مصرية الهوى

يااااااااااااااه .. فكرتوني بأيام النت الجميل سمبا .. أبو عمار .. architect شرف الدين مصرية مغتربة ozoozo تيته فلانة ... أشواقي الحااااااارة لك يا أحلى تيته :) أستاذنا الفاضل أسد سي السيد بيه ... الساري .. مدام سلوى الفاضلة مسافر زاده الخيال أم زيد تحياااااااااتي لكم جميعا..... طبعا أنا سافرت يوم الأحد 23 يناير لأن زوجي كان عنده عمل .. رحنا أول يومين للأسكندرية كان الجو جدا راااااااايق ووممتع بعدين نزلنا القاهرة يوم المظاهرات 25 كانت أغلب الطرق مسدودة اتفسحنا الثلاثاء والاربعاء والخميس البلد مولعة واحنا نتفسح wst:: يوم صار يوم الجمعة جلسنا الظهر على اساس ان المظاهرات بتكون بعد صلاة الجمعة وبعدين كل واحد يرجع بيته بس اتفاجأنا بحظر التجول الصراحة حسينا برررررعب وخفت على أولادي وبالليل كنا نسمع إطلاق نار احنا كنا ساكنين في اطلس الزمالك والحمد لله ارتحنا بعد مانزل الجيش للشوراع مع ان منظر الدبابات كان جدا مخيف وطبعا أهلنا في السعودية كانوا جدا قلقييييييييين وحاولنا ندور حجز بس مالقينا وخفنا زياااادة بعد ما انقطعت الاتصالات والنت نزلت السبت للسوبر ماركت اللي تحت بصراحة خفت لما لقيت محل البيتزا متكسر والصراف ومحل صرافة بالليل شفنا شباب اللجان الشعبية تحت يحرسون الشوارع ويوم الاحد الصبح رحنا للماريوت لانه كان فيه السفارة السعودية واخذونا للمطار بصراحة تخيلت يوم القيامة أمة لا إله الا الله زحمممممة موووووووووت كله خد ديله في اسنانه وطاااار وجلسنا في المطار تقريبا 16 ساعة ووصلنا الرياض على آذان الفجر كان أحلى آذان سمعته بحياتي أحس إني ولدت من جديد الحمد لله والله الأماااااااان نعمة عظييييييييييمة لايحس بقيمتها الا من فقدها بس بصراحة ما شبعنا من مصررررر ما اتمشينا ع النيل ولا ركبنا مركب ولا رحنا الحسين وكنت مجهزة جدول حااااااااااافل بس قدر الله وماشاء فعل ........ وملحووقة إن شاء الله والحمد لله على سلامتنا صار في حياتنا شيء مهم حضرنا ثورة 25 يناير :waving:

السلام عليكم ورحمة الله وبركاته وحشتني المحاورات جدا ياترى لسه فاكريني !! مبروك لشعب مصر .. اسأل الله ان يهيئ لكم من أمركم رشدا على فكرة كنت في مصر يوم جمعة الغضب ورجعت مترحلة :sad:

أخو صديقتي

محمد عادل ميرسي هابقى ابلبع من بلبع :lol: أنا زعلانة منكو انا حاسه انكو ( مطفتوش ناري وبردتوا تاري )

واحد تاني ..ميرسي اوي ع اللينك هواللي كنت بدور عليه .......... الساهر .. ميرسي .. انا كنت بسأل على منطقة الدبلوماسيين قريبة من الفورسيزون .. تقريبا لقينا شقة في عمارة هناك ؟؟وعايزاكو تقولولي عن المنطقة هناك .. والاماكن السياحيةالقريبة منها ..... ياريت والله تبعت الارقام اكون لك شاكرة ....... تيته فولااااااااااااااانة وحشاااااااااااااااااااااااااااااااااااني يا تيته والله .. بجد بجدبجد عايزة اشوفك لما ننزل وتبقى تشوفى حفيدك مش بيقولوا اغلى من الولد ولد الولد طب قوليلي يا تيته على اماكن حلوة كنتي بتروحيها انتي وجدو ايام التلاتينات :lol: عشان نعيد الذكريات بقى ... هبه ياحبيبتي معليش والله مخدتش بالي فاكراكي حتى بالأمارة كنتي بتسألي عن عملية الليزك واختفيتي بعدها :lol: يارب متكونش الذاكرة خانتني الباشمهندس ياسر شكرا حديقةالازهروالمقطم من ضمن الجدول ان شاء الله ....... محمدافندي شكرا كثيرا ....... عطر الجنةميرسي والله فكرتني عشان اعمل حساب لوالجو برد .....

الله عليك يا زهيري جبت المفيد .. طب تصدق بالله رحنا بولاق والسيدة عيشة وحتت زي كده بس كنت مستمتعة جدا جدا لاني دي مصر اللي كنت عايزه اشوفها ... والجحش ده بجد نفسي اجربه مع ان زوجي هيرفض لانه من النوع الغير مغامر ابدا .... مدام انك مبلبط في الزمالك ما تشوف لنا شقة على النيل والله نفسي اسكن في الزمالك عايزة اشوف الزمالك اللي مدوخة المصريين ... ميرسي اوي يا سوسو ربنا يخليكي .... تقريبا رحت اغلب المولات رحت سيتي ستارز وجنينه مول والعقاد مول ... ورحنا كرداسة سوق شعبي كان ظريف جدا .. وفيه جلابيات روعة ... هأبقى أروح إنشاء الله الأماكن اللي قلتيها ... نفسي تقولوا لي عن بوتيكات راقية تكون بضاعتها أوروبية وحبذا لو ملابس أطفال ...... أحمد سيف متشكرة اوي ... سؤال مدينة الانتاج الاعلامي وين تقع ؟؟ إن شاء الله ناويين نروح لها .... هأقولكو الحتت اللي رحتها عشان تقولوا حاجه تانية رحت القلعة وحديقة الأزهر ومتاحف عابدين المتحف المصري ومتحف احمد شوقي ودريم بارك .. وتمشينا في وسط البلد وركبنا مركب في النيل .. ورحنا الحسين وخان الخليلي والأزهر رحنا حديقة الحيوان بس كانت مش ولابد الصراحة .. قولوا اماكن ثانية .. انا مخططة نروح جزر في النيل نفسي اشوف جزيرة الوراق والقناطر ... مخططة كمان نروح المكان اللي فيه جامع عمرو بن العاص وكنائس مدري وش اسمه ؟ ونفسي اروح المقطم .. جنينة الاسماك ... مدينة الانتاج .. وفي الاسكندرية قلعة قايتباي ومكتبة الاسكندرية قصر المنتزة .. زنقة الستات وايه تاني ؟؟؟ س س .. معليش والله الدنيا تلاهي .. بسم الله ماشاء الله ده عبد الرحمن اللي عندي موريني النجوم في عز الظهر .. ربنا يهديهم .... ميرسي ما انا مذاكره اللينك ده اوي وحافظاه هات الامتحان والله يا س س لو تعرف سواق ابن حلال ياريت تديني نمرته ؟؟؟ أهلا بيكي يا لولا .. ماتقولي حاجه كده اروح لها إن شاء الله محل عصير القصب اللي ع الناصية :wub: والله يا سهل جدا بأحس مصر القاهرة والقاهرة هي مصر .. منفسيش خااالص اروح شرم والغردقة مش عارفة لم اشعر بأي انجذاب نحوها ... الله عليكي يا ريمو كفيتي ووفيتي ميرسي هأسجل كل حاجه عندي إن شاء الله .. طب سؤاال كم تبعد مرسى مطروح عن الاسكندرية ؟؟؟ ssmaly شكرا جزيلا ..بس بلاش حكاية الرقص الشرقي يا عم ماشي :D طب مقولتوليش ايه رأيكم في منطقة الدبلوماسيين ؟؟؟؟ وهل صحيح لو حجزت في الفندق عن طريق شركة سياحية بيكون أرخص ؟؟؟؟ حد يساعدني ياجماعة انا فاكرة موضوع عن دهاليز القاهرة قدييييم جدا مش عارفة الاقيه !!!

احم احم يا أهل الله ياللي هنا :winner: ... وحشتوووووووني .... بعدد الأيام التي غبت فيها عن هذا المنتدى الرائع .. الذي أحمل له في قلبي حباً جماً :wub: .... كانت أيام ..... نخش في الموضوع من فترة خططنا أنا وزوجي ننزل مصر اسبوعين كده نتفسح ونستعيد ذكريات الهوني مون .... وكنا مخططين نسافر على نهاية مايو .. بس يالهوي ظهرت حكاية انفلونزا الخنازير وخفت الصراحة وخصوصا إن ابني عمره سنة و3 شهور هأخذه معانا .... السؤال بجد بجد الحكاية مستاهلة وتخوف نلغي السفر ؟؟ مع اني متشوووووووقة جدا لمصر ؟؟؟؟ ثاني حاجه : بقالي فترة بلف وادور ادور عن أماكن تستحق الزيارة في القاهرة والاسكندرية .. وبما إن أهل مكة أدرى بشعابها قلت مليش غير أهل المحاورات الطيبين يدلوني ... قولوا لي على كل حاجة ... مولات وحدايق ومناطق شعبية ومناطق راقية ومطاعم وكافيهات وكلللللللللل حاجه تستحق التجربة في مصر ........ حاجة تانية في الاسكندرية تقريبا هنحجز في هلنان فلسطين .... بس عندي سؤال ممكن نلاقي شاليه نسكن فيه يكون فيه حمام سباحة خاص ؟؟ وفي القاهرة كلمت اليوم واحد قال لي ان عنده شقة على النيل في منطقة الدبلوماسيين قريبة من الفور سيزون ؟؟ مارأيكم بالمنطقة والموقع ؟؟؟ لكم مني كل الاحترام ... ( جيجي أم عبد الرحمن باشا )

ده نوركم والله ... معليش اعذروني بقى لو اختفيت بالأسابيع أو الشهور هأظهر تاني إن شاء الله ومسير الحي يتلاقى :wub: خالي زهيري الله يبارك فيك ازيك وازاي العيال ... ياااااااه انت لسه موجود هنا والا مشيت newcomer منورة بأهلها لولا تسلمي ياحبيبتي .. ان شاء الله يكون لنا لقاء دودو ..... ازيك ؟وحشااااااااااااااااني موووووووووووت .. اخر اخبارك ايه .. اخر مرة شفتك فيها كنتي حامل .. اكيد ولدتي جبتي ايه ؟؟؟ والله يا ستي الدنيا خدتني في طريقها بقوووووة .. البيت والعمل والبيبي والمسئوليات التي لاتنتهي .. ومريت بظروف صعبة وايام الله لا يعيدها الحمد لله على كل حال .......... ذهبية اهلا بيكي ده نورك ياحبيبتي س س ..مش معقول ..ازيك يا ابو عمر وازاي العيال ... الف مليون مبروك بمناسبة قدوم عبدالرحمن جعله الله من مواليد السعادة ولو انها متأخرة ... ابني الباشا بقى عنده 10 شهور تعال بقى شوف الشقاوة والعفرته على اصولها :) موريني النجوم في عزالظهر :blink: وميرسي جدا على هدية المراكبية دي طول عمرك صاحب واجب شهووووودة ازيك ؟؟ وحشاني .... اخبارك ايه ؟؟ ميرسي ربنا يخليكي استاذ دياب ... ربنا يخليك يشرفني ردك والله ... بجد وحشتني المحاورات ايام زمان ... جالكسي ميرسي ياحبيبتي ربنا يخليكي .. كلك ذوق والله ..... النجم الثاقب .. شكرا لك اخي الكريم .. الله يسلمك ويخليك س س مرة اخرى والله ياسيدي الباشا واخد كل وقتي بجد .. استغليت وقت نومه عشان ادخل شاب مصري .. الله يسلمك ويخليك ربنا يسهل يارب ونفسي والله ارجع اكتب زي الاول .. بس وقتي ليس ملكي .. وسأحاول قدر ما استطيع الدخول اوعدكم ان شاء الله بقصة تجنن تحياتي / جيجي

الله عليكي يا دُنيا ......... كنا فين وبقينا فين ........ الله يرحم ايام النت والسرمحة وخلو البال ... سقى الله تلك الأيام .......... هو بجد أنا هنا وإلا بيستهيألي ....... بجد وحشتووووووووووووني كلكم :wub: ... الحاجة جيجي أم عبد الرحمن لنا لقاء وحديث إن شاء الله md2: ...............

سبحان الله يا جماعة ... مكنتش فاكره في يوم من الأيام أني هأتغير كده .. الزواج غيرني 180 درجة .. حاسه إن حياتي قبل الزواج كانت سراب .. حاسه إنها ماضي سحيق .. تغيرت كتير .. حياتي كلها تغيرت و تغير تفكيري وتغيرت اهتماماتي كثير ... فعلا الزواج سكن ومسئولية ... أول مرة أحس بالمسئولية .. لما بقى عندي زوج وبيت أنا مسوؤلة عنهم في كل الأمور .... ومن ناحية المطبخ .. بصراحة أنا كنت قبل الزواج أعمل أكلات بسيطة وخصوصا الحلويات .. وكنت فاكره إن الطبيخ ده حاجه كده لا يمكن إني أعرف أعملها في يوم من الأيام .. بس أكتشفت إنه حاجه سهلة جدا .. محتاجه نفس بس .. يا سلام لما اخش المطبخ ونفسي مفتوحة للطبخ .. بأعمل حاجات جميلة جدا وأنا مستمتعة .. وأقول أنا كنت فين زمان عن المطبخ .. بس لما بأبقى قرفانة وتبقى حاجه تأدية واجب بأكره حاجه اسمها مطبخ .. هأبقى أكتبلكم عن الأكلات اللي عملتها وطلعت تجننننن وهتاكلوا صوابعكم وراها ... والحمد لله الباشا ربنا يخليه ساعدني كثيييير في تجاربي الناجحة والفاشلة وكل حاجه بأعملها بيقول تجننننننن ( تفتكروا دي مجاملات عرسان :unsure: ) ... أهلا أهلا ياخالو موديست .. ازييييييك عامل ايه ؟؟ ربنا يخليك ده نورك ... مش كنتوا تقولوا لي من زمان ان الجواز حلو

أهلا يا وليد ازيك ؟ عامل ايه ؟ ايه يا بني التغيرات دي .. انت اتحلت عالمعاش امتى :unsure: .. ولا يهمك الدنيا كده نزول وارتحال .... طب يا سيدي مينفعش الفلوس دي ادفعها حلة محشي والا رز المهم تكون طبيخ :vian: .. أهلا يا دودو .. وأنتي وحشتيييييني خاااااااالص والله :blink: .. بصي انا بعتلك ايميل ابقى اقريه وردي عليا .. وقوليلي تدخلي النت الساعة كم عشان ادخل معاكي ونرغي زي ايام زمان .... أهلا بيكي يا أم مادا .. وحشتييييييييييييني والله .. ازيك وازي مادا .. بسم الله ماشاء الله اهو بقى عريس اهوه ربنا يخليه لك ويحفظه يا رب .. س س .. ازيك ؟ عامل ايه ؟ .. والله العظيم مشتاقة جدا لمواضيعك اللي بتفطس من الضحك ... ياااااااااه كانت أيام :blink: ... متقلقش قول .. ممكن اغطس شهر واحد بس ... تيته .. ازيييييييييييييييييييييك ؟؟ وحشاااااااااااااااااااااني والله mfb: .. الله يسلمك ويخليك .. هأبقى احكيليكم على كل حاجه .. بالتفصيل إن شاء الله ... أهلا بيك يا نانو .. وحشتييييييني .. ازيك ؟؟ اه والله معاك حق النت عندي المحاورات وبس .. ربنا يخليكم يارب smk: ...

وحشتوووووني جدا جدا .. ايه التغييرات دي .. هو انا غبت كتير كده :unsure: .. الله ايه الوردة الجميلة دي .. بس ده عيب ووزارة الصحة هتزعل smk: نجي للمهم .. - - - - - - - - - - - - - - - - - - - - - - الله بقى اللخبطة دي ليه :blink: .. !! طب وحدة وحدة :blink: ... !! كانت بنت كميلة رقيقة تعيط لما تشوف دبانه طايرة في الهواء وجاية ناحيتها " متصدقوش اوي " عاشت في أحلامها الهادئة ورسمت لها عالم وردي رقيق كل شيء فيه مضيء ومشرق ومتوشح بألوان الربيع الباسمة .. وصحيت !!! طخ طب طم .. حاسبي الحلة وقعت mfb: !!!!!! هنا وعلى هذه الصفحة المشرقة سأكتب لكم عن رحلتي الجميلة من عالم " بنت بنوت" إلى عالم " ربة بيت " .. !!! بس والله عالم يجنن وجدت نفسي فيه .. وخصوصا في المطبخ .. واكتشفت إني أنفع ربة منزل وأنا اللي كنت فاكرة نفسي خايبة اوي ... سأتحدث في هذا الموضوع عن الأكلات اللي عملتها ونجحت واهو نستفيد ونفيد .. وأوعدكم بإذن الله إني سأعود لاتواصل معكم زي أيام زمان وهأكمل موضوع مصر بإذن الله .. بس طولوا بالكم علي ..

معليش يا جماعة أعذرووووني جدا على التأخير .. ربة منزل وفي بدايات الحياة وقد قالت العرب قديماً : ويل لي من المطلع !!! عندي كلام كتييييير هأقوله من غير ترتيب ... بصوا يا جماعة أنا هأخد راحتي في الكلام .. معليش محدش يزعل مني .. أنتو عارفين إني بأحب مصر والمصريين.. وعين الرضا عن كل عيب كليلة ... وحبيتها أكتر وأكتر لما قضيت شهر العسل وأيامه الجميلة فيها .. وإن شاء الله هأنزل مصر تاني وتالت وعاشر ... هأتكلم عن كل حاجة شفتها سواء حلوة أو وحشة .. واهو برضه تشوفوا بلدكم بعيون السياح .. وخصوصا سياح زيي .. دي مصر نورت لما نزلتها ... أول حاجه باختصار .. مصر جميلة ولكن ... احنا كانت رحلتنا يوم الجمعة 27 اكتوبر على مصر للطيران عشان الخطوط السعودية كانت زحمة والحجز اتقفل بدري .. وأنا بصراحة كنت مبسوطة عايزه اشوف الخطوط المصرية .. مستوى خدماتهم عادي جدا ... ما علينا .. وصلنا مصر على وقت المغرب .. يا سلام .. أنا مكنتش مصدقة إني في أم الدنيا اللي اتمنيت كتير إني أشوفها .. نزلنا في المطار القديم بصراحة اتفاجأت من مستواه .. عادي جدا جدا .. على اعتبار أن مصر بلد سياحي والمطار بيعتبر واجهة للبلد .. بس بيقولوا الصالات الجديدة حلوة .. اول ما دخلنا (موقف تكرر كتير عمري ما شفته في السعودية) الضابط بيقولنا : نورتوا مصر .. نورت يا باشا نورت يا برنس .. وبيهمس لجوزي حاجه عشان الولاد .. ضابط وبيشحت موقف غريب ;) ... بعد ما خرجنا من المطار رحنا على الفندق بعد انتظار طويل ومفاصلة في السعر على اعتبار ان احنا خليجين وعندنا بير بترول في جنينة البيت فالسعر يبقى في العلالي .. (لاحظتها كتير دي بطريقة احيانا بتخلي الواحد عايز يطفش من البلد) رحنا الفندق سكنا في هيلتون رمسيس .. كويس وجميل والمنظر من البلكونة فظيييييع .. النيل ده .. فعلا من انهار الجنة .. بس بلاش نشوفوه في النهار في الليل كفاية .. عارفين طبعا ليه ؟؟!! .. ياخسارة بجد بأقولها من كل قلبي يا خسارة يا أم الدنيا.... مظلومة والله .. من أول يوم في مصر اتصدمت في تلات حاجات : معليش يا جماعة اعذروني هأتكلم عن النص الفاضي اول حاجه .. النص المليان نأجله شويه .. الحاجات اللي اتصدمت فيها : الزبالة والحجاب والمرور .. أنا كتير اسمع إن مصر فيها زبالة ( معليش يا جماعة اعذروني عالكلمة دي ) بس مكنتش متصورة إنها بالمستوى ده .. فعلا صعقت من مستوى النظافة .. حرام والله .. الزبالة مرمية في كل مكان .. أنا كنت فاكرة إنه الزبالة في الاحياء الشعبية والعشوائيات .. انصدمت حتى في ميدان التحرير اشهر ميادين القاهرة وواجهة مصر فيه زبالة .. كذا مرة نروح بالليل نقعد في الميدان .. بصراحة باتغاظ جدا .. حرام ليه كده .. دي بلدكم يا جماعة .. وكلها سياحة ومليانة سياح .. ليه تشوهوا جمال مصر بالزبالة .. وفي الاهرامات كمان الارض كلها زبالة .. أكتر الأماكن الأثرية شهرة في العالم .. زبالة .. خسارة والله ... بالإضافة إلى الاماكن الشعبية زي كرداسة وصفط اللبن .. الترع هناك يا ساتر .. ده غير زبالة النيل .. منظر يحرق القلب .. وكمان مرة نزلنا نتمشى في حي بولاق الملاصق للاوتيل طبعا المكان ده اول مكان نزوره في مصر .. يا سلام . أنا كنت مبسوطة جدا .. أنا بصراحة عايزه اشوف مصر دي .. مصر الاحياء الشعبية والحارات البيئة .. والله العظيم زي ما اكون بتفرج على مسلسل .. الناس اللي بيشيشوا عالقهاوي .. وبتاع العيش اللي راكب عجل وبيكلكس والمكوجي يااااااااه مكنتش بصراحة متخيلة إن الحاجات دي موجودة لسه .. زي ما أكون اتنقلت من عصر إلى عصر آخر .. كانت حاجه جميلة .. بس يا خسارة الزبالة بتشوه المنظر .. والشوارع كلها طين وميه .. يعني ننتقل بالنط .. فعلا كنت فاكره ان الحاجات دي اتمحت خالص ... الحاجه التانية اللي انصدمت منها : الحجاب .. أغلب المحجبات غطاء رأس وبس .. أنا مش بأقول كلهم .. بس يعني عدد لا بأس به .. محزق وملزق وبناطيل ضيقة جدا .. ولابسة حجاب .. أنا مش عارفة مين اللي اعطى الناس فكرة إن الحجاب غطاء للرأس وبس .. فعلا بيبقى منظرها بيكسف أنا وأنا بنت بأتكسف أشوفها .. تقاسيم جسمها باينة بطريقة مرعبة .. والشباب يا سلام .. هات يا بصبصة ... فيه بنات ماشاء الله بيحس الواحد فعلا إنها محجبة عن اقتناع تام وبيحس بنور الإيمان في وشها .. لبس واسع وساتر وشيك كمان .. الحجاب والشياكة لا تتعارض .. حتى مرة واحنا في مول سيتي ستارز دخلت الحمامات .. وكانت فيه بنت مش محجبة ولبسها يا ساتر قاعدة بتتكلم مع عاملة النظافة بعد ما البنت مشيت عاملة النظافة بتتكلم معايا وتسألني أنا من فين .. المهم قعدنا ندردش سوا .. وتكلمت معاها عن حجاب البنات فقالتلي : عشان شغلهم لازم تلبس كده عشان الزباين .. قلتلها يا حاجه عمر ما كان الرزق الحلال بيجي بالطريقة دي وكمان هي مش مانيكان بيتعرض عليه الحاجات واحنا بنتكلم دخلت بنت محجبة برضه من البائعات وقعدت تتكلم معانا قالت على الفكرة البنت اللي من شويه مسيحية وكمان احنا محجبين اهوه عاجب والا مش عاجب ؟! .. بطريقة " يمنون عليك أن أسلموا " قلتلها : يا حبيبتي الحجاب ده عشان ربنا مش عشان حد تاني .... والمفاجأة التانية كنا في مركب في النيل وكانت فيه عروس ومعاها باين كده قريباتها محجبات .. شويه وقاموا يرقصوا .. وهز يا وز .. لا تعليق الصراحة :) !!!!!!!!!!!!!!!! الحاجة التالتة اللي انصدمت فيها : المرور .. ياساتر .. طول ما احنا ماشيين بأحط ايدي على قلبي وبأدعي يارب نرجع لبلدنا بخير ... ايه ده .. ناس جاية يمين وناس شمال وإشارات المرور دي أعتقد بايظة .. وفيه عسكري .. معقولة عسكري بينظم المرور منظر قديم جدا .. أكيد أي حد عايش في السعودية وشايف النظام عندنا هيعرف أنا اتصدمت ليه .. ناهيك عن الزحمة اللامعقولة في القاهرة .. وإلى لقاء آخر .. ايوى جايه يا خويا .. الله :sad:

السلام عليكم ورحمة الله وبركاته .... كل سنة وانتم طيبين رغم إنها متأخرة ... ازيكم ؟ عاملين ايه ؟ .. وحشتوووووني جدا جدا ... يا سلام يا اولاد ده الجواز طلع جميل بشكل .. مش كنتوا تقولولي من زمان :lol: :D :ninja: نيجي للمهم بقى أنا رجعت من أم الدنيا الأربعاء اللي فات .. قعدنا فيها اسبوعين تقريبا .. وأخيررررررررا تحقق حلمي وشفت أم الدنيا ... عندي تعليق كثير هأبقى أحكيلكم بعدين وعلى حسب أوقات فراغ ربة المنزل :) حبيت بس دلوقتي اسلم عليكم ... وللحديث بقية إن شاء الله ..

الله يفتح عليك .. الله ينور عليك .. الله يكرمك ... وانا قلت برضه ما يجيبها الا سي سيدها ... ادي النصائح والا بلاش :sad: وانا اليومين اللي فاتوا نازلة قراءة في كل مواقع الدنيا بدور النصائح النميسة للزوجة الحديثة .. وعماله اقرأ كلام من حكاية .. الاحترام والتقدير والتجمل والتبعل والكلام ده .. تصدق يا اخويا كنت هاطبقها :sad: .. بس الحمد لله لحقتني قبل ما ودي نفسي في ستين داهية والراجل يركب ويدلدل رجليه :P .. اكتر حاجه عجبتني حكاية دبح القطة .. فعلا فكرة جوهنمية اذا دلت على شيء فانما تدل على رقة المرأة وحنيتها وطيبتها .. هأنفذها ان شاء الله :P ولا تنسانا من نصائحك الجميلة التي نضمن بها بيت هادئ وارف ترفرف فيه طيور السلام والوئام ..... وياسلام ياسلام قد ايه حلو الغرام B) ( بيني وبينك يا س س وانا متفاعلة بقرأ الموضوع ومنسجمة اقصى درجات الانسجام لقيت الراجل بيكلمني .. هل تفتكر دي حاسة سادسة تنم عن كشف الطابق المستور والاطلاع على ما وراء الطبيعة :blink: آه منكم يا الرجالة ...... )