيرة باستمرار.

بصراحة انا شايف ان الكلمتين دول هم الخلاصة

يعني كل واحد عايز يهاجر يكون عندة الصفات دي او جزء كبير منها

والعزيمة ووضوح الهدف اهم حاجة

ولو مش حصل نصيب يرجع تاني ومفيش مشاكل ان شاء الله

تحياتي :roseop: :roseop:

[ahmedib]

المقاله دى من جريدة الاهرام الثلاثاء الماضى : 6 اغسطس 2009 .

http://www.egynews.net/wps/portal/articles?params=73615

رسالة إلي المهاجر‏

بقلم : مصطفي سامي *

اذا كان الهدف من الهجرة هو البحث عن فرصة عمل امتنعت علي الشباب في أوطانهم‏,‏ فليست هذه الأيام هي الأفضل لاتخاذ قرار الهجرة‏,‏ فالدول الجاذبة للمهاجرين تعاني من معدلات البطالة المرتفعة بسبب الأزمة الاقتصادية التي تسببت في الاستغناء عن آلاف العمال في هذه الدول التي تواجه قلاقل الآن نتيجة إرتفاع معدلات البطالة‏,‏ ومواجهة إضرابات وإحتجاجات العمال العاطلين‏.‏

نصيحتي لمن قرروا المخاطرة والانتقال الي العالم الجديد‏,‏ أن يحملوا معهم تذكرة سفر ذهاب وعودة تحسبا للعواقب‏,‏ وضمانا للرجوع الي حضن الوطن الأكثر دفئا وتحملا لآلام العاطلين‏.‏

واذا كان عشرات الآلاف من الكنديين فقدوا وظائفهم في العام الماضي بسبب الركود الاقتصادي‏,‏ فان نسبة البطالة بين المهاجرين الجدد ممن وصلوا كندا خلال السنوات الخمس الماضية أكثر من ثلاثة أضعاف الذين ولدوا في كندا‏.‏ واذا كانت الأيام الصعبة قد مرت‏,‏ وبدأت كندا تشهد قدرا من النمو‏,‏ لكن الانتعاش سوف يحمل معه آلاما هائلة للمهاجرين الجدد‏.‏ وقد أجرت هيئة الاحصاء الكندية ـ وهي مؤسسة حكومية فيدرالية ـ دراسة عن العمالة بين المهاجرين‏,‏ تبين منها أن المهاجرين حديثا هم الضحايا الأكثر للركود الاقتصادي بين القوي العاملة‏.‏ فهم يجدون صعوبات بالغة لدخول سوق العمل‏.‏ وتقدر نسبة البطالة بين المهاجرين الجدد‏11,5%‏ بينما تبلغ هذه النسبة بين مواليد كندا‏4,5%.‏

وعندما يتقرر الاستغناء عن بعض العاملين‏,‏ فالاختيار يقع في العادة علي الجدد‏.‏ يضاف الي ذلك أن غالبية المهاجرين الذين قدموا الي كندا في السنوات الخمس الماضية التحقوا للعمل بشركات الصناعة والبنوك وبعض قطاعات الخدمات مثل السياحة والنقل‏,‏ وقد اضطرت هذه المؤسسات في العام الماضي بسبب الأزمة الاقتصادية للاستغناء عن آلاف العمال ومن المتوقع أن يستغني خلال الشهرين القادمين عن حوالي مائة ألف عامل آخرين‏.‏

السطور السابقة ليست بهدف تخويف المقبلين علي الهجرة الذين يتصورون أن الطريق سهل وممهد لبلوغ الجنة‏,‏ لكنها لمجرد التحذير والمطالبة بالنزول بسقف الأحلام لحدود الواقع الصعب‏,‏ منعا للصدمات والاحباطات‏.‏

الاهرام*

[Nassarlink]

شكرا يا احمد علي التوعيه دي

وفعلا ان قرار الهجره من اصعب واخطر القرارات اللي بيتخدها الانسان في جميع مراحل حياته

وان الظروف اللتي سوف يمر بها في الفتره الاولي من هجرته سوف تكون من اصعب ما يكون

وخصوصا اذا كان لا تتوفر فيه الشروط اللي ذكرتها

وهي سنه صغير

ولدييه من تحويشه العمر ما يكفيه لمواجهة الاحوال الجديده اللتي وضع نفسه فيها

لكن انا اري ان من كسر حاجز الثلاثين ولم يستطع ان ينجز ما كان يصبوا اليه في ريعان شبابه

وفي احضان الوطن الداقئه

فالافضل له ان يقضي باقي عمره بعيدا عن هذا الدفئ

وان يتجه الي المناطق البارده قليلا ربما وجد فيها ضالته

فلو كرر ما كان يفعله في وطنه الداقئ مره اخري

فسوف تكون النتيجه واحده

ولكن

ان كان هناك من قرر الهجره

فعليه ان يتحمل تبعات قراره مهما كانت

نصّار

[MZohairy]

والله انا شايفها احسن من غيرها

البلد دي بتدي المهاجر دعم مادي فوري في حالة اثباته انه صرف كل المبلغ اللي جايبه معاه (صحيح مبلغ مش كافي بس احسن من مفيش) و مش صحيح حكاية انه لازم ينتظر 6 شهور او سنتين قبل الحصول على الدعم

البلد دي بتدي مبلغ شهري لكل طفل من الأسره و اهو بيساعد ايضا

الدراسه في الجامعات للمهاجر اللي عايز يعادل شهادته ممكن تبقى عن طريق القروض الحسنه او احيانا المنح الغير مردوده

دراسة الاطفال في مدارسهم مجانا

علاج الأسره مجانا في ولايات و برسوم تأمينيه بسيطه في ولايات أخرى (بدون الاسنان و العيون الا في الطوارئ)

ده كله طبعا غير احساسك بإحترام الجميع لك في اي مكان

اعتقد ان هذه المميزات ليست بسيطه

لا انكر ان الحصول على عمل ليس بالأمر الهين

لكن هو فين البلد اللي العثور على عمل فيه أمر سهل جدا؟؟؟؟

[جبار سينج]

مقاله فى الصميم فعلا

الذى يقرر الهجرة لا بد ان يتحمل تبعات وصدمات الهجرة

وانا معك يا استاذ زهيرى ان مميزات الهجرة لو تحققت تبقى اكبر من الخسائر

[محمود الكيميائى]

كلام سليم ومنطقى هناك مش الجنة بس لكل مجتهد نصيب

[ehabtaher]

كلنا عارفين الموضوع ده

انا شخصيا طبيب اشعه وعارف انى لما اروح مش حاعرف اشتغل بيها الا بصعوبه بالغه وقاعد ادور على كورسات فى المجال تكون رخيصه الواحد يبقى مستعد يدفع مصاريفها سواء هناك او هنا ويدرس فيها قبل مايروح علشان مايقولوش عليه جاهل

الله يجازيه بقى اللى كان السبب وخلى جامعات مصر ماتسواش بصله

[ehabtaher]

ممكن يا استاذ محمود كيميائى استفسر عن حاجه صغننه

هو يعنى ايه خطاب التخيير

[cherie]

ممكن يا استاذ محمود كيميائى استفسر عن حاجه صغننه

هو يعنى ايه خطاب التخيير

سيدي الفاضل

قبل ما السفارة تبعت تطلب ال-update بيبعتو جواب يسألك إنت لسة عايز تسافر ولا غيرت رأيك و نرجعلك فلوسك ... في حالة إنت ما غيرتش رأيك بطلبو منك إن لا ترد عليهم و لو غيرته بيطلبو العنوان اللي هيبعتو عليه الفلوس ...

[montrealAlex]

اسواء ما فى الهجرة ح يكون افضل من مصر

والنجاح فى الهجرة يعتمد على الشخص نفسة

خلاص ملكش حجة - فى مصر بتقول ان التعليم والمواصلات والصحة والجو والكوسة والواسطة

لكن انت الان فى المهجر -- اعتمد على نفسك وو رينا قدراتك

انما مش عارف امشى فى اللغة ومش عارف اعمل علاقات ولما مشيت فى الشوارع تهت ولما رحت الجامعة معرفتش افهم حاجة

يبقى تاخد الاتوبيس وتروح بيتكوا احسن

وشكرا

[Phizer]

اسواء ما فى الهجرة ح يكون افضل من مصر

والنجاح فى الهجرة يعتمد على الشخص نفسة

خلاص ملكش حجة - فى مصر بتقول ان التعليم والمواصلات والصحة والجو والكوسة والواسطة

لكن انت الان فى المهجر -- اعتمد على نفسك وو رينا قدراتك

انما مش عارف امشى فى اللغة ومش عارف اعمل علاقات ولما مشيت فى الشوارع تهت ولما رحت الجامعة معرفتش افهم حاجة

يبقى تاخد الاتوبيس وتروح بيتكوا احسن

وشكرا

صديقي العزيز منتريال اليكس انا اختلف مع كلامك وخصوصا اول جمله

اسوء ما في الهجره هيبقا اسوء مافي حياتك ((لا قدر الله طبعا))

في تجاارب ناجحه اه وبرضه في تجارب مؤلمه وانا اعرف ناس من هنا وناس من هنا

بس توفيق ربنا قبل اي حاجا والتخطيط الكويس والعزيييمه بالتعب

اما ان الناس تهاجر عشان غيرهم هاجرو ((سياسه القطييع))هي دي الناس الي بتتبهدل

[montrealAlex]

اسواء ما فى الهجرة ح يكون افضل من مصر

والنجاح فى الهجرة يعتمد على الشخص نفسة

خلاص ملكش حجة - فى مصر بتقول ان التعليم والمواصلات والصحة والجو والكوسة والواسطة

لكن انت الان فى المهجر -- اعتمد على نفسك وو رينا قدراتك

انما مش عارف امشى فى اللغة ومش عارف اعمل علاقات ولما مشيت فى الشوارع تهت ولما رحت الجامعة معرفتش افهم حاجة

يبقى تاخد الاتوبيس وتروح بيتكوا احسن

وشكرا

صديقي العزيز منتريال اليكس انا اختلف مع كلامك وخصوصا اول جمله

اسوء ما في الهجره هيبقا اسوء مافي حياتك ((لا قدر الله طبعا))

في تجاارب ناجحه اه وبرضه في تجارب مؤلمه وانا اعرف ناس من هنا وناس من هنا

بس توفيق ربنا قبل اي حاجا والتخطيط الكويس والعزيييمه بالتعب

اما ان الناس تهاجر عشان غيرهم هاجرو ((سياسه القطييع))هي دي الناس الي بتتبهدل

حبيب قلبى فايزر باشا

انا مقتنع بكلامك تماما -- الهجرة فيها كدة وفيها كدة

انا وجهة نظرى ان --1- فرد مجتهد وناجح فى مصر دا شخص نحت الصخر للوصول الى النجاح

2-او وصل للنجاح بطرق انت عارفها ودا مبيفكرش فى الهجرة لان مصر بالنسبالة الجنة المريحة

3- شخص مجتهد و غير ناجح بسبب انة لم يجد الطريق عدم وصولة للطريق الصحيح

4- شخص فاشل فى مصر

الاول نسب نجاحة فى الهجرة عالية والتانى غير مهتم بالهجرة اما التالت نسب نجاحة فى حياتة كويسة اما الاخير فليس من الضرورى ان يكون فاشل فى الخارج ايضا

الامر يرجع بالمقام الاول للشخصية وتوفيق الله تعالى

كما انى اقصد انة من الممكن ان تجد انسان فشل فى مصر نتيجة الظروف المحيطة

مثلا كل ما يقدم على شغل يلاقى الوسايط راح عمل مشروع جالة بتوع الضرايب ومكتب العمل والصحة والحى وحماية المستهلك وفى الاخر قال جاى قفلة

راح الخليج عرف ان نظام العبيد لسه منتهاش فى العالم راح مهاجر

كل ماسبق كان نتيجة الظروف الاجتماعية المهببة اللى احنا عايشنها

لكن فى الهجرة الحياة بتعتمد عليك مش انت اللى بتعتمد على الحياة

عايز لغة روح ادرس وبدل الشغل الكاجوال فى 100 اختار الى المناسب ليك

الدراسة اختار الوقت المناسب ليك علشان المعادلة

لو مش عاجبك غير المدينة -- مثلا من مونتريال الى تورونتو او من تورونتو الى كالجارى وهكذا

طيب بعد كل دة الفشل يجيى منين

طيب فايزر باشا انت تصدق ان كان فى اتنين مهندسين على مراكب الهجرة الغير شرعية -- دلوقتى بقوا من رجال الاعمال اصحاب البزنس

وما بين الاتنين قصص وقصص تثبت ان الموضوع بيعتمد على الشخص وقدراتة

[Phizer]

اسواء ما فى الهجرة ح يكون افضل من مصر

والنجاح فى الهجرة يعتمد على الشخص نفسة

خلاص ملكش حجة - فى مصر بتقول ان التعليم والمواصلات والصحة والجو والكوسة والواسطة

لكن انت الان فى المهجر -- اعتمد على نفسك وو رينا قدراتك

انما مش عارف امشى فى اللغة ومش عارف اعمل علاقات ولما مشيت فى الشوارع تهت ولما رحت الجامعة معرفتش افهم حاجة

يبقى تاخد الاتوبيس وتروح بيتكوا احسن

وشكرا

صديقي العزيز منتريال اليكس انا اختلف مع كلامك وخصوصا اول جمله

اسوء ما في الهجره هيبقا اسوء مافي حياتك ((لا قدر الله طبعا))

في تجاارب ناجحه اه وبرضه في تجارب مؤلمه وانا اعرف ناس من هنا وناس من هنا

بس توفيق ربنا قبل اي حاجا والتخطيط الكويس والعزيييمه بالتعب

اما ان الناس تهاجر عشان غيرهم هاجرو ((سياسه القطييع))هي دي الناس الي بتتبهدل

حبيب قلبى فايزر باشا

انا مقتنع بكلامك تماما -- الهجرة فيها كدة وفيها كدة

انا وجهة نظرى ان --1- فرد مجتهد وناجح فى مصر دا شخص نحت الصخر للوصول الى النجاح

2-او وصل للنجاح بطرق انت عارفها ودا مبيفكرش فى الهجرة لان مصر بالنسبالة الجنة المريحة

3- شخص مجتهد و غير ناجح بسبب انة لم يجد الطريق عدم وصولة للطريق الصحيح

4- شخص فاشل فى مصر

الاول نسب نجاحة فى الهجرة عالية والتانى غير مهتم بالهجرة اما التالت نسب نجاحة فى حياتة كويسة اما الاخير فليس من الضرورى ان يكون فاشل فى الخارج ايضا

الامر يرجع بالمقام الاول للشخصية وتوفيق الله تعالى

كما انى اقصد انة من الممكن ان تجد انسان فشل فى مصر نتيجة الظروف المحيطة

مثلا كل ما يقدم على شغل يلاقى الوسايط راح عمل مشروع جالة بتوع الضرايب ومكتب العمل والصحة والحى وحماية المستهلك وفى الاخر قال جاى قفلة

راح الخليج عرف ان نظام العبيد لسه منتهاش فى العالم راح مهاجر

كل ماسبق كان نتيجة الظروف الاجتماعية المهببة اللى احنا عايشنها

لكن فى الهجرة الحياة بتعتمد عليك مش انت اللى بتعتمد على الحياة

عايز لغة روح ادرس وبدل الشغل الكاجوال فى 100 اختار الى المناسب ليك

الدراسة اختار الوقت المناسب ليك علشان المعادلة

لو مش عاجبك غير المدينة -- مثلا من مونتريال الى تورونتو او من تورونتو الى كالجارى وهكذا

طيب بعد كل دة الفشل يجيى منين

طيب فايزر باشا انت تصدق ان كان فى اتنين مهندسين على مراكب الهجرة الغير شرعية -- دلوقتى بقوا من رجال الاعمال اصحاب البزنس

وما بين الاتنين قصص وقصص تثبت ان الموضوع بيعتمد على الشخص وقدراتة

عارف انا يمكن بأكد اوي على جزئيه ان الهجره متتخدش بمبدئ اشمعنا هما هيسافرو وانا لاء ليه؟

يعني مثال المهندسين الي كانو على مراكب الموت دول

ده نموذج لشاب شاف انه وصل للنهايه وربنا كرمه فالاخر تعب وشقي وفكر وطور نفسه واكييد ضحى بحاجات كتيير عشان يوصل للي وصله وفي غيره ودول الاغلبيه بيضيعو

يعني يمكن بيغظني اوي واحد لخمه ومش عارف ياخد اي خطوه فحياته ومشتت ويمين يمين شمال شمال ده هيسافر يعمل ايه؟

انت عارف مره بكلم واحد (محامي)بقله وانت عايز تروح كيبك ليه؟

الاجابه تتصور كانت ايه؟؟؟

الاجابه كانت:أصل انا ليا خالي هناك ملياردير(طبعا ده متصور الفلوس هناك بتنزل زي التلج) وهو قالي ان انا لما اروح كيبك هاخد الجنسيه وارجع بقا مصر و اتجوز اي بنت انا عايزها

يعني كل الفلم ده عشان يتجوز الي هتعجبه ساعتها....

طبعا ده مزودها واكيد الناس مش رايحه هناك للسبب ده

وبعدين بقا لو مش عاجباني منريال هروح فين(انت نسيت زي ما انا نسييت موضوعك بتاع الولاء لكيبك ولا ايه) شكلك بتلمع اؤكر يا مريالا

ربنا معاك ويرجعك لينا بال سي اس كيو انشاء الله

[magedghonim]

انا من رأي استاذ نصااار

هو طبعا السن الصغير احسن

بس في ناس جربت مصر و بعدها جربت الخليج

ومش قادرة توصل للي هي عايزاه

وشايفة انها عمرها مهتوصل ولو قعدت الف سنة لو كملت المشوار بنفس الطريقة

يبقى لازم هجرة وتغيير المسااار والتجارب

اكيد بتبقى مثمرة ومفيدة

والا هنعرف ازاي ان هناك احسن ولا اسوأ الموضوع نسبي للغاية

ومفيش اي ضمانات ... والندم شيء متوقع ....