ام مازن

.... اللغة و العادات و الماكولات المفضلة دي تكتسب من البيئة المحيطة كتير من المصريين اللي اختلطوا بالشوام مثلا بيحبوا التبولة , دة مش عيب ولا حرام . احنا بنشوف اليهود في جميع انحاء العالم لهم لغات مختلفة (مش كلهم بيتكلموا عبري لبلب )... و اشكال مختلفة (لان تاريخ الهجرة عندهم قبلنا بكتير ) الشئ اللي بيجمعهم هو الدين و العقيدة و و حدة الهدف مش معقولة طفل مصري اتولد و كبر في بلاد برة اتوقع انة بيموت في الملوخية و بيحب يسمع ام كلثوم بس على الاقل لازم اتوقع انه بيعرف يصلي و يقرا النسخة الانجليزية من القران , يعني لازم اعاملة زي اي واحد كندي او امريكي مسلم المهم يكون عندة كمية معلومات دينية تكفي انة ينقلها لاولادة (او الجيل اللي بعدة)بعد ما انا اموت .. و دي مسؤليتي انا اعتقد ان اول الهجرات العربية في الستينات كانت الحياة صعبة جدا ... مافيش جوامع كفاية ... مافيش انترنت ...عدد المسلمين قليل جدا..محدش كان متوقع نتيجة تربيتة و الانفتاح الزيادة.. الجيل التاني دة كبر و احنا(الناس اللي عايزه تهاجر دلوقت) عرفنا اخطاء ابائهم و شوفنا نتيجة تربيتهم و ممكن نتجنب كل الاخطاء اللي اتعملت دلوقت اللي عايز يربي اولادة على الدين .. العملية اسهل بكتير ....

www.ebay.com ممكن حضرتك تروح الموقع ده وهاتلاقي انشاء الله عملات مشابهه لبتاعة حضرتك وتعرف سعر تقريبي ....... و برضه ممكن تعرضها للبيع من خلال هذا الموقع

لي تعليق بسيط 1- بصراحة لا اشعر بالراحة ابدا عند وصف السيدات و البنات بسماتهم الخلقية و تقسيمهم الى طبقات حسب الشكل و الاعاقة وغير ذلك و الحكم مسبقا عليهم بان هذة الفتاة لا تستحق اكثر من نصف زوج (زوجة ثانية ) و تلك الفتاة لا تستحق اكثر من ربع زوج(زوجة رابعة ) و هكذا .... 2-اعتقد ان هذا الموضوع قتل بحثا في هذا المنتدى و منتديات اخرى كثيرة ...و محاوله فتحة مرارا و تكرارا الا هو محاولة زرع الفكرة و تاصيلها في مجتمعنا ..

الغالية ام مروان .. انا عاوزة انبهك ان مافيش طفل هايتاقلم من اول يوم .. مش قبل 2-3 اسابيع لغاية مايتاقلم . و هايكون في عياط كتير بالذات الصبح و انتي رايحة الشغل ... بصراحة احساس مؤلم جدا .. بس نصيحتي ماتحكميش على انة متاقلم او مش متاقلم قبل شهر تقريبا ... برده .. حاولي تكلميه عن الحضانة و خلية يروح معاكي مرتين او تلاتة يتفرج عليها من برة او يروح معاكي ساعة التقديم .... الاخ اسد شكرا على المعلومات القيمة عن ال usmas program ..بس دا مرة واحدة في الاسبوع ؟ الاخ سي السيد .. بصراحة انا اتعقدت من كل واحد يحاول يقنعني ان ابنه فلتة عصرة و اوانة ... علشان كدة الواحد بيحاول يسال عن ايه المتوسط بحيث انه مايضغطش على ابنه او يكون متاخر شكرا

ام مروان الغالية انا ابني دخل الحضانة من سن سنتين و اسبوع تقريبا , بس دة كان بسبب ظروف شغلي , طبقا الحضانة خلتة اجتماعي جدا ساعات زيادة عن اللزوم .. و برضة اتعلم حاجات كتيرة من المدرسات و الاطفال اللي اكبر منة .. بس برضة كان بيتعلم من زمايلة الشقاوة الزيادة .... دي تجربتي , بس لو الزمن رجع تاني , برضة هادخلة من سن صغير .. بس ممكن 2-3 ايام في الاسبوع بالكتير تحياتي

ربنا يخلي ابنك و يبارك فية يارب بدأت ألحقه بدورة UCMAS من عمر خمس سنوات.. أنهى المستوى الثالث بنجاح وعمرة ستة سنوات ونصف .. لم ألحقه بالمستوى الرابع .. لأن من هم في المستوى الرابع أكبر منه عمراً بكثير .. ولن يكون هنالك تكافؤ في المنافسة .. فأجلته سنة .. ممكن حضرتك توضح اية الدورة دي ؟ و هل ليها موقع على النت؟ شاكرة جدا

بصراحة لو انا غريبة عن العيلة دي و عرفت انة مرتشي معنى كدة ان فضايحة مش عارف حتى يداري عليها ..انا ماقصدش طبعا انة لو عرف يداري وهايكون احسن علشان الشكل الاجتماعي , اللي اقصدة ان دة اللي في الوش و ما خفي كان اعظم !!! و برضة مادام انا عرفت دة اكيد ابنة(لعريس) عارف كدة و مش مستنكر السلوك دة .... بصراحة انا لو الموقف دة .. يهمني جدا اني اسمع موقف العريس نفسة ..يمكن والدة مفهمة ان دي كلها اشاعات مغرضة علي ابوة..او ممكن عارف و موافق والدة و بيدي اعذار و مسميات كالعادة .. ساعتها هاعرف خامة العريس ... و بردة انا لو مربية بنتي صح ... مش هاتقبل تتجوز واحد ممكن يتنازل عن مبادئة

سلامة اولادك يا ام مروان .. ربنا يقومهم بالسلامة و يحفظهم من كل سوء .... الف شكر على نصايح حفظ القران .. بس المشكلة ان ابني حافظ بس مخارج الالفاظ سيئة جدا .. و كمان هوا مش فاهم معنى اللي حافظة .. بس الواحد بيقول احسن من الاعلانات

ياريت كل واحد قضى مصلحة لية يسجل مرور هنا و يحكلنا تجربتة .. و دة لاثبات ان ممكن في مصالح ممكن تتقضي من غير رشوة و لتشجيع بعضنا البعض لعمل الصح ممكن بردة نعمل دليل(فهرس) للاماكن اللي ممكن نقضي فيها مصلحة من غير رشوة .. يعني مثلا من خلال الموضوع دة عرفنا ان بطاقة الرقم القومي و شهادات الميلاد ممكن تتطلع من غير رشوة ....

يسلم ذوقك يا ام مروان...فعلا منظر السلك تحت الفستان بيكون مش قوي ... علي فكرة الفستان التاني و التالت يتوع هبة باين انهم من غير جيبونة كبيرة ولا حاجة .. مس عارفة باحس انة من غير جيبونة بيخسس الجسم اكتر , علي العموم دا في الاخر مسالة ذوق .. علي فكرة في موقع جميل جدا علي النت http://www.theknot.com احلى حاجة فية انة بيدي قوائم لكل احتياجات و مستلزمات العروسة (checklist), ميزانية الخ... دة بيخفف الشد العصبي ان الواحد هاينسى حاجة او يعمل الحاجة على اخر لحظة ... عقبال كل البنات يارب :rolleyes: (دي زغرودة)

صدقيني يا اخت ناش الناس برة بتعمل الصح خوفا من الغرامة المبالغ فيها و بعد فترة بتكون عادة انة يعمل الصح مش معنى كدة ان احنا تستمر في عمل الغلط و نستمر في في عمل كل السلوكيات دي ... كل ما في الامر انها هاتكون نقطة في بحر .. ان ماكانش البلد فيها ظبط و ربط و نظام و دولة قانون مهما عملنا مش هايغير تغيير جذري من اللي بنحلم بية

بصراحة انا عمري ما طبخت طبيخ كامل في الميكرويف ... يعنس تسخين بس او ساعات رز .. و عمري ما حسيت انة بديل للبتوجاز ... عموما ادي مواقع بالانجليزي لوصفات http://www.cooks.com/rec/search?q=microwave http://www.microwavecooking.com/Microwave_...ing_Recipes.htm http://allrecipes.com/Recipes/Everyday-Coo...owave/Main.aspx