فى حد فى الرياض عنده خبر

[aboyoumna]

السلام عليكم

ياريت يا جماعة لو حد عنده خبر اكيد عن تأشيرات الزيارات العائلية والتجارية يقولنا

لسه فيه تأشيرات بتطلع ولا اتوقفت عشان رمضان قرب؟

ولو فعلا اتوقفت هتفتح امتى؟

بسرعة الله يخليكو

[OmarBak]

العائلية اعتقد شغاله برجب كمان ويمكن نص شعبان

[ALivE]

السلام عليكم ورحمة الله وبركاته ..

اولا اسف لانى لا اتمكن من عمل موضوع جديد ولا استطيف تفعيل عضويتى ..

ورجاء لاى عضو يقرأ مشاركتى يرسلها الى اهل الخبره المشرفين على القسم..

رجاء يا جماعه جزاكم الله خير الجزاء عاوز اشوف حل لموضوعى ..

والدتى بمصر مع اخى الصغير يبلغ عمره 16 عام وتوفى ابى قبل شهر واحد فقط وانا فى مأزق شديد ولا استطيع النزول لهم حيث ان هناك بدأت من طرف اهل ابى ضد أمى مشاكل قد تتفاقم وتكبر وهى وحدها واخى الضغير فى فترة مراهقه وتعبها جدا جدا ..وانا زى المشلول مش عارف اعمل ايه ..

عملت لوالدتى زياره فى ذو القعده الماضى وجت عادى بدون اى مشاكل وزوجتى معايا هنا (زياره) تانى مره بتخلص وجددها وبتنزل مصر شهرين وتيجى تانى بزياره جديده..لانى تعبت من كتر الكلام حول الاقامه بالنسبه للزوجه ..المهم انا زوجتى تقريبا معايا على طول

ذهبت اخر مره منذ يومين لعمل زياره للوالده,, واخى كمرافق لها ولكن كانت النتيجه للاسف على الموقع تعتذر الوزاره عن تلبية الطلب..

والوالده حالتها النفسيه سيئه جدا جدا ومش عارف اعمل ايه واترفضت ليه المره دى ... ياريت لو حد عنده حل يقولى اعمل ايه انا فى موقف صعب جدا ..

والمشكله ان الوالده لوحدها مفيش جنبها اخت او اخ ..واخويا لا يعتمد عليه وكنت عاوزهم معايا شهرين لحد ما اعرف هاعمل ايه او انزل نهائى عشان مش هينفع اسيب والدتى لوحدها وربنا هو الرازق الكريم ..

للعلم مهنتى فنى اتصالات . ومقيم بالخرج . واتمنى من كل عضو يرى مشاركتى يرسلها لمشرفنا العام لانى لم استطع من عمل موضوع جديد

وفقكم الله الى ما يحب ويرضى ..وجزاكم الله خيرا ..

تم تعديل 4 يوليو 2009 بواسطة ALivE

[se_ Elsyed]

اخي الكريم

لم اسمع عن شيء اسمه زيارة للأخ

والزيارة اترفضت عشان كده

معليش يعني .. اشمعنى شهرين ؟

طب نزل زوجتك تقعد معاها لحد ما تحسم موقفك

ولكن ارجو الا تتخذ قرار انفعالي يؤثر على قرارك

انا شايف ان اخوك مش هاينفع ييجي عشان الدراسة على الاقل

[ALivE]

السلام عليكم..

شكرا لردك الكريم أخى الفاضل...

يعنى الزياره لا تقبل وان كان الاخ عمره لا يصلح للعمل

وبالنسبه ليه شهرين :: عشان طبعا مينفعش اكتر من كدا عشان الدراسه وفرصتى الان انه فى اجازه..واكون قدرت من خلالها عرفت على الاقل تهدئة الموقف

والمشكله برضه انه مينفعش اسيبه لوحده هناك يبقى معملتش حاجه..

طب هو مفيش اى استثناءات بيعملوها فى بعض الحالات ؟!!! .. كان نفسى اقدر اوضح الامر لموظف الخارجيه بس المشكله انه بياخد الورق ويلقى عليه نظره وبعدين يقول راجع الموقع ....

فى ناس بتطلعها بس بفلوس طبعا للاسف ...

هو الاخ لو عمره 16 وجاى مع والدته كمرافق مثلا ميعدوهاش!!

انا عاوز اجرب تانى بس برضه عاوز اعرف الغلط فين واصلحه .. وكمان عاوز اعرف اذا كان دى برضه بمزاج الموظف هناك وحسب حالته المزاجيه ولا دى قواعد اساسيه والمشكله انهم لا يعطوك سبب الرفض..

فى شئ نسيت اذكره برضه .. انا اقامتى باقى عليها حوالى 27 يوم بس ولسه متجددتش .. هل دا ممكن يكون السبب؟؟؟

واخيرا : جزاك الله خيرا لسرعة الرد وجعله فى ميزان حسناتك ان شاء الله ..

تم تعديل 5 يوليو 2009 بواسطة ALivE