hOuSsAm

انا مش متخصص فى الموضوع ده بس دكتور الاسنان بتاعى كان قالى مرة انصحك بالمواظبة على استخدام السواك لانه افضل من المعجون والفرشاة وقالى انا مش بقولك كدة من باب التدين ولكن من باب علمى قالى استعمل الفرشة مفيش مشكلةمع السواك ولكن لا تستغني عن السواك تحياتى

اللى اعرفه ان المناظرة هتبقى بين ابو الفتوح وصباحي

كل سنة وانتى طيبة ياريهام ربنا يجعل ايامك كلها خير وبركة وسعادة وتحققى كل اللى نفسك فيه

حمدا لله عالسلامة يا مدام عبير طبعا تسميه حسام :)) هى دى عايزة كلام ؟؟؟؟ ---------------------- انا بهذر عن نفسى بحب اسم عمر بس حاسس ان الافضل محمود محمد احسن من عمر محمد مديرى كان اسمه محمود محمد :)) ولو معجبكيش سميه عوكل او بوحة الصباحي محمد :))

أسأل الله ان يرحمه رحمة واسعة وان يدخله فسيح جناته ويغفر لة وان يبدله دارا خيرا من داره وان ينور لة قبره ويوسعة وان يصبر اهله إنا لله و إنا إليه راجعون

انا معرفش تكاليف الجامعات الخاصة كام في مصر بس نصيحة اخوية لا جامعة خاصة ولا جامعة حكومية كلهم بطييييخ شبه بعض لو تعرفى تسفرى ابنك كندا او امريكا (والافضل من وجهة نظرى امريكا) يدرس هناك Accounting وبالمرة بعد ميخلص هيكون قادر انه ياخد شهادة ال CPA وبعد كدة هتبقى فعلا عملتوله احسن خدمة فى حياته نصيحة لو كانت المصاريف الضعف فلا تترددي كدة فعلا بتستثمرى فى ابنك - غير كدة تضييع للوقت وللمجهود وهيتعب كتير بعد كدة

كل سنة وانت طيب يا بشمهندز

حسبى الله ونعم الوكيل ربنا يعوضك خير يا استاذ ميزو - ده ظلم بين طبعا مفيش كلام يتقال بعد مصيبتك بس عسى ان يكون خيرا لك

اول مرة اعرف ان اللى يتجوز على مراته تطلب الطلاق منه وتديله فوق دماغه - هو ايه الحرمانية اللى عملها عشان يحصل معاه كدة؟ ظنى انه فيه غلط او لبس فى الموضوع

مش فاهم ازاى هى طلبت الطلاق واداها كل حقوقها- مش بكدة حسب قانون الخلع هى المفروض تتنازل على كل حاجة بما فيهم البنت بما انها هى اللى طالبة الطلاق؟؟؟؟ ولا انا فاهم غلط ومعلهش يعنى هو غلطته انه اتجوز واحدة زى دى من الاول وكان يجب عليه يربيها قبل ميطلقها طالما هى اخلاقها كدة

الاخ Ahmed El Manadili قرات الموضوع ده وموضوعك عالسريع وملحوظة قوية من حضرتك فكرة الزواج من اجنبية دى انا مش هعترض عالزواج من اجنبية لكنى معترض جدا على اجحاف المراة المصرية للاسباب التالية اول حاجة اى تدهور فى قيم واخلاق البنات او المراة من الاجيال الجديدة هتلاقيه مقابله نفس النسبة من تدهور الاخلاق فى الشباب من الجيل الجديد دون مبالغة (احنا هنجيبه منين يعنى) تانى حاجة فيه اية قرانية كريمة بتقول الطيبون للطيبات (اللى عايز طيبة بما تحمله من معانى وخلق واداب وتدين يكون طيب زيها) تالت حاجة مستغرب من كلامك عن عدم انصاف القوانين للرجال - مع احترامي رايك بس الليلة كلها فى ايد الرجل هو اللى فى ايده يعمل حاجة - عن نفسى كرجل باذن الله عمرى محط رقبتى تحت ضرس حد يعنى كل وسائل الكنترول فى ايدى مع حفظ الحقوق والمحافظة على احترام الاخرين - لحد الان مش عارف سبب لايصال الامور للمحاكم ربنا يبعدنا عنها رابعا - بالنسبة لشباب الفيس بوك مقدرش احدد سبب موقفهم ولا هما مين اصلا ولا عددهم - النت غالبا بيقدم احصائيات غير دقيقة وبالذات لو كان الفيس بوك لان باختصار بتلاقى ناس كتيرة بتدوس لايك وتشير وهى مش عارفة بتدوس على ايه او بتجرب او بتشوف فيه ملحوظة عن الجيل الجديد انه معندوش الصبر الكافى للموضوعات دى - وده اتولد من استسهاله اللعب ببنات الناس ودخوله فى قصة حب وخروجه من الاخرى تلاقى اقل واحد خرج من الكلية باربع او خمس قصص حب - قولى بقى ده واحد هيتجوز جوازة عدلة ازاى (مش بنعمم ولكن فيه ناس كتيرة كدة) نرجع بقى لموضوع الصبر - العبد لله اتجوزت بعد بحث 4 سنوات - اعز اصدقائي تزوج بعد بحث 6 سنوات (طبعا مش قاعدين للبحث طول الفترة دى بس مابين نشاط وخمول وانشغال وتطنيش عشان متمسكلش فى الفترة وتقول اننا مش بنلاقى ) لاء الطيبات كتير بس عشان الموضوع مش سهل ومش هين دى جوازة العمر يعنى مش عايزة كروتة -------------- ياريت يا استاذ احمد تفرق بين اللى عايز يتجوز تيك اواى واللى عايز يتجوز عشان يقيم بيت قواعده ثابتة ولحظى انا بقرا كلامك وانا مستصيغه لانى من نفس الجيل اللى بتتكلم عليه او مش بعيد عنه - عندى 27 سنة يعنى مش بعيد عنهم ومريت بكل القصص والتجارب اللى انت بتقول عليها حتى شوية الزيجات اللى انا فشلت فى اتمامها لو كان شوية حكمة عندى بزيادة كان زمانها خلصت من زمان ولكنها خبرة السنين اللى ناقصة شباب الفيس بوك اللى انت بتقول عليهم ومعلهش مع انى بتخنق من اهالى البنات اللى بيشددوا فى الايمة والشبكة والمهر ومش عارف ايه سعات بلتمسلهم العذر عاللى بيعملوه مع عدم اتفاقى معهم فى الموضوع ده - بس من اللى بيسمعوه ويشفوه عايزين يحافظوا على بناتهم فى الاخر عنده ان بنته تتجوز بعد الثلاثين احسن متتجوز شهرين وتيجى متطلقة من واحد غير سوى او غير مسئول ولو عايزنى ازيدك من الشعر جانب هزيدك بس الموضوع مش مستحمل - وانت مش مستحمل تمضى على قايمة كلها خشب فى الفاضى وكلام ملهوش لازمة مبالك بقى لو واحد جه قالك اعملى كشف طبى عشان اتطمن عليك او جيبلى تاريخ العيلة وجوز بنت عمتك بيشتغل ايه (كل ده حصل) - من حق اللى مش عايز خلاص - يعنى مثلا لو واحد قالى يبنى تعالى وهنمضيك مثلا على شيك او وصل امانة بعشرين الف هقوله بالسلامة يا اونكل انا مش فاضى اضيع وقت مع ناس بتهرج وخلصت الليلة - يعنى متتعبش دماغك وتوجعها مع حد بيافور الليلة - لكن الناس البيس البسيطة اللى زينا وشبهنا وماشيين بما يرضى الله فاهلا ومرحبا بهم ونشيلهم فوق راسنا والناس دى موجودة فى مجتمعنا كتير بس زى مقولتلك فوق الطيبون للطيبات وتقبل تحياتى

فيه مطعم جنبى اسمه ابون (ودى اكلة اندونسية مشهورة) دخلت مرة اشوف بيبيع ايه قرفت من شكل الاكل وفى الاخر سالتهم على حاجة مش فى المينو عشان يقولى مش موجودة واقوم اروح بلا احراج وفى الاخر روحت اشتريت شاورما اعرف ان اليمنين بيحبوا الاكل الاندونسى اوى - لو حد عايز يروح مطاعم اندونسية شعبية ممكن اوديه عشان اول ميبص للاكل يجيب اللى فى بطنه عالطول مش عارف حد ممكن ياكل الاكل ده ازاى بس مقدرش اقول انه لولا اختلاف الازواق لبارت السلع

السلام عليكم البقاء لله و سبحان من له الملك و الدوام الفاضل سكوربيون و كل الزملاء الاقباط فى المنتدى خالص التعازى فى مصابكم الجلل صَبَركُم الله و جَبَرَ خواطركم

هي فين مداخلات رؤوف اللي كان بيتكلم فيها عالرجل اللي جاله هسهس

ربنا يهديك اللهم لا تؤاخذنا بما فعل ..........