dongol

و الله مش حضرتك اللي هتقلي اشارك في ايه و ما أشاركش في ايه انت هنا مشرف علشان تنظم المشاركات مش علشان تعلم الناس الأدب و ممكن ما تقراش انا بكتب ايه لو مش عاجبك أسلوبي و لو هتوقفني او حتي هتشطب عضويتي فهيكون أحسن لان ما يشرفنيش اشترك في منتدي بيشجع الكفرة

أخي العزيز عماد أرجوك أن تتوقف عن الضغط علي أعصاب ما يسمون أنفسهم بالليبراليين فيكفيهم فضيحتهم التي رأها القاصي و الداني مش هتبقي انت و الانتخابات عليهم السؤال بقي يا أستاذ عماد هما الاخوان جابوا زيت و سكر يكفي كل الناس اللي انتخبتهم ده منين انت لو جمعت الناس اللي انتخبتهم في انتخابات النقابات و الجامعات و انتخابات مجلس الشعب هيطلعوا يجي خمسين مليون بني أدم ده علي كده الاخوان عندهم وزارة تموين و احنا ما نعرفش

طيب الاخوان زوروا الانتخابات السلفيين كمان زوروا الانتخابات بصراحة دي حجة البليد وكفاية كده ما تموتنيش من الضحك

يحكى ان ليلى رأت الذئب وراء الشجرة فقالت انت الذئب ؟ قال :نعم فهربت ثم رأته وراء الصخرة فقالت انت الذئب فقال :نعم فهربت ثم رأته فى الكهف فقالت :انت الذئب قال :انا الزفت انا النيله انا القطران سيبينى اعمل حمام بقى

أنا من ساعة الثورة ما بدأت و انا أعصابي تعبت و قرب يجيلي الضغط والسكر والقلب من كثر الاخبار الوحشة اللي الواحد بيسمعها كل يوم لذلك قررت ان ما أشاركش في أي موضوع سياسي عن مصر و هسيبها تولع و تخرب كمان أنا بقيت غير مهتم I Do not Care

ضحكتني يا أبو ريم كما لم أضحك من قبل خد دي

عفواً .. مداخلة مقززة ومردود عليها بصراحة فمهما أختلفنا مع من يعتقد أنه يطالب بحقه .. فلا يحق لك شتمة .. لان الامر مردود عليه عارف اللي مقتنع بالفكرة بمنتهى البساطة ممكن يقول لك إيه وبنفس أسلوبك لا أكثر ولا أقل ؟ وانت إجلس في بيتك كالولايا لا بارك الله فيك وفي أمثالك وتذكر ان هذه العينة كانت موجودة حتى بعد 25 يناير التي أشعل فتيلها هؤلاء الذين تدعو عليه " فهل ستقبل ذلك على أساس إنه رأي ورأي مخالف ؟ أم أنه من الأفضل أن تُمسك عليك لسانك .. ولما تحصل كارثة لا قدر الله يبقى لك حق تتكلم .. اما لما تحدث إنجازات زي كل مره .... ابقى تعالى وسمعنا صوتك برضوا ما هم الأشراف من الثوار تعودوا على ذلك . يا بو السيد انا مش هرد عليك بنفس اسلوبك لاني عارف انك من قراء سلسلة رجل المستحيل اللي شغالة في البلد الايام دي احمد الله اني لم اكن يوما كالولايا و لن اكون و احمده ايضا علي نعمه العقل التي اعطانيها في وقت حرمت انت فيه من مجرد التفكير فيما سيؤول اليه حال البلد سأكتفي بهذا القدر و ان عدت عدنا

هناك بيت شعر يلح علي عقلي كلما سمعت نداءات الثورة الثانية "وقد أسمعت اذ ناديت حيأ ولكن لا حياة لمن تنادي" اذهبوا الي ثورتكم لا بارك الله لكم فيها اذهبوا و اجتهدوا ما استطعتكم لتدمير ما تبقي من هذا البلد اما انا و أبناء هذا الشعب المسكين فسنكتفي بالمشاهدة و انتم تذبحون كالنعاج و سنصفق للجيش الذي سيريحنا من ثرثرتكم و تهوركم ولكن لا تشغلوا بالنا من الان عن عيونكم التي ستذهب و عن دمائكم التي ستسيل فلن تجدوا فينا معينا بعد الأن

يا أستاذ أيمن الله يرضي عليك حاول تسمعني بقلبك مش بودانك المرة دي من الممكن ان يكون المجلس العسكري كاذب و ابن ستين كمان و من الممكن انه يكون بيعمل كده بقصد او بدون قصد معندناش مشكلة في كده أبدا يبقي الحل ان احنا ما نديش فرصة للمجلس العسكري علشان يبوظ موضوع تسليم السلطة المفروض ان مجلس الشعب هينعقد في النص التاني من فبراير و بعده علطلول هيتفتح الترشيح لرئاسة الجمهورية يبقي احنا دلوقتي لو عملنا ثورة ثانية يوم 25 يناير هيكون ايه النتيجة طبعا طبيعي ان الجيش هينزل يعجن في الثوار و يعلن الاحكام العرفية و يقلك ان الظروف ليست ملائمة لتسليم السلطة صبرنا كتير مش قادرين نصبر شهرين كمان اللي قلبه علي مصر في هذه الظروف يا ريت يلتزم الصمت لغاية فتح باب الترشح لرئاسة الجمهورية لكن الكلام الكتير و شتيمة المجلس العسكري ليل نهار هيرجعنا نقطة الصفر تاني

كانت أيام سودا بعيد عنك أنا ولا فخر خريج علوم القاهرة رغم أنف الحاقدين من دكاترة الكلية

يا أستاذه عبير لو في برج للذئب يبقي الراجل ده أكيد منه شكل وشه زي الاطفال بس لما تيجي للتعامل كذب و خبث ما شفتش زيهم

شكرا يا أستاذه دريم علي مجهودك ما كنتش عارف سبب خناقاتي الكتيرة في الشغل مع مديري أتاري السبب ان انا نمر و الراجل يا عيني غلبان معايا علي فكرة انا بعد كده هحاول أغير من اسلوبي معاه

ينوبكم ثواب حد يشوف البرج بتاعي ايه 21 نوفمبر 1974

رأيك برضه يحترم يا استاذ رؤوف بس الواحد بيستخسر يدفع مبلغ كبير في عربية علشان يركبها 3 او اربع سنين و بعدين يبيعها انت عارف لو الواحد ضامن انه هيقعد مثلا عشر سنين متواصلين في الغربة كان زمانه اشتري عربية كبيرة و اهو اللي هتدفعه فيها هتركب بيه لكن اروح ادفع 200 الف درهم في عربية علشان اركبها 3 سنين برضه يبقي حرام

العربية التيجوان من بره شكلها فعلا حلو بس يا أستاذ رؤوف 1600 مش يبقوا قليلين علي جسم السيارة يعني دفع العربية و عزمها اظن هيبقي قليل قوي كمان مع التكييف في الحرارة الجامده بتاعة الخليج