kazabaza

شكرا على الفيديوهات الموضوع فعلا مهم بس البداية تكون مع ITIL و لا PMP يعني ايه الاهم فيهم طبعا انا بسأل من وجهة نظر ال IT لان ال PMP تنفع لجميع التخصصات.

شكرا استاذ خالد على الرد

طيب استفسار يا استاذ خالد انا قدمت زيارة لحماتي على النت من الرياض يوم 3/7/2011 و في نفس اليوم المعقب دفع ال 25 ريال في الغرفه التجاريه و معايا الوصل و مكتوب علية بالاسفل راجع حالة الطلب على موقع وزارة الخارجية بس كل ما ادخل استعلام عن الطلب يظهرلي الطلب بس و مش بيظهر تم استلام الطلب ؟ ملاحظه النهارده اليوم ال 15 للطلب من يوم التقديم.

مدرسة شمال الرياض "قبل المستشفي السعودى الالماني و الهلال الحمر على طريق الملك فهد" كويسه و الامور فيها معقوله بس الافضل يكون معاك رخصه من مصر و تكون هادي على قد ما تقدر في الامتحان بالتوفيق ان شاء الله

تم تجديد الاقامة و لله الحمد و تم طلب الكشف الطبي يعني كده الوضع الحالي التجديد بسنه واحده بس و مطلوب كشف طبي

بالنسبه لشمال الرياض في مدرسة جديدة بحي المروج شارع ضرار ابن الخطاب متفرع من شارع تمير " قريبه للعثيم الي في المروج" لسه اول سنه تشتغل السنه دي المدير بيقول انه كان شريك في الالسن و انفصل و بعمل مدرسة جديدة رايي الشخصي انها حل كويس لل K G لان طبعا لسه محدش عارف مستوي المدرسه هيكون ايه الاسعار معقوله رسوم التسجيل 500 و ال KG 6500 و الجريدز اغلى شويه لكن مش متذكر كام تليفونهم للى حابب معلومات اكتر 0507376500

شكرا يا جماعة على الرد و الله الي عرفته انه مطلوب ل جنسيات معينة و منها السودان و الهند و حاليا احيانا بينطلب لمصر و هو نفس الكشف الطبي الخاص بالاصدار ربنا يكتب الخير للجميع

السلام عليكم يا جماعة هل حد عندة معلومات ان تجديد الاقامة لازم فيه كشف طبي زي الي بيتعمل عند الاصدار؟ و لا المطلوب تجديد تصريح العمل و الرسوم فقط؟

و عليكم السلام و رحمة الله واحد زميلنا في نفس الموقف عمل الاتي: - تدفع 140 ريال غرامة عن كل سنة تأخير لتجديد الرخصة المنتهية - تدفع 400 ريال رسوم استبدال و بتاخد الجديدة ان شاء الله بدون اي اختبارات لو حابب توفر ال 140 ريال عن كل سنه ادخل من الاول خالص اصدار رخصه و امتحن عادي لو حابب توفر المجهود و الامتحانات ادفع ال 140 بالتوفيق

الحمد لله طلعت الرخصة من مدرسة الشمال بالرياض يوم 10/11/2010 بدون خطاب تعريف الاوراق: - 3 صور - صورة الجواز - صورة الاقامة - صورة الرخصة المصريه (الوجهين - وش و ضهر يعني) - نموزج طلب اصدار رخصه الرسوم: - 400 ريال رسوم اصدار رخصة لمدة 10 سنوات ممكن تدفع على النت من حساب البنك او من اي صراف او في اكشاك على باب المدرسه بس هياخد في حدود 420 - 100 ريال رسوم محاضره - 50 ريال فصيلة دم من امام المدرسة الخطوات: - تقديم الاوراق و اختبار تحديد مستوى - محاضره لمدة ساعه و نصف في حالة الحصول على مستوى ( أ) و وجود رخصة مصرية - اختبار اشارات - اختبار ميدان (العربيات معظمها جديد انا امتحنت على كامري 2011) فعلا العربيه بتدي بعد تاني للحياة خصوصا للمتجوزين بالتوفيق للجميع

فكرة جميلة جدا اتمنا ان الناس تفضل تستخدمها مش شويه في الاول و بعد كده تموت اكتر حاجه عجبتني ان الموقعين معمولين ببساطه و كل التقارير بتتعرض مع بعض يعني لو في واحد بيهزر و كاتب كلام غلط مش هتفرق لانه هيكون واحد بس و الباقي صح

خير الامور الوسط شطب الشقه و خلي الدهان على المعجون يعني خلص السباكه و الكهربا و السيراميك و النجارة بحيث يكون كل الي فاضل فيها وشين دهان و تبقي قابله للسكن و كده اذا في اي ظروف لا قدرالله تدهن و تفرش الي تقدر عليه اتكل على الله بعد كده و اتجوز

جدتي رحمة الله عليها كانت بتعمل المسروده بنفس الطريقه الي الاخت ضحى قالت عليها و بنفس المكنه الي في الصوره. الملاحظات الي فاكرها: لازم الفجوه بين الحله و المصفه تتقفل من الخارج كويس بالعجين داير ما يدور علشان تمنع تسرب البخار. العجين بيتلف في قماش خفيف زي جزء من ملايه او كده قبل ما نضعه في المصفه و كمان علي ما اتذكر بنغطيه بفوطه وجه من فوق. عندي لكم خبر كويس يمكن شراء المسروده و الكسكسي من اسواق فتح الله و بتكون في اكياس جاهزه و تتسخن على النار مع السمن و بس علي كده.

قمت باضافة ابني من اقل من شهر بالقنصليه بالرياض الطلب موجود بالقنصليه بتملاه و انت واقف و توقع عليه و لا يتطلب ختم من العمل و ممكن تحميله من http://www.mfa.gov.eg/NR/rdonlyres/B747680...D9%81%D8%A9.zip الصفحه الرئيسية لتحميل الاستمارات http://www.mfa.gov.eg/Missions/ksa/riyadh/Consulate/ar-EG/Services/consularserv/applications/ المعلومات دي من موقع الخارجيه المصريه http://www.mfa.gov.eg/Missions/ksa/jeddah/Consulate/ar-EG/Services/extraser/servicesprovided.htm ثانياً : إضافات المواليد ـ تغيير المهنة ـ أذن العمل : ( يتم استيفاء الطلب المجاني والخاص بكل معاملة من استعلامات القنصلية العامة) - المستندات المطلوبة لإضافة المولود بسعر 70 ريال (على جوازات السفر اليدوية فقط): o أصل جواز سفر الأم وصورة ضوئية منه من ص2 الي ص9 . o أصل وصورة ضوئية من إقامة الأب . o عدد 2 صورة شخصية للطفل المراد إضافته. o لا يتم إضافة المولود ألا عن طريق والده أو من خلال توكيل مصدق ينص صراحة على موافقة الأب على إضافة المولود على جواز سفر زوجته. ايضا راجع موضوع استفسار عن إضافة مولود لجواز السفر بالسعوديه http://www.egyptiantalks.org/invb/?showtopic=57838

يا ربي لك الحمد كما يتبغي لجلال و جهك و عظيم سلطانك حمدا كثيرا طيبا مباركا فيه ملئ السماء و الارض و ملئ ما شئت من شيء بعد