moamana

السلام عليكم و رحمه الله انا صيدلانية عمرى 31 سنة و متزوجة من مهندس ميكانيكا يعمل كمدير استقبال في تويوتا عمره 35 سنة نعيش في السعودية و عندنا ولدين 4 سنين و الاخر 5 شهور الحمد لله احوالنا ميسورة لكن بصراحة العيشة هنا وحشة و الرجوع لمصر صعب فررنا نهاجر و بعدين نرجع الخليج تانى بعد فترة بالذات في مراهقة الاطفال منها نضمن جنسية كويسة لنا و لابنائنا تضمن لهم التعليم في الخارج و ايضا تضمن مرتبات جيدة في الخليج عند العودة مرة اخرى فضلت فترة أقارن بين استراليا و كندا و استقريت اكتر على كندا السؤال هو بئه ابدا منين افدم الهجرة باسمى افضل و لا اسمه لانهم مش محتاجين مهندسين بس محتاجين صيادلة و لازم اعادل فبل ما ابدا و افدم و لا بعادل بعد ما بسافر ممكن نطلع دراسة هو يدرس mba و بعدين نعادل و ندور على شغل هناك انا حاسه انى تايهة و معلش عايزة اعرف بس ابدا منين

انا مش فاهمة كثير و لسه هقارنة بدستور الاخوان كما يطلقون عليه بس لفت نظرى ان فيه مادتين بيتكلموا عن حق الرئيس في حل مجلس الشعب و كمان مازال المدنيين سيحاكمون امام محاكم عسكريه غير فعلا الغاء المواد التى تول انه لا اساءه للانبياء و الوقف الخيرى ...............الخ

الاخوان المسلمون المنصف ممن انشق عنهم لهم كتب رائعة تتكلم عن المشكلة الحقيقية في الاخوان و هى السعى الانهائى الى السلطة ربما للاضطهاد الذى واجهوه سنوات طويلة او ربما هذا حلم كل انسان طموح السلطة و لكنهم يستخدمون مصطلح الغاية تبرر الوسيلة .........و هذا ما جعل من همه الدعوة اكتر من السياسة يتركهم شعبية الاخوان تاتى من المساعدات التى دابوا على تقديمها للناس سنوات طويلة من قوافل و مراكز طبية و سلع .............الخ و الانتماءالشديد للجماعة يحافظون عليه بالاهتمام باحدهم الاخر فلا يسجن احدهم الا تتولى الجماعة امر زوجته و اولاده و لا يظلم احدهم الا و يقف الغنى منهم قبل الفقير في صفه بكل ما يملكون و هم يحرصون على تربية اولادهم جدا جدا جدا فما عرفت اخوانى الا و اهتم باولاده فيربيهم على حسن الخلق و الرياضة و الدين و اغلبهم يقبلون الفكر السلفى لكن لا يميلون له لانه ينفر من الدعوه كما يعتقدون خاصة الفكر الوهابى لكنهم الى الان لا يرفضوه بل يوالون علماؤه و اغلب من في رابعة سلف و ليس اخوان اساسا هذه هى خلاصة تجربة 30 عاما عشتهم وسط الاخوان و السلف و الدعوه و التبليغ .........الخ فمعلومة ربما تكون جديدة لحضراتكم اختيار المقطم كمقر لهم لم يكن لمجرد توسطه القاهرة بل لان المقطم من انشاوه اساسا جماعة صوفية نافست الفنانين في امتلاك المقطم فتركت لهم الكورنيش و تملكوا هم العمائر و الشقق الاخرى و المقطم كان كبيئة اسلامية صغيرة فالمستشفى الوحيدة او المسجد الوحيد و المدرسة الوحيدة لتى كانت فيه كانت تتبع تلك الجمعية الدينية الصوفية التى قبلت فيما بعد بجميع التيارات السلف و الاخوان و الدعوه و التبليغ ...و سار المقطم كقرية اسلامية صغيرة من جميع التيارات الاسلامية حتى كبر و بدا يعرف بعد انشاء مساكن الزلزال في التسعينات و اختلف الحال بالطبع فكثرت المدارس و المساجد و المستشفيات ........الخ الاخوان للاسف فشلوا فشلا ذريعا في حكم مصر ليس لانهم فشله او فاسدون بل لغرورهم و استقوائهم بجماعتهم عن الشارع و الشعب ........و مازلت ارى انه لا يوجد سوى قطبين في مصر ظاهرين الجيش و الاخوان .......و المخفى و هو الاقوى من الاثنان رجال الاعمال الفلول لكنهم سيظلون يوالون طرف فيهم على حساب الاخر الى ان يتمكنوا من ايجاد مبارك اخر اى كاتنت خلفيته اخوانية او من العسكر و ان كانوا يميلوا اكتر الى العسكر بالطبع

اما خبر الهجوم الاسرائيلى فهو لم ينشر فقط في الصحف و القنوات الاسرائيلية بل نشر في اغلب الصحف العالمية امثلة الاسوشيتيد برس الامريكية الاندبندنت البريطانية السى بى سى العربية و السى ان ان و دول اللى دخلتهم بنفسى لانى لم اصدق الخبر في البداية الخ و الجميع اكد انه كان تعاون مصرى اسرائيلى يعنى من الاخر بموافقة السيسى ........و الخبرصحيح بدليل تصرف الجيش و طبعا من المفروض منا اننا منقعدش نقول يا نهار ابيض شوفوا ازاى الاخوان فرحانين اننا نسيب الاخوان الان على جنب او على الاقل نفتح موضوع موازى نناقش فيه ازاى السيسى يستعين بااسرائيل و معناه او حتى ان لم يكن استعان بهم و ديه مبادرة منهم مفروض هو هيتصرف ازاى ..........انما انا مشفتش مواضيع بتناقش حكومة ثورة 19 اللى جايبنها او ازاى الرئيس يعين 15 شخص كمجلس اعلى للصحافة هيصدر قوانين التحكم في الصحافة كلها ......الخ من القرارات التى صدرت و كانت هتكون مصيبة ووولولة و نواح في عهد مرسى بجد انا مبقتش فاهمة هو الموضوع اصبح طار بايت بين المصريين و بعض ...............بين الاخوان و معارضيهم و لا الناس بالفعل بتتناقش في السياسة و بتحاول تدور على حلول ......... على العموم انا را ى الشخصى و اللى مش هيعجب البعض او الكثير لكن الايام دواله ان السيسى سيحرق ايضا انه كرت يجب ان يحرق لان اصحاب السلطة الحقيقية في مصر لن يرضوا عن شخص مثله كرئيس للجمهورية لان له شعبية جماهيريه وممكن ان يسحب البساط من تحت ارجلهم في اى وقت و اول مسمار في نعشه كان ذلك الهجوم الاسرائيلى و القادم اسوا له لانه يجب ان يكون هناك شخص سيتحمل دم الاخوان الذى سيسال و المشاكل و المعضلات في تلك المرحلة و سيتم التضحية بالسيسى .

الجزيرة لا تختلف عن اى قناه عربية اخرى فالعربية و السى بى سى و المحور و التحرير ..........الخ كلهم يملكهم اما رجال اعمال او دول تعمل و تروج وفقا لأجنداتها و هذا واضح من زمان اما ترويجها لفكر استعمارى فلو كانت الجزيرة كذلك فما هى الا اداة اخيرة في ايدى من يريدون هذا الاستعمار اما الاداة الاولى و الاساسية فهو جهلنا و الحمد لله

الجيش المصرى مصرى والاخوان مصريين و المتعاطفيين معاهم مصريين و اللى ضدهم مصريين و الدم المصرى كله حرام كون الاخوان ارهابيون او لا حاجة مش حضرتك او السيسى يحددها فيه حاجة اسمها محاكم و قضاء ........زالخ حكاية حرق القاهرة الجمعة الجاية انا مسمعتهاش السيسى ليس كبشار الى الان والحمد لله ومينفعش يتقارن بيه لانه اعتقد انه اشرف من بشار بكثير المشكلة اننا بندور في حلة مفرغة بين اقوى قوتان في مصر الجيش و الاخوان و الان بعد ان فقد الاخوان الكثير من تعاطف الشعب المصرى صار الطرف الاضعف بكثير المشكلة برده مش في اللى هيحصل يوم الجمعة رغم ان البعض ريح ضميره و دماغه بدعوى انهم ارهابيون كلمة تداولها الاعلام مؤخرا ثم بيان السيسى الاخير المشكلة في اللى هيحصل بعدها .......... الحل في وجهة نظرى في ميدان تالت ميدان بعيد عن الطرفين يطالب بانتخابات مبكرة في خلال فترة وجيزة برقابة دولية و ربنا يستر

اول مرة يا استاذ متعب نتفق في وجهات النظر ’......... ربنا يصرنا يا رب طيب ادعى انا لاصحابى اللى في رابعة بالنجاه والهداية و لا ادعى للى هينزلوا التحرير بالهداية و النجاة

طيب وبعدين بعد الحرب على الارهاب و فض الاعتصامات بالقوة ايه اللى هيحصل سيبكم من الدم اللى هيراق يومها فواضح ان فيه ناس شايفة انه مبرر اراقته اىا كان من الجانبين الخطوة اللى بعدها ايه محدش يفهمنى ان الاخوان قادتهم هيتلموا في السجون و تخلص الاخوان تنظيم منظم متشعب في الشعب بقاله 80 سنة فيه منهم الدكتور و المهندس و دكتور الجامعةهنعمل ايه هنضطهدهم زى ايام مبارك او ااقول ايام عبد الناصر لان مبارك بحبح معاهم شوية بلاش مفهوم الارهاب اللى اتفرض النهاردة هيتفرض على اى مظاهرة تانية هتطلع من غير الاخوان رافضة لاى حاجة تانية مادة في الدستور مثلا و هيتعاملوا معاها بانهى مبدا مبدا انها ضد الامن و ارهابيين و لا مبدا انهم سلميين لغاية ما اى مندس يبدا بضرب النار هيتفرض على اى شخص هيعارض ايه بالزبط الموافق على هذا التفويض زى اللى بيمضى شيك على بياض و السيسى يكتب اللى هو عاوزه ده لو الاخوان اتلموا فعلا يومها و عرفوا يفضوا الاعتصام طب لو معرفوش هيحصل ايه لو فضوهم النهارده و نزلولكم بكره و بعده و بعده يبقى يستاهلوا اننا نبيدهم ...... ليه الطرفين متخيلين ان كل واحد فيهم الاكتر الاخوان بيقولوا احنا ملايين و مؤيدين السيسى بيقولوا احنا ملايين و بعدين مهو قبل ما اخد خطوة لازم اسال وبعدين كفايانا تخبط بقى

سارد عليك يا استاذ شرف الدين في نقاط باختصار لاننى لا احب القص و النسخ و اللصق ...........الخ اولا في موضوع اختيارى للمرشح على اساس شخصى و عدم تفضيلى مصلحة البلد انذاك امال حضرتك كنت عايزنى اختاره على اساس ايه طبعا بالتغاضى على ان 1. شفيق مقدمش برنامج مقنع لفترة رئاسته على عكس الاخوان اللى قدوموا مشروع (اسمه النهضة مش عارفة بصراحة راح منهم فين....ربنا يهديهم خدعونا فيه) و2 بالتغاضى ايضا على انى قلت لحضرتك قبل كده انى مبحبش البنبونى اللى كان هيقدمه شفيق للثوار عشان يتفرقوا و 3.لا اقتنعت بان موقعه الجمل كانت عبارة عن رقصة جمال مع المتظاهرين و 4. لا ان محدش بلغه و هو رئيس وزرا بالمصايب و الشباب اللى بيتقتلوا في التحرير انها مذاعة على جميع القنوات بس كان واضح ان حضرته قافل التلفزيون و التليفون ساعتها بصراحة ان كل الحاجات ديه اعتبرتها مواقف شخصية ضد شفيق و لم يشفع له للاسف انه كان له تاريخ و كفاءة عسكرىه فشخصيا مقتنعتش به خاصة مع عدم الكفاءة و الخيبة التى اثبتها كرئيس وزرا في وقتها و مانتخبتوش و تخيل رغم انى لا اطيق مرسى برده الا اننى عصرت على نفسى ليمون و قلت نديه فرصه ثانيا موضوع فشل المجلس العسكرى في ادارة شئون البلاد انه يكون عقابا سمويا له :unsure: :unsure: [/sizeفانا مش فاهمة بالزبط يكون عقاب سماوى لهم ليه هم كانت نيتهم سيئة و لا حاجة و بعدين ساعتها كان عقاب سماوى لنا مش ليهم ا ثالثا اتفق معك طبعا ان ده مش معناه ان اى مرشح رئاسى عسكرى هيكون فاشل لا طبعا ممكن يكون ناجح جدا بس هو فين خاصة ان الذى ينادى به الان هو مجلس رئاسى مدنى عسكرى او عسكرى خالص تجنبا للمشاكل و الجيش اعلنها قوية و قال انا لا افهم في السياسة الداخلية بالذات و ده سبب مشاكل البلد في تلك الفترة اما لو اتفق الجيش على ترشيح شخص كرئيس جمهورية مدنى له خلفيه في الجيش فاهلا به و نتناقش عنه و ننتخبه بالصندوق رابعا حضرتك قلت بالنص أن أي الجيش يختار حاكمنا القادم .. وننتهي من كل هذا الجدل .. علنا نعود لما كنا عليه قديما من بعض العمل.. فالله إذا غضب على قوم أورثهم الجدل ومنعهم العمل .. وللأسف بعد تجربة عامين أدركت تماما أن ما يسمى بالحرية السياسية في مصر لا يعني إلا الجدل والجدل والجدل .. وما يصاحبه من مظاهرات واعتصامات وفئويات .. وانعدام للعمل مش فاهمة يعنى حضرتك عايز الجيش يجى و يقول احنا اختارنالكم فلان كحاكم لجمهورية مصر العربية و توز في الشعب و في رايه و في العملية الديموقراطيه بالكامل معنى ان العملية السياسية في مصر بهذا الشكل معناها اننايجب ان نعمل بشكل جدى و مفيد اننا نفهم الناس يعنى ايه ديموقراطيه و يعنى ايه وعى سياسي سليم مش نقول لا خلاص صك على الديموقراطيه يا اخينا فالشعب المصرى ليس مستعد للديموقراطيه نبقى نعلمهم سياسة و ديموقراطية بعدين اخيرا فاذا ربط كلام حضرتك و افكارك فهى كالتالى من اول الموضوع الديكتاتورية العادلة مطلوبة شفيق كان الانسب لمجرد انه كان له خلفيةو كفاءة عسكرية و مرسى اخوان الافضل نجيب حد من الجيش يحكم مصر الجيش اللى يعينه و الديموقراطية و السياسة الشعب المصرى لسه صغير عليها اه بمناسبة لسه صغير انا مفهمتش كلام حضرتك اللى هو بالنص واضح يا أخت مؤمنة أن هناك اختلافا كبيرا لديك في المفاهيم عن المتعارف عليه عالميا وسياسيا .. فالحكم العسكري يعني في السياسة الحكم العرفي أي الحكم بالأحكام العرفية وفيه تلغى الأحكام المدنية ويصبح الجميع خاضعا للقانون العسكري .. وربما يخبرك الكبار هنا عن معنى تطبيق الأحكام العرفية بصراحة انا مفهمتش يعنى ايه الكبار هنا يفهمونى و يقولولى ده على اى اساس على اساس انى مبعرفش اقرا التاريخ او ان سنى مش كفاية للنقاش مع حضرتك بالطبع الكبار هنا في المنتدى على عينى و راسى بس بصراحة انا لما بتناقش مع شخص في الغالب مبراجعش تاريخ ميلاده و بحترم رايه اىا كان سنه و كان عايش احداث او قرا عنها فقط او حتى رايه مخالف لراى لذلك وجب على حضرتك الاعتذار على هذه الكلمة التى لم ااخذها الا كاستهزاء بى و انا لن اكتب كلمة في موضوعك حتى تفهمنى معنى كلمة يخبرك الكبار هنا

الصورة التى نشرت للسيسى في رويترة لم تكن له اثناء الخطاب و اساسا الرجل كان بيضحك و مبسوط اغلب القعده حتى في تعليقات كثيرة على هذا الموضوع من المعارضين

الحقيقة انا سعيدة للغاية ان الاستاذ فالكون كريست رغم انه لا يحب المشاركة جعلته مشاركتى يشاركنا في هذا الموضوع لكن لى بضع تعقيبات على كلامه اولا يا استاذى العزيز انا لم اشكك ابدا في مقدرة الجيش على الدفاع عن مصر و اهلها و اعتقد ان قرات مشاركتى مرة اخرى بتانى فلن تجد اننى تكلمت اساسا على الناحية الدفاعية و معروف ان الجندى المصرى من خير جند الارض و معروف و اثبت عمليا في الايام الاخيرة ان الجيش المصرى وطنى جدا و لا ينساق وراء اى تيارات حاكمة و لهذا افتخر به كجيش مصر ثانيا اقتباصك الموضوع من كلامى يؤكد اننى اتكلم عن الناحية المادية في الجيش المليئة بالفساد و المحسوبية .....الخ و اعتقد ان كل من عاش على ارض مصر يرى و يسمع ذلك بدءا من عدم خضوع اقتصاد الجيش (الغير متعلق بالتسليحات العسكرية التى اؤمن انها يجب ان تكون سرية )لكن اتكلم عن المشاريع الاقتصادية الكثيرة التى يملكها الجيش التى لا تخضع لاى جهة رقابية مالية مدنية او حتى بها اطراف مدنية شعبية و اعتقد ان مشاريع نوادى الجيش و قاعات الافراح و قرى الساحل الشمالى و المصانع في مختلف مجالات الاغذية ........الخ هى ما اتكلم عنها اما بالنسبة لموضوع فرق الراتب بين الجندى و اللواء فلا اعتقد ان كلام حضرتك بان هذا شىء طبيعى له علاقة بالعدالة الاجتماعية في شىء خاصة اذا كان يتعدى ال15 ضعف اللى حضرتك اعطيت مثال بها بكثير بل انها تتجاوزها الى ما فوق 30 و 40 ضعف و انت ادرى بذلك بما انك خدمت في الجيش و انا اؤمن بالعدالة الاجتماعية و الحد الاعلى و الادنى للراتب في جميع مؤسسات الدولة حتى في الجيش و لو كان مرتب زوجى الخبرة 7 سنوات يكفى حتى لحياة نص كريمة في مصر لما اتغربت اساسا و الدليل على كلامى و اللى يثبته و يؤكده ان الجيش نفسه بعد ما مسك المجلس العسكرى السلطة بعد التنحى ضاعف مرتبات و معاشات جميع الجيش ........تفتكر ليه رغم ان ميزانية الدولة و الطلبات الفئوية في بقية المجالات كانت لا تحتمل تلك الزيادة و زى ما حضرتك رديت على في النقطة اللى انا مذكرتهاش اساسا في كلامى و هى ضعف الجيش المصرى عسكريا فيا ريت حضرتك ترد على في النقطة الاساسية في هذا الموضوع هل يستطيع المجلس العسكرى اللى هيمسك السلطة فيما بعد حكم البلاد مرة اخرى سياسيا خاصة في ظل جميع المصائب اللى ال اليها الحال و لا هنكرر تانى تجربة السنة و النص اللى بعد التنحى و نرجع للعنوان ماذا بعد 30 يونيه

استاذ شرف الدين انت ليه مصمم تشخصن الموضوع ايوه اسمه حكم عسكر و حكم عسكرى انت سبت كل كلامى و مسكت في كلمة عسكر امال اقول حكم ايه ملكى و لا مدنى اسمه حكم عسكرى اخى الفاضل و انا مرضتش ارد اساسا على فكرة الديكتاتورية العادلة التى سوقتها انت و لا اعترف بها اساساحتى لا ادخل معك في جدال ملوش داعى ايوه انا اخترت الاخوان و اعتقد ان في ظل الظروف اللى فاتت كنت برده هختارهم معلش اصلى مكنتش بحب البنبونى اللى بيوزعه شفيق و بينى بينه تار شخصى لانه كان سبب في اصابة احد ابناء عمومتى بجلطة ادت الى عمى بعد مشروع نفذه هو و شركته في المطار و مخدش لقائه اى فلوس و بعدين حضرتك شايف الجيش نافع اوى امال السنة و نص اللى فاتوا قبل الاخوان كانوا ايه مصر اللى كانت على حافة الافلاس كانت ايه بلاش حضرتك دخلت الجيش في بلدنا عارف وضع الجيش في مصر للمجندين عامل ازاى عارف فساد الجيش اد ايه و لا تحب انا ااقولك و على فكرة انا من عيلة اغلب افرادها من الجيش ماعدا ابى فعارفة كويس اوى انا بتكلم عن ايه تحب حضرتك نتكلم عن مرتب الضابط و مرتب اللواء و الفرق اد ايه تحب حضرتك نتكلم عن المخابرات اللى بالوسطة مش بالكفاءة اظن اى شخص يعلم احوال الجيش جيدا و اى بنى ادم عاش معانا السنة و نص اللى حكم فيها المجلس العسكرى عارف الهبل اللى كنا فيه حضرتك حاطط الاعلان ماذا بعد 30 يونيو و لا تسوق الا لفكرة عودة مجلس رئاسى عسكرى مرة اخرى بينما انا اريد من يطرح افكارا اخرى فانا لا ارى الاخوان او العسكر او المعارضة فالحين و اظن الوقت اثبت ذلك على الجميع و نرجع تانى لعنوان الموضوع ماذا بعد 30 يونيه

بجد انا الوضع حتى مش مخلينى عايزة ارد او اعقب من كتر الاكتئاب بس بجد احنا لو سلمناها للعسكر نتوقع بامارة ايه يكون ادائهم احسن خاصة مع السنة و نص المهببين اللى شوفناهم قبل الاخوان و خاصة ان الكل هيطالب بحل الشورى و الدستور يتعمل من جديد يعنى عودة الى الصفر و طبعا الكل فاكر السنة و نص احداث بورسعيد ........احداث رفح ..........مصر على وشك الافلاس و اللى مش فاكر يا ريت يرجع لمواضيع السنة و نص اللى فاتت طيب نمسكها للمعارضة البرادعى مراته معاها الجنسية النمساوية يعنى مينفعش حمدين معتقدش انه هيتفق مع شعب طبيعته محافظة و مراته كده و بنته مذيعة و كفاية صورتين تلاتة لبنته بالمايوه زى البرادعى او صداقاته مع الفنانات و يسقط من نظر ناس كثير ده غير ان بعد اتفاقهم مع الفلول اى كان السبب فانا استحالة افكر في انتخابه فاضل مين عمرو موسى ....خلونا نتكلم بجد احسن عشان كده منبقاش عملنا اى حاجة من عهد مبارك طيب نرجعها للتيارات الاسلامية و بلاش الاخوان المرة ديه خليها حزب النور ايه رايكم و حازم ابو اسماعيل و ديه بقى تبقى كارثة اكبر من ايام الاخوان و الله لان ما حدث للشيعة هيكون بروفة للى هيحصل ايه رايكم نطلع جمال من السجن و نمسكهاله رغم انى معتقدش ان لو مسك اى حد من الفلول اساسا هيكون متمول من فلوس جمال و رجال الاعمال فمش هتبقى فارقة عايزين حل بجد حل كويس كان الحل طبعا ان المعارضة الزبالة تبنى في السنتين و نص اللى فاتوا احزاب قوية لها سلطة و كلمة في الشارع و نشاطات حقيقية سياسية و غيرها عشان تاخد مجلس الشعب و تعين رئيس مجلس وزرا و تعين اغلب الوزارات و يورينا شغلهم بس دول بتوع مسرحيات اكتر منهم عمل بجد عشان كده معتقدش هيكونوا احسن من الاخوان في حاجة على فكرة الحسنة الوحيدة اللى عملها الاخوان لمصر انهم انقذوها من شبح الافلاس بفلوس رجال الاعمال اللى صالحوهم و كمان فلوس المعونات و اغلب الجرايد العالمية اتكلمت عن هذا الا جرائدنا بالطبع و كان احد اصدقاء ابى مدير بنك يؤكدله ان الدولار هيوصل لعشرة جنيه بس الاخوان عملوا اللازم و هيثبتوه عن سبعة و نص بالكثير على اخر السنة بس لللاسف سياساتهم غبية و مغرورة جدا اللى عنده اى مرشح ينفع او نسيته يا ريت يقوله و نقترح حلول للمصيبة اللى احنا فيها و ايه الضمانات اللى ممكن نخدها عشان منرجعش تانى نلف في دوائر

عندما وصلت الى المرحلة الاعدادية كنت قد كرهت التعليم و العلم و قررت ان انتقل الى التعليم الثانوى في مدرسة تدرسة بمنهج igcse اى بالمنهج البريطانى و بدات مرحلة من حياتى تعلمت فيها الكثير تعلمت فيها ان احترم من له راى مخالف لراى ان انتقد و احاور ة اثبت خطا شكسبير شخصيا عندما درسنا الادب الانجليزى كنا ندرس القصص العالمية لم تكن اسئلتنا ماذا حدث في القصة بل كانت الشخصية الفلانية هى الشخصية الشريرة في القصة فهل تعتقد ان شخصيته الشريرة كانت بسبب ظلم المجتمع له تكلم من وجهة نظرة ناقش كيف اثر ظلم المجتمع على شخصيتك ناقش في ضوء القصة الشخصية الفلانية الطيبة و نقاط ضعفها و قوتها و ماذا كانت لتفعل لو ارادت ان تنجو من نهاية القصة الماساوية يرى كاتب القصة النظرية الاتية فهل توافقه في رايه تعلمت ان اتقمص شخصية الشرير و افكر باسلوبه تعلمت ان اتقمص شخصية الطيب و افكر باسلوبه تعلمت ان اجد نهايات مختلفة للقصة و المشاكل غير تلك التى سطرها الكاتب في القراءة كانت الاسئلة كالتالى مقال مثلا عن اى شىء في الدنيا بدءا من مناقشة الشخصيات التاريخية الى الاسئلة الاجتماعية مثال هل ما تفعله جمعيات حماية الحيوان مهم ام يجب توجيه تلك الاموال الى اطفال العالم الثالث و كان علينا كتابة مقال يقسم كالتالى 4 فقرات الاولى ملخص للموضوع ككل الثانى وجه النظر المؤيدة للموضوع بالادلة الثالث وجهة النظر المعارضة للموضوع بالادلة الاخير وجهة نظرك الشخصية و التى تعتقد انها الاصح و الاقوى في التاريخ كان يجب علينا كتابة مقال عن هتلر بنفس الاسلوب و سواء في اخر المقال ستؤيد ما فعله هتلر او ترفضه فلن ينقص رايك الشخصى من درجاتك او يجعلك تسقط في الامتحان المهم ان تكون تكلمت بادلة و براهين جيدة و صحيحة و لغة محترمة و قوية في اتجاه تايده و معارضته في اول موضوعك تعلمت الكثير عن اساليب المناقشة من غير تخوين او سباب او ضرب تعلمت ان قرارى بيدى و ان هناك دوما حلول غير العنف لحل اغلب المشاكل و مما احترمه ايضا انهم دوما كانوا يدرسون لنا في كل مادة موضوع او قصه عن تاثير الحروب المدمرة على الانسانية كلها عندما يتغير تعليمنا الى هذا الاسلوب في التعليم ستتغير عقليتنا عندها فقط ستنجح ثورة 25 يناير

7 ايام يراهن فيها الجميع يراهن فيها الاخوان المغرورين على سلبية حزب الكنبة و قرب رمضان وولد الكوتشينة اللى معاهم بعبع الجماعات الاسلامية المتطرفة و وورقة الحرب الاهلية ..... الناس دول مش هيسكتوا انهم يتلموا في السجون تانى لكنهم كمن يلعب بالنار مع شباب تعلم صنع قنابل المولوتوف يراهن فيها الفلول على المعارضة المسخة الاشد غرورا من الاخوان اللى هيكون ولائاهم الاول الى الفلول و رجال الاعمال و نظام مبارك عشان ميحصلهمش زى الاخوان لو سقطوا متناسين ان هذه المسخ المسماة بمعارضة ليست فقط مغرورة بل اغبى من الاخوان بكثير و غلطاتهم هتكون اكبر و احط يراهن فيها الجيش على من طريقة تفكيرهم مثل الاستاذ شرف الدين كاتب الموضوع متناسين ان هناك فرق بين الديكتاتورية و القوة الازمة لادارة بلد و بناء كيان ناجح و الا لكانت مصر من اعظم الدول في عهد الديكتاتور مبارك و الا لكنا نطلق على سيدنا عمر بن الخطاب ديكتاتورا من فرط قوته و عنفه مع من يخطئ او مع الاعداء و الكاسب من هؤلاء الذين يجلسون على الترابيزة و يلعبون بالشعب المصرى هم اصجاب نادى القمار نفسه هم اعداء مصر و انا بعد انضمامى الى حزب الكنبة بعدما كرهت الاخوان و المعارضة و العسكر و كل من لم يعد يملك عقلا للتفكير بحيادية في طرق الديموقراطية الحقيقية قررت ان اجلس و ارتضى قدرى و هم هذه النخبة التى لا تساوى تلاتة تعريفة و التمس النجاة في دعائى الى الله ان يحفظ الله مصر و اهلها