crossfield

المجلس العسكرى بيصدر شرف فى المصايب علشان الناس الهبلة-اللى هو احنا لا مؤاخذة- نقول ان شرف هو اللى بيحكم مش المجلس العسكرى و الحقيقة طبعاًُ هى العكس الناس دى فاكرانا أغبيا و الا ايه؟ ايه التخلف ده؟؟؟؟؟ همه حرين رمضان داخل و المليونيات افى التحرير هتبقى للركب و الصيام يعنى عند المصرىين شغل قليل و صلاة و مفيش أحلى من الصلاة فى الميادين و ادلع يا مجلس يا عسكرى لحد ما تيجى فوق دماغ الكل و ابقوا خلوا الكركوبة اللى فى شرم ينفعكم...صحيح جنازةحارة و الميت...مبارك يا رب استر على البلد دى

أنا مع الضغط على المجلس العسكرى بكل السبل السلمية بس ثورة ثورة تانية لأ ليه؟؟؟؟ أولاً لأن اللى بيصطادوا فى المية العكرة كتير و ممكن تحصل مهزلة ولا قدر الله ناس تانى تتقتل و يطلع المجلس العسكرى و يقولك اندس وسطهم بلطجية سموها مظاهرة مليونية أى حاجة لكن اللى حصل فى 25 يناير ما اعتقدش انه من مصلحة حد انه يتكرر تانى لو الجيش رجع ثكناته زى ما اركيتكت بيقول مين اللى هيحمى البلد؟؟ أنا برضه مبحبش حكم العسكر بس الحكاية كلهاكام شهر و يتكل الجيش وييجى ريس منتخب ولو جه واحد زى البرادعى يعرف يعنى ايه دولة و مؤسسات و حزم البلد هتتظبط و كل الزلنطحية اللى فى شرم و طرة هيتسفحوا و معاهم النائب العام فى رأيى بلاش نسبق الأحداث و اذا كنا صبرنا 30 سنة على مبارك ما نصبر كام شهر على الجيش مع الضغط ولو جه رئيس جديد و منفذش المطالب دى ساعتها بقى يبقى كلام تااااااااااااااااااانى و لو انى اعتقد ان أى ريس جديد عايز يكسب شعبية فى البداية لازم ينفخ آل مبارك نفر نفر و معاهم الحاشية القديمة كلها بما فيها قيادات الأمن الصبر..

متشكرة ليكم كلكم بنا يخليكم و يحمى أولادكم هاشوف الدكتور ايهاب ده يا باشمهندس سيف أنا متشكرة ليك جداً و شكراً للمحاوراتية الاسكندرانية الجدعان...ربنا يبارك فيكم بس المشكلة انى فى القاهرة و عايزة دكتور يتابع الحالة لو لا قدر الله حصل مضاعفات أو حاجة يبقى قريب شكرا ليكم جميعاً و ادعوا لعمرو يا رب اشفيه و اشفى كل مريض

ابنى الدكتور شخص حالته بإنها فتق إربى يحتاج لجراحة و طلب سونارو السونار قال ان فيه "قيلة مائية" و انا مش عارفة هوده و الا ده والا ايه بالظبط؟؟؟المهم انه فى كل الحالات هيحتاج جراحة..الدكتور قاللى على اسم واحد "منتصرالقطبى" بس و انا باعمل سيرش على اسمه على النت لقيت اسمه جاى فى قضيةسرقة كلية طفلة فى ابوالريش فاتشائمت لو حد يعرف جراح أطفال شاطريقوللى...و لكم جزيل الشكر مقدماً

آه يا خوفى منك يا بدران!!!!!!!!ماللا الخازوج تكون جاى تسدد ديون مصر مقابل العفو عن المخفى؟؟؟؟؟؟ أنا شخصياً موافقة بس تسدها على داير مليم و جمال لألألألألألألألألألألألألألألألألألألألألألألألألألألأ...انسى يا حاج و الا تكونش جايبلنا فلوس مبارك اللى مدكنها عندكم؟؟؟؟؟؟

فعلاً أنا قريت فى مجلة أسيوية إن العمر نفخة و على حد علمى النفخ من اختصاص الدهشوم و الدفاس...ربنا يهديك يا حواس

زمان جمال و علاء دلوقتى عمالين يفكروا ازاى يأكلوا المساجين البالوظة و يبيعولهم الزنازين يعنى شوية صالات جيم و حمامات سباحة و جاكوزى و يبيعوا لكل مسجون 2 سنيمتر من كل حاجة فى أوقات مختلفة من السنة و المغربى هيساعدهم فى موضوع التايم شير ده العادلى هيغفر حمامات السباحة و معاه حسن عبد الرحمن وفاروق الشاعر و عدلى فايد...فى بق كل واحد منهم صفارة علشان لو لقوا حد بيغرق و الا حاجة أو لو لقوا أى نزيل بيلعب فى الجيم من غير ما يدفع الإناوة هيشحنوه على عنبر النفخ...هناك هتلاقى المنفاخين الكبار...ابراهيم كامل و مرتضى منصور و معاهم الصيع اللى بيزقوهم فى المظاهرات مممكن عز الأوزعة ده ينضف حمامات المساجين"الناس دى بتاكل ايه؟بيبيه؟ نظيف يغسل هدوم المساجين بصابون نابلسى من اللى مبينضفش أصلاً ويستلم العهدة: قروانة و عصاية غلية و وابور من اللى بيهب فى الوش دول و الا بلاش خلى القعدة على الوابور لسامح فهمى لما يشرف علشان يعرف قيمة الغاز اللى حرمنا منه أماشلةالعواجيز مبارك و عزمى و شرور و موافى دول بقى يسلموهم سراير حوالين حمامات السباحة و يتعذبوا تعذيب نفسى على طريقة أمن الدولةة يعنى مبارك لما عينه تيجى تغفل نقوله الحق أمريكا فضحتك تانى و قالت ان فلوسك 700 مليار دولار مش 70 " و عزمى...الحق اللى اتفرم فى القصر اتصلح و فضيحك بقت بجلاجل يا زكروطة و سرور...ده بقى أحسن عقاب ليه يفضل رافع ايده لفوق فى وضع الموافقة أما موافى..فده بقى ...نزق عليه عيل من العيال السيس يتهمه فى قضية آداب كمان فاضل مين كده؟؟آه الفقى...دة بقى مش لازم نشغله فى حاجة أصلاً لأنه فاشل يا فاشل يتربط على جذع شجرة و يتعذب زى الكفار أما سوزان...لما تشرف هنعذبها و نشغلها فى مطبخ السجن آه معلش يا اختى الأيد البطالة نجسة اشتغلى بلقمتك هناك هتصطدم بأنواع غريبة من الأكل رز...ييييييييييع و فاصوليا..يااااااااااى .. بامية...اوووووووووه و كوسة....سوفاج و بعيد عنكم عيش بمسامير و مية من الحنفية يا عينى عليك يا سوزى يا بنت العز و أكل الوز...ده احنا هنريحوووووووووكى أما لو تقصد يا سين سين نشغلهم عندنا برة السجن يعنى معلش يا مان ما كانش ينعز..أنا شخصياً ما باشغلش أصحاب سوابق

المشكلة ليست فى حله فقط حله يعنى أن يتشتت أعضاؤه بين أحزاب مختلفة و يتفرق دمهم بين القبائل لكن همه كده حتة واحدة...قطعية واحدة بلغة الجزارين طلعت السادات بقى رئيس الحزب...مش مهم حتى لو ملاك من السما و حطيته على راس العصابة ايه اللى هيجد هتقول تطهير تطهر مين و الا مين دول مافيا بمعنى الكلمة دروعهم فى كل حتة إدارات مؤسسات مجالس محلية دوائر انتخابية اعلام كل حتة فى البلد يبقى الحل مش حل و بس ده لازم بتر و منع من المشاركة فى الحياة السياسية لمدة 5 سنين على الأقل زى ما ناس كتير اقترحت تونس خدت الخطوة دى و حلت الحزب الحاكم احنا مستنيين اية بقى؟؟ يبدو الموضوع محتاج تكة على المجلس العسكرى لو يوم 16 مصدرش حكم بحل الحزب ده اللى انا برضه مش متقنعة بانه حزب من الأساس أكيد شباب الثورة هياخدوا موقف

ما ترد يا محمد يا غنام انت حزب وطنى و متخفى و الا ايه؟

كنت هاشكرهم من كل قلبى و اعملهم ليلة لله لو انهم اخدوا كل الخطوات دى بإيقاع أسرع من كده لكن عموماً اشكرهم برضه...بس من تحت الضرس

مش عارفة ليه افتكرت أغنية محمود الطوبجى فى مسلسل المال و البنون لما كان كل ما عم الحاج سلامة فراويلة حرامى الآثار يرمى شوية لحمة للناس يطبلوا ويقولوا له ادعوا لعم الحاج بطولة العمر الله يخليه الله يخليه و يبارك فيه مش قصدى و الله أغلط فى حد ..فيه ناس بتحب مبارك و معرفش لىه و الا على ايه؟؟؟؟؟ لكن أكيد كل واحد له أسبابه يا سيدى ربنا يشفيه و يشفى كل مريض مش حباً فيه لكن لأن أخلاق الاسلام و المسلمين تترفع بهم عن الشماتة لكن أرجو ألا تفتح موضوعا تطالب فيه بالعفو عن مبارك قائد الحرب و السلام أحسن كده بجد بقى يبقى تخبيط جامد فى الحلل تذكر هذا الحديث "وأيم الله لو أن فاطمة بنت محمد سرقت لقطعت يدها" و حتى لو كانت زمته أنضف من الصينى بعد غسيله فموضوع قتل المتظاهرين ده بقى مفيهوش مجال للاحتمالات و لا الفساد السياسى و لا ...و لا

الحمد لله كده ضمنا "كوتة" للسيدات فى سجن طره و ده أحد أهم انجازا ت المجلس القومى للمرأة

هو اتوبيس كام رايح فين؟؟؟؟؟؟؟ هو ليه الناس ناسية ان الجيش طلع بيان الفجر بالقبض على زفت ابراهيم كامل؟؟؟؟؟ ما هو الحليوة ده كان أكيد ليه دور فى اللى حصل اشسمعنه الجيش ظهر دلوقتى و بان دلوقتى و انضم للمتظاهرين؟؟؟؟ ما هم أكيد عارفين انهم هيتنفخوا هيتنفخوا لا لا لا أنا متأكدة ان اللى حصل ده مدبر 1000 فى المية ما بادافعش عن المجلس العسكرى علشان تباطئ لحد التواطؤ لكن أنا ضد اننا نخسر شعرة معاوية كمان لازم أقول كلمتين برضه فى حق الجيش بدل ما اتنفخ مع سين سين و انا عضمى طرى و مش وش بهدلة و هاعترف عليه من أول قلم

http://www.masrawy.com/News/Egypt/Politics/2011/april/11/safwat_prison.aspx?ref=extraclip يواصل جهاز الكسب غير المشروع التحقيق مع صفوت الشريف رئيس مجلس الشورى السابق والأمين العام الأسبق للحزب الوطني، بتهم تحقيق ثروات بطرق غير مشروعة لا تتناسب مع مصادر دخله. وحضر الشريف إلى مقر الجهاز بسيارته الخاصة ومعه حرسه خاص، الذي منع الصحفيين من التصوير. ووقف مقربون من صفوت الشريف امام مبنى الجهاز في انتظار القرار الذي سيصدر بحقه، ومن بينهم ابنه اشرف وابراهيم العقباوي ابن شقيقته. وواجه المحقق صفوت الشريف بتحريات الرقابة الإدارية ومباحث الأموال العامة والتي أكدت في تقاريرها أن الشريف حقق ثروات بطرق غير مشروعة. وأشارت التحريات التي أجرتها الأجهزة الرقابية إلى أن صفوت الشريف وزوجته وأبناؤه، امتلكوا 4 فيلات بالتجمع الخامس وفيلا في الاسماعيلية، وفيلا في الساحل الشمالي، وفيلتين باسماء ابنيه، وفيلتين اخريين بقرية الدبلوماسيين ومارينا باسم ابنه اشرف بالإضافة إلى خمس شقق سكنية في مصر الجديدة والدقي والمهندسين، وأسهم في مدينة الإنتاج الإعلامي و6 سيارات. وقالت مصادر مطلعة إن قرارا بحبسه 15 يوما على ذمة التحقيقات سيصدر خلال ساعات . فيه بلاوى بإسمه بره أرصدة و عقارات...هتشتغلوا يبقى تشتغلوا صح علشان فى الآخر ميطلعش شحات زى مبارك و يطلع علينا برسالة صوتية برضه انه مش لاقى اللضا...لكن برضه الحمد لله...أخيرا هتشرف يا موافى فى طرة لاند و حياة خالتك حموقة اللى ماتت محروقة لتاخد بالك من نفسك فى السجن و متنساش الترينينج الأبيض من أحسن ماركة و التليفزيون...أما الدش فمعلش..ده عند امه يا أدهم. إلى ورثة سعاد حسنى و إلى السيدة اعتماد خورشيد...لقد حان الوقت لضرب موافى بالضربة النهائية .انطلقوا...مش عايزين هتاف خاص..عايزين هتاف عام... يا جموع الشعب المصرى موافى أهو...اضربوا برجلكم جامد ترهبوا العدو.