Mr MAGED

عزيزي رؤوف أنا جاي مخصوص عشان أقولك كل سنة وانتي طيب وعقبال 100 سنة تحياتي

انت ليه حكمت يا أبو ريم علي مؤيدي أبو الفتوح انهم بيأيدوه عشان بيكرهوا أبو اسماعيل ... إيه علاقة ترشيح أبو الفتوح بكره أبو اسماعيل !!! للدرجة انت مش شايف في تاريخ أبو الفتوح وقدراته ما يؤهله انه يكون منافس لأبو اسماعيل أو حتي الشاطر ؟؟ احنا ليه ماشيين بمبدأ انت لو مش معانا تبقي ضدنا ؟؟ أنا شخصيا شايف وما زلت عند رأيي ان أبو الفتوح هو أنسب واحد فيهم حتي بعد ترشح الشاطر ويكفي في مداخلة فوق ليك بتقول فيها ان الشاطر أفضل من أبو الفتوح لأانه مش متصلب الرأي زيه أهي الكلمة دي في نظري أقوي شهادة لكفائته .. لأنه متصلب الرأي وثابت عند مبدأه .. مش بيلين وبيمشي حسب المجلس ما هيقوله والمجلس هنا تنطبق علي المجلس العسكري ومجلس الارشاد وفقط للعلم ... نسبة كبيرة جدا من شباب الثورة والليبرالين بتأيد أبو الفتوح .. مش الاسلاميين والملتزمين بجد فلو كنا بندور علي مرشح توافقي ... ينال رضا كافة أطياف الشعب .. اهو قدامنا ممثل في أبو الفتوح بدون أي صفقات ولا اتفاقات من تحت الطاولة الأخوان بتقولك انهم عندهم مبدأ .. وهما عمرهم ما ثبتوا علي مبدأ ... وانا عايز اعرف اجابة واحدة لسؤال واحد : ترشيح الأخوان لخيرت الشاطر .. غلبت عليه المصلحة العامة للدولة ؟ ولا المصلحة الخاصة للجماعة ؟؟ لان تفتيت أصوات المرشحين الاسلاميين ومساندي الثورة عمره ما كان أبدا للمصلحة العامة

جماعة الأخوان وكل المنتمين لهم من ساعة ما خدوا قرار ترشيح الشاطر .. وهما عمالين يبرروا للناس هما خدوا القرار ليه بعد ما كانوا وعدوا بعدم الترشيح .. وعمالين يعرضوا السيرة الذاتية للشاطر ويعرفوا الناس بيه ... هو حد قالهم ان الشاطر مش عاجبنا .. أو احنا معترضين علي شخصه وقدراته وكفائته بغض النظر عن كونه رجل أعمال واحنا أساسا ً كنا بنعترض علي حكومة رجال الأعمال .. نقوم نجيب رئيس رجل أعمال .. معلهش هنعمل نفسنا مش واخدين بالنا هما حاسين ان القرار غلط عشان كده عمالين يبرروا ويصوغوا الحجج !! .. لو هما شايفين ان القرار صح انا شايف ان مافيش داعي للتبرير كل شوية .. لأن كثرة التبرير بتضعف الموقف مش بيقويه

خليك فريش كده يا أستاذ أحمد ومشيها شاطر شاطر ونادلنا بقي عالست نانسي عشان تبدأ الحملة انت هتلاقي فين أشطر من كده

أسوأ قرار تم اتخاذه حتي الأن من وجهة نظر الشعب .. ولكن من وجهة نظر الأخوان والمجلس العسكري هذا هو القرار الأمثل ولنلاحظ جميعا ً أنهم قالوا مرشح الأخوان .. ولم يقولوا أنه مرشح حزب الحرية والعدالة!!! مع كامل الاحترام لشخص خيرت الشاطر وتاريخه السياسي .... فهل نرضي أن يكون لرئيس دولتنا مرجعية ؟؟؟ كيف نقارن بين أشخاص ثبتوا علي مبدأهم من أول يوم .. .وبين من انتظر قرار المرشد .. كيف نطلب من أبو اسماعيل أو أبو الفتوح بالتنازل لمصلحة من هذا الهراء السياسي !! بعد أن كنا نعترض علي حكومة رجال الأعمال .. نأتي الأن برجل أعمال ليكون رئيسا ً !!! عندما كنا نقول حكومة الحزب الوطني .. كان رئيس الجمهورية هو رئيس الحزب الوطني .. لذا فلم تكن له مرجعية يرجع اليها كيف يتخذ الأخوان مثل هذا القرار وهم يعلمون أنهم بهذا يفتتون أصوات الاسلاميين علي ثلاثة .. والنتجية الحتمية هي سقوطهم جميعا ً إلا إذا كان هذا هو المطلوب !!!!! فهل هذه هي الصفقة !!! هل خيرت الشاطر هو المرشح التوافقي الذي لن يعادي المجلس العسكري !!! أم أن خيرت الشاطر سيكون هو العامل الرئيسي في فوز مرشح المجلس العسكري ؟؟ اذا كان الأخوان يريدون ترشيح أحد قياداتهم ... فلماذا لم يؤيدوا أبو الفتوح .. وإيه يعني لما يرجعوا عن قرار عدم تأييده طيب ما هما رجعوا عن كل القرارات والوعود اللي خادوها قبل كده .. اشمعني دي يعني !!! لا حول ولا قوة إلا بالله العلي العظيم

أخي الفاضل .. محدش هيقدر يفيدك هنا ... دي صورة ومحدش يعرف يتأكد من صحة الأختام من صورة حضرتك لازم تروح السفارة بنفسك وهما يشوفوها .. متتصلش بالتليفون روح علي طول عشان تريح نفسك

حركة مصرنا أعلنت دعمها لأبو الفتوح .. وبدأت تنظم فعاليات علي الانترنت ومؤتمرات لتأييده أعتقد ان دي خطوة مهمة لما حركة لا تنتمي لتيارات اسلامية وان كان من اعضائها محموعة من الاسلاميين ومعظم أعضائها من شباب الثورة ... تقوم بتأييد مرشح له خلفية اسلامية شخصيا ً أدعم أبو الفتوح

انا ماظنش ان الكلام ده ممكن يحصل .. ولو حصل هيقلولك بس طبخوها مع بعض وجابوا مرشح توافقي .. واتفقوا علي مصالحهم في الغرف المغلقة الجولة الاولي من الانتخابات هتحدد مين صاحب الشعبية .. إسلامي أو ليبرالي أو حتي فلول مع ان المشكلة ان مافيش مرشح ليبرالي لحد الوقتي .. يبقي احنا بنتكلم عن اسلاميين وفلول اللي هيوصل منهم للاعادة يبقي الباقيين يدعموه .. لكن مش يتنازلوا من الاول ومن وجهة نظري ان الوحيد اللي بيمثل الفكر الاسلامي المعتدل .. بمفهوم متطور هو أبو الفتوح ... وعشان كده حصل علي تأييد فئات كتيرة من الشعب من ضمنها حركة مصرنا ... ودي طبعا مش حركة اسلامية

محدش معترض علي ان الجيش يكون له مشاريعه ويكون عنده اكتفاء ذاتي ده شيء جميل طبعا بس انا مش مصدق ان عليهم رقابة من الجهاز المركزي ... اذا كان الجهاز المركزي نفسه طلع وصرح وقال انه مكنش عنده صلاحية الرقابة علي معاملات رئاسة الجمهورية والجهات السيادية ... يبقي ازاي بيراقب وزارة الدفاع ولما هو شايفين ان عليهم رقابة من الجهاز المركزي .. ده لو صح يعني .. خايفين ليه ان فيه يكون رقابة من البرلمان !!! أي شيء يعمله الجيش لصالح البلد علي عينا وراسنا ... بس لما تكون ايراداته بتدخل في ميزانية الدولة ... مش في جيوبهم لان المشاريع دي كلها اتعملت بفلوس الدولة ... وبمجهود المجندين ... مش بفلوسهم الخاصة

أيوا مين هو الباشمهندس ده ... وايه هيا مصادره ولا هو مألفه ؟؟

بسم الله ما شاء الله ... الواحد خايف ان تطلع أصولنا يهودية احنا كمان بجد سرعة عجيبة في كتابة مثل هذا الموضوع المعقد وكل هذه المداخلات ... بس معلهش ممكن نعرف مصادر الكلام ده يعني الكلام ده موثق ولا حضرتك نقلته منين بالظبط

ياااااااااااااه يا كابتن ماجد هي لسه واضحة دلوقت ؟؟!!! ده أحنا من أول يوم ما ركبوا الكرسي وإحنا بنقول كده ولساننا أتبرى وإحنا بنقول يسقط يسقط حكم العسكر معلهش بقي يا أستاذ أحمد فارق التوقيت بقي ... الجو في دبي غير شوية

يبقي كده الرؤية وضحت .. وعرفنا ان الجيش متمسك بالسلطة لأقصي مدي ليه الجيش من حقه يكون عنده مشاريع لاحداث عملية الاكتفاء الذاتي بالطبع ولكن ليس من حقه أن يكون دولة غير الدولة ... كلنا عرفنا أن هناك مشاريع تدار عن طريق الجيش ولكننا لم نعرف كيف يتم التصرف في ايرادات تلك المشاريع هل تعود لخزينة وزارة الدفاع .. التي يجب أن يكون عليها رقابة من الجهاز المركزي للمحاسبات وتتم مناقشتها من قبل لجنة الدفاع بمجلس الشعب أم أنها تتحول لبطون جنرالات الجيش .. والمخلوع الذي يتم الدفاع عنه باستماته حتي الأن ما الذي يضير الجيش أن يكون هناك رقابة علي تلك المشاريع ... طبعا لن يتم نشر تقارير عن تلك المشاريع بالصحف ولكن لا يستقيم أبدا أن يتحول الجيش لدولة داخل الدولة

عزيزتي نوران أظن أنه لا يوجد داعي لتعداد المأسي والحوادث التي نتجت عن الزواج بأجنبيات كما أنه أيضا ً لا يوجد داعي لتعداد مميزات الزوجة المصرية ... فالمجال لن يتسع لذكر ذلك ولا ذاك كل ما يفعله بعض الشباب عديمي الخبرة ... الذي قابلوا بعض المشاكل عند محاولة الزواج من مصرية والذين انبهروا بالمسلسلات التركية ... وما يقال عن السوريات ... ودلال اللبنانيات في الكليبات الهابطة وعري الأوروبيات في القري السياحية ... هم انبهروا بكل ذلك ... ولم يفكروا ما هي تبعات الارتباط بمثل هذه النوعيات بالتأكيد هناك بعض التجارب الناجحة .. ولكن من هم أصحابها !!! أصحاب تلك التجارب الناجحة هم رجال ناضجون استقروا خارج مصر .. مستقرون ماديا ً وعاشوا حياتهم خارج مصر ... وتزوجوا بغرض الاستقرار ... وليس بغرض أنها سوف تساعده علي السفر ولا بداعي أن الزواج لن يكلفه كما يكلف الزواج من مصرية مثل هؤلاء الشباب اذا لم تكن عندهم القدرة علي تحمل المسئولية وحل بعض المشاكل المتعلقة ببعض الأمور الشكلية التي جري عليها العرف في أي زواج كالقائمة والنيش والصيني .... الخ ... اذا لم تكن عنده القدرة علي حل تلك الامور البسيطة التي تحدث في أي زيجة في مصر ... فكيف سيستطيع حل أي مشكلة تحصل له في بلد غريب مع أجنبية يفترض أنها ستكون مواطنة في الدولة التي يعيش فيها ... كيف سيتصرف عندما تطرده من المنزل في منتصف الليل ! .. كيف سيتصرف عندما تطلب له الشرطة ان رفع صوته عليها !! ... كيف سيدفع تكاليف النوادي الليلية والمطاعم والنزهات ! .. كيف ستيصرف عندما تقابل زوجته زميلها في الشارع وتقوم بتقبيل هذا الزميل أمامه ! عادي ما هو لازم يكون لارج كيف سيتصرف عندما تبلغ ابنته السادسة عشرة وتطالب باستقلالها بحياتها الخاصة مع البوي فريند بتاعها ! ... كيف سيتصرف ان طلبت له ابنته الشرطة لانه يضربها !! هناك العديد والعديد من مثل تلك الأسئلة وتلك المواقف التي حدثت وتحدث باستمرار هل سيكون لديه القدرة علي تحمل هذا الذل وتلك المهانة .. ولم تكن لديه القدرة علي حل مشكلة النيش والقايمة !!!! عذرا للاطالة ... وتقبلي تحيتي

مقال هادف قام فيه الكاتب بوصف الحالة التي تمر بها مصر الأن فهل يا تري ... سنقوم بتسليم مصر لمغتصبيها .. وننتظر حتي تنتحر كما فعلت أمينة الفيلالي أم سيكون لنا نحن أبناء مصر رأيا ً أخر رابط المقال