مصري أصيل

***********************************************************************************************************************************************

معلش يا استاذ طارق قديمه فيه غيرك قام قبلك بالواجب

سؤالين للأداره اللي مش موجوده تقريباً الأول هل منتدي الموجز ده يعتبر منتدي استطيع أن أأخذ منه اخبار موثوق في صحتها و يا تري لو اخدت الأخبار من منتديات شبييه هتعامل نفس المعامله و لا مشاركتي هتتحذف ثانيا انا كنت اسمع من زمان ان المحاورات تمنع وضع الأخبار بدون التعليق عليها لأننا من المفترض اننا صالون ثقافي و لا دي أيام راحت لحالها و نترحم عليها جميعاً

انا زعلت منك يا هيرو لما بتقول انك ما تظنش ان الشيخ محمد حسان لطش الفلوس لأن ربنا كارمه طيب لو كان الشيخ راجل فقير كان هيمد ايده علي فلوس حرام يعني اكبر علماء السلفيه هيبع دنياه بأخرته و لو انك رجعت صلحتها في اخر المداخله بس برضه الجمله الاولي ما تجيش منك طبعاً كلمه زي بتاعة ان الشيخ حسان لطش الفلوس دي كان يطير فيها رقاب ايام ما كان المنتدي منتدي بس من يوم ما اتحول لحكاوي الاهاوي دي و اي شيء بدليل او بدون دليل بيتقال عادي طيب جرب تقول حاجه كده علي البابا و لا حتي الماما و شوف ايه هيجرالك

يا استاذ هيرو و الله كتبتلك مداخله و قبل ما ابعتها الكمبيوتر فصل معلش نكتب تاني اولا انا ليا طلب عندك حاول ما تغيرش حجم الخط لأن خط المنتدي الطبيعي كويس انما تقريباً انت بتحاول تكبره فا بيصغر و انا نظري ضعيف فسيبه بطبيعته احسن نيجي لسؤالك لماذا لم تدعم دول الخليج مصر ايام المجلس العسكري أولاً الكويت و انت راجل عشت فيها بيحبوا مبارك حب لا يوصف لأنه وقف معاهم في حرب تحرير الكويت و ده شيء طبيعي و كان طبيعي برده انهم ما يقدموش اي مساعدات لمصر لأن الثورة خلعت الراجل اللي فضله عليهم نيجي للسعوديه -- السعوديه نفس الشيء لأن كان عندهم قناعه مؤكده ان صدام لما يثبت رجله في الكويت هيدور عليهم و عشان كده وقفوا بكل قوتهم مع الكويت و ايضاً لا ينسوا فضل مبارك في حرب الكويت طيب نيجي للأمارات -- الأمارات كان الشيخ زايد الله يرحمه علي علاقه جيده بمبارك و استمر خلفه علي نفس العلاقه فكان من الصعب جداً عليهم قبول خلعه و الوقوف بجانب من خلعوه و بعد كده نجح مرسي في الانتخابات و كان من سابع المستحيلات ان دول الخليج بإستثناء قطر تدعمه خوفاً من نجاح تجربة الأخوان فينقلب عليهم الأخوان في بلادهم و ينتهي حكم الممالك لكن دلوقتي خلاص هما عارفين ان مبارك مش راجع تاني و عايزين يثبتوا ان الاخوان فشلوا فشل زريع في مصر و لهذا يدعمون الأن مصر بكل ما أوتوا من قوه لأثبات ذلك أما لماذا كانت قطر تدعم الإخوان فأنا شخصياً لا أعلم و لكن الأيام كفيله بتبيان ذلك ده بالنسبة لي شخصياً أنما فيه طبعاً هتقولك لأن قطر كانت هتشتري قناة السويس و هتأجر النيل ايجار جديد وكده و بعدين انت زعلان ليه ما يمكن الأموال دي كلها تدخل مصر و يرجع الوضع علي ماهو عليه و يبقي و قتها انقلب السحر علي الساحر هكمل في مشاركه تانيه بقية اسألتك

ده علي اساس ان وزارة الدفاع بتتمول من خزينة دولة شمبونجو ماهي فلوس خارجه من الدوله و داخله الدوله من دقنه و فتله زي ما بيقولوا طيب ما كان يدفع من جيبه من الملايين اللي بياخدها كل شهر و في الاخر نهلل سبحان الله

دلوقتي بناخد اخبارنا من مين ؟ من جريدة الوطن ... اللي صاحبها مين ... صاحبها محمد الأمين ... محمد الامين مين.... اللي كان بيجيله مليارات من الخليج عشان يمول بيها الثورة المضاده ... اللي اشتري بيهم 14 قناه فضائية و ثلاث صحف مصرية هدفهم الوحيد تشويه الرئيس.... اللي كان لسه لسنة 2005 بيشتغل في وزارة الكهرباء و الماء بالكويت ب 300 دينار . و الاغرب ان بعد ده كله فيه ناس ممكن تصدق جريدة الوطن

اهوالراجل ده اشد خطراً و وبالاً علي النظام الحالي من عبدالله بدر و أبو اسلام علي مرسي [blog=https://www.youtube.com/watch?feature=player_embedded&v=9qeBbZYXWHI][/blog] طيب ما انت كده بتأكد فكرة ان دي حرب علي الاسلام مش علي مرسي بيقول نمنع صلاة الفجر طيب ما ينفعش نصليها اتنين و خميس حتي؟ علي رأي احد المعلقين علي الخبر (طيب ما تمنع صيام رمضان بالمره ) و شفتوا الدرايه الكامله بالأسلام لدرجة انه عمال يهرتل بكلام لا فاهم فيه و لا عارف فيه حاجه بيقول سيدنا عمر بن الخطاب عليه الصلاة و السلام و بيستشهد ان سيدنا عمر رضي الله عنه انه منع الخمس اللي كان مخصص لله و الرسول ده يقصد سهم المؤلفة قلوبه يعني و بيقول كمان ان سيدنا عمر اوقف حدود في سنين الرماد طبعاً عايز يقول عام الرماده ده الراجل ده عايز مترجم اتمني فعلاً ان كل البرامج تجيب الراجل ده علي الخط و نبدء بقي نشوف قناه من اللي اتقفلوا بعد ما ربنا يفك سجنها تجيب واحد ظريف و خفيف كده زي باسم يوسف يتريق علي الناس اللي زي كده ماهو كله سلف و دين انا حاولت كتير اضع فيديو و كل المحاولات فشلت ماعدا هذه الطريقه يا ريت حد من الأشراف يتكرم و يعدلها و يقولي انا ممكن اضع فيديو ازاي

طالما خبر هشام رامز طلع اوشاعه يبقي اكيد خبر البوب كمان زيه

انا مش اخواني بس ناوي قريب ان شاء الله انما سلفي دي بعيده شوية و بعدين ما السلفيين معاكم من زمان انت نسيت و لا ايه

لا مش محتاج لأنصار مرسي لأن الاستاذ محمد عمل الواجب من بدري

لا انت غلطان الملك لسه ما اتحركش اللي اتحرك الوزير ولما الوزير بيتحرك بيقش انما الملك دوره جاي اقرب مما تتخيل

و بدء النواح

و الله لو كنت رديت و استأنفت الحوار وقلت مافي الخمر حتي انا اللي ما كنت هرد عليك علي الاقل النهارده لأن فعلاً الموضع مش من اهتماماتي انا كمان حالياً لأنني في حالة من النشوي لا تسمح بان اعكر صفوها بحوارات مثل هذه

يا استاذ هيرو مش احنا قولنا ميثاق عدم الشرف الاعلامي و انه لا اقصاء لأحد عموما التليفزيون المصري حالياُ جايب ال 10 مليون اللي في التحرير اما لوعايز تشوف ال 15 واحد اللي في رابعه فيه قنوات غير مصريه بتنقل اخبار مصر اصلنا عندنا شح شويه في القنوات فتقدر حضرتك تبرمجها وتتفرج قناة اليرموك ترددها11255 افقي و قناة الزيتونه و ترددها 11317 رأسي تحياتي