طبيبة بالخارج

ممكن نبطل خناق الكام يوم دول بلاش كلام ديني بين طرفين إيمانهم مختلف و مهما يقول الطرفين و يعيدوا فتبدأ خناقة و بتخلص بخناقة نسأل السؤال الأهم ليه حشد المسيحيين لتأيد ترشيح شفيق (و منتدياتهم واضح جدا فيها الحشد الديني له) و ليه برضه مسلمين اختاروه؟ بلاش ندخل أنفسنا في كلام تجريحي و نعمل زي اللي بيخبط دماغه في الحيط هل حشد المسيحيين لانتخاب شفيق (و بلاش نقول كلهم أيدوه لأننا لا نملك المعلومات دي و أكيد في منهم ثوريين) بسبب حبهم للنظام السابق أم لخوفهم من الأخوان؟ لو بسبب حبهم للنظام السابق أو على الأقل رفض بعضهم للثورة من الأساس فده اتهام يشمل برضه الكثيرين من المسلمين اللي انتخبوا شفيق و لو بسبب خوفهم أو كرههم للأخوان فده شيء لن يتغير إلا بتجربة عملية (يعني تجربة حكم الأخوان و بعدين يقولوا احنا متأكدين) فيبقى في المرحلة اللي احنا فيها دي موقف من انتخب شفيق سواء مسلم أو مسيحي صعب التغيير لأن اختياره أتى من قناعة فكرية ثابتة و صعب تغييرها و إلا كان انتخب واحد ثوري لكن مش اسلامي من الآخر بلاش خناقات مفيش منها جدوى إلا الأسوأ و هو العند اعرض رأيك و الكل بيعرف يقرأ و عنده مخ

المستشار / أحمد مكي على قناة الحياة مع محمود سعد كان رده على نختار إزاي: قال: السؤال هو انت حتضرب النار على مين اللي ضرب أم اللي سكت؟ حتختار النظام السابق أم نظام جديد تخاف منه؟

.......!!!!!! إزاي يعني؟ خلاص الواحد بقه كده mfb: على كده ha)

على كده ( لا قدر الله) حتشاركي في جمعة استخراج الباسبور؟ المايك معاكي يا فندم :closedeyes: يوه صحيح ايه الغباء ده:blink: ما انتي فعلا بالخارج الله يعين اللي في الداخل يارب :sad: اللي في الداخل بدءوا يفكروا في تجهيز الباسبورات فعلا و واحدة منهم قالت على الفيس بوك: ما ينساش آخر واحد و هو مسافر يطفي نور المطار

خايفة يكونوا بيشوفوا ردود أفعال الناس على الاحتمالات المختلفة عشان يضبطوا نتيجة في الآخر تخدم مصالحهم و خصوصا ان الفروق بين المنافسين ليست كبيرة و لم يخرج كلام رسمي بالنتائج النهائية بعد و لسه تاتش لجنة الانتخابات بعد استبعاد لجان و اعادتها و استبعاد صناديق و هلم جر و يسربوا أخبار النتائج لتوقع ردود أفعالنا تفتكروا حاطين شفيق بعبع لنا زي ما عملوا مع عمر سليمان و خصوصا ان شفيق عمال يطلع تصريحات غاية في الغباء السياسي؟

برضه فيها مشكلة تشتت أصوات الثوار ما بين مرسي و صباحي و ده حيكون للأسف لصالح شفيق الا لو تنازل مرسي لصباحي أو بالعكس يعني برضه عمل تحالف سياسي و سيظهر من همه الحقيقي البلد أم مصالحه الشخصية

بالنسبة لي ان لا قدر الله نجح شفيق فستكون مشاركاتي من هنا و رايح في باب اعلانات بيع عقارات في مصر (للبيع و ليس الشراء) و لن أتعب نفسي بالكلام في السياسة مرة ثانية لأني سأكون آمنت بمنطق زوجي العزيز عندما قال لي قبل قيام الثورة " مفيش فايدة"

عزيزي الاستاذ أسد .. الاخوان يتصرفون من منطلق أنهم هم من أنجحوا الثورة .. وبالتالي فهم الأحق بقطف ثمارها .. والحق أن لهم جانبا من الصواب في منطقهم هذا فلولا كتلتهم البشرية الهائلة التي نزلت الميدان يوم 28 يناير.. ( والله أعلم بمدى مسؤوليتهم عن الهجوم على الأقسام ومراكز الشرطة وهو الأمر الذي أضعف الشرطة وقدراتها ) .. المهم أنه لولا كتلتهم الهائلة التي نزلت الميدان يوم 28 يناير لما تغير شيء في المشهد عن يوم 25 يناير .. أضف إلى هذا أن الإخوان يرون أنه منذ نشأة جماعتهم على يد حسن البنا في القرن الماضي لم يقتربوا من تحقيق هدفهم والوصول إلى الحكم مثل هذه المرة .. وهم يدركون أيضا أنه إذا ضاعت منهم الفرصة هذه المرة فربما لا تتح لهم مرة ثانية لا في القريب العاجل ولا في البعيد الآجل .. لذا هم على استعداد لفعل أي شيء من أجل عدم إضاعة الفرصة. هذا هو منطق الإخوان .. ومن أجل تحقيق هذا المطلب فانظر ماذا فعلوا .. 1- تخلوا عن وعدهم بعدم الترشح على أكثر من ثلث المقاعد بالبرلمان .. وحازوا على أكثريته وحازوا أغلبية لجانه أيضا. 2- مر علينا ما حاولوا فعله بلجنة تأسيس الدستور 3- دخولهم في سباق الرئاسة بعد أن تعهدوا عدة مرات بعدم فعل هذا .. بل ودخولهم بمرشحين واحد أساسه وآخر احتياطي. 4- تفصيلهم قوانين العزل .. من أجل إقصاء منافسيهم مستعينين بأغلبيتهم البرلمانية. 5- رفضهم الاستماع لنصيحة شيخهم الأكبر الدكتور القرضاوي .. ومنظرهم الفكري دكتور طارق البشري .. بدعم أبي الفتوح .. وسحب مرسي حتى لا تضيع الأصوات بين الاثنين. كل هذا فعلوه من أجل الوصول للحلم .. والآن وبعد أن انتهت المرحلة الأولى وجدنا العريان يقول عن عمرو موسى ( السياسي القدير ) بعد أن كان من يومين من الفلول .. ووجدناهم يتحدثون عن الثورة بعد أن كانت الثورة قد انتهت بالنسبة لهم وأصبحت الشرعية للبرلمان والاحتفالية كانت يوم 25 يناير الماضي .. فهم على استعداد لفعل أي شيء وكل شيء حتى لا تضيع منهم الفرصة.. المشكلة التي واجهتهم أن الشعب المصري في أغلبيته - أو على الأقل الجيل الكبير منه - تربى على أن ( الراجل بيتربط من لسانه ) .. وقد وجد أن هؤلاء ليس لهم لسان من الأساس.. وهذا ما جعلهم يفقدون كثيرا من الأصوات التي كانت أيدتهم في انتخابات البرلمان.. ومحاولتهم الآن للتحالف مع أبي الفتوح وصباحي هي آخر محاولة منهم لإنقاذ الحلم .. ولكن هل سيقبل بهم الشعب مرة أخرى .. أم أنه سيقول لهم قولة مرشدهم السابق الشهيرة ( طز ). سيدي الفاضل الأخوان أظن اتأكدوا ان شعبيتهم انخفضت بالفعل و نتيجة المرحلة الأولى للانتخابات توضح ده بالتأكيد يعني الاصرار على تأديبهم بصندوق الانتخابات خلاص وصل لكن اختيار شفيق في الاعادة هو تأديب ليس الاخوان فقط و لكن كل من قاموا بالثورة و حلموا بوطن حر و خيانة للشهداء نعم سيدي أوافق حضرتك تماما بأن الأخوان هدفهم دائما الوصول للحكم طبيعي جدا اسأل حضرتك أي حزب سياسي صغنن آآآآد كده في دول الغرب الديمقراطية حضرتك هدفك إيه؟ الرد 100% الوصول للسلطة و للحكم أمال إيه الهدف من قيام أي حزب؟ و اذا كان على مرشد الاخوان و الخوف منه أمال نقول ايه على مرشد شفيق؟

طبعا عزومة مراكبية الكلام ده مش عشان يغري الاخوان بقبوله لأ ده عشان الناس الطيبة اللي مصدقاه تقول شوفتم الراجل أهو كتر خيره حيعمل اللي معملهوش المجلس العسكري و الاخوان عايزين ايه أكتر من كده؟ اللي يصدق ان شفيق مش الوجه الآخر لمبارك يصدق أي كلام و خلاص

كلامكم مضبوط و إلا فدم شهداء الثورة في رقبتهم كلهم و أولهم الاخوان

لا يفيد الآن البكاء على اللبن المسكوب و لازم نظل لآخر لحظة مقاومين و الا نكون ثوار إزاي؟ المهم دلوقتي توحيد الصفوف و نبطل نقول مرسي مرشح الأخوان بل مرسي مرشح الثورة و اهدي اغنية "عواد باع أرضه" لمن رشح شفيق

بيقولك الثورة قامت عشان تشيل النظام السابق . . . . . و بعدين ترجعوا تاني بعد ما تنظف تحته

احساسي زي أيام الثورة قبل تنحي مبارك ................. مكتوب علينا نعيش الاحساس ده تاني على رغم تأييدي للاخوان لكن يظهر "أعجبتهم كثرتهم" زي ما حصل للمسلمين في غزوة حنين اذا ما لنا بد من الاعادة بين مرسي و شفيق فالامر لله وحده " قدر الله و ما شاء فعل" بالرغم من توقعي لأهوال من الثور الجريح (فلول الحزب الوطني) لأن أملهم بالقضاء على الثورة حيكون أقوى ما يكون لكن ربنا أكبر بحلم قانون العزل السياسي يتفعل و نبص نلاقي أحمد شفيق بح مفيش تفتكروا ممكن؟

بتتكلمي بجد في أرقام؟ يا رب لا تضع تعب الثوار انت عالم بالنيات و القلوب