رضوي

متشكرين أوى يا أستاذه رضوى إنك سمحتيله يتجوز غير المصرية .. بس سؤال و النبى عشان تعليق حضرتك إستفزنى أوى .. هى المصرية بتعمل كل الى إنت قولتيه فوق ده ؟؟؟؟؟!! أمال معدلات الطلاق فى إزدياد ليه يا أخوانا ! أكيد عشان إحنا رجالة جاحدة ما بيملاش عنينا غير التراب و ما بيعجبناش العجب! استاذي الفاضل اسمحلي اشكر حضرتك على تعليقك على ردي , وكمان اشكرك ان حضرتك وضحتلي ان تعليقي استفز حضرتك مع اني قبل مااكتب اي كلمه اتأكدت ان الموضوع في باب موضوعات خفيفة ,,,, وعلى الاساس ده كان ردي ع العموم ياسيدي الفاضل , لكل منا وجهه نظره في الحياة ولو حضرتك بتعمم ان ارتفاع نسبة الطلاق ( ده بفرض ان مصر تحظى بأعلى نسبة للطلاق في العالم والمصريين بس اللي بيطلقوا المصريات ) سببه الست المصريه فدي وجه نظر حضرتك الشخصية لأن مافيش اي احصائية تؤكد الكلام ده , زي ماهى برده وجهه نظر الكثيرات والكثيرون , إن الراجل المصري مليان عيوب ومشاكل كتير , كلها وجهات نظر تقبل الصواب وتقبل الخطأ آسفة لو كنت استفزيت حضرتك خالص احترامي سيدي الفاضل

هي جملة واحده هقولها لو الراجل المصري لقى ست تستحمله وتفهمه وتستحمل ظروفه وتشيله وتصونه وتسمع كلامه وتسعده,,,,,,,,,,, انا ماعنديش مانع في انه يتجوز غير المصرية :)

الانسان كثير الشكوى ولكنه لو علم قدره الخالق عز وجل , لو ايقن برحمته وعفوه , لو آمن بكرمه وعطاؤه لن يشكو مظلمته لمخلوق اللهم ارضنا بقضائك يارب العالمين

موضوع هايل دكتور ياسر جزاك الله خيراً

شقيقة فتفوتة في ذمة الله البقاء والدوام لله نسأل المولى عز وجل أن يتقبلها برحمته في جنته ونشاطر الفاضلة فتفوتة والاسرة الكريمة الاحزان إنا لله وإنا إليه راجعون

حبيبتي عبير دعم احتواء دفء ثلاث أشياء يبحث كل منا عنها في اشخاص وجدوا في حياته وفيه ناس بتدور جوانا على الحاجات دي كل واحد فينا يببقى محتاج لحد يحتويه ... حد يديله الأمل .... حد يحسسه بأهميته في الحياه وكل واحد فينا عنده القدره انه يدي الحاجات دي للي حواليه يعني لما ابنك يكون داخل على امتحان صعب وانتي تدعمه وتأكديليه انه هيقدر يجتاز الامتحان دة وانه على قدر كبير جداً من القوة تمكنه من اجتياز ماهو أصعب يعني لما يكون حد قريب منك تعبان وعنده ضغوط كتير وتقدري تحتويه وتحسسيه انه مش لوحده في الحياه وانه مش هو بس اللي بيدي لأ فيه حد تاني على استعداد انه يقف جنبه ويشد اذره كلنا ربنا وهبنا القدرة دي بس بمقدار ...... المشكلة اننا ساعات بنصدق اننا ماعندناش المهارات دي ..... ودة مش حقيقي احنا بس محتاجي نصدق اننا نقدر ...... المهم اننا نكون بنحب الاشخاص اللي قدامنا وعايزين نساعدهم ,,,,, ولو فعلاً احنا عايزين نساعدهم وصدقنا اننا نقدر نساعهدهم يبقى اكيد ان شاء الله هنقدر اكيد بتمتلكي القدرة والمهارة ,,,,,,, بس صدقي انك تقدري وان شاء الله هتقدري

الغيرة وخاصة من الرجل على زوجته أمر مرغوب فيه وحبوب لكن بحدوووووووووووود زيها زي اي حاجة في الدنيا اللي يزيد عن حده يقلب لضده وشعرة رفيعة جدا بين الغيرة والشك ...... وشعرة ارفع بين الغيرة وعدم الثقة في النفس كتير بيختلط عليهم الأمر كتير بيفتكروا نفسهم بيغيروا وهما في الحقيقة بيشكوا وماعندهومش ثقة في نفسهم ( وعلى فكرة فيه ناس مغرورة جداً وفي نفس الوقت ماعندهومش ثقة في نفسهم ... منتهى التناقض ) الغيرة موضوع جميل جداً لما بيكون الحب موجود ........ يعني لما يغيير على مراته انها تلبس ضيق مثلاً دي حاجة كويسة لكن لما يغير عليها علشان بتشتغل وليها زملاء في الشغل ......... وبتتعامل معاهم باحترام ....... يبقى دة مش غيرة دي حاجة تانية اختصاراً هي سلاح ذو حدين ....... ومايقدرش يستخدمها الا الشخص الحكيم الغيرة ممكن تبقى خنيقة ومملة وتزهق ........... وممكن تبقى منتهى الحب ومنتهى الرومانسية طالما الثقة في الطرف التاني موجودة هتبقى الغيرة زى شوية الشطة اللي بيخلوا للأكل طعم أما بقى لو مافيش ثقة في النفس وفي الطرف الآخر ...... هتبقى برده زي الشطة بس ثلاثة كيلو فلفل اسواني على طبق واحد يعني يموتوا واستحاااااااااااااااااالة نقدر نكمل الطبق

إنا لله وإنا اليه راجعون البقاء لله ربنا يغفرلهم ويتقبلهم برحمته في فسيح جناته

الميكب نوع من أنواع التغيير بالنسبالي ليس الا شوية فن خفيف في اختيار الالوانات ,,,, وابراز الجمال ......... لكن له مكانه ووقته مابحبش البنات اللي بيخرجوا كل يوم للشغل او في اي مكان عام وعاملين اوفر ميكب ......... بحس انهم مصطنعين عن نفسي مابستعملش الميكب الا في البيت والحمد لله ,,,,,, فيما عدا بعض المناسبات الخاصة جداً بعمل فيها ميكب خفيف ومش مقتنعة ان الميكب بيغير الشكل اوي ...... حتى الصور الموجودة في التوبيك دة ,,,,, الميكب لوحده ماغيرش الشكل بالطريقة الواضحة دي ,,,, فيه عامل مهم اوي وهو عامل الاضاءة بالاضافة لزاوية التصوير لكن في الواقع الميكب ممكن يداري شوية عيوب في البشرة لكن عمره مابيغير الشكل ,,,,,,, يعني مابيصغرش المناخير مثلاً ....... بكره الالوانات الفاقعة ( مع اني بستعملها لما بكون زهقانة شوية ) وبكره الاوفر ميكب عندي صديقة ليا دايماً بتعمل ميكب تقيل ,,,, وماشوفتهاش من غير ميكب غير مرة واحدة ,,,,,,, كان يوم فرحها وانا بساعدها في لبس الفستان قبل ماتعمل ميكب الفرح ....... قولتلها مال وشك بهتان اوي ليه ؟؟؟؟؟ قالتلي علشان الميكب بس فضلت ملامحها زي ماهي . عن نفسي مابستعملش غير الحكل وانا خارجة بس ,,,, ومابحبش استعمل اي ميكب وانا خارجة ,,,, فاكرة زمان واحنا في ثانوي .... كنا بنقول اول لما ندخل الجامعة هنعمل ميكب بقى ونحط الوانات جميلة ....... كانت ماما بتضحك وتقولنا : ربنا خلقنا الحمد لله شكلنا حلو .... يبقى هنشكره ونحمده ولا نعصاه ونبرز جمالنا اكتر وناخد ذنوب ؟؟؟ من ساعتها اقتنعت انا واخواتي ومعانا بنت عمي اننا ماينفعش نعمل كدة الميكب زيه زي اي حاجة في الدنيا ,,,,,,, ممكن نستخدمه صح وممكن نستخدمه غلط :)

وياتري اتوزعوا بس ؟؟؟ ولسة معاهم كافة وسائل الاتصال المتاحة ؟؟؟ ولا اتمنعت عنهم ؟؟ وبقى كل واحد فيهم في سجن انفرادي بجد ؟؟؟ بدل طره كلب اللي كانوا فيه دة ؟؟؟ لأن لو دة ماحصلش يبقى ماعملناش حاجة الا تشتيت الحراسة بدل ماكانت كلها متمركزة في طره هتتوزع وتكلفنا نفقات من خزائن الدولة اللي بقت كلها بتتصرف على الحراسات ومعاشات الوزراء :(

اللهم صلى وسلم وزد وبارك على أشرف الخلق اللهم صلى وسلم على سيدنا محمد النبىّ الأمى وعلى آله وصحبه وسلم كل سنة وانتي طيبة روشة حبيبتي و وجزاك الله خيراً على تذكرتك ياقمر وفييييييييييييييييييييييييييييييييييييييييييييييييين بقى الفسدقية والبندقية بتاعتي ؟؟؟؟؟ :protest: لالالالالالالالالا مش دي أنا قصدي البندقية اللي في حلاوة المولد مش اللي انتي بتجري ورايا بيها دي :)

حسبنا الله ونعم الوكيل منتهى الهمجية من المشجعين ومنتهى السلبية والفوضوية والاستهبال من الامن لابد من محاسبة المسئول ........ مباراه زي دي كان المفروض تتأمن كويس جداً ......... ومن المنتظر ان مباراه زي دي يكون فيها مشاكل ....... يعني تبقى متأمنه كويس لكني مش عارفة اوصف اللي حصل بصراحة بلفظ منصف

هذا حال رجل الدين عندما يتعاطى السياسة بحيلها وألاعيبها .. ولكن لم يتحرج الإمام أن يدعو على مسلم دعاءه على كافر مستبد ... ما هذا العبث وما هذا التدين ... بل ما هذه الصلاة التى هي على أرواح الشهداء ، من أوهمه انها ستقبل وبها دعاء على مسلم مهما اختلفنا معه او اتفقنا يجب الا تمر هذه الحادثة مرور الكرام لأن المجتمع قد يخسر الكثير لو اتسع هذا الفتق ، الإخوان لا يجب ان ينتهى كفاحهم هكذا بعد كل تلك السنوات وهم يطمحون لخدمة البلد الكاسب الوحيد من ذلك هو المجلس العسكري ... هذه هي الفتنة الآن تبدأ ... وكلنا حطب تلك الفتنة ، والآن حان وقت تكفير المسلم كما تم تكفير العلماني والليبرالى ...حان وقت التلاعب بنا وبعقولنا يا قوم اليس فيكم رجل رشيد ... الإخوان منا ، الليبراليين والعلمانيين منا ، السلفيون منا ، المسيحيون منا ... مطالبنا مطالبهم أهدافنا أهدافهم شهداءنا شهداءهم ، المنا المهم ، دمائنا اختلطت بدمائهم هل عز عليكم ان تمر ذكرى الثورة بنصر يأخذ من عرين المجلس العسكري ... هل عز عليكم ان نرانا نلتف حول اهدافنا مرة اخرى انا لا أعرف من أم الصلاة ودعا ... كل ما أعرفه انه لم يتقى الله في دعاءه ، فضل وأضل من تبعوه بحسن نية لا حول ولا قوة إلا بالله ... الآن تأتينا رياح الهزيمة مداخلة تحمل الكثير والكثير من المعاني والانذارات لأصحاب العقول لعلنا نتهتدي ,,,, لعلنا نتعقل فقط لاينبغي أن ننقسم ونتشتت لتصبح غايتنا هي التشكيك في الآخر .......... وتصبح تلك البلد مقسمة الي قبائل وعشائر مختلفة لعلنا نركز انظارنا على مصالح تلك البلد :(

السلام عليكم ورحمة الله وبركاته الموقف دة بالفعل حصل ادامي وفي الفترة دي كنت في الرماية في الهرم ........ وطبعاً الاسعار ارتفعت بشكل جنوني نتيجة ان الناس خايفة السلع تخلص وبتضطر تشتري بأي سعر والتجار ساعتها استهبلوا آخر استهبال ونزلت السوق في الوفاء والأمل لقيت عربيات نقل كبيرة بتبيع خضار بأسعار رخيصة مقارنة بأسعار التجار في السوق ...... واصحاب العربيات دي كانوا اسلاميين ....... وغالبا سلفيين علشان اللحية على فكرة ساعتها البلد ماكانتش استقرت ولا عارفين ايه اللي هيحصل علشان نقول انهم نازلين يجمعوا اصوات مثلاً ولا كانوا بيقولوا للناس اللي بتشتري منهم احنا اخوان ولا سلفيين وانتخبونا .......... ولولا اللحية ماكناش عرفنا هما مين ,,, لأنهم ولا اتكلموا ولا قالوا حاجة خاااااااااااااااااااااالص وكانوا بيجوا الصبح بدري ويخلصوا الخضار اللي معاهم ويمشوا على فكرة طول ماكل تيار بيشكك في التاني وطول مافيه حرب بين الاسلاميين والعلمانين واللبيراليين عمرنا ماهنتغير ابداً وطالما الناس اختارت هي عايزة مين وقالت كلمتها يبقى خلص الكلام ............ واللي كان بيدور على دور فعال ليه في الحكومة يطور نفسه ويشوف الناس محتاجة ايه ويقرب من الناس ويحاول يوصل لمكان كويس في الحكومة الجاية دة لو كان عايز مصلحة البلد زي مابيقول ..... مش بيدور على سلطة