reemragab

رفاعى ملحن جيد ومغنى جيد اغنيته من افضل الاغانى اللى شغالة دلوقتى قبل وبعد 25 يناير من غير مبالغة ودوشة وصوت عالى حتى هو نفسه اداؤه طبيعى ومافيهوش افتعال لكن شريف صبرى ده حاجة تانية خالص ينفع يشتغل حاجات كتيييييييييير مفيش داعى الواحد يقولها

http://tcf.didierfle.com/index.php ممكن اعرف امتحان الtcf بيبقى شكلة ازاى يعنى بامتحن فى اية و اية فايدتة فى مقابلات كيبيك انا اعرف مخصص للمقدمين على هجرة الى كيبيك وياترى هو الاسهل ولا الديلف ياريت لو حد عنده فكرة يفيدنا

ازيك يا استاذ محمد اخبارك ايه هى ان شاء الله مقابلتك امتى على فكرة كنت عايزة اطمنك ان فيه واحد كان مسيو بول اعتمد له شهادة خبرةكاملة وكانت بسنةواحدة تامينات ولا قدر الله لو ها يعتمدوا الفترات التامينية بس فانت تحسبها كده تشوف هى اد ايه على ميعاد المقابلة وكاسوء الفروض تتحسب درجات الفترة دى ويا ريت لو ادامك وقت تحاول ترفع من مستوى الفرنساوى حتى لو خصموا درجات خبرة تتعوض فرنساوى او اعداد وربنا يوفقك ان شاء الله

:hi: مبروك لكا الناس اللى نجحت وعقبال الناس اللى داخل مقابلات قريب بالنسبه لاى حد اترفض السفاره بتبعت ايميل بتقولك فيه الدرجات اللى انت اخدتها بالزبط وبتسالك عايز تقدم جواب اعتزار ويتحددلك معاد جديد ولا هتفتح ملف جديد من الاول ده حصل مع ابن خالتى كان مع مسيو بول اول فى الميشن ده اول 11 وجاله جواب من السفاره امبارح معلش انا مش فاهمة اجابة حضرتك اعتذار وميعاد تانى لايه هو اترفض هل ها يسترد فلوسه وبعدين يفتح ملف تانى ولا ايه

يا جماعة فيه حد كان مع مدام راشيل وما اتوفقش وكان بيسال بالنسبة لرسوم فتح الملف هل بتترد فى حالة الرفض وازاى يقدر ياخدها وكمان كان بيسال لو عايز يقدم تانى ايه المدة اللى يقدر يفتح بعدها فايل جديد؟ وميرسى جدا

انا قلت كدة برده لان اكتر ناس بيهربوا من البلد دى هما الصيادلة لكن يا بطوط الميزة الوحيدة فى كيبيك هى السرعة كيبك بتاخد سنتين فيدرال الجديده مفروض ان اللى ورقه هيتفبل هيسافر فى خلال سنه ده كلامهم الجديد طب انت ايه رايك اذاكر ايلتس و اقدم ولا خلينى فى كيبك ايه ده خياناااااااااااااااه خياناااااااااه ناوية تبيعينا يا دكتورة وكده مع اول زيارة لتوبيك الفيدرال امال مين ها يدينا السبورت لحد المقابلة

الف الف مبروك مين بس اللى قال ان اغابى ومحمد كيبيك بس اللى بيسالوا واحنا رحنا فين يعنى اعمل حسابك انت والمدام على واحد زيادة ولا عايزين تنفدوا من العزومة

الاخ هانى مفيش داعى خالص لكل القلق اللى انت فيه ده انت لسه باعت بتفكر فى الرفض من دلوقتى؟ المفروض انك تنتظر الجواب بتاع الفايل نمبر وده من شهر ونص شهرين لحد خمس شهور كمان(وده من ناس فعلا اخدت الوقت ده بعد كده فيه ناس وصلها جواب تانى اسمه جواب انتظار يعنى انت منتظر تحديد ميعاد مقابلتك والتالت بتاع ميعاد المقابلة وممكن يكون ميل لحد كده فين الخوف او القلق؟ لو فيه ورق ناقص بيبعتوا يقولولك ناقص كذا ويدوك وقت كافى تجيبه يعنى مفيش داعى لكل الخوف ده لانه زى مانت قلت الناس مش ناقصه قلق ركز فى الفرنساوى وسيبها على ربنا

ازيك يا ريم عامله ايه لسه مجالكيش اى رد طب بعتى فاكس و لا عملتلى ايه ازيك يا دكتورة انا تمام الحمد لله انا بعت فاكس اول الشهر ده ولا حس ولا خبر :malta: فقررت اكبر دماغى وبراحتهم بقى

معقول الفايل نمبر وصلك بعد شهر يا استاذ مينا امال عامين فينا لية كدا احنا اديلنا شهرين ولا حس ولا خبر ربنا يرتبلك وان شاء اللة هايكون قريب بس المهم تكون انت مجهز نفسك كويس انا الملف بتاعى وصل سوريا يوم 5 يولية 2010 و الفايل نمبر بتاريخ 4 اغسطس 2010 يعنى بعد شهر ولحد دلوقتى ماجتليش اى جوابات تانى اخر حد اعرفه جاله الجواب التانى فايل نمبر فى 7 حد قالى ان الجواب التانى مش بييجى للناس اللى ملفهم كامل بس دى معلومه مش اكيده دكتور بطوط يعنى اية الجواب مش بيجى للناس اللى ملفها كامل بيعملولهم اية يعنى بيرمو الورق ولا بيعملو اية اصل العبد للة من الناس دول 3 اطفال بعون اللة واخ فى كيبيك وكلة فى التمام مافور ب 4 او 5 درجات يعنى قولى وطمنى اللة يخليك سمعت اية بالظبط؟ يا جماعة مفيش حاجة اسمها بيرموا الورق لو فيه اى حاجة ناقصة ولا مستوى الفرنساوى اقل من السادس للمتقدم الرئيسى بيبعتوا جواب عشان نكمل الحاجات دى الرمى ده عندنا احنا بس

الف مبروك يا جماعة لكل اللى نجحوا انا بس حبيت اقول للناس اللى الفايل نمبربتاعها متاخر ما يقلقوش انا باعته برضه فى شهر سبتمبر بس فى اول الشهر وما جاليش اى حاجة ولا الشيك اتسحب حتى وفيه واحد بعت بعدى بيوم وجاله الفايل نمبر من اكتر من شهر

ممكن اعرف مصروفات التوثيق فى حالة انى كاتبة المرتب بتاعى بتكون اد ايه؟

سلام ليكى يا إمى موضوع التأجيل ده اتلغى ولا لا انا عن نفسى ما سمعتش عنه بس لو اتلغى بالتأكيد ما كانوش هيبعتوا مع جواب المقابلةورقة منفصلة للتأكيد او الالغاءاو التأجيل اعتقد تانى ورقة و التأجيل او الموافقة فى خلال شهر من ارسال الخطاب من السفارة مش من موعد وصوله لكم خلى بالك احسن الموعد يعدى و ده معناه حسب ما هو مكتوب فى خطاب المقابلة يعنى الغاء المقابلة و اغلاق الملف موضوع التاجيل لسه شغال يا جماعة ما اتلغاش بس لازم فعلا سبب مقنع وخاصة ان المقابلة فى مصر برضه مش سوريا يعنى سبب مرضى مثلا(لا قدر الله) او انك ها تسافلر مان تانى فى نفس التاريخ ومش ها تقدر تاجل ممكن كده تتاجل المقابلة للميشن اللى بعده

و انا متشكر جدا على الثناء لكن ثق معلوماتى و معلومات كتير هنا من اخوة افاضل علمونا كتير و بعد فترة ستجد من هو مثلى و مثل الدكتور ايهاب قد يكونوا افضل منا بس خلى بالك لحسن الترجمة من العربى للانجليزى بعد التوثيق تغير فى صيغة المهام الوظيفية انا بمر بنفس المشكلة رحت الترجمة بتاعة الشهر العقارى قالولى لاااااااااااااا ترجمى فى مكتب ترجمة ووثقيها وبعد كده نترجم لك العربى بينى وبينك انا قلت لمكتب الترجمة ترجم الشهادة الانجليزى وخلى الاصل مع الترجمةواختمهم مدبسين مع بعض واهو لو اعتمدوا العربى يعنى الانجليزى ضمنيا معتمد لكن لو رديتها انجليزى تانى بعد كده يبقى يا خوفى من ترجمة الشهر العقارى

صباح الخير يا احمد نا لية واحد صاحبي مقدم 13/8 وسحبو الفلوس من الفيزا بتاريخ 30/9 ولسة مجالهوش حاجة ربنا يسهل ....... يا مسهل الله يطمنكم يا جماعة يعنى مش انا لوحدى انا باعته اول 9 وقلقانة جدا ان الشيك لسه ما اتصرفش مع ان فيه ناس باعته معايا فى نفس اليوم ووصلهم الفايل نمبر بس طالما الشيك اتصرف يبقى كده كويس معناها انهم فتحوا الملف ياريت لو تبعت لهم فاكس وان شاء الله يردوا عليك بالفايل نمبر