emano

معلش والله انا لسه واخده بالى من الموضوع ده وبجد حبيت اشكر الدكتور تهامى جدا لانه عفلا انسان خدوم جدا يعنى انا قبل السفر كنت ببعتله على الخاص اسئله كتيره جدا وكان علطول بيجوبنى عليها مع انه مكنش يعرفنى ومكنتش لى مداخلات فى موضوعه ولكنه لم يتاخر على الرد على اى سؤال وبجد كنت حاسه انى بتعامل مع اخى وكمان الدكتور هشام ربنا يكرمه والدكتور الشامى والباش مهندس ايهاب بجد ناس بتساعد الواحد لوجه الله ربنا يجزيكم جميعا الف خير عارف يادكتر تهامى انت عامل زى النخله الناس تحدفها بالطوب وهى تنزل تمر زى السكر معلش هى ده ضريبه الشهره امال عايز تبقى مشرف باب كده من غير ضريبه تقبل تحياتى ايمانو :happy: wst::

لابجد شعر جمل جدا تسلم ايدك :rolleyes: :blink: :blink: كلماته بسيطه ومعنيه حلوه :blink:

tomoro in the morning in the school i will larning computer and i take my tow son wethe me

بجد انا مخنوقه قوى انهارده ونفسى اعيط وهاين عليا اقعد فى البيت ومخرجش منه خالص ايه اقلكم على صبحيه ربنا كده رحت علشان اركب الاتوبيس بس لاول مره اركب من الباب الخلفى للبلص بسياره البابى المهم حطيت السياره وفرملتها وقعت ابنى التانى على الكرسى ورحت للسواق علشان اوريله للباص باص يعنى الابونيه راح قايلى تعالى عايز اقلك حاجه وان مخى الغبى ده يفهم حاجه اخر غباء مش فاهمه السواق عدلى الكلام مره تانيه هزيت راسى وكانى فاهمه هو قلى ريسبكت وباص باص مش فاهمه يعنى كان قصده ان انا لازم احترمه واوريله الباص باص الاول بجد طول اليوم مديقه جدا على فكره انا حاولت اسمع الاخبار وعامله زى الاطرش فى الزفه حاجه تزهق وتقرف والله بجد انا مديقه قوى قوى كل يوم رايحه مدرسه تعلم اللغه وجايه من المدرسه وجى علشان اتكلم مفيش ضمير بيطلع صح مفيش جمله ممكن تتفهم ده انا عيزالى 100سنه علشان اتعلم على فكره الاغنيه الاولنيه معرفتش اكتب منها حاجه مش بس كده ده انا لما شفت الى ريمو كتباه بقيت مش مسدقه معقوله هى كانت بتقول الكلام ده شفتى الذكاء يامتغربه انا كتبت ورقه فيها الجمل ال12 وان شاء الله حعمل زيهم دعواتكم على فكره انا والله كنت بذاكر قبل السفر بفتره بس المذكره حاجه والتطبيق حاجه ثانيه ياله ربنا يسهلها الحزينه جدا جدا ايمانو

والله يامصريه متغربه الفاس وقعه فى الراس والواحد بقى عامل زى الى غرقان بس مش فى شبر لا ده فى طشط وصلت الى الاراضى الكنديه وعامله زى الصعيدى فى الجامعه الامريكيه بفهم الناس الى حد كبير بتقول ايه بس ارد عينك بقى متشوف الا النور مع ان الناس هنا عندها صبر غريب ويقعدو يشورورى استمرى حولى احنا حنفهمك بس الكلمات مببقاش قادره اجبها يعنى الواحد مش عايز يفقد الامل لان ده مش يوم والتانى ونرجع لا فعلشان كده انا معاكم ويانا يالانجليزى بس الاغنيه ده الواحد مش عارف يحدد الكلمات قوى على العموم انا ححاول تانى لما الاولاد ينامو اكتب اى حاجه افهمها بس بقلك من دلوقتى اناZEROماشى الكلام مش معقوله ياريمو انت والمحشى بتاعك ده رائحه الاكل هنا بتلزق بطريقه غريبه فى الهدوم يعنى فعلا بتبقى عايزه تطبخى اكل خفيف حالص علشان الرائحه معلش يامس مش حخرج تانى عن موضوع الحصه

سؤال الحلقه ايه العيب ان الست تكون اضعف من الرجل او بمعنى اخر ليه الست عايزه تكون اقوى من الرجل

مستغربه من الحياه الجديده الواحد فجئه اصبح كل الى كان عيشه ماضى الاصدقاء المعارف كله زكريات او مجرد ايميلات معقوله صدقتى الى كنت بشرب معها القهوه كل يوم الصبح اصبحت زكرى فعلا مش قادره اسدق اصبحت وحدى فى الغربه والله مش قادره اسدق فعلا مستغربه

مستغربه من قدره ابنتى ذات ال8 سنوات على تحمل بكاء اخيها ومسايسته الشديده والتفاهم معه بهدوء شديد علشان تعرف ماله وتقوم مسكتاه وتكمل لعب معاه وهو عنده 4سنوات غعلا مستغربه الواحد سعات بيبقى مش قادر يسمع البكاء والقر والزن بس الاطفال عندهم صبر غريب

انا بقى بستغرب من نفسى سعات بصح من النوم متنرفزه ليه معرفش نفسى اغير الموضوع ده فعلا مستغربه

بص هو مينفعش الواحد يسكت على الغلط الى يقدر يغيره لان ممكن تيجى للواحد مصيبه من تحت راس واحد كسلان زى البواب بتاعك انا ححكيلك على بواب سابق للعماره فى يوم بالليل شمينا انا وزوجى رائحه شياط طلعنا خارج الشقه لقينا الريحه قويه واحنا ساكنين فى الدور ال12المهم جاء زوجى يركب الاسانسير قلتله لقه انزل على رجلك اضمن المهم نزل واتارى فى واحد مستهتر القى بالسجاره فى بير الاسانسير وكان فيه ورق فولع وحرق الكبل بتاع الاسانسير وطبعا البواب كان واقف فى السطح بيشم هواء فى الصيف فطبعا محسش بحاجه غير لما انطفه الحريق من سكان العماره وطبعا اطرد وتكلفنا مبلغ محترم علشان التصليح

يارب يشفيه ويعافيه ان شاء الله يقوم بالسلامه عليك بالدعاء والصدقه اسئل الله العضيم رب العرش العضيم ان يشفيه سبع مرات

طيب لحد ماقلب ابيض تيجى احط انا سؤال تعمل ايه اوتعملى ايه لما تلاقى انا الحياه الزوجيه اتحوله لموده ورحمه بدرى مع وجود الاطفال ومشاغل تكميل الدراسه فى الجامعه للزوج حلاص مبقاش فيه الشعور بالرمنسيه الى كان فى ايام الخطوبه وسنين الزواج الاولى لما تحس انك متشوق تسمع اغنيه لعبد الحليم انا عارفه ان الاغانى حرام ومش بسمعها انا بس بدى مثل ياله ياقلب ابيض ياقمر انصحينا

طيب انا ابنى ميخو باكل بس طبعا بالطريقه بتعتنا كتف الايدى وزغط فى الفم فدخلته الحضانه الى فى المدرسه معى واديت المسئوله علبتان جربر وانا مروحه جيت اخده قلتلى اكل معلقتين قلت طيب على اسان ان انا مش فاهمه الانجليزى جين تانى يوم لقتها بتقلى اكل ملعقه جيت تالت يوم فى وسط الحصص لقتها بتقلى اكل ملعقتين اتارى الحاجه الكنديه تعرض عليه ملعقه الجربر يقوم باعد راسه تقوم شايله الاكل وطبعا طول الوقت هاتك ياعياط رحت واخداه واكلته باقى العلبه وعلبه تانيه بس طبعا بشويه زوق لحسن يخدو الواد منى على اساس عدم الرفق بالانسان طب بالله عليك واحد زى ده تاكليه ازاى بالزوق ده من اول ملعقه لاخر ملعقه وهو بيهزلى راسه لقه لقه هو عنده سنه وشهر

حمدل على السلامه يادكتور تهامى باشا روق ياباشا مش كده ياى لطعوك فى المطار تعال شوف الكندين الاخلاق وحنا جاين كان معنا شنط كتيره جدا 12شنطه كبيره و10 هندباج والله كنت بزق عربيه واحمد عربيه وبنت عربيه وقام اتنين من موضفين المطار كل واحد زقله عربيه تخيل والله مكنتش مسدقه عقلى ايه الاخلاق ده الواحد مش متعود على العموم احمد ربنا انك متقعدش فى مصر الحبيبه طول السنه اخبار هند ايه سلام كبير ايمانو من اوتاوا

بجد ذكريات جميله تابع ياسهل باشا سؤال هو البابى العسول ده ابنك لو ابنك ربنا يباركلك فيه هو اسمه ايه