EgyFan

لو عايزين تعريف واضح وصريح للمنقضين على الثوره والطامعانين فى تقسيم التورته واللى ملهمش اى دور فى الثوره وحرموها فى اوقات كتير واكتفوا بالدعوه وانهم فصيل دعوى فقط لاغير واللى بيحاولوا يسرقوا الثوره من الثوار الحقيقيين واللى تعاملوا مع التصويت لغيرهم على مبدأ التحريم فالجواب فى كلمتين لا اكثر "حزب النور".

up up

السلام عليكم... ياجماعه انا ابنى هيدخل المدرسه إن شاء الله السنه الجايه وقررت ان شاء الله ادخلوا مدرسه بتدرس منهج بريطانى وبعد بحث طويــــــــــــــــــــــل اكتشفت ان المدارس اللى معترف بيها فى الإى سى اى إس هى المدرسه البريطانيه بتاعت السفاره وطبعا مصاريفها 40000 ريال فى السنه ومدرسه اسمها (مدرسة معرفة جده) بس وطبعا استغربت جدا لإن ده كلام خطير ومعناه ان كل المدارس اللى زى كورال, جلوبال, المنارات, اشبيليه.... الخ كلها اى كلام ومنهج بريطانى او امريكى بدون اى اعتراف رسمى بيها.بإختصار انا عايز الولد لو اتخرج منها او يابها فى اى وقت ممكن يكمل فى الجامعه فى بريطانيا بدون معادله او يكمل فى المدارس هناك بدون اى مشاكل. انا اتصدمت لإن على كده كل الناس اللى بتدفع 10 و 15 الف فى السنه بتدفع فى مدرسه عاديه مش معترف بيها لا فى بريطانيا ولا امريكا واستثمار وخلاص. لو حد عنده معلومه ياريت يوضحها لإن اكيد فى ناس كتير راحت المدارس وسألت بنفسها على التفاصيل دى.

الفرق الشاشه بس؟ لو قالك كده يبقى هو اكيد مش مهندس ويمكن حتى يكون مش بيشتغل فى اكسترا الفرق الشاشه والبوسيسور والرام وكل حاجه تقريبا بس عموما كله بتمنه يعنى انت كده ماشاء الله جبت تاب وموبايل تقريبا بفرق بسيط عن سعر الجلاكسى اس 2

الف مبروك يابشمهندس بس معرفتناش الجلاكسى اس اللى اشتريته جلاكسى اس ولا جلاكسى اس 2؟

حضرتك تأمر اولا الجلاكسى ال 10.1 وال 9.8 على حد علمى لسه مش موجودين فى السعوديه اصلا ولو مفيش نية انتظار يبأه ال اتش تى سى فلير هو افضل بديل وممتاز فعلا ده طبعا غير الأى باد 2 قرار انك تمسك تابلت 7 انش مستحيل اقدر اعلق عليه لإنك ادرى بده لكن بالنسبه لى انا مستحيل طبعا لإن حجمه كبير وهيديقنى جدا فى انى اتعامل بحريه ده غير طبعا ومتزعلش منى لإن النصيحه واجبه وهى ان المنظر اصلا كوميدى جدا وانت كل ماتجيلك مكالمه تطلع تابلت 7 انش علشان ترد على المكالمه. خيار انه يكون موبايل ده ممكن فيتشر كويس لكن لا يغنى ان يكون معايا موبايل طول الوقت مش ضخم اوى كده اتعامل معاه بسلاسه وطبعا فى حالة انى اجيب موبايل ومعايا تابلت 7 انش زياده يبأه افضل انى اجيب تابلت اكبر لإن استخدامى ليه على اساس انه تابلت بس ويريحنى فى الكتابه وكده بالنسبه للسؤال التانى بالطبع الأندرويد افضل من السيمبيا والسيمبيان مخلى اجهزة نوكيا بطيئه وطلعت اشاعه ان نوكيا هتوقف دعمه لكن المدير التنفيذى لنوكيا انكر ده وقال هندعمه لسنة 2016 وينتهى السيمبيان للأبد طبعا نوكيا عملت اتفاق مع ميكروسوفت علشان كل موبايلات نوكيا القادمه هتكون بنظام ويندوز موبايل ان شاء الله يعنى بكل صراحه عصر السيمبيان انتهى او بشكل ادق بينتهى ولكن بالنسبه لإستخدامك ايوا البراوزر ممتاز وتتصفح براحتك تماما وبعدين ممكن تجربه قبل ماتشتريه لو حبيت ااكد تانى الإستخدام بسيط ومريح لكن الأندرويد افضل بكتير انا ليا اقتراح اخير صدقنى مع التجربه جرب سامسونج جلاكسى اس 2 فى الوضع الأفقى (اللاندسكيب) وشوف الكيبورد حجمها عامل ازاى ومريحه ازاى مع حجم الشاشه بتاعة الجلاكسى اس 2 جررررررررررررب مش هتخسر حاجه ان شاء الله واعتقد ان وقتها هتاخد قرار نهائى

بصراحه ومتزعلش منى حضرتك بتقارن مقارنه عجيبه جدا بمعنى لا مقارنه بين موبايل وتابلت نهائيا لإن ده حاجه وده حاجه تانيه خالص وده حجم وده حجم تانى خالص قبل ده كله البلاى بوك بتاع بلاكبرى كانت مبيعاته اسوأ مما تخيلوا تماما وده موجود على الاف المواقع الموثوق فيها وفشل فى اغلبا المقارنات اللى تمت بينه ومابين اتابلتس التانيه ده عان المبيعات وطبعا كلنا عارفين موقع cnet ومصداقيته http://news.cnet.com/8301-1035_3-20073637-94/report-rim-axes-playbook-sales-target/ بالنسبه لموقع شهير زى انجادجت بيعمل ريفيو لكل الأجهزه تقريبا واريفيو بتاعهم واضح جدا وهو ان الهاردوير معقول لكن مش افضل من التابلتس التانيه والسوفتوير شبه فاشل ودعمه ضعيف للبرامج والنصيحه العامه ان اللى بيحيوا اصلا البلاك بيرى هما اللى هيستمتعوا بالجهاز ده على عكس الأخرين تماما لإن الأندرويد وال اى او اس افضل بكتييييييييييير كسوفتوير والفرق واضح نصيحتى الشخصيه لو تابلت يبأه اى باد 2 او جلاكسى 10.1 لو موبايل بفيزيكال كيبورد يبقى نوكيا اى 7 فيرتشوال كيبورد يبقى جلاكسى اس 2 صدقنى انا جربت اغلب الأجهزه دى والسوق حاليا يفرض عليك الخيارات دى على حسب المتاح حاليا

الحيره رجعت تانى؟ طيب الموضوع ابسط من البساطه..... اتنازلت عن مبدأ الفيزيكال كيبورد؟ يبأه افضل خيار هو بالترتيب مع مراعاة السعر, الحجم, الجوده, الصيانه وبالطبع ده مش معناه ان رقم واحد هيكون افضل فى كل دول لكن ممكن يكون افضل فى اكتر من خيار منهم. المهم كالأتى: 1- samsung galaxy S II 2- HTC sensation 3- Iphone 4 4- Nokia E7 بالطبع فى موبايلات جميله تانيه زى Motorola droid, LG Optimus 3D لكن للأسف ال جى وموتورولا فى الشرق الأوسط فى حاله لا يحسدوا عليها. نيجى لنقطة توافر السامسونج. غير اكسترا فى جرير وفى كيوب وفى المتبولى نفسه يعنى توفره سهل مش زى مانت متخيل وممكن تشتريه من بره ويكلفك 2600 ريال بدل 2800 ريال ده طبعا انى سمعت لكن مشوفتش انه موجود فى محلات كتير زى ش فلسطين فى جده على فكره كيوب ده محل فى مجمع برج العرب فى جده وفى الأندلس مول كمان على فكره هو كان سعره فى جرير الشهر اللى فات كان ب 2599 بس طبعا جرير فاق لما عرف ان اكسترا بيبيعه ب 2900 وللأسف جرير رفع سعره ل 2850 ريال على حسب اخر فلير شوفته على موقعهم. طبعا لو هنروح للفيزيكال كيبورد انت عارف رأيي بالنسبه للتاب استخدامه مناسب جدا لحاله واحده وهى انك تكون مدمن انترنت وبتزهق من القاعده على اللابتوب او الدسكتوب وحابب انك تقرأ كل شويه الأخبار وشات وترد وكده وانت على السرير او فى اى مكان والكيبورد بتاعته اكتر من ممتازه وكبيره جدا بالذات لو ميلت التاب فى وضع اللاندسكيب لكن طبعا مينفعش موبايل للسبب التالى: 1- حجمه كبير انى اشيله معايا فى كل مكان 2- انه مش مصمم اصلا انه يكون موبايل باستثناء الجلاكسى ال 7 انش وفشل تماما كموبايل وفى نفس الوقت حجمه مش مناسب لمتابعة الانترنت براحه تامه زى الأى باد او الجلاكسى تاب ال 8.9 انش او الجديد ال 10.1 انش

البرمجه من افضل التخصصات لو كانت المبرمج متقن للغة البرمجه اللى بيستخدمها وبالطبع يكون افضل بكثير لو اتقن اكتر من لغة برمجه اعتقد بالفعل ان ده المجال الأنسب للمرأه بس طبعا لازم تكون مبدعه فى المجال ده وعندها استعداد باختصار الموضوع مش عافيه لإن البرمجه عايزه استعداد عقلى معين ليها ومش معنى ده ان البرمجه للأذكياء فقط لإن الذكاء مجالاته متنوعه فى شخص بيكون فذ فى الكيمياء وملوش فى الرياضيات مثلا البرمجه نفس الوضع عايزه استعداد عقلى

power director بصراحه انا جربت اغلب برامج المونتاج واقدر ااكد ان افضلهم فعلا ومن اشهر البرامج عالميا وابســــــطهم هو

Ericsson T18

فى العاده انا مش بعمل لوج إن غير نادر ولكن الموضوع ده خلانى اعمل لوج ان علشان ارد على الحيره اللى انت فيها اولا انا متابع اكتر مما تتخيل الموبايلات واستخدمت اغلبها حقيقى انا مش عارف انت محتار ليه؟ لإن بكل بساطه واضح انك عارف احتيجاتك كويس وانت مش عايز اى فيرتشوال كيبورد لإنك مش حببها يبقى ليه تسمع كلام غيرك؟؟؟ التعود على الفيرتشوال كيبورد سريع وسهل جدا وممكن تحبوا لكن واضح انك مش مرتاح ليها خالص خيار ال اكسبريا مينى مستبعد تماما لإن الشاشه عايزه عدسه علشان تشوفها الايفون ممتاز لكن الموضوع مش اسم وخالص لإنك ادرى باحتياجك وشاشة الاى فون 3.7 انش لكن النوكيا اى 7 شاشته 4 انش يعنى طلبك موجود وواضح سامسونج ويف من اسوء موبايلات سامسونج وافضلهم جلاكسى اس 2 وهو حاليا اسرع واقوى موبايل موجود بدون منافس حتى ال اتش تى سى سينسيشن مش اقوى منه مع ان المواصفات قريبه جدا من بعض فئة الموبايلات دى كلها اغلى من 4500 جنيه مصرى او بالريال 2450 ريال سعودى لإنى فى السعوديه لكن النوكيا سعره 2000 ريال وعلى فكره بندا عامل عليه عرض لمده اسبوع ب 1699 ريال يعنى ادفع اقل فى احتياجك الموضوع بسيط جدا واللى راح اى دول اوروبيه مثلا هيلاقى اغلب الناس بتركب العربيات اللى تكفى احتياجهم واكترهم توفير على اللونج رن مش زى الخليج مثلا ببساطه لازم يكون عندنا ثقافة شراء الأنسب مش الأغلى والأسرع والأقوى مع انه فوق احتياجاتى مع احترامى لأراء الجميع اشترى اللى يناسبك واللى ترتاح فى استخدامه لإن مفيش حد هيجى يكتب بدالك على الأيفون او السامسونج لو انت مرتحتش فى الكتابه عليه ربنا يوفقك للى فيه خير ليك ايا كان

انا مش عارف فين الشفافيه... يعنى ليه الجهاز ميكتبش على موقعه ارقام الأراضى زميعاد التسليم ولا هيعملها مفاجأه؟ هههههه حاجه غريبه جدا. ياجماعه دى اراضى بمئات الألوف ولسه مطلوب تتبنى بمئات الألوف برضه وفجأه هيسلموا الناس بدون اخطار مسبق ويبدأوا العد التنازلى للثلاث سنين!!!!!!!!!!!!!!!!!!!!!!

بس مكتوب ان السبب مشكلة المياه ودى حاجه اخطر ده بلإضافه ان اصلا اسعار اكتوبر قليله جدا بالمقارنه بالقاهره الجديده. احب اضيف ان تم اتخاذ قرار بنقل العشوائيات كلها زى الدويقه وكده الى اكتوبر وحتى لو كان النقل ده لأطراف اكتوبر فبالتأكيد هيأثر عليها. سؤال اخير بأه التوسعات الشماليه افضل ولا المنطقه المحصوره بين طريق الواحات والفيوم لو حد عنده رأى؟

السلام عليكم... اخوانى الأعزاء لا اود ان استفسر عن سعر الشقق فى الرحاب او مدينتى فقط ولكن سؤالى الأهم والمضحك للبعض هو هل يوجد اى طريقه لشراء شقه فى الرحاب او مدينتى فى حدود مساحة 150 - 160م بأقل مقدم يصل الى خمسين الف جنيه فقط مع استعداد لدفع قسط شهرى لا يقل عن عشرة الاف جنيه؟ اعلم ان السؤال غريب وغير منطقى للبعض ولكن هل من طريقه عن طريق شركة املاك او اى شركة تمويل عقارى أخرى؟ وشكرا.