dodietman

السلام عليكم هو المقارنه بين الدول دي تعتمد علي الهدف من الحياه برة مصر ده بافتراض إن المهاجر هيعمل في وظيفه جيده امريكا: المميزات: أحسن جامعات في العالم البلد كبيره جدا وكل ولايه تقدر تقول عليها بلد الاكل والشرب والملابس والعربيات وتكاليف المعيشه ارخص من كندا واستراليا وحتى نيوزلندا سوق الشغل مش بطال الحق يتقال البلد ماعدتش زي السابق الله يخرب بيته بوش الابن دين البلد بـ12 تريليون دولار العيوب: الأمن هوا الأسوأ بلا منازع بين دول الهجره اليومين دول العنصريه اللي حد ما التأمين الصحي للي لسه مستقرش في شغلانه كويسه.النقطه دي مهمه كندا: افضل من امريكا في كل حاجه ماعدا الجو والضرائب اعلي وكمان اغلي بصوره ملحوظه .اللي عنده عيله هتفرق معاه استراليا بصراحه أنا شايف إنها زي كندا بالظبط ويمكن تتميز عن كندا إن جوها أحسن التعليم وجودة الحياه زي كندا بالظبط ولكن البلد مرميه في دنيا لوحدها وناسها عندهم سنس العزله عن العالم والشهادات من استراليا لازلت لا تتمتع بالرونق بتاع شهادات امريكا ثم كندا رغم إنها لا تقل عنهم في الحقيقه نيوزلندا: دي بقه بلد الدماغ والمزاج تعيش هناك وتنسي إنك تحوش البلد بقت غاليه نار الاكل والشرب والهدوم والسكن ضعف السعر في امريكا كمان المرتبات اقل والدولار بتاعهم يعمله 4 جنيه إلا شويه التعليم الأساسي اعلي من امريكا لكن التعليم الجامعي والدراسات العليا أقل من امريكا-كندا=استراليا

عزيزي دكتور تهامي تحيه عنيفه ليك ولتوبيكك :sad: لا زلت اتابع قهوتك باصرار واستمتاع مع إني متدهول (العبد لله نايب طوارئ :blink: ) بس حريص علي متابعة كل المشاركات.فاكر أنا أيام امتياز كنت بقعد اقرا في التوبيك بتاعك مره واتنين وتلاته ادمان والله .هييييييه أيام امتياز دي كان الواحد عامل دماغ رسمي زي ماتكون دماغي طالعه من الفريزر :happy: .تصدق أنا نفسي في الانتخه بتاعة البريمه ديه!!!!! سؤال محيرني .الدكتور هشام فييييييييييين؟. بالله عليك طمني عليه .تحياتي :ninja: في رعاية الله

بقالي كتير بفكر في الحاجات دي وكانت مسببالي صراع نفسي كبير على مدي مش قصير .معتقدش أن في ناس بمستوي التفكير اللي موجود في المنتدي هيكون مش عارف كل الاراء الايجابيه والسلبيه واللي من حين لاخر بيعاد طرحها ومناقشتها بأساليب مختلفه و سجالات أو حتى خناقات حول الهجره احيانا كمبدأ أو الدفاع والهجوم على نمط الحياه في مصر في اوقات تانيه .لكن بعد تفكير لفتره طويله اكتشفت أن البلد اللي فيها ظلم بحجم اللي موجود في مصر لا يمكن سوي ان تجعلني مجبر على تركها .عمال أقول ياواد ممكن يتصلح حالها لكن بعد ماقريت رواية مذكرات نائب في الارياف ,لقيت إن الحال هو الحال بقاله 70 سنه المأمور هو المأمور والفساد والوسطه والظلم زي ما هوا.وبعدين هو احنا ليه الجنسيه الوحيده اللي متبته في تراب بلدها ولا هي ثقافة الفلاح الخنوع للظلم وتربية العيال وجوازهم ؟!!!! نفسنا نعيش أحرار شويه

أنا نزلته فعلا علي لابتوب ...و عجبني قوي فيديو ال-demo بس البرنامج نفسه مش شغال .... هو نزل في ال-language bar تحت Ar (Saudi Arabia حاولت أجيبه علي Ar (Egypt ما نفعش ...حاولت استخدمه في المنتدي مش شغال ...... أنا XP و firefox3.0 و Norton الله يهده bv:- كمان كتير بادخل من لابتوب تاني أو كمبوتر في الشغل فمش حينفع أنزله في كل حتة .......دبرني يا جنرال ......بس عارف يا باشا أنا كفاية علي محاولتك للمساعدة بجد مقدرها جدا ..... و يا رب الناس اللي مش عارفة تكتب عربي تستفيد منه أو من yamli يا دكتور هشام استهدى بالله كدهوت bv:- وسيبك من الديمو .البرنامج نفسه بيشتغل لما ايقونة ar/saudiarabia تبقي في language bar ساعتها تكتب هتلاقي البرنامج بيديك خيارات للكلمات المتاحه .أنا vista/firefox 3.5.5/avira جرب وقوللي لانه بجد هيفرق مع حضرتك تحياتي :waf:

هي الفكرة بس اني باكتب أسرع ب-yamli مش أكتر و لا أقل .....حتي Maren جربت استخدمه و ما نفعش فشكلي مكمل مع Yamli .....بس خلاص على فكره يا دكتور هشام maren عايز شوية تعود في الاول .يعني حضرتك ضايف العربي في الويندوز وبتنقل بينه وبين الانجليزي بـ الت شفت يمين وشمال .لما تستب maren يضاف نافذة عربي عن طريق maren في شريط المهمات تحت وتقدر تكتب عربي أحسن كتير من yamli .بالاضافه أن Maren ليه ميزه تانيه عن yamli أنك تقدر تكتب في الياهو مسنجر أو غيره مش بس في البروزر ..متفتكرش اني لا سمح الله بأعمل إعلانات l-maren :)

السلام عليكم دكتور هشام مش عارف اقول لحضرتك إيه .. أنا متابع باب كندا من حوالي سنه ونص وبخاصه قهوتك وقهوة دكتور تو smk: ومهندس إيهاب ودكتور الشامي و دكتوره سوسوراني وتورونتو(ربنا يجعل كلامنا خفيف عليه) .تصدق إني كنت بسيف (من الفعل save) .الحكاوي دي على اللابتوب واخدها معايه الجيش عشان مفيش نت هناك :ninja: .الحمدلله خلصت الجيش دلوقت wst:: فقلت آجي اسلم عليك أقولك وحشني يا دكتورنا يا جميل :lol: على فكره في برنامج أحلى من yamli وانا باستخدمه دلوقتي البرنامج دوتـ اسمه Microsoft Maren :lol: وممكن تحمله من هنا. http://www.softpedia.com/progDownload/Micr...oad-132329.html

السلام عليكم دكتور حازم ...ماشاء الله مجهود يذكر فيشكر لييا كام سؤال كده ع القد :mellow: * انت تخليت عن مشروع الهجره والا ايه؟...وهل السعوديه خيار مناسب كفتره للعمل وتحويش قرشين والعوده لمصر من غير هجره ووجع دماغ؟ :closedeyes: * كام ممكن يكون طبيب عام مصرى حاصل على الجزء الأول (فقط :blush2: )من الزماله البريطانيه وهل فرصته فى ايجاد عقد مقبوله؟ * هل مرتبات الاطباء فى الامارات اعلى من السعوديه وبمقدار كام؟ فى النهايه ...ربنا يوفقك يا Pediatrician ياكبير :blink:

تحياتى الخالصه لدكتور هشام :happy: .. وأثمن روحك الجميله وجهودك فى باب كندا وربنا يرزقك راحة البال ونقاء السريره( مش مرات السرير :lol: ) انا متابع التوبيك بتاعك من زمان اوى تحديدا من أول مادخلت الجيش wst:: ...الحمد لله فاضلى بتاع خماشر تمناشر يوم واخلص الجيش ان شاء الله كان ليا سؤال كده ولا مؤاخذه ...هوا الواحد ممكن يشتغل اى شغلانه (لو حتى صبى قهوه فى اى استباليا :unsure: )فى كندا لو الواحد حاصل على المعادله الامريكيه USMLE ماتحرمناش من الوجود فى الباب الكندى فى امان الله :blink:

مش عارف ايه سبب كل تلك المشاحنات والحنق الزائد لدرجة التشنج حول تلك المباراه؟!!!. بحاول اجد تفسير لكن لاقيتنى طالع بش وية تفاصيل ممكن تكون منطقيه : *اولا لازم نتفق على شىء بخصوص طبيعة المنتخب والشعب الجزائرى فى العموم .للاسف هم اناس لديهم من العصبيه التى تصل لدرجة التطرف( وبخاصة ذوى الاصول البربريه الامازيغيه منهم) . ومافيش حاجه هما فالحين فيها فى الدنيا الا الرياضه وبخاصة الكوره اللى بيموتوا بعض عليها فى الدورى المحلى عندهم..عمرنا ماسمعنا ان فى واحد جزائرى خد نوبل او بقى منصب من المناصب المهنيه العاليه فى اى مؤسسه عالميه او امم متحده او جامعه عالميه او اى شىء ( مع كامل احترامى للجزائر ولكن هيا دى امكاناتهم).... تخيلوا بأه الكوره دى هما بقالهم 20 سنه بيتغلبوا من طوب الارض ومخدوش اى بطوله ولا تاهلو لكاس عالم و حتى اخر بطولتين افريقيتين لم يتاهلوا لكاس الامم من اساسه قامو ياعينى وقعوا مع بطلة افريقيا فى مجموعة كاس العالم ..قالوا بس خلاص احنا اخرنا كاس الامم الافريقيه ...فجاة لقوا نفسهم اول المجموعه واقوى فنيا( اه هما اقوى فنيا فى التصفيات واللى مش مصدق يتفرج على ماتش رواندا معانا فى القاهره ومعاهم فى الجزائر )...لازم يعملوا كده بصراحه الى عملوا شحاته طول التصفيان من زهو نفس واعلانات وتكريمات قبل ماتش زامبيا الاول وكأنه خلاص هيكسب هيكسب.كمان لما لعب الحضرى وبينه وبين جمهور الاهلى مصانع الحداد. واللى قاله احمد سليمان ان الحضرى هيلعب غصب عن التخين فى مصر *حاولت القياده الساسيه الحكيمه انها تاكل دماغ الناس ..قال ياخويا لما مصر تكسب الجزاير وتروح كاس العالم الدنيا هتروق والمواصلات هتفضى والعيش هينضف والمرتبات هتزيد...البهوات بيلهوا الشعب بالكوره عشان يسكت عن توريث الحكم والفساد والبطيخ اللى فى البلد..قبل الماتش يجيبولك الاستاذ علاء والاستاذ جمال وهما بيشجعوا المنتخب , يقوم المنتخب بقدرة قادر كسبان ويبان للناس ان المنتخب ماكسبش الا ببركة أل مبارك ...والله العظيم يوم ماتش نهائى 2006 تمنيت ان المنتخب يتغلب فى النهائى عشان دمى اتحرق من اللى كان بيحصل ..ازاى 1000 مصرى فى قاع البحر الاحمر والقرش بياكل كبدهم ورئيس البلد واخد مراته والوزراء وفى ايديهم اعلام وعمالين يزغرتوا بعد الماتش واتقلبت مصر كباريه و دم الشهدا مجفش .... * ربنا ابتلانا فى الفتره الاخيره بحاجه اسمها الاعلام (على فكره احنا اصحاب اللفظ ده )..شوية جهلة مرتزقه الواحد بينكسف لما يسمعهم ويفتكر انه مصرى زيهم ...ثقافه ضحلة ..فكر محدود ..ضيق فى الافق وزى ماتقول قول...عمالين يردوا على بعض ويردحوا لبعض من غير حاجه ..انا معترف ان الجزائريين هم من بدأ ولكنهم فى النهايه لا ي}اخذون بما يفعلون ..يقوم الجهله بتوعنا يردوا ويزودوا المبله طين ....ربنا يهدى :sad:

الى الجد ابو الفصاد الذى نسعد دائما بوجوده معنا :) الف مبروك وربنا يتمم بالخير يارب :blink: وبعد اذن حضرتك انا لى تساؤل!! انت فين فى اسبانيا عشان انا عندى استفسار بشان اسبانيا !! :D وهو هل اسبانيا بلد تستاهل الغربه زى مابنقول لان لى صديق يرغب فى العمل كطبيب هناك وهو يعرف كل شىء تقريبا عن كيفية العمل كطبيب هناك وله اصدقاء اسبان هناك فى استورياس(مدينة خيخون) فى الشمال ولكن يريد التعرف من شخص مصرى يقيم فى اسبانيا لانه تقريبا قرار يخص حياته باكملها ماذا عن ظروف البلد ومستوى المعيشه اسف جدا على الازعاج والف مبروك :D

الف مبروك وربنا يتمم بالخير يارب وبعد اذن حضرتك انت فين فى اسبانيا عشان انا عندى استفسار بشان اسبانيا !! وهو هل اسبانيا بلد تستاهل الغربه زى مابنقول لان لى صديق يرغب فى العمل كطبيب هناك وهو يعرف كل شىء تقريبا عن كيفية العمل كطبيب هناك وله اصدقاء اسبان هناك فى استورياس وهى مقاطعه فى الشمال ولكن يريد التعرف من شخص مصرى يقيم فى اسبانيا لانه تقريبا قرار يخص حياته باكملها

هي صحيح موديل تاني Toyota Tacoma ..... بس برضه T و لون روش طحن mf) :lol: الله ينور عليك يا دكتورنا المهم ابو سعد يكون ماشي معاه اللون. التويوتا Toyota Tundra بتفكرني بايام الجيش في 95 لما كنت في قاعده فايد الجويه كان الطيارين كلهم عندهم شبه العربيه دي (العجل الخلفي دبل) بس GMC اخر دلع علشان يتحركوا بيها في القاعده الجويه او ينزلوا بيها فايد او الاسماعيليه .... ايام :blink: :lol: . ياه انت رفيق سلاح بقه دلوقتى.. .انا برده مجند طبيب فى قاعدة فايد الجويه . ...وموش طايق بصراحه ..عايز اخلص بسرعه ... ياترى فاكر الايام دى والا موش عايز تفتكرها .. .طمنى عشان انا زهقان الفتره دى من الجيش اوى وحاسس انه موقف مستقبلى : بس على فكره يا دكتور precandaian الطيارين غيروا لهم العربيات دلوقتى والبركه فى المعونه الامريكيه

الى العزيز دكتور قناوى انا فى الحقيقه متابع باب كندا فى محاورات المصريين من كام شهر ومجهودكم يذكر فيشكر وجزاكم الله خيرا انا طبيب بشرى من الزقازيق عمرى 27 سنه وكام شهر وحاليا فى الجيش (حسبى الله ونعم الوكيل :) ) فى الحقيقه انا عايز اسال عن اقصر طرق الهجره واسرعها الى كندا (من خلال متابعتى انا شايف ان كيبك اسهل؟) انا اعزب وظروفى الماديه لا تسمح لى بالزواج الان او قريبا لذلك انا عايز اركز فى موضوع الهجره واستخرت ربنا وهدانى للطريق ده ان شاء الله انا دفعة اكتوبر 2006 يعنى انا سنتين خبره ماهى فرصى فى القبول؟ وهل كونى اعزب يقلل من الفرص؟ انتظر اجابتك بفارغ الصبر وجزاك الله الخير كله

عزيزى محمد ايجيبت انت متاكد انك 17 سنه بس؟ ههههههههههههههه...واضح ان فى فارق بين الاجيال انا اكبر منك بعشر سنين ... ولكنى افكر بالزواج( اقول الزواج للزواج وليس لشىء اخر ) من اجنبيه وحبذا لو كانت مسلمه ولكنها لو كانت مسيحيه ومهذبه جدا ومحترمه فلا مانع دافعى فى هذا انى تعرفت على فتاتين اجنبيتين ولله الحمد كانتا على اخلاق رائعه وشخصيات ممتازه وغيروا مفهومى جدا عن الاجنبيات ...ولكن لم يكن لى نصيب بالزواج من احداهن لظروف عائليه لكن الان ولله الحمد الظروف تغيرت اقولك ابعتلى الموقع على الخاص ويابخت من وفق راسين فى الحلال ههههههههه