عاشق الترحال

أنت متأكد يا عم الحج أصل أنا معشم نفسي أن دوري جاي في الطريق :lol: حقا يبقى حتة مقلب :) يعني مش هيقبضوني الريالات بتاعتي :) على فكره الي سمعته النهارده أن الميالغ دي كان المفروض تدخل في حساب وزارة الداخليه بطريقه أو بأخري ومنفعش علشان كده قرروا ردها بس مسأله تاريخ 1432 وحتى 1425 دي مش متأكد منها ياريت اللي عنده معلومات مؤكده يفيدنا بالله عليكم شكلي كده هرجع في كلامي وهطبق عليكم نظام الــ 10% نسبتي آه ماليش دعوه وعلى رأي الست ( لماضة زغلول الحق ) فوتكم بعافيه

مش عارف ليه يا عم زعلان بتفكرني بعمنا الشيخ زهيري wst:: :happy:

يا عم اللي مش مصدقني براحته بقى وعلى كيفه اللهم بلغت اللهم فاشهد بس هي بقت كده يا حسام 10 % من الشيكولاته وبعدين صاحبك ده بخيل أوي طب كان خلاها عزومه غذاء أو وجبة بيك حتى ولا هي التليفونات اللي راحه واللي جايه دي ببلاش pps: عالعموم هنتفاهم في الموضوع ده لما نتقابل wst::

أنت وحظك عندي زميلي في الشغل كان عمل إستقدام في 2003 وبعدين زوجته وأوراده خرجوا خروج وعوده ومرجعوش تاني والكلام ده من سنتين فاتوا وإنتهت تأشيرتهم وخلاص وتم حذفهم من الحاسب الآلي كمان ومع ذلك إسمه نزل أمس وإستلم المبلغ !! خليك تابع عالموقع وإن نزلت المبالغ كلها يبقى خير وبركه وإن منزلوش هيبقى هتقبض عن آخر مره إستقدام . بس انا طلعت نهائي بعد المرتين اللي عملت فيهم استقدام ورجعت بتأشيرات جديدة يبقي اي رقم اقامة بقي اللي ادخله اكيد مينفعش رقم اقامتي الحالي ... والاقامات القديمة اكيد ملغية يبقي ايه النظام ؟؟؟ بصراحه مش عارف أنت حكايتك ملعبكه شويه بس هأقولك أنت عليك وعلى بنك الرياض إدخل عالإستعلامات وإسألهم وبعدين لو فاكر أرقام إقاماتك القديمه إبقى راجع عليهم في الموقع اللي كتبتهولك

أنا كمان 2010م كل اللي عليكي هو انك تتابعي عالموقع وأول ما ينزل رصيد الإستقدام = 2000 تتوجهي لأقرب فرع لبنك الرياض وتستلمي فلوسك

أنت وحظك عندي زميلي في الشغل كان عمل إستقدام في 2003 وبعدين زوجته وأوراده خرجوا خروج وعوده ومرجعوش تاني والكلام ده من سنتين فاتوا وإنتهت تأشيرتهم وخلاص وتم حذفهم من الحاسب الآلي كمان ومع ذلك إسمه نزل أمس وإستلم المبلغ !! خليك تابع عالموقع وإن نزلت المبالغ كلها يبقى خير وبركه وإن منزلوش هيبقى هتقبض عن آخر مره إستقدام .

روستوخ روستوخ يازكي يا روستوخ طالما لسه رصيد الإستقدام =( 0 ) زي بتاع المونديال :lol: يبقى إسمك لسه منزلش في القائمه اللي هتقبض حاليا تابعهم على الموقع وأول متلاقي رصيد الإستقدام = 2000 هوب عليك وعلى بنك الرياض (عليك وعالوحده الصحيه :D )ومعاك إقامتك وإدخل عالإستعلامات قول لهم أنا عندي إسترداد قيمة الإستقدام 2000 هيقولك روح عالشباك بس يا عم الموظف اللي عالشباك هيسألك عن إقامتك وبياناتها تعطيهاله قوم أيه يقبضك على طول ومتنسوش ال 10% بتاعتي wst:: ولا هنحمرق بقى !!!!

اللي سمعته بخصوص الموضوع أنها مكرمه ملكيه برد مصاريف الإستقدام من العام 2003 وحتى 2010 والبنك الوقتى بيصرف للي عملوا إستقدام في عام 2003 و 2004 وبعد كده هيبدأ في تسليم الأعوام المتتاليه تباعا ( حلوه تباعا دي ) زملائي دفعة 2003 و 2004 صرفوا بالأمس أنا من دفعة 2010 وفي إنتظار نزول إسمي على الحاسب

يا عمنا كتر خيرهم وبعدين بيفكوا زنقه وأي مصلحه تسند الزير يا ريس ولا يعني ندفع لهم مش عاجب !! يدفعوا لنا مش عاجب :sad: بالمناسبه اللي اعرفه أن دفعة الشهيد حمبوزو لاوي بوزو 2003 هي اللي بدأت في الإستلام ومعايا زميلي في الشغل مصري وكان مستقدم عياله ونزلهم نهائي من كام سنه وإسترد 2000 ريال wst:: يعني الإسترداد مش للي لسه عامل إستقدام بس لأ واللي زهق من مراته ونزلها نهائي كمان :lol: بس يبقى من دفعة الشهيد حمبوزو وسنوافيكم بمستجدات الأخبار مراسل قطاع المحاورات عاشق أبو العافيه تنظيم زغاليل الحق :sad:

لأ بجد والله

الحكومه السعوديه قررت رد مصاريف الإستقدام التى كان يتم دفعها لراغبي إستقدام عوائلهم وهي بمبلغ ( 2000 ريال) لكل مقيم إستقدم عائلته ودفع المبلغ ذاته إبتداء من العام 2003 وحتى تاريخه . أصحابي إستلموا المبالغ من بنك الرياض بالإقامه فقط الموقع أهو إضغط هنا بعد الصفحه ما تفتح هتلاقي قائمه جانبيه مكتوب فيها إختيار ( الإستعلام العام عن رصيد مدفوعات الخدمات المتبقي ) إضغط عليها هتفتح صفحه مكتوب فيها أدخل رقم الهويه أدخل رقم الإقامه وإنظر في قائمة رصيد الإستقدام إذا وجدت مبلغ 2000 ريال فالقيمه تكون قد نزلت بالبنك وعليك الذهاب لإستلامها حاليا يقوم البنك بتسليم الأعوام 2003 و 2004 كل واحد يستلم فلوسه ليا عنده 10% :sad: ولا أقولكم كفايه دعوه حلوه

معلش عندي سؤال !! هو المحققين بتوع النيابه مسمعوش عن الفيديو اللي كان سبب في قتل خالد ؟ كل اللي بيحاول يبرر مقتل خالد علشان القتله دول ينفدوا من العداله بيتجاهل في الحديث عن موضوع الفيديو !! ليه ؟ ليه محدش بيركز في أي حديث على موضوع الفيديو اللي بيصور إتجار بعض عناصر الشرطه في المخدرات ؟!!!!! حتى ولو كان خالد مجرم وفيه البدع يبقى المفروض أفراد الأمن يقتلوه ؟ إذاَ ماهو دور القضاء ولماذا أنشأت المحاكم ؟ المشكله أن أفراد الأمن بوزارة الداخليه نسيوا أنهم موظفين عموميين في الدوله شأنهم شأن أي موظف حكومه وإستغلوا ما في أيديهم من سلطات مخوله من قبل الدوله تبعا لأهوائهم ومصالحهم الشخصيه ؟ إن كان فعلا هيبقى فيه حل فأعتقد أنه هيبدأ من تقليص السلطات المخوله في أيدي رجال الشرطه ولازم مجلس الشعب يتحرك للحد من مثل هذه الإنتهاكات وسن القوانين المناسبه . إحنا كلنا إنفعلنا كتير وشتمنا وصرخنا وتعاطفنا وعملنا حاجات كتير عالنت لكن للأسف كلها كلام . تفتكروا أيه هي الحلول الواقعيه المناسبه اللي ممكن تترجم لواقع لإنهاء هذه الأوضاع اللاآدميه .؟

في أحد البرامج أمس في السهره على قناه Otv عرضوا صوره من شهادة تأدية الخدمه العسكريه لشهيد الطوارئ خالد وكمان صوره من جواز السفر بتاعه مختوم له على الباسبور الختم البيضاوي اللي معناه انه غير مطلوب للتجنيد . بالإضافه أن أحد الصحفيين أشار إلى أنه يملك أدله دامغه على براءة خالد وأظن أنه لمح أن معاه مستند صحيفة الحاله الجنائيه ( الفيش والتشبيه ) الصادر طبعا من وزارة الداخليه واللي كان عمله خالد قبل ما يقتلوه بفتره قليله . وده في حد ذاته دليل دامغ على برائته من أي تهمه تنسب إليه ظلما وبهتانا . الحكومه مبتغلبش بس المشكله أن تبريراتها المره دي عبيطه وساذجه وأنا في رأيي أنهم هيضحوا بكبش فداء اليومين الجايين علشان يهدوا الرأي العام وبعد ما الموضوع ينام يبقى يخرجوهم تاني ويرجعوهم شغلهم ومش بعيد يعطوهم أوسمه ونياشين كمان . ولو حد يفتكر اللي حصل مع المواطن عماد الكبير والدنيا إتقلبت وبعد كده حكموا على المتهمين بالحبس 3 سنوات وأفرج عنهم بعد قضاء تلات أرباع المده إعادة المتهمين في قضة عماد الكبير إلى خدمتهم

الشرح الفقهي المصور لأخطاء المصليين صفة الصلاه عن النبي صلى الله عليه وسلم صفة الوضوء

كندية مسلمة تؤم صلاة الجمعة لـ المرة الأولى في بريطانيا تلقت تهديدات بالقتل استطاعت كاتبة كندية من أصول باكستانية في الستين من العمر أن تؤم الرجال والنساء فى صلاة الجمعة ، لتكون أول امرأة مسلمة المولد في المملكة المتحدة بمدينة أكسفورد تقوم بذلك . وقال المركز الثقافي الإسلامي في مدينة أكسفورد ان الكاتبة وتدعى راهيل رضا ستلقي أيضاً خطبة الجمعة أمام المصلين الرجال والنساء مع انطلاق أعمال مؤتمر دولي تحت عنوان (الإسلام: الطريق إلى الأمام) سيعقده في كلية سانت أندروز بجامعة أكسفورد من الحادي عشر إلى الثالث عشر من يونيو الحالي. ودعا المركز المسلمين في بريطانيا رجالاً ونساءً الذين يؤيدون المساواة والتكافؤ بين الجنسين في الإسلام إلى حضور صلاة الجمعة التاريخية، المقررة اليوم ، بحسب صحيفة الوطن السعودية الجمعة. وكانت راهيل رضا تلقت تهديدات بالقتل بعدما أمّت صلاة جمعة مختلطة بمـدينة تـورنتو الكندية منذ خمس سنوات وقالت في تصريحات صحفية إنها "لا تأخذ المهمة التـي يقوم بها الإمام حين تؤم المصلـين، لكنها تريد تذكير الجالية المسـلمة أن 50% من أتباعها من النساء اللاتي هن على قدم المساواة مع الرجل، وعلى قدم المساواة في ممارسة الشعائر، ويستحققن الاستماع إلى أصواتهن". ( مسخره وكلام فارغ وناس مش لاقيه لها شغله إلا أنها تفسد وتخرب في عقيدة المسلمين ) حسبنا الله ونعم الوكيل