mekkawy

السلام عليكم يا إخواننا ريحوا نفسكم .. أصلاً لو محمد صلى الله عليه و سلم نزل و قالهم حقيقة اللي حصل بردو هيردوا و يقولوا أصل السلفيين ولاد التيييت هم السبب الأستاذ كاتب الموضوع لازم يزج باسم السلفيين بأي شكل و خلاص تدخل أخت تقولك و السلفيين ليه يحرقوا و يولعوا و مش واخدة بالها إن السلفيين هم اللي بيحموا و هم اللي أصيبوا في المستشفيات .. (و الله هأموت يا من الضحك يا من الفرسة) نجيب فيديو رسمي عن متحدث رسمي للحزب السلفي يقولك طب و المذيعة بأة صوابعها باينة .. بغض النظر باة عن الكلام اللي في الفيديو اللي بوظ يا عيني الموضوع من أصله و وضح الحقيقة و الراجل مصور الكلام فيديو بس تقول ايه بأة تجيب فيديو للجنة حقوق الانسان في المجلس و على رأسها سلفيين بينكروا و يرفضوا تنفيذ قرار المجلس العرفي .. يقولك دول بيتفضلوا و يمنوا علينا غنوا غنوا و ردوا على بعض .. افترااااااااااااء و كل واحد حسابه عن ربنا .. لو السلفيين مجرمين زي ما بتقولوا فعليهم من الله ما يتسحقوا و لو بتفتروا عليهم و ثبت ظلمكم ليهم فعليكم من الله ما تستحقوا .. بيس؟

عملت ايه بس يا ميكو .. بتقولك شرخ في اليد وتجمع دموي وقميص النوم تخيل اقصي حاجة الست ممكن تعملها في جوزها وشوف رد الفعل المناسب ليها هيكون ايه ده حيوان في شكل انسان .... مهما الست عملت فيه عمر ما يكون ده تصرف او رد فعل ابدا من اي راجل على فكرة دي المرة دي يعتبر ما ضربهاش ومسك نفسه وايه يعني تجمع دموي في العين ده حاجة بسيطة وحتروح ده كان قبل كده اداها بوكس في عينيها و منظرها اتشوه يجي شهر كده و عشان ما نظلمش ما طلعش شرخ راحت المستشفى امبارح و الدكتور قال لها تمزق في وتر الأصبع الخنصر و كلها أسبوعين و تبقى كويسة :closedeyes: تعليق السيدة الأخرى احمدي ربنا ده قريبتي حصل لها قطع بقى مش تمزق و عملت عمليات و كانت حكاية دي ساعة شيطان يا حبيبتي ماتفرحيش الشيطان فيكم البصة في وش ولادك بالدنيا و ما فيها :blink: سؤالي هوحد مفروس زيي من الردود دي والا انا لوحدي اللي حانشل ؟؟؟ لا حضرتك كلنا هننشل .. زي ما قال ماجد ده مش راجل انا مش متخيل راجل يمد ايده على واحدة ست عامة و على اهل بيته خاصة مش متخيل لو دي بنتي أو أختي هأعمل فيه ايه .. أقل واجب هأقتله و بعدين نتفاهم الواحد له سنين متجوز ميفتكرش اصلاً انه زعق في زوجته فضلاً عن الضرب و الشتيمة و قلة الأدب دول اشباه رجال ليس الا و انا عندي مبدأ لا لأنصاف الحلول .. يا عيشة محترمة يا بلاش .. بــــــــس كدة بدون اي اعتبارات و الأبناء لا هم أول ولا اخر ابناء يعيشوا بين زوجين منفصلين

الباشا وزير الداخلية في اجتماع مهم .. يا جماعة اجتماع مهم بأة و خلاص اللي مات يستنى و اللي اتخطف يتنيل و المصاب يصبر شوية الباشا في اجتماع مهم يا جماعة

اسف .. دكتور في مستشفى ببورسعيد: الوفيات حوالي 51 حالة و إنا لله و إنا إليه راجعون

رسمياً عن وزارة الصحة و نقلاً عن قناة الأهلي: 40 قتيل و 70 مصاب و أظن أنه لا يزال العدد قابل للزيادة

و الله العظيم أقل واجب محاكمة عاجلة لكل من: الكلب المحافظ الكلب مدير الأمن الكلب وزير الداخلية و إستقالة فورية للحكومة الفاشلة و الشعب باة منه لمجلس العار و الشنار

وزير الداخلية ... ما بيردش محافظ بورسعيد ... ما بيردش مدير الأمن ...... ما بيردش كلااااااااااااااااب و الله ثورة ثورة و مالهاش غير كدة

توقف مباراة الاسماعيلي و الزمالك على أمل الغائها تضامناً مع ما يحدث في بورسعيد نادر السيد: أنباء عن 38 حالة وفاة :(:(:(:(

كلام تيمور صحيح هي عملت ايه عشان يعمل معاها كدة ؟ نجاوب السؤال و بعدين نقول تنفصل ولا لأ مع إن هو له حساب تاني خاااااااالص عشان كدة حرام ولا يلمسها أصلاً

طب يعني كدة هم هينتقموا من كل الشعب باة .. يسقط يسقط حكم العسكر يا إما هتسقط مصر كلها و نخلص بأة بلا قرف

أنباء عن سبعة قتلى حتى الأن .. من على قناة الأهلي سيرش لا أمن

مش عارف ليه حاسس بآية من كتاب الله .. و لن ترضى عنك .. أخ مش قادر أكمل .. دي الآية بتقول اليهود ولا النصارى .. و للأسف اللي مش راضيين مسلمين زينا زيهم .. أنا لا أشبه عشان محدش يجي يقولي انت بتكفرنا يا جماعة في ايـــــــــــه .. خلاص ما بقيناش نعرف نقول شكراً ؟؟؟ ناس بتحللنا أزمة إن شاء الله حتى يكونوا يهود الأدب الفطري للإنسان بيقول نقولهم شكراً مش نقول جابوها منين و الأخ زعبلة اللي كان هيموتني من الضحك .. قال ايه النظام (و هو اصلاً فيه نظام) سقع الانابيب و راح مديها للإخوان عشان يلمعهم .. طب هأفوق من الضحك و أرد عليك حتى لو ده اللي حاصل يبقى الاخوان دول برنــــــس و برنس كبيرأوي كمان إنهم قدروا يكسبوا النظام بعد عدواة استمرت 60 سنة مش 30 بس .. و علشان كدة احنا اخترنااااااااهم ههههههههه اكمل ضحك بأة

نائب بمجلس الشعب يرفع لافتة كتب عليها "شهداء الثورة .. شكرا، لن نبيع دماءكم" راح رئيس الجلسة معنفه و مقعده و سقف باقي الأعضاء و ضحك الجميع و ساد الحب و التعاون بين السادة النواب

يا أستاذ مكاوي لو رحت مطعم ولقيت واحد بيأكل ضفادع ، مش من الذوق أنك تقو " إخيه .... بتأكل ضفادع ... ده انت انسان مقرف " اخذت بالك أنا أقصد إيه؟ انت مش عايز تهنئ المسيحيين بالعيد بتاعهم ، مفيش مشكلة ومحدش حيضربك على إيدك ، لكن مش لازم تجيب ميكرفون وتقف على تلة عالية وتقول الكلام وتنادي بعدم تهنئتهم لأنهم كفار ومشركين . المشكلة انك لما تجهر بكده فأنت تبث الفرقة وهو مالا يصح. ولو الموضوع بيحصل من ناس عاديين ، مفيش مشكلة ، لكن لما يحصل من ناس المفروض انها ستنوب عن المسيحيين في أمور التشريع وإدارة البلاد فهنا تكمن المشكلة. صباح الحرية يا أستاذ مكاوي ... مش ترقية على فكرة. استاذ محمد صباح الخير أولاً بأشكر ليك هدوئك في الرد و امتصاصك لغضبي .. فشكراً واضح اننا متفقين في نقطة و مختلفين في نقطة .. متفقين في الامتناع عن التهنئة و احترام لرأي حزب النور و أتباعه .. لكن معترض على إنه صرحوا بإن هذا كفر و مخالف للعقيدة الاسلامية .. طب و هو يا استاذنا أليس الشرك بالله مخالف للعقيدة الاسلامية .. و زيما حضرتك قلا لأنه مش من ناس عادية ده من حزب سياسي فكان لابد من ابداء أسباب .. و هذ دي ببساطة الأسباب إن الأمر مخالف للعقيدة الاسلامية و أي مسلم فطرته سليمة لازميكون فاهم إن ده مخالف للعقيدة الاسلامية و لا نعمل بأة زي الأخ بتاع حزب الكتلة اللي فخور أوي بإن البابا صلب على راسه .. و اسمه محمد و الله خسارة فيه الاسم .. ده اللي بنقوله يا فندم إن بحضور مواطن الشرك بالله بتتورط في أعمال شركية بدون ما تشعر .. ما اقصدش الاستاذ محمد حضرتك .. اي بني ادم قد يتورط في الشرك سواء كان أكبرأو أصغر .. فكان لزاماً على حزب النور و المشايخ و كل عاقل أن يحذر المسلمين من الأمر ده و يوضحه ليهم .. و زي ما قلت لأستاذ اسلام .. أبر و أقسط و أشيل المسيحي على راسي من فوق و أحميه في كنيسته كمان و هو بيتعبد .. إنما أدخل و أشاركه و أهنيه على شركه بالله لأ .. اسف .. قلبي مش بالعها من غير ولا شيخ و من قبل ما ألتزم اصلاً ولا اعرف إن فيه حاجة اسمها سلفية. أنا مش مولود سلفي يا استاذ محمد .. انا كنت عادي جداً و تلفان كمان لوقت قريب (مش تلفان أوي يعني) بس لا كنت أعرف أبيض ولا أسود كبير كنت بأصوم رمضان و أصلي الفروض و مكنتش بأبلعها بردو رغم إن كان ليا صحاب مسيحين في الكلية و الجيرة. و الله الموضوع بسيط بس احنا اللي متشنجين شوية ليس الا .. اقصد بإحنا كلنا