آل مصريم

" وَلاَ تَحْسَبَنَّ الَّذِينَ قُتِلُواْ فِي سَبِيلِ اللّهِ أَمْوَاتاً بَلْ أَحْيَاء عِندَ رَبِّهِمْ يُرْزَقُونَ (169) فَرِحِينَ بِمَا آتَاهُمُ اللّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُواْ بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ (170) يَسْتَبْشِرُونَ بِنِعْمَةٍ مِّنَ اللّهِ وَفَضْلٍ وَأَنَّ اللّهَ لاَ يُضِيعُ أَجْرَ الْمُؤْمِنِينَ (171)"

غزه هى حماس... وحماس هى غزه ولن أنسى ويجب أن لا ينسى أحد اللى إنتخب وجاب حماس... هم من أبقوها اللى أتخطفوا و بقى لهم سنين فى الأسر... خطفتهم حماس و أنصارهم اللى أتقتلوا و هم بيفطروا فى رمضان قتلهم حماس و أنصارهم اللى أتقتلوا فى ذهاب و عوده من أجازاتهم قتلهم حماس و أنصارهم اللى إتقتلوا فى العريش بتفجرات للمعدات و المنشئات قام بها حماس و أنصارهم اللى سرقوا ممتلكاتنا و تمويننا و هربوها من الأنفاق حماس و أنصارهم اللى صدروا لنا الإرهاب عبر الأنفاق حماس و أنصارهم اللى صدروا لنا الترامادول 100و 200 و 250 ملج.. صناعه إسرائيليه هم حماس وأنصارهم و مليون مثل.... و هم أحفاد الهكسوس والحيثيين الغزاه و هم على طريقهم

قد يجد له براءه فى كل التهم الموجهة إليه... و هذه لا براءه له منها.... قد يجدسماحا فى الكثيرمن أخطائه... إلا ديه مافيهاش سماح

نظريه مسمار الربط المصدى أحد نظرياتى الخنفشاريه هذه النظريه تفترض ماكينه كبيره تعمل و تدور... ويوجد فى وسطها مسمار بربط أجزائها... المسمار أتهرى من كتر ما لفت عليه صواميل...و راسه إتبطتت من كتر ما خدت ضرب بالشواكيش... و إتعوج من كتر الشد عليه شمال و يمين... و صدى و إتبرى من كتر ما ورد عليه .... لكن المسمار جامع أجزاء كتيره و الماكينه رغم إنها بتعربد و تعوى و تصوت بتشتغل ... وماشيه..... جاء المهندسين الفالحين يغيروا المسمار بمسمار جديد مفرود لميع ... ومقلوظ..... شالوا المسمار القديم... و أتفرطت أجزاء الماكينه... و محدش عرف يلمها تانى.... وبقى المسمار الجديد مجرد جزء زى باقى الأجزاء المتناثره... صدام كان واحد من المساميرديه ياسر عرفات كان كذلك القذافى كان كذلك و كثير.... سوا على مستوى السياسه أوالدين أوالإداره.... مسامير مصديه...لكن بدونهم تتفتت الماكينه... و ياريتها فضلت دايره نص لبه.. عُشر لبه حتى... بدل ما مش فاضل غير قشر اللب

تربتا تااا...ترلالا لاااااا ولا كلمه واحده....مهو لوقالوا فاسد يبقى من فساده هذا الحمم بالنقد....يبقى الكلام مالهوش فايده....و لوقالوا مش فاسد يبقى برضه الكلام ما لوش فايده..... وسمعنى سلام ..... أفرحى يا عروسه أنا العريس

الأمل فى ربنا أن يكون المستقبل أحسن.... لكن برغم كل الصعوبات أقسم بالله كانت الستينات و أوائل السبعينات أيام ذهبيه... كانت الناس راقيه المشاعر و السلوك... و الدنيا هادئه و الدين لله... عسى أن يكون غدا أحسن من اليوم

بقيه مشاركه # 34 و أنصرفت وراسى تقلب و تضرب... طيب تفاصيل رحلتى مع الصديقه لا يعرفها غيرنا... لم نتحدث فى عياده الشيخه سوا مع بعض ولا مع أحد... طيب عرفت من فين؟.... و تعددت مرات ذهابى للشيخه... مع تلك الصديقه و غيرها كمرافق.. لا أشرب عندها قهوه ولا غيره مجرد مرافق و متابع...و أذهلنى أن ألتقى هناك بالصدفه .... مع بعض المعارف من الكبار... فى السن و فى المقام و المركز العلمى و الإجتماعى.... كانت منتشره أوى فى أوساط يفترض أن لا تؤمن بهذا..... المهم... جدا.... أحد المرات كنت بصحبه شخص هام ذو حيثيه فوجئت بالشيخه تقول لى :::: ياااا فلان بقالك كتير ما شربتش قهوتنا.... رديت : ولا أشرب قهوتكم ولا شايكم و لا ميتكم.... ردت الشيخه على غير المتوقع :::: عايزه أعزمك... مادمت مش عايز تشرب عندنا تقبل عزومتى بره.... رديت أقبل بس الواجب أعزمك أنا..... و كان ما كان... و عزمتها فى النادى ... و تكررت بحكم العاده العزومات و الخروجات ... و المشروب بقى مره غذا و مره عشا.... و استمرت الأمور هكذا أكثر من أربع أشهر توثقت العلاقه فيها بقوه..... حتى إنها أطلعتنى على مكاسبها اليوميه المذهله... و حساباتها البنكيه الفلكيه... و شققها الفارهة... و فيلا ماراقيا... ما كانش فيه ساحل شمالى أيامها إلا مارقيا. إلى أن جاءت لحظه.... فؤجئت بالشيخه القشطه تقول لى.... يا فلان... ارجوك خلى بالك أوعى تحبنى !!! و للموضوع بقيه

يا عزيزى بينه إيه و مدعى إيه....؟؟؟ وصلك كلام من شخص ما ... صدقته على طول ... حبيت أوضح لك ... رفضت كلامى... قلت لك إسئل... تطالبنى بالبينه؟!... إسئل موظف حكومى و هذا سهل.. إسعى للمعرفه بين حديثين متعارضين... إسعى إن أردت أن تعرف ... أو لا تسعى أنت و ما ترى... و كما كتبت لك... أنا لن أزيد فى هذا... و حتى لو كنت عايزنى أرفع مداخلتى و ألغي ردى عليك .... جاهز بلا غضاضه... بس شاور.... ماشى؟

لقد عرضت حقيقه و ليست حسابات.... و يكفيك سؤال حد قديم شويه فى الحكومه يؤكد لك كلامى عن المرتب فرضا.... و سؤال حد جديد فى الحكومه يؤكد لك موضوع الحد الأدنى.... و هذا لا يعنى و لا يؤدى لزعل... صح؟

يسلم الخاطر اللى أورد تلك الفكره..... و يسلم العقل اللى برمجها.... و تسلم اليد اللى كتبتها.... سَلِمتَ من كل سوءٍ. :egyflag:

و بالمثل ... من عجائب ما تعرضت له شخصيا.... من حوالى 30 سنه كنت مهتم جدا بظواهر الروحانيه ... بمعنى أدق الغير مفسره.... كان لى صديقه من الهاى هاى أوى... و فى هذه الفئه تنتشر أمور كنت أعتبرها خزعبلات إلى أن أصرت على يوما أن نزهب للشيخه (المغربيه)... و ذهبت لرغبتها و فضولى و إهتمامى.... جلسنا ننتظرها 9 صباح الإثنين... و حدنا فى صاله مدخل دور أرضى... مفتوحه على الشارع مباشر فى حاره من حارات حى الجمرك بالأسكندريه... و شربنا القهوه... دخلت علينا فتاه.. تلبس مينى رشيقه شعرها أحمر لنصف ظهرها... ترجلت من سياره بى إم فيه... تركتها أمام الباب... و جلست و جائتها قهوتها... شربت و دخلت للشقه... تململت و سألت الخادمه هى الشيخه مش جايه... قالت لى... الشيخه هى اللى دخلت قدامك دلوقت!!! تعجبت... و بلعت ريقى و قلت الشيخه قشطه مش مغربيه... و بعد قليل دخلنا و رأيت شيئا آخر غير المخلوقه اللذيذه اللى شفتها بره... لا نفس البشره ولا ننفس الصوت... و جلست تحادثنى و تحادث صديقتى... الخائفه لدرجه الإنهيار بجانبى... نظرت فى الفنجال هذا و هذا... و بدألأت تتحدث... أرعبنى ما قالته... فقد كنت و صديقتى ... زوغنا من الشله ... و سافرنا يومان القاهره... بدون أن نبلغ أحد... و ما تحدثنا فى شقه الشيخه.. و فوجئنا بها تحكى لنا تفاصيل لم يطلع عليها غيرى و صديقتى... حاجه توقف الشعر..... أعود لإستكمال الحكايه... مضطر للذهاب عفوا...

اللى أساسيه 325 .... فى أقل قطاع من قطاعات الدوله حوافزه لا تقل عن 200%.... و هذا لا يعنى 325 ضرب 2..... لأن الحصيله بتبقى أعلى من الضعف..... يعنى إستحاله يبقى إجماليه أقل من 1000... و ليس كما قال 625.... أضافه إلى إن الذى أخبرك للأسلف ليس فقط ما عرفش يحبكها.... لكن لا علم له أيضا بحاجه إسمها الحد الأدنى للأجول و الذى لا يقل عن 1200.... تم تطبيقه فعلا... من نقل إليك حاله... حاله ليس كما نقله..... لذا لزم التنويه.

قال كثير ... ما ينفعش و لهم أسانيد و فندها آخرين و قالوا ينفع.... فمثلا قالوا عن إختلاف الطبيعتين بين النار و الطين... إن هذا الأصل ليس له تأثير على الكائن نفسه.... فالطين يذوب بالماء... و لا يذوب البشر بالشرب ولا بالإستحمام... و الجنى من نار و لكنه يخشى عذاب النار ...!!!.... فإختلاف طبيعه الأصل لا يعنى إمتداد صفاته فى المخلوق الناتج. وبالتالى فإختلاف أصلهما ليس هو المانع من تزاوجهما. كما إن هذا الخلاف لا يمنع من الإستمتاع... بعضهما ببعض... و الجن يتزاوج و يتناسل فيما بينهم... كما البشر... و لا يوجد ما يؤكد ولا ينفى إمكانيه إيجاد ذريه بينهم... يعنى بنى آدم إبن جن و لا إبن جنيه ( الجن حيميزوه بقولهم: جنى إبن بشرى أو بشريه)... كنت قرأت شىء غريب عن إن البعض أعمل قوانيين الميراث بين البشر لتكون بين النسب المختلط من جن و إنس... للأسف أحاول العثور على المقالات ولا أستطيع..... الخلاصه... موضوع جدلى لا حسم فيه بين الإستحاله و الإمكان.... لعدم وجود نصوص تحسم ذلك.... و الحل هو أن يأتينا من يقول إن له تجربه شخصيه الزواج بالجن... و وقتها غالبا سيحال لمستشفى نفسى بتشخيص : فصامى....!

مبارك.... غلطته الكبيره عدا العك بتاع آخر 10 سنين كانت... إستمرارالدعم!! بدأ أيام عبد الناصر.... و كبر فى أيام السادات .... و أستفحل أيام مبارك. كله علشان الطبقات الفقيرة الأشد فقرا... و المواطن البسيط و الغلبان... و كان كله كلام فارغ... ولا المواطنين المدعومن رضوا ولا شكروا ولا إستكفوا و لن يفعلوا... و لا تنميه طبعا ... فرح الشعب أوى بكلمه مبارك و الوزراء أيامه..... (( لا مساس)) ... يا سلاااام... و عاش الشعب ياكل فى أته محلوله... و يزيد الدين و العجز و النيله الإقتصاديه ؟؟ ما يهمش؟؟ حمل يكسر الظهر.. ما يهمش برضه... يا جماعه... إحنا رجل هنا و رجل هناك.... طيب و مصر يا شعب رايحه على أى منزلق... طيب و عيالنا مش حيلاقوا اللى يسلفهم ولا اللى يأكلهم.... لا حياه لمن تنادى!!! أصيب الناس بالغباء فلا يعقلون... و أصيبوا بالطرش.... فلا يسمعون... و بالعمى فلا ترى الغالبيه الهوه السحيقة اللى داخلين عليها. خطوه تأخرت كثيرا... و أن تحدث دلوقت أحسن من أن تحدث بعدين أو لا تحدث أبدا... أما التوقيت فبعيد عن أحلام و أوهام اليقظه - بالتأجيل لحين حدوث تحسن ما - لن يكون و لا يوجد وقت أحسن أو مناسب ليخسر الناس مزايا حتى لو مش محتاجين لها.... أأيد مليون فى الميه رفع سعر البنزين.... و أأيد تحديد ما لا يزيد عن 250 لتر شهرى بالسعر الحالى لكل سياره و ما زاد يكون بالسعر التجارى الكامل مع هامش ربح عالى للسيارات أقل من 1800.... أما ما زاد عن تلك السعه فلا دعم له ولا بمليم... و اايد رفع سعر الكهرباء للوحدات السكنيه التى يزيد إستهلاكها عن 600 كيلوا شهرى للبيع بالسعر التجارى مع هامش ربح واسه لصالح صغار المستهلكين.... و الله المستعان.

حماس صناعه صهيونيه ميه فى الميه.... أنشئها الشيخ ياسين الله يرحمه بعد ما قضى عمر فى سجونهم.... و روتها و شكلت معتقدها الحركه الصهيونيه