مقابلات مقاطعه كيبك سين وجيم بالفرنسيه مع الترجمه للعربيه

[dr abo samra]

بسم الله الرحمن الرحيم

بعد ان ظهر فى الاونه الاخيره هذا التيار الجارف من محبى وراغبى الهجره الى مقاطعه كيبك الكنديه الفرانكوفونيه والبدء فى الخطوات العمليه فى سبيل ذلك ,فقد كان لزاما علينا ان نقوم بتقديم يد العون والمساعده لكل من يرغب فى الحصول على المعلومات الكافيه عن هذه المقاطعه باللغه الفرنسيه وترجمتها باللغه العربيه وكذلك شرح كل مقابلات الاعضاء باللغه الفرنسيه مع ترجمتها للعربيه...وذلك ايمانا منا بروح التعاون والذى يلمسه المشتركين والمتابعين...

وكل ما نطمح اليه من هذا التوبك هو مساعده الغير لتقليل الحاجه الى الاعداد الخارجى والمكلف للغايه..

ولا يفوتنى ان اشكر التوبكس السابقه والتى ناقشت ببراعه وصف تفاصيل المقابلات ولكن للاسف فقد ضاعت كل التفاصيل فى ظل زحمه المداخلات الهادف منها والغير هادف..وهو

ما جعلنى اسرع فى فتح توبك جديد يكون مخصصا وفقط للشرح والمعلومات عن كيبك ومقابلاتها وذلك بمباركه من الاداره المحترمه وعلى راسها مشرف الباب د/محمد التهامى

فعلى كل المشاركين فى هذا التوبك وضع خبراتهم وتحرى الدقه فى المعلومات والابتعاد عن اختلاق المشاكل والمناوشات الجانبيه حتى تتحقق من ورائه اقصى فائده ومنفعه..

سائلين المولى عز وجل ان يجعله فى ميزان حسناتنا وحسنات من يتابع ومن يشارك ومن يهتم لامر اخوانه من المهاجرين او راغبى الهجره...

بسم الله نبدأ

[dr abo samra]

حيث كده بقه يبقى ابدأ

سقفه للنبى...كمان سقفه .....بس خلاص كفايه كده ...

طلعت بالطياره من القاهره على رحله طيران الاتحاد وكان يوم خميس الفجر وطبعا اخويا الرحاله عارف قصه دخولى ابوظبى الممله..المهم طول الطريق وانا قاعد جنب واحد اجنبى....الرحله تقريبا كانت 4 ساعات

]

البت المضيفه تقوله اكل وده نايم خخخخخخخخخخ....شاى وده يقول لأ وخخخخخخخخخخخخخخ....طب قوم يا عم نتكلم كلمتين وده خخخخخخخخخخخخخخخخخ.....تقريبا كان شارب ومتقل...... وكان بيقوم بس عشان يكح وينام تانى اه والله...المهم فضل نايم لحد اللاندنج بتاع الطياره تقريبا بياخد 15 دقيقه لحد ما تقف...ولقيت عمنا صحى...بتكلم معاه انجليزى وبقله الجو انهارده زى الفل فقالى فعلا الجو كويس(قلتله فى عقل بالى اه يا معلم منتا داير تشد طول الليل ولا كأن الكلب أكل عجينك...قايم وفايق...المهم بقوله انت منين ...قاللى من فرنسا وعنهاوانا كنت هموته...طب مش تقول يا بنى ادم كنت عملت عليك بروفه...وشاطر بس تناملى طول السكه(طبعا فى سرى)...فقلتله بالفرنساوى بقه انا عامل ترانزيت فى ابو ظبى بس على اساس انى راجع السعوديه ياترى هستلم الشنط فين....انا خايف استلمها فى السعوديه لانى ناوى ارجع تانى مصر..فقالى ورينى ورق البوردينج فوريتهوله فقالى انت راكب من مصر وهتنزل فى ابو سمره يبقى هتستلم الشنط فى ابو سمره....قلتله هات الجواز يا عم الحاج ابوسمره مين يا عسل دنتا تايه فحت يومك اسود..ابوسمره ده يبقى انا يا كبو فضحك وقالى اسف يبقى هتخده فى ابو ظبى ...المهم قاللى انت جاى ليه...قلتله كذا كذا كذا...فقاللى انت مستواك كويس فى الفرنساوى وهتنجح...قولتله روح يا شيخ الهى يخليهملك ويكفيك شر المرض زى ما جبرت بخاطرى....المهم دخلت البلد صباح الجمعه وروحت نمت فى الفندق بعد ما صليت وصحيت الساعه 12 بالليل وايدى خدلانه اصلى كنت نايم عليها ومش حاسس بالدنيا...المهم نزلت اكلت ورجعت وشويه ونمت تانى زى الفرنساوى...تانى يوم الصبح رحت عاينت مكان السفاره عشان متفاجئش بمكانها وادور عليها قبل المقابله...وده كان يوم سبت وكانت على بعد 10 دقايق من الفندق...المهم رحت لقيتهم اجازه بس العسكرى قاللى هى فى الدور العاشر..قلتله طب ممكن اطلع المس بابها بس وانزل تانى قاللى اطلع..طلعت ونزلت وروحت....قعدت الف فى البلد شويه ورجعت اكلت وهكذا المهم عديت السبت ...بقينا يوم المقابله..ااااااااااااااااه اصحى يا برنس....صحيت الساعه 5 صليت ...ولبست الحته التمام(على فكره مش شرط تلبس فورمال)..المهم يبقى لبسك منظم ونضيف انشالله حتى قميص وبنطلون نزلت اخدت التاكس وده كان تقريبا الساعه 8وخمسين دقيقه بعد ما شربت النسكافيه اللى يبهرز الاسطول (عشان اعرف اركز)...وصلت السفاره حوالى الساعه 9 زى ما قالولى (حاول تروح قبل ميعادك بساعه تقريبا لانهم ساعات بيخلصو بدرى ويخرجو يندهو عليك ولو لقوك ده بيعطيهم انطباع كويس عنك وبتصعب عليهم)المهم استنى اللى ينده ميندهش الساعه بقت 10 ومندهش ..ونص مندهش 11..لا كده بقه دخلنا فى العوق دنا مقابلتى 10 ونص يا جدعان...اقوم اسال فى الريسبشن يمكن يكونو ندهو اسمى قاللى لا لسه مندهناش..اصل فيه ناس فيدرال وناس تانيه كتير وامم..المهم تخيل ان واحده فليبينيه وبتتكلم فرنساوى...طبعا حاجه زفت....ندهت حاجه بسرعه كده المهم كله راح جارى عليها وانا معاهم بتقولى ايه..... ازاى....فقالت يا جماعه انا بنده على الموظف...يعنى بتشتغلينا يعنى ؟ بتستغلى اننا غلابه واصحاب مقابله...ماشى رجعت وقعدت على الكراسى صاله عامله زى استقبال المستشفى ...وشويه ولقيت واحد تقريبا سورى ومراته جاى وجايب فى ايده ظرف ورق زى بتاع اللحمه ...قلت اشطه دنا جايب حاجتى فى شنطه سفاره محترمه..المهم اخينا دخل فى باب 5 (بتاع كيبك) شويه وطلع ومبسوط وقعد يحط الورق فى الظرف...فقلت اساله انت كنت بتمتحن كيبك فقاللى ايوه...قلتله وسمعت اسمك فاللى ايوه قلتله فين قاللى هيندهو عليك انت اللى بعدى؟قلت ايوه..قلتله سالك فى ايه ...فقال سالنى ليش عم بتفكر تمرق عاكيبك؟(ليه عاوز تروح كيبك؟)قلتله تمام وايه كمان فقاللى والخبره والتعليم....فقلت اشطه مقابله تقليديه ...فقال لا تخاف الزلمه مليحان...المهم مكملش الكلمه ولقيت الفلبينيه بتنده اسم معرفتهوش...فقلت للاخ السورى هو ده اسمى؟فقال انت اسمك ايه فقلتله كذ كذا..فقاللى ايوه فوت فوت بسرعه....

اخدت ديل البدله فى بقى وجرى عالباب...وطبعا ايدى على قلبى ..ليه؟.خايف ليكون السورى بيزحلقنى او انه سمع اسم تانى..فقلت يالله ادخل ورزقك على الله...بس كنت خايف ليقولى انت مين وجاى هنا ليه...او انت عاوز مين او احنا لسه مطلبنكش..وساعته يحط عليا اكس..اذا كان جايله بدون معرف اسمع اسمى امال هينجحنى ازاى؟المهم دخلت وجتتى ملبشه لقيته بيبصلى ...قلت ارجع تانى يا جدعان ولا افوت على راى اخونا المهم عديت...فقلتله مسيو؟فقاللى وى فوزت مسيو ابوسمره؟فقلتله وى مسيو سى بيا موا..فقال اسيي فو..فقلتله ميرسى ...وعليه وفكيت وخلاص قلت تمام ...

طبعا كان يوم وقفه عيد الاضحى اللى فات2008 فى شهر ديسمبر والناس واقفه على عرفات وانا واقف بين ايدين عمنا المستشار وكان فى منتصف الاربيعينات وكان فى منتهى الذوق والظرف بصراحه(يمكن لو كان سقطنى كنت قلت حاجه تانيه)

شأنه شأن كل الكنديين...حتى اللى بيسقطو تلاقيهم بيضحكو بس طبعا ضحكه صفرا( )....المهم يا جدعان انا هروح أأربعلى شويه ميه وارجع احكيلكم التفاصيل اوعو تقومو

انشاء الله الفرنساوى جاي ورا بس دى مقدمه عشان الناس تعيش جو المقابله بجد

[dr abo samra]

اولا احب اشكر كل من تفضل بالرد من الاخوه الزملاء وهم بالترتيب حسب الظهور العزيز د/ميدو منصور و الاخت منال شوقى والدكتور علاء فارما والمحترم الرحاله باشا وبقول اننا انشاء الله هنبدأ بتجميع المقابلات من اماكن مختلفه فى هذا التوبك مبدئيا وهبدأ بمقابلتى ثم يتفضل بقيه الاعضاء بسرد مقابلاتهم لو بالعربيه ونقوم نحن بترجمتها بعون الله وتوفيقه..

كما اننى ساقوم بشرح تفصيلى ومختصر ومفيد فى نفس الوقت عن اهم المعلومات عن كيبك وكندا واهم الاسئله المتوقعه حتى تعم الفائده...وبالنسبه للاخ الرحاله باشا فكل ما تريده مطروح وسينفذ باذن الله

وكذلك ما طرحه العزيز د/ ميدو منصور محل اهتمام ..لكن كل ما نرجوه هو ان نواجه محاولات الخروج عن النص او الدعايا من الاعضاء لصالح اناث خارجيين والتحدث فى مواضيع خارجيه حتى تعم الفائده.

تقبلو تحياتى

[dr abo samra]

hgpالحمد لله ....كنت عطشان أوى يا جدعان من امبارح منزلتش الأولله من على بؤى...

نخش فى الموضوع

دخلت وقفلت الباب وراى وعمنا بصلى وانا ركبى سايبه فهزيت راسى وقلتله

monsieur؟

فقاللى vous etes bien monsieur abou samra

فقلتله oui monsieur c est moi

فقاللى assiez vous

فقلت merci bien monsieur

المهم بدأ البدايه المعهوده واتحدى ان يكون حد فهمها كلها بس طبعا انا كان متنبه عليا ان البدايه التقليديه هتكون انه هيقولك انا هنا مستشار هجره عشان اعملك مقابله وبناء عليها هنقرر

اذا كنت تستحق السى اس كيو ولا لأ وده هنقرره فى اخر المقابله...طبعا انا فهمت حاجات بسيطه لانه كان سريع جدا فى الاول وقعدت اهز فى راسى وعامل فيها عبده الفاهم وى مسيو وى مسيو

داكوغ داكوغ,,وهكذا ,نبدا قلتله نبدأ

البدايه

votre passport s il vous plait

فقلتلهle voila monsieurيعنى اتفضل

فقاللى votre date du naissenceيعنى تاريخ ميلادك

فقلتله...........

فقاللى vous etes quelle nationaliteجنسيتك يعنى

فقلتلهegyptien monsieur

فقاللى vous etes ici depuis combienانت هنا من امتى

فقلتله depuis environ 2 jours monsieur

فقاللى comment etes vous venus aujourd huiيعنى جيت ازاى انهارده

فقلتلهen utilisant le taxi monsieur يعنى بالتاكسى امال يعنى هاجى بعربيه كارو

فقاللى bien bien elle vous a pluيعنى هيا عجبتك؟

بصراحه شكيت فى نفسى وقلتلهpardonيا عسل مش فاهم تقصد مين انا من البيت للجامع

فقالى abu dhabi

فقلتله الله يحظك يا شيخoui il m a plu beaucoup يعنى عجبتنى طحن يا عم الحاج

المهم بدأ بقه فى الورق وقاللى ...انت اتخرجت من مدرسه كذا ودرست فى كليه كذا جامعه كذا فقلتله oui monsieur

فقاللى parlez moi du votre educationوناس تانيه تقولvos etudes يعنى دراساتك

المهم قلتله......j ai obtinu mon diplome d etudes secondaire l anne...... et puis j ai fini mon diplome de premier cycle dans la faculite de sciences phamaceutiques en يعنى حصلت على الثانويه فى تاريخ .......وحصلت على بكالوريوس العلوم الصيدليه فى تاريخ كذا

فقاللى et apres cela وبعد كده

فقلتله .....apres cela j ai obtinu mon autorisathion de la profission du pharmacie l anne ......... et jai travaille comme pharmacien seconde dans la pharmacy du dr..... du .... a

يعنى بعد حصولى على رخصه مزاوله المهنه اشتغلت كصيدلى تانى فى صيدليه كذا فى الفتره من كذ لكذاet voila l attestationوها هى الشهاده وخد بالك تكون منظم ورقك كويس جدا وكل ما تقول كلمه تطلع المستند بتاعها لانهم بيحبو الاختام جدا(مش متعودين عليها) وبيفضلو يبصو فيها كتير وانت عمال ترزع ولا حد فاهم حاجه...اهو تكسب وقت وتقول اللى فى نفسك وطبعا هو مركز معاك وبيهزلك راسه..المهم

.....et puis j ai travaille comme phamacien pendant mon serviece mellitaire de.......a

يعنى اشتغلت كصيدلى اثناء خدمتى العسكريه واتفضل شهاده الخدمه العسكريه وكمان معاها شهاده الخبره بتاعه الصحه لان مذكور فيها كل الكلام بالتسلسل الوظيفى زى ما اخواننا الصيادله يعرفو

et puis j ai travaille comme rechercheur dans l inestitut du..... du....a

يعنى اشتغلت كباحث فى معهد .....فى الفتره من كذا لكذا واتفضل الشهاده

..j ai travaille comme pharmacien dans la memme pharmacie ... du.........يعنى اشتغلت مره تانيه فى نفس الصيدليه من كذا لكذا

.... et puis je travaille en arabie saudite comme pharmacin dans lintreprise du... jausque au present يعنى اشتغلت فى السعوديه من بعد ذلك حتى وقتنا الحاضر فى مؤسسه كذا واتفضل شهاده الخبره

وعلى فكره ممكن تقدم عقد العمل زائد التاشيرات لو معرفتش تقدم شهاده الخبره..الناس دى بتفهم...المهم انا استاذن حضراتكم اقف لحد الخبره واكمل وقت تانى سامحونى عندى دوام ..

ملحوظه الكى بورد عندى مش مساعدانى اكتب فرنساوى كويس (لا اكسونات ولا بتاع)وكمان ممكن يكون فيه خطأ لغوى فمعلش انا سايب الفرنساوى من سنه

ففى الاعداد ابقو صححو اللغه مع المعد بس اهم حاجه تعرفو المعلومات دى كويس وتحاولو تظبطوها بطريقتكم

استودعكم الله

[dr abo samra]

يا جماعه عاوزين اثراء الحوار لافاده الجميع...معلش والله انا فى السعوديه وبكلمكم من راسى واللى بفتكره ومفيش معايا اى حاجه اكلمكم منها وكمان كنت بذاكرorale وبس يعنى بتكلم واسمع

وده نصيحتى للناس متضيعش عمرك فى الكتابه انت كل اللى مطلوب منك انك تكتب اسمك فى المقابله وجايب معاك كام فلوس وخلاص

اكمل عشان الناس اللى مستنيه

عمنا ده(راجل والله فى منتهى الذوق زى بتاع الطياره بالضبط...فاكرينه؟)راح رازعنى سؤال وقاللى..... si vous ne trouvez pas du travaille؟ يعنى ولو ملقتش شغل يا عسل

قلتله je sais bien que ma profession est L un de plus en demande au quebec يعنى انا اعرف ان مهنتى من اكثر المهن طلب فى كيبك

et j ai deja cherche sur L internet et j ai trouve pleusieurs offre d emploi وانا بحثت من قبل على الانترنت ووجدت العديد من عروض العمل وطلعتله عروض العمل وقلتله شوف يا عم الحاج regardez vous monsieur شوف يا كبو وقمت مطلعله عروض العمل وقلتله

par example j ai trouver un offre comme pharmacien et il demande une scolarite universitaire premiere cycle يعنى هما عاوزين بكالوريوس فقط وانا معايا بكالوريوس يعنى يناسبنى واقوم رازعه العرض يقعد يبص فيه واقوله il demande 1 a 2 annes d exprience et moi j ai 7 ans d expriences دول عاوزين سنه واحده خبره وانا معايا 7 سنين والبخت مايل يا كارل يا اخويا

il demande 40 heures de travaille par semaine est moi je travaille 70 hrs par semaine طالبين 40 ساعه فى الاسبوع(طيبين اوى)وانا بشتغل (او بتفحت)70 ساعه فى الاسبوع

وقلتله il demande une tres bonne connaissance en francais ,et je sais que j ai un niveau intermediaire en francais ,mais apres avoir passer Le rendez_vous,je serais plus motive et je vais completer mes etudes en francais قلتله انا عارف انهم طالبين معرفه كويسه جدا فى الفرنساوى وان مستوايا متوسط فيه ولكن بعد اجتياز المقابله ساكون اكثر دافعيه وسأكمل دراستى للفرنسيه

وقلتلهil ne demande aucune connaissance en anglais,je ai un niveau avance en anglais يعنى هما مش عاوزين اى معرفه عن الانجليزيه واخوك بقه شاطر جدا ومعاه مستوى متقدم فى الانجليزيه

وعليه وكملت بقيه الاوفرات اللى معايا....بس متوهوش منى ان السؤال الرئيسى كان هتعمل ايه لو ملقتش شغل فانا بعرفه انى بحثت عالنت ولقيت عروض عمل كتير تخص مهنتى(ودى تعطيك درجات الدافعيه)من مدفع يعنى...طخخخخخخخ...المهم دى نصيحه انك تجرجر اللى قدامك لحته انت مذاكرها كويس وشاطر فيها بس متكنش بعيد عند الموضوع اللى طلبه...نكمل

وقلتله كمانje sais que au quebec il se trouve 6 du 7 centres du rechurche d intreprise pharmaceutique present au canada وانه فى كيبك يوجد 6 من اصل 7 مراكز ابحاث لشركات دوائيه عالميه موجوده فى كندا....انشكح قوى وبرق وكانه اول مره يشوف واد حليوه

المهم دخلنا فى الجد وقلبتها عليه بقه ,وقلتله il est aussi possible que mon premier emploi soit moins qualiifie que celui que je souhaite occuper من الممكن ان اول وظيفه ليا لاتتفق او اقل من درجه من المهنه التى أأمل ان اشغلها(معلش بقه الاعداد كان عامل شغل ومسخننى بصراحه) وقلتله ou qu il ne soit pas en lien avec mes competences professionnelles. او لا تتفق مع مؤهلاتى ودوافعى المهنيه

وكملت بالقاضيهselon la situation je occuperai cet emploi le temps d entreprendre ou de poursuivre une formation يعنى على حسب الحاله ساشغل هذه الوظيفه-الورنييييييييييييش..فاكرين؟) حتى ياتى الوقت الذى اكمل او اعادل فيه تعليمى هناك

...وهو بصراحه لسه بيهز فى راسه

اسيبكو شويه تركزو وتصححو اللى اتكتب واريح شويه واأربعلى شويه ميه ظراف

فين الاولله .. :h!!!h:

[dr abo samra]

الوووووووووه يا دنص ...انا جيت يا جدعان...ربنا يهده زى ما هد السلم...لملم :h!!!h:

الاخوه الصيادله فيه نقطه انص كده بره المقابله وجبتلها ورقه عشان انقلهالكم وهى التاش....ولاحظت انها اصبحت بتتكتب فى الابلكيشن الجديد اللى بتقدمه لكيبك ...اللى هى المهام الوظيفيه وخد بالك انه ممكن يسألك فيها

السؤال بيقول..(.quelles sont vos taches(fonctions principales؟ يعنى ماهى مهامك الوظيفيه..يعنى بتعمل ايه فى شغلك او بتزاول مهنتك ازاى؟...خد عندك يا برنس انت وهو:_

1)revoir les ordonnances pour s assurer de la dose exacte يعنى براجع الروشيتات للتأكد من ان الجرعه مظبوطه(عشان الناس الضريبه)مساء الفل

2)remplir les ordonnances,calculer,mesurer,et melanger des quantites de medicaments et mettre la quantite prescrite dans de contenants appropries يعنى نملئ الوصفات ونحسب ونقيس ونخلط الكميات الموصوفه من الادويه فى اوعيه مناسبه

3)dispenser les medicament prescrits aux clients ou a d autres professionnels de la sante,et les renseigner sur les indications,les contre_indications,les effets secondaire,les intractions medicamenteuses,et la posologie

يعنى يصرف الدواء للزباين(يا زباين)وكل محترفى الصحه وتعليمهم او اخبارهم عن ..الاستخدامات,محاذير الاستعمال,الاثار الجانبيه,التداخلات الدوائيه,واحتمال تسببها فى الوفاه

4)tenir un rsgistre des medicaments et des subistance toxiques dispenser aux clients تعطى نسخه من الادويه والمواد السامه المصروقه وتسجل عليها للزباين

5)commander et conserver un stock suffisant de produits pharmaceutiques تتابع وتطلب النواقص الخاصه بك من الادويه

6)donner des consells aux clients sur le choix et la facon d utiliser les medicaments يعنى تعطى نصائح عن اختيار الدواء بواسطه الذبون وطرق استخدامه ...وهنا فيرب اوتيليزيه يستوجب سندوتش كفته... :waving:

دى المهام الوظيفيه الخاصه بالصيادله ...معلش اذا كانو واكلين الجو شويه بس انشاء الله الافاده جايه ورا للجميع وربنا يجعلها فى ميزان حسناتنا يااااااااارب..

وعلى فكره انا سبق وقلت ان الكى بورد طبعا مبتكتبش اكسونات ومعنديش برنامج للفرنساوى فسامحونا يعنى

على فكره محروس كسر الطبق :old: :lol:

[dr abo samra]

عوده للمقابله ...

الراجل الطيب سألنى السؤال اللى كل الناس دايما بتستناه فى المقابله وهو

pourquoi choisir le quebec؟ اخترت كيبك ليه يابو سمره

وعنها وبربخ اتفتح بقه وخد عندك يا عم الحاج:_

1)generalement بصفه عامه

le quebec aqucuille en moyenne chaque annee pres de 45000 immigrants que proviennent d une different pays et que participent activement a son developement economique,social,et culturel_ يعنى كيبك يا فندم بتستقبل كل عام فى المتوسط حوالى 45000 مهاجر والذين اتوا من بلدان مختلفه ويشاركون بفاعليه فى تقدمها الثقافى والاجنماعى والاقتصادى

et moi je crois que je serrai parmi les personnes que ont le gout de quebec وبالنسبه لى فانا اعتقد باننى ساكون من الاشخاص المحظوظين بالانتماء او الالتحاق بكيبك

generalement je choisi le quebec parceque وبصفه عامه فانا اخترت كيبك للاسباب التاليه

1)le quebec est une societe moderne et pluraliste que allie (a)le development economique a l americaine et l influence de cultures europeens وكيبك هو مجتمع راقى وتعددى ويجمع بين التقدم الاقتصادى الامريكى والتأثر بالثقافه الاوروبيه

2)sa nature conviviale, cordialite,simplicite,et ouvertured esprit marquent les rapports sociaux طبيعته تتمثل فى التعايش والترابط والبساطه والانفتاح العقلى الذى يميز العلاقات الاجتماعيه

_le quebec c est une societe democratique,son system politique repose sur la liberte.l egalite et la participation de citoyens a des association et a parti politiques يعنى كيبك مجتمع ديموقراطى ونظامه السياسى يقوم علىالحريه والمساواه واشتراك المواطنين جميعا فى المنظمات والاحزاب السياسيه

_les valeurs fondamentales et les lois de la societe quebecoise assurent a chaque personne le droit de choisir librement son style de vie.ses valeurs,ses opinions,et sa religion يعنى العادات والتقاليد الاساسيه والقوانين بتاعه المجتمع الكيبكى بتضمن لكل شخص الحق فى اختيار وبحريه نمط حياته وعاداته وافكاره وديانته(وهنا نقطه الحجاب اللى ذكرتها قبل كده)

_choisir le quebec pour moi,cest done accepter de respecter ces valeurs fondamentales pour joindre le 7 millionset demi quebecois,que travaillent a patir l avenir واختيار كيبك بالنسبه لى يحتم على احترام قيم المجتمع الكيبى حتى التحق بال7 مليون ونصف كيبكى والذين يعملون على بناء المستقبل

2)personnellement يعنى بصفه شخصيه

1)quebec est un potentiel extra ordinaire en term de qualite de vie كيبك مجتمع فوق العاده فيما يخص جوده الحياه

2)les couts pour se loger,se nourir,se vetir et se deplacer sont abordable يعنى تكاليف السكن والمأكل والملبس والمواصلات فى متناول الجميع

3)j aime vivre en parlent francais dans un systeme social en amerique de nord وانا احب ان اعيش متحدثا الفرنسيه(حته نفاق عشان تنجبر ياكبو انت وهو)فى نظام فرانكوفونى فى امريكا الشماليه يعنى من الاخر عاوز كيبك(هيا يا هيا يا منيش متجوز)

وبالنسبه للاخوه الصيادله ممكن يضيفو حته ان كيبك فيها 7 من اصل 8 مراكز ابحاث لشركات دواء عالميه موجوده فى كندا

...حبيبى البرنس علاء فارما فيما يخص اللى سألتنى عليه هكتبه عالعام بس بكره لانى والله العظيم فصلت...ربنا ينفعنا بما تعلمنا ..والله اسأل ان يبارك لنا جميعا فيما رزقنا من صحه وان ينعم علينا جميعا بنعمه

التوفيق والسداد وان يشفى مرضانا وكل مرضى المسلمين والمسيحين ..ولنا عوده

استودعكم الله

[dr abo samra]

منك لله يا منال فضلتى تنقى لغايه ما الأولله اتكسرت ...والواحد ريقه ناشف حطبه وكانه واكل تراب احمر من بتاع الفرن

المهم اكمل طالما محدش صحح يبقى الامن مستتب...خش يابو سمره يا عسل

وقفنا عند او خلصنا سؤال بيقول ..لو ملقتش شغل فى كيبك هتعمل ايه.

قوم اييييييييه عمك الحاج قام قايللى طب pourquoi voulez vous quitter votre pays ؟ يعنى عاوز تسيب بلدك ليه يا عسل....هنا الشغل بقه واحد يقوله يا عم دى عالم وسخه(اقولك لا عييييييب)واحد يقوله يا عم دول مجوعيننا(برضه عيييييييب)...اسكت ده مفيش حريه وفيه اضطهاد وفساد(اوعى النفسك)...اوعى باى حال من الاحوال انك تغلط فى بلدك او حتى فى اى شخص خليك جنتلمان لانهم ما بيحبوش الغلط بيحبوك تكون جدع... وجنتلمان...هيطلع ذبون من الزباين المتابعه يقول طب نجاوب نقول ايه فى دى يابوسمره...اقولك هتقول ايه

هتقول comme savez vous monsieur L homme par nature aime le changement et cherche toujours le meilleur هتقوله زى منتا عارف سيادتك ان الانسان بطبعه بيحب التغيير وبيبحث دائما عن الافضل...et moi je cherche une nouvelle vie pour moi et ma famille وانا ابحث عن حياه جديده لى ولاسرتى

وهتقول كمانen fait L egypte est un pays en development avec economie faible وفى الحقيقه ومخبيش عليك يا خويا انت مش غريب مصر بلد ناميه واقتصادها ضعيف وهتقول بقه...يالله قووووووووول

_ .....autant quebec le system educatif et le system de la sante n ont pas assez de service يعنى بعكس كيبك كما تعلم سيدى فالخدمات الصحيه والتعليميه غير كافيه اما فى كيبك......ودى هقولهالكم بالتفصيل فيما بعد هنتكلم عن الصحه والتعليم والخدمات العديده اللى بتقدمها كيبك بعد ما اخلص المقابله

_en egypte il ya la pollution et le pruit et pour moi j adore la verdure et la nature وفى مصر انت عارف الضجيج والهيصه والزمبليطه والتلوث وانا عن نفسى راجل مزاجنجى وبحب الخضره(الشجر يعنى) مش الجرجير والكرات والفجل والحاجات التانيه :waving: :h!!!h:

السؤال التالت بقه طب ليه عاوز تروح كيبك يا عم ابو سمره؟وده اجابته انشاء الله لما ارجع البيت مخبيش عليكم ...اصلى لاطش شبكه لاسلكى من واد بنجالى فاتح سايبر جنبى..واخاف يفصلها قبل ما ابعت الرد

ده اصل ده ميعاده

الى الملتق يا جدعان

ومنه لله اللى كسر الأولله

[dr abo samra]

العوافى عليهم

الراجل بقه راح رازعنى سؤال وقاللى....ou avez_ vous appris le francais monsieur abou samra؟ يعنى اتعلمت الفرنساوى فين يا كبو....طبعا ده سؤال تقليدى وانا كنت متوقعه بدرجه كبيره ومظبط مع المعده انها

تشرحهولى كويس وربنا يكرمها مقصرتش..فقلتله la premiere fois pour moi d apprendre le francais c etait pendant mes etudes secondaire يعنى اول مره فى حياتى ادرس الفرنساوى كانت اثناء دراستى

الثانويه...et depuis cet temps j adore le francais ومنذ ذلك الوقت وانا اعشق الفرنسيه(حته نفاق عالسريع... معلش يا جدعان كيبك تستاهل)....regardez monsieur mon attestation secondaire شاهد يا

سيدى شهادتى الثانويه(عشان كنت جايب فى الفرنساوى درجه كويسه ودى بفكر بها الاخ هيرفى لانى اثرتها له قبل كده)فشافها وقاللى tres bien كويس أوى وكملتله apres cela j ai continue mes etudes de la laungue francaise a celf mansoura

وبعد ذلك لكملت دراسه اللغه فى مركز ثقافى المنصوره(centre d etude de la laungue francaise)يعنى مركز تعلم اللغه الفرنسيه فى المنصوره(اسمه كده)...jausque au niveau 1 حتى المستوى الاول et puis j ai accompagne un livre et quelques casettes et cds pour continuer l etude de francais pendant mon sejour en arabie saudite le livre il s appelle assimil

وبعد ذلك اصطحبت معي كتاب بعض الاشرطه والسى ديهات لاستكمال دراسه اللغه اثناء اقامتى فى السعوديه بطريقه تسمى الاسيميل (وعلى فكره بعض الناس بتعتبرها اى كلام بس انا عن نفسى الطريقه دى

فرقت معايا كتير جدا)... وخد بالك من الحته النقح اللى جايه عشان تحسسه انك عملت مجهود جباروبرضه تنفعك فى الدافعيه...et comme savez vous monsieur en arabie saudite il y a de rarete des centres d apprendre de la laungue francaise et aussi je nai pas assez de temps pour etudier وكما تعلم يا عم الحاج فانه يوجد ندره فى مراكز تعلم اللغه الفرنسيه فى السعوديه.....et pour cette cause j ai fais des grand efforts tout seul pour pour amelieurer mon niveau launguistique

ولهذا السبب فقد بذلت مجهودات جباره لتحسين مستواي اللغوى بمفردى(حته تمام صح؟)قعد يهز فراسه وكان مبسوط وفاهمنى وقمت قايل en regardant les canales francophonie comme tv5 ,france 24,le monde,l arte مشاهدا القنوات الفرنسيه مثل تى فى 5 وفرنسا 24 والارت يعنى الفن والعالم(اغلب القنوات دى طبعا عاوزه اوروبى عشان تتثقف )...المهم الراجل حسيت انه اتكيف فقلت اسأله بقه..croyez_vous monsieur que je parle bien le francais؟ تعتقد يا سيدى اننى اتحدث جيدا الفرنسيه؟فهز راسه ورفع حواجبه وقاللى pas bien monsieur abou samra مش كويس يا ابو سمره...فقتله الله يخربيتك دنتا قاعد تشتغلنى من ساعتها بقه...ربنا يهدك زى ما هديت السلم...المهم طلع فعلا بيشتغلنى وقاللىpas bien mais excellent.....felicitation monsieur abou samra vous etes accepte مش كويس دنتا ممتاز تهانيا مسيو ابو سمره لقد قبلت...وقلت فعقل بالى انت بتشتغلنى ياد ولا ايه ادى اللى ناقص حتى الخواجات طب وربنا لواقفلك على باب السفاره ومنتا مروح انهارده وقلتله بقى الجمله اللى انا قلتها قبل كده تانى لانى حاسس انه مكنش مركز فيها اول مره وهى انى كمان بعد اجتبياز المقابله هكون اكثر دافعيه وساستكمل دراستى اللغويه لتحسين مستوايا وكده..فقاللى ئ bonne chance وشاورلى :h!!!h: وشاورتله

قشطه يا كبو ..وقاللى قشطتين يا برنس :waving:

فاصل وبعده نواصل

دمتم فى رعايه الله وحفظه

[dr abo samra]

خدو الحته دى عالسريع بس ادعولى بالذات اخواننا اللى فى السعوديه...كنت عامل حسابى عليها ومسألنيش فيها

ممكن يسألك ويقولكpourqoui voulez_vous quitter L arabie saudite؟ ليه عاوز تسيب السعوديه؟ اااااااه هنا الكلام بقه...شوف هتقول ايه

1)je suis un homme par nature aime la verdure mais larabie saudite comme savez vous est un desert يعنى انا راجل بطبعى بحب الخضرا(تانى هاكد على ان الخضره هنا مش الفجل والكرات والكرنب) لكن السعوديه زى ما سيادتك عارف صحرا(كل حاجه قوله زى ما سيادتك عارف..حاول تديله وضعه وتحسسه انه فاهم)

2)je n ai pas la liberte de navigation comme mon kufil prend mon pasport directement apres entree l arabie saudite يعنى ليس لدي حريه التنقل او الحركه حيث ان الللى ما يتسمى(انت بس قوله كده وهو هيفهم)الكفيل بياخد بسبورى مباشره بعد دخولى السعوديه

3)j adore le placement mais en saudite je n ai pas la liberte de placement يعنى انا بعشق الاستثمار بينما فى السعوديه ليس لدى حريه فى الاستثمار

4)il y a aussi de rarete de moyens de divertissement qui je l aime beucoup يوجد ندره فى وسائل الترفيه والتى احبها كثيرا

5)le climat et les valeurs sont tres different qui celui de L egypte يعنى الطقس(المناخ) والعادات مختلف تماما عن تلك التى فى مصر(حلوه تلك التى دى )

اى خدمه يا كبوهات يالله كله يركز ويشبرأله شويه شاى ويفخدله شويه عشان هنكمل بعدين....هييييييييييييييييييييه فسحه ومعليناش واجب هييه ماعليناش واجب هييه...

[dr abo samra]

كما قال الزميل فايزر ان اللى معاهم زوجاتهم وعايشين فى السعوديه ممكن الزوجات يقولو الكلمتين دول فى حال اتسألو ليه عاوزين تسيبو السعوديه

les femmes sont victimes de discrimination sexuelle.

Nous n'avons pas le droit de conduire une voiture.

nous ne pouvons pas Voyage seul.

la plupart des emplois sont exclusifs pour les hommes et il est illégal de travailler la.

نقاط غايه فى الاهميه( سرقتها من على لسانى)

لكن بالنسبه للنقطه الاخيره فيه ناس زى اللى فى وضع الاخت منال او المرافقين لازواجهم وبرضه شغالين مينفعش يقولوها عشان دى هتبقى فيها تناقض

حتى لو قلنا ان معظم الوظائف قاصره على الرجاله(طبعا بالنسبه للحريم) والسؤال كان ليه انتى عاوزه تسيبى السعوديه(يعنى بيسألها عن نفسها..فمش هينفع تقوله لان غالبيه الوظائف مقصوره على الرجال

طب ازاى وانتى شغاله هناك بقالك كم سنه ومعاكى شهادات خبره من هناك؟؟؟...ده ممكن يظهر تناقض فى الكلام وفى الحاله دى اللى بيمتحنك ممكن يشك فى مصداقيتك ويبنى علي عدم المصداقيه

حاجات تانيه كتير....بس ممكن تنفع فى حالات النساء اللى مرافقين ازواجهم ومكنوش بيشتغلو...يعنى مفيش معاهم شهادات خبره ...وكمان ةممكن يقولو انهم حاولو يشتغلو ومعرفوش للاسباب اللى ذكرت اعلاه

كانت مجرد ملحوظه فقط ومجهود رائع تشكر عليه

[dr abo samra]

مشاركة #4641

new Member

المجموعة: MemberN

المشاركات: 3

التسجيل: 10-May 09

رقم العضوية: 35707

لو عايز تتعلم فرنساوي صح و تكون متمكن

http://www.estudiodefrances.com/vocabulari...vocabulario.htm

http://www.estudiodefrances.com/fonetica/TITRE.htm

http://www.quebooc.com/

http://www.estudiodefrances.com/gramatica/titregramatica.htm

مهداه من الاخت ايمان جابر المالكى ...ربنا يجعلها فى ميزان حسناتها

[dr abo samra]

الاخوه بتوع الكفيل( اللى فى السعوديه) مش عارف ليه حظهم معايا حلو كده ليه:_

خدو دى ..ممكن يسالك ويقولك انت استفادت ايه فى فتره تواجدت فى السعوديه..وهيكون السؤال كالتالى:_

Quels sont les avantages de votre séjour en Arabie saoudite؟

طبعا هترد تقول التالى

1)J'ai amélioré ma situation financière يعنى لقد تحسن مستوايا المالى

Acquis de l'expérience scientifique et pratique(2 يعنى ااكتسبت الخبره العلميه والعمليه

Capacité à prendre des décisions rapidement(3 يعنى القدره على اتخاذ القرار بسرعه

4)D'être patient يعنى ان اكون صابرا

5)Capacité à s'adapter rapidement, en dépit de leurs coutumes et de traditions différentes القدره على التأقلم بسرعه بالرغم من اختلاف العادات والتقاليد...

طبعا زى ما قلنا فى حته ليه سبت مصر قبل كده مش هنقعد نقول اصلهم ناس ظلمه ومستعبدين الخلق وبياكلو علينا الراتب...اوعى تغلط فى بلاد او اشخاص اثناء المقابله لانهم مش بيحبو كده وبيزعلو منك

يجعل كلامنا خفيف عليهم :h!!!h:

ولا حظ انه ميبقاش فيه تناقض بين(ليه عاوز تسيب السعوديه؟) و(ايه اللى استفادته من السعوديه؟) طبعا فى الاولى احنا قلنا قيم خاص بالعمل ..اما هنا احنا قلنا عادات وتقاليد المجتمع...يعنى مفيش تناقض

اياكم والتناقض...انشاء الله هتبقى عال ولا يهمكم

فاصل ونكمل لانى فصلت الصراحه

[dr abo samra]

موقع اخر ممتاز للتعلم الذاتى للغه وبه مواقع عده للقواعد والاستماع

www.lepointdefle.net

تقبلو تحياتى

[dr abo samra]

بعد ما انتهيت من مقابلتى خلونا نبدأ شويه بمعلومات بسيطه ومختصره عن كندا نفسها...لانها مش فى اهميه معلوماتك عن كيبك

ولو عاوز تزود انت حر..نبدأ

Le Canada est le deuxième plus grand pays dans l'espace monde après la Russie تعتبر كندا ثانى اكبر دول العالم مساحه بعد روسيا

LA population environ 33 millions de personnes ويبلغ عدد سكانها حوالى 33 مليون نسمه

Les langues officielles sont l'anglais, parlé par 60% et le français parlé Par 24% اللغات الرسميه هى الانجليزيه ويتحدثها 60% والانجليزيه ويتحدثها حوالى 24%

(Les grandes villes sont(Toronto, Montréal _ Ottawa _Vancouver, Calgary المدن الكبرى بها ترونتو ,مونتريال(موريال),اوتاوا(العاصمه الفيدراليه),فانكوفر.كالجارى

Les principales eressources sont المصادر الرئيسيه بها هى

_(Le troisième producteur mondial de gaz( Produits energetiques منتجات الطاقه وتعتبر تالت اكبر منتج للغاز على مستوى العالم

-Bois_cereales الاخشاب والحبوب

_

Produit Onze mondial du pétrole المنتجه الاحدى عشر للبترول عالميا

10ieme )la production de charbon) العاشر ه فى انتاج الفحم

(dans la production d'électricité (10 العاشر ه عالميا فى انتاج الكهرباء

Au troisième rang mondial dans la production de l'aluminium الثالث عالميا فى انتاج الالومنيوم

Deuxième au monde dans la production d'uranium الثانى عالميا فى انتاج اليورانيوم

فاصل ونكمل

[dr abo samra]

بعد ما انتهيت من مقابلتى خلونا نبدأ شويه بمعلومات بسيطه ومختصره عن كندا نفسها...لانها مش فى اهميه معلوماتك عن كيبك

ولو عاوز تزود انت حر..نبدأ

Le Canada est le deuxième plus grand pays dans l'espace monde après la Russie تعتبر كندا ثانى اكبر دول العالم مساحه بعد روسيا

LA population environ 33 millions de personnes ويبلغ عدد سكانها حوالى 33 مليون نسمه

Les langues officielles sont l'anglais, parlé par 60% et le français parlé Par 24% اللغات الرسميه هى الانجليزيه ويتحدثها 60% والانجليزيه ويتحدثها حوالى 24%

(Les grandes villes sont(Toronto, Montréal _ Ottawa _Vancouver, Calgary المدن الكبرى بها ترونتو ,مونتريال(موريال),اوتاوا(العاصمه الفيدراليه),فانكوفر.كالجارى

Les principales eressources sont المصادر الرئيسيه بها هى

_(Le troisième producteur mondial de gaz( Produits energetiques منتجات الطاقه وتعتبر تالت اكبر منتج للغاز على مستوى العالم

-Bois_cereales الاخشاب والحبوب

_

Produit Onze mondial du pétrole المنتجه الاحدى عشر للبترول عالميا

10ieme )la production de charbon) العاشر ه فى انتاج الفحم

(dans la production d'électricité (10 العاشر ه عالميا فى انتاج الكهرباء

Au troisième rang mondial dans la production de l'aluminium الثالث عالميا فى انتاج الالومنيوم

Deuxième au monde dans la production d'uranium الثانى عالميا فى انتاج اليورانيوم

فاصل ونكمل

عفوا للتصحيح ...الفرنسيه ويتحدثها 24%

[dr abo samra]

Les institutions du Canada مؤسسات كندا

_Constitution الدستور

Loi constitutionnel de 1867 de 1982 القانون الدستورى لسنه 1867 وسنه 1982L

_Le chef de l'Etat رئيس الولايه

Queen Elizabeth 2 الملكه اليزابيث التانيه

reine du canada representee par un gouverneur general(Mme MICHAELLE JEAN depuis septembre 2005 الملكه اليزابث التانيه هى رئيسه الولايه ويمثلها الحاكم العام السيده ميشيل جان منذ سبتمبر 2005

premier ministre:_m.stephen harper(chef de parti conservateur depui fevrier 2006) رئيس الوزراء السيد ستيفن هاربر رئيس الحزب المحافظ منذ فبراير 2006

senat:secompose de 105 members elus par le premier ministre مجلس الشيوخ ويتكون من 105 عضو انتخبو بواسطه رئيس الوزراء

Parti politiques:il y a 4 celebre parti politique:_ الاحزاب السياسيه:_يوجد اربعه احزاب سياسيه

parti liberal du canada الحزب الليبرالى الكندى

parti conservateur حزب المحافظين

Bloc de quebec كتله كيبك

nouveau parti democratique الحزب الديموقراطى الجديد

provinces:_le canada est un etat federal que comprend dix provinces et trois territoires كندا هى دوله اتحاديه تتكون من 3 ولايات و10 اقاليم

فاصل ونعود يا رجاله ويا ستات

[dr abo samra]

L'histoire du Canada تاريخ كندا

1534 jacque cartier prend possesion du canada جاك كارتيه احتل كندا

1867 L act de amerique du nord britanique cree la federation canadienne فى عام 1867اتفاقيه امريكا الشماليه_بريطانيا والتى بموجبها تاسست الفيدراليه الكنديه(الاتحاد الكندى)

1931 le canada aquiert son autonomie فى عام 1931 حصلت كندا على استقلالها

1982 la reine proclame la loi constitutionelle qui met fin a la jurdiction legislative britannique فى 1982 اعلنت الملكه التشريع الدستورى التابع للقضاء التشريعى البريطانى

juin 23 1990 echec la ratification de l accord du lac meech فى 23 يونيو 1990 فشل التصديق على اتفاقيه(لاك ميش)او بحيره ميش

octobre 26_ 1992 victoire du non au refrendum pan canadien فى 26 اكتوبر عام 1992 فوز استفتاء العموميه الكنديه بعدم الانفصال

 oct 30 1995 courte victoire du (non)(50,6) au deuxieme referendum quibecois sur la souverainete فى 30 اكتوبر 1995 الفوز فى الاستفتاء الثانى والذى يطالب بعدم انفصلال كيبك عن كندا بنسبه( 50,6)

فاصل ونكمل

دمتم فى رعايه الله وحفظه

[midomansour]

الفرنسيه ولاغيرهاااااااااااااااااا هي شعار كيبيك

أخر كورسات تعلم الفرنسيه في أوروبا من مكتبه الاتحاد الاوروبي لتعلم اللغات

http://BLOCKED2/files/18029404/frenc....part1.rar.html

http://BLOCKED2/files/18029516/frenc....part2.rar.html

http://BLOCKED2/files/18029127/frenc....part3.rar.html

اتمني ان تحوز اعجابكم وتطوركم

[dr abo samra]

LE QUEBEC

Québec et l'un des 10 Provinces de la federation canadienne تعتبر كيبك واحده من اصل عشره ولايات فيدراليه كنديه

Il est près de trois fois l'Espagne حوالى تلات مرات مثل مساحه اسبانيا

PRESQUE 5 FOIS LE JAPAN مثل اليابان تقريبا 5 مرات

PLUS GRAND QUI LE PLUS VASTE ETAT AMERICAINE اكبر من اكبر ولا يه امريكيه

C'est son eau planté au milieu de lacs et rivières وهى بلده مائيه مزروعه فى وسط الانهار والبحيرات

il compte environ 7,5 millions habitants soit pres du quart de la population canadienne ويقدر عدد سكانها بحوالى سبعه ونصف مليون نسمه ويمثلون قرابه ربع عدد سكان كندا

La langue nationale officielle est le français اللغه الرسميه للولايه هى الفرنسيه

فاصل ونكمل

دمتم فى رعايه الله وحفظه