المهندسه

انا عن نفسى مش عارفه اذا كنت مصدقاه و لا عاوزه اصدقه من كتر خوفى و رعبى على البلد...انا عندى نفس احساس الايام العصيبه فى الثوره من بعد 28 يناير حاسه بخوف و رعب طول ما انا قاعده و فى كل ثانيه بقول يا ترى كام رصاصه حرقت قلب ام دلوقت على ابنها؟؟ انا متلخبطه

استنى كده عليها اسبوع و انت تلاقى الرخام الحلو ده مخلوع من مكانه و الحيطه عليها شخابيط على رأى الحاجه الفاضله نانسى عجرم شخبط شخايط و هتلاقى الحراميه فكوا ال يقدروا يفكوه .... على العموم بلاش نبص لنص الكوبايه الفاضى خلينا متفائلين شويه نقول كده انها هتصمد نضيفه قد شهر كده مش اسبوع......

بارك الله فيك يا دكتور و يسعدك و يوفقك..و مرحبا بيك فى بيتنا الجميل ..المحاورات

وانتى طيبه يا مغتربه يا حبيبتى ..بجد افتقدت جدا قلمك فى فتره غيابى ... ربنا يخليكى للمنتدى يارب ..سلامى كتير للاولاد..و هديه مقبوله

بالنيابه عن ليلى بقولك ..شكرا يا طنط بينكايه روزايه ..هى التورته دى اكلها و لا العب بيها و انيمها....هى فين مريم يا طنط العب معاها؟؟؟.. .بجد التورته دى رائعه ..طبعا لو حبيتى تعمليها ..هتعملى ابوها كمان انا عارفاكى ماشاء الله عليكى

و انت طيبه يا بينكايه روزايه..اشكرك على سؤالك عنى فى غيابى..ربنا يباركلك فى مريومه يارب لولاكى ما كنتش عرفت ان عبير فتحتلى توبيك مخصوص bv:- . تورت ايه ال اعملها انتى عاوزانى اتكشف و بعدين ادى العيش لخبازه قصدى التورته لام مريم البريمو هو فى حد بيعمل تورت فى حلاوة تورتك ابدا... عملتى السنه ال فاتت تورته لملوكه كانت رائعه يالا ورينا اخر انتاج ليكى ..

لونا الجميله ...هديتك جميله و رقيقه زيك ... احب اشكرك كتير على سؤالك المستمر عليا و على الاهل و انا غايبه.. و على رسايلك الرقيقه ...ربنا يكرمك و يحفظك يارب و تفرحى بأولادك دايما يارب

دريم حبيبتى .اشكرك جداا على سؤالك عليا و رسايلك الجميله و انا غايبه.انتى من اوائل الناس ال سألت عليا ربنا يسعدك و يوفقك يا دكتوره و هديه مقبوله و عقبال ما نفرح بيكى عن قريب يارب

و انت طيب و بخير يا حسام ..ربنا يكرمك يوفقك يارب

يا ليلى عيب انزلى...معلش يا بشمهندس و انت طيب و بألف خير يا زميلى الكريم و يوسف بخير يارب و وفقك الله فى شغلك و حياتك وربنا يقر عينك بأبنك يارب

اخى العزيز سارى المفعول ...فى الاول جيب صورتى الحلوه دى منين ...ياااااه مفيش حاجه بتستخبى ابدا على النت دى يقطع النت ال فتحت عين الواد و البت انا رجعت اهوه يالا ابعتلى ال اوردر و جهز ال لوكيشن و بتاع المكياج و الحركات و انا جاهزه يا مخرج..سمعنا كلاكيت فريق الهسهس زادت هسهسته اوى يا سارى و الله خصوصا "ملك الصغيره" قصدى فوزيه البرجوازيه...ربنا يهديهم يارب اخونا اركيتكت مش ناقص هسهسه كفايه عليه يوسف بيك اشكرك يا سارى على ذوقك و مستنيه الفيلم الجديد

هند حبيبتى و روحى و اختى الغاليه اوى و انتى يا حبيبتى بألف خير انتى و ولادك يارب عاوزه اشكرك شكر كبير اوى اوى على سؤالك الدائم عليا و على والدى و والدتى و انا بمصر ...شكرا على وقوفك جنبى بسؤالك المستمر و الله مافى كلمه توفى حقك و ذوقك معايا ابدا ربنا يباركلك فى اولادك و يخليهملك يارب

المهندسه هنا اسم ومهنه يا نور العين يعني اسمهافي المحاورات المهندسه ..وتخيلي (سبحان الله ) تطلع مهنتها مهندسه برضو :P كل سنه وانت طيبه يا باش مهندسه وعقبال 0100000000000 سنه روشه حبيبتى ازيك وحشانى كتير اوى اوى ...و انتى طيبه و بألف خير و سعاده و بناتك الحلوين بخير دايما يارب شكرا على التوضيح لنور العين..اصلى مختفيه بقالى فتره و هى لسه مش عارفانى سلامى كتير للبنات الجمال ..ربنا يخليهملك يارب

نور العين ..اهلا و مرحبا بيكى فى منتدانا و بيتنا الجميل انا زى ما قالت حبيبتى روشه بالظبط ...اللقب ده اسم فى المنتدى و صفه صحيحه لانى مهندسه و ان شاء تكون معرفتنا الجديده معرفه خير يارب و يديم بيننا الخير دايما

و انت بألف خير يا استاذ رؤوف ...بارك الله فيك