HDarwish

قليل جدا 400 للمهندس هنا مش هاينفعوك على فكره الخرافى شركه كويسه بس حاول معاهم يزيده الى 700 او اكتر وكمان انت مش ذاكر خبرتك كل ماخبرتك تكون اكت تبيقى مرتبك اعلى وبعدين هم موفرين السكن للعازب ياترى لو متجوز وهاتطلع منه هايعطوك بدل سكن ولا لا؟؟؟؟؟؟؟ اسال عن كل شى لا عرض مش كويس لو فيه خبرة أنا شغال في نفس الشركة

إتوكل على الله .. راتب كويس وشركة محترمة

إتحسدتوا يا ولاد والله ده أنا داخل وفاكر هلاقيكم بتجهزوا للفطار الجماعي ولا العيد هتقضوه فين مع بعض والله خسارة ياريت تتجمعوا من تاني وكل سنة وانتم طيبين

حمدلله عالسلامه ....ومع السلامه زيارتك خاطفه ولكن اتصالك اسرنا ولو لدقائق ربنا يديم الود والمعروف ..ويطمنا عليك دايما يا ابو على .... ونلقاك على الخير ان شاء ..واللقا نصيب فى امان الله الله يسلمك يا أم نور ربنا يعلم إني بعتبر نفسي واحد من العيلة وإتصالي ده اقل حاجة والله ده أنا كنت مخطط أزور الكل بس للأسف الوقت ماساعدنيش أتمنى التوفيق للجميع وتحقيق كل أهدافكم وطموحاتكم وإن شاء الله هحاول ما انقطعش تاني أثناء وجودي في مصر ألقاكم بكل خير

كارت أصفر يا كب كيك إيه الكلام ده .. زعلانه علشان نازلة مصر ؟؟!!! طب ليه عموما مش هادخل في تفاصيل شخصية.. لكن مصر هتنور بيكي توصلي بالسلامة بشكرك بالنيابة عن دكتور ياسو على المشاركة الثرية دي تحياتي

مبروووووووووك أنا مقدر كمية الفرحة اللي إنت فيها وعقبال ما نباركلك على استلام الليسن بس عايز اقولك على حاجة إنت عديت المرحلة السهلة اللي جاي هو اللي صعب وكمان مرور حولي !!!! ربنا يوفقك مش عايز أحبطك لكن هقولك بس إن إبن عمي فضل يمتحن أربع مرات لما يئس وحس إنه مش هيسوق عربية (سيارة) في الكويت مدى الحياة لكن إن بعد العسر يسر وخلي نفسك طويل بالتوفيق

لقد تحدد ميعاد السفر والذي سوف يكون بإذن الله تعالى يوم الجمعة عصراً بقدر سعادتي بالعودة إلى المحروسة بقدر حزني على عدم قضاء يوم الجمعة معكم ولقاكم قد تجمعنا ايام آخر ،، قد يجمعنا مكان غير المكان ،، لكن تظلوا في القلب دائماً وأبداً أتمنى التوفيق والسداد والسعادة للجميع شكرا أم نور ،، دكتور محمود ،، سامح ،، أمل حياتي (شكر خاص) تحياتي للجميع

الله عالتدبيسة يارب ما اخذلكم واقدر اكون معاكم أصل انا جاي في السريع وماشي في السريع والحمد لله ربنا مسهل الأمور قوي تخيلوا الإقامة إتجددت في يوم واحد والصبح رايح استلم المدنية، لسه يادوب مشوار صغير للجوازات وبعد كده استعد للسفر خلينا على اتصال وحتى لو سافرت قبل الجمعة لازم اشوفكم واحد واحد بإذن الله سلامي بئا ل سمبا وتامر اللي ماسألوش عني

ياااااااااااه عاش من شافك يا ابو على ايه الغيبه الطويله دى معقول ننساك برضه عيب عليك يا راجل تقول كده اخبارك ايه واخبار الاولاد ايه الله يكون فى عونك يا راجل فى ضغط الشغل والقلق اللى كان فى مصر بس دى مش حجه علشان تختفى مره واحده كده وعاوزين نشوفك ونطمن عليك طالما انت موجود فى الكويت اليومين دول حبيبي يا سامح ، أخبارك إيه يا زعيم ؟ وأحمد أخباره إيه ؟ وحشتني جدا وواحشني الجاتوه بتاعك ماشاء الله عليك ، شايف نشاطك وملاحظ مشاركاتك الكتيرة والجميلة إن شاء الله لازم اشوفك قبل ما اسافر تحياتي لك ولأسرتك الكريمة

انت وحش يا ابو هنا ..وجنا ماسبق كان استهلالا لابد منه :) حمدلله عالسلامه ..نورت الديوانيه اولا ..ثم الكويت ثانيا اخبارك ايه مع الاحذاث الساريه فى ام الدنيا؟؟؟ اكيد لنا حوارات معاك قريباااااا خد دى مؤقتا الله يخليكي يا أم نور أنا تمام الحمد لله والأيام اللي فاتت كانت أيام صعبة جدا وانتي اكتر العارفين كنت واحد من المتظاهرين شوية وواحد من اللجان الشعبية شوية وواحد طالع عينه في الشغل شوية والحمد لله على كل شيء وإن شاء الله اللي جاي أحسن تحياتي للجميع

السلام عليكم ورحمة الله وبركاته إخواني وأخواتي أعضاء الديوانية الكرام وحشتوني جدا .. وحشتوني بجد إنقطعت مدة طويلة جدا .. غصب عني ما بدخلش النت إلا كل فين وفين شغلي من سبعة لسبعة واليوم كله بيطير وأول ما فضيت جيت جري اسلم عليكم من كام صفحة كده دخلت ومسيت عليكم .. لكن للأسف إظاهر إنكم مشغولين قوي أو زعلانين مني إذا كنتم مشغولين ربنا يعينكم على قضاء حوائجكم .. وإن كنتم زعلانين فاللي زعلان ياريت يسامحني ويقدر الظروف على فكرة أنا في الكويت حاليا وصلت امبارح الظهر وكلها اسبوع إن شاء الله واسافر تاني لمصر المحروسة.. تجديد الإقامة وراجع على طول حبيت اسلم عليكم واعرفكم أخر أخباري واما عنكم فاطمئن عنكم من الحين للآخر بمجرد تصفح ما استطيع أن اتصفحة في الديوانية هنا أجمعكم الله على الخير دائما أخوكم حسن درويش ... ( يارب تكونوا افتكرتوني)

مساء الخير

دعواتكم معانا الوضع خطير واللي بيموت مالوش دية زي ما بيقولوا الناس كلها قلقانة والخطر حوالينا مفيش منطقة فيكي يا مصر سلمت من الخراب حتى المنصورة ودمياط حتى المدن الجديدة

فيه شخصيات كده فعلا بتتأثر بما حوليها ولا تؤثر في غيرها وبالتالي سيؤثر على العلاقة من هو أقوى في الشخصية والكلام هنا سواء على الرجل أو المرأة سيان والأمثلة الواقعية عديدة، فكثيراً ما تجد الزوج أو الزوجة على حد سواء قبل الزواج بحالة وبعد الزواج بحالة أخرى تماماً مغايرة على سابق عهده أو عهدها، والسبب في طباع الطرف الآخر التي تؤثر فيه أيضاً كما قال عمنا نيوتن "لكل فعل رد فعل مساو له في المقدار ومضاد له في الاتجاه" فلن أجد أمامي من يصطنع المشكلات يوميا على أتفه الأسباب ويكون رد فعلي إبتسامتي المعتادة شيئاً فشيئا ستتلاشى هذه الإبتسامة مهما حاولت الحفاظ عليها لن تخرج من البيت وأنت مخطيء في حق الطرف الآخر وتعود تلقى الابتسامة والترحاب، حتما ستكون نفاقاً بعكس أن تودع زوجتك صباحاً بابتسامة وكلمات طيبة فحتماً ستعود وتلقى لهفة الاشتياق والحنين في عينيها ولن تعود البيت وتجد عاقدة الحاجبين عاكرة المزاج دوماً، ومن ثم تقول لها إشتقت إليكي، حتماً ستكون نفاقاً فككلا الطرفين يتخذوا موقفي رد الفعل والتأثير في الغير فاجعل فعلك حسناً حتى تجد رد الفعل أيضاً حسناً وعلى العكس أيضاً إن كان فعلك سيئاً فحتماً ستجد رد الفعل سيئاً

الله يبارك في حضرتك مدام سلوى ،، ويبارك في أولاد حضرتك وتتهني بالأحفاد شكرا على الكلام الجميل ده ،،، وكفاية تشريفك لي يا فندم ،، وبالنسبة للكلام اللي بالخط الأحمر فوق ده ،، فأنا بتعلم اليومين دول الحكاية دي بس للأسف صبري بينفذ بسرعة وبخرج من دور حنية الأب بسرعة خاصة مع الآنسة جنى اللي ليها حاجات كده تخلي الواحد ما يقدرش يطول باله معاها وللحديث بقية