ناوية ع الهجرة

دكتور تهامي بصراحة مش عارفة اقول لك ايه غير جزاك الله خيرا بصراحة موضوع الاكل الحلال ده مهم جدا وانا حسيت ان فعلا العيشة مرة ومش سهل نشتري حاجة غير لما نتأكد من مكوناتها بس موضوع الخنزير ده معاك حق فيه لأن الاية بتنص على تحريم لحم الخنزير وده طبعا للاكل اما اي استخدام تاني اعتقد ما فيش فيه مشكلة لكن برضه موضوع ان البقر بيضرب بالنار في راسه او بمطرقة يبقى كده حرام اكله لانه مش مدبوح والايه اللي فيها التحريم بتقول "حرمت عليكم الميتة والدم ولحم الخنزير وما اهل لغير الله به والمنخنقة والموقوذة والمتردية والنطيحة.........."الى اخر الاية والموقوذة هي الميت بالضرب والمتردية هي الميتة بالسقوط من علو هذا والله اعلم بس بصراحة موت من الضحك على موضوع اللبن والبيض الحلال ده بصراحة معاك حق ده استعباط واستغلال gra:- gra:- ربنا ما يحرمنا من هانداوفراتك ابدا

دكتور تهامي ايه الابداع ده ده كلام يدرس في المدارس والجامعات لا ومدعم بالصور معلهش اصلي لسه شايف الكلام الكبير ده لاني مشغولة جدا اليومين دول يعطيك الف عافية ويارب ما يحرمنا ابدا من كتاباتك الرائعة عن الشوبينج ومستين كتاباتك عن الاكل الحلال بس بسرعة الله يخليك لحسن السفر قرب خلاص مسافرين 23 يونيو ان شاء الله وانا شاطرة وسمعت الكلام وهنقعد في ترونتو ان شاء الله في يانج ستريت جود فيث حمد لله على سلامتك ياقمر بنات وسيدات المحاورات استعدوا عشان نتقابل على خير ان شاء الله في بلاد التلج

عفوا سيدي الفاضل بس اشمعنى مواضيع الدكتور تهامي ودكتور هشام وباشمهندس ايهاب هي اول من سحبت لتنظيمها كان اولى سحب الموضوع الذي يتصدر الصفحة الاولى طرد مسلمة ترتدي النقاب والذي يحتوي على كمية لا باس بها من المهاترات والسب والردح ان صدق التعبير؟؟؟؟؟؟

الف الف حمد لله على السلامة يا صافي ربنا يكرمك ويوفقك لما يحب ويرضى

الله الله يا صفاء يارب يبارك لك في اولادك وزوجك ويجعلكم ذخرا للاسلام والله انت جميلة قوي ويارب يكتب لك الخير اينما كنت ايه الجمال والروعة دي انا ما اقدرتش امسك نفسي من البكاء وانت بتحكي على المسجد وحسيت ان احنا فعلا لازم نعمر الارض ونرفع لا اله الا الله في مشارق الارض ومغاربها يالله مستنين بقية الحلقات الرائعة :rolleyes: على فكرة انا قلقلت قوي من موضوع الستات الحلوين ده احنا رايحين في الصيف ان شاء الله افهم من كده ان انا هرجع لوحدي وزوجي هيفضل هناك ولا ايه؟

لا يا استاذ نصار احنا سألنا على رحلات مصر للطيران في مكتب مصر للطيران الرئيسي في الكويت علشان نسافر عليها وده على اساس اننا نسافر مصر ترانزيت لكن المسئول هناك بلغنا ان رحلات مصر للطيران اتلغت السنه دي لكندا وكمان واحدة قريبتي في مونتريال اكدت لي الخبر ده

زي ما الاخت مصرية مغتربة ذكرت موضوع الصيام ده مش مشكلة وانا ولادي هنا في الكويت في مدرسة انترناشيونال يدرس معاهم في المدرسة جنسيات مختلفة هنود وفلبنين وغيرهم من غير المسلمين وادارة المدرسة من الاجانب وانا فهمت اولادي ان مالناش دعوة بيهم احنا مسلمين ولما بيقولوا لي انهم بيتعمدوا ياكلوا امامهم في رمضان اقولهم بالعكس انتو كده بتاخدوا ثواب اكبر وهو ده الهدف من الصيام اني اكون مثل الفقراء عندما يرون الاغنياء بياكلوا فيشعروا بالحرمان اقصد ان دي مش مشكلة طالما اني ممكن اوضح النقطة دي للولاد صدقيني هيتفهموها ويتعودوا عليها بدون ما تعملهم مشكلة

سمسمة حبيبتي حمدلله على السلامة ومستنين منك انطباعاتك واحساسك المبدئي بالبلد انت ودكتورة صفاء يارب يجمعكوا على خير انت وصافي وسوسو فعلا كنت اتمنى اكون معاكم بس ملحوقة ان شاء الله ونتقابل في كندا بأذن الله لوكنتم هتبقوا موجودين في شهر 7 نتفق وتقابل ان شاء الله ربنا معاكم

دكتورنا الفاضل الشامي لم اتمالك نفسي من البكاء مرة عندما قرات اشعار سوسو ومرة عندما قرات خواطرك اللهم اجمع شملك باسرتك قريبا غير اجل يارب العالمين على خير واجمع سوسو وبناتها بابوهم ولاتحرمهم من بعض ابدا واجمع شمل كل اسرة وصبرهم وجازهم خيرا انك ولي ذلك والقادر عليه امين امين امين

mfb: :) معلهش انا مش قادرة ما اردش على الجملة دي يعني هو مشكلة حضرتك الحر اللي في الخليج ..........بس؟؟؟؟ الاخ الفاضل زناتي الموضوع مالوش علاقة بالفلوس لاني ممكن اقعد كام سنه في الخليج في تقشف واعملي قرشين حلوين وارجع بعدها اعيش في مصر واحب اشكر الاخت الفاضلة goodfaith لان فعلا أرائها بتعجبني واحنا عايزين نهاجر كندا علشان عايزين اولادنا ياكلوا اكل نظيف بعيد عن الكيماويات ويعيشوا في جو صحي ويتعلموا تعليم صح ونشعر بأدميتنا

تسمح لي احضرتك في نقطتين مهمين لازم حضرتك توضحهم قبل ما تقول منك لله ياكندا اولا حضرتك رحت كندا قعدت فيها شهر وبدات المشاكل اي نوع من المشاكل اللي ظهرت بسرعة كده حضرتك كنت رايح ومتوقع ان اول ما توصل كندا هتلاقي شغل معلهش هو حضرتك ما قراتش اي حاجة في المنتدى قبل ماتسافر ثانيا لما ضرتك ما عندكش استعداد تتحمل اي فترة مهما كانت قصيرة بدون عمل وخفت على الفلوس الي معاك ورجعت بسرعة ليه حضرتك حرقت كل المراكب وراك يعني ليه بعت بيتك وتركت شغلك طالما انت واخد الموضوع تجربة وما عندكش استعداد للصبر او التحمل انا اسفة اذا كلامي يضايق حضرتك او يكون تدخل في امورك الشخصية بس ارجوا ان حضرتك توضح لنا هذه الامور عل وعسى يستفيد شخص اخر من تجربة حضرتك

باشمهندس زناتي الله ينور عليك من خلال قرائاتي في المنتدى وبعض القصص اللي سمعتها لناس سافروا كندا في ناس بتلعن اليوم اللي سافرت او فكرت تسافر فيه وضحوا بكل حياتهم اللي كانوا عايشنها ومش قادرين يرجعوا وده كله بسبب العمل لانه ساب وظيفته المحترمة وراح يدور على شغل مالاقاش غير شغل بسيط ومش موفرله الحياة الكريمة اللي كان راسمها لنفسه وفي ناس عايشة في كندا في احلى ايام حياتها وده طبعا بسبب انه لقى الشغل المناسب وسكن جميل وتعليم ممتاز يعني الحياة اللي كلنا بنحلم بيها فكرة التأقلم كمان مهمة جدا ما اعرفش انا بحس انه اللي جرب السفر برة مصر واتعامل مع جنسيات مختلفة بيبقى عنده استعداد اسرع للتأقلم عن اللي طول عمره عايش في مصر وما اتعاملش غير مع مصريين شكلي انا كمان شربت من عصير القصب مساء الخير يا دكتور قناوي

طيب يا باشمهندس ايهاب معلهش انا عندي سؤال ازاي ناكل من كنتاكي ماهو اكيد الفراخ مش حلال؟ اصل انا ولادي بيحبوا كنتاكي جدا