شريف مان

العضو أبو محمد أيا كان الاسم ,,,, هل هذه الاجراءات الادارية ,, يتم تفصيلها وتطبيقها حسب الاهواء ؟ أظن أن الفارق بين الاستاذ عصام و ابو محمد المشرف ,,, هوالفارق بين تطبيق هذه الاجراءات فى الماضى وعدم تطبيقها الآن لما نتناقش أنا والمهندس تيمور وزهيرى والاستاذ اسلام ونبدأ نوصل لحلول وتدخل سيادتك تفسد الاتفاق وتقول هلتزم ومش هلتزم يبقى هدفك واضح ,,, أنت خفت من أتفاقنا !! لما تدخل واحنا بنتناقش عن احترام العلماء ورجال الدين وتقول .... الحوينى ....... هو الحوينى دا قاعد على القهوة اسمه شيخ أو على الاقل تحترم مؤهلة الدراسى وتقول استاذ أحجزلى مكان جنبك يا نايت يا خويا والله كان عندك حق ,,, خلصت ,,, ولن اشارك مرة ثانية فى المنتدى طول ما سيادتك واللى زيك موجودين ,, مش مستعد ان اتحمل ولو لجزء بسيط مسئولية المشاركة فى ترويج الفكر العلمانى وذيله الليبرالى والهجوم على كل ما علماء الاسلام وتغييب الدين وابرىء نفسى أمام الله من كل حرف كتبته ساهم فى نشر المنتدى فوتك بعافيه

لا طبعا الوقت ضاع فى كشف حقيقة البعض أنا كنت واثق أن 4 أعضاء هنا ,, هياحولوا بكل قوة , لافساد الموضوع والاستمرار فى الطعن فى السنة النبوية المشرفة دا رد لمشرف ( سابق ) فى المنتدى دى قواعد المنتدى ,,,, ياريت ابو محمد يشرحلنا ,,, هل المشرف عصام كان يتخد قرار ادارية (بمزاجه ) ولا قواعد المنتدى هى اللى بتطبق حسب أهواء وافكار بعض المشرفين ,,,,,,,,, ياريت الرد ميتحذفش ,, وياريت اشوف رد أبو محمد ,,,,,,,,,,,,,,

ياريت يا سيد سكوربيون تحدد النقاط اللى تم الاتفاق عليها حتى الان وأيضا النقاط التى مازلنا ننقاشها ,,, وياريت حضرتك تحذف المداخلات اللى ملهاش علاقة بالموضوع ,, شكرا مقدما

طيب يا استاذ اسلام , يعنى خالد شتم وماهر رد عليه حضرتك تشتم خالد ليه !!! ممكن نقفل الموضوع دا بقا ,,,, ونرجع للموضوع الاصلى

أستاذ زهيرى ممكن بعد أذن حضرتك لا تتدخل فى هذا الشأن ,,, دا موضوع خاص بالمسيحيين فقط لا غير وموجود معانا الاستاذ كامل صاحب الدعوة الصادقة ,, وكمان أغابى وغيرها من الاخوة المسيحيين وهم مش محتاجين محامى أو حد يدافع عن وجهة نظرهم هم لديهم القدرة للتعبير ع ما يريدون دون وصاية من أحد فليتفضل أحد الاخوة المسيحيين , ويوضح ماذا يريدون ؟ لنصل الى حل يرضى جميع الاطراف

ما أنا أول واحد طلبت من أغابى أنها تشارك فى الموضوع وكمان بعتلها على الخاص وكمان بدعوها لتشاركنا حاليا أو حتى الاستاذ كامل يشارك ,,, المهم أن يكون فى حد ممثل للأخوة المسيحيين ونتناقش ,,, وان شاء الله نوصل لاتفاق ,, يرضينا جميعا ياريت توضح النقطة دى يا سيد اسلام

بما أن الاستاذ اسلام أعطى تقييم موجب لاقتراح السيد سكوب يبقى وصلنا لنقطة اتفاق 1- ممنوع فتح أى موضوعات خاصة بمناقشة أى حديث ,, 2- ممنوع نقل أى مقالات تحتوى على نفس الفكر ,, 3- فى حالة ذكر أحد الاحاديث الموضوعة فى رد أى عضو ,,, تتم مناقشة ,, بشرط أن يكون الهدف من الموضوع آخر غير مناقشة حديث كدا تمام

حل ممتاز كامل بك ربنا يكرمك

هو مش دا كلامك بردو عن الشيخ خالد الجندى دا كلام مرفوض ,,,, ويجب أن تعتذر للشيخ خالد , ودا كلامك عن الاخوة السلفيين الكلام دا فيه تطاول ,, على الاقل من وجهة نظرهم ,, دا فكرهم وليس لك الحق فى اتهامهم بتغييب العقل ولو هتسمح بدا ,, يبقى بردو تسمحلهم بوصف من يخالفهم بمنكر السنة وبالجهل أحنا هنا فى المنتدى ,,, لو هتسمح لنفسك بأتهامهم ,,, يبقى تسمحلى أتهمك بالنيابة عنهم ,,,,,,, فى انتظار أعتذار حضرتك للأخوة السلفيين ,,,,,,,,,,,,,,,,,,,,, دا رد أحد المشرفين السابقين على موضوع من مواضيع حضرتك للحديث بقية بأذن الله

أزيك يا أخ اسلام , واحشنى أنا كنت مستنيك تحديدا تشارك فى الموضوع شوف يا أستاذ اسلام , أظن أنا قبل كده قولتلك أن مشايخ الازهر أنا أقدرهم جيدا وأحترمهم جدا وأظن أن الشيخ خالد الجندى اللى حضرتك أهنته أزهرى بردو !! أما اللى انت تقصده فدا مكنش شيخ , دا كان موظف حكومة !! وهو نفسه الدنيا كلها بكل أفكارها أختلف معاه ومع تصرفاته على العموم هو حاليا مش معانا ,,, ندعيله بالرحمه وطبعا كلمة جدع ,, مش أهانه يعنى ,, دا كان سيد الجدعان ,, بس على العموم أنا بعتذر له والله يغفرله ويرحمه بس أنا فى انتظار اعتذار صريح من حضرتك للأخوة السلفيين , لانك ذكرت أن الفرق بينك وبينهم أنك بتشغل عقلك دى فيها اسقاطات غير مقبولة , لا شكلا ولا موضوعا وقدرى أنى أدافع عنهم لانهم مش موجودين معانا !! ... وطبعا أنا فى أنتظار أعتذارك دى أولا نيجى بقى لثانيا : ودى مهمة جدا حضرتك 99 % من مداخلاتك بتطعن فى بعض الاحاديث ,, سواء أتفقنا أو أختلفنا , دى موضوعات خاصة بالمتخصصين فى علم الحديث ممكن يكون حضرتك دارس وفاهم , بس تتخيل كام واحد فى المنتدى دارس حديث !!! مظنش فى حد , يبقى المفروض حضرتك فى الحالة دى تناقش المتخصصين أو تبقى الحوارات اللى من النوع دا فى المنتديات المتخصصة وأهلا وسهلا بيك يا سيدى فى أى مناقشات أخرى ,,,, لان الكلام فى المواضيع دى تحديدا ,, ضررها أكبر بكتيييييير من نفعها ومش هتجيب غير المشاكل ,, دا حتى زهيرى باشا أتفق معايا فى النقطة دى

أيه دا يا باشمهندس ,,, هما الناس دول بيضحكوا زينا !!! هى دى المشكلة يا هندسة ,, أننا شغالين بمبدأ قالوله يعنى أخ عزيز معانا فى المنتدى ... ميعرفش شكل القنوات الدينية ,, هو نفسه اللى ذكر كده ,,,, وضدها على طول الخط ... طيب ليه يا حبيبى , أصلهم متشددين ,, طيب شوفتهم يا حبيبى , لا. بس حد قالى هى دى المشكلة ,,, وحتى أى حد بيدافع عنهم ,,, قابل بقى , دا بيقدسهم , دا بيعبدهم فى نقطة كمان ,, لو ركزت فى المقطع , هتلاقى الشيخ حسان كان دائما بينظر للشيخ يعقوب ,,, مش عايز يتكلم , أحتراما وتقديرا للشيخ يعقوب بحكم السن والعلم ,, مش عشان بيقدسه , ولا حول ولا قوة الا بالله ردك أدانى فكرة كويسة لموضوع ,, ربنا يكرم ونفسى تتفتح وأعمله

جزاك الله خيرا والف سلامة للشيخ محمد العريفى من الشيوخ الافاضل , ربنا يبارك فيه ويحفظه

متفق جدا مع كلامك مدام مصرية فهناك ثلاثة أنواع من رد الفعل 1- أننا نتفق معه و ذلك شيء نسبي و متدرج و لنتفق ان الدرجة الوسطى من التأييد دائما ما تكون هي المحمودة 2- أننا نختلف معه و ذلك أيضا شيء نسبي و متدرج و لنتفق أيضا أن يكون على الدرجة الوسطى 3- أننا في حالة متوسطة بين القبول و الرفض بمعنى أننا قد تعجبنا آراء و قد لا تعجبنا آراء و لنتفق هنا أننا نلتزم أيضا بإظهار الايجابي من كلامه و إبرازه و التغاضي عن السلبي و عدم تضخيمه وياريت يا أكرم لو معاك سيجار ماركة منبار .. عشان خرمان :P