mandoo

الحمد لله ربنا أكرمنا .... الحمد لله ربنا عوض صبرنا خير ... لك الحمد ياربى .... ويارب زيد فى فرحنا .... ده إحنا شعب غلبان وطيب قوى وبندور على الفرحة فى كومة الأحزان ... مبروووووك لمصر ولشعب مصر ولمنتخب مصر الكبيييير قوى والله وعملوها الرجالة .... والله وعملوها الرجالة ...... وربنا يحميك ياجدو ويبعد عنك الغرور

يابختك ياباشا .... فعلا جده غير .... تخيل ياعنبوا وصلنى كمية رسائل رهيبة .... الشعب المصرى ده مش ممكن ... أى حاجة تحصل تلاقى النكت نازله ترف ...وآخر نكته عملوا تحليل منشطات لحليش ... لقوا عنده ((( زييييداااااان )))) رايحة فين ياخضرا رايحة أتعلم كورة جايه منين ياخضرا جاية من أنجولا تخيل ياعنبوا بعد مابهدلناهم وعقدناهم .... يقولوا إننا إشترينا الحكم ... بالله عليك مش خيبة .... هو إحنا لاقيييين ناكل علشان ندفع رشوه .... وياسلام بقى لو لعيبة مصر سجلوا دستة أهداف ... ولا هى الرشوة كانت لأربعة أهداف ... مبروووك لمصر وعقبال النهائى .... مش عارف ليه مش متفائل بعد الفرحة الكبيرة دى .... ربنا يستر ... ولما نشوف يوم السبت الخضرا حتعمل إيه مع نيجيريا .... وسمعت إن روراوه حيحكم المباراة ....هههههه

إندلاع أعمال شغب وعنف فى مارسيليا وقوات الشرطة تعتقل الكثير منهم وتمنعهم من التجمع فى الشوارع .... وأرقصى ياخضرة .... لالالالا مش قادرة ون تو ثرى فيفا .... توووم أند جيرى ياسلام ياولاد لو كنا كسبنا 8 ولا 9

قبل المباراة كنت عاوز أكتب كلمتين بس مش عارف ماكنتش متفائل وبما إننا كسبنا هكتبهم واللى يحصل يحصل هنهز الملعب هزه هنوقع شورت بوعزة هنهز الملعب تانى هنخض كريم زيانى هنهزه كمان وكمان ونشل رابح سعدان هنهزه أكتر وأكتر ونشقلب صايفى وعنتر هنهزه بشويش بشويش ونذل رفيق حليش ونهزه مره مره ونرعب مجيد بوقره وحنمسك خط النص ونرقصهم على وحده ونص .... لكن مبروووووووك لمصر .... ومبروووووووك خرووووج متعب .... اللى كان حيشلنى بجد

أنا أول مره فى حياتى أشوف يافطة كبييييييرة مكتوب عليها إحترس من النشالين ..... ودى موجودة فى محطة القطار برمسيس .... حبيبى إنت ياياسر ... خليك مع الصعايدة أحسن

وجووووووووووووووووووول وجووووووووووووووول رجاااااله ولادك يابلادنا رجاله ورجاله انا كان نفسى اشترك معاكم بس المشكله فيه ناااااااس بعزهم فى المنتدى ده اسكندرانيه فيهزعلوا منى وبعدين انا مبحبش الظلم يعنى انا شايفكم مقطعين الناس يعنى ومافيش واحد فيهم برد بكلمه المهندس ماندو مشغول للاسف هو اللى كان ممكن يرجع للبلدى حقها والله ياعنبو ياحبيبى مشغول وحياتك مشغول ولآخر الإسبوع على طول ... بس نقول ايه ... مالقوش فى الورد عيب ... قالوله ياأحمر الخدين بس عاوز أقولك حاجه مهمة جدا ... دايما الفاشل بيحقد على الناجح .... موتوا بغيظكم ... أحلى شباب وأحلى بنات وأحلى مدينة إسكندرية ويكفينا فخرا ناس كتييير غنت للأسكندرية .. واللى مايعرفش إسكندرية يسمع http://www.youtube.com/watch?v=V1sEkR9DF_0 ويسمع دى كمان http://www.youtube.com/watch?v=9XiDD9igqUw...feature=related والفيدو ده لما شباب القاهرة يروح إسكندرية ... شوف الفضايح ... فرحانين وهما بياخدوا صورة على البحر ... http://www.youtube.com/watch?v=_qd2H_WrfiY...feature=related

إسمحيلى يادكتورة ... إنتى غلطانة وأخطأتى خطأ كبير فى حق أولادك ... كان لازم يكونوا مدخنين وبيشربوا بانجو ويشموا بودرة ولما تمنعى عنهم المصروف يشموا كله ... بيقولوا بتعمل دماغ عالية قوى ... وأهم من كل ده يتحرشوا بالبنات فى الشارع ... وتكون أخلاقهم سيئة .. يعنى مايمنعش إبنك الكبير يشيل سيف والصغير يشيل مطوة .. وتأكدى لو ولادك بهذا السوء الحكومة حتبقى فرحانة بيكى قوى ومش بعيد فى 21 مارس القادم تمنحك الأم المثالية ... هى دى بلدنا يادكتورة ولكن إن شاء الله ربنا حيزيح هذه الغمة ولا يصح إلا الصحيح ... بارك الله لك فى أولادك وجعلهم عونا لك فى حياتك ولكى أن تفخرى بهم وألا تؤثر هذه الأفعال الصبيانية من قبل المسئولين فى مسيرتك لهداية أولادك وأولاد من تحبين يارب ريحنا من خلقة هؤلاء المخربين الذين يتركون أرباب السوابق يمرحون فى البلد ويعاقبون ولاد الناس خالص تحياتى

الوزيرة دى مؤهلها واطى ... بس هى ست مكافحة ... وحصلت على الثانوية من منازلهم وبكده يبقى مؤهلها متوسط .... وعلشان هى ست عنيدة ومكافحة دخلت الجامعة وحصلت على مؤهل عالى .... ولكونها من أصحاب المهارات الخاصة حصلت على الماجستير ..... وناوية تدخل على الدكتوراه ... وبعدين مش كل واحد فينا كان بيبوس إيد أمه وأبوه وناس مننا كتيييييير كانت بتبوس رجليهم كمان .... وبعدين سوزان مبارك مش برده أم المصريييين ... يبقى عادى لما الست عيشة تبوس إيديها وتبوس التراب اللى بتمشى عليه ... أصل الست عيشة محرومة من عاطفة الأمومة وعاوزة تدخل الجنة ... مش عارف إحنا ليه الحقد مالى قلوبنا ... بطلوا نفسنه بقى وبلاش غيره ... ياساتر دنتوا شعب غرييييب :rolleyes:

سبحان الله .. الصورة دى خطيرة ... تشعر بأنه يوجد إعصار حول الكعبة أو شكل دوامة فى البحر .... مع العلم الناس اللى واقفة على محيط الدائرة تظهر ملامحهم ... سبحان الله شكرا لمن قام بنقل الصور ... وكل عام وأنتم بخير

قرار خاطئ ولا يمت للرياضة بصلة ولا يمت للسياسة بصلة ... وهذا يؤكد ويبرهن بأن المنظومة بكاملها فاشلة .. فلا أحد منهم يصلح لإدارة المنظومة الرياضية فى مصر ونفس الرأى على المنظومة السياسية الفاشلة وأضف إليهم المنظومة الإعلامية الفاشلة هى الأخرى بكل المقاييس والتى كانت أحد الأسباب الرئيسية فى إتساع الهوة بين شعبين شقيقين بل بين الشعوب العربية جميعها .. فنحن دائما نتكلم عن الماضى ونتمسك بما فعله أجدادنا وهكذا وصل بنا الحال أصبحنا شعب ليس له حاضر ولا حتى مستقبل وسبقنا العرب جميعا ونسيوا أو تناسوا ماقدمته مصر لهم من دماء شهدائها وقوت شعبها على مر العصور السابقة ... الحقيقة التى يجب أن نعرفها جيدا قليل الأصل لما ربنا يعطيه ويوسع عليه رزقه ويصبح فى يوم وليلة من أصحاب الملايين .. أول شئ بيفكر فيه إنه يتخلص ممن شهدوا على أيام فقره وذله وحوجته ... وهذا ماينطبق على الأمة العربية لأننا بمنتهى البساطة نعايرهم بماضيهم كلما سنحت لنا الفرصة ويتم الرد من قبلهم بمنتهى العنف والقصوة كلما سنحت لهم الفرصة .. لقد توغل الغل والحقد فى قلوبهم إلا من رحم ربى .. فلا تلومن إلا أنفسكم مع تشاؤمى من المستقبل لأنه سيكون أسوأ من الأيام التى نعيشها حاليا .... ولازالت الجزائر تلعبها بذكاء شديد .. أما نحن فلا حول ولا قوة لنا على غبائنا وقلة حيلتنا فى إتخاذ قرارات صارمة والأمثلة كثيرة يعلمها الدانى والقاصى ومنها على سبيل المثال التحرش الجنسى ببناتنا وفى الأماكن العامة .. فأين الحكومة ؟؟؟؟ وهل غابت القوانين الصارمة كالإعدام مثلا .. أم أن هناك من يبارك تلك الأفعال .... خالص تحياتى لكم جميعا

واحد بلدياتنا عمل 2 إيميل، واحد دوت كوم للشتاء وواحد نص كوم للصيف اربعه بلدياتنا بيلعبو علي الطريق السريع الي العربيه تخبطه مرتين يطلع بره واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها . دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض. أمه سألته: طيب مات ؟؟ ابوه رد عليها: ثلاث أيام لا يأكل ولا يشرب .. أكيد يموت واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور! واحد بلدياتنا وقع في خلاط الأسمنت طلع منه قال يخرب بيت الملاهي. مرة واحد بلدياتنا عرف ان الجلد موضة مشى عريان اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال التانى : كلنا لها رد الراجل : محدش واخد منها حاجة جماعة بلدياتنا عملوا أتوبيس بالعرض عشان يركبوا كلهم قدام واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله. واحد صعيدى اشترى لابنه اله حاسبه شال منها الصفر عشان ميتصلش دولى واحد صعيدى رايح يخطب واحده ابوها قاله البنت لسه بتدرس قاله يعنى ارجع بعد ساعه أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح من الناحية الأخري. 8 بلدياتنا مسافرين القاهره وبعدين عدو علي الموقف لقو عربيه بيجو واحده قال السواق بصو العربيه بتاخد 7 بس مقدرش اركب حد زياده فانتو نقو اكتر واحد صحه فيكم واربطوه ورا ويقضيها جري قالو يبجي مفيش غير حسنين يلا يا حسنين توكلنا علي الله المهم ماشي الراجل علي سرعه 40 كم في الساعه وبيبص لقي حسنين بيجري عادي ومش مقصر فيه السواق استغرب راح مزود السرعه بقت 80 كم في الساعه برضو حسنين بيجري ولا هامو السواق استغرب اكتر واكتر ايه اللي بيحصل دا راح عمنا السواق مقفل العداد المهم بيبص لقي حسنين بيجيب ميه وبيرمش بعنيه فبيقول لاصحابو الحقو صاحبكم جاب ميه قالو لا لا دا بيقلبلك نور علشان تعديه اختبار عامل قطار كان أحد الشباب في اختبار لاختيار عامل تشغيل الإشارة بالسكة الحديد ودار هذا الحوار ********** الممتحن: ماذا تفعل إذا وجدت قطارين مواجهان لبعضهما على نفس الخط؟ الشاب: سأحول خط سير أحدهما لخط آخر الممتحن: وماذا ستفعل إذا اكتشفت ان عصا التحويل مكسورة؟ الشاب: سأكلم محطة الإشارة التالية ليقومو بالتحويل من عندهم الممتحن: وماذا ستفعل إذا وجدت جهاز الإشارة تالفاً؟ الشاب: سأتصل بالطوارئ ليسارعوا لإنقاذ الموقف الممتحن: وماذا ستفعل إذا كان خط الطوارئ مشغولاً؟ الشاب: سأجري على قريتي وانادي أهلي كلهم استغرب الممتحن لهذه الإجابة وقال: ولماذا ستنادي أهلك؟ الشاب: لأن أهلي لم يشاهدوا حادث قطار من قبل واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها نقطة تصير اسم عالم ذرة أم التاني قله أنا غلب حماري آم الأول قله: الدولة هي قطر ولما تحط نقطة حتصير قطز أم التاني قاله هو قطز عالم ذرة؟؟؟؟؟ فرد عليه الأول يعني هي قطر دولة أوروبية؟؟؟؟ واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله سأله أيه الحكاية؟؟ فلما قاله رد عليه زميله ...ولا يهمك خذ البراشوت بتاعي وهات البراشوت بتاعك. نط صاحبنا وفتح البراشوات .أتفتح معاه شوية ولقى زميله نارل بسرعة وبيصرخ . الله يخرب بيت أمـــــــــــــــــــــــ ــــــــــــــــــــــــك قردين واحد حظه حلو و التانى حظه وحش قاعدين مع بعض فى الغابه وجعانين أوى فاللى حظه حلو بيقول للى حظه وحش أنا اعرف مكان شجرة موز وهم فى مزرعة واحد تعالى نروح ناكل منها قاله ماشى..لما وصلوا فاللى حظه حلو قال للى حظه وحش استنا انت هنا انا هاطلع اهزلك الشجره من فوق وانت لم الموز ماشى ,ماشى و طلع هز والموز وقع فالقرد اللى حظه وحش مسك أول موزه ولسه بيقشرها جه صاحب المزرعه راح ماسكه رازعه حتة علقه وهربوا ,,جم تانى يوم هايموتوا من الجوع قالوا مابدهاش بئه راحوا وطلع اللى حظه حلو فوق وهز الشجره واللى حظه وحش تحت مسك اول موزه جه صاحب المزرعه راح ماسكه مبهدله وهربوا جه تالت يوم قاعدين موحوحين قالوا ياروح مابعدك روح راحوا عالشجره فالمره دى اللى حظه وحش قال للى حظه حلو استنا انت هنا النهارده وانا هاطلع فوق ماشى,ماشى وطلع فعلا وجه صاحب المزرعة هو وابنه فابنه مسك اللى حظه حلو فابوه قاله لأ سيبه دانا ضربه يومين ورا بعض هاتلى ابن اللذين اللى فوق

شويه نكت إنما إيه لسه طالعين من الفرن ... يارب تعجبكم بلدياتنا حب يعمل روش كتب علي العمه اديداس بلدياتنا حب يخرج مراتو اخدها معاه في عربيه الاسعاف بتقولو اول مره تخرجني وتفسحني في عربيه اسعاف قاللها انتي تطولي الناس بتموت علشان تركب معايا واحد بلدياتنا حب ينتحر من الدور العاشر رمى نفسه من الخامس مرتين بلدياتنا فتح محل جواهرجى عمل أول يوم ببلاش بلدياتنا قاعدين بيمصو قصب صحيو ملقوش الشوم بتاعهم بلدياتنا سافر بره خمس سنين متواصلة لما رجع القاهرة لقاهم بيحتفلوا بسبوع إبنه بقى ماشي فرحان أوي ويقول موجودين بنخلف مش موجودين برضه بنخلف بلدياتنا راح أمريكا لقى الناس لابسين تي شيرتات مكتوب عليها بيبسي وكوكاكولا لما رجع البلد كتب على التي شيرت بتاعه عصير جصب الأمريكان والروس بيترسموا على بعض .... الأمريكان يقولوا إحنا أول ناس طلعنا القمر والروس يقولوا لا إحنا أول ناس طلعنا القمر ... بلدياتنا كان واقف إضايق أوي قالهم إنتوا لما طلعتوا القمر لقيتوا إيه هناك ؟؟؟ قالوله طوب ورمل وزلط قالهم إحنا اللي مطالعينه جماعة بلدياتنا سمعوا عن إختراع إسمه السيفون حبوا يعرفوا هو إيه بعتوا واحد منهم أمريكا لما رجع قالهم أما السيفون ده حتة إختراع يا رجاله تدوس على السيفون ويا تلحق تشرب يا متلحقش بلدياتنا مفتاح عربيته ضاع ميكانيكي جه فتحاله بطفاشة تاني يوم عمل نسخة من الطفاشة جماعه بلدياتنا فتحوا محل بيتزا سموه بيتزا هعععععععععع بلدياتنا حب واحدة إتجوز أختها علشان يضمن يشوفها كل يوم بلدياتنا خرج من الجيش ومعاهوش أي صنعة فتح كشك شرطة عسكرية بيسألوا واحد بلدياتنا بيقولوله المصري بنى الأهرامات والياباني بنى إيه ؟؟؟ قالهم بنى سونيك بلدياتنا إشترى كمبيوتر شال الفارة وحط جاموسة بلدياتنا عاوز يزور فلوس جاب ورقة بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله عايز أفك الورقة دي الراجل قاله الله يخرب بيتك زورتها إزاى وخد الورقة ومشي وإستغرب أوي إن الراجل عرف دي مزورة منين وقال أنا هآرجع البلد أفكها من هريدي ولد عمي راح لهريدي قاله والنبي ياهريدي فك لي الورقة دي قاله والله مفيش جنيهات تآخد ورجتين بتسعة بلدياتنا إتفرج على إعلان مارلبورو تاني يوم راح إشترى حصان بلدياتنا دايخ في كل محلات الموبايل ومش لاقي طلبه وراح شركة نوكيا برضه مش لاقي طلبه علشان عايز موبايل بقرص بلدياتنا إشتري عربية شبح طلع على الطريق السريع علشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة بلدياتنا بيعمل كشف نظر طلع نظره 6/6 فبيقول لصاحبه أنا كنت ممكن أجيب أكتر من كده بس الدكتور اللي لخبطني بلدياتنا صغير بيسأل أبوه بيقوله ليه ربنا خلق لنا الودان قاله علشان نعرف العمة هتجف لحد فين بلدياتنا واقف قدامه 5 شياطين 1 بيوسوسله و 4 بيفهموه مدرس حشاش كان بيعلم التلاميذ في الفصل ج ضمة ج جوزة .... ح فتحة ح حشيش ... ب فتحة باء بانجو 3 بيحششوا في متحف برونز حصل كبسة الثلاثة عملوا تماثيل أول واحد الضابط ضربه بالقلم قال أي الضابط خده تاني واحد الضابط ضربه بالقلم قال أي الضابط خده ثالث واحد الضابط بيضربه بالقلم راح قايل تنننننننننن مسطول إتصل بنمرة قالهم محمود موجود قالوله لأ النمرة غلط قالهم مادام النمرة غلط بتردوا ليه اتنين مساطيل دخلوا متحف لقوا هيكل عظمي مكتوب عليه 1600ق .م فواحد بيسأل الثاني إيه 1600 ق.م دي ؟؟؟ قاله تلاقيها رقم العربية اللي خبطته مسطول ماشي لقي زحمة جامدة أوي فبيسأل فيه إيه ؟؟؟ قالوله دول بتوع الأرصاد بيشوفوا هلال رمضان فالمسطول طلع وقف معاهم وهم مش لاقيين الهلال فالمسطول بيبص كده لقي الهلال راح قايلهم أهه الهلال أهه إنبسطوا منه أوي وإدوله 10 جنيه فرح أوي راح باصص الناحية التانية هلال تاني اهه مسطول مروح بيتو متاخر مراتو سألته كنت فين يا سوبر مان قاللها في مشوار يا وليه قالتلو بقولك كنت فين يا سوبر مان قاللها يا وليه في مشوار وايه سوبر مان دي قالتلو اصل محدش بيلبس اللباس علي البنلطلون الا سوبر مان

أولا حجا مبرورا وذنبا مغفورا إن شاء الله لك ولجميع من وقف بعرفات وكل عام وأنت بخير وصحة وسعادة ثانيا ربنا يجازيك خيرا على ماتقوم به لصالح شبابنا المسلم وأدعوا الله أن يحفظ شباب الأمة الإسلامية من الهجمة الشرسة للمواقع الإباحية والتى تبثها دول الغرب لتدمير شبابنا المسلم ... تقبل تحياتى

الأخوة والأخوات .... بعد فترة إنقطاع عن المنتدى لظروف العمل .. وحشتونى وحشتونى وكل عام وانتم جميعا بخير رقم محمول الريس (يالله الحق اتصل واطلب اللى نفسك فيه) -------------------------------------------------------------------------------- رقم محمول الريس !! ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!! فرحة كبيرة ... إنتابت الجميع .... كان أمل الجميع ..شرف مكالمة الرئيس ....وعرض مشكلته عليه ... !! حتي الأطفال ... أحبوا أن يكلموا ..عمو الريس ..... رقم محمول ... الرئيس ..!! أشارت مجموعة من خبراء العلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تراجع مستمر .... وافق الرئيس علي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه ....رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... وبمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها : ((إتصل برقم الرئيس ..وإنت وأهلك هاتهيص .... )) ((إتصل بالرئيس ... يكون لك خير ونيس ....)) ولم تنس الدعاية المرأة في هذه الحملة فكان منها ما يقول : (( إتصلي بالرئيس .... وبكره يجيبلك العريس .... )) وكان للأطفال أمل الغد أيضاً نصيب فكتبت لهم إعلانات تقول : (( كلموا عمو الريس .... قبل ما يموت ويفيص )) هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية .... وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية : آآآلو الريس فين ... الريس هنا ...هنا هو ... أقولوا مين بيكلموا ... وذلك لأن هذه الأغنية سهلة وتوحي أن الرئيس قريب ومتواصل مع شعبه ... وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ... وأخيرا جاءت ساعة الصفر .... وبدأت الخدمة ... وتلقي الرئيس عدة مكالمات : المكالمة الأولي : - ألو .... - أيوا ... - إنت الريس ... - أيوا يا حبيبي ... إيه مشكلتك .... - أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ... - بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!! - شكراً ياريس ..ربنا يخليك لنا ويخليك للوطن ... المكالمة الثانية : - ألو - أيوااا - الريس معايا شخصياً - أيوااا ... قول يا مواطن ... إيه مشكلتك ... - أنا ياريس وغيري ملايين ساكنين في المقابر وتحت الكباري وفي عشش في ال ... - أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ... - فاهم فاهم يا ريس ... - كمل يا مواطن ... - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون... - واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة .. إنت عارف إن الدين بيأمرنا بزيارتها للموعظة والإعتبار من وقت للتاني عشان نعرف أنها دنيا فانية ... وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !! - طب ما تيجي ياريس تتعظ عندنا شوية ... - إخرس ... يا ..(....) دببببب ... وتم غلق الخط ... المكالمة الثالثة : - ألو .... - أيوااااااا - الريس حبيبنا معانا .... - أيوه أيوه كده ....إيه مشكلتك يا حبيبي ...؟؟ - أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ... - أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ... - ياريس عايز أكون نفسي ... - ما تكونها يا حبيبي حد حايشك ...؟!! - أكونها إزاي من غير شغل ..؟؟ - إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ... دبببب ...وتم غلق الخط .... المكالمة الرابعة ... - ألو ..صباح الخير ياريسنا يا جميل ... - ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ... - أنا يا ريس وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما .... - هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده .... - ياريس ... نفسي أحب وأتحب .... - يا مواطنة ... حب الوطن كفاية عليكي .... - يعني أتجوز الوطن وأجيب منه عيال ..!!! - يوووه ... إنت مش عجبك كلامي طيب ... دبببب .. وإنتهت المكالمة .... منقــــــــــــــــــــــ ـووول

النهارده فى جريدة أهرام اليوم جاء الخبر التالى بالصفحة الأولى الغول يضرب نائبا لمطالبته بإقالة وزير النقل اشتبك عبدالرحيم الغول رئيس لجنة الزراعة بمجلس الشعب مع النائب محمود مجاهد بالأيدي وحاول الاعتداء عليه بالضرب وشتمه قائلا انت قليل الأدب‏,‏ وذلك عندما طالب مجاهد بإقالة وزير النقل‏.‏ السؤال .... لماذا يدافع هذا الغول عن الوزير ؟ هل هناك مصالح مشتركة ؟ وإذا كان هذا الغول يمثل دائرته التى إنتخبته ليكون عضوا فاسدا فى مجلس الشعب فأعتقد أنه يجب على أهالى هذه الدائرة القيام بحرق هذا الغول ... لأنه ببساطة وصمة عار عليهم وعلى المجتمع ....( الله يرحم صدام حسين لما كان وزير بيغلط كان بيضربه بالرصاص وسواء كان صدام ظالما أم مظلوما .. لكن أعتقد منطقه كان صحيح ... ) أما بخصوص رد فعل الريس بقبول الإستقالة فهل لشعورهم بأن الغضب الشعبى بدأ يتحرك من الفريزر ووصل الى الصفر المئوى والترموميتر فى تصاعد ؟ أم أنها مناورة من ألاعيب شيحة وكما حدث مع يوسف والى وغيرهم ... بصراحة إحنا كشعب مصرى نستاهل يجرالنا أكتر من كده ...