MrBambinoDent

شكرًا جزيلا يا دوك علي ردك الوافي مشكلة الأسنان انك بتحتاج تكمل في الجامعة و كندا بكل جامعاتها بسكون متاح فيها حوالي 10-15 مكان كل سنة لبرنامج تكملة المعادلة دة و بالتالي عادة اسهل الطرق بيكون أني أعيش في كندا لحد ما أخد الباسبور و بعد كدة اروح امريكا اعادل عن طريق بًرنامج سنتين الي 3 سنين لان جامعاتها اكتر و الفرص اكتر و بعد ما تخلص معادة ممكن تعيش و تشتغل في كندا او امريكا زي ما تحب بس طبعا بتكون مخلص و عليك قرض في حدود 300 الف زورار و دة رقم حقيقي و قد يزيد دة جزء من المعادلة الصعبة من الناحية التانية كنت بفكر ادرس Bsc Engineering - Oil and Gas بصراحة مفكرتش كتير في طبيعة الحياة بس اهو نجرب :sad: كفاية كدة عشان الايباد هيفصل ً bsh:) شكرًا جزيلا لاهتمامك يا دوك :wub: MrBambinodent في حل تاني...بتعمل حاجة اسمها Assessment of Fundamental Knowledge لو عديتها بتدخل Assessment of clinical skills و Assessment of clinical judgement تعديهم و بكده تبقي زيك زي أي كندي متخرج من طب أسنان هناك..و تدخل البورد اللي كلهم بيدخلوه بعد التخرج و تاخد الرخصة...العملية دي تتكلف حوالي 8500$... عارف النظام دة بس المشكلة بعد ما تعدي البورد مين هيشغلك بشهادتك المصرية ؟؟ دة غير ان شغلنا بتاع مصر مهما كان كويس مش هيتوافق مع النظام هناك بصراحة الكلام دة من ناس في السيستم الطبي هناك و هم اللي قالولي من الافضل انك تحاول تدخل برنامج المعادلة بحيث تتعلم و تتخرج بشهادة من هناك و الا مش سهل تلاقي فرصة عمل الا في الشمال

إنتا بتتكلم جد؟! :blink: دانا طلعت عيني عشان أدخل ع المحاورات من الآيباد ، ولا الهوا! ممكن أستعرض المنتدى ومواضيعه ، بس مستحيل أقدر أرد أو أضيف مشاركة! أنا كنت بافكر أخيب في عقلي وأشتري أي تابلت أندرويد بداله عشان حكاية المحاورات دي! حتى فيه البرنامج Atomic Web اللي بيعمل البدع مع البراوزنج ، فشل إنه يسمحلي أضيف مشاركة ع المحاورات... قللي بجد عملتها إزاي؟! :blink: زي ما انت شايف يادوك و لا سحر و لا شعوزة تلاقي بس انتشار الأندرويد و غيره من اجهزة عامة الشعوب خلا إيمانك بقيمة آبل يقل :closedeyes: و الله يا باشا انا عادي جداً بستخدم Safari لانه بعد تجارب كتير افضل حاجة و طبعا علي iOS 5.0.1 و بصراحة بعد 5 سفاري اتحسن كتير جداً يعني لو مكنتش شغال بيه ( و دة صعب ) أنصحك تعمل أبديت لكن لمزيد من التفاصيل انا مجرد بدوس Reply بس كدة و اكتب اللي عايزه اهم حاجة أوعي تنضم للخضر smk: و مستني رأيك في اخر مشاركة ليا :)

شكراً يا دكترة على المشاركة دي ، وعموماً تقدر تعتبر التوبيك ده بلوج خاص بتجربتي في الحياة الكندية... أنا بصراحة باكره شكل البلوج :closedeyes: وآدي يناير شرفنا ومعاه شوية تلج... كان كريسماس عجيب من غير التلج بصراحة... Green Christmas زي ما بيسموه هنا! تعرف يا دكترة إنك لو اشتغلت هنا دكتور أسنان هتبقى عديت خط الفقر؟ المجال ده منك للعيانين يا ريس ، وما لكش ليميت ، والشغل في الأسنان ما بيبطلش ، وانتا سيد العارفين! ما عنديش فكرة الصراحة عن مدي سهولة أو صعوبة الترخيص المهني لأطباء الأسنان... بس الموضوع يستحق إن ديت للحق! بالنسبة لسؤالك عن مجال الأويل فيلد... السؤال أصلاً عايم ، يعني المجال ده فيه فوق الميت شركة ومجال وتخصص! يعني مثلاً فيه المجال الجيولوجي والكيميائي والأشعة واللحامات والحفر والهندسي والإنشائي والطبي والنقل والتغذية ، وغيرهم كتير... كل ده بيندرج تحت بند البترول! المجال ده فيه فلوس كويسة ، ومش هيبطل... بس النقطة الرئيسية فيه... هل هتنسجم مع طبيعة الحياة فيه كـ 3 أسابيع شغل وأسبوع أجازة في المعتاد؟ هل هتستحمل تشتغل بإيديك وشحم وبهدلة وكده؟ هل عادي إنك تعيش في منطقك وسط الطل ، ومنك للغابات والغربان والدببة والغزلان وباقي الحياة الطبيعية ، ومانتاش عايش وسط الناس والحياة المدنية اللي متعود عليها؟ ليها حسابات كتير يا عزيزي ، مش بس الفلوس! وعموماً مسيرك تيجي وتشوف بنفسك... وتوصل بالسلامة شكرًا جزيلا يا دوك علي ردك الوافي مشكلة الأسنان انك بتحتاج تكمل في الجامعة و كندا بكل جامعاتها بسكون متاح فيها حوالي 10-15 مكان كل سنة لبرنامج تكملة المعادلة دة و بالتالي عادة اسهل الطرق بيكون أني أعيش في كندا لحد ما أخد الباسبور و بعد كدة اروح امريكا اعادل عن طريق بًرنامج سنتين الي 3 سنين لان جامعاتها اكتر و الفرص اكتر و بعد ما تخلص معادة ممكن تعيش و تشتغل في كندا او امريكا زي ما تحب بس طبعا بتكون مخلص و عليك قرض في حدود 300 الف زورار و دة رقم حقيقي و قد يزيد دة جزء من المعادلة الصعبة من الناحية التانية كنت بفكر ادرس Bsc Engineering - Oil and Gas بصراحة مفكرتش كتير في طبيعة الحياة بس اهو نجرب :sad: كفاية كدة عشان الايباد هيفصل ً bsh:) شكرًا جزيلا لاهتمامك يا دوك :wub:

الايلتس مش بالمستويات هو يا اما moderate or high Moderate 5.5/9 High 6.5/9 ما عدا الاستماع high 7.5/9 Moderate بتاخد درجتين علي كل موديول High gives you 4 points عشان تحسب درجاتك جوجل cic skilled worker immigration و هتلاقي زي survey تخلصه يقولك درجاتك

دكتور تهامي تحياتي لحضرتك انا بس حبيت اشكرك علي التوبيك الهايل اللي بجد مفروض تجمعه في كتاب او حتي تنزله في بلوج خاصة بيك ربنا ييسرلك الامور ان شاء الله علي فكرة انا ان شاء الله نازل كالجاري في يناير انا طبيب أسنان بس بفكر أدرس oil and gas ايه رأي حضرتك في المجال ؟ تحياتي عمر

بالتوفيق بس كده غاليه اوى الترجمه وكنت ممكن تترجم الفيش فى اى مكتب ترجمه مش لازم فى الوزارة عموما بالتوفيق وربنا يسهل واول لما تبعت قولنا أكرم, ترجمة الفيش في الوزارة دي أرخص حاجة فيهم ترجمة الفيش بتاعي أنا و زوجتي تكلفتهم 20 جنيه و التسليم تاني يوم باقي الورق اتكلف 280 جنيه و التسليم بعد 3 أيام ربنا يوفقنا كلنا و ان شاء الله هوافيكم باخر التطورات

النهاردة وديت شهادات الخبرة و الورق اللي محتاج ترجمة لمكتب ترجمة أمام السفارة الأمريكية بالظبط ( نسيت اسمه ) و الفيش لوزارة العدل 4 ورقات تكلفة ترجمتهم 280 جنيه .. مش عارف كدة كويس ولا كتير ؟ و ان شاء الله كله يجهز علي يوم الخميس ميعاد نتيجة الأيلتس ناقصني الصور و دفع الفلوس لو حد عنده ترشيح لاستوديو كويس يا ريت يقول :) و كمان حد عنده فكرة عن عمولة البنك في موضوع الشيك المصرفي دة ؟؟ من باب ان الواحد يكون عامل حسابه :lol: و الله المستعان دعواتكم بالتوفيق

ههههههه علي فكرة أنا في تخيلي ان لو ربنا قدر و رحت كندا مش ناوي أستقر في تورنتو غالبا للأسباب اللي انت قلتيها ان المنافسة فيها أكتر بس اللي أسمعه انها من أحسن المقاطعات من ناحية الطقس و خصوصا واحد زيي مفروض أدرس فترة طويلة لو رحت مكان الدراسة أكيد هو اللي هيحدد مكان الاقامة و مش عارف هل في حد عارف اجابة السؤال دة و لا ايه : بالنسبة للشيك المصرفي دة أعمله من أي بنك و لا لازم من بنك يكون ليا حساب فيه ؟؟ لو حد يعرف تفاصيل دفع الرسوم من مصر غير ال Credit Card wst::

شكرا يا باشمهندس يوسف علي الموضوع و برضو علي الصراحة في نقل الظروف عشان اللي يسافر فينا يكون متوقع البداية بتكون ازاي أتمني انك تواصل الكتابة و بالتفاصيل لو تقدر خصوصا علي البداية هناك و الشغل الكاجوال و توفره و مدي قدرته علي تلبية احتياجات أسرة و هل اللي بيفكر لما يروح يدرس سنتين ولا 3 دة ممكن و لا صعب جدا لنه يعيل أسرة و يدرس دي كلها تساؤلات أتمني انك تنقلنا تصورك عنها تحياتي ليك و للأسرة و شفاك الله و عافاك عمر

شكرا جزيلا لردك يا أستاذ عمرو و ان شاء الله يجيلكم الطبي قريبا جدا bv:- أخوكم عمر طبيب أسنان طب بالنسبة للشيك المصرفي دة أعمله من أي بنك و لا لازم من بنك يكون ليا حساب فيه ؟؟ زي ما الأستاذ أكرم رد ان شاء الله مش هتخسري حاجة لكن طالما ورقك جاهز قدمي و حتي الان مفيش حد ورقه راح و رجع بسبب ان العدد اكتمل الفيش مش مطلوب دلوقتي ، متبعتهوش مع الورق المبدي ، لما يطلبوه حتبعته. بالنسبة لموضوع الفلوس ، لازم تكون الشهادة صحيحة وقت تقديم الطلب ، وعند عمل اللاندنج تكون معاك الحد الأدنى المطلوب طبقا لعدد أفراد الأسرة أميرة شكرا لردك يا مدام أميرة أنا عرفت موضوع ان الفيش مش ضروري في الأول بس أنا كنت عملته و واقف علي الترجمة فقلت لو كدة أبعته من الأول و أخلص نفسي عشان متنتهيش مدته و أرجع أعمله من الأول و بالنسبة للشهادة البنكية أكيد مش مضروبة بس الفلوس مش هتطول في الحساب البنكي و انتي أخبارك ايه ؟؟ و صلتي لايه ؟؟ تمنياتي بالتوفيق للجميع و متجمعين ان شاء الله في ميدان التحرير في تورنتو :)

بصراحة توبيك جميل أنا بقالي فترة كنت مشغول في الأيلتس و منتظر النتيجة ان شاء الله اخر الأسبوع ربنا يسهل تقريبا جهزت أغلب الورق ناقص أترجم الفيش و شهادة الخبرة من وزراة الصحة بس للأسف مفيهاش ال Duties و جزء من سنين خبرتي من عيادة خاصة و ناوي ان شاء الله أحط صورة مترجمة من رخصة العيادة و شهادة هكتبها علي Letter Head عليه لوجو العيادة و متدبس فيه Business Card و كمان شهادة من النقابة باني بمارس المهنة من ساعة ترخيص مزاولة المهنة أنا قلت أكتب اللي انا اجتهدت و عملته في موضوع الخبرة بالنسبة للدكاترة اللي خبرتهم في أماكن خاصة طبعا أنا عندي بطاقة ضريبية بس بعد ما فتحت العيادة بسنين هههههه و بالتالي بقالها سنتين تقريبا و مش ناوي أبعتها لحسن ينقصوا سنين الخبرة بناء عليها بس بصراحة أنا الشهادة البنكية هطلعها بالفلوس بس هضطر أسحب الفلوس بعد ما أعمل الشهادة .. هل دي ممكن تتفقس ؟؟ و بالنسبة لدفع الرسوم حد عنده فكرة ممكن أدفعها فين في مصر ؟؟ اخر حاجة التصوير حد يعرف استوديو مضمون في الموضوع دة ؟؟ و كمان حاجة أنا زوجتي محجبة ايه النظام في التصوير ؟؟ ********************************************* تقريبا انا حكيتلكم حكايتي دلوقتي عاوز أعرف أخبار الشباب ايه ؟؟ أكرم و بسملة و أليكس و عمرو السيد ؟؟؟ عملتوا ايه في الأيلتس و قدمتوا ولا لسة ؟؟ ان شاء الله يكون كله تمام و تسمعوا أخبار سارة قريبا تحياتي للجميع و اسف للاطالة :rolleyes:

أظن ان ترجمة الفيش من وزارة الداخلية في لاظوغلي يا ريت لو حد متأكد يقولنا

كل عام و أنتم جميعا بخير و رمضان كريم و بالتوفيق للجميع

هو فى ناس بتقول انه لازم كشف حساب لمده 6 شهور بس انا مش مع الراى ده لانى بردو هاعمل الخطاب واسحب الفلوس ومعظم الناس عملت كده كانت بتحط فلوس وتطلع الخطاب وبعدين تسحبهم وربنا يكرمنا بقى بالتوفيق شكرا جزيلا يا أكرم و ربنا يوفقك ان شاء الله بخصوص الموضوع دة....اللى مكتوب بالنص فى كتيب التعليمات bank certificate letter وده اول حاجة....أنا بعت شهادة أرصدة من البنك وسحبت منها بعد كده ...بس هحاول اكمل المبلغ تانى قريب للضمان...ولما نشوف اية اللى هيحصل بس للعلم...فيه ناس خلاص سافرت ومعايا كل الأوراق اللى قدموها وكانو مقدمين شهادة أرصدة بنكية فقط لاغير شكرا يا أليكس علي المعلومة و ان شاء الله بفكر أبعت شهادة بنكية و صورة عقد شراء شقة مترجم ... مش عارف هل دة ينفع و لا مالوش لازمة ؟؟

هو فى ناس بتقول انه لازم كشف حساب لمده 6 شهور بس انا مش مع الراى ده لانى بردو هاعمل الخطاب واسحب الفلوس ومعظم الناس عملت كده كانت بتحط فلوس وتطلع الخطاب وبعدين تسحبهم وربنا يكرمنا بقى بالتوفيق شكرا جزيلا يا أكرم و ربنا يوفقك ان شاء الله