Tarek Abdellatif

السلام عليكم جميعاً، حبيت أضيف اللي حصل معايا للإفادة. أنا لما بعثت الأبلكاشن الخاص بي إلى نوفا سكوتيا كانت زوجتي حامل، فكانت أسرتي ثلاث أفراد فقط، لكن عقبال لما جالي طلب الأوراق و جيت أقدم كان ربنا رزقنا ب "ساره" فأضفتها على الأوراق و بعثت Cover Letter بسألهم ازاي اسدد ال Processing Fees الخاصة بالمولودة الجديدة و أخر معاد أقدر أبعتلهم الأوراق الخاصة بيها. بعثت الأوراق يوم 8 فبراير، وصلتلهم يوم 9 ، كلموني في التليفون يوم 10 قالولي أروح ادفع ال Processing Fees للمولودة الجديدة في سيتي بنك بالجنيه المصري أو ممكن في السفارة نفسها بالدولار الكندي، و بعثولي الفيل نمبر و استلمته 15 فبراير.

أشكرك يا باشمهندس إيهاب على اجابتك الوافية و أشكر الأح عربي على مداخلته. :)

اللي أنا أعرفه أن خبرة سنة في وظيفة من وظائف الستة ال38 دي فقط شرط للتقديم، انما حساب النقاط بيكون على أي وظيفة من Skill Type 0 (managerial occupations) or Skill Level A (professional occupations) or B (technical occupations and skilled trades) هي مش واضحة قوي في ال Guide الخاص بالهجرة، و لكن الدكتور قناوي كان وضحها قبل كدة و أنا كنت راسلت أحد مستشارين الهجرة لنفس الاستفسار و كان رده كدة بردو . ممكن أي حد يستفسر من المستشار ده عن طريق الموقع ده بالمجان http://en.allexperts.com/q/Canada-Governme...nformation-351/ بالتوفيق إن شاء الله.

بصراحة أنا كان قصدي بالموضوع من أوله المأكولات الغير حلال من حيث الذبح. الأمثلة إلي انا شفتها لناس عايشين في الخارج بصراحة كانت متفاوتة تفاوت كبير من حيث التشدد أو التساهل، و أكبر تحدي كنت بشوفه بيواجههم هو علاقة أطفالهم بالحاجات إلي أنا ذكرتها في المداخلات السابقة (الفاست فود و المناسبات الاجتماعية)، يعني ياكلوا تركي سندويش في بيت أصحابهم اللي جنبينا والا لأ، نروح كنتكي والا منروحش، ياكلوا بيتزا عليها بيف والا خضروات و سي فود فقط ..... إلخ ممكن موضوع الأكل الحلال ده مايكونش أهم حاجة في حياة المهاجر و لكن دي حاجة بتقابله كل يوم أكثر من مرة و حبيت أني استفيد من خبرات عملية عشان أحاول يكون عندي consistency in approach في التعامل مع ابنائي بخصوص الموضوع ده. أشكرك يا باشمهندس إيهاب على متابعتك و محاولات التوضيح، و اشكر الاخت Kitty على مشاركتها بخبرتها.

الأخ الفاضل أبو هاجر، أوافق الأخ هيما على كل ما قال و كتبت هذه المشاركة فقط لأذكر حضرتك أن في هذا المنتدى أشخاص يساعدون الغير ابتغاء وجه الله فقط لا غير و من مختلف أنحاء الحياه و منهم من يعرفوا برجاحة عقلهم و فكرهم المتزن مثل الأخ الكبير الدكتور الشامي و غيره ، و اقترح على حضرتك - لو تحب - انك تستشير أي أحد منهم و لو على الخاص. يعني مجرد إقتراح ممكن يكون مجاش في بال حضرتك و ممكن يكون مفيد. ربنا يرفع عنك ما أصابك من حزن و يبدلك مكانة فرحاً و سروراً.

بخصوص ماكدونالدز و البرجر عامة .. إحنا كرهناهم فيه من صغرهم ... و أخيرا فرجتهم على الفيلم ده http://www.youtube.com/watch?v=YfBc-Rla0uI...feature=related و ده خلاهم كرهوه خالص .... و مش بيطلبوه أصلا أنا مش بأعتبر البيتزا و الكنتاكي فاست فوود ... الحمد لله المدام عودت الأولاد عندي من صغرهم على الأكل الصحي ... خضروات و فواكه و عيش أسمر .... الخ بالنسبه لأعياد الميلاد أنا مش شايف فيها مشكله ... ممكن توضح ؟ باشمهندس إيهاب، اشكر حضرتك على الرد. انا قصدي ب-"أعياد الميلاد و خلافه" يعني المناسبات أو الأنشطة إلي ممكن يتواجد فيها الأطفال و في نفس الوقت بيكون بطبيعتها متاح فيها مأكولات قد يكون بعضها غير حلال، مثل أعياد الميلاد، حفلات المدرسة، قضاء أوقات عند أصدقاء كنديين ..... الخ . عامة دي كانت فقط أمثلة انما فكرة حضرتك وصلت، و أشكرك مرة أخرى.

أنا متفق تماماً مع الكلام ده، و أعتقد أن دي مشكلة ثقافة في مصر، و شايف بردو إن المشكلة ديه مكنتش موجودة أيام مصر الملكية، على الأقل بالصورة إلي موجودة دلوقتي. يعني بردو ممكن الثقافة ديه تتغير و يرجع الشعب المصري (و شباب الجامعة) يكون ليهم رأي و توجه سياسي يدافعوا عنه و يناضلوا من أجله. بالنسبة للمهاجرين أعتقد إن دي فرصة جيدة إن الإنسان يبدأ يكون له تأثير و دور في هذا الأمر حيث الحرية و المناخ السياسي المناسب.

مدام سمية، تحية طيبة لحضرتك و لجميع أفراد أسرتك. بالنسبة لموضوع صور ال-PR، إن شاء الله ربنا يوفقكم إنكم تعدلوها، و لكن لو محصلش و لو حضرتك مقدرتيش تمدي فترة اقامتك، فيه إحتمال باردو إن الصور إلي انتو مقدمينها تعدي. و لو على أسوأ الظروف حضرتك سافرتي و ال-PR مطلعش ممكن تروحي سفارة كندا بالدولة إلي حضرتك فيها و تطلعي Travel Document تدخلي بيها كندا وإنتي راجعة تاني. طبعاً الأضمن إن الواحد يستخرج الكارت في الأول و يتطمن، لكن أنا مقريتش في أي مكان على موقع الهجرة أو في الGuide الخاص بالهجرة أي تحذير من الخروج من كندا قبل إستخراج ال PR أو حتى تنويه إن ممكن تحصل مشكلة بسبب الموضوع ده، إنما لقيتهم كاتبين عن موضوع الTravel Document، فممكن الموضوع يكون كله بسيط. :) و كما يقول الإخوة في المنتدى "تفاءلوا بالخير تجدوه" :ninja: :sad: :sad: بالتوفيق.

الأخ الفاضل إيهاب سالم، الاقتباس التالي كان فيه سؤال كنت سألته في الموضوع الخاص ب د. تهامي و أعتقد أن حضرتك مشفتوش. اتمنى اني أعرف تجربة حضرتك أو أي تجارب مفيدة خاصة بهذا الموضوع. و شكراً. الأخ الفاضل إيهاب سالم، الإخوة الأفاضل اللي عايشين في كندا، سؤال محيرني بقاله فترة.......... طيب لو احنا بنقدر نمنع نفسنا من أشياء بنحبها أو متعودين عليها، ممكن نعمل إيه مع الأطفال بخصوص ماكدونالدز و الفاست فود بوجه عام أو أعياد ميلاد مع أصحابهم أو خلاف ذلك؟؟ و شكراً.

غمض عنيك وامشي بخفة و دلع الدنيا هي الشابة وإنت الجدع تشوف رشاقة خطوتك تعبدك وإنت لو بصيت لرجليك تقع و عجبي :wub:

نقطة مهمه يا باشمهندس ردها في نقطتين العيب و الحرام و اللي يصح و اللي ما يصحش بيتغرز في نفوس الاولاد من و هما صغيرين .....أنا عايز أقولك إن فيه أفراد كتير من الجيل التاني من المهاجرين حس الحرام و الحلال عندهم أعلي من اقرانهم اللي متربيين في دول عربية ...الولاد بيطلعوا عارفين انهم مختلفين و إن اللي ممكن غيرهم يعملوه مش مسموح ليهم ...و ده دور الابوين اللي أشرنا ليه مرارا و تكرارا ....مش ناوي تدي لاولادك أقصي الاهتمام بالذات في السنوات الأولي يبقى خلصت تماما و لو كان الكلام ده صحيح ١٠٠ ٪ في أي مكان في الدول الغربية ٢٠٠ ٪ النقطة التانية الاهم ولادك بيعملوا الصح علشان هو صح مش علشان الناس حتقول عليهم إيه ...اللي بيراقبهم ربنا مش الجيران ...معني انهم يراعوا ربنا مش كلام الناس انك ما تخفش عليهم لو ما فيش حد معاهم و ديه نقطة حيوصل ليها الولاد يوما ما مهما أحتطهم من حماية ...في يوم حيتعرضوا لاغراء و حيبقوا لوحديهم و ما حدش شايفهم غير ربهم اللحظة ديه اللي بتبين التربية صح و لا غلط ..... اللي حيقع في الغلط لغياب الوازع الديني و الاخلاقي حيقع سواء كندا أو المريخ و العكس صحيح منور باب كندا يا باشا د. هشام، أوافق حضرتك الرأي تماماً في موضوع ال-100% و ال-200%. يعني أعتقد أن تطبيق المبادئ و الدين و المثل....إلخ يعتمد على العاملين معاً - المجهود المبذول من قبل الإنسان و المقاومة (أو الدعم) من قبل المجتمع. يعني في الشرق هناك بعض الأخلاقيات أو المثل اللي بيكون تطبيقها أسهل من تطبيقها في الغرب بسبب دعم المجتمع، و أيضاً هناك بعض الأخلاقيات أو المثل اللي بيكون تطبيقها أصعب من تطبيقها في الغرب بسبب مقاومة المجتمع و كذلك الأمر في الغرب. و أعتقد أيضاً إن ده اللي الأخ عبدوس كان بيحاول يوضحه في فكرة دعم المجتمع - إن ده عامل من أهم العوامل التي يجب إعتبارها و ليس بالطبع العامل الوحيد، أو هذا ما فهمت من مداخلاته السابقة على الأقل. تقبلوا تحياتي على الحوار الهادئ الراقي. :wub: و شكراً. :)

الفاضلة Goodfaith، هذه مشاركة من موضوع أخر (في الأصل إقتباس من أحد مواضيع الباشمهندس إيهاب سالم) رأيت إن فيها جزء من الإجابة على إستفسار حضرتك. http://www.egyptiantalks.org/invb/?showtopic=87185&st=15

الأخ الفاضل اكسلانس، لو كان قصد حضرتك انها تعمل Copy و Paste للمهام الوظيفية من موقع ال NOC لل Application، فأنا أعتقد أن ده بيثير شكوك ضابط الهجرة، و فيه مداخلة لأحد الإخوة، أعتقد في موضوع الدكتور قناوي الخاص بإجابة الاستفسارات السريعة، الأخ ده مدير مالي من فترة طويلة جداً بالفعل و عمل Copy و Paste لمهام الوظيفة و ال Application بتاعه إترفض لنفس السبب. ممكن بردو لو حد من الإخوة الأكثر خبرة عنده معلومات عن الموضوع ده يشارك برأيه. بالتوفيق ليكي يا أم أدم في ال-Application القادم. تحياتي للجميع. :ninja: