Ahmed Anwer

مأنا بقول لحضرتك أيوون حزب النور هيحارب حزب الوطن و الأخوان لأنهم تأمروا عليه

آخر أخبار الدجال ، الأخوان هم سبب تدمير حزب النور ، و حزب النور مستحلف للأخوان الإنتخابات الجاية و بالتعاون مع حازم ابو اسماعيل و مجموعة حزب الوطن ، و حازم ابو اسماعيل حاليا علي تنسيق كاااامل مع خيرت الشاطر و. هينسقوا مع الأخوان علي أعلي مستوي في الإنتخابات القادمة بدون تحالف كامل معلن لأن ده هيخسرهم جمهور الإثنين و يكشفهم أبو اسماعيل يأكل علي كل الموائد

اللي كان في حواره مع وائل الإبراشي مكنشي تعريض :) ده قال كلمته في التليفون ،

الإستقرار السياسي لن يأتي إلا ببرلمان متوازن مفهوش أغلبية من تيار واحد عشان الناس تهدي و تحس إن فيه أمل

أنا شخصيا في إنهيار إقتصادي و دي أول مرة أحس بيها من بعد الثورة الناس مبتشتريش !! و بعض اللي اشتروا عايزين يرجعوا الأوردر أو مش عايزين يستلموا أنا عايش من التقطيع من لحمي الحي :( و ناس كثير زيي كده

راجل محترم ، بإختصار زي ما بتقولوا بيقول شوية كلام عام ميختلفشي عليه اثنين تيجي للحلول التفصيلية تلاقيها رايحة منه و بيتكلم في الملكوت أما أسطورة رؤيته ، في رأيي هوا زي عمر عفيفي كده يقول مليون حاجة عكس بعض و بعد كام شهر لما تحصل حاجة وحشة دراويشه يشوفوا أي حاجة قالها من اللي قال عكسها في حتة تانية و يقولك شوفتم كلامه كان صح إزاي ؟ ده غير كارثة إن أسوأ ثلاث فصائل في مصر من ناحية عقلية الإتباع و التبرير الأعمي حازمون - الأخوان - البرادعاوية

لا ،،، لأنه يؤسس لدولة القوات المسلحة المستقلة ، في وضع لا مثيل له سوي في تركيا و باكستان و أسوأ من دستور 81 ، 71 ، 54 و استمرار المحاكمات العسكرية للمدنيين ، و اشتراط وزير الدفاع ( ضابط ) و هوا منصب سياسي في الأساس و ما رفضناه في وثيقة السلمي لن نقبله في دستور دائم و إلا نكون منافقين لأنه لا فلسفة من استمرار مجلس الشوري ، حيث أن الغرف البرلمانية الثنائية توجد في الدول الفيدرالية لضمان أن لا تجور السلطة الفيدرالية علي ولاية من الولايات و استمرار وجوده يهدد بكساد برلماني فقد يكون عندنا برلمانين بحزبين أغلبية و الدور الإستشاري لمجلس الشوري في كل العالم يلعبه مراكز الأبحاث و المجالس المتخصصة ( تكنوقراط ) لا لأن رأس السلطة التنفيذية هوا من يختار رؤساء الأجهزة الرقابية ، يختار من يراقبونه !! لا لأنه دستور يعطي وضع خاص لمؤسستين فقط المؤسسة العسكرية و الأزهر مما يهدد بتسيس الأزهر و تصبح لجنة كبار العلماء هدف للسياسيين لا لأن مواد العدالة الإجتماعية فضفاضة حتي الحد الأقصي للأجور أعطي إمكانية استثنائه بقانون ده اللي من الذاكرة دلوقتي

مش معني إنك رئيس منتخب تقتل الشعب و متتحاسبشي !! الكرة مازالت في رجل مرسي لو مش قادر علي تطهير الداخلية علي الأقل يمنعهم يقتلوا الناس حتي لو شغب متضرب في رجلهم يا أخي !! ده بفرض إن مفيش حلول غير ضرب النار أو مسموح بيه أصلا !! لمرسي و جماعته أسهل طريقة لإنهاء حكمكم تلويث يدكم بالدم من يقتل شعبه يفقد شرعيته

متقبل التبرير إن #مرسي مش مسئول عن فساد 30 سنة لكن ما لا أتقبله أن لا يكون هناك خطة عاجلة بمدد زمنية لإصلاح منظومة نزيف الدم علي الطرق

ربنا يسامحكم !!! النوعية دي من المعارضة هيا اللي بتعمل للأخوان ، إطلاق شائعات ساذجة ، التربص بكل قرار و كل كلمة و حملها علي الجانب الأسوأ :( و بيستغلوا هما الكلام ده تمام لصالحهم سواء من ناحية الناجحين اللي بيتحاربوا أو حتي حرب نفسية إنهم الجامدين اللي بيعرفوا و بيعملوا كل حاجة في الدنيا و أحب أقول كلمة كابتن صالح سليم عن الأهلي و تنفع نقولها عن الأخوان ، الأهلي أعووور وسط العميان بالضبط كده الأخوان زفت و معارضتهم زفتين !!

عشان بس منختزلشي الخلاف في قوي مدنية و قوي جماعات دينية إلغاء الشوري - وضع المؤسسة العسكرية تحت رقابة السلطة المنتخبة - النظام البرلماني المختلط حاجات مالهاش أي علاقة بالمدنية و الإسلامية الدستور القادم لا يحقق الحد الأدني من طموحات شعب ثائر

كان فيه واحد بيقولي في أمريكا مثلا 30٪ بيصوتوا للجمهوريين أوتوماتيك ، 30٪ بيصوتوا للديمقراطيين أوتوماتيك ، و الباقي أغلبية متذبذبة بتصوت كل انتخابات بشكل و هيا اللي بتحسمها و في مصر قريت دراسة أبحاث من ناحية فكرية بتقول 12٪ من المصريين يؤمنون بالدين كمرجعية أساسية للدولة و السياسة 12٪ يؤمنون بفصل الدين عن الدولة تماما الباقي يؤمن بأن الدين يجب أن يتدخل في الدولة بشكل ما يعني مش أغلبية ساحقة زي ما آحنا متخيلين لكن لو تسألني علي توقعاتي الشخصية زي ما قال أبو الفتوح في لقاء من يومين الأخوان هيحصلوا علي 20٪ بدون دعم الرئيس 40٪ بدعم الرئيس أنا مش فاهم يقصد آيه بدعم الرئيس ، اللي أقصده اللي هوا أدائه الجيد فقط و لا قصده دعم مباشر عموما بأي حال لن تقل نسبتهم عن 20٪ بحكم آلاتهم الإنتخابية و قواعدهم الملتزمة و مش هيزيدوا عن 40٪ ، هما أساسا في الإنتخابات السابقة و كانت صورتهم أفضل بمراحل + مفيش منافسين بقوة حزب الدستور و مع تحالف مع أحزاب آخري جابوا تقريبا 46٪ فمش بنتكلم عن أرقام بعيدة حلمي الشخصي بعيد المنال ، إنهم و السلفيين ميعدوش 50٪ العبرة كلها في السلفيين !! السلفيين كانوا مفاجأة الإنتخابات البرلمانية و حزب النور ضعف جدا بس هل كتلته هتتوحه أوتوماتيك للأخوان و لا لو أبو اسماعيل عمل حزب هيأكل التورتة و يأكل منهم

لو كان من شهرين كده كنت أقولك كلامك غلط وقت الإطاحة بطنطاوي و عنان ، كانت شعبية مرسي في السما المشكلة إن الدنيا مش كده ، الناس مش مصنفة بالدقة دي بالعكس الأغلبية الصامتة هيا الكتلة الأكبر و متذبذبة بشكل لا تتخيله و بإمكانها حسم أي إنتخابات حصاد إنتخابات الرئاسة كان نتيجة مباشرة لأداء البرلمان المحلول و أتوقع حصاد الإنتخابات القادمة نتيجة مباشرة لأداء مرسي اللي هوا حاليا في وجهة نظري و من ملاحظتي لإنطباعات الناس في إنحدار غير مسبوق يبقي مشكلة آخري ، إنتخابات الرئاسة حاجة و إنتخابات البرلمان حاجة تانية خاااالص ، الرئاسة حملة مركزية و كادر واحد البرلمان حملة لا نركزية و كوادر في كل دائرة بمعني آخر ممكن تحليلك لإتجاهات الناس يكون صح بس ميتحققشي في إنتخابات البرلمان لعوامل لوجيستية ، اللي هيا وجود كوادر ليها شعبية للتيارات المختلفة في كل دائرة

النهاردة أبو اسماعيل كذب تاني !!! كان في برنامجه الإنتخابي و في كل لقاءته لما كان مرشح بيتكلم عن تطبيق الشريعة بالتدريج و علي مهل آلخ آيه العشرة بلدي و شغل الألبندا دي اللي نازل يعملها دي !!! في وجهة نظري أمثاله من المفلسين لازم يثيروا معركة وهمية عشان يدغدوا عواطف الناس و يفضلوا في الصورة

أنا منسجم جدا من استخدام كي بورد التاتش للآي باد و حجمه مناسب جدا للإستخدام و لما اشتريت الآي باد كنت مخطط اشتريله كي بورد و لغيت الفكرة تماما