aikh

السلام عليكم إخوانى وأخواتى.... بجد الموضوع ده أبكانى وأنا أقرأ كل المدخلات وخاصة بتاع الاخت شعنونه مش عارف أقول إيه بس ربنا يصلح حال بلادنا وحلنا إحنا كمان . أنا شخصيا كنت قررت العوده رغم إنى فى الغربه منذ 7 سنوات وذلك حتى أبر بوالداى حيث أنى الابن الوحيد ولكن محدث هذا العام من تدهور إقتصادى وصل إلى رغيف العيش مش عارف أقرر وخاصة إنى معملتش فلوس . فأنا عشت حياتى بالسعوديه طولا وعرضا مش عشان حاجه بس عشان إكتشفت إنى هخسر شبابى وحياتى واصلا مهما جمعت فلوس مش هتعمل حاجه حيث الراتب ضعيف وبالتالى قررت أنا أعيش مع زوجتى وأولادى بالسعوديه حياه عاديه كما كنا سنحيا بمصر. ولما نرجع مصر يصيرخير على رأى إخونا السعودين ... كما أكتشفت أنه كلما طالت إقامتى خارج مصر كلما زاذ خوفى من الرجوع إليها من كثرة مشاهدة البرامج التليفزيونيه الفاضحه لكل شىء ببلدى... الله المستعان مش عارف أقرر بس أنا شخصيا شكلى مش نازل مصر إلا غصب عنى لاأى سبب كان...... وسلام

أخى العزيز ياسر .... شقه معقوله وبمكان جيد ومعقول تبداء من 15000 ريال سنويا. والمدارس الخاصه المناسبه فى حدود 500 ريال شهريا...... بس بالنسبه للسكن الجامعه راح توفر ليك سكن ممتاز مفروش وداخل الجامعه وذلك حسب كدرك العلمى والوظيفى....

هلا بأخوان بلدى ..... بجد ياسى السيد فتحت موضوع مولع يهم كل مصرى بالخارج.... أنا مقيم فى السعوديه وفكرت اشترى سياره جديده اريح حالى من الصيانه وخلافه واتبسط شويه مع عيالى بالتكيف الجديد هههههه وكانت الكارثه لما روحت مصر عشان اجمرك السياره مع العلم إنى إشترتها 1600 سى سى عشان الجمرك يكون مخفض بس لما روحت جمرك السويس لحظة حاجه هيله جدا وبكل صراحه احب اهنى العقل المصرى عليها .... هى إيه ؟؟؟ اليابان وكل الدول المصنعه للسيارات أقامة مصانع وتكاليف ومصممين وعمال وخلافه ولم يستطيعو تحقيق نسبة ربح تعادل المشروع المصرى الذى لم يكلف الحكومه غير شوية طوب واسمنت؟؟؟؟؟ عارفين هوه إيه ((( المسطبه ))) انا مرت بالسياره عندها واكتشفت ان جمرك سيارتى والمخفضه جمركيا اكثر من ثمنها بالسعوديه وبدون مصانع وخلافه يعنى مصر بتكسب فى السياره احسن من الإ صنع واستورد واحسن من كل دول وبتكلفة المسطبه . ولا حول ولا قوة إلا بالله..............

السلام عليكم أخ ياسر .. أولآ لاشكر على واجب وده حقك عندى كأخ عزيز من بلدى... وأحب أن اوضح لك ما قصدته من موضوع ترتيب الجامعات... فى السعوديه تختلف الجامعات من حيث الرواتب والبحوث وغيره من المكافأت نظرا لاختلاف حصة الجامعه من الدوله فمثلا جامعة الملك سعود هى من أفضل الجامعات فى ذلك يليها جامعه أخرى ثم جامعة الملك فيصل، والحقيقه نحن المتعاقدين نتأثر بذالك فبعد إرتفاع الاسعار فى السعوديه هذا العام طبقت بعض الجامعات المحترمه زيادات فى الرواتب وبعضها لم يطبق ذلك لأسباب عديده ومنها جامعة الملك فيصل. فهنا فى جامعة الملك فيصل دائما العلاوات للأخوه السعودين وهذا حقهم طبعا لأنهم اولاد البلد ومصروفاتهم غير. اما نحن المتعاقدين تأتى الزياده بصعوبه ومنخفضه ولم نكن نعانى من ذالك إلا بعد زيادة الاسعار بشكل رهيب منذ شهرين تقريبا وهذه زياده عالميه كما تعرف فى كل الدول. النقطه المهمه ايضا هى البحث العلمى ومستوى الجامعه يختلف من جامعه لاخرى ولذالك من الافضل لك ان تركز على هذه النقاط.. وعلى سبيل المثال الزيادات فى رواتب العاملين بجامعة الملك سعود وجامعة البترول والمعادن وغيرها أعلى منا ... ذالك للتوضيح وربنا يوفقك لما هو صالح وافضل لك.....

بجد روعه ياريت تكمل انا منتظر . انا فكرت مره انزل مصر بالسياره عشان أقضى اجازه كويسه واترحم من زحمة الموصلات وإستغلال السوقين وكانت تجربه اليمه ممكن احكى فيها كتب شوفت فى المنفذ البرى بالغردقه حاجات وحاجات ودفعت فلوس لحد مقلتلهم طلعونى من هنا توبه مش نازل تانى بالسياره . إدفع هنا وإدفع هنا وده عوز إكرميه وده عاوز ميه وده عاوز خمسميه ياربى حرام.... قولتلهم ياجماعه انا مخدتش الزكيبه قلولى زكيبة إيه قولتلهم زكيبة الفلوس إلا بيعطوها لنا لما بنروح الخليج اها واها على بلدى....

السلام عليكم أخ ياسر انا من المصرين العاملين فى جامعة الملك فيصل بالدمام ولكنى فعلين أعمل فى المستشفى التعليمى التابعه للجامعه وحقيقة الخبر او الدمام من المدن الجميله والرائعه بس فعلا اسعارها مرتفعه عن المناطق الاخر نظرا لوجود شركة ارمكو السعوديه والتى يتسلم موظفيها رواتب مرتفعه وبالتالى مستوى الحياه مرتفع وبالتالى توجد مدارس جيده للاولاد ولكن يعاب على المنطقه اقصد الدمام والخبر جوها الصيفى الصعب من حيث الحراره والرطوبه الرهيبه ولكن مع وجود السياره والاماكن المكيفه مفيش مشكله. اما عن ابها فلا اعلم عنها إلا ان جوها جميل وهى منطقه سياحيه. وحبب اقولك خليك مع الجامعه الافضل بغض النظر عن المكان يعنى شوف ترتيب الجامعه بالنسبه للجامعات السعوديه وده له إمتيازات كتير مش هتعرفها إلا لما تعيش فى السعوديه. وسلام

أنا قرأت كل المدخلات والموضوع فعلا محتاج شوية تعديل . إيه المانع إنهم يعدلو جوازات السفر طبقآ للمعاير الحديثه ويظل الابناء على جواز الام لحين بلوغهم السن القانونى للفصل عن جواز الام. بجد ياجماعه الموضوع بيكون مكلف علينا فى السعوديه تاشيرة الخروج والعوده 200 ريال للجواز الواحد..... او فى حل أفضل محدش يروح اجازه ويوفر التأشيرات وتذاكر السفر هههههههههه. الحياة بقيت غاليه ربنا يعنى ويعن الناس فى مصر .......