الإحتيال و الكذب للزواج - ضرورة التحوط و السؤال

[pink rose]

سؤال يا جماعة حد يعرف هنا مستشفى في الرياض اسمها منى MONA?

[محمد يوسف]

سؤال يا جماعة حد يعرف هنا مستشفى في الرياض اسمها منى MONA?

أول مرة أسمع الإسم في الرياض

وأشك إن فيه مستشفى بالإسم ده

على العموم أسأل وأرد عليك

[se_ Elsyed]

لأ انا اعرف واحده مُدرسة اسمها مُنى :happy:

منى ايه بس يا ريمو ؟

يعني لما يكون عندي برد اقول انا رايح اتعالج عند منى ... في كده ؟

smk:

اتأكدي من الاسم ونجيبلك قرار منى واللي يتشدد لها كمان

[doudy]

لأ انا اعرف واحده مُدرسة اسمها مُنى :happy:

منى ايه بس يا ريمو ؟

يعني لما يكون عندي برد اقول انا رايح اتعالج عند منى ... في كده ؟

smk:

اتأكدي من الاسم ونجيبلك قرار منى واللي يتشدد لها كمان

و الله فظيع يا سى السيد ما لكش حل

كسفت البنية wst:: مش براحة عليها شوية

و ماله اما مستشفى يبقى اسمها منى

[محمد يوسف]

أعمل في المجال الطبي وسألت كثيراً

لكني لم أعثر على منى في الرياض

ومفيش غير منى ( مكه )

[doudy]

أعمل في المجال الطبي وسألت كثيراً

لكني لم أعثر على منى في الرياض

ومفيش غير منى ( مكه )

يمكن اسم قريب منها شوية

احتمال :happy:

[محمد يوسف]

أعمل في المجال الطبي وسألت كثيراً

لكني لم أعثر على منى في الرياض

ومفيش غير منى ( مكه )

يمكن اسم قريب منها شوية

احتمال

صعب الإحتمال

[pink rose]

و الله يا جماعة الموضوع بجد محزن

انا كمان عمري ما سمعت عن مستشفى ابدا اسمها منى

بس لاني وعدت صديقة ليا اني اسالها عشان اتاكدلها من شئ قولت اسالكم يمكن يكون في فعلا و انا ما اعرفش

بس للاسف طلعت ظنوني في محلها و ان ما فيش مستشفى ابدا في الرياض اسمها كده

ليا صديقة اجنبية تعرفت على واحد للاسف مصري و تطورت العلاقة و اتفق معاها انها تنزل مصر و يتجوزها

و فعلا خلاص كانت نازلة مصر الشهر دا عشان يتجوزوا بس لان هي بنت حلال و ربنا بيحبها عملت حادثة من شهرين كده و الدكاترة قالوا لازم عملية و ما ينفعش تسافر في الوقت الحالي

تقريبا صاحبنا دا بقى لقى ما فيش فايدة و مش هايعرف يتجوزها و ياخد الجنسية اشتغلها و قالها ان قلبه تعبان و انه هايموت و انها تاخد بالها من نفسها يعني بمعنى اصح باباي لندن

فا البنت سالتني على موضوع المستشفى اللي البيه قالها عليها شوفوا الكذب طب قول اسم مستشفى موجودة فعلا مش كفاية ندل .... كذاب و كذاب خايب كمان و لا عشان ماهي اجنبية و ما تعرفش حاجه يقوم يهبل عليها

الله يكسفه كسفني و الله و ما بقيتش عارفه اقولها ايه

عارفين البنت من اخلاقها العالية و رقتها بتقولي انا هادعيله لو كان تعبان فعلا ان ربنا يشفيه و لو مش تعبان هادعي ان ربنا يسامحه على اللي عمله معايا

انا متضايقة اوي يا جماعة و مخنوقة من الموضوع دا

ليه كده ليه الناس وحشة كده و شريرة كده و الله مش عشان هي صاحبتي بس البنت ماشاء الله تبارك الله قمرة بجد و اسلمت ما بقالهاش سنة ليه يخليها تاخد فكرة و انطباع منيل عن المسلمين و عن المصريين كده

[pink rose]

لأ انا اعرف واحده مُدرسة اسمها مُنى

منى ايه بس يا ريمو ؟

يعني لما يكون عندي برد اقول انا رايح اتعالج عند منى ... في كده ؟

wst::

اتأكدي من الاسم ونجيبلك قرار منى واللي يتشدد لها كمان

يا اخي انت ارحمني بقى

هاتموتني قريب من الضحك و انا لسا صغيرة يا سي السيد و عندي بنت عاوزة اربيها

[محمد يوسف]

و الله يا جماعة الموضوع بجد محزن

انا كمان عمري ما سمعت عن مستشفى ابدا اسمها منى

بس لاني وعدت صديقة ليا اني اسالها عشان اتاكدلها من شئ قولت اسالكم يمكن يكون في فعلا و انا ما اعرفش

بس للاسف طلعت ظنوني في محلها و ان ما فيش مستشفى ابدا في الرياض اسمها كده

ليا صديقة اجنبية تعرفت على واحد للاسف مصري و تطورت العلاقة و اتفق معاها انها تنزل مصر و يتجوزها

و فعلا خلاص كانت نازلة مصر الشهر دا عشان يتجوزوا بس لان هي بنت حلال و ربنا بيحبها عملت حادثة من شهرين كده و الدكاترة قالوا لازم عملية و ما ينفعش تسافر في الوقت الحالي

تقريبا صاحبنا دا بقى لقى ما فيش فايدة و مش هايعرف يتجوزها و ياخد الجنسية اشتغلها و قالها ان قلبه تعبان و انه هايموت و انها تاخد بالها من نفسها يعني بمعنى اصح باباي لندن

فا البنت سالتني على موضوع المستشفى اللي البيه قالها عليها شوفوا الكذب طب قول اسم مستشفى موجودة فعلا مش كفاية ندل .... كذاب و كذاب خايب كمان و لا عشان ماهي اجنبية و ما تعرفش حاجه يقوم يهبل عليها

الله يكسفه كسفني و الله و ما بقيتش عارفه اقولها ايه

عارفين البنت من اخلاقها العالية و رقتها بتقولي انا هادعيله لو كان تعبان فعلا ان ربنا يشفيه و لو مش تعبان هادعي ان ربنا يسامحه على اللي عمله معايا

انا متضايقة اوي يا جماعة و مخنوقة من الموضوع دا

ليه كده ليه الناس وحشة كده و شريرة كده و الله مش عشان هي صاحبتي بس البنت ماشاء الله تبارك الله قمرة بجد و اسلمت ما بقالهاش سنة ليه يخليها تاخد فكرة و انطباع منيل عن المسلمين و عن المصريين كده

لو عمل كده نداله

وصعب جداً اللي حصل للمسكينة دي

مش كفاية ندالة محلية .. لا وصدرها كمان

فعلاً اللي يعمل كده قلبه تعبان

[pink rose]

اه و الله ندالة انترناشونال

[se_ Elsyed]

والله يا مدام ريمو

النت ورانا بلاوي لحد دلوقت ..

حضرتك موقف زي ده من 10 سنوات ...

واحد برضوا مجرم .... سرح بواحده أنترناشونال عالنت ... لكنها كانت من نفس الجنسية .... وأنا أعرفه .. وأعرفها ... وخلاص الزينة أتعلقت وهاينزلوا يتجوزوا ... وهي مكسوفه تقول لي .. ما أعرفش ليه ... وهو أساساً خبيث ... لكن عرفت من صديق أخر موضوع الجوازه المنيلة دي .. لقيت الدم غلي عندي ووصل للمخيخ ... أتصلت بيها في بلدها حيث تحمل جنسية تلك البلد .. وقلت لها طب قولي يا ستي عشان نفرح لك ... إيه الحكاية بقى ؟ ... قالت لي إحنا خلاص أتفقنا عالجواز ... وأنا حاسه إنه شخص كويس .. وتقريباً بيشتغل رئيس قطاع مراجيح مولد النبي ... هههههههه

وأنا كنت عارفه زي ما عارف صوابعي ....

عارفه يا مدام ريمو سيد بيه الشبوكشي اللي كل الوزرا لازم بيعدوا عليه من أهميته ؟

اهو هو كان شبوكشي برضوا

يعني إنسان حقير بيعمل بـ 1500 ريال هههههه

وفهمها إنه عبدو بيه المهم ... مؤقتاً لحد ما يلهف الباسبور الأمريكاوي

قلت للبنت عالحقيقة طبعاً .....

تخيلي

من ساعتا أختفت ولم تعد تظهر مره أخرى وتلاقيها كرهت النت وبيل جيتس والخواجه إت بي بتاع البرنترات ...... وهو لم العده بتاعته وعرف إني أنا اللي قلت لها ... ولم أذيال النصب وأنسحب ..

يمكن ما يعرفش الموضوع ده غيري أنا .. وموديست لإنه صديقي من زمان من ايام الجيزه ..

فخليها تحمد ربنا ... والدنيا ياما بيحصل فيها يا ستي ...

[pink rose]

لا حول و لاقوة الا بالله

الناس خلاص اتجننت بجد ما بقاش في دم

كذب و خداع و ضحك على بنات الناس بس لمجرد الحصول على جنسية يا سلام

ربنا يهدي و يرحمنا برحمته

صاحبتي حزينة جدا بتقولي انا عيطت لحد خلاص مش قادرة اعيط اكتر من كده

و الله يا س س ببقى مكسوفة و انا باتكلم معاها و حاسة ان وشي منها في الارض ما هو البيه مصري و بلدياتي كمان

بادعيلها ان ربنا يقوي قلبها على نسيانه لانه كان كل حياتها و الجملة دي قالتهالي قبل كده انه كل حياتها

اتمنى انها تنساه و قلبها يجمد و تكون قوية لان اصعب وجع هو وجع المشاعر و خصوصا لما تكون مشاعر صادقة (من ناحيتها يعني)

[عنبو]

لا حول ولا قوة الا بالله

انا معرفش الناس دى عايشه ليه وسبحان الله الناس اللى زى كده بتلاقيهم واقعين فى بنات فى منتهى الادب والاحترام بس طبعا علشان هم نيتهم بتبقى وحشه ربنا مبردش ان الموضوع يتم على خير علشان خاطر البنت دى

بجد البنت دى المفروض تدعى ربنا وتحمد ربنا انه انقذها منه وربنا يعوضها خير ان شاء الله

بس مقولتيش هى معها جنسيه ايه ؟؟؟؟

[pink rose]

لا حول ولا قوة الا بالله

انا معرفش الناس دى عايشه ليه وسبحان الله الناس اللى زى كده بتلاقيهم واقعين فى بنات فى منتهى الادب والاحترام بس طبعا علشان هم نيتهم بتبقى وحشه ربنا مبردش ان الموضوع يتم على خير علشان خاطر البنت دى

بجد البنت دى المفروض تدعى ربنا وتحمد ربنا انه انقذها منه وربنا يعوضها خير ان شاء الله

بس مقولتيش هى معها جنسيه ايه ؟؟؟؟

الناس دي عايشة يا محمد عشان احنا في الدنيا

يعني في الكويس و في الوحش في المحترم و في الغير محترم يعني من الاخر في الخير وفي الشر

و الله انا باقول سبحان الله لولا الحادثة اللي حصلتلها كان زمانها في اسكندرية حاليا بتتجوز

بس عشان هي ربنا بيحبها سبب الاسباب و الدكاترة منعوها من السفر لحد ما تعمل عملية

عارف لما حكتلي الموضوع في الاول حذرتها ان في ناس ممكن يكونوا بيعملوا كده بس عشان الهجرة و الجنسية ردت عليا بتعجب قالتلي كل اصحابي العرب هنا بيقولولي كده ليه كلكم بتفكروا كده

قولتلها عشان الاحتياط واجب اتكسفت اقولها ان في ناس معدومي الضمير ممكن يعمل اي حاجه في الدنيا و يدوس على اي حد و اي حاجه في سبيل تحقيق غرض في نفسه

و قولتلها ربنا ان شاء الله يقدر الخير و يطلع زي ما انتي شايفاه و يا رب يكون محل ثقة

و الله العظيم كنت بادعي في نفسي كتير ليها انه يكون كويس لكن كان احساس كل العرب اللي تعرفهم هي مظبوط

مش عارفة ليه هي و اهلها كان احساسهم بيه غيرنا خالص و في الاخر طلعنا احنا اللي كلامنا مظبوط

تفتكر عشان احنا فاهمين لبعض و لا ايه و لا احنا بقينا كده شاكين في كل حد و لا احنا بقينا عارفين ان الاخلاق عندنا بقت اخر حاجه الناس بتفكر فيها الا من رحم ربي

عموما هي بقت احسن دلوقتي و العجيب انها بتدعيله ان ربنا يسامحه ( شوفت كرم الاخلاق ) و اهي مسلمة لسا ما كملتش سنة و الله

بس انت ما قولتليش عاوزة تعرف جنسيتها ليه؟ ناوي على ايه يا عنبي :lol:

[عنبو]

بس انت ما قولتليش عاوزة تعرف جنسيتها ليه؟ ناوي على ايه يا عنبي

هههههههههههه

لا بس اصلها صعبت عليا اقوى فكنت عاوز ادعلي لها فقولت طبعا المفروض الواحد يعرف الجنسيه علشان يخصها بالدعاء

طيب سؤال تانى انتى بتقولى انها لسه مسلمه من يجى سنه كده طيب هى مسلمه لوحدها ولا العائله عندها كله اسلم ؟؟

وبعدين بجد ربنا ينتقم من الواد ده ده سوء سمعة مصر وسمعة الاسلام كمان

مهو احنا عندنا الاخلاق اى كلام ليه ؟؟

لان الطيب فى الزمن ده مافيش حد بيحترمه ولا بيعمله خاطر او بمعنى اصح بيتقال عليه عبيط وغلبان وضعيف فطبعا بتلاقى بيكره الصفه دى اللى هى الطيبه

على العكس الفهلوه طبعا بتبقى صفه تمام وتلاقى لما حد يحب يمدح فى حد بيقول عليه ده واد فهلوى وده واد مخلص ومن الاخر

بصرف النظر اللى هو بيعمله ده بيضر مين ولا بفيد مين المهم انه واد فهلوى

بجد احنا عاوزين نتربى من جديد ؟؟؟ او نغير مفاهيمنا من جديد

[pink rose]

ما يصعبش عليك غالي يا سيدي :rolleyes:

لا هي اسلمت هي و اولادها لكن مامتها و اخواتها لا و كانوا رافضين طبعا دخولها الاسلام بس في الاخر كل واحد حر في تصرفاته و اعتقاداته

فعلا معاك حق احنا عاوزين تربية من اول و جديد

الله يعين

[hOuSsAm]

ما يصعبش عليك غالي يا سيدي :rolleyes:

لا هي اسلمت هي و اولادها لكن مامتها و اخواتها لا و كانوا رافضين طبعا دخولها الاسلام بس في الاخر كل واحد حر في تصرفاته و اعتقاداته

فعلا معاك حق احنا عاوزين تربية من اول و جديد

الله يعين

ماشاء الله هو كان ناوى يتجوزها هى وولادها0000000

لاء كويس بيعرف يخطط صح

عشان ميبقاش حرمها من حاجة فى الدنيا

قوليلها ده درس من دروس الحياة لان الحياة مش سهلة وعشان نعرف نعيش ونحافظ على نفسنا لازم الدروس دى

وعلى فكرة ماشاء الله عليها فيها حاجة لله ان ربنا ينقذها من الموقف السيئ ده اللى كانت هتتصد فيه وكانت هتحتاج وقت طويل عشان تفوق منه

ومكناش عارفين ايه عواقب الموضوع ده

دى ممكن كانت ترتد عن الاسلام لمجرد انها عرفت شخص لا تتوسم فيه صفات المسلمين

ربنا يهديه وايانا جميعا

[زعلان]

بقى هو انت يا سي السيد الي بوظتلي الجوازه حتروح مني فين مسيري اجيبك

[الباشمهندس ياسر]

ما يصعبش عليك غالي يا سيدي :lol:

لا هي اسلمت هي و اولادها لكن مامتها و اخواتها لا و كانوا رافضين طبعا دخولها الاسلام بس في الاخر كل واحد حر في تصرفاته و اعتقاداته

طالما فيها ولادها يبقى انا مش لاعب يا جماعه

حلال عليك يا عنبى يا اخويا :sad: