فــيــروز

كما أفاد إخوه قبلى فى الموضوع ؛ الزواج المدنى غير متاح بسهوله فى "مصر" بل يكاد يكون غير متاح .. و من ثمّ ليس من العدل أن نتّهم من يطلبون من الكنيسه تصريحا بالزواج الثانى بمحاولة لىّ ذراع الكنيسه لأنّه ليس لديهم بديل و مينفعش نقول "محدّش هيحوشهم" لأن الحقيقه إن محدّش هيسمح لهم أصلا .. ده غير إن ممثّى الكنيسه الذين استضافهم برنامج "العاشره مساء" بدوا غير مرحبين أصلا بفكرة تسهيل الزواج المدنى و رأوا فيها تسهيلا للخروج على طاعة الكنيسه !! من رفع الدعوى كان طليق "هاله صدقى" التى حصلت على الطلاق بأسلوب درامى للغايه .. غيّرت ملّتها إلى السريانيه و حصلت على الخُلع بموجب الشريعه الإسلاميه ثمّ عادت للأرثوذكسيه مرّه أخرى و منحتها الكنيسه تصريح الزواج الثانى .. لماذا منحت الكنيسه كلّ هذه التسهيلات لمن خرج على طاعتها بهذا الشكل الدرامى و ترفض منح نفس التسهيلات لألوف ممّن هم أقلّ شهره .. لماذا لم تعتبر زواج "هاله" الأوّل مستمرا بعد عودتها لديانتها الأولى؟ لماذا منحتها تصريح زواج ثانى رغم أن زوجها لم يُدان بالزنا و هو العذر الوحيد المبرر للطلاق فى المسيحيه؟ فى كل البرامج التى تابعتها و ناقشت هذا الموضوع الكنيسه تصمت تماما حين يأتى الحديث على هذا الموقف ولا تشرح لماذا تفرّق فى المعامله بين رعاياها بهذا الشكل الغريب .. لهذا أنا باعتبر الحُكم أو القضيه مطالبه للكنيسه لا بأن تتجاهل تعاليم الإنجيل بل بأن تعامل رعاياها بمساواه و تمنحهم نفس الحقوق .. و مادامت تساهلت مع البعض سيكون غير مفهوما حديثها عن عدم قدرتها على مخالفة تعاليم الإنجيل حين يطلب آخرون المعامله بالمثل ..

بصراحه المداخله فيها منطق به قدر ما من التناقض الغريب !! فهى ترُدّ انتشار الحجاب -بصرف النظر عن اتفاقنا او اختلافنا حول مدى ملاءمته للشرع- للأسباب الاقتصاديه بينما تتجاهل تماما و تتغاضى عن الحاله الاقتصاديه خلال ما اتفق على تسميته ب "الزمن الجميل" و مدى تأثير هذه الحاله على الناس و سلوكياتهم وقتها .. هو الزمن الجميل ده كان فيه أزمة مساكن أو غلاء فاحش فى الأسعار تجعل الزواج ضربا من الخيال عشان يبقى فيه اغتصاب أو حتى تحرّش !! هو الزمن الجميل كان فيه فضائيات و إنترنت تجعل الوصول لكل ما هو مثير و مهيّج للغرائز أمرا سهلا للغايه فى نفس ذات الوقت اللىّ إشباع الغرائز فيه يكاد يقارب المستحيل !! هو الزمن الجميل كان فيه أزمه فى التعليم و التوظّف و الوصول لسبل العيش بشكل لائق و محترم !! هو الزمن الجميل ده كان فيه "أبو الليف" و "سعد الصغيّر" و "أيمن بهجت قمر" !! الزمن الجميل لم يكن جميلا لأنّه كان بدون حجاب أو لأن الناس ماكانتش شاغله نفسها بالحجاب .. مع خالص احترامى ده فساد فى الاستدلال و منطق غريب جدّا !! الزمن الجميل كان جميل لأن الناس كانت مرتاحه و عايشه بشكل آدمى فماكنتش محتاجه تتصرّف كالحيوانات مع بعضها البعض .. و ليس من العدل إطلاقا الحُكم على أسباب انتشار الحجاب و ردّها للجانب الاقتصادى وحده و عدم استخدام نفس الطريقه فى الحكم -رغم بداهتها الشديده التى لا تحتاج لتذكير- فى الحكم على الزمن الجميل و أسباب جماله !! تحيّاتى

لولولولولولىىى ألف مبروك :) و على رأى المثل : يا ساعه بالوقت إجرى .. لأ لأ مش دى :happy: .. قصدى .. والله فرحنا لك يا وَلَه يا أستاذ س.س. :P .. معلش بقى هى الغنوه اللىّ بتقول وَلَه bv:- و مفروض تقول يا باشمهندس دكتور س.س. :lol:

ياااااااااااااه .. :lol: كانت أيّام .. يا ريتها دامت نعمة الرُفع :P ه أنا بقيت ولا الكرُنبه :D لأ قصدى يعنى تخنت للدرجه التى تستدعى إنّى أخِس شويه عشان أبقى مظبوطه :) ما هو أصل الموضوع بقاله ست سنين مش معقوله هافضل 51 كيلو متر من ساعتها !! و بعدين الجلوس للمكتب بالساعات حاجه تخلّى الواحد يتخن حتى لو بياكل سندوتشات ميّه ساقعه بس .. الأخت / بنت مصريه سلامتك ألف سلامه سهل أوى إن الواحد يتخن على فكره خاصة لو معندوش مشاكل طبيه تمنع اكتسابه وزن إضافى .. من الحاجات اللىّ كان الدكتور بينصحنى بيها أمّا عرف إنّى بازهق من طول الجلوس للمائده : شُرب شوب مانجو كل يوم !! أو عصير قصب .. دول فتّاكين أكيد .. زى ما قلت من ست سنين :D وجبة الإفطار فعلا مهمّه جدّا و بتساعد فى اكتساب الوزن بسرعه .. العسل بالطحينه .. يا سلام دول بامووووووووت فيهم و مش باشبع منهم خالص .. bv:- هاحاول أفتكر أصل خلاص أنا دلوقت بقيت محتاجه أخِس و لازم أنسى المواضيع اللىّ بتتخن على السيره دى :happy:

مالهاش لزوم :ninja:

أنا نِفسى أروح مكان فيه خُضره كتيييييييره .. تعبت من المشاوير اللىّ معظمها فى الصحرا بسبب الشغل .. زهقت من اللون الاصفر و شكل الرمل مع إنّى باحسّ إن الصحرا مكان مريح نفسيا .. مفتقده جدّا الخُضره .. و نِفسى أوى أروح غيط بس محدّش من معارفنا أو أقاربنا عنده أرض زراعيه :lol: فيا ترى فيه أماكن ممكن الواحد يروح يتفسّّح فيها و تكون شبه الغيطان كده يعنى أكبر من مُجرّد جنينه ..

سِت مين اللىّ بتتستت !! :blink: طيب فى الروايه اللىّ باحكى عنها دى المأساه بدأت أصلا بجوار جدّة من الجدّات فى هذه الأُسره لمملوك أثير لدى "محمد على" .. و السِت كانت حلوه و الناس بتتحاكى عن جمالها !! و كانت أرمله و لها إبن واحد .. فالمملوك راح خبّط عليها بكل جلافه عشان يعرض عليها تأنتم معاه !! smk: كده عينى عينك و إلاّ فالويل و الثبور و عظائم و الأمور و هااااااااااه .. بنننننننننت .. -_- فما كان من أهل هذه السيده إلا أن قتلوا المملوك و هربوا بالكامل من بلدهم و تنكّروا لأصولهم و تاريخهم بل و تركوا أملاكهم عُرضه للنهب خوفا من انتقام الباشا لمملوكه الأثير .. آل تتستت آل .. :lol:

يا أستاذه "ياسمين" .. "مصر" ليست فقط "القاهره" .. و أظنّ أن الصوره القديمه ليست مثلا فى ريف "مصر" أو فى أحد أحيائها الفقيره .. محدّش أنكر إن كان فيه مظاهر جمال و رُقىّ .. بس دى كانت خاصه بما أُطلِق عليه "مجتمع النصف فى المئه" .. ومفيش حد بيحكم بلد عشان يبقى حىّ أو بضعة أحياء فيها نضيفه بينما باقى الشعب ماشى حافى و بيشتغل بالسُخره !! و إلاّ يبقى ما أسهل أن آتى بصوره من حىّ "بيفرلى هيلز" أو "بالم هيلز" أو أى هيلز و أقول يا سلام دى "مصر" بقت جميله خالص فى عصر "مبارك" .. عُمر الحُكم على حُقبه ما يكون من خلال صورة شارع !! الموضوع أعقد بكثير فى رأيى المتواضع

هو ليس قط غريب لكنّه يحمل بعض التناقض للأسف :unsure: .. يعنى فى الأوّل مطلوب برنامج نقدر كلّنا أو معظمنا يقدر يتابعه بنفسه و بعدين ثبت إن حتى لو فيه برنامج مفيش ما يمنع يكون هو كمان مزوّر و بيتقال فيه أى حاجه و محدّش عارف إيه الصحّ و إيه الغلط فيه !! و عليه تكون نسبه كبيره جدّا من المداخلات مش فى الموضوع ده بس ولكن فى غيره من موضوعات غير ذات جدوى لأنّها هتناقش أو هتذكر أحداث محدّش خالص حضرها أو شافها بعينه محدّش قال له :wub:

لا لا لا يا سيدتى الفاضله :wub: ى عصر "عبد الناصر" سُمعة "مصر" فى الخارج -طالما الأهم هو السُمعه فى الخارج و ليست الأوضاع فى الداخل !!- كانت فى السما بسبب اهتمامها بعلاقاتها الخارجيه مع جيرانها من العرب و الأفارقه !! وهو ما يعيبه البعض عليه رغم فشلنا فى لحفاظ على هذا الإرث .. و ليس لهذه السُمعه أى علاقه بما سبق من عهود و إلاّ تقدرى تقولى لى حاجه شُفتيها بنفسك :unsure::wub: بتتكلّم عن سُمعه حسنه ل "مصر" كبلد قبل عصر "عبد الناصر"؟

بس الحقيقه المنطق ده يشكك فى كل حاجه عرفناها -أو آمنّا بها- عن طريق التواتر أو ما وصل إلينا ممّن سبقونا .. و ده منطق خطييييييييير جدّا :blush2: .. كما أنّه ليس من العدل افتراض عدم المصداقيه فيه كده خبط لزق خاصة و إنّه مفيش ما يدعو المؤرّخين لأن يُجمِعوا على سلبيه أو سلبيات معيّنه يعنى و التشكيك فيهم يحتاج لما هو أكثر من "كان فيه ناس لها مصالح لإخفاء الحقيقه" !! ناس مين دول و أى مصلحه فى إخفائهم للحقيقه !! .. و يبقى بنفس المنطق ما الذى يدعون للتصديق فى فكرة حُسن سُمعة "مصر" فى أى وقت من الأوقات محلّ النقاش و هى كمان مجرّد "قالوا" و "سمعنا" !! الغريب كذلك فكرة سُمعة "مصر" خارجها !! أوّلا محتاجين نحدّد الفتره الزمنيه محل النقاش عشان نسأل هى "مصر" كبلد كان لها سُمعه فى هذه الحقبه ولاّ كانت مجرّد دوله من دول الخلافه العثمانيه و واليها عاوز يستقلّ بيها عشان طموحاته .. ثانيا كيف يمكن أن نكتفى بأن سُمعة بلد ما ربّما كانت خارجها جيّده فى زمن ما فى وقت كانت الناس بداخلها بتعانى !! على كده يبقى عصر "عبد الناصر" زى الفُلّ لأن سُمعة "مصر" و مكانتها خلاله كانت فى السما السابعه !! و أرجع و أقول الموضوع -بالنسبة لى- ليس أبدا مجرّد شكليات برّاقه و سُمعه فى الخارج أد ما هو أحوال و أوضاع الناس كانت عايشاها و مؤرّخين على مرّ العصور نقلوها من غير دليل أو سبب واضح على لجوئهم للتزوير أو التدليس

ممممممم يبقى إحنا كده غالبا لن نتفق .. لأن كما أفهم من هذه الفقره إن حُكمنا على المؤشرات مختلف .. قد أهتمّ بالمخرجات لكن يهمّنى جدّا أعرف وصلنا لها إزّاى و بأى تكلفه وهل كانت تكلفه مستحقه و عادله .. و يهمّنى إنّه زى ما يكون فيه رموز و علامات يكون الحد الأدنى من الأشياء متوفّر لعدد كبير من الناس حتى لو لم يصبحوا رموزا و أظن إن ده اللىّ بيحصل حاليا مع المهاجرين .. و هُمّا بيهاجروا محدّش بيتوقع منهم ولا بيطلب يكونوا فلتات .. الهجره عند كثيرين منهم هدفها تحقيق هذا الحد الأدنى من الأشياء و بعدها من يصبح نابغه يبقى هو و شطارته بس يكونوا الباقين عاشوا صحّ .. يعنى ممكن أفترض -وقد أكون مخطئه- أن الأهم بالنسبة لك هو الكيف بينما أنا أضع الكمّ كذلك على قدم المساواه مع الكيف ..