ريمون

https://www.youtube.com/watch?v=ejRh7zrajdc

انا موقفى بالضبط زى حراره

استاذ ابو محمود انا حاسس اننا بنتكلم فى موضوعين مختلفين. انا بقول لحضرتك اننى كمصرى مخنوق من لاخوان علشان باعوا الثوره و حضرتك بتقولى هما الاخوان عملوا ايه للاقباط؟ حضرتك انا مصرى و مع الثوره من زمان و حضرتك ممكن ترجع لمشاركاتى من قبل الثوره الاختيار بالنسبه لى مش بين الثوره و النظام السابق الاختيار بين الاخوان و النظام السابق و الاخوان اتبرأوا من الثوره قبل ما تقوم و لما حسوا انها هتنجح انضموا لها و بعدما عقدوا صفقه مع النظام تخلوا عنها و سابوا الميدان الاخوان تعاملهم مع الثوره تعامل انتهازى بشكل بشع. دى مشكلتى معاهم. الموضوع مالهوش دعوه بالدين

كلام جميل و مفيش اختلاف عليه :) هنا بقى الاختلاف. حضرتك بتساوى بين دين عظيم زى الاسلام و جماعه انتهازيه زى الاخوان المسلمين. الجمااعه اللى باعت الثوره يوم ما قبلت عمرو سليمان ووعدها بحزب و شرعيه وواخراج قياداتها من السجون. الجماعه اللى سابت الشهاده يترموا فى الزباله فى محمد محمود علشان عندهم انتخابات و اتهموا الثوار انهم عاوزين يبوظوا الانتخابات و انهم دعاه فوضى و بيضربوا ترامادول الجماعه اللى عينت الكتاتنى رئيس مجلس الشعب و اللى قال مفيش خرطوش و الشباب بره بيضربوا بالنار الجماعه اللى سفقت لبكرى لما اتهم الثوار بالعماله للاسباب دى انا مبثقش فى الاخوان اللى مصلحتهم فوق مصلحه الوطن مش علشان انا خايف على القبط و بشوف مساواه الاخوان بالاسلام ظلم فادح للاسلام ادى عينه من فكر الاخوان الاقصائى :

اولا سلامتك من الاكتئاب مين قال ان شفيق هيحدث توازن؟؟ شفيق يعني كل دولة الفساد العميقة يعني على احسن الفروض نوصل لحالة شلل ومناحرة .. بين قوى اصلاحية وقوى تعيد انتاج دولة الفساد الف شكر يا ام زيد على تمنياتك الطيبه. اتفق معاكى ان شفيق رمز دوله الفساد لكنى مش مقنع ان الاخوان قوه الاصلاح. و ده من مواقفهم بعد الثوره مش من مواقفهم قبلها و التناحر جى جى ايا كان الفائز. السؤال هل هيكون فيه توزيع للمسئوليه و السلطه و الا فريق واحد هيشيل الليله من السيناريوهات الكارثيه ان لو الاخوان كسبوا الفلول هيولعوا فى البلد. و الاخوان لسه معندهمش سيطره على الجيش او الشرطه و الشعب و الثوار مش مستحملين و هيهيجوا على الاخوان و يقوم انقلاب او ثوره كون ان الفلول يتحملوا جزء من المسئوليه لوجودهم فى السلطه هيخليهم يحاووا يحافظوا على الاستقرار و لو لفتره و فى نفس الوقت عدم وجود الفلول فى البرلمان هيضعفهم الكوره دلوقتى فى ايد الاخوان على الاقل يظهروا نواياهم فى لجنه كتابه الدستور. لكنهم عايزين يخدوها وش كده من غير رقابه يبقى ميطالبوناش باصواتنا بقى

انا تفكيرى مشوش دلوقتى و عندى اكتئاب الاختيارين العن من بعض شفيق عنده موقعه الجمل (كان فاكرهم رايحين يرقصوا) و الاخوان عندهم موقعه الخرطوش (الكتاتنى فى البرلمان قال الوزير قال مضربوش خرطوش يبقى مضربوش خرطوش) ضميرى مش قادر يستبعد شفيق علشان كان فى موقع مسئوليه يوم موقعه الجمل و يعفى الاخوان من المسئوليه يوم موقعه الخرطوش او بورسعيد محاكمه موقعه الجمل (اللى تحقيقات النيابه فيها تمت تحت اشراف شفيق) ماشيه كويس و كل الرؤوس التقيله زى سرور و صفوت الشريف و مرتضى منصور و بعض رجال الاعمال المحرضين مرميين فى السجن لحد دلوقتى. لكن فى بورسعيد او محمد محمود معرفش مين بيتحاكم؟ غالبا مسكوا حبه بلطجيه و سابوا اللى وزهم. الاتنين بالنسبه لى مش مع الثوره و الاتنين اتهموا الثوار انهم بلطجيه و مش عاوزين استقرار و بيضربوا ترامادول. راجع جلسات مجلس الشعب و حكايه نائب الترامادول و تأييد الاخوان لمصطفى بكرى و تأدييب زياد العليمى و الاخوان عمليا سابوا الثوره من يوم ما قعدوا مع عمرو سليمان و اتفقوا معاه على تمن انسحابهم من الميدان يوم 9 فبراير و كلام ابو الفتوح مع الجزيره لسه موجود ان الاخوان معندهمش مشكله ان مبارك يمشى و يجى شفيق ميزه اختيار شفيق انه هيعمل توازن بين سلطتين فى البلد. هيبقى فيه تناحر بين شفيق و الاخوان و مفيش واحد فيهم هيقدر يستفرد بالبلد انا لسه مصدوم و دماغى هتتفرتك عقلونى يا جدعان

اعتقد ان اقتراح حمزاوى مش قانونى. بب التنازلات اتقفل من زمان و فى الجوله الاولى كل المرشحين اسمهم فضل فى الاستماره حتى لو حد منهم انسحب مفتكرش باب التنازلات اتفتح تانى. لو حداتنازل هيبقى ودى و هيفضل اعلى رقمين فى الاستماره

انا متابع الصفحه دى من امبارح جمعوا النتايج النهائيه فى كل المحافظات الاعاده بين مرسى و شفيق https://docs.google.com/spreadsheet/pub?key=0AnDjICbGuDIEdDA4V3VIQ0tLcUN2ZG9pQ09OYzhQZGc&output=html غطينى و صوتى عليا يا صفيه

لسه فيه امل النتايج نهائيه فى كل المحافظات ما عدا القاهره و الجيزه http://ubuntuone.com/2Az1AsFeJlFrFYpK2KOc4B لو الاخبار عن نتايج صباحى فى القاهره حقيقيه فممكن تحصل المعجزه (الموقع ده فيه اقل من 300 الف صوت فى القاهره حتى الان. يعنى لسه خمسه سته مليون)

الاسكندريه شعاع امل فى وسط الظلام يا رب القاهره تعدل الموازيييييييييييين

هتقولولى القبط تانىىىىىىىىىىىىىىى. على النعمه هتجن و انتخب شفيق يا بشر المحافظات اللى شفيق كسب فيها هى المنوفيه الدقهليه الشرقيه الاقصر الغربيه و الادى الارقام بالضبط http://ubuntuone.com/2Az1AsFeJlFrFYpK2KOc4B المحافظات دى مفهاش اقباط كتير لكن الحزب الوطنى شغال على اعلى مستوى الدليل التانى ان شفيق كان الخامس فى تصويت المغتربين. يعنى القبط ميقدروش يرفعوا اسهمه للترتيب الثانى. ده حتى شفيق مكسبش امريكا يا راجل! ابو الفتوح كسبها. مش فاهم هيا فيه ناس عايزه تلبس المصيبه دى فى القبط ليه و من غير دليل؟؟؟ ورينى الارقام انا اسكندرانى و اغلب اصحابى انتخبوا حمدين. و حمدين فعلا كسب فى المنتزه و محرم بك و دى احياء فيها نسبه اقباط كبيره و الاسكندريه انتخبت حمدين و بعدين ابو الفتوح و بعدين عمرو موسى ثم مرسى ثم شفيق بطلوا ترموا بلاويكوا علينا بقى

قابل يا سيدى من المنوفيه شفيق : 595000 مرسى : 206000 أبوالفتوح : 147000 صباحى : 101000 يعنى ربعميت الف فارق من المنوفيه لشفيق محدش يقوللى القبط بقى. المنوفيه من اقل المحافظات فى التواجد القبطى

انا و خطيبتى انتخبنا ابو الفتوح , اعز اصدقائى انتخب موسى. و الناس اللى اعرفها انتخبت موسى و صباحى و شفيق و خالد على و ابو العز الحريرى. يعنى من خلال ملاحظتى للقبط اصواتهم متفتته. شفيق بينافس بقوه لان معاه ماكينه الحزب الوطنى الانتخابيه مش علشان القبط هينتخبوه فى امريكا بيسموها Get out the vote او ground game. انك تخلى الناس اللى ممكن تديك صوتها تتحرك من بيتها و تروح اللجنه و تديك صوتها الموضوع عاوز خبره و ممارسه و مفيش غير الاخوان و الحزب الوطنى فى مصر يقدروا يوصلوا للناس العاديين و يخليهم يصوتوا لمرشحهم. الجهه التالته هى السلفيين بس هم منزلوش بكل تقلهم ورا ابو الفتوح متبصش على المحاورات, بس على اغلب المصريين اللى بيجروا على رزق عيشهم و ما يعرفوش حاجه عن المرشحين غير القشور. دول سهل التأثير عليهم اذا وجد شخص محترف يعرفهم شخصيا و يحاول يقنعهم.

التصويت فى الجوله الاولى من الانتخابات انتهى . احنا عملنا اللى علينا و اخلصنا النيه لمصر ادعو لمصر ان ربنا يكمل و يولى الصالح مبروك للجميع و المجد للشهداء

Abeer, I hope you enjoyed your maternity leave :) Hopefully, Baraa won't be so grungy about it ;) One comment. I think you meant; "We are busy and it is hectic". I don't think you meant to describe yourself, and your colleagues, as hectic :P The rule of parallelism dictates that if two adjectives are connected using an "and", they must describe the same noun. BTW, why don't you use punctuation? I think it is important to teach people about it. Native speakers don't like it when people don't punctuate.