goodfaith

بجد اول مرة احس ان الادارة هنا بتستخف بالاعضاء وبتسخر منهم انا MCSA وعندي لابتوب وديسك توب والاتنين عليهم اصدارات مختلفة من الويندوز والمتصفحات اللي جربتها EI 8 واوبرا وكروم وفايرفوكس وافانت وبجد لو اعرف متصفحات تانية كنت جربتها وسرعة النت عندي عالية جدا اه وعلى فكرة الاستاذ advisor غير لي اللغة من انجليزي لعربي فاصبح الموقع يظهر عندي من اليمين لليسار رغم اني ذكرت له ان اتجاه الموقع مش مشكلة بالنسبة لي يا ريت الطبيب يتأكد فعلا ان الكوب به شاي وان الرجل لا يتظاهر امامه بشرب الهواء

السلام عليكم على فكرة انا عندي نفس المشكلة دي وجربت اكثر من متصفح ومفيش فايدة كمان صفحات المنتدى اللي فيها المساحات البيضا دي بتاخد وقت اكبر على ما بتفتح وبتعمل لي حالة شلل مؤقتة لجهازي رغم ان جهازي حديث وسريع وسرعة الانترنت عندي عالية جدا فيه حد عنده فكرة السبب ممكن يكون من ايه؟

هو المنتدى حادف شمال ليه؟

السلام عليكم ورحمة الله وبركاته كل سنة والجميع بخير احتفال عيد الفطر في أوتاوا

شكرا لكل من سال عني جزاكم الله خيرا دكتور تو اخجلتم تواضعنا وربنا يرجع دكتور هشام بالسلامة افتكرته وانا داخلة اودة العمليات واحترمت اوي دكاترة التخدير كلهم بعد العملية :happy: استاذ محمد ربنا يكتب اللي فيه الخير ان شاء الله البارك اللي حضرتك حاطط صورته اسمه Andrew Haydon Park جنب بيتي وكل يوم بنروحه بس ابني بيخاف من المروحة اللي بتبين اتجاه الريح كل ما نقرب منها يزبهل ويفضل باصص لها كانها النداهة مرة اخدته تحتها فضل واقف راسه مشعلقة 10 دقائق لا حس ولا خبر في الاخر انا زهقت شلته وبعدت عنها :blink: كمان فيه هناك مسرح بيعملوا عليه عروض موسيقية ظريفة ودي صورة لقيتها على النت للبارك http://commondatastorage.googleapis.com/st...nal/4467699.jpg كمان جنبنا بارك تاني اسمه Britannia Park ده حوالي 7 دقائق باسيارة فيه شاطيء وبيعملوا فيه سيرفينج تحفة بس الشاطيء مريع مطين كده وكله صخور والمية عكرة جدا http://commondatastorage.googleapis.com/st...al/17375149.jpg اغابي حبيبتي ازيك وحشاني والف سلامة على نفسيتك :happy:

الله يسلمكم جميعا وشكرا جزيلا لكم اخ باث فايندر غالبا يعني اغلب الرجال بيجيبوا اول حاجة يلاقوها في السوق جوزي راح جاب لنا عربية من سنتين تقريبا اول عربية الديلر وراها له اخدها ومشافش غيرها اصلا اما المقارنات وفين تلاقي احسن حاجة والتفاصيل الكتير دي بتاعة الستات او ممكن بعض الرجال اللي عقليتهم تجارية شوية بتكون دي طريقتهم الفترة الاخيرة بقيت احس ان التدوير والتاخير لحد ما نلاقي احسن حاجة وبانسب سعر تضييع وقت ومجهود اللي في النهاية بيساوي فلوس برضو فبقيت اريح نفسي واشتري اول حاجة الاقيها برضو انا مرة رحت بابني الطواريء كان سخن والحقيقة السبب مكانش السخونية سبب ما رحت المستشفى انه كان لما ينام كان بيتخنق ومش بيقدر يتنفس لما الموضوع اتكرر اخدته المستشفى اول ما رحنا في الاستقبال فيه ممرضة بتسألك عن سبب المجيء للطواريء وبتقيس حرارة الطفل ولما لقت ابني سخن عطته خافض حرارة وقالت لي اقلعه السنو سوت واخليه في البنطلون الداخلي القطني وتي شيرت خفيف وكان عنده فيرس بيسبب الاختناق ده في العادة بيسيبوا الجسم يقاوم الفيروس لمدة 5 ايام ولو استمرت الحرارة بعد كده بيكتبوا مضاد حيوي وطبعا الام لازم تدي ابنها خافض حرارة كل 4 ساعات وتساعدة بحمامات دافية ولبس خفيف وكده لو فيه التهاب مثلا في الودن او الحلق او اي شيء يحتاج مضاد حيوي بيكتبوه فورا بس مش عمال على بطال زي عندنا وبخصوص المرارة الف سلامة استاذ اكسيلانس ربنا يشفيك ويعافيك يا رب الامها رهيبة الله يعينك

اه على فكرة نسيت اقول ان السيناريو الطبيعي للموضوع اللي حصل في الطواريء في 3 ايام ياخد من شهرين ل 6 شهور مع دكتور العيلة ولاخصائي يعني دكتور العيلة بعد عمل التحاليل الاولية والتاكد ان فيه مشكلة بيعمل ريفير لجراح والجراح بيحدد موعد للعملية انا كنت وصلت في الاجراء الطبيعي خلال اسبوع لعملية الريفير للجراح ممكن الموعد مع الجراح ياخد شهرين وعلى ما يتم عمل العملية مش عارفة هتاخد كام وقت

السلام عليكم ورحمة الله ازيك يا دكتور تهامي وازيكم كلكم انا متابعة بصمت وكل ما اجي اكتب حاجة اقوم قبل ما اكمل الرد واقفل الصفحة معلش بقى يا تهامي يا خويا على فكرة فيه حاجات كتير بجد نفسي اعلق عليها وفيه حاجات اول مرة اعرفها منك ما شاء الله موسوعة وبجد طريقتك في الشوبنج ستاتي شويتين يمكن الي مخلي طريقتنا في الشوبنج رجالي هو قلة الوقت والاولاد لاني زمان كنت باستمتع بالشوبنج وباقضي فيه وقت كبير بس دلوقت خلاص سلمت نمر واصلا الاطفال بتزهق بعد شوية والزن بيشتغل كمان من بعد ما الاستاذ علي شرف وانا من حاجة لحاجة حصلي انهيار في صحتي تقريبا واخرها عملت عملية المرارة لسه الاتنين اللي فات استاذي الفاضل اكسيلانس انا كنت عايزة اكتب لك عن تجربتي مع الطواريء في مستشفيات كندا لاني حاسة انك قلقان جدا من الموضوع ده وانا الحمد لله الفترة الاخيرة كل اسبوع هناك المهم اخر تجربة كانت اني تعبت بمغص في المرارة يوم الجمعة في الليل وكان الدكتور حذرني اني لو حصل لي المغص ده تاني اروح فورا للمستشفى وصلت المستشفى 3 صباحا والدكتور شافتي 5 صباحا ونقلوني فورا على قسم الملاحظة على 9 صباحا جالي دكتور جراح اون كول وقالي اني محتاجة لعملية في المرارة وشرح لي العملية بتتعمل ازاي واني على ويتنج ليست وناقشني في نتيجة التحاليل والالترا ساوند اللي اتعملوا لي على 6 صباحا كده ونقلوني لغرفة بالمستشفى على 4 مساء قضيت باقي يوم السبت والاحد في المستشفى وعملت العملية يوم الاتنين الصبح وكنت متاخرة لان حسب ما الدكتور شرح لي ان قائمة الانتظار بتنقسم 3 اقسام ناس هتموت لو معملتش العملية دي بسرعة لها اولوية ناس ممكن تموت لو معملتش العملية ودي تاني درجة في الاهمية ناس محتاجة العملية لكن مش هتموت ودي كانت حالة حضرتي والحالات الاولى والتانية كانوا دايما يأخروني عشان كدة انتظرت في المستشفى يومين عادة الطواريء مثلا هتروح 6 مساء ممكن تطلع على 3 صباحا يعني متوسط 6 ساعات بس لو محتاج اي شيء من تحاليل واشعة والتراساوند ومتابعة على اجهزة دقيقة اي شيء بيتم توفيه فورا ولو الحالة لا تحتمل انتظار مش بيخلوك تنتظر زي حالتي اخر مرة نقلوني فورا لمكان ارتاح فيه وعطوني مسكنات قوية جدا لتخفيف الالم بالنسبة لاولادك الله يحفظهم لك ان شاء الله لما تيجي كندا هتلاحظ ان احتياجهم لزيارة الدكتور ونسبة مرضهم هتقل لعدة عوامل منها نقاء الجو والميه ومنع التدخين في كل مكان تقريبا والمواد الكيميائية في الاكل صحيح موجودة بس بمقاييس وبصورة مش مضرة وتحت متابعة مستمرة من هيلث كندا معلش يا دكتور شوية فضفضة في قهوتك الا يا دكتور مجربتش الكنباري الطازة مرة لقيته في اكياس مش عارفة منين جاني احساس انه ممكن يكون زي العنب او البلو بيري حتى هيا واحدة كلتها وباقي الكيس رميته :( وانا منتظرة حلقة المطاعم بفارغ الصبر ويا ريت تكتب لنا عن المطاعم اللي رحتها في اوتاوا

معلش يا سوسو هو الواد ده شكله هيفضل كاسفنا كده على طول الاول معاد الولادة وبعدين الاسم ولسه مش عارفة ناوي على ايه انا للاسف تعبت شوية بعد ما روحت البيت ورجعت رحت الامرجنسي ولسه دخلت في مواضيع جديدة كده ربنا يعديها على خير الله يبارك فيكي يا بوسي وعقبال ما تجيبي اخ او خت لعمورك وميرسي على اغنية السبوع لما عمر وعي يصحوا من النوم هاشغلها ونهيص شوية الله يسلمك يا فتفوتة ومعلش الاسم انتي عارفة نصيب بقى وربنا يقدرني هو مرات يبوسه ومرات يشد ايده او شعره حسب الظروف يعني ولما بابعد علي عنه بيعضني انا ويشد شعري ومرات يعمل نفسه بيغير له وبيمسح له قال يعني شوية كده لحد ما ياخدوا على بعض وربنا يهدي اولادنا جميعا يا رب الله يسلمك ماما سلوى :D واحنا خلالالاص كده الحمد لله بس ربنا يقدرنا على تربيتهم ويبارك لنا فيهم ومتشكرة جدا على كلماتك الرقيقة والله يبارك فيكي اهلا استاذ حسام الله يسلمك والاستاذ احمد غير رايه وقرر يبقى علي عليوه :D :D كان ممكن برضو يبقى عحمد تسلمي يا لماضة على دعواتك الحلوة ربنا يجعل لي منها نصيب يا رب ولك مثلها ان شاء الله مامتك دي شكلها ست عسولة ويا عمورة اسمع كلام خالتك لماضة الله يبارك فيك يوزر نيم وجزاك الله خيرا على دعواتك الله يسلمك نورسين متشكرة ليكي جدا وجزاك الله كل خير

هو ولا على باله ان الكل مستني تشريفه :D الله يسلمك ويبارك فيكي يا جاية لك يا كندا ومتشكرة اوي على دعواتك ولك بالمثل ان شاء الله ومنتظرينك بقى تنوري كندا الله يسلمك أخت إيناس متشكرة جدا وجزاك الله خير لماضة ازيك تصدقي اني افتكرتك ودعيتلك وسوسو اتصلت بيا بس عمر كان عامل قلق جامد اوي ربنا يهديه يا رب ويقدر يمر بالمرحلة دي على خير والنونو سميناه علي وانا بقيت ام علي بالمكسرات :D الله يبارك فيكي وعقبالك يا حبيبتي قريبا الله يسلمك يا ام مروان تسلمي وربنا يتقبل ولك بالمثل ان شاء الله

الله يبارك فيك استاذ رامي للاسف قررنا نسميه علي بعد ما كتبناه أحمد لقينا الممرضة بتقوله آمييد والاسم اتشلفط خالص واحنا كنا محتارين بين علي وأحمد فقلنا خلاص نخليها علي عشان يبقى الشلفطة أخف شوية ويبقى بالعين زي اخوه عمر وكمان عشان ابقى انا ام علي :D وطبعا حقك محفوظ في الفطيرة متقلقش بس تنورنا كندا قريبا ان شاء الله ويا رب يبارك لنا في اولادنا جميعا ويرزق كل اللي بيتمنى شكرا أستاذ محمد جزاك الله خيرا الله يسلمك يا دامو والله يبارك فيكي يا قمر وعقبال ما نفرح بيكي قريب ويا رب اكون في تورنتو وتعزميني :D الله يسلمك ويبارك فيكي يا لولا متشكرة اوي على ذوقك وكلامك الجميل الله يبارك فيكي يا بركة واللهم آمين يا رب ولك بالمثل ان شاء الله اهلا رامو الله يسلمك والله يبارك فيكي متشكرة ليكي جدا جدا :D

وانا اقول الناس عرفت منين عرفت منين اخيرا العصفورة قالت لي ان سوسو العزيزة عاملة موضوع بالموضوع :D صراحة احنا هددناه لو مش هتيجي بمزاجك هتيجي غصب عنك وكنا متنفقين على السبت آخر فرصة ليه الاستاذ استنى لقبل للمهلة المحددة بيوم وقال هي ولادة ولا اكتر واستسلم بس الحقيقة احنا غيرنا الاسم ل علي عشان ابقى انا ام علي :D الله يسلمك أستاذ أحمد :) وكلهم غلباويين ومتعبين بس لما بيكبروا مش بيصدقوا ولا بيعترفوا زي حضرتك كده اهلا شيكو نورتي الدنيا والله يسلمك متشكرة جدا وتصوري نسيت خالص يوم السبوع اني اغني له زمان افتكر اني غنيت لعمر وقعدت الاعبه وكنت فاكرة يوم سبوعه بس مع علي اتلهيت :D ومتشكرة على دعائك ربنا يتقبل ان شاء الله ويا ريت اقدر اعمل عقيقة علي في مصر وتنورينا الله يسلمك يا رضوى متشكرة ليكي جدا ربنا يتقبل منك وجزاك الله خيرا اهلا باشمهندس ياسر الله يسلمك ومتشكرة جدا لحضرتك

يا اخواننا الكرام .. مفيش حد ممكن يفيدنا و ينورنا في الموضوع ده ... يبقى كتر خيره ... ممكن تشتغل كاد درافتر وغالبا بيعملوا امتحان بسيط لما تقدم على الوظيفة عشن يشوفوا امكانياتك وبعض الوظائف بيقبلوا اذا كان المتقدم مش بروفشنال انجنير انه يكون انجنيير ان ترين وبيشتغل تحت مهندسين تانيين وطبعا مرتبه بيكون اقل ده على اساس انه اتقبل يعادل في البروفشنال انجنيير وعلى ما يعادل خلوه انجنيير ان ترين يا رب اكون افدتك وانصحك تراسل الاخ زناتي لانه مدني كمان وماشي في الاجراءات من فترة ولو معرفتش تبعت له ابعت لي على الخاص وانا ابعت لك ازاي ممكن تراسله وبالتوفيق ان شاء الله

الأجهزة المنزلية بصوا فيه حاجة انا جربتها وعجبتني اوي واعتقد والله اعلم انها موجودة في كارفور في مصر واكيد هتلاقوها في المحلات الكبيرة عندكم الحاجة دي اسمها سلو كوكر Slow Cooker ومرة شفت حلقة كاملة لاسامة السيد كان بيعمل اكلات فيها دي عبارة عن اناء فخار بيتحط في اناء معدني بيتوصل بالكهرباء وبتكون درجة حرارته هادية جدا يعني بيسوي الاكل على نار هاديااااااااااااااااااااااااااا انا اول ما اشتريته كان عشان فكرته انك بتحطي الاكل ني في ني وبتسيبيه يستوي من 6 ل 8 ساعات وممكن اكتر وبعدين بتاكلي وجبة واو فكنت باجهز اللي عايزة اطبخه من بالليل والصبح اولعها واروح شغلي وارجع الاقي الاكل جاهز كنت باشتغل من 7 ونص صباحا ل 3 ونص يعني باخرج 7 وباروح 4 طبعا فيه منهم بتايمر وفيه بدرجات حرارة مختلفة هاي ولو وكده الظريف بقى اني مبقتش استخدمها بعد ما قعدت في البيت بس اكتشفتلها استخدامات تانية هايلة زي الحبوب اللي بتحتاج وقت كبير في السوا زي الفاصوليا مثلا والبليلة احلى بليلة بيتي تاكليها من السلوكوكر دي طيب عملنا البليلة ما نجرب الفول المدمس ... جربته بس طلع لونه غامق ومش عارفة العيب مني ولا منها كباب الحلة كمان فيها تحفة وطبعا انسوا حاجة اسمها الاكل يتحرق اللي عندي حجمها صغير وشبه دي وفيه انواع اكبر طبعا وفيه من ام تايمر زي دي بس ده اللي عندي عن السلو كوكر :lol: