فقير ... ولا ... فقري ؟؟؟؟

[se_ Elsyed]

باديء ذي بدء .. الفقر مش عيب وكلنا فقراء الى الله ...

عشان ماحدش يفهمني غلط ويحسب اني باكتب الموضوع ده وانا ادخن الغليون واتناول شاي الساعة الخامسة ..

انا باتكلم عن ناس فقريين دماغهم بتخليهم فقرا

وده استنتاج استنتجته بعد خوضي لتجربة في بيئتين مختلفتين ...

والتجربة هي التعامل عن قُرب مع طبقة الصنايعية ..

انا باتعامل معاهم من زمان لكن الموضوع زاد عن حده في الآونه الاخيرة

والبيئتين هما :

- مصر

- السعودية

وفعلاً فعلاً .. أحياناً كتيره جداً بيبقى الفقر في العقل وليس مرتبطاً بالحالة الاقتصادية

وهاحكي عن امثلة رأيتها رأي العين

* كان عندي شغل نجارة في الشقة كتير ومن ضمنها تفصيل غرفة نوم للأطفال وشغل ارابيسك غير تركيب الابواب والشبابيك وما الى ذلك

فعرضت على مهندس الديكور ان عندي نجار كويس هاجيبه

فعلاً راجل أستاذ

وشوفت شغال في ورشة عندنا في القاهرة لكن من سنة اختلف مع صاحب الورشة وتركه ... ورجع لبلده - الزقازيق .. مش عارف ايه حكاية الشرقية معايا ... الظاهر الدم بيحن ههههه -

فروحت له واستقبلني كويس بصراحة واستغرب اني ما اتصلتش بيه عشان يجيلي القاهرة .. فقلت له مافيش مشكلة يا عم المسافة بين العبور والشرقية قريبة جداً ........ وأصر أني أذهب معاه بيته .. كنوع من انواع الترحيب والضيافه ..

بصراحة البيت ... متواضع للغاية

وعرفت انه عايش في بيت حماته في الدور الارضي وبصراحة حاجه كده اشبه بعلبة السردين ..

مش اشكال .. وربنا يوسع على الجميع ..

ولإن الكلام أخدنا واستغرقنا وقت كبير في الاتفاق على التفاصيل وانا كنت واخد اللاب توب معايا عشان اوري له تصميمات انا اخترتها ... المهم استأذنته في استخدام الحمام .. ووجدته اتكسف وقال لي معليش بقى حمام بلدي .. فقلت مش اشكال يا عم كلنا ولاد بلد .. ..مجامله يعني

المهم دخلت الحمام واذ بي اسمع اصوات ناس كتير ... آه والله ... حسيت أني في الشارع أو في ميدان .. ففوجئت انا الحمام بدون شباك ...

من غير شباك خالص ... والجيران متعايشين مع الموقف وموجودين جوه في الحمام كنوع من انواع التلاحم الشعبي ...

فخرجت زي ما دخلت وقلت له يفتح الله يا عم ..

المهم ..

واحنا قاعدين فرقع له ييجي 3 علب سجاير .... يعني بنتكلم في ما لا يقل عن 15 ج مثلاً ...

طب يا عم الفقري ... ده انت نجار بتعمل شغل بألوفات أهو .. مش هاين عليك تركب شباك بخمسه ساغ للحمام ؟

ماشي هانعديها مع انه عنده زوجه وبنات كُبار

اوكي ..

طب اعمل لك انتريه كويس ...

دي برضوا هاعديها وماله الكنب البلدي ..

وعدني البيه اللي كان بيننا عِشرة وعشم إنه هاييجي بعد يومين ينفذ الشغل ...ههههههه

وادي وش الضيف ... لا اعتذر ولا حتى عبر اللي جابوني في موقف قلة في الذوق ... وادي شغلانه اهي ما كانتش هاتقل بأي حال من الاحوال عن 20 الف ... وانتظرته كثيراً واتصالات 100 مره في اليوم .. بلا جدوى

يبقى ده فقير ولا فقري ؟

-------------

الموقف الثاني

السباك والكهربائي طلبوا شوية طلبات فبعثت اخويا يشتريهم

500 طوبة

شكارتين اسمنت

4 شكاير رمل

وفي العبور عندنا مئات العمال اللي قاعدين في الشارع تحت لهب ووهج الشمس لما الحرارة بتاكلهم .

المهم كل واحد يحط رجل على رجل واللي يقول لك 150 ج عشان اطلعهم الدور الثالث ... أو 130

في مووقف غريب لأنها شغلانه دقائق معدودة لو اتنين اشتغلوها والموضوع ما يستاهلش انا مش بأتكلم عن عربية رمل واسمنت مثلاً

المهم ربنا رزقنا بناس طلعوهم بـ 80 ج ..

بالظبط بالظبط في 30 دقيقة

واستغربت ..

طب انت يا فقري منك له ياللي بتقعد بالايام بتموت من الجوع وفعلاً ما بيلاقوش جنيه يجيبوا بيه طعميه وعيش واغلبهم جايين من الصعيد او من الفيوم وبيشتغلوا الشغلانه دي ..

طيب ..

هو انا بأفاصل معاك في شيء محدد التسعيرة ؟

ولا دي عملية بسيطة هاتعملها في دقايق ويطلع لك منها 40 ج للفرد في نصف ساعه ودخل ولا الدكاترة بصراحة هههههههههه

لكن أزاي .. ازاي الانسان ما يبقاش فقري ويقعد يموت من الجوع على انه يشغل مخه ؟

---------------

الموقف الثالث

في السعودية

روحت اشتريت السيراميك فمعظم اللي شغالين في محلات بيع السيراميك مصريين هنا في منطقة اسمها صناعية الخرج بجوار مصنع الاسمنت ... والولد طلع كويس ولما سألته عن صنايعيه لزق سيراميك قال لي ان عنده اتنين سوري وهندي .. لاختار بينهم يعني .. فقلت له السوري طبعاً

وياريتني ما نطقتها

جه اتنين سوريين بالصدفة طلعوا اخوات ..

واحد بيلزق السيراميك .. والتاني بيطلع الكراتين والغرا اللي بيتلزق بيه ..

وكنت متفق مع المحل على كل التكاليف بالمليم

وإذ بالأخ السوري اللي بيطلع الحاجه ... عبارة عن حُقنه ... فعلاً حُقنه ...

وكل دماغ اللي جابوني ...

وبعد ما طلع ربع الحاجه واخوه لزق غرفتين ..

إذ به يخيرني ... إما أن أزود أجره تطليع الحاجه ... 4 أضعاف ... او يسيبوها خربانه ويمشوا ..

فروحت ماسكه من قفاه .. وساحبه على المحل .. وسألت صاحب المحل هل أنا خدعتهم في حاجه ؟ عدد الكراتين مثلاً أو الدور اللي هايطلعوا فيه ؟

قال لي لأ بصراحه

الحمد لله أنا أعتبر أن الكذب والخداع من شيم الضعفاء

المهم

صاحبنا ماسك لي على كلمة : إحنا بنتعب .... واتحداك - يتحداني أنا يعني - لو شيلت كرتونتين سيراميك وطلعت بيهم الدور الثالث من غير اسانسير زي ما بيعمل

فقلت له وانا اتحداك لو جيت إنت اشتغلت شغلي ..

فقال لي إنت مش مقدر مدى تعبنا وإن رُكبي بتخبط في بعضها من التعب والارهاق ..

فقلت له الحل بسيط .. أعتزل هذه المهنة المتعبه وأشتغل دكتور أسنان .. ما شاء الله بيكسبوا كتير وهما مرتاحين

المهم رجع زي الارنب وكمل الشغل اللي استغرق يومين الا قليل ...

بالصلاتو عالنبي اخدو كام أجره إيدهم ؟

1300 ريال

ولو كان دور أرضي كان المبلغ ده عملوه في يوم واحد .. وهو ده المعدل الطبيعي بتاعهم ...

يبقى ده فقير ولا فقري ؟

الزغلول الكبير بقى ..

خلصت الشقة سيراميك وحركات وجيت بانقل عفشي زي أي حد ما عنده عفش

وعاللي جرالي ... عاللي جرالي ...

اقسم بالله كدت أُصاب بأنهيار عصبي من القرف

- ذهبت الى مكاتب نقل العفش والحاجات دي

عندك إيه يا عم ؟

قلت لهم عندي كذا وكذا وكذا ... وهانقل من الدور الكذا للدور الكذا والمسافة بين البيتين كذا

خلاص يا رجاله .. اتفقنا ... اتفقنا وزيادة

وجه ييجي 5 انفار باكستانيين ومعاهم عربية نقل

وأول ما دخلوا الشقة .. كانوا مبيتين النيه ... بالصلاه عالنبي يا معلم احنا اتفقنا على 500 ريال ... لكن كله اتغير في موقع العمل هاناخد 1000 عشان إحنا ( بنتعب ) بدون اي مبرر مثلاً العفش طلع زيادة أو أنا خدعتهم مثلاً ... لا هو كده .. أمر واقع ولوي دراع وإلا نمشي

فقلت لهم في ستين داهيه ..

نزلت تاني .. لمكتب .. وجبت المره دي مصريين ...

كام يا عم

550 ريال يا معلم .. راضي يابا ؟ .. راضي وزيادة يا باشمهندس

وجم 4 انفار واجروا عربية نقل جت ورانا ..

ونفس السيناريو ...أول ما دخلوا الشقة اللي اتفقت معاه قال لي والنبي زودنا 50 تاني ... قلت له ماشي ..

وإذ بشخص معاه شيطان رجيم يسخنهم ويقول : لأ الاتفاق ده لاغي .. وأحنا هاناخد 1000 ولو كان عاجبك

الواد اللي اتفقت معاه بصراحه قعد يتحايل عليه يمين شمال وعيب كده وأحنا أجرنا عربيه والسواق هايحملنا فلوس .. قال له اشتغل انت لوحدك ..وسخن الناس التانية وأخدهم ومشي ...

جريت وراه للشارع ومسكته مسحت بيه أسفلت الشارع لإنه عبارة عن عيل بدون عقل ولا يعرف عن الرجولة والاتفاق شيء وهو ولا هو هنا وكأني بأقول فيه قصايد مدح .. وخدوا بعضهم ومشيوا

وضاع يوم من ايام رمضان وصيام واليوم قصير وحاجه صعبه والساعه كانت وصلت اتنين بالليل

تاني يوم

اتصلت تليفونياً بمكتبين ... واحد قال لي 600 قلت له ماشي .. هاتيجي أمتى قال لي بعد العصر هاجي اعاين .. واذ به يتصل عشان يقول لي .. قبل ما اجي الـ 600 هاخليها 900 بدون سبب ......... لا تعليق ؟

مكتب أخر ... اتفقنا على 600 برضوا وقال لي خلاص جاي بعد المغرب ... واتأخر وماجاش .. وأتصلت مليون مره ولا مجيب ولا يرد علي

..

واخيراً أخدت أخويا وروحنا لمكتب باكستانيين واتفقنا على 700 ريال فك وتركيب وعربية وكل شيء وكان صاحب العربية شاب سعودي صغير .. وأقسمت لهم جميعاً إن لو الاتفاق ده ما اتنفذش وجم الشقة وفتحوا بؤهم لأكون حاجز العربية وأخدهم رهاين وأسلمهم جميعاً للشرطة ... بدون نقاش ..

وفعلاً جم ونتعوا الحاجه من غير ربع كلمة ..

وأقسم بالله .... اجزلت لهم العطاء من غير ما يطلبوا

.. لإن إلا لوي الدراع ... الواحد يتصرف بمزاجه ولا إن حد يقل أصله معاه

يبقى اللي عمل كده في الاول والافلام ونقض العهود وتمضية ايام بدون عمل ... فقير ولا فقري .؟

على العكس بقى ..

ربنا رزقنا بشغالة سيرلانكية هندوسية - كنت فاكر كده الاول من اسمها ( اسمها شاندرا ) .. بتشتغل بالساعة

جت أول امس أشتغلت 4 ساعات وكانت طلبت 20 ريال في الساعة .. وفعلا بنت لهلوبه وشاطره ..

خلصت مهمتها وجيت باديها حسابها .. 100 ريال مجمده .. لقيتها بتقلب فيها وتقول لي .. : إيش هذا بابا ؟

100 ريال ؟؟؟؟؟

ولأني كنت بقى لي يومين في معركة نقل العفش وخلاص روحي في مناخيري ..

فقلت كملت بيكي وتعالي عليه عشان تاخدي نصيبك .. حلال الله وأكبر وهممت بإني أديها بوكس في مناخيرها أو على الاقل في عنيها الشمال .. وقلت لها : نعم يا روح مامتك ؟ اومال إنتي عايزه كام ؟

فلقيتها بتطلع 20 ريال وتقول لي : أنا حقي 80 بس بابا مش 100 !!!!!!!!!

فأغرورقت عيناي بالدموع وأحتضنتها وقلت لها : صحيح الدنيا لسه بخير يا ولاد ... إهيء إهيء ..

خلي الباقي يا بنتي إنتوا بتتعبوا والله

الغريب إنها كانت بتشتغل في الصيام فنزلت البقالة وجبت لها مياه وعصير .. ولكن لم تقربهم

فقلت لها : إنتي ما بتشربيش ليه ؟

فقالت لي : أنا لسه داخله الإسلام قريب وأنا الحمد لله صايمه ...

فقلت : طب الحمد لله .. وشكلك لسه ما تعرفيش أقتصاديات السوق وملاعب شيحه

-----------

دي نماذج يا سادة من الناس الفقريين اللي بيموتوا من الجوع بسبب دماغهم الزبالة ... ويرجعوا يقولوا الأحوال صعبه ومافيش شغل ........إلخ

وللحديث بقية

[raouf]

للاسف كلامك كله يا س س وخاصة عندما تتعامل مع عمالة مصرية فى السعودية وهناك ايضا التجار وانا بحكم عملى باتعامل مع شركات يكون المنتج مشتراه 1 ريال لازم يبيعة ب 5 طيب يا عم يهديك يرضيك ب3 كفاية ومكسب صافى فى ثانية بالالاف و الملايين ولكن فقرى يسيب المنتج لحد ما بخرب او ينزل موديل جديد و يخرب فى المخزن .

و الكثير و الكثير من الامثلة

[فــيــروز]

عشان بس تعرفوا إن كلام الحريم برى فيكس

بس هاقول لك حاجه يابو عمر .. أنا ساعة ما كنّا بنجدد الحمّام فى شقتنا و طلعنا طلعة السيراميك السودا دى .. اتفقنا طبعا مع المعرض على النقل لكن لقلّة الخبره ماكانش ضمن الاتفاق موضوع تطليع الشيله من العربيه لحد بيتنا و هو فى الدور الأوّل بعد الأرضى .. همّا بالظبط 26 سلّمه اللىّ الراجل هيطلعهم ..

لقيت الناس اللىّ جايبين السيراميك طالبين فى تطليعه للبيت نفس قيمة التوصيله اللىّ دفعناها للمعرض .. قلنا لهم لأ استريحوا و اهنئوا بالا إحنا البوّابين حوالينا يخدمونا فى الموضوع ده ولا الحوجه ليكم .. المهم الراجل نفسه انكسرت و رضخ للمبلغ اللىّ فرضته عليه .. جيت أنا أحاول أعمل بت جدعه و قلت أشيل كرتونه منهم مسافة 3 متر عشان أوسّع له .. يا الله قلت فى عقلى نفس اللىّ قالهولك بالظبط .. يا ساتر دى شغلانه عِنيفه -على رأى اللمبى- و محتاجه راجل و لقيت نفسى من سكات بعد ما خلّص بادفع له اللىّ طلبه من غير ما عينى تيجى فى عينيه :wub:

أظن جزء من المشكله راجع لعدم وجود أى شكل من التعاقد مع الناس دول .. يعنى لو همّا تبع شركه بتخاف على سمعتها أو نقابه لها حق محاسبة المنتمين إليها كان هيبقى سهل جدّا تشتكيهم بحيث مايبقاش لهم أولويه بعد كده فى الحصول على أى عمل و خلّيهم قاعدين يتشمّسوا و يمصوّا قصب wst::

[adrianocrespo]

للاسف معظم الصنايعيه المصريين كده زي ما حضرتك حكيت

عاوزين اكبر كم من الفلوس باقل جهد

عشان ياخد شويه فلوس بتوع شغل عشره ايام في يومين

و يقعد باقي الايام صايع علي القهوه يلعب دومينو و طاوله و يشرب معسل

و يسيب بيته و مراته و عياله محتاجين

السلوك ده ماركه مسجله للصنايعي المصري

[moheltohamy]

إحممممممم... هوه بعد اأرقام السافلة اللي قلتها دي يا سين سين... مش عارف المفروض أقول إيه! أنا وشي بقى منك في الأرض يا سي السيد :wub:

أحكيلك على حتة مسخرة بقى ، وهيه كده ، وما تعلقش ع المبالغ لو سمحت!

من 5 سنين كنا محتاجين ناس فواعلية (زي ما بيسموهم) ، عشان ييجوا يهدوا البيت القديمة (الدار اللي كانت بالطوب اللبن أو الطيني دي ، فاكرها؟) بتاعت جدو وتيتة في البلد جمب المنصورة ، كانت بقت أثر تاريخي مهجور ، وسمعنا إنها بقت مأوى للتعابين وللأفعال المنافية للآداب wst::

طبعاً الناس الفواعلية دي بتكون من الفجرية قاعدين ع الطبلية (الحتة اللي بيتجمّعوا فيها دي) ، وطبعاً بياخدوا أجرتهم باليومية ، وبالتالي المفروض الناس من الساعة 6 بالكتير متقاولين معاهم ع الليلة ، وبيشتغلوا من الفجر للمغرب ، وبياخدوا اليومية بتاعتهم.

طبعاً أنا على ما أصحى من النوم كانت الساعة 10 الصبح ، يعني نص اليوم عدى! المهم رحت أجيب 4 أنفار ينجزوا الليلة ، ورحت هناك وباركن بالعربية عشان أنزل أتفق مع 4 منهم ، ألاقيلك هجوم على العربية ، والناس طالبين 20 جنيه في اليوم شامل كل التولز والإكويبمنتس اللي هيستخدموها في الهد كمان. خللي بالك من حاجة... الساعة 10 دي معناها إنهم خلاص يومهم وفرصتهم انتهت ، وأنا أعتبر آخر قطر لو فاتهم هيعنّس يومهم!

طب يا اخواننا أنا عاوز 4 بس ، والاقي 4 ركبوا هوا ، والخامس راجل في أواخر الخمسينات هيبوس إيدي عشان آخده يشتغل بـ 10 جنيه حتى ، عشان بقاله يومين بيروّح بيتهم إيد ورا وإيد قدام ، و وراه مراته والعيال!

المهم... الناس طلعت عنيهم الصراحة ، وع الساعة 4 العصر وكان خلاص باقي شغل ساعة ولاّ حاجة والمشوار كله ينتهي. طلعلنا واحد وقال كده يومنا خلص ، ولو عاوزنا نشتغل يبقى الشغل يتحسب بنص يومية تقريباً مش فاكر! يا سيدي دي مش هتاخد في إيدك ساعة ، وانتا جاي ع الضُهر أصلاً... ودماغه وميت جزمة إنه هوه كده! ساعتها قلت براحتكم خالص (أنا خلقي ضيق أصلاً) ، كلكم كده خلاص مش عاوزين تكمّلوا؟! طلع واحد منهم قاللي أنا تحت أمرك يا بيه ، واحنا معاك لغايت ما نخلص الشغلانة ، وطلع معاه الباقيين وهمه متظربنين!

المهم ، إديت للراجل الحقاني ده الـ 20 جنيه (إتفضل اللي اتفقنا عليه) ، واديت للي كمّلوا الشغلانة الضابل ، واللي طلع جدع ده 50 جنيه زيادة ، وشايف الأفندي بتاع حقي وحقك بيتحرق!

الغريب إن ناس قرايبي كانوا شايفينني باهرج وبارش فلوس بهبل بالمنظر ده ، وإني زبون ومش حاسس بقيمة القرش

ساعتها بس حسيت بقيمة التعليم اللي بيرفع بيوتاً لا عماد لها ، والجهل اللي بيهدم ويهد الضهر والوسط والحيل!

بس لما تقعد تفكر إن الناس دي شغالة بصحتها ، وإنه لما يعيى أو يرقد ، هيجوع هوّه وعياله ، ولا هيلاقي علاج ولا لقمة تسد جوعه ، ولا ليه نقابة تحميه ولا حد يسأل فيه!

العينات اللي انتا بتتكلم عليها دي جاية هنا الخليج تعمل لها ثروة أو خميرة زي ما بيسموها ، يرجع يتجسطن ع الأهوة ويشد في الشيشة ، ويعوّض تعب السنين.

بس برضه على رأي فيروز ، الناس دي تاخد زي ما تاخد ولا إنك تفكّر تشيل نص كرتونة... إحنا فرافير يا عم الحاج!

أفتكر بابا زمان حس إن الواد بتاع الأنابيب بيستعبط لما ياخد 5 جنيه ع الأنبوبة عشان يطلعها لتاني بلكونة ، وجرب يستلمها منه تحت ويديله 3 جنيه باين... يا دوب وصل على باب الشقة ، ورقد ع السرير وجاله شد عضلي قعد فيه يومين ، قال بعدها لو ياخد 100 جنيه ، بس يطلعهم ويبقى كتر خيره كمان :D

تيجي انتا تقوللي مش عارف كام وكام... دا الناس اللي شفناهم دول كانوا بياكلوا تراب بقى على كده!

أما بالنسبة لفئة الصنايعية دي بقى ، فدول عاوزين اللي يولّع فيهم بجاز معفن! 99% منهم لا عندهم ذمة ولا ضمير ولا احترام ولا التزام ولا مواعيد ولا صنعة حتى!

مسيري أبقى أحكيلك ع الصنايعية في كندا wst::

[ozoozo]

قاعده معروفه بين الصنايعيه ادام معاك اصطباحتك وسجايرك واكلك النهارده يبقي لاداعي للشغل وفلقه الدماغ لغايه الفلوس ماتخلص

سؤال كده يابو الاسيان

انا مش فاهم انت يعني ايه بتوضب شقه في السعوديه اللي انا فاهمه انك تاخد شقه جديده متوضبه وتقعدلك فيها 3 او 4 سنين لغايه ماتتبهدل والعيال يشخبطو علي الحيطه ويعدين تدبها لصاحب العماره وتقولوه مش لاعب وتشوف حاجه تانيه لسه جديده .....وهكذا......صح ولا انا فاهم غلط

[قلب ابيض]

أما بالنسبة لفئة الصنايعية دي بقى ، فدول عاوزين اللي يولّع فيهم بجاز معفن! 99% منهم لا عندهم ذمة ولا ضمير ولا احترام ولا التزام ولا مواعيد ولا صنعة حتى!

مسيري أبقى أحكيلك ع الصنايعية في كندا :sad:

يعنى ايه صنايعيه؟؟؟؟؟

هو اساسا فى صنايعى فى حاجه دلوقتى؟؟؟

عن تجربه لاء تجااارب لاننا اسره كلها من الجد للابناء فنون جميله وتطبيقيه وتعاملتنا من اكتر من 20 سنه مع الصنايعيه اقدر اقولك بكل ثقه ان مافيش صنايعى دلوقتى فى اى حاجه 00تقدر تقول فهلوى 00مهلباتى 00فذلوك00اى حاجه من المصطلحات دى او ماشبهها انما صنايعى لاء 00لما جينا نبنى شاليه فى الساحل كان لازم يعنى نعمل حاجه مزاج ده شغل المعلم لنفسه بقى 00فقام زوجى برسم التصميمات وعمل ميزانيه الخامات وكل ما يلزم للبناء وطبعا مشكلتنا لسفرنا الدائم لازم تسيب التنفيذ لحد مقيم بالمكان فمافيش احسن من شركه المقاولات المسئوله عن القريه000اقسم لكم بالله ان ولا غرفه زى ما اترسمت او مقاساتها زى ما متفق عليها 00الحمامات بتمشى البلاط بيرن تحت رجليك 00من ضمن الفيلا بسين وفى وسطه برجولا 00" آل يعنى المزاج حبك " ولا عمود فى البرجولا زى التانى عامل زى صباع كفته الرز بتاع تيته الله يرحمها

وحاليا زوجى بينفذ عمل فنى ان شاء الله هاتتكلم عنه مصر كلها بجد مش هزار 000وبرضه لضيق الوقت وآوان السفر كان لازم صنايعيه عشان ننجز ونعوض اليومين بساعتين مثلا

والله داخ ودوخنا 00يوميه الصنايعى نجاره 50 ج 00ولاننا فى رمضان اليوميه بقت من 10 صباحا لحد 4 عصرا

فما كان الا انه راح جاب من دمياط نجارين 00يوميتهم من غير الاقامه بمشتمالتها 150 ج

بس ربنا ستر ويبقوا صنايعيه بجد0000وانا اشك

هى الصين مش هتعمل لنا صنايعيه بقى؟؟؟؟؟؟ :tease:

[mama nona]

انا معرفش الصنايعية ال هنا احوالهم ايه

انما عن الصنايعية ف مصر

تعالو وانا قولكم اشعار وقصايد

اولها مبلط السيراميك

انا مبحسدوش والله

ده كان اتفاقه سيف

اولا بيمتر الشقة كلها قبل ما يشتغل

وبيحسب له كام

وبيحسب كمان هيشتغل كام يوم

ولازم ياخد المبلغ المستحق عن كل يوم

وبيجى الضهر

وبيمشى عالمغرب

ومش عايز يشوف اى حد من اصحاب الشغل معاه وهو شغال

انت تروح بعد المغرب تشوف ال هو انجزه

هتقولو وليه نتحمل كده؟

هو ده دكتور السيراميك فالمنطقة

ولما جيت احسب له لقيته بياخد فاليوم اد راتبى فالحكومة فمصر فشهرين

واهو بياخده فكام يوم ويقعد فالبيت يريح بعدها باقى الشهر

وللحديث بقية

[se_ Elsyed]

انا مش فاهم انت يعني ايه بتوضب شقه في السعوديه اللي انا فاهمه انك تاخد شقه جديده متوضبه وتقعدلك فيها 3 او 4 سنين لغايه ماتتبهدل والعيال يشخبطو علي الحيطه ويعدين تدبها لصاحب العماره وتقولوه مش لاعب وتشوف حاجه تانيه لسه جديده .....وهكذا......صح ولا انا فاهم غلط

لأ غلط :sad:

يعني انت بتأجر الشقة وفيها بلاط عادي

ويا إما تركب عليه موكيت .. وده شيء غير صحي بالمرة

يا إما تلزقها رُخام أو قنالتكس

وعلى فكره الفرق مش مهول يعني في مقابل شيء كويس منظر وصحه ونظافة وكله

وبعدين عمرك شوفت شقة فيها كهربا كامله ومش عاوز تضيف فيها حاجه ؟

أو تلاقي وصلة الغسالة الاتوماتيك موجوده ......... او تلاقي فيها لوح وساعات حائط متعلقه جاهزة هههههههههه

يا بني إحنا بقى لنا اسبوع في الموال ده ولسه ما خلصناش لدرجة إني مش لاقي هدوم ألبسها ومحتاج أضرب كام غطس في الكراتين والشنط الموجودة ...

حدش عنده جلابية قديمة لحد ما تُفرج ؟ هههههههههههه

---------------

أنا ما غاظنيش في الموضوع ده غير فيروز

آههههههههههههههههههههههه ياني ياما

يعنى لو همّا تبع شركه بتخاف على سمعتها أو نقابه لها حق محاسبة المنتمين إليها كان هيبقى سهل جدّا تشتكيهم

نقابة ؟

آه ... ونسميها نقابة الشيالين

فيرووووووووووووووووز .. أطلعي بره موضوعي لو سمحتي أنا مش ناقص " نُقطه "

------------

معليش يا جماعه .. الأمر مش مقتصر على المصريين عشان ما تبقاش فرصة للتقطيع ... أنا ذكرت برضوا جنسيات أخرى على سبيل المثال لا الحصر ..

يا جماعة الخير .. خلاصة الموضوع إن فئة الصنايعية والعمالة واللي شغالين في البيوت .. بيبقى عندهم عقد نفسية ..

بمعنى

إنه بينظر لأمثالنا نظرة غريبة ..

وهي إن هو بيتعب ويطلع عينه ... وبيكسب رزقه بعرق جبينه .. إنما أحنا يا افنديه بناكلها ولعه ... وقاعدين تحت المراوح طول اليوم والفلوس بتيجي لحد عندنا ...

وبالتالي أي شيء يعمله فينا بيبقى حلال ... واللي ييجي مننا أحسن مننا ...

مش هاتصدقوا

كان عندي حوالي 4 حوائط في مصر كنت عاوز أكسرهم في الشقة الجديدة ... تخيلي الواد يقول لي هاجي أكسرهم .. وأخد كام ؟

والله العظيم 1250 ج

!!!!!!!!!

تكسير بس ؟

من هنا لهنا دفعت له 750 ج

والعمال اللي نزلوهم من الدور الثالثة بالعافية أخدوا 600 ج

والعربية اللي نقلتهم لمقلب الكسر والحاجات دي أخدت بالعافية 500 ج

تخيلوا ؟

الغريب بقى

لما أتفقت مع العمال اللي هاينزلوهم برضوا أخدت لفه محترمه واللي يقول 1500 واللي يقول 1000

مع أن الولد اللي كسر كان معبي أكثر من نصف الكسر في شكاير ...

المهم لقيت ناس أخدوا 600 وجم حوالي 6 ... وكنا في اول رمضان وقالوا لي احنا هانشتغل بعد الفطار مباشرة ناكل ونشرب شاي ونيجي على طول .. سيب لنا حضرتك المفتاح مع البواب وإحنا اول ما نيجي هانرن عليك تيجي لنا

فقلت لهم كويس ... نص ساعه تلاقوني عندكم ..

وقلت لأخويا إحنا مش هانفضل جنبهم يومين ...

دول 130 شكارة كسر .... غير الدبش والطوب الكبير يا عم يعني شغلانه يومين فعلاً

المهم اتصلوا بعد المغرب ,... ونص ساعه كنت عندهم ...

تصدقوا بالله ؟

لقيتهم خلصوا 70 % من الشغل في اقل من ساعه ...

وكمان .. كنت متفق معاهم على تطليع حوالي 160 كرتونة سيراميك بـ 200 ج .... لقيتهم طلعوهم هما كمان ؟

يعني بالصلاتو عالحبيب أخدوا في العملية دي حوالي ساعتين أو تلاته بالكتير

رزقهم وكل حاجه

لكن فيروز بتقول إنها ما قدرتش تشيل كرتونة السيراميك

أيوه يا ماما عشان هما متعودين على كده

وإحنا لا نبذل مجهود بدني كثير في حياتنا

وكلٌ ميسر لما خُلق له ...

زممممممممممممان قوي قبل أختراع خلاطات الأسمنت والأوناش كنت بأشوف بنات وستات شغالين في شغلانة الفواعليه دي .. آه والله

بتبقى ست عندها ايتام مثلاً بتربيهم أو ضاق بها الحال ومالقتش غير الشغلانه دي .. فبتشتغلها

اللي عاوز اقوله

ان مافيش علاقة بين الفقر وبين الأمانة والصدق أو بين الثقافة

ما تبقى يا اخي صنايعي وفقير وبتجري على أكل عيشك .. لكن خلي عندك صدق وأمانة كلمة ..

ويا ناصح يا حلو ... لا تنظر إلى تحت اقدامك .. يعني أنا لو إتعاملت معاك ولقيتك مقرف .. فخلاص إيه اللي هايجبرني أتعامل معاك تاني أو أؤيدك للعمل عند حد ؟

عارفين ... صدمة عُمري .. فعلاً صدمة صدمة

كانت في شخص ظلت عائلتنا تتعامل معه لمدة 20 سنة ... وهو كهربائي ونقاش وسباك ونجار وبياخد الشقة بتاعتنا من بابها يسلمها لنا عالمفتاح ويعتبر متربي معانا .والصلاة الوقت بوقته وحاجه ايه ... ما أقولكش ويعتبر كان من العيلة فعلاً ..

أخويا الصغير كان بيتجوز من 3 سنوات أخر العنقود بقى ... وهو معايا في السعودية .. فاخويا الكبير بيوضب له شقته في مصر .... فجاب الراجل ده ... وكانوا وصلوا الي مرحلة الدهان ...

المهم لسبب ما أخويا نزل يُلقي نظرة على موتور رفع المياه تحت السلم ... وإذ به يجد عدة صفايح دهان من اللي هو شاريها بإيده مدفوسه تحت السلم بطريقة مريبة ...... فعمل كمين ... وسابهم زي ما هما وفضل مراقب الموقف من بعيد

لقى الشخص اللي كنا مستآمنينه لمدة 20 سنة وأكثر ... وهو مروح أخر النهار بينظر حوله ويترقب ... ويروح مسلك صفيحة منهم وواخدها معاه

وتاني يوم حصل نفس الموقف

وعندما واجهه بالحقيقة لم يجد كلام يقول له

وبالصدفة كان أعتذر لاخويا قبل كده إنه سيتغيب لوقت قصيرة لإنه بيُعيد دهان شقته برضوا في نفس الوقت .!!!!!!!!!!!!

واهو قال لنفسه

ليه تدفع أكتر لما ممكن ما تدفعش حاجه .. وأهو البوهيه اللي بالشيء الفلاني موجودة .. يبقى ما فيش مانع نقتبس عدة صفايح بوهيه وأهو دي ناس معاها فلوس وبتكسب من الهوا ,,, وإحنا يا صنايعيه مطحونين ومقهورين

ولا حول ولا قوة إلا بالله العلي العظيم

[se_ Elsyed]

ههههههههههه ... حاسس إن الموضوع ده هايبقى على رأي اللبنانيين " فشة خِلق "

يعني ادخل وفش غلك من اللي بنشوفه

[se_ Elsyed]

ومش عايز يشوف اى حد من اصحاب الشغل معاه وهو شغال

انت تروح بعد المغرب تشوف ال هو انجزه

هتقولو وليه نتحمل كده؟

يا سلام يا طنط ماما نونا ؟

ده ناقص يقولي " شكلك مش عاجبني .. روح إضرب لك شوية سيليكون او رفع حواجبك ؟

ليه إن شاء الله هو ماسك عليه ذِله

وبعدين لما البيه يعمل غلطة من الغلطات المعتاده الغبية بتاعتهم ... أبقى ألبسها أنا بقى والا اخصمها من حسابه ؟

عارفه يا ماما ( إسمحي لي أقول لك يا ماما في سياق الحديث يعني )

قلت اقف قدام الصنايعية اللي بيكسروا الحوائط وجبت طباشيرة وعلمت لهم على مكان الكسر بالظبط وفهمتهم اكتر من 100 مره والعلامات كانت تخرم عين التخين

وجبت اللاب توب بتاعي وقعدت اشتغل في حته ناشفه ... وفجآة صوت التكسير توقف ... ولقيت الواد جايلي يقولي : تعالى قولي إيه رأيك با بامشهندس في الحيطة اللي بدأنا فيها دي

لقيت إبن المجانين من نفسه دخل على حيطة البلكونة بتاعت أوضة النوم وبدأ فيها تكسير

أنا اتجننت ... فقلت له أعمل فيك إيه ؟ مين قال لك يالا تكسر هنا ... مش انا معلم لكم كل حاجه ؟ ... فقال لي أنا ماشي في الشقة فلقيت علامة طباشير صغيرة على الحيطه فقلت إنت عاوز تكسرها ....

إديني عقلك بقى .... يعني امسك الشاكوش واكسر دماغه ولا اعمل في إيه ؟

الحمد لله ما كانش أفتر فيها وقدرنا نلم الموضوع ونستر على الحيطه اللي كانت هاتخرج في حركة التطهير

يعني تقولي لي مهندس .. تقولي مش عارف إيه .. لازم صاحب الحاجه يكون قدامها زي ما قالت مدام " قلب أبيض " واديكي شوفتي ... الشغالة غابت عن عينها لحظات وخدت بؤجة هدومها وطفشت :sad: :tease: :lol:

[فــيــروز]

يا عمُنا ده تصوّرى لحل أزمة الصنايعيه و الحرفيين فى بلادنا العربيه .. و حتى كتبت فى بداية الجمله "لو" و دى حرف شعلقه فى الجو ..

يعنى يكون فيه حد كبير يكون الاتفاق بينك و بينه و يكون فيه شروط جزائيه لو حصل إخلال بالاتفاق .. تكون شركه تكون نقابه تكون جمعيه مش مهم الاسم .. لكن القعدات الشِعبيه اللىّ ع القهوه و كلام الرجّاله على كوباية شاى و سجارتين خلاص مابقاش ينفع اليومين دول ..

فيه كمان حاجه مهمه جدّا ذكرها "التهامى" فى مداخلته .. الناس دى لا لها تأمين صحّى ولا معاش فمنطقى جدّا يدخّل فى حسبته لأجره هذه الأمور .. لو بنتكلّم نظريا يعنى و هنتخيّل إنّه بيعمل ليومه و مستقبله مش بيعمل ليومه بس .. و كمان لازم ناخد فى اعتبارنا أن المهنه طالما تعتمد على المجهود الجسمانى و مش محتاجه مهارات أخرى يبقى إخواننا اللىّ بيشتغلوها لو وصلوا للخمسين و لسّه فيهم نفس يشتغلوا يبقى فضل كبير من ربنا ..

و فيه نقطه أخرى .. أنا بصراحه شايفه إنّنا مش مفروض نعوّل فى الشغل على موضوع الأمانه و الأخلاق و الحاجات الجميله بتاعة ناس زمان دى .. إحنا عاوزين صنايعى يشتغل و ياخد أجره مش هنناسبه .. و من ثمّ وجود وسيله لتجميع العمّال و الصنايعيه مفترض أنّها ستعفيك من فكرة البحث فى أصله و فصله و تحميك من اى محاوله للالتفاف على الاتفاق أو لوى دراعك لأن الصنايعى أخلاقه بطّاله .. عاويزن نفكّر فى الموضوع زى ما بنفكّر فى موضوع احتراف لاعبى الكره بعيدا عن العواطف و موضوع الاخلاق الحميده ده لأنّه بقى عمله نادره جدّا .. مش بس كده لو العّمال دول متجمعين تحت أى مسمّى هيبقى سهل عليك و على غيرك إنّه يعرف التاريخ العملى للصنايعى ده و يمتنع عن التعامل معاه .. لكن انت متصوّر إنّه هيحسبها صح و يخاف على سمعته لو أهدرها فى تعامله معاك .. لأ هو بيقول لنفسه يروح زبون هييجى عشره غيره يتخمّوا نفس الخمّه طالما هو بيعيش اليوم بيومه مش بيخطط للمستقبل .. يعنى ماتقلقش عليه :sad:

[النسر المصري]

طب يا س س خد عندك الحركنشاية دي

طيعا الكل عارف اني هنا في الرياض من فترة عند حمايا... وكنت في رحلة عمرة من كام يوم

بعد ماشربت مقالب وخدع ونصب من الاخوة اصحاب شركات الحملات من اول الكويت لغاية السعودية (اومال مصر تبقى ايه)... المهم اكتر حلكنشاية غاظتني التكاسي في مكة المكرمة

انا لسه طالع من العمرة في ليلة القدر...والناس كلها منفوخة من العياط في الدعاء...ولابس ملابس الاحرام...ومعايا مراتي وحماتي .....ومهدودين حيييييييييل من جراء عمل العمرة ثم الوقوف للدعاء في صلاة القيام....وبعد كل الحالة اليمانيه المتجلية اللي تخلي قلب الحجر ينطق

ايييزززززز (اذ) بعمنا صاحب الباص يخدعنا ويرمينا في الشارع ويقولنا انه مش هيتفع يجيلنا واننا نتصرف ونركب تاكس ونجيله لغاية عنده في الفندق الفولاني !!!

المهم بعد كده يجي المشهد الاصعب والاذل

العربيات والكاسي اللي بتوصل....والمسافه من الحرم للفندق الف متر بالتمام والككممال

اقول فندق كذا في مكان كذا

يقولي ميتين ريال !!!!!!!!!!!!!!!!!!!!!!!!!!!!!!!!!!!!!!!

- ياعم ازاي متين ..ده تسعيرة جده ارخص.....

- انا صالي ثلاث ساعات في الزجمه عشان اوصل هنا وتجولي حرام...

- ياعم ماهو لو كلامك منطقي هاديك...بس التكاسي اللي بتيجي من الرياض لغاية مكة يتلاتين النفر...تقولي انت بميتين لغاية الفندق اللي هنا في مكه نفسها (مع العلم بان الشارع اللي ماشي فيه ماينفعش يقف فيه ولو طلع منه مش هيعرف يرجع تاني الا من الاول...يعني يقعدله تلات ساعات تانيين)!!!

يقوم يقفل الشباك ويمشي ويطلع فعلا من الشارع بدون ماياخد نفر واحد حتى !!!!!!!!!!!!!!!!!!!!!!!!!!!!!!!!!!!!!

التاني نفس القصه( ميتين ريال) بس ده انا قلتله اقفل الشباك طيب لحسن اخلص عمرتي عليك

الثالث والرابع لغااااااية العاشر...نفس القصه اقسملكم بالله ماعدا واحد قالي مية وتلاتين وبردو ماوافقتش !!! ويارتني وافقت!!!

واللي غايظني ان مافيش حد طلع ومركب حد...كله بيروح فاضي........ فعلا دول فقريين ولا هم غاويين فقر ولا ايه بالظبط مش فاهم !!!

في الاخر ماقدرتش اتحمل ابدا....رحت موقف واحد وبالعافية رضي يمية وخمسين.....وراح النصاب قمركب كمان معايا نفرين نزلهم في الطريق..وبعدين النصاب راح قال ايه يلفلف بيا كتير شويتين عشان يعمل ان الفندق بعيد ......

اللي غابطني بقى اني لما دخلت الفندق لقيتلك السواق ال (XXXXXX) والاكسات دي من عندي عشان احاول افضي اللي ف قلبي

الممهم لقيته قاعد في الهول وعمال يشرب سجارة وفنجان قهوة وبيضحك ويكركر مع واحد تاني

طبعا انا رحت )*^*&%)*%*$*^%*&%)*^$*$*^$%*#&$^#@%@%#@#!@$!$%#&%$*^%)&^(*(&*&(*&()*&()*&(*&

ايه رايك يا س س

[wagdi]

مصر فيها صنايعية كويسين أوي... بس قليلين وغاليين ومشغولين...

من تجربتي أيام ما كنت بوضب شقتي في مصر ان اي حاجة تعاملت فيها مع الصنايعية مباشرة ماطلعتش زي ما انا عايز...وكل حاجة تعاملت فيها من خلال مهندس الديكور طلعت على مزاج مزاجي وانا في الحاجات دي مزاج اوي... يقال ان الصنايعي بيعمل حساب رضا مهندس الديكور لأنه بيجيبله شغل على طول بعكس الزبون بتاع مرة واقلب... ويقال علشان المهندس بيعرف يستلم منه الشغل صح بحكم انه في السوق وفاهم ومش سهل يشربه الشاي... يقال علشان المهندس بياخد منك الفلوس كبشة بس بينقط بيها الصنايعي وينشف ريقه فبالتالي بينجز ومابيتلعكش... اياً كانت الاسباب النتيجة الي وصلتلها انك تدي العيش لخبازه وتجيب مهندس شاطر يتعامل... تديله انت افكار وتوجيهات :sad: وهو يعيش حياته في التنفيذ... حاجتين هما الى ممكن تبوظ الموضوع...قلة الذوق والأراحة... يعنى يبقى مش فاهم حاجة وماعندوش ادنى درجات الذوق ويبتدي يقول للمهندس اعمل وماتعملش... والحاجة التانية الاراحة والاسترخاص... فتلاقي الراجل مش طايق الشغل معاك ويتبع معاك مبدأ اربط الحمار مطرح ما عايز الحمار...

بس الصراحة هنا في كندا مالقيتش الي ممكن نقول عليه صنايعي اصلاً... يعني ماتلاقيش اصلاً حد يحفرلك رخام ولا حد يعملك أويمة ولا حد يفصلك نجفة... ولولقيته حيبقى بارقام فلكية مكوكية... كله هنا جاهز ومتفصل جاهز وانت تقدر تركبه بنفسك...كله DIY (يعني Do It Yourself للي مش في كندا) من اول الارضيات لحاد اكرة الباب... انت لو بتجيب حد يعملهولك بس علشان ما عندكش وقت... البيت كله ما يخادش اسبوعين لو معاك حد يساعدك...

بس مش شغل المزاج...

يا اصحاب المزاج... :tease:

تحياتي

تم تعديل 21 سبتمبر 2009 بواسطة moheltohamy

[عنبو]

طالما بتتكلموا عن الصنايعيه يبقى لازم اتكلم

انا اساساً متربى معهم انا والدى الله يرحمه كان مهندس وبرده كان له شغل فى مقاولات ودهانات وكده وبتاع وطبعاً انا فى الصيف كنت بنزل اشتغل معاهم وزى زيهم بالظبط فطبعاً اخدت منهم كتير بس الحمد لله والدى لحقنى وعملى غسيل دماغ اقلى ان عاوزك تبقى تشتغل لكن بدماغ مهندس وليس بدماغ صنايعيى

على العموم الامثله اللى قالها سى السيد دى موجوده بالظبط والمشكله انهم بيكونوا فعلاً صنايعيه محترفين بس بيكونوا كسله جداً وبيحوبوا الجوع والراحه على رأى والدى الله يرحمه

انا لما بلاقى اى واحد من النوعيه دى بهزئه بس بعشم يعنى علشان خاطر والدى والعيش والملح وبنزله الشغل بالغصب عنه بس بجد نفكير غريب تلاقيه قاعد يشتكى من الحاله وتلاقيه بيشرب سجاير فى اليوم ب 20 ج

حاجه تخنق بجد

[se_ Elsyed]

الزغلول الكبير بقى ..

خلصت الشقة سيراميك وحركات وجيت بانقل عفشي زي أي حد ما عنده عفش

وعاللي جرالي ... عاللي جرالي ...

اقسم بالله كدت أُصاب بأنهيار عصبي من القرف

- ذهبت الى مكاتب نقل العفش والحاجات دي

عندك إيه يا عم ؟

قلت لهم عندي كذا وكذا وكذا ... وهانقل من الدور الكذا للدور الكذا والمسافة بين البيتين كذا

خلاص يا رجاله .. اتفقنا ... اتفقنا وزيادة

وجه ييجي 5 انفار باكستانيين ومعاهم عربية نقل

وأول ما دخلوا الشقة .. كانوا مبيتين النيه ... بالصلاه عالنبي يا معلم احنا اتفقنا على 500 ريال ... لكن كله اتغير في موقع العمل هاناخد 1000 عشان إحنا ( بنتعب ) بدون اي مبرر مثلاً العفش طلع زيادة أو أنا خدعتهم مثلاً ... لا هو كده .. أمر واقع ولوي دراع وإلا نمشي

فقلت لهم في ستين داهيه ..

نزلت تاني .. لمكتب .. وجبت المره دي مصريين ...

كام يا عم

550 ريال يا معلم .. راضي يابا ؟ .. راضي وزيادة يا باشمهندس

وجم 4 انفار واجروا عربية نقل جت ورانا ..

ونفس السيناريو ...أول ما دخلوا الشقة اللي اتفقت معاه قال لي والنبي زودنا 50 تاني ... قلت له ماشي ..

وإذ بشخص معاه شيطان رجيم يسخنهم ويقول : لأ الاتفاق ده لاغي .. وأحنا هاناخد 1000 ولو كان عاجبك

الواد اللي اتفقت معاه بصراحه قعد يتحايل عليه يمين شمال وعيب كده وأحنا أجرنا عربيه والسواق هايحملنا فلوس .. قال له اشتغل انت لوحدك ..وسخن الناس التانية وأخدهم ومشي ...

جريت وراه للشارع ومسكته مسحت بيه أسفلت الشارع لإنه عبارة عن عيل بدون عقل ولا يعرف عن الرجولة والاتفاق شيء وهو ولا هو هنا وكأني بأقول فيه قصايد مدح .. وخدوا بعضهم ومشيوا

وضاع يوم من ايام رمضان وصيام واليوم قصير وحاجه صعبه والساعه كانت وصلت اتنين بالليل

تاني يوم

اتصلت تليفونياً بمكتبين ... واحد قال لي 600 قلت له ماشي .. هاتيجي أمتى قال لي بعد العصر هاجي اعاين .. واذ به يتصل عشان يقول لي .. قبل ما اجي الـ 600 هاخليها 900 بدون سبب ......... لا تعليق ؟

مكتب أخر ... اتفقنا على 600 برضوا وقال لي خلاص جاي بعد المغرب ... واتأخر وماجاش .. وأتصلت مليون مره ولا مجيب ولا يرد علي

..

واخيراً أخدت أخويا وروحنا لمكتب باكستانيين واتفقنا على 700 ريال فك وتركيب وعربية وكل شيء وكان صاحب العربية شاب سعودي صغير .. وأقسمت لهم جميعاً إن لو الاتفاق ده ما اتنفذش وجم الشقة وفتحوا بؤهم لأكون حاجز العربية وأخدهم رهاين وأسلمهم جميعاً للشرطة ... بدون نقاش ..

وفعلاً جم ونتعوا الحاجه من غير ربع كلمة ..

وأقسم بالله .... اجزلت لهم العطاء من غير ما يطلبوا

-----------

دي نماذج يا سادة من الناس الفقريين اللي بيموتوا من الجوع بسبب دماغهم الزبالة ... ويرجعوا يقولوا الأحوال صعبه ومافيش شغل ........إلخ

وللحديث بقية

طب أعمل إيه دلوني يا ناس ؟

اشرب بيبس وأخلص من حياتي وأفرح فيا الاعداء ؟

ولا أشجع الزمالك وأموت ودمي محروق ؟

ده موسم النقل السنوي بتاعي

وأتفقت مع شركة شحن وتمام التمام وقالوا لي 7 الصبح النهاردة هانكون عندك ... المهم جم الساعة 10 وصحوني من النجمة وما كنتش نمت الا 4 ساعات ( يا بختك يا مكاوي يا قادر ياللي بتنام 18 ساعة في اليوووووووووووووووووووووووووم ) ... ونفس الفيلم حصل .. لا نقص بونيه ولا شلوت ..

دخلوا الشقى وعملوا الشو بتاعهم .. السلالم عاليه .... الدنيا حر .... اللمباجو بيوجعنا ... الشقة كبيرة ... العفش كتير ... إحنا عاوزين زيادة 50 % .... وللاسف كانوا 7 مصريين .. روحت شاتمهم شتيمة متنقية وفاتح باب الشقة وطاردهم بره شر طرده ..

اخدت العربية ونزلت الأماكن اللي فيها شركات نقل العفش .. وأتفقت مع سوداني عنده شركه نقل .... بعد ما سمع حكايتي قال لي 900 ريال .... قلت له و100 بقشيش من عندي يبقى 1000 ....

سيم سيم صديج وأنظر الكتاب اللي فوق

اصل المطبخ عاوز يتفك ( طب ما أنا قايل لك يا روح أمك !!! )

وعندك ستاير كتيره ( برضوا قايل لك يا دزمه )

أنا هاخد 1200 وأنت أبقى راضي العمال الباكستانيين ....... وكويس أن باب الشقة كان مفتوح .. روحت شايطهم بره الشقة ... ومنوع بقى في الشتيمة غير الشتيمة الاولانية أنا ما بأحبش أكرر نفسي وبأعشق التجديد

وقاعد دلوقت في البيت زي ست أبوها .. ويومي راح ... وما أشتغلتش بتعريفة ... وهدومي كلها في الشنط والكراتين وتقريباً شكلي زبال ....

ومنتظر شركة تاني صاحبها سوري جاي كمان شويه وخليها تكمل عشان أبقى الأنسان الوحيد اللي أشتبك أشتباكات عسكرية مع الدول العربية كلها

بجد حاجه تقرف ونماذج زبالة الزبالة

أدعوا لي ربنا يوقف لي في كل خطوة شركة نقل بنت حلال .... وولا يرقد لي دولاب .. وولا يعري لي سرير

[hOuSsAm]

والله يا سين سين

ده بردوا حصل معايا

كنت عايز انقل من شقة لشقة وكنت كل اللى هنقله دولاب وسرير وتسريحة وكمدينو وغسالة وشوية رفايع (كانوا شوية يمنين من بتوع التخزين دول)

كام يا رجالة 100 ريال .......... طيب مستنيكوا يوم الجمعة ماشى

يوم الحمعة انتظرهم 3 سعات ......... واكلمهم انتوا فين يارجالة اصل مش عارف عندنا ايه

طيب هتيجوا امتى .........يوم السبت

انتظرهم يوم السبت ولا حياة لمن تنادى

طب الاحد ......... الاتنين........ اروحلهم واتصل بيهم والمشكلة هما الوحيدين اللى لاقيتهم فى المنطقة

جم يوم الخميس بالعافية

وبعد مفكوا العفش ونزلوه قالوا لى احنا هناخد 200 ريال واجرة العربية عليك او نطلعهولك

قمة النرفزة ........... اللى تحس انك بتتعامل فيها مع شوية عيال

يعم مش اتفقنا على 100 قاولوا معلهش اصل حاجتك تقيلة (مع العلم ان المسافة بين البتين 3 شوارع يعنى بالعربية 2 دقيقة)

قولتلهم طيب انقلوا الحاجة ........... وبعد منقلوها وركبوا كل حاجة اديتهم 100 بس........ وقولتلهم اللى ليه كلمة يحترمها واللى تقدروا عليه اعملوه (انا مش بحب لعب العيال)

شدينا مع بعض شوية وفى الاخر اديتهم تقريبا 150 او 160

والله يا سين سين ربنا معاك.......... انا بقالى كام شهر عايز اغير السكن بتاعى بس كل مفتكر وجع دماغ نقل العفش اقول اصبر واخلينى زى منا

[الغريب]

أنا رأيي يا كبير تحاول تسيبك من الشركات وتعتمد على الجهود الفردية

مش قاصدي أنك تشيل لأ شوف عربية واقفة كدة وعليها أتنين هنود ولا حاجة وظبط معاهم

لما نقلت من حوالي 5 شهور لاقيت جاري جايب شركة مصرية قولتلهم تعالو بصو بصه قالولي 25 دينار

لما جيت أنقل لاقيت 2 باكستانيين واقفين جنب عربية نقل كبير أتفقت معاهم تعرف قالوا كام، قالوا 5 دينار والله

بس أعذروا المصريين يا جماعة لأن عملة بلادهم غير عملة الهند وباكستان وبنجلاديش والموضع بيختلف خالص

[se_ Elsyed]

وعسى ان تكرهوا شيئاً وهو خير لكم

بعد ما زعلت الصبح من الفضول الباردة بتاعت الاوباش دول

سبحان الله بالصدفه جاي باطلب نمرة الراجل اللي اداني الزومبه عشان ابهدلوا

فانا مسجلة بأسم cargo

اتاري في نمره تاني عندي كده والله لا اعرف سجلتها امتى ولا جنبها اسم حتى ... فرد عليه واحد سوري قولت لكم .. طلع أردني على فكره

فاتكسفت منه وقلت له عندي عفش عاوز انقله كذا كذا كذا كام يا عم ؟

قال لي : 900 ريال قلت له ماشي ... قال لي الناس هايكونوا عندك الساعة 2

وفعلاً واحد ونص لقيت 13 فرد داخلين على الشقة ما شاء الله أكلوها أكل ومن غير ولا كلمة ولا حدوته .. والكهربائي عارف شغله والنجار عارف شغله وبتاع الستاير واللي بينزل واللي بيحمل واللي بيطلع الشقة الجديدة وكله من سكات ...

ولأن طبعي ما بيجيش بلوي الدراع أو انتزاع حق بسيف الحياء .... وأنا بااحسبهم في الأخر .. اعطتهم من غير ما يطلبوا 1300 ريال جدعنه مني لأنهم طلعوا محترمين وعملوا حاجات زيادة ما كنتش طالبها ... بالأضافة إلى أكلهم وشربهم طوال اليوم عليه ... وكانوا طايرين من الفرحه وهما كانوا هنود على باكستان .. وجالي الراجل الاردني بنفسه عشان يتعرف عليه ..

فالحمد لله لو كنت هادودت الاوباش بتوع الصبح هما كانوا ما بين 5 او 6 افراد .. كان زمانهم قعدوا 5 ايام في الحاجات دي لأنها كتير جداً

لقيت بقى عامل من العمال الهنود بيقول لي : ليش كل مدام مصري في أشتري أغراض كتير كتير من السوج وشجه أبجى مليان ؟

فقلت له : أنت بتسألني أنا ؟ حكم القوي يا أبني ... والقوي فيه اللي أقوى منه واللي مالوش أهل .. الحكومة أهله

إلا ليه صحيح الستات بيعملوا فينا كده ؟ وإيش حال ما كنتش سي السيد عم أشقيه مصر ؟

[engmido]

[

إلا ليه صحيح الستات بيعملوا فينا كده ؟ وإيش حال ما كنتش سي السيد عم أشقيه مصر ؟

/quote]

سؤال وجيه مجاوبش عليه...هههههههه wst:: -_-